الأخبار
أخبار السودان
على الشعب اليقظة..كرتي : نأخذ التهديدات الإسرائيلية على محمل الجد.. الأجهزة قامت بما في مقدورها واستطاعتها والمتبقي هو لطف الله.
على الشعب اليقظة..كرتي : نأخذ التهديدات الإسرائيلية على محمل الجد.. الأجهزة قامت بما في مقدورها واستطاعتها والمتبقي هو لطف الله.


08-03-2014 01:22 AM
الخرطوم – آدم محمد أحمد

قال علي كرتي وزير الخارجية إن الحكومة تتحسب للتهديدات الإسرائيلية ضد البلاد وتأخذ الأمر مأخذ الجدية، وأضاف: الأجهزة المعنية قامت بما في مقدورها واستطاعتها وجهزت له، وتابع: "المتبقي هو لطف الله وما في ذلك شك"، داعيا - الشعب إلى اليقظة والانتباه لما أسماها الأعمال الصبيانية الإسرائيلية لكونها جزءا من مؤامرة يبحث لها عن سبب، ونوه إلى أن الموقف الإسرائيلي من السودان قديم لاعتبارات دعم الأخير للقضية الفلسطينية، وقال كرتي: "صحيح أن أعداد القتلي غير متعادلة ولكن القبض على شخص واحد وقتل جندي وترويع السكان في مناطق تقول إسرائيل إنها مناطق آمنة وهذا يؤدي بالقادة الإسرائيليين للبحث عن دور"، وكشف كرتي عن اتصالات مستمرة تجريها الخارجية بكل الأصدقاء من الدول والجامعة العربية ومنظمة التعاون الإسلامي لإيقاف المجازر الإسرائيلية ضد الشعب الفلسطيني، وزاد قائلا: "لكن يقظة العالم ضرورية ويتضح أن ما نقوم به في الداخل أقوى من كل شيء آخر، لأن إسرائيل لا تعترف بالأمم المتحدة ولا بأي شيء

اليوم التالي






تعليقات 63 | إهداء 0 | زيارات 15881

صفحة 1 من 212>
التعليقات
#1071206 [سوداني مفتح]
0.00/5 (0 صوت)

08-04-2014 11:29 AM
لا اعتقد انو اسرائيل قاعدة تهدد ..
الشئ البنعرفو انو السواي ماحداث واسرائيل دي سواية ..
وسوتليكم قبل كده ياكيزان ولو مابطلتوا قلة ادب تااااااااني حتسويليكم ..
فما تغشوا الناس ساكت بتصريحات وعنتريات ماعندها اي معنى ....


#1071002 [ابو السمح]
0.00/5 (0 صوت)

08-04-2014 07:46 AM
أحسن شئ نطلع كلنا يا جماعة شايلين سواطير لاسرائيل دى و نحاربها و نخلي الحكومة تحرس بيوتنا و نخلص من الشغلة دى و نشوف لينا حاجة تانية و بعدين على فكرة نتابع البحر الأحمر دة و توووووش جوة اسرائيل يعني مافيش عوائق طبيعية


#1070884 [77]
0.00/5 (0 صوت)

08-04-2014 12:45 AM
السفيه النبز الباشا


#1070848 [ابو الخير]
0.00/5 (0 صوت)

08-03-2014 11:14 PM
الجماعة هرو عديل كده وقالوا الروب
سجمي يا كرتي
طيب انتو بتغلطوا
وتقعدو تثكلوا زي الحريم


#1070846 [عبد الله عبد الله]
5.00/5 (1 صوت)

08-03-2014 11:12 PM
ووزير الدفاع بيقول لي نتنياهـو: "...لكن اعمل كدا،الضو والعفن دا ... ضرب آخر الليل دا، إن شاءالله يضوي ليك... وانت بتعرفني كويس، ولو ما عرفتني.. أعرفني من الليلة ... أنا اللمبي أنت منو ؟!!! "


#1070820 [احمد]
5.00/5 (1 صوت)

08-03-2014 10:29 PM
فعلاً هذا شئ مُضحك مُبكى ان يتحدث مسئولينا بهذه السذاجة و هذا الجهل الفاضح ,
كيف للشعب ان يكون يقظاً و منتبهاً لطائرات مهاجمة بسرعة الصوت تحدد أهدافها بدقة تكنلوجية عالية و تعود لقواعدها !! كيف للشعب ان يكون يقظاً و منتبهاً لصاروخ توماهوك موجه بالأقمار الصناعية لإصابة هدفه !! ما المطلوب ان يفعله الشعب بالظبط ؟؟
لعل الوزير نفسه لا يدرى مايقوله بسبب الخلعة الإسرائيلية و الخوف من القادم على نظامه المهترئ الضعيف ,

كان الأجدر بك ياسيادة الوزير ان تخجل و تنزوى بعد تصريحك المضحك الأهبل هذا , لكنكم ناس لا يملكون إحساس الحياء و الإختشاء , كل الذى تستطيعونه هو جعل البلاد أضحوكة و موضوع للسخرية و التندر بسبب تصريحاتكم الهبلة الطائشة , و حسبنا الله و نعم الوكيل .


#1070796 [نقطة نظام]
0.00/5 (0 صوت)

08-03-2014 09:57 PM
الضربات السابقة كانت نتيجة ماكنة لحام وانفجار دانة والضربات القادمة حتما ستكون نتيجة التماس كهربائي
والشعب في انتظار بشائر الخير


#1070782 [ود الفاضل]
3.50/5 (2 صوت)

08-03-2014 09:25 PM
الاولو كذب آخره بوار - وزير الدفاع بالنظر يصرح بان صواريخه تدك اسرائيل ويجي كرتي يقول للشعب المغلوب على امره اعملوا حسابكم . عشان يعرف الشعب السوداني انه يحكمه الغوقاء . هل يعقل أو يصدق عاقل فى الكرة الارضية كلها إنه فى وزير دفاع دولة لاتملك بنية تحتية لدرء السيول يقوم يصرح على الملاء بأن صواريخه تدك دولة شريرة مثل اسرائيل ، اسرائيل عبارة عن لبوة جعانه وحاضنة فى صغارها ، اي حيوان يمشي على رجلين يقترب منها تلتهمه فى اقل من لمح البصر وفوق ذلك تدعمها بوارج وحاملات طائرات امريكا التي تمخر بحار الدنيا شرقا وغربا..
وعلى اي حال مسكين الوطن السليب (السودان) الكان ليه شنه ورنه فى العالم واصبح اليوم يتيما ذو اثمال بالية مطرود مشرد ينام حيثما غابت الشمس . والسبب العراب العينة الترابي ، الذي قال بعظمة لسانه فى القاهرة قبل سنوات قليله بأن الخطأ الوحيد الذي يطلب من الشعب السوداني ان يسامحه فيه هو أنه جاء بالبشير بدون اي مؤهلات لحكم السودان .. يعني صحى ضميره بعد خراب سوبا .. ونحن نستمع لمخاوف كرتي من ضربة اسرائيل نسأل الله ان يحمى اهلنا فى السودان من تبعات سياسة ناس سنة اولى سياسة ( البرلم ) ( ربع قرن فى كتاب السياسة ولازالوا فى الصفحة الاولى) !!!!


ردود على ود الفاضل
Sudan [ِAburishA] 08-03-2014 11:49 PM
وزير الدفاع بالنظر يصرح بان صواريخه تدك اسرائيل ويجي كرتي يقول للشعب المغلوب على امره اعملوا حسابكم .

هيع هيع هااااع.. عليك الله يا ود الفاضل الناس ديل مش زي ال بمثلوا في فيلم كوميدي...
عشان كده ضر لكرتي اصلا ما حنعمل حسابنا,, نقيف للصواريخ دي في السهلا.. خالص تحياتي


#1070770 [ود نفاش]
5.00/5 (1 صوت)

08-03-2014 09:15 PM
لطف الله واثقين منه لكن الفيك عرفناها

الليله لو عندنا اموال قطر وله قوة ايران النووية نقول نناطح اسرايئل لكن انت عريان ولابس سديرى
ما من صراع بدول الجوار الا ونحن متهمون باسم دعم الاسلاميين هناك وهل انتم اسلاميين؟؟؟؟؟

هذا زمانك يا مهازل فامرحى كرتى وزير خارجية السودان ما اهونك يا بلدى حين كنت عظيما بالمحجوب وصلاح محمد احمد اهانك البشير بصاحب مغلق مشهور بالتجارة فى الاسمنت وفجاءه يجد نفسه وزير

والا ن كرتى اشترى ارضى بالعليلفون بواسطة احد انباء المنطقه وسوف ياتى يوم نجد ان العيلفون تغير اسمها الكرتياب هذا هو همه

زمن غريب


#1070764 [ِAlmo3lim]
5.00/5 (1 صوت)

08-03-2014 09:02 PM
قديمة ألعبوا غيرها يا كرتي ...

لم يعد في حعبتكم اي جديد لإلهاء الشعب مثلما فعلتم في المرات السابقة...

هجليج و ابكرشولا و غيرها من حملات تعبئة الشارع و ترهيب المعارضة هي كل ما تجيدونه من كروت محروقة ...

اسرائيل بينكم و بينها آلآف الكيلومترات !! فلماذا تستعديكم؟؟

أمن إيمانكم أم من حب في الجهاد ؟؟؟

لعبة قذرة قبضتم ثمنها من إيران لتصدير صواريخ) لحماس أسمها (أبابيل)(عويرة)مثل (أنتينوفكم) لن تهد دولة أسرائيل لكن ستجلب لكم ما هو ألعن من الابابيل ليصيبكم العشى الليلي مثل كل مرة !!

لكن أراكم هذه المرة قدمتم العذر:

(الأجهزة قامت بما في مقدورها واستطاعتها والمتبقي هو لطف الله.)..!!!!

يا راجل أختشي على عرضك و أستريح ..


#1070753 [ودالباشا]
0.00/5 (0 صوت)

08-03-2014 08:31 PM
البنيات ديل الفوق ديل بزغرتن لى كرتى ولا عليه بس عشن بعبرهم بى بشييره


#1070745 [سودانى للابد]
2.25/5 (5 صوت)

08-03-2014 08:14 PM
التحية لكم اخوتى ما اود توضيحة نقطة معينة نحن سودانيين ونعتز بسودانيتنا اينا ما ذهبنا دعونا نتوقف قليلا مع القضية الفلسطينية وما يمكن ان يحصل من دمار وخراب جراء التعاطف مع هؤلاء الشرزمة من البشر البائعين لوطنهم والمتامرين على اخوتهم ضد العدوان الصهيونى ،، اخوتى دعونى اقف وقفة قصيرة فينا نحن كسودانيين وما نتلاقه كل يوم من تفرقة عنصرية من الشعوب العربية انا مواطن سودانى اعمل خارج الوطن تصدقون بان معظم التفرقة العنصرية ((سودان اللون ) والتامر ضدى لايتينى الا من ابناء غزة هؤلاء الفلسطينين فلماذا نحن نقف معهم وهمم يكنون لها كل تفرقة واستفزاز ولماذا نتعرض لصواريخ العدوان الاسرائيلى وهم يروننا عبيدا ولما نقف معهم وهم بائعون لبلدهم ولما نقف معهم وهم فارين من منه ؟؟؟


#1070744 [ود الشيريا]
3.00/5 (1 صوت)

08-03-2014 08:11 PM
والله الاسرائيليات من اجمل نساء العالم ....عشان كده اتمنى الحكومة تعلن الحرب على اسرائيل لكى تاتى اسرائيل وتحتل السودان و تعمل لينا شبكة صرف صحى وتنمية و تطوير ..وعلى الاقل حا نشوف اسرائيليات زى القمر ...ونرتاح من الكوزات الشينات الدشنات البيقصروا العمر ....
بس المشكلة لو انتصرنا على اسرائيل ..؟؟؟؟؟؟؟


#1070684 [بشير]
4.50/5 (3 صوت)

08-03-2014 05:24 PM
يا كرتي لا خاب من استشار وليس عيبا ان يستشير الرجل زوجته وانت عندك بت قرناص بعقلها الدبلوماسي ترجح كفة كافة ( هيئة الكيزان الدبلوماسية ابتداء من سحلولهم وانتهاء بكرتيهم ، بما فيهم الطفل المعجزة مصطفي عثمان اسماعيل) بفضل جهودها وعقليتها الفذة في الشأن الدبلوماسي سهلت لاختنا مريم اسحاق بمغادر البلاد الى مأمنها لمن استجاروها بامبروطورية الرومان ومنها للفاتكان وعلي بركة الله استقبلها الامريكان تحت مظلة حكم الكيزان


#1070648 [Rebel]
5.00/5 (1 صوت)

08-03-2014 04:45 PM
* اسرائيل ليست لديها مشكله مع الشعب السودانى, لإنهم يعلمون علم اليقين ان الشعب ليس لديه قوت يومه, ناهيك من ان يشترى السلاح او يهربه ل"حماس" الإرهابيه. انتم المعنيين بتهديد اسرائيل و ليس نحن, ايها الإرهابيون القتله. شوفوا الدعم السريع يدافع عنكم!!.
* بعدين بطلوا الجلع و الخشلعه, فقد دنا اجلكم. و الشعب السودانى سينتقم منكم و من جرائمكم بإذن الله, و ليس إسرائيل. حمار!


ردود على Rebel
Sudan [ِAburishA] 08-03-2014 11:56 PM
جبت الكلام من الاخر اخ ريبل لك التحية...

Sudan [hassan] 08-03-2014 09:40 PM
يا ريت صواريخ اسرائيل المرة الحاية تكون في قصوركم فردا فردا

ولا اسفا غليكم وقد ازنا لاسرائيل بان تقصف قصوركم ولا تترك منكم صغيرا او كبيرا

خلاص مواضيع الردة انتهت عايزين تشغلو الناس باسرائيل

الشعب السوداني عندو قضية واحدة ان يقتلعكم من دزوركم ولو اسرائيل قامت بالمهمة

تكون ما قصرت

الشيطان ولا انتو لانكم بقيتو اكعب منو يا حرامية يا سفاكين الدماء

حا تروحو وين من الله

جاتكم نيلة تاخدكم


#1070605 [سمراء]
0.00/5 (0 صوت)

08-03-2014 03:29 PM
المرة دي الدفة بتكون قوية شديد علشان يبطلوا يرسلوا صواريخ يعني حتكون علقه ابوكديس واسي بشه بيكون مشي ادسه الراجل ده ما بتاع شدايد وكمان الركب ما مساعداه الزول ده ادوه الرقيص.


ردود على سمراء
Sudan [ِAburishA] 08-04-2014 12:31 AM
علقة ابوكديس لو للحكومة براها مافي مشكلة ,, خايف انحنا كما يدونا معاها علقة.. الواحد الا يدّسا تحت العنقريب..لك التحية..


#1070598 [بجاوي]
5.00/5 (3 صوت)

08-03-2014 03:18 PM
وين وزير الدفاع بالنظر خلاص ما مشكلة جيبكم ليكم فكي كارب يبخر سماء الخرطوم يعمي اليهود ويخليهم يضربوا كاودا .


#1070573 [موجوع وطن]
3.00/5 (2 صوت)

08-03-2014 02:33 PM
لطف الله لإسرائيل ....و الدعم السريع بالقوات المسلحة للمعارضة...


#1070555 [أبو محمد]
1.00/5 (1 صوت)

08-03-2014 02:11 PM
ياأخوانا سؤال برئ لماذا لا تطالب حكومة الكيزان لدينا بتقديم إسرائيل لمحكمة الجنايات الدولية بدعوى قيامها بجرائم ضد الإنسانية في قطاع غزة؟


ردود على أبو محمد
Sudan [ِAburishA] 08-04-2014 12:18 AM
وناس غزه مربطين؟ مايقدموا دعوه براهم ولانحن اولياء امورهم
هيع هيع هاااااع اقسم بالله يا (خالد حسن) انت رهيب جدا...

Sudan [hassan] 08-03-2014 09:43 PM
طيب ناس كرتي ديل ما فايمين بجرائم في حق الانسانية

حتي جرائمهم وصلت العاصمة

United Kingdom [خالد حسن] 08-03-2014 07:35 PM
وناس غزه مربطين؟ مايقدموا دعوه براهم ولانحن اولياء امورهم
زول حكومته بترتكب جرائم ضد شعبها يجي يقول ليك غزه واسرائيل
ياعم حل مشاكل بلدك بعد فكر في الاخرين
خلو السذاجه بتاعتكم دي

Sweden [مواطن] 08-03-2014 06:10 PM
الجواب, أولا على حكومة الكيزان تسليم المتهم المطلوب عمر البشير لمحكمة الجنايات الدولية لتتم محاكمته علي التهم الموجهة اليه, ثم بعد ذلك تستطيع المحكمة النظر فى طلب حكومة الكيزان بتقديم اسرائيل للمحكمة لارتكابها جرائم حرب.


#1070544 [ِAburishA]
4.63/5 (5 صوت)

08-03-2014 01:45 PM
داعيا - الشعب إلى اليقظة والانتباه
** هيع هيع هااااع.. انا غايتو اشتريت لي (شمسية) تقيني شر القنابل والصواريخ..
** بعدين لو اسرائيل دي عندها رجالة خلي تجينا بالنهار عشان نوريها الويل.. مش بالليل الدنيا ضلام!

**** ياخي الامطار عاملة في الناس عمايل..اكتر من قنابل اسرائيل وصواريخها ** تقول لي عملتوا حساب!!!!


ردود على ِAburishA
Sudan [ِAburishA] 08-04-2014 12:01 AM
ودالباشا لك التحية..وزير الدفاع قال جاهزين وكرتي قال اعملوا حسابكم.. عليك الله حسابنا ده يعني نعمل شنو؟؟ انت عارف البلد صفارة انذار ما فيها!! لو في زاتو هل ديل بشوفوا الطيارات .. الا باقي الناس الفضلوا يخلوا البلد.. مودتي..

United Arab Emirates [ودالباشا] 08-03-2014 08:11 PM
تعليقك بس مسمار فى نص الراس يوجع الكوز لمن يشرشر


#1070528 [:::بيكو:::]
0.00/5 (0 صوت)

08-03-2014 01:04 PM
سنة يا آدم!!!


#1070526 [ساطور]
5.00/5 (2 صوت)

08-03-2014 01:03 PM
طيب ما تنسى يا أبو كرت تعين حاج ساطور وزيرا للسواطير احسن محتاجين كمية مهولة من السواطير


#1070518 [zorba]
4.83/5 (11 صوت)

08-03-2014 12:39 PM
"الأجهزة قامت بما في مقدورها واستطاعتها"
يعني الدفاع بالنظر وكده!!!!

"داعيا الشعب إلى اليقظة والانتباه"
هو الشعب ده يعمل ليكم شنو ولا شنو ما كفاية أنو بيصرف علي الحكومة وبيدفع رواتبكم
يعني الشعب يكون يقظ كيف؟ ما ينوم ولاشنو! حتي مستكترين علي الشعب ينوم؟ ودي الحاجة الوحيدة اللي ما بتاخدوا عليها جبايات ... و المثل بيقول "سهر الجداد (الشعب) ولا نومو"

مرحباً بجكس اليهود الشديدات بالخرطوم ... وفقكم الله في مبتغاكم


ردود على zorba
Sudan [عصام] 08-03-2014 02:35 PM
اذا كان في الشعب السوداني ناس زيك بيقولو كده ..... اليهود ليهم حق يضربونا ...... ان شاء الله بعدين يعرسوليك منهم واحدة (ماعندك وطنية السودان ده لاحقك لاحق الكيزان) عندو رجال بحرسوهو لو همك جكس اليهود امشي ليهم هناك


#1070503 [النوبى الشهم]
4.75/5 (6 صوت)

08-03-2014 12:23 PM
والله فعلا كرته


#1070484 [hashim]
0.00/5 (0 صوت)

08-03-2014 11:55 AM
يا كرتي لطف الله قبل ما قامت به الأجهزة الأمنية وتحسبت له


#1070468 [الدبلوماسي]
5.00/5 (1 صوت)

08-03-2014 11:27 AM
الدفاع بالنظر اقل تكلفة وعلى الشعب ان يتفرج وبس


#1070455 [سعاد الجزولى]
5.00/5 (6 صوت)

08-03-2014 11:15 AM
ياريت لو إسرائيل تضرب عمارات عبد الرحيم وزير الدفاع , لانه هو اللى صرح بأن صواريخه تدك إسرائيل ,, لان الشعب السودانى كفايه عليه الامطار والغرق


#1070454 [السوداني الاصيل]
5.00/5 (1 صوت)

08-03-2014 11:15 AM
لأن إسرائيل لا تعترف بالأمم المتحدة ولا بأي شيء
===========================================
ولا تخاف شئ الا حكومة السودان اقصد الكيزان


#1070446 [المستعرب الابطى]
5.00/5 (5 صوت)

08-03-2014 11:00 AM
ما علاقة الشعب بالتهديدات والضربات الاسرائيلية ! البشير وشلته لم يستشيروا الشعب في تجارة و تهريب السلاح للجماعات الارهابية فامتلات خزائنهم في قصورهم الفارهة بشتى انواع العملات وتم تحويل النصيب الاكبر لحساباتهم الخارجية وعند الهلع يريدون الشعب ان يتصدى لاحدث التكنولوجيا بالنظر


#1070426 [الغوريلا]
3.75/5 (6 صوت)

08-03-2014 10:37 AM
و الله بالجد أنحنا منتظرين متييييييين إسرائيل توضب حشرات حماس و تجي هنا السوء دان عشان تأدب الكيزان و يا حبذا لو أجلو حسم غزة لما بعد اللبعة المانعة للكيزان لأنه الحية رأس و إتضح أنو رأس الحية جوة خرطوم الفيل , أما قلة أدب و بوبار و شوبار يا كيزان


#1070424 [مدحت عروة]
5.00/5 (8 صوت)

08-03-2014 10:36 AM
الله يستر ما يكون استعدادكم لعدوان اسرائيل بت الكلب وبت الحرام كاستعدادكم للخريف ؟؟؟؟؟
بعدين انحنا عهدناكم قدام اسرائيل ومصر الاحتلت حلايب والحبش البيزرعوا الفشقة وعملوها كانها حقت ابوهم منتهى المسكنة اما امام الشعب السودانى مافى اشرس منكم !!!
عليكم الله انتو اصلا ما بتخجلوا او تختشوا كلو كلو وتقدلوا كمان فى الشارع؟؟؟؟
الحكومات المحترمة الوطنية قدام المحتلين والمعتدين الاجانب شرسين واسود وقدام شعوبها منتهى المسكنة ويجتهدوا فى خدمتهم ويخافوا من حسابهم ويرجوا اصواتهم فى الانتخابات الخ الخ الخ وانتو ما من صنف هذه الحكومات انتو حاجة تانية خالص!!!!!!
هل عندكم من الشجاعة للتنحى او الانتحار مثلا؟؟؟
وطبعا حلاقيمكم كبيرة زى قطر وتركيا وايران وحزب الله بالله العلى العظيم مافى زول منهم هدد اسرائيل بجدية اذا لم توقف عدوانها على الشعب الفلسطينى فى غزة بس يستغلوها من اجل التمكين والشجاعة الاعلامية التى لم تقتل ذبابة اسرائيلية!!
الملك فيصل قطع البترول عن الغرب وساعد دول المواجه ماديا وناس الازهرى والمحجوب صالحوه مع عبد الناصر وقطعوا علاقات السودان مع الغرب مع انه كان الحكم والدستور علمانى فى السودان وانتم تلهثوا خلف امريكا واوروبا وهم ما شغالين بيكم شغلة!!!!
الاسلامويين عار على الوطن والدين اصلا وكلو كلو لا شك فى ذلك!!!!


#1070404 [منشى]
5.00/5 (2 صوت)

08-03-2014 10:01 AM
هوى يا كرتى دا مشكلتكم انتو و اسرائيل و دا شئ بخصكم براكم و الشعب السودانى ما عندو اى مشكله مع اسرائيل و لا اصلا قايد يتدخل فى كلام اسرائيل .. بالعكس اسرائيل قايد يساعد فى الشعب السودانى بتخليصوا من الاسلحه اللى ضوقتهم الموت ليل نهار , يا ريت يا كرتى سلاحكم دا كان بيصل على الاعداء اللى بره بره هناك خارج السودان انتو بس فالحين كتل فى المساكين ديل هسه لامن جاكم اللى بوريكم الرجاله تجو جارين للشعب اللى كتلتوا و تقولوا ليهو ادعوا لينا يا شعب عشان اسرائيل دا ما يدقنا و يبهدلنا , كلام دا بيفهموا كيف و كدا انت اولا اتصالح مع شعبك و اديهو اللى هو داير من امن و سلام و اقتصاد و عداله بعدين شوف ح يقيف معاك كيف , مش تهينو و تقول ساعدنى.


#1070398 [منو العوض]
5.00/5 (4 صوت)

08-03-2014 09:55 AM
انت وزير خارجية او وزير دفاع اسرائيل كفار يقتلوا مسلمين مابالك في مسلمين يقتلوا مسلمين انتم تقتلوا في المسلمين في دارفور وفي الخرطوم في الجامعات وهدم الكعبه عند الله اهون من قتل مسلم وان شاء الله اسرائيل تستهدف الرئيس وحكومته علشان تعيش في امن ويعيش الفلسطينين في امن انتم السبب في تاجيج الصراع الاسرائيلي والفلسطيني واليهود كانوا جالسين مع الرسول(ص) في المدينه !!!!!!!


#1070384 [اكامبو مزلزل الكيزان]
4.25/5 (3 صوت)

08-03-2014 09:40 AM
انتم الذين تدعمو حماس وللمعلومه انكم عاملين للممثل عماره في الطائف مربع 23 مكونه من خمسه طابق وعاملين له حراس من الهدف ومن جهاز البطش والتعذيب حراس وعاملين له اربع سيارات لندكلوزر مديل 20031وعاملين له حتى سواق خاص من جهاز البطش حماس منظمه ارهابيه ومن حق اسرائيل تحمي مواطنيها تبكون على غزه وجرائمكم الذي ارتكبتوها في دارفور يامطبلين الله ينتقم منكم ياعصابة الكيزان انتم مجردين من الانسانيه تماما


#1070364 [المنجلك]
5.00/5 (2 صوت)

08-03-2014 09:08 AM
يا جماعة هل الزول دة حقيقي كان تاجر اسمنت ولا يمكن الخبر دة مكتوب غلط لا يمكن ان يكون هذا الرجل دبلوماسي ناهيك عن وزير خارجية


ردود على المنجلك
Saudi Arabia [Aboahmed] 08-03-2014 01:51 PM
الخبر ده صحيح 100% وهو تاجر اسمنت وسيخ ومواد بناء ... ودي كل مؤهلاته عشان يكون وزير حارجية دوله ... عذراً نسيت مؤهلاته التانيه / من اقرباء النائب الاول سابقاً/ علي عثمان محمد طه


#1070350 [صفارات انذار]
5.00/5 (1 صوت)

08-03-2014 08:56 AM
وأضاف: الأجهزة المعنية قامت بما في مقدورها واستطاعتها وجهزت له، وتابع:
==================
أجهزة شنو القامت بدورها ؟ انتو صفارات انذار ما بتعرفوا تعملوها وهي من المفترض تكون في الخرطوم وبورتسودان طالما هاتين المدينتين تتلقيان الضربات في كل سنة!!!


ردود على صفارات انذار
Saudi Arabia [سوداني أصلي أصلي] 08-03-2014 03:05 PM
اسرائيل مجرمة
لكن الأخوان المسلمون أكثر اجراماً

صافرات الانذار بتعمل شنو
يعني قول عندهم رادارات
قول الصافرات دوت في كل مناطق السودان.. أها الناس تمشي وين يعني، ما تقول لي تدخل نفق عفراء مول.

Sudan [دفاع بالنظر] 08-03-2014 10:27 AM
صفارات شنو ههه, هو عندهم رادارات متابعه, ولا صحي انحنا فتنا المرحلة دي و دفاعاتنا بقت بالنظر . المختصر المفيد كل يوم نطلع نكشف للطيارات و اي زول يحس بطياره ما طبيعيه يبلغ, الحاضر يبلغ الغائب.... هههههه بلد عجيبا.


#1070342 [semsem Alhajar]
5.00/5 (10 صوت)

08-03-2014 08:39 AM
الشعب السوداني يا عميل هو البتجار بالسلاح لفلسطين ولا هو البدين وبشجب ولا هو المعادي العالم...اذهب انت وحزبك وفلسطينك الي الجحيم ولدارفور وجبال النوبة والنيل الازرق رب يحميها...اما اولئ لك ان تقول قول حق ان من مات في هذة المناطق منذ انطلاق قضية فلسطين الحالية لهو اضعاف و واضعاف من موتئ فلسطين ام انتم فقط المسلمون الاكثر وصاية ع الاسلام والله لا تهمكم سوي تجارتكم وغسل اموال المخدرات والعملة و(بيع السلاح ) ما ذنب المواطن السوداني ان يصبح معادا وارهابي امام العالم بسب
ب قضية صمت عنها كل العالم وهل الله بقافل عنها والا نصرهم في ثواني..؟؟؟ هم باعو قضيتهم وانتم بعتم قضيتنا فاوالله لا انتم ولا هم بمنصورين ابدآ بعيدآ عن ذلك وللذي لا يعرف هذه الملة من السودانيين والله رضيتم ام ابيتم فاسالوا المغتربين في الخليج او اي بقعة عن هذه الملة والله لهم ارزل واخبث وابغض خلق الله...والله لست المسألة شخصية ولكن كل مغترب يعرفهم تمامآ ويعرف سخريتهم باصلنا ..وان جادلتهم بالسلاح منةاين يصلهم من اي دولة قد وصل وان جادلتهم عن الرئيس نميري وموقفه الرافض لافتتاح احد القمم العربية بعدم وجود ياسر عرفات وعن الذي احضره بطايﻻة هليكوبتر للقمة وهو محاصر بالاردن ..لذكروا لك بانك لا تستطيع ان تاكل ناهبك عن مساعدتهم...
افيقوا يا عالم ..نحن نتمني لهم النصرة والله والتوفيق بيد الله ولاكن لا يعني هذا باننا ولاياؤ علي الاسلام اكثر من اهل الرسول من الهاشميين واليماني والشوام وجلهم لا يعترفون بكم كعرب يا عالم ويسخرون من عروبتكم شر سخرية.
فلا تجلبوا الفتن والمشاكل الي الشعب البسيط وتطلبوا منه الحزر فيما لست لهم به من دخل....قاتل الله مدعئ الاسلام والمنافقون اللهم انحر الكيزان شر نحر وامسخهم سروجهر...اللهم انصر الاسلااااام والمسلموووون...


ردود على semsem Alhajar
Sudan [الغوريلا] 08-03-2014 10:31 AM
و الله كلامك عال العال يا سمسم اليشيل شيلتو عمك كرتي و من ناصره و والاه و الحقيقة أن أعداد القتلى في جبال النوبة أضعاف مضاعفة لفطايس ما تسمى حماس لكن لكل آفة آفة , أمسكوا الخشب

[منشى] 08-03-2014 09:45 AM
برافو ... كلام فى المليان و منطق عديل كدا ... الزيت اللى ما بكفى البيت يحرم على الجيران . ... العز اهل , فمن كان يسئ لاهل بلده و يظهر الاحسان للغرباء فغير جدير بالاحترام و التقدير ... افيقوا ايها السودانيون من سباتكم المريع و انظروا لاحوالكم, إن الله لينصرن الدوله العادله و ان كانت كافره و لا ينصر الدوله الظالمه و ان كانت مسلمه , هكذا قال حكيم الامه عمر بن خطاب .


#1070335 [kamal]
5.00/5 (5 صوت)

08-03-2014 08:31 AM
لطف الله ياجاهل يعم المسلم والكافر ..

من لطف الله بنا ان صيرك وزيرا للخارجية ، ياكريت ..!

من لطف الله بنا ان صير رئيسنا ، الكضيضيب .. !

من لطف الله بنا ان صير السيدة الاولى ، عواسة الكسرة ..! " القومة لسيدات الكسرة والشاى.."

من لطف الله بنا ان صير صدوركم وعقولكم تصور لكم انكم دائمو الصيرورة ..! ياصراصير..

نحن مادايرين كلام كثير ..

المواطن الاسرائيلى الواحد = الف من العرب القعونج ..! ولا انا كضاب ..!

1جندى اسرائيلى بدل ب 1000 فلسطينى ..! ولا انا كضاب ..!

والله ياكريت ، "الفهم قسم " .. انت عارف حقو تبيع برسيم .. لكن والله ،

حتبيع البرسيم " شاشمنى " ..

ولاانا كضاب..!!!!!!!!!!!!!!!!!!!!!!!!!


#1070328 [حمدي]
4.94/5 (6 صوت)

08-03-2014 08:20 AM
زقف اولا مجازر الانقاذ علي الشعب السوداني في جبال النوبة و دارغور و النيل الازرق بعدين شوف مشكلة غزة --- طل الدليب يرمي بعيد .


#1070321 [كونتا]
4.99/5 (9 صوت)

08-03-2014 08:15 AM
السودان حتى الاّن مر عليه اثنين فقط من وزراء الخارجيه وهما: المرحوم الدكتور محمد احمد المحجوب والدكتور اطال الله فى عمره : منصور خالد .....اما الذين يضاربون بالسيخ والعصى لا دبلوماسيه لهم سوى سماع صوت الضرب واطلاق الرصاص .


#1070320 [سوداني]
0.00/5 (0 صوت)

08-03-2014 08:15 AM
بعد نظر يا الدفاع بالنظر


#1070307 [Kamal Mustafa]
0.00/5 (0 صوت)

08-03-2014 07:50 AM
نشوف لينا ناس نخليهم في اعلي قمم جبال البحر الاحمر يراقبوا الجو ، ده كلام العاجز المافاهم هو بيقول في شنو يطلب من الشعب اليقظه كلام مضحك وبيقول نسأل اللطف من الله نحن الشعب الغلبات الذي يطلب اللطف من الله لانكم لو ما حراميتكم وسرفتكم كان ممكم تشتروا لينا شبكة دفاع جوي وأسالوا نفسكم ليه اسرائيل بتستهدف السودان كان قبلكم حكومات كثيره لم تهاجم اسرائي السودان ولو كان السبب دعم القضيه الفلسطينيه خلوا اسرائيل تتجرأ وتهاجم باكستان نحن شعب مسالم جدا بس حكومتنا ارهابيه والسودانيون عانوا من ارهابها بالداخل وما زالوا يعنانون ، حلوا عننا واسرائيل لن تهاجمنا واذا كانتوا فعلا تخافون الله فينا اتركونا لحالنا واتركونا لاسرائيل


#1070306 [توفيق جعفر عثمان]
0.00/5 (0 صوت)

08-03-2014 07:49 AM
مهما قيل عن تقصير الحكومة في شأن الوطن والمواطنيين أزاء كثير مما يدور، يبقي التهديد الاسرائيلي قائما،ويجب أن نأخذه مأخذ الجد،الصهاينة يفعلون مايريدون ولا شأن لهم بالعالم والمنظمات الدولية وامريكا والاتحاد الاوروبي في جانبهم! وعلي حكومتنا الأستعداد جيدا فقد ان أوان الأختبار!وكذلك علينا الجاهزية التامة لذلك.


ردود على توفيق جعفر عثمان
Sudan [hassan] 08-03-2014 09:59 PM
يا توفيق امشي لكرتي يوريك تكون جاهز كيف

نحنا مشكلتنا الاولي في الاسرائيلين المعانا ديل الزيك وزيهم

نتخارج منهم اول بعدين نشوف الباقين الجايين من برة

ديل شغالين نهب وسفك دماء في كل السودان

Australia [ahmed] 08-03-2014 01:03 PM
يا توفيق كلامك صاح عشان كده أول ما تكحل طيارة جاية كورك كاك كاك كاك ولو صاروخ كورك كاك زغط كاك زغط وحقو تتدرب شوية بس ما تخلي واحد يسمعك عشان اليهود ما يعرفوا كلمة السر دي وكمان ما يعرفوك جدد إلكتروني الرجاء النشر والتعميم علي زملائك .


#1070290 [ابو القرف]
5.00/5 (3 صوت)

08-03-2014 07:29 AM
وتابع: "المتبقي هو لطف الله وما في ذلك شك"،


وانتو لله اديتو فرصه ليلطف بكم؟؟؟؟؟


#1070284 [فورزيق]
5.00/5 (2 صوت)

08-03-2014 07:20 AM
نرجو من الاسرائليين الا يضربوا ان نقطة في السودان وما يتصرفوا اي تصرف الا بعد ان يستشيرونا كشعب سوداني. لانهم يعتبروا انفسهم المضرر الاكبر والاول ونحن كشعب المتضرر الاول والاول والاخير ليس من الضربة الاسرائيلية ولكن من وجود النظام القاتل الافاك.
خطة يا الاسرائليين انتوا ذاتكم اولاد كلب بكن اخير وافضل لنا من هؤلاء العواليق المتاجرين باسم الدين والاسلام احسن انتم اليهود تتفوهون بكفركم.


الخطة:- ارجو استشارة الشعب من خلال المواقع العامة التي يمكن لاكبر قدر من الشعب المشاركة فيهاوالتعبير عن ارائهم بحرية يمكن استشارتهم عن مكان الشربة وذلك سوف يقتل النظام قبل ان تضربوه ويجهجهه كثر واكثر


#1070273 [ashafokhalo]
5.00/5 (3 صوت)

08-03-2014 07:03 AM
وأضاف: ---------، وتابع: "المتبقي هو لطف الله وما في ذلك شك"
يعني هسع عندنا نظريه الدفاع بالنظر والان نظريه لطف الله -
يا كةتي؟ الاسمنت والسيخ عامل كم الايام ديل؟ دا مجالك فخليك مركز فيهو


#1070270 [الولايات المتحدة السودانية]
5.00/5 (1 صوت)

08-03-2014 06:58 AM
البنوت الفى الصورة ديل ,,, ميخودات ؟؟


ردود على الولايات المتحدة السودانية
Saudi Arabia [سامي] 08-03-2014 08:54 AM
ديل ماعتدهن وليان


#1070269 [عباس]
5.00/5 (2 صوت)

08-03-2014 06:56 AM
بالله دة كلام زول بترأس دبلوماسية البلد ؟ كلامو كله غير دبلوماسى كلام سوق فارغ المحتوى , كلام يكشف ضآلة معرفة بالسياسة الدولية و عدم لباقة فى تناول الأحداث التى تهم البلاد و سيادتها . عجباً لوزراء الغفلة .

و من بتين بقيتو تعرفو شعب السودان الذى تدعونه لليقظة و الإنتباه ؟ و أنتم غيبتوهو تغييباَ كاملاً طوال فترة حكمكم المشئومة , لا تتذكروه إلا حينما تعصف بكم المشاكل و يصبح نظامكم الضعيف المتهالك فى كف عفريت .. عالم تخاف ماتختشيش .


#1070262 [المتجهجه بسبب الانفصال]
4.94/5 (7 صوت)

08-03-2014 06:38 AM
عليكم أنتم يا كرتي يا أخوي أخذ الحيطة والحذر من الضربة الاسرائيلية القادمة التي ستكون المرة القادمة لمواقع استراتيجية حسب قدرة السودان الضعيفة،، فالخبر الذي صدر في صحيفة بديعوت أحرنوت الرسمية يربط السودان بما يجري في غزة ،، ولو لاحظت أن الضربة على غزة تمت بشكل غاضب لم تراعي فيه اسرائيل اطفال او شجر او بهائم والغرب واقف معها وقفة رجل واحد،، وقطع شك بعد الانتهاء من موضوع غزة التي صمدت ستقبل عليكم اسرائيل فالخبر الذي نشرته بديعوت احرنوت يكاد ما بين اسطره يتميز من الغيظ عليكم،، وفي الحقيقة مافي اي حيطة وحذر في السودان فبسبب الخريف الحيط وقعت وحتى في العاصمة المتبهرجة في قاعات سبارك ستي واخواتها ايام العيد لا توجد مآوي ولا صافرات انذار ولا اسعافات مثلما يوجد ذلك في غزة ولعل الحل الوحيد يا كرتي وحسب ما ذكر نافع ان المؤتمر الوطني هو أقوى حزب في العالم ان تذهبوا الى مزارعكم في اطراف العاصمة القومية وتتركوا الغارات المتوقعة يتلقاها المواطنون المساكين الذين ظلوا 25 عاما يتلقون منكم الويل والثبور وعظائم الامور وارتفاع اسعار السيخ والاسمنت التي تبنى بها مآوي الغارات الجوية فمن وين يلقوها منكم فلا تركتم ما لا يعنيكم ولا تركتم مواد البناء متاحة للاستخدام بسعر مشجع،،، وهل تعلم يا كرتي أن اسرائيل لو روجت بأن الصواريخ المستخدمة في غزة قادمة من السودان مثلما جاء عبدالرحيم احمد حسين يكحلها عماها فتوقعوا هذه المرة ضربة استراتيجية لا كسابقاتها من برادو ومصنع ذخيرة واتمنى ان تكون لدى اسرائيل احداثيات مصانعك للاسمنت والسيخ يا مسيخ ،،، تحسبوا لعب بين ترتار وقيرا ،،،،


ردود على المتجهجه بسبب الانفصال
Sudan [hassan] 08-03-2014 10:08 PM
اني اشتم رائحة مأكلة جديدة بعد مجاري الخريف

وهي بناء انفاق للشعب السوداني تاويه تحت ضربات

العدو الاسرائيلي الوهم عشان يقدىو ياخدو حزرهم

زطبعا الشغلة دي كلها سيخ واسمنت

والله يا كرتي في دي انت شاطر اوي


#1070256 [عبدالله عمر]
5.00/5 (8 صوت)

08-03-2014 06:25 AM
إقتباس:
((وكشف كرتي عن اتصالات مستمرة تجريها الخارجية بكل الأصدقاء من الدول )) .

هاهاهاهاها , و ياتو دول دى الصديقة ليكم يا منافق !!
نظامك المستبد الفاسد نظام مكروه و منبوذ من كل دول العالم , نظام معزول داخلياً و خارجياَ أصدقاءه على أصابع اليد معروفين وهم (ايران ,قطر,الصين و كوريا الشمالية) و بس , يعنى دول معسكر الشر , عالم لا تستحى لا تخاف من الله ..

إذا كان ضرب إسرائيل المتكرر ليكم هو "أعمال صبيانية" كما تقول فلماذا صمتم عليه و جبنتم من الرد ؟؟ أنتم اصحاب الأعمال الصبيانية يا سيادة الوزير حينما تعرضون حياة المواطنين السودنيين و ممتلكاتهم للخطر بل تعرضون كل البلد للخطر بإصراركم على مساعدة كيزان الشيطان فى حماس ضاربين بعرض الحائط أمن و سلامة هذا الوطن الذى تتعاملون معه كغنيمة وقعت تحت أيديكم ..


#1070253 [ahmed]
4.75/5 (5 صوت)

08-03-2014 05:53 AM
كرتي الملعون
أنت تعلم إن إسرائيل ستضرب الكيزان وممتلكات الكيزان وليس الشعب السوداني وأنتم تضربون وتقتلون الشعب السوداني !!!!!! فأخبرنا كيف لشعب أن يقاتل ضد قتلة قاتليه وإن لم تفهم ما قلته يا مأفون فإرجع بذاكرتك للوراء قليلاً وبالتحديد عندما فر جزء من الشعب السوداني الي مصر وتم قمعهم في ميادين مصر وتم إعتقال بعضهم لإرسالهم لسجون الكيزان ففرت مجموعة منهم الي إسرائيل فقدموا لهم المأوي والطعام فهل تعرف إذا حضرت إسرائيل لضربكم فستتلقي التحية من غالبية الشعب السوداني وإن لم تفهم بعد يا كرتي فأعمل إستفتاء الآن علي من يفضل الشعب الكيزان أم إسرائيل ؟ ولا تفاجأ بالنتيجة بل تذكر قول عنترة العبسي أن العبد لا يحسن الكر والفر وأنتم إستعبدتم الشعب السوداني فقال له شداد كر وأنت حر فهل شداد الجاهلي أذكي منك . ونقولها لكم إذهبو أنتم ونحن كفيلون بإسرائيل وإلا فمرحباً بإسرائيل في قلب الخرطوم وسنرفع لهم القبعات لأنهم لن يفعلوا ما تفعلونه بالشعب السوداني فهل سمعت يوماَ عن إسرائيلي واحد إغتصب فلسطينية أو فلسطيني ؟ أرجو أن تسرع إسرائيل لتخلصنا منكم .


#1070238 [جـــــــــــــــــــــــــــــــــــن]
5.00/5 (2 صوت)

08-03-2014 04:59 AM
مجموعة من الشفوت الوطنيين منظمة مدربة تعرف ماذا تريد
تقوم باطلاق الرصاص على هؤلاء الخونة اللصوص
وعشان نتجنب جريمة القتل والحساب يمكن اطلاق
مجموعة من الرصاص على مؤخراتهم الكبيرة واردافهم
لابد ان نتحرك لابد ان نفعل شئ لاخير فينا ان لم
نقوم بهذا العمل ... اكلوا حقوقنا وزردوا حلوقنا
اتحركوا الى متى هذا التقاعس


#1070223 [ahmed]
5.00/5 (1 صوت)

08-03-2014 04:09 AM
كرتي الملعون
أنت تعلم إن إسرائيل ستضرب الكيزان وممتلكات الكيزان وليس الشعب السوداني وأنتم تضربون وتقتلون الشعب السوداني !!!!!! فأخبرنا كيف لشعب أن يقاتل ضد قتلة قاتليه وإن لم تفهم ما قلته يا مأفون فإرجع بذاكرتك للوراء قليلاً وبالتحديد عندما فر جزء من الشعب السوداني الي مصر وتم قمعهم في ميادين مصر وتم إعتقال بعضهم لإرسالهم لسجون الكيزان ففرت مجموعة منهم الي إسرائيل فقدموا لهم المأوي والطعام فهل تعرف إذا حضرت إسرائيل لضربكم فستتلقي التحية من غالبية الشعب السوداني وإن لم تفهم بعد يا كرتي فأعمل إستفتاء الآن علي من يفضل الشعب الكيزان أم إسرائيل ؟ ولا تفاجأ بالنتيجة بل تذكر قول عنترة العبسي أن العبد لا يحسن الكر والفر وأنتم إستعبدتم الشعب السوداني فقال له شداد كر وأنت حر فهل شداد الجاهلي أذكي منك . ونقولها لكم إذهبو أنتم ونحن كفيلون بإسرائيل وإلا فمرحباً بإسرائيل في قلب الخرطوم وسنرفع لهم القبعات لأنهم لن يفعلوا ما تفعلونه بالشعب السوداني فهل سمعت يوماَ عن إسرائيلي واحد إغتصب فلسطينية أو فلسطيني ؟ أرجو أن تسرع إسرائيل لتخلصنا منكم .


#1070222 [سوداني]
5.00/5 (1 صوت)

08-03-2014 04:07 AM
ايها الكرتي اسرائيل قصدت السودان بعد علاقتكم مع ايران وليس لتاييدكم القضية الفلسطينية

لماذا التقية فالشعب السوداني يقظ ويعي كل ما يدور حوله فلا داعي ان تطلب منهم اليقظة والوعي

كما انه يعي ويدرك فسادكم وتدميركم للبلد لاجل ايران من جهة وقطر وتركيا من جهة اخري نرجو من الله ان ينزع الملك منكم


#1070214 [sudani]
4.75/5 (3 صوت)

08-03-2014 03:36 AM
قال كرتى
(((صحيح أن أعداد القتلي غير متعادلة ولكن القبض على شخص واحد وقتل جندي وترويع السكان في مناطق تقول إسرائيل إنها مناطق آمنة وهذا يؤدي بالقادة الإسرائيليين للبحث عن دور))))
و انتم تقتلون المواطنين وتفسدوا باموالهم


#1070210 [عودة ديجانقو]
5.00/5 (10 صوت)

08-03-2014 03:27 AM
من يسمون أنفسهم بالمسئولين تعودنا منهم دائما الكلام المطاط على شاكلة مؤامره...مستهدفين...أجنده وهكذا.
دعنى أقول لك ياكرتى إن من يستخدمون ذلك الكلام المطاط عادة ليس لهم رؤيه واضحه للأمور أو خوفا من شئ ما يجعلهم يتسترون خلف تلك العبارات.
دعنى أقول لك ياكرتى أنتم حقيقة تعيشون منغلقون على انفسكم لا تدرون حقيقة ما يجرى حولكم من طفرات فى مجال المعلومات مهما كان نوعها التى اصبحت الآن فى متناول اليد بكبسة زر يمكننا معرفة الوان ملابسكم الداخليه واستشهد بذلك على جهاز امنكم المتخلف الذى لازال يمارس سياسه حتى إنسان العصر الحجرى تخلى عنها وهى تكميم الأفواه ومصادرة الصحف بعد الطبع.
إسرائيل دوله محترمه وليس لديها تصرفات صبيانيه كما ذكرت وعلاقتكم ومساندتكم لفلسطين ليست حكرا لكم وللدول العربيه بل هناك دول اخرى على المستوى الرسمى او الشعبى تساند القضيه الفلسطينيه ولا تخص حماس لأن حماس ترس فى القضيه الفلسطينيه ومثال موقف مانديلا الواضح لم يغضب الأسرائيلين وىجعلهم يفكروا فى تصفيته بل كانت لهم علاقه فيها احترام معه.
لقد دعوت الشعب لليقظة والانتباه ولم تقل لنا من ماذا رغم إننا ممسوحين من ذاكرتكم 25 سنه وهل هذا أسلوب جديد للتعبئه.

والله يا كرتى إنك سفيه طظ فيك وفى حماس


#1070208 [ركابي]
5.00/5 (17 صوت)

08-03-2014 03:22 AM
داعيا الشعب إلى اليقظة والانتباه لما أسماها الأعمال الصبيانية الإسرائيلية!!!!!!
هههههه يعني الناس تقعد تاني تساهر الليل تعاين في السمالو في طيارات اسرائيلية ماكفاية السيول والكوارث النحنا فيها ..ربنا يخلص الدنيا منكم ومن اسرائيل في يوم واحد ...


ردود على ركابي
[ركابي] 08-04-2014 02:46 AM
سلامات حبيبنا ابوريشة وكل عام وانتم بخير....حلوة قصة الورديات دي هههههههههه والله نحنا شعب تعيس ما كفاية الكوارث الطبيعية والسيول كمان ناس الانقاذ جابوا لينا اسرائيل تقول نحنا ناقصين ...
لك الود والتحايا

Sudan [ِAburishA] 08-04-2014 12:11 AM
اخوي ركابي لك التحية.. وين الغيبة دي...
هيع هيع هااااع تعليق في الصميم قلت لي الناس تقعد تساهر تعاين للسماء!!! احسن الناس تشتغل بالوردية وحدين بالليل يعاينو للسماء للصباج,, وواحدين وردية بالنهار.. وواحدين اوفرتايم... خالص مودتي


#1070202 [سلبونا]
4.96/5 (11 صوت)

08-03-2014 02:43 AM
ي كرتي السيخ عامل كم خليك من السياسه دي
مابتفهم فيها...


#1070201 [mohd]
5.00/5 (5 صوت)

08-03-2014 02:34 AM
ياخوانا الزول دا طالب من الشعب تدعم استراتيجية الدفاع بالنظر يعني لو في زول شاف له طيارة اسرائيلية يسبقها جري ويبلغهم عشان يجهزوا النبال حقتهم ويضربوها بيها

سخف
يعني شنو ياخذ الحيطة والحذر انتوا وقت اصلكم ما قدرها مالكم ومالها عارفنها كاسرة عينكم وسوت الدرب ساساقة ماشة وجاية وانتوا تكذبوا مرة دخيرة انفجرت ومرة حلة بريستو طقت

انشاء الله تجي وتمسح مجلس الوزراء دامن الوجود وانتم كلكم قاعدين فيهو وتجي تمسح البرلمان دا من الوجود وكلاب المؤتمر العفني مالينه

لعنة الله عليكم وتمسح كمان القيادة العامة النشوف الراجل البفتح فيكم خشمه منو ثاني
يا هرر


#1070198 [من تل ابيب]
5.00/5 (4 صوت)

08-03-2014 02:05 AM
هههههههههه والله العظيم اسرائيل لغن الارهابيين المدعيين الاسلام السياسي الذين شوهوا صورة الاسلام درسا لن ينسوه اطلاقا الارهابيين الجبناء صاروا يستعملوا الاطفال والنساء دروعا البشرية لكي يستسمروا بها تجارتهم الغير رابحة لكي يبنوا بها غزة البقعة المبنية مثله مثل دبي ولاس فيقس باموال قتلوني وضربوني والحكومة الاهبل في السودان بندعم غزة وغزة اصلا ما محتاجة نحن نعرفها اكثر منكم اعمل مجاري صرف الصحي في عاصمة الغرقانة



خدمات المحتوى


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة