في



الأخبار
أخبار السودان
جماعة "أبو حمزة" الجهادية تتوعد الأستاذ صلاح الدين عووضه‎
جماعة "أبو حمزة" الجهادية تتوعد الأستاذ صلاح الدين عووضه‎
جماعة
صورة لمجموعة من مليشيات حزب البشير في هجمة لتأديب طلاب جامعة الخرطوم


قالت إنها ستقتص من مريم يحي
07-22-2014 09:32 AM
تداولت مواقع التواصل الاجتماعي، مساء الإثنين، ثاني بيان لـ"جماعة حمزة"، التي تبنت الاعتداء على رئيس تحرير صحيفة "التيار"، وحمل البيان تهديدات لصحافيين آخرين، وتوعد بالانتقام من السيدة السودانية المتهمة بالردة، بينما اعتقلت السلطات السودانية أحد قادة "السلفية الجهادية".

وتوعدت "جماعة حمزة لمحاربة الإلحاد والزندقة" باستهداف كل من يتعاطف بالكلمة مع اليهود والنصارى، وحددت الكاتب الصحفي صلاح الدين عووضة "وآخرين كثر ممن ابتدعوا في الاخلاق تحت مسمى السياسة". وتابعت "وما طال عثمان ميرغني غيض من فيض".

واعتدى مسلحون ملثمون مساء السبت على رئيس تحرير صحيفة "التيار" عثمان ميرغني واوسعوه ضربا حتى أغمي عليه ونقل للمستشفى.

ووزعت الجماعة بيانا وسط الخرطوم، الأحد، وصفت فيه عملية الاعتداء على صحيفة "التيار" بـ"الجسورة"، وتوعدت العضو المنتدب لشركة سكر كنانة المقال محمد المرضي التجاني بإعتباره الممول للشيعة الرافضة بالسودان ـ.

وحذر البيان الذي حشد العديد من الآيات القرآنية والأحاديث النبوية الداعية للجهاد، "كل من يتجرأ على الله ويقف في صف اليهود ضد المجاهدين في حركة حماس" وزاد "لن نستثني حاكما أو محكوما يقف معهم، أو يؤيدهم بالكلمة أو المال أو النفس.. سنطال رؤوس كثيرة اينعت بالكفر ضد الله".

ووعت الجماعة بانها ستقتص من السيدة السودانية المتهمة بالردة عن الإسلام، بعد أن أسقطت المحكمة حكما بالإعدام ضدها أخيرا، وقالت "نعاهدكم أن نقتص للإسلام من المرتدة الفاجرة ونجعلها عظة لكل من تسول له نفسه المجاهرة بالمعصية".

إلى ذلك أفادت أنباء باعتقال السلطات للدكتور محمد علي الجزولي أحد قادة السلفية الجهادية ظهر الإثنين.






تعليقات 58 | إهداء 0 | زيارات 15194

التعليقات
#1064160 [معتز]
1.00/5 (1 صوت)

07-23-2014 09:42 AM
جماعة ابو الشيح ابو حمزة والله انكم رجال في زمن كتروا فيه اشباه الرجال ادبوا كل من ينال من عقيدتكم او يحاول يطعن فيها


#1064089 [كاسبر]
0.00/5 (0 صوت)

07-23-2014 05:56 AM
النار ولعت منو البطفيهااااااااااااااااااا


#1064078 [من السيسي امير المؤمين الى جماعة بني حمزة المكذوبي]
1.00/5 (1 صوت)

07-23-2014 04:46 AM
يا جماعة ابو العفين حركاتكم واضحة من زمن ابيض واسود والله لو كان طبختوها طبخة كويسة كان على اقل تقدير تخلونا مغبين في الموضوع كم سنة او كم شهر لكن عمايلكم دايماً وااااااااااااضحة بعدين مريم دي دخلها شنو في فلسطين ولا دايرين تدوها كوزين عشان تطمج حبة ؟ الموضوع مكشوف وروحكم طالعة طالعة واي حمزاوي عندو دين انا بعتقد انو يبدأ بالنظام الذي قدم تنازلات للنصارى وطلع مريم من الحبس مش كده يا عم حمزة ! بعد ما تقاتلوا المرتدين من النظام نحن بنقيف معاكم في صف واحد والله على ما اقول شهيد هو نحن بخوفونا بالموت ولا ما كده يا عم بخ يعني يا عم حمزة ، كل القوة القصر جوه عشان نطهر البلد من المرتدين المرقوا مريم من الحبس وما خلوا الشريعة تطبق عليها مش كده يا عم حمزة يلا نبدأ من بشه الجامل النصارى . وبعدين نشوف ناس عثمان مرغني وصلاح عوشة وناس الواقفين مع اسرائيل وعامليينها لينا غزل سياسي


#1064001 [نص صديري]
0.00/5 (0 صوت)

07-23-2014 12:04 AM
في اخبار قضية مريم بموقع الراكوبة هنا ستجدون تعليق باسم خالد هدد فيه بالحرف الواحد انهم يمتلكون اربعين سيارة دفع رباعي ويجوبون حاليا العاصمة !!! واشار في بعض التعليقات ضمنيا علاقته بالامن
وعندما زرزرناه بقي يهدد هل لهذا المتطرف علاقة بهذه الجماعة؟؟؟؟؟؟؟خاصة بعض التعليقات هنا في هذا الموضوع مريبة وواضحة!!


#1063980 [منشى]
4.75/5 (3 صوت)

07-22-2014 11:22 PM
هووى يا مدعى الاسلام نحن لو قمنا بشغل الدغمسه اللى بتعملوها دى بترحلوا كلكم للجزيره العربيه بلاش تهديد للسودانين من قبل مرتزقه ما عارفينهم جايين من وين ما فى سودانى كح عندو العاده الجبانه دى , الرجاله وجه لوجه مش تتلثموا و تتغطوا بعربات الحكومه و بسلاح الحكومه وتهددوا كمان انتو فى مقابل الاقلبيه العظمى للسودانين عباره عن حفنه نفطر بيكم قبل ما تتعشوا بينا .... فى زول بيقدر يهدد السودانيين فى عقر دارهم يا اوهام . يا ناس الاحياء خلوا عيونكم على المخربين و اى زول شفتو ما راكب عدلوا بس خطوا علامات على منازلهم و خلوا الباقى لاهل البلد .


#1063975 [ود كترينا]
5.00/5 (3 صوت)

07-22-2014 11:13 PM
***ده ما (تنظيم حمزة للدعوة والجهاد)...لا...لا...ده اسمو (تنظيم حمزة للدكوة والجداد)!!!


#1063974 [ود كترينا]
5.00/5 (3 صوت)

07-22-2014 11:10 PM
***...(...إلى ذلك أفادت أنباء باعتقال السلطات للدكتور محمد علي الجزولي أحد قادة السلفية الجهادية ظهر الإثنين....)...انتهى
***هو ده...أيوه ده الحب الحقيقى...هو ده...أيوة ده الحب الحقيقى!!!


#1063949 [شموس البلد]
4.88/5 (4 صوت)

07-22-2014 10:06 PM
نظريات المؤامرة؟..الجماعة ديل ما من ناس الامن....
ده شغل الجماعات الجهادية انتو قايلينهم قاعديين يجاهدو صحي صحي,,, يضربو ده ويغتالو داك ويطبقو الشريعة فجاة في فلان,,,, وكلو تصفية وحسابات مصالح شخصية واي زول ممكن يمشي ليهم يتبرع و يقول ليهم فلان تزندق وهم بيتمو الباقي على شرط الزول ملتحي ومقصر.... ولو القروش كتيرة ممكن تكون ما متدين او ما مسلم حتى.....


#1063912 [ودالعمدة]
5.00/5 (1 صوت)

07-22-2014 08:16 PM
يا اخوان خليكم من فلم ابوحمزة الهندي بالعقل كده : من يملك سيارات الدفع الرباعي داخل العاصمة !!!!من يعتدي علي الابرياء وهو ملثم ومسلح !!!! من لغته لا تشبه لغة السودانين واتي به من مالي وتشاد والنيجر !!!! من يملك السلاح ويستطيع ان يدخل به الي قلب الخرطوم والاعتداء علي الابرياء وارهابهم من غيرمسألة من بشر !!!! من يملك مسلحين وعربات دفع رباعي من غير لوحات !!!! من اللذي يديه ملوثة بالدماء ولا يحترم القانون ولا يخاف الله وهو القانون والحكم ........والجلاد "بالمجمجة" !!!!من سلطته صارت فوق سلطة بشبش وزمرته وقواده وصحفيه ومدنييه ورؤساء احزابه وجاثم فوق ظهر الخرطوم !!!!!من اللذي يملك المليشيات اللتي قتلت الابرياء في مظاهراتهم السلمية ووظيفته الان حراسة امن المواطن وعاصمته الحضارية !!!!.....من يقوم بتلك الافعال الدنيئة لا يقدر ان يفعل ذلك الا وضهره محمي بالقوة القاشمة من الامن اولا ومن المليشيات ثانيا ومن شخصيات في الانغاذ قائدة لهذ المليشيات وافرع الامن اسم الدلع الجديد لها ثالثا ......لا تنخدعوا ......


ردود على ودالعمدة
Sudan [nagatabuzaid] 07-22-2014 09:59 PM
ممكن يكونوا هم ذااااااتهم ناس ابوحمزة تحت اشراف الحكومة وامنها ومساعدة جنجويدها وكلهم مع بعضهم كدة يكوموا لينا الجن الكلكى اللابس ملكى


#1063905 [Hassan Ramadan koul]
0.00/5 (0 صوت)

07-22-2014 08:03 PM
ديل مجموعة ( داعش) السودان ولا شنو؟ والله البلد خربت الي ما لا نهاية و لن يقوم له قايم
الي يوم قيام الساعة..شنو كل عشرة انفار يعملو ليهم عصابة تحت اسم معين و يخرشوا بدون
رقيب او عتيد..والله يا الجبهجية دخلتوا التاريخ من اوسع ابوابه بفتح الباب لكل مجرم يستغل اسم الدين ليعيش فسادا في الارض الطاهرة..ارض الاجداد الاحرار..ارض كوش و بعانخي..ملعون ابوكي بلد


#1063818 [ZA HAGAN]
0.00/5 (0 صوت)

07-22-2014 04:36 PM
I f you beleive in God you dont kill innocent . The prohet ( pbuh) wasnot like that why are you ? you have to question yourselfe why are you so angary and misrable to that extreme ?


#1063797 [فاروق بشير]
4.75/5 (3 صوت)

07-22-2014 04:06 PM
منذ فترة والانقاذيين يرون فى الفوضى وفقدان الامن مخرجا لهم, ومهربا. وهاهم يجدون فى صنعه.


#1063794 [ابو سارة]
5.00/5 (4 صوت)

07-22-2014 04:03 PM
حركات أمن بس - كذابين وتهديد أجوف - والله أنكم أجبن الناس وأخوف الناس وأحرص الناس علي الحياة الدنيا - لو كنتم رجال فعلا ( خليك من مسلمين - لأنو أنتو بعيدين عن الاسلام ) لو كنتو رجال اولاد رجال ما بتجو عشرين مدججين بالسلاح وتضربوا انسان أعزل - لكنكم لستم برجال والله العظيم - ووالله العظيم لو نقابلكم بالسلاح فسوف تولوا الأدبار لابسين برقع نسائكم يا كفرة يا فجرة يا فسقة - والرسول صلي الله عليه وسلم وصفكم وقال أن قتلكم يدخل الجنة وقال والله لو أدركتهم لأقتلنهم قتل عاد - أنتم لا تعرفون غير الغدر والتفجير والتفخيخ ولكنكم لا تواجهون الناس كالرجال يا كلاب جهنم تفوووووووو .


ردود على ابو سارة
Sudan [جلد الفيل] 07-22-2014 06:56 PM
تمام تمام يا أبا سارة ... عدلت لينا المزاج المايل .. كتر خيرك ... شوف جماعتك ديل كتيرين منهم تاريخهم الأخلاقي {وربما حاضرهم أيضا} منحرف وكانوا ينامون على بطونهم .. رجالة واحدة ما عندهم .. بس يكونوا هم 100 وشايلين أسلحة وإنت براك وأعزل .. هنا بيعملوا ليك رجال .. ما تخاف منهم يا ود عووضة وحبذا لو سويت ليك مسدس .. البجيك ت...ك أم حلته ويا ما حتسمع واي واي ... ألف تفوووووووو عليهم


#1063788 [احمد]
5.00/5 (4 صوت)

07-22-2014 03:51 PM
هذا ناتج طبيعي لعدم سيادة القانون والمحسوبية التي انتهجا الكيزان في ادارة الدولة وتنظيم المليشيات وابعاد القوات النظامية واستبدال الشرطة بالامن ونتج عنه جماعات مثل جماعه ابو حمزة وحمزة المقصود الصحابي الجليل وعم الرسول صلي الله علية وسلم ام حمزة اخر لا اعرف ولكن اذا كان المقصود اسد الله حمزة رضي الله فهولاء ليس لهم علاقة بهذا الصحابي الجليل الدين الاسلامي دين سلام ودين رحمة وليس قتل وفوضي وهوس شوهه الكيزان وامثالهم من المتاسلمين فهل حمزة كان من الذين يتهجمون علي العزل ويضرب ويقتل ويجري لا والله حمزة كان يقاتل وهو مكشوف الوجة ومعروف الهوئية ولكن ان تضرب وانت ملثم وتجري وتختبي هذا شغل عصابات -وسيعلم الذين ظلموا اي منقلب ينقلبون - اللهم انا نعوذ بك من مثل هؤلاء الذي شوه دينك وقتلو وسفكو الدماء باسم الاسلام فخذهم اخذ عزيز مقتدر بركة هذا الشهر الكريم


#1063787 [Majour]
5.00/5 (4 صوت)

07-22-2014 03:50 PM
الخرطوم !!!! الخوف والخوف ان ينفرط العقد فى عز الهجير, من شب على شئ شاب عليه,ومن استخدم السيف فى غير مكانه مات به, خمسة وعشرين سنة ومن قبلها سنين والخرطوم تشحن الارهاب والعنف جنوبا وغربا وشرقا ومن كانوا يطبلون للعنف والارهاب سابقا صارو اليوم ضحاياها والحبل على الجرار, بالله بس واحد صحيفي من نفس الرجرجة فى صحيفة صفراء إتلمس قامت الدنيا ولم تقعد لايه لانه خرطومي والالف الاطفال والنساء يرمى على رؤوسهم القنابل بالطيران جنوباوغربا.أن الايام دول بين الناس.


#1063758 [حمزة]
4.63/5 (6 صوت)

07-22-2014 03:24 PM
والله يا جماعة الناس ديل لا جماعتي لا بعرفهم دايرين يتلصقوا ساااااااااي


ردود على حمزة
Sudan [اخ تقرصو] 07-22-2014 09:46 PM
صدقت ياحمزة ديل جماعة طه سليمان البطقم مع مايكرفونو

Sudan [موردة نفر نفر] 07-22-2014 06:33 PM
احى الحر ياحمزة
بقيت تجر واطى


#1063756 [مسطول]
5.00/5 (4 صوت)

07-22-2014 03:21 PM
قالوا جماعة حمزة !!!

يا ربي يكون حمزة عوض الله ؟؟


#1063748 [ِAburishA]
0.00/5 (0 صوت)

07-22-2014 03:17 PM
في يومها قلت هذا بيان (عملي) لمن يتوهم بان هناك قليل من حريةالرأي او يتوقعها.. ان ما حدث هو بيان لاسكات الاقلام الحرة وكسرها وخنق صوتها وكتمه.. قلتها وبصريح العبارة بأن ما حدث لعثمان ميرغني معناه.. الكلام ليك يالمطير عينيك.. يالطاهر ساتي وعووضة.. وقد صدق حدسي فهاهو عووضة يتلقى انذارا صريحا يفوق مرحلة الشك..
**** غايتو توقعاتي ما بطالة... بنفع مع ناس الاف بي آي...


#1063744 [قرفان من الكيزان]
0.00/5 (0 صوت)

07-22-2014 03:13 PM
جماعة ابو خيبة البلطجية .. اثبتوا للناس رجالتكم واصلوا راس الأفعى و الفساد و اخوانه .. لو انت رجال ضد الزندقة


#1063733 [محمد سعيد]
4.19/5 (8 صوت)

07-22-2014 02:59 PM
عاشت اسرائيل وستين الف داهية تخمكم انتوا وحماس
اما مريم فلها سفارة وحكومة تحميها يا وسخ يا قرف


#1063727 [العقيد]
0.00/5 (0 صوت)

07-22-2014 02:56 PM
عجبني. ليكم ،،،،علشان ،،،تاني ،،لما ،،قلنا ،، آلبي حصل ،،في ،،سوريه ،،هولاء ،،عصابات ،،مكان ،،واحد ،،مصدق ،،،حتي ،، الصحافي ،،الذي ،،ضرب ،،،يشيل ،،يمدح ،،،في الثورات ،،،لما ،،،جاءت ،،لعندك ،،ولسه ،،،لم ،،تروا ،،شيء ،،كل ،، العذاب ،،، الذي ،،تعذب ،،به ،، الشعب ،، السوري ،،و العراقي ،،و اليمني ،،،ات ،،إليكم ،،،،،علشان ،،تعرفوا ،،ان ،الله ،،حق ،،ولا تظلموا ،،الشعوب ،،بدعاء كاذب ،،باسم ،،الديمقراطيه ،،،اهو ،،،وصل ،،او ،،سوف ،،يصل ،،لا محال ،، إليكم ،،من ،،ليبيا ،،او ،تشاد ،،،،،انتظروا ،،،،فقط ،،


#1063724 [حرباشة]
5.00/5 (3 صوت)

07-22-2014 02:52 PM
كدا انا اتأكدت انهم الامنجية المعفنين العاملين المسرحية دي كلها

قال جماعة ابو حمزة قال
الكلام دا تقولوا لي زول ما ساكن في الديم


#1063712 [خالد حسن]
5.00/5 (3 صوت)

07-22-2014 02:36 PM
جهاز كلاب الامن قايل نفسه ذكي
ناس راكبين عربات جهاز الامن وملثمين ياهم نفس الناس الجبتوهم وقتلوا الاطفال والشباب في انتفاضة سبتمبر
لانه القتل والتكفير دي اشياء دخيله علي الشعب السوداني
واذا اشعلتوا النار ياكيزان فانتظروا انها تحرقكم .. والشعب اكثر واقوي


#1063699 [حموري]
0.00/5 (0 صوت)

07-22-2014 02:17 PM
مريم يحي تم تبرئتها و اخلاء سبيلها عن طريق محكمة الاستئئاف التابعة للمؤتمر الوطني و بتوجيهات صارمة من القصر الجمهوري باطلاق صراحها --- ذلك بعد ان رفع الغرب العصاة في وجه الانقاذيين و طالبهم باطلاق صراحها فورا و عدم المساس بها -- مريم يحي ما عندها قضية هي رأت ان الدخول الي الجنة اسهل عن طريق المسيحية
اولاد حمزة يا خيابا لو عندكم رجالة عايزين نشوفها في تفجيرات داوية في القصر الجمهوري جيث يوجد المنبطحين و المنبرشين و المنفذيين لتوجيهات النصارى .


ردود على حموري
Saudi Arabia [السنجاوي] 07-23-2014 04:15 PM
يا حموري القصر الجمهوري ده حقنا جميعاً وإرث تاريخي يجب المحافظة عليه ومهما طغى هؤلاء وتجبروا لا شك أنهم ذاهبون
ولجماعة حمزة فلاحتكم في مريم يحيى بس!!!!!
غزة تناديكم روحوا جاهدوا هناك ودمروا الكنيست واليهود الكفرة


#1063683 [jimi]
0.00/5 (0 صوت)

07-22-2014 02:06 PM
يا داعش السودان يا جماعة ابوحمزة يا شلة من الجبناء والباطلين وانصاف الرجال
خمسو او اكثر منكم مدججين بالسلاح في مواجهة شخص واحد
ابقو رجال
امشو اقلعو طرحكم وتعالو
وواجهو راجل للراجل


#1063679 [حسكنيت]
5.00/5 (5 صوت)

07-22-2014 01:57 PM
أشك فى أن جماعة حمزة هى جماعة وهمية للتغطية على بعض الجرائم التى يرتكبها جهاز الأمن ومن ثم إلصاقها بجهة وهمية...فكل الدلائل تشير إلى أن الإعتداء على الأستاذ عثمان ميرغنى ، قام به جهاز الأمن لا غير ولأسباب لا علاقة لها بفلسطين ولا بالجهاد ولا بالله أكبر


#1063670 [Jakoma]
4.94/5 (5 صوت)

07-22-2014 01:44 PM
اضربوهم بنفس سلاحهم بدلا من الضوضاء التي نحدثها،هذه رسالة للغرب من غربان الانقاذ.نحن او الهوس الديني..الانقاذ تقلصت سلطتها واصبحت في الخرطوم مثل غزة حماس،،اثرياء الانقاذ سيدفعون ثمن تخبطهم،السلاح اكثر وفرة من الغذاء في العاصمة


#1063667 [تعليق]
5.00/5 (7 صوت)

07-22-2014 01:40 PM
ههههههههههههههههههههههه والحكومة تقول لو سقطت الخرطوم حتفقد الامن ههههههه اه هسي مش فاقدة الامن وجوه قلب الخرطوم يعني كلامهم مين البديل طلع وهمة ساكت .. دي لا جماعه أبو حمزة ولا شي دي الحكومة بي سلاحها وبي عرباتها في قلب الخرطوم
تأني قولوا البديل منو ....حكومة ترهب شعبها دي قمة انحطاط تفكير الاخوان المسلمين ؟؟؟؟ غسان دا مانهب المال العام والمخدرات في بورسودان وناس سرقت سودانير والاقطان لي ما واعدتهم بالويل ....ظاهر انهم هم من الامن او الجنجويد ؟؟؟؟ ملثمين وسلاح وعربة ؟؟؟؟؟


#1063660 [مجروس ق ش م]
5.00/5 (5 صوت)

07-22-2014 01:33 PM
ينلع ابو النميري الذي مكن الاخوان المسلمين في اخر أيامه واعدم الشرفاء والوطنين اسأل الله اي جريمة يرتكبها تجار الدين تكتب له في ميزان سيئاته


#1063633 [وحيد]
5.00/5 (8 صوت)

07-22-2014 01:16 PM
جهاز امن الكيزان يصفي حساباته مع الذين يكشفون الفساد


#1063631 [صبري فخري]
4.75/5 (8 صوت)

07-22-2014 01:15 PM
ا
أسد علي وفي الحروب نعامة .... من صفات الخوارج انهم يقتلون المسلمين و يتركون الكفار ... الا يكفي اساءة البشير للأسلام ... نحن ناقصين ...
ما كان العنف في شيء الا شانه... عووضه لا يحمل سلاحا ولا يرفض الحوار ... ما تقومون به ليس له أصل من الدين ... 0123652351


#1063615 [Ali]
5.00/5 (9 صوت)

07-22-2014 01:06 PM
همزة تنظيم من صنع الكيزان الغرض الاساسى منه التغطية على حادث عثمان ميرغنى الذى هو عبارة عن تصفية حسابات بين التيارات المنتافسة داخل الجبهة الاسلامية فمعروف صلة عثمان ميرغنى بعلى عثمان محمد طه فهذه رسالة لعلى كرم الله بتاع القضارف قال اكثر من كدا. هذا من ناحية اخرى توصيل رسالة تهديد مبطن لبعض الصحفيين مثل صلاح عووضة و الشخصيات المعارضة و محاولة ترهيب المواطنين بعد ان افصحت الحكومة عن خطة لزيادة اسعار المحروقات. بالاضافة لهذا الانقضاض على بعض قادة الجماعة المتطرفة لانه امريكا ادتهم العين الحمراء و قالت ليهم سوف تسن قانون لتفتيش البنوك السودانية لانهم فكوا عناصر خلية الدندر. الجماعات المتطرفة مثل محمد عبد الكريم و غيره تمارس نشاطها بمباركة الحكومة و معرفتها عشان الافضل انه الناس تتجاهل مثل هذه الفرقاعات الاعلاميةز


#1063602 [hashim]
4.63/5 (10 صوت)

07-22-2014 12:56 PM
باين عليهم امنجيه البشير ، البيان قال عن نفسهم المجاهدين السابقين يعين اما ان نقف مع صعاليك فلسطين او ان تقتلنا مليشيات امن البشير ، طيب طز فيكم وفي صعاليك فلسطين ونحن نقف مع اسرائيل .


ردود على hashim
[السفير] 07-22-2014 03:11 PM
وانا اضم صوتى لصوتك يا هاشم....فلتحيا اسرائيل.


#1063569 [kaaaak]
5.00/5 (8 صوت)

07-22-2014 12:27 PM
ما في جماعة و لا حاجة ... ديل امنجية البشير بصفي بيهم حساباته و يرعب بيهم الناس


"مصدر مسوؤل"


#1063542 [فانطاو]
5.00/5 (5 صوت)

07-22-2014 12:06 PM
كانوا وين عندما ضربت اسرائيل مصنع الذخيرة في الخرطوم؟ سياسية عينك في الفيل وتطعن في ظله، بس الله ستر البشرية ماذا كان سيحدث لو كان رئيس مصر المخلوع في السلطة وقامت حرب غزة الحالية بالأضافة الي داعش في العراق وسوريا وما نوعيت الأسلحة الممكن استخدامها في هذه الحرب؟ ولكن نشكر الله لأنه جنينا الشر والله قادر ان يحمي الشعب الفلسطيني من اسرائيل ونرجو السلام العاجل لنا في السودان وأيضا في فلسطين وفي العالم لماذا يصنع الأنسان أسلحة بثمن غالي وهو جوعان؟ ويشتري أسلحة لقتال اخوته هل هذه الأرض يضيق بنا سكنا فيها بود واحترام؟ الأنسان أمره عجيب يخزن ثروات ضخمة لنفسه ولكنه يموت ويترك كله ما يملكه للاخرين ولا يستفيد شئ انظروا كيف يموت ناس بالجوع وناس لهم أمال في ماليزيا مثلا وكأنهم يعيشون ابدا. ....


#1063541 [عميليق]
4.99/5 (7 صوت)

07-22-2014 12:06 PM
هم ديل فاكرين نفسهم شنو والله الشعب السودانى كلهة مسلح وارجل مننا مافى وكن رجال يا جماعة ابو حمزة تعالوا سووا لخابيطكم دى عندنا فى الغرب عشان نوريكم المكشن بلا بصل بلا قلة ادب لقيتو الجلابة ناس مساكين طالقين ايكم فيهم لكن والله كن دايرين الموت تعالوا هنالك وخلو شغل الحريم بتاع الاعتداء على العزل انتوما تحارب من يحمل السلاح ما ياها الحركة الشعبية ما تحاربوها ولا دا شغل امن انا اشك فى انو فى الموضوع فى دغمسة.


#1063535 [كيس موز]
4.96/5 (8 صوت)

07-22-2014 12:02 PM
انتو يا ناس الظلامية الفكرية المرتدة ذنبهاشنو انتو ما تمشو لناس المحكمة الاسقطت منها التهمة وادبوهم انتو ما شايفين الفيل انتو ما رجال ومجاهدين لابدين ورا النقاب مالكم ذي النسوان


#1063533 [حمدي]
5.00/5 (9 صوت)

07-22-2014 12:01 PM
( جماعة حمزة ) هي احدي اذرع جهاز الامن لتقوم باعمال البلطجة لتخويف و ارهاب الشرفاء و تكميم الافواه و كسر الاقلام و العودة بالسودان الي القرون الوسطي و مخاكم التفتيش ---- هذه عواقب الزج بالدين في السياسة ---- و مثل هذه المجموعات الارهابية ستحيل حياة السودانيين الي جحيم .
شهادات الصحفيين الذين تم الاعتداء عليهم في مكاتب صحيفة التيار -- افادوا بان المهاجميين كانوا جنجويد ( اللهجة و طريقة المخاطبة )--- سيرتكب جهاز الامن العديد من الجرائم البشعة و ينسبها الي جماعة حمزة الارهابية ( الوهمية )
دولة تمارس و ترعى الارهاب ضد مواطنيها غير جديرة بالبقاء و نكانها مزبلة التاريخ .


#1063532 [ahmed]
5.00/5 (4 صوت)

07-22-2014 12:00 PM
و الله خايف بعد خمسة سنوات فقط البلقوهوا بصلي في بيتهم يقتلوهوا بعد ما شفنا الكيزان عملوا شنو بإسم الدين . اللهم إني صائم .


#1063519 [سوداني موجوع]
5.00/5 (4 صوت)

07-22-2014 11:47 AM
قسما بالله يدوني البلد دي اسبوع واحد بس انضفها ليكم من المهوسين دبل ما اخلي فيهم واحد لافي يا خي شنو البلد الهاملة دي مافي حكومة توقف المهازل دي ؟؟؟ المفروض يتمسكو ويتعدمو في ميدان عام


#1063513 [بت ملوك النيل]
4.50/5 (5 صوت)

07-22-2014 11:41 AM
أين هيبة الدوله؟؟؟؟؟

اذا كان كل مجموعة صعاليك ممولين من الحكومه (لابعاد الشبهه منها) يصدروا البيانات و يهددوا كمان

اذن مافى حكومه

مافى دوله

مافى سلطه

الفوضى اصبحت عامه

كل زول ياجماعه بعد ده يحمى نفسو

البلد انتهت خلاص

الفاتحه لروح السودان السمحه


#1063510 [عبدالكريم الاحمر]
5.00/5 (4 صوت)

07-22-2014 11:38 AM
لعنة الله عليكم
الطريق معبد الى اسرائيل منتظرين شنو يامعتوهين


#1063508 [اسد]
5.00/5 (3 صوت)

07-22-2014 11:37 AM
كلام فارغ، هذه بيانات لابعاد التهمة عن الفاعل الأصلي، ايه الكلام الفارغ ده تقتص من مريم ، ومندوب كنانة، وعثمان ميرغني، احيانا يخيل اليك ان مثل هذه الاخبار مقصودة حتى ينقطع قلبك او ينشق رأسك. موضوع عثمان واضح لا علاقة له بغزة الأمر يتعلق بالفساد والارهاب.


#1063505 [mada1966]
5.00/5 (1 صوت)

07-22-2014 11:35 AM
خﻻص با موية وكملت.
قالو دار ابوك اكان خربت شيلك فيها.عود.
الله يحلحل العقد.الهواها مكتم


#1063503 [rashed]
0.00/5 (0 صوت)

07-22-2014 11:33 AM
والله دا كلام غريب بدت كده بعد شوية حيكون ف عربات مفخخة و قناصة ههههههههههه سودان اكثر مما تتوقع


#1063502 [زول وطني غيور]
3.50/5 (2 صوت)

07-22-2014 11:33 AM
عندما يغيب العقل والمنطق يصبح كل شئ جائز وممكن ، بإسم الدين يتم تصفية الخصوم السياسيين!! وبإسم الدين يتم سجن وإعتقال الخصوم السياسيين !!ولكن الخطير في الأمر لم يعد هنالك مجال للتسامح ولا لحرمة الدم ، للأسف سيكون القتل أمرا مشروعا في بلادنا التي لم تعرف فوضى القتل إلا في عهد الإنقاذ ولم تعرف تفشى الفساد إلا في عهد الإنقاذ ولا أدري ما هي العلاقة بين فوضى المال وفوضى القتل ؟؟ هل الدين عندهم مبررا لما ليس له مبرر!!


#1063500 [hussein musa]
5.00/5 (1 صوت)

07-22-2014 11:32 AM
انتوا لو عندكم رجولة وشجاعة ما بتغطوا وجوهكم زي الحريم ورونا انتوا
منوا عشان نعرف نتعامل معاكم...بعدين الاعيب الاجهزة الامنية دي
ماعلينا نحن...العبوا غيرها..


#1063470 [Abdo]
3.88/5 (5 صوت)

07-22-2014 11:10 AM
من الأفضل ان تمشوا تجاهدو في غزه ، أو جاهدوا المفسدين في أرض السودان اكلة مقدرات البلاد و تدمير الإقتصاد ، شوفو ليكم شغله بلا وهم ، إنتو جناح امني يستعمل عند الحاجة لإشعار الناس بالحوجة للحكومة و حمايتها ،،،


#1063460 [الشمالية]
5.00/5 (4 صوت)

07-22-2014 11:00 AM
الذين يقومون بمثل هذه الاعمال الاجرامية باسم الدفاع عن الدين يجب ان يردعو بالاعدام والصلب في الساحات العامة


#1063446 [شبتاكا]
4.82/5 (7 صوت)

07-22-2014 10:53 AM
الظلاميه الفكريه والشذوذ عن السلوك الطبيعى درجة من درجات الانحطاط عند الكادر الاخوانى وبما انهم لا يستحون تفتقت عقولهم الخربة لتدبير هذا الحادث البشع والتهديد والوعيد بتكراره على خصومهم فى كل المستويات وسلطة الفساد المتربعة على عرش هذا الوطن كرصيفاتها من الدكتاتوريات هى الراعى الوحيد لهذه المجموعات المشوهة نفسيا و عقديا وهم يعيدون تجارب اورباالقرون الوسطى عندما انحطت شعوبها ومحاكم التفتيش التى يقيمونها من تارة الى اخرى وجرائم التنفيذ التى يرتكبونها الان يتم استخدامها من قبل النافذيين لتصفية الحسابات ودور ميرغنى فى اثارةعناوين بسيطة جدا من كتاب الانقاذ الاسود فى الفساد اضرم نيران الحقد الدفين وتحينو كارثة غزة والتعاطف الطبيعى ضد سلطة الكيان الصهيونى وهم خدمه الحقيقيين لتجريم اراء طبيعيه ممكن ان ينطق بها اى انسان وقابله للاخذ والرد والرجل طريح الفراش لم تتورع نائبة مجلسهم من ان تشذ عن السلوك الطبيعى للمراة بالتعاطف مع دمائه المهدرة وعمدت الى اخراجات شاذه تنم عن كنها مع جوقة من كتاب جهاز امن الجنجويد
ليعلم مروجى فزاعة الظلاميه الجهادية وبدرجاتها المختلفة والتى تتحكم فى مفاصل اشلاء هذا الوطن لربع قرن من الزمان باننا لا نخشاكم ابدا ونحن على يقين بهشاشة نظامكم الفاسد وركاكة عقولكم الخربة والشاذه وحواء السودانية بت القبائل والده وشرفاء بلادى اصحاب العقول النيره كثر ولحظة سقوطكم المدوى حانت وسبتمبر العاصف سيعاود من جديد لاقتلاع كل جزور العفن


#1063442 [يا للحظووووووووظ]
5.00/5 (6 صوت)

07-22-2014 10:50 AM
وزاد "لن نستثني حاكما أو محكوما يقف معهم

كذابيين منافقين والله ماتقدر تلمس شعر من الحكام فى فجور اكثر من الحاصل فى السودان الناس ماتو بالجوع انت شبعان مالى كرشتك تضرب وتروع الامنين


#1063434 [alia]
5.00/5 (1 صوت)

07-22-2014 10:41 AM
والله دا كلام خربت خلاص ياالكيزان بقينا زي العراق


#1063417 [الاشعرى]
5.00/5 (3 صوت)

07-22-2014 10:26 AM
ديل متخلفين وجهلاء ومن هو همزة هذا


#1063398 [كتاحة امريكا]
3.50/5 (3 صوت)

07-22-2014 10:07 AM
الذين يحكمون السودان


1- البشكير واخوانة وجماعته


2- داعش ليمتد السودان


3- جماعة محاربة الالحاد والزندقة


4- حميدتي ومجموعته


5-


#1063396 [Lord]
0.00/5 (0 صوت)

07-22-2014 10:05 AM
والله دا كلام طيب يعني جماعة حمزة دول بحاربوا الملحدين والكفرة الفجرة من السياسين والصحفيين من الشعب السوداني في الخرطوم والله نحن دوقنا الحرب اكثر من عشرة سنوات والان جاء دور ناس الخرطوم عموما شدو حيلكم يا ناس الخرطوم من الجماعة دول (سنطال رؤوس كثيرة اينعت بالكفر ضد الله").


#1063392 [سيد الاسم]
4.00/5 (1 صوت)

07-22-2014 10:03 AM
هذا مرض خبيث استورده بعض شذاذ الافاق من سقط المتاع والمهوسين السودانيين ، استوردوه من السعودية ودول الخليج.
ان السودان ، برغم حكومته الضالة الفاسدة ، له تراث عظيم في التسامح واحترام كل الاديان ولذلك يحاول هؤلاء المهوسون التعدي على هذا التراث الحضاري.علينا جميعا ان نقف صفا واحدا لاجتثاث هذه الفئة المسعورة من بلادنا قبل فوات الاوان.


#1063388 [أبو زهانه.]
4.69/5 (5 صوت)

07-22-2014 09:56 AM
الكيزان جاطوها
الله يرحمك يا،،،وطن
ديوك العده دمروك.


#1063383 [زولة]
4.50/5 (2 صوت)

07-22-2014 09:48 AM
داعش السودان !!!!!!!!!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة