الأخبار
منوعات سودانية
الفنان عصام محمد النور: لعبت مع النقر وكوري وأتدرب الآن مع البرنس والعجب
الفنان عصام محمد النور: لعبت مع النقر وكوري وأتدرب الآن مع البرنس والعجب


07-22-2014 11:19 PM
الخرطوم – نصر حامد

عصام محمد نور, فنان صاحب صوت رائع يتقطر عذوبة, قدم أعماله الخاصة فوجدت تجاوباً كبيراً, قدم أعمال العمالقة فقدمها بنكهة خاصة ومميزة, عرف بحبه الشديد للمريخ ولكرة القدم التي مارسها منذ الطفولة وما زال يواصل الركض خلفها إلى يومنا هذا, حل ضيفاً عزيزاً على (اليوم التالي) عبر حوار خفيف ومتنوع تفضل مشكوراً بالإجابة على جميع تساؤلاته كما سنطالع كل ذلك عبر تفاصيل هذا الحوار.

في البداية نريد أن نتعرف على عصام أكثر؟

أنا من مواليد الحصاحيصا, تربيتي كانت في مدينة ود مدني وجميع مراحلي الدراسية كانت في مدني, وأسكن الآن مع أسرتي في أمبدة, متزوج وأب لثلاثة أولاد.

حدثنا عن بداياتك في الغناء؟

محاولاتي بدأت في سن مبكرة من طفولتي, وقد شاركت بالغناء في عدد من برامج الأطفال بالإذاعة والتلفزيون, وبعد ذلك ظهرت بصورة واضحة في الدورات المدرسية.

عدد الأغنيات الخاصة بك؟

أكثر من 50 أغنية.

أكثر شاعر قمت بالغناء له؟

أزهري عبد الله, إبراهيم محمد وعبد العظيم أكول وغيرهم من الشعراء.

أغنية تمنيت لو أنها كانت من نصيبك؟

عدد كبير من أغاني العملاق إبراهيم الكاشف.

علاقتك بكرة القدم؟

بالمناسبة, أنا لاعب كرة قدم مميز جداً وقد لعبت مع ياسر حداثة وأبو عبيدة وعدد من مشاهير كرة القدمولعبت مع نجوم كبار في الاحتفالات والمناسبات مثل فيصل كوري ومصطفى النقر وبشارة وغيرهم.

هل تواصل تدريباتك حتى الآن؟

نعم, آخر تدريب قبل أيام تدربت فيه مع هيثم مصطفى وفيصل العجب ولدي علاقات حميمة وصداقات قوية مع عدد من لاعبي القمة.

أي فريق تشجع؟

المريخ.

إداري شاطر؟

الراحل حسن أبو العائلة.

مدرب متميز؟

فاروق جبرة والراحل صديق العمدة.

نجمك المفضل؟

الأسطورة فيصل العجب.

هل تتابع مباريات المريخ من داخل الإستاد؟

نعم, أتابع مباريات المريخ من داخل الإستاد ومعي عدد من الأصدقاء في الوسط الفني.

شيء في الهلال تتمناه في المريخ؟

لاعبو الهلال يؤدون بغيرة وحب للشعار بعكس لاعبي المريخ بعد أن ذهبت الروح القتالية في هجرة عكسية من العرضة جنوب إلى العرضة شمال.

لو كنت رئيساً لنادي المريخ؟

لادخلت جميع لاعبي المريخ لمعسكرات الخدمة الوطنية حتى يتعلمون اللعب القتالي.

قرار موفق؟

دخول كلية الموسيقى.

قرار غير موفق؟

كل قراراتي موفقة والحمد لله.

أمنية تحققت؟

أن تكون لي أعمال خاصة يرددها غيري.

أمنية لم تتحقق؟

أن يكون السودان الدولة الثانية في العالم بعد المملكة العربية السعودية.

هواية مفضلة؟

كرة القدم.

صحيفة سياسية؟

اليوم التالي.

صحيفة رياضية؟

الصدى.

صحفي سياسي؟

اسحق أحمد فضل الله.

صحفي رياضي؟

مزمل أبو القاسم.

لو لم تكن فناناً؟

لكنت معلماً في قرية نائية في السودان لا توجد بها كهرباء.

أين تصوم شهر رمضان؟

أحب أن أصوم شهر رمضان في السودان.

أين تتناول الإفطار, في الشارع أم في المنزل؟

مع الوالد في الشارع العام.

وجبة مفضلة في الرمضان؟

العصيدة بالتقلية.

مشروب تفضله في رمضان؟

الحلو مر.

برنامج تلفزيوني تحرص على مشاهدته في رمضان؟

أغاني وأغاني بفضائية النيل الأزرق.

اليوم التالي


تعليقات 12 | إهداء 0 | زيارات 3696

التعليقات
#1064543 [ود البلد]
0.00/5 (0 صوت)

07-23-2014 03:30 PM
""أمنية لم تتحقق؟""

""أن يكون السودان الدولة الثانية في العالم بعد المملكة العربية السعودية.""
ومن قال لك ان السعودية هي الدولة الاولى في العالم حتى يكون السودان ثانيها ؟؟؟؟
ولماذا لا تتمنى ان يكون السودان هو الاول على العالم .. طالما انو الموضوع امنيات واحلام
فعلا قمة في التخلف .. فنان غير مثقف ومتملق .. والطيور على اشكالها تقع (ناس فرور وطرطور وما شابه ذلك)


#1064468 [UY]
0.00/5 (0 صوت)

07-23-2014 01:59 PM
عصام فنان فيه شئ من فناني الزمن الجميل
كلمات جميله والحان جميله واداء مقارنه بالغثاء المعاصر
واروع في المديح النبوي ..يا ريت تكتر لنا من المديح حتي تسعد الكبار والصغار
مدحه (مناي انا) مثال


#1064457 [المعجب بي عصام سابقا]
0.00/5 (0 صوت)

07-23-2014 01:49 PM
تعليق على كيس الموز التحت السرير و Sadrik

صاح هو مهذب وشكلو وديع ... لكن أسألوه قولو ليهو لمن جيت الرياض قبل حوالي ستة او سبعة شهور كنت نازل وين وقعداتك كانت مع منو ؟ قولو ليهو جاوب بكل صراحة وشفافية . Really I have been shocked and disappointed.


#1064385 [Flower]
0.00/5 (0 صوت)

07-23-2014 12:45 PM
لديك 50 أغنية وتغني لربع قرون من الزمان للأسف و لم توجد لك أغنية واحدة معروفة لدى ضحايا السودان .. عشان كدة شوف ليك شغلة تانية ... وبصراحة أليمة حتى الآن تعتبر ملقداً ناجحاً أنت وامثالك .. الله يرحم الفنان الفذ/ محمود عبدالعزيز لوكان عايش بيننا الآن لتطايرت فقاعات الصابون !!!!


#1064286 [شرف المك]
0.00/5 (0 صوت)

07-23-2014 11:23 AM
ردود عصام محمد نور تدل على الخواء العقلي والتقليد الممل والخلو من الحس الروحي.
في رمضان تشاهد أغاني وأغاني ... منتهى العبط ، قول مثلا أقلل من مشاهدة التلفزيون ... قراءة القرآن ... التراويح... قيام الليل . إكراما لهذا الشهر الفضيل.
كلام غريب ... تتمنى السودان يكون الدولة الثانية بعد السعودية ... في ماذا ؟ في إنتاج البترول مثلا... في الأمن القومي . السودانية ليس لهم أماني وإنما هي أمنية واحدة يرددها الكل ( أن يزول هذا النظام بقيادة السفاح ) ... الظاهر عليك ما حاسي بعناء الأمة السودانية في كل مناحي الحياة. طبعا لأنك في حفلة واحدة وفي ظرف ساعتين أو تلاته بتقبض ليك 5 مليون وأنت تنثر المجون.
ثم ما الداعي لعمل دقن وأنت تترنح وتتمايل مع المغنيات طربا وهوسا .
مشكلة أن يقوم محمد سليمان بفحص أصوات المغني والمغنية ... ويا بتي صوتك حلو... ويتم التخريج بقتل الفضيلة .


#1064236 [ابو حواء]
0.00/5 (0 صوت)

07-23-2014 10:40 AM
والله ماقايل الزول ده هبوب ساكت ذى ده اسحاق احمد فضل الله؟؟؟؟؟؟؟؟؟؟؟؟؟؟؟؟؟؟؟


#1064215 [nagisidahmad]
0.00/5 (0 صوت)

07-23-2014 10:27 AM
نصيحة لوجه الله للفنان عصام محمد نور ... أولا وقبل النصيحة أسجل إعتراف بأنك فنان مطبوع ذو صوت جميل أخاذ .

ولكن :

الغناء بتاعكم بتاع الشللية الجماعية أو الجمعية دي والحركات الصبيانية والضحكات المبتذلة افقدتكم وقار الفنان ... ما شفنا الفنانين الكبار بيعملو كدا.

الفنان عندما يغني يحافظ علي وقاره ولا يتفاعل إلا مع الأغنية و موسيقاها... أنظروا إلي المرحوم زيدان ... وردي .. أبو داؤود ... عثمان حسين ... عبدالعظيم حركة ... والأحياء أين هم من هذا التمثيل البايخ بالفن .


#1064166 [كيس الموز التحت السرير]
0.00/5 (0 صوت)

07-23-2014 09:45 AM
فنان محترم ومهذب وذو اخلاق . ياريت لوكل الفاتين يكونوا مثل عصام محمد نور .


#1064102 [حسن جحا من كوستى]
0.00/5 (0 صوت)

07-23-2014 07:13 AM
لاعب اسطورة ونجم؟؟ ههههههههههههههها كترت المهلبية شوية.. لو كان عندنا اسطورة كنا شلنا كاس افريقيا علي الاقل مرة


#1064061 [NjerkissNajrta]
0.00/5 (0 صوت)

07-23-2014 03:16 AM
ما كنت قايل الزول ده هبوب ساكت كنت قايل القبة تحتها فكي وهاكم الدليل
كل قراراتي موفقة والحمد لله!!!!!
أن يكون السودان الدولة الثانية في العالم بعد المملكة العربية السعودية!!!!
بعدين البيسال برضه هبوب وهاكم الدليل
هواية مفضلة!!!!! عايز اعرف اذا كانت لديه هواية غير مفضلة لا فض فوه!!!
اللهم لا اعتراض في حكمك


ردود على NjerkissNajrta
[أيام لها إيقاع] 07-23-2014 10:16 AM
كبر دماغك يا معلم ،تفتكر هي بقت على ديل بس ؟ البلد كلها بقت مسطحة ، عصام نور شنو كمان ،، لا غناء لا فهم ،،،

[السفير] 07-23-2014 06:04 AM
هههههه عصام فنان ممتاز بس بجاوب حسب اسئلة الزول التعبان ...اسئلة عفى عليها الزمن وجبتك المفضلة كل السودانيين يقولوا العصيدة بالتقلية او النعيمية مشروبك كلهم الحلو مر خاصة فى رمضان يعنى مافى واحد بقول ليك الدجاج البروست او السمك المحمر او الكبدة المظبطة الخ...بس فى اجابة السودان يكون الدولة الثانية بعد السعودية فى شنو ؟اول مرة القى واحد معجب باسحق احمد فضل الله !!!!حظك يا اسحق عندك معجب... يعنى ما معجب بعثمان ميرغنى ولا بالدبشك ما معانا...يا نصر حامد خليك مواكب وبطل الاسئلة بتاعة المراهقين دى.


#1064059 [وليد توفيق]
0.00/5 (0 صوت)

07-23-2014 03:10 AM
فنان ياعصام بمعني الكلمة بس كمل الفن وانصح طه وحسين الصادق باللبس ويخليهم من بوهيات المهندس دي لانهم قدوة


#1064053 [Sadrik]
0.00/5 (0 صوت)

07-23-2014 02:53 AM
فنان مهزب بس ابعد من فرفور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة