في



الأخبار
أخبار السودان
وزير الدولة بوزارة الثقافة يؤكد قدرة الثقافة علي حل المشاكل المعقدة
وزير الدولة بوزارة الثقافة يؤكد قدرة الثقافة علي حل المشاكل المعقدة
وزير الدولة بوزارة الثقافة يؤكد قدرة الثقافة علي حل المشاكل المعقدة


07-31-2014 02:50 PM
الخرطوم (سونا) أكد الأستاذ مصطفي محمد أحمد تيراب وزير الدولة بوزارة الثقافة قدرة الثقافة علي حل المشاكل المعقدة التي تواجه البلاد وتحريك الساكن في الوسط الاجتماعي والثقافي .
وحيا سيادته دور المثقفين السودانيين الرائد في نشر ثقافة السلام والتنمية والاستقرار في ربوع البلاد معتبرا أن العام 2014م عام الثقافة مشيراً إلى ما تم إنجازه في برامج التواصل مع المبدعين خلال شهر رمضان .
وأكد تيراب تواصل الجهود وتسيير القوافل الثقافية إلى الولايات في الفترة المقبلة وهنأ الأمة السودانية وأهل الثقافة بصفة خاصة بأعياد الفطر المبارك .






تعليقات 7 | إهداء 0 | زيارات 1068

التعليقات
#1069270 [zorba]
0.00/5 (0 صوت)

08-01-2014 12:04 PM
أول إتعلم أربط الكرفته كويس وبعدين كلمنا عن الثقافة
علاقة الثقافة بشهر رمضان شنو يس لازم تدخلوا الدين في اي حاجة يعني بعد شهر رمضان في 11 شهر ما فيها ثقافة. لاخير في ثقافة يأتي بها هؤلاء وفاقد الشيئ لا يعطيه.
بعدين انت لسه تيراب ... الشجر الكُبار فر من البلد
والبلد المافيها شجر يقدِل فيها "تيراب"


#1069227 [sasa]
0.00/5 (0 صوت)

08-01-2014 10:58 AM
بطل (((((فلفلسة)))) وسفسطة ياوزير الهنااااااااااااااااااااااااااااا

اولا لنملا بطوننا لان اخونا ملوال الله يذكره بالخير قال انا كنت قائل كرعين شايل بطن لكن تارى بطن شايل كرعين .... يا ابن تيراب اولا لنملأ البطون وعندها تتفتح العقول لاستيعاب ماتقووووووووووول


#1069164 [مثقفاتى]
0.00/5 (0 صوت)

08-01-2014 08:00 AM
الوزير يقصد ثقـــــــــــــــافة الكــــــــــذب والنفـــــــــــــــــــاق


#1069044 [المقهورة]
5.00/5 (1 صوت)

07-31-2014 10:59 PM
" أكد الأستاذ مصطفي محمد أحمد تيراب وزير الدولة بوزارة الثقافة قدرة الثقافة علي حل المشاكل المعقدة التي تواجه البلاد"

حلوا انتو عن سمانا ومشاكلنا المعقدة بتتحل براها


#1069010 [Almo3lim]
0.00/5 (0 صوت)

07-31-2014 09:41 PM
ده كلام صحيح .... الله يجزيك خير ..

أول مسئول يقول كلام يمكن أن يعول عليه لكن للأسف العملية تحتاج في الأساس لما يعينها من عدالة و تنمية متوازنة بالإضافة لمواد دستورية تعطيها قوة الإنفاذ يتبعها موجهات (غرس فهم متحضر يحترم التنوع) من خلال تربية وطنية فاعلة تلعب فيها المؤسسات التربوية الدور الأساسي لتشكيل وعي جديد يقود لحب الوطن و أحترام الآخر للوصل للتعايش السلمي ..

بس غريبة البشير ما قال تاني مافي (دغمسة) و شريعة بس ؟!!!!

و الا قرر يركب الموجه و قرر يختطف أطروحات المعارضة ...


#1069003 [ود نفاش]
0.00/5 (0 صوت)

07-31-2014 09:33 PM
وده تبع اى حزب؟؟؟؟؟؟؟؟؟؟؟

لعله من احزاب الفكة

الثقافة فى ظل الارهاب لا تبدع وفى ظل الرقابة الامنية تظهلا ثقافة النظام الباهته

الثقافة والابداع تحتاج مناخ فكرى واسع وليس برامج تهنئه بالعيد؟؟؟؟؟

واجب الوزارة التمهيد لجو معافىى

ولكن فى ظل هذا القتل فى وضح النهار لا يمكن ان يفكر لمبدع ان يطلق لافكاره العنان ليساهم فى ثقافة السلام

السلام لا يحتاج لثقافة السلام يحتاج للعدل والصدق


#1068909 [زول والله ياكل الطعام ولا يمشى الاسواق]
0.00/5 (0 صوت)

07-31-2014 04:41 PM
*تحدث وزير الدوله والله لا فض فاهو.يبدو انه على ايمان قاطع ما فى زول غيره "ناقش وتفتيحه زيو" او اوتى الحكمة وفصل الخطاب..
*طيب اذا الثقافة هى حلاّلة العقد و"بتحرك السكان" انت القاعدلها شنو .. ما تتحرك وتورينا ما عندك من "استتراتيجية شامله (بس ما تكون ربع قرنيه تقعد تلوك فيها وتتكلم عنها لمن يعينوك سفير) وما ينبثق عن هذه ألأستتراتيجيه من خرائط طرق (ما مليانه مويه) وما يتفرع عنها من برامج عمل مرحلى غير مسبوق..حضورو واسع المرتكزات
* اول ماالزول "يكسر التلج" للمثقفين السودانيين (الما معروفين هم منو وقاعدين وين) ويتكلم الكلام الهلامى الما ليهو اطراف.. الراجل دا راح ليهو الدرب فى المويه..وسرح فى تواصل الجهود وتسيير القوافل وتهانى العيد!!!
* يا اخى عن اذنك مليون طن .. كدى اربط كرفتتك كويس
* وعدد لينا كم وزراء ثقافه كانوا قاعدين قبّالك فى كرسيك دا..لا هشّو لا نشّوا.وزى ما عينوهم سرّحوهم
* وكدا اشرح لينا هل فى صلة بين السياحة والثقافه ولآّ مافى..
* وهل ممكن يكون فى وزير سياحه ما يكون حلّ ازار عينيهو على تمثال (باعتبار التماثيل فى نظرو هى اصنام) او ما يكون دخل متحف فى حياتو (ولا حتى بيت الخليفه)



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة