الأخبار
أخبار إقليمية
سامسونج تنشئ "قرية ذكية" بنهر النيل
سامسونج تنشئ
تهاني عبد الله عطية


08-04-2014 04:28 PM
وقعت وزارة العلوم والاتصالات السودانية يوم الإثنين، مذكرة تفاهم مع شركة سامسونج الكورية في منطقة شرق أفريقيا مكتب السودان، ستقوم بموجبها الشركة بإنشاء "قرية ذكية" وكلية هدفها خدمة المجتمعات الريفية في ولاية نهر النيل شمالي الخرطوم.


وبحسب المذكرة، فإن القرية ستحتوي على مدرسة إلكترونية تعمل بالطاقة الشمسية ومركز صحي رقمي ومركز طاقة إداري ومولدات كهرباء تعمل بالطاقة الشمسية إسهاماً في تنمية وتطوير الريف السوداني ومواكبته للاستفادة من التقانات الحديثة وضمان بيئة صحية ونظيفة.


وتنص المذكرة على أن تقوم الشركة بالتنسيق مع منظمات المجتمع المدني المحلية لإدارة هذه المرافق بعد تقديم التسهيلات التقنية والتدريب.


وتلزم المذكرة حكومة السودان بتوفير وتحديد المواقع المناسبة لهذه المرافق بالتنسيق مع وزارات التربية والتعليم والصحة والكهرباء والمؤسسات ذات الصلة ضماناً لتحقق الفائدة القصوى وتعظيم العائد.


وأشاد وزير الدولة بوزارة العلوم والاتصالات بجهود ومبادرات شركة سامسونج في إطار المسؤولية الاجتماعية لخدمة المجتمعات الريفية، معرباً عن أمله أن تحذو بقية الشركات حذو سامسونج الكورية.


سونا


تعليقات 13 | إهداء 0 | زيارات 4890

التعليقات
#1072170 [zorba]
5.00/5 (1 صوت)

08-05-2014 04:38 PM
مع الغرق الحاصل دا إلا يبنوها فوق جبل - دا لو حصل اصلاً
كيزان كاذبون كاذبون كاذبون كاذبون كاذبون
عاصمة غارقة في التخلف ومشروع لإنشاء قرية ذكية!!!!!!!
مِحــــــــــــــــــن.


#1071897 [نورة النور نورين أبو نورة]
5.00/5 (1 صوت)

08-05-2014 10:42 AM
وتنص المذكرة على أن تقوم الشركة بالتنسيق مع منظمات المجتمع المدني المحلية لإدارة هذه المرافق بعد تقديم التسهيلات التقنية والتدريب.


ياتو منظمات مجتمع مدني محلية؟؟؟


#1071804 [مهند النجمي]
5.00/5 (1 صوت)

08-05-2014 09:02 AM
ليه نهر النيل .. وليه ما تكون كسلا مدني الخرطوم دارفور كردفان .. حتى العلم فيهو عنصريه ..


#1071783 [عميليق]
5.00/5 (1 صوت)

08-05-2014 08:47 AM
انا ما بعرف ولكن اكثر وزارة ما عندها موضوع فى الوقت الحاضر هى وزارة العلوم و الاتصالات دى يا اخى الناس عايزة اكل وعايزه موية نظيفة وعايزه صحة وتعليم تجى تقول لى قرية ذكية يا اخى دى فى الدول التى تمتلك القروش زى الرز ما ماعطنها اى اهتمام يجو جماعتنا الكحيانين ديل عايزين قال قرية زكية يا اوزيرة الاتصالات كتروا لينا الكسرة و الملاح والخيام والحديد و الاسمنت وساعدونا عشان نبنى لينا بيوت ثابته ما كل خريف يجرفها السيل .وتحياتى للوالى الهمام


#1071643 [Khalidali]
5.00/5 (1 صوت)

08-05-2014 01:25 AM
نحن محتاجين لعقول زكيه من سامسونج
1- عمر بنقو تبديل كلى للنيفه
2- بكرى صطله تبديل سلوك شابكه ومحروقه منز ايام واو والدمازين
3- اللمبى مافى فايده يترك كما هو لترفيه الشعب
4- الترابى يقطع الرأس الشيطانى ويبدل برأس ذو عقل زكى


#1071540 [لطيفه]
3.00/5 (2 صوت)

08-04-2014 09:38 PM
لك الله يا د ا ر ف و ر
لا تغضبوا سوف نعمل لكم رغيفه ذكيه مثل مايدة بنى اسرايئل تاكلوا فيها مائة سنه وما ذلك على الله بعزيز

لكم الله اهل امبده سوف ننزل لكم امطار ذكية تصب فى حاره وتفط حاره

لك الله ايها السودان تحتاج الى حكومة ذكية لاكن ما لاقى اللهم الا نجيب خبراء من اسرايئل


#1071537 [المشروع]
1.00/5 (1 صوت)

08-04-2014 09:26 PM
يا جماعة انتو تصدقوا اي كلام يتقال ؟ خلي الوزيرة تقول ما تقول وسوف تسمعوا الكثير جدا من الكلام بالقرب من الانتخابات قرية ذكية ومدينة ذكية وكلها عبارة عن آمال للشباب المسكين وكل انسان يعتقد ان الحكاية جد وينفتح قداموا باب امل
ولو افترضنا ان الخبر صحيح فإن المستفيدين من القرية الذكية او من خدمات الوزارة هي فئة معروفة ومحدد سلفاً وهل كان الكيزان في يوم من الايام عادلين ؟ وهل يعرفون العدل ؟ وهل نتوقع منهم عدل ؟


#1071465 [علاء الدين أبومدين]
3.00/5 (2 صوت)

08-04-2014 06:26 PM
وينها القرية القرية الذكية Smart Village

دا كلو مدرسة ومركز صحي ومركز طاقة... ياسيادة الوزيرة فضحتينا؛ القرية الذكية يعني تواجد لكبرى شركات الكمبيوتر والاتصالات في مجالات ألـ Harrdware وألـ Software والخبراء فيهما... إلخ


#1071458 [الجنجويدي]
1.00/5 (1 صوت)

08-04-2014 06:15 PM
smart village هل هم يقصدوا الكلام ده لو صح احسن شوفوا ترجمه ثانيه ذي واحد ايام نميري قال الارجنتين عندها وزارة الذكاء والوزارة هي وزارة الاستخبارات


#1071440 [شمشون]
1.75/5 (3 صوت)

08-04-2014 05:31 PM
ولاية عدد سكانها أقل من أمبدة ومستأثرة بكل الدلع، قالوا هم أشراف؟


ردود على شمشون
Qatar [محمد عمر] 08-05-2014 11:31 AM
تعليقك يدل على جهلك وعنصريتك المقيتة .. فقط أنصحك بزيارة نهر النيل على الطبيعة لترى بعينيك البؤس والشقاء

Saudi Arabia [ود قربه] 08-05-2014 09:51 AM
أشراف صحيح وكل الناس شرفاء لكن يظهر عليك لا تعرف شئ عن ولاية نهر النيل والتي كانت ولكن الآن سؤالها يغني عن حالها بس فقط مفهوم سكان الولايات الشمالية يختلف عن مفهوم غيرهم وإلا كانوا أول المتمردين من سوء الاحوال وتردي الخدمات .
وقالوا سبق أن مسؤول جنوبي زار الولايات الشمالية وقال ( ده إنتو حالة بلدكم أصعب من بلدنا بس ما عندكم غابة تدخلوها ) صحراء وأهم المهن الزراعة فما بالك لو عندنا خريف وخضرة زي بلد التمرد كان ناس امبدة ديل خلو السودان حاجة تانية .

Qatar [A. Rahman] 08-04-2014 06:50 PM
الاخ/ الابن شمشون

انت صدقت انه زي حكومتنا دي حتنفذ الكلام الكبار كبار دا؟ و سامسونج عملت كويس بربط الموضوع بالتنسيق بين التربية و الصحة و الكهرباء الخ........الجماعة بدل ما ينسقوا حيقعدوا يفكروا في اللبع، و بكرة حتي مع بتعميم الفكرة في كل أنحاء السودان و هي مربوطة بالجبايات من المواطنين بعد ان فتحت لهم بابا جديدا، و لن ينفذ مشروع واحد. شكيناك على الله يا سامسونغ مالك علينا، الجماعة استنفذوا كل انواع الجبايات و نفضوا جيوبنا تقومي تفتح ليهم باب جديد؟


#1071415 [الناس شايلة سلاح من شوية!!!!]
2.00/5 (3 صوت)

08-04-2014 04:50 PM
مع احترامي لاهلنا في ولاية نهر النيل .... هل تعلم حكومة الانقاذ اي ولاية غير ولاية نهر النيل يمكن ان تكون لها نصيب في التنمية!!!؟
الاستثماو والمستثمرين والمشاريع الزراعية والمصانع كلها موجها لولاية نهر النيل قدس الله سرها .. طبعا السبب معلوم.


ردود على الناس شايلة سلاح من شوية!!!!
Qatar [محمد عمر] 08-05-2014 11:36 AM
أولاً هي أربعة مصانع هي عطبرة ، السلام ، بربر ، التكامل من أين أتيت بالثلاثة الأخرى التي ذكرتها ؟
وعلام تقصد بالهمز واللمز ؟؟ مصانع الأسمنت استثمار عربي والمستثمر ليس فاعل خير كما تظن لم يأت لاستثمار أمواله إلا عندما الظروف الملائمة وتوافر المادة الخام وليس من أجل سواد أعين مواطني نهر النيل

Sudan [سشةتخخى] 08-04-2014 09:09 PM
شوف اى نشرة اخبار كل المشاريع موجهة لمناطق معينة يكفى ان بها 7 مصانع اسمنت و لا عزاء لناس ربك

[Abdu] 08-04-2014 08:19 PM
يا (شمشون) و يا (الناس شايلة سلاح من شوية!!!) ما لكم كيف تجكمون وكأني بولاية نهر النيل وقد استأثرت بحميع موارد السودان والله أنا من نهر النيل والتهميش فيها مثله مثل حميع ولايات السودان. فقط انظر هذه الايام لما يصيب ولاية نهر النيل من آثار الامطار والسيول وستعرف مدي الخدمات التي تقدم وممكن تكون نمرة 1 المتأثرة في جميع ولايات السودان. ما تخلوا نظرتكم ضيقة فولاية نهر النيل عانت مثل باقي ولايات السودان ومازالت تعاني.

Saudi Arabia [أبو سامح] 08-04-2014 05:06 PM
تحياتي .. أرجو ألا تنسى أن هذه الولاية وغيرها .. تشهد الآن حرائق ممنهجة ومنظمة .. ودفع الناس ثمن صمودهم مصادر أكل عيشهم .. والسبب معروف ..


#1071409 [كفاية]
3.00/5 (3 صوت)

08-04-2014 04:37 PM
الوزيرة تريد محاربة الفيسك بوك والواتساب في الهواتف الذكية وتريد انشاء قرية ذكية !!!


#1071405 [ركابي]
4.00/5 (6 صوت)

08-04-2014 04:33 PM
قرية ذكية وحكومة غبية!!!!!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة