الأخبار
أخبار السودان
الخضر للمواطنين ( اتحملونا ) وعدوا العام دا خنق
الخضر للمواطنين ( اتحملونا ) وعدوا العام دا خنق
الخضر للمواطنين ( اتحملونا ) وعدوا العام دا خنق


لحين تنفيذ برنامجنا الذي يريح الناس
08-06-2014 09:33 AM

الخرطوم: عازة أبوعوف
طالب والي الخرطوم عبدالرحمن الخضر المواطنين بتحمل الحكومة لحين تنفيذ برنامجها الذي يريح الناس بحسب قوله، واعترف في الوقت ذاته بوجود مشاكل بالمنهولات بجانب قصور في المصارف بمناطق الأزهري وجبل أولياء وخاطب المواطنين بتلك المناطق بقوله: (عدوا العام دا خنق) و"إن شاء الله العام الجاي ما في غرق "، وفي الوقت ذاته أقر بوجود مشاكل إدارية بولايته وقال إنها "تخصم 25%من جهدنا ".وناشد المتضررين الذين لم يتم يتسلموا الدعم بالحضور لاستلام حصتهم "أي متضرر ما استلم حصتو يجي حقو قاعد "و"لو اتضرروا 10 ألف نحن جاهزين "ووجه انتقادات للإعلاميين وزاد "بنستحمل الناس وإنتو كمان"، "وقدرنا نتحمل ديل وديل لحدي ما ننجز المطلوب مننا". وكشف في الوقت ذاته عن وفاة 17 مواطن منهم 9نتيجة صعق كهربائي وحالة صاعقة 5 غرق وحالتين لسقوط الجدران عليهم فضلاً عن سقوط 2390 منزل وأشار إلى أن 3077 منزل بالولاية لا تصلح للسكن، ونوه الى ضرورة تسليم الدعم لمستحقيه عبر البطاقة وقال:" ما أي زول يقول ما أدوني يدوه". وفي سياق متصل أكد الخضر أن استقالته من أسهل القرارات التي يمكن أن يتخذها ولكنه عاد ليؤكد أن الأمر يحتاج لتفكير وأضاف: "يعني شنو لو والي ذهب طالما أن السيستم يعمل "ونفى طلبهم من الجهات الخيرية تسليم الدعم للولاية لتوزيعه "ما اشترطنا على زول يجيب دعمو للولاية فهم مخيرين "ونوه الى أن افتتاح المدارس في موعدها بقوله "ما حنوقف حاجات الحكومة عشان الحاجات دي "وأشار الى أن ولايته وزعت 1945 خيمه وتمكنت من سحب 52% من المياه عبر 344 طلمبة وأبان أن نسبة المياة التي استقبلتها الولاية تقدر بـ2 مليار متر مكعب وتعادل 22% من نصيب السودان في النيل وطالب بتعديل الميزانية وإدراج حصاد المياه ضمنها للاستغلال الأمثل للمياه والحفاظ على النسبة العالية من الأمطار حتى لا تذهب للنيل وتصبح ملكية عامة.

الجريدة






تعليقات 38 | إهداء 0 | زيارات 9443

التعليقات
#1073370 [الحالم]
3.94/5 (5 صوت)

08-07-2014 08:59 AM
كلامك يا دكتور الخضر جميل لكن وين التنفيذ اهو كلام و السلام تحدث قليلا وافعل كثيرا لانه الناس سئمت من الكلام الما جايب حقه


#1073178 [Sadrik]
4.07/5 (5 صوت)

08-07-2014 05:11 AM
الوالي بيعرف مقاس مويه المطهر بالدقة لاكنو ما بيعرف يحفر ليه خور لتصريف المياه مستنك ربع قرن وحنستناك السنه دي لكن انت ما سوره وزوجتك وجيرانك عارفين انك ما سوره لكن البقنع البشير


#1073127 [المقهورة]
4.15/5 (13 صوت)

08-07-2014 12:47 AM
إذا المنهولات هي خشومكم ليه المصارف ما تعاني قصور؟
روح داهية تاخدكم


#1073106 [التاج محمد احمد]
4.13/5 (6 صوت)

08-06-2014 11:40 PM
ياجماعه انتو مستعجلين ليه الزول دا قال ليكم اصبروا علينا
يعني لسه ناوين يجلسوا 50 سنه عشان المده الفاتت دي كانوا
بتعلموا الحلاقه في رؤوسنا
خلاص الحلاق دا بقي ماهر ما علينا الانسلم راسنا


#1073054 [سامي السيد]
3.57/5 (5 صوت)

08-06-2014 09:54 PM
كقاعدة عامة في الكيزان حب المناصب وعدم الرغبة في تركها والتبرير الكاذب للفشل للاحتفاظ بالمناصب دون حياء أو خجل رغم تكرار الفشل في مجابهة السيول والآمطار عام تلو عام ظل الخضر متمسكا بمنصبه ويوهم اهل الولاية بمستقبل زاهر وقد كانت فضائح الفساد التي ظهرت بمكتبه وحدها تكفيه لتقديم الاستقالة وتقديم نفسه للمحاكمة ليبري زمته امام الناس ولكن اهل الانقاذ لم يعرف عنهم طهارة اليد والذهد في ملذات الدنيا من اموال ونساء وقانطير مقنطرة من الذهب والفضة كما لم يعرف عنهم الصدق ابداً فقد سلبت الحكم بليل بكذبة الانقاذ الذي لم نرى تطبيقه الا فيهم فقد انقذوا انفسهم من فقر مدقع وصاروا من اصحاب المليارات وساقوا الشعب نحو مهاوي الفقر والهجرة والنزوح والحروب والتقسيم
ليس للشعب إلا الثورة للخلاص من السرطان الذي ينتشر في ارضها ويبيد الأخضر واليابس فقوا ايها الشباب الي ثورتكم يرحمكم الله


#1073030 [سيد الكارو]
3.00/5 (4 صوت)

08-06-2014 08:53 PM
والله ما قدرت اقرأ البر للنهايه


#1072970 [ابو علي]
3.72/5 (6 صوت)

08-06-2014 06:51 PM
السلام عليكم الخضر قال كمية الموية 2 مليار متر مكعب وسحبوا نصفها ب 243 مضحة جميييييييل خلينا نحسبها وقبل كدا شوفوا الموقع دا فيه انواع الطلمبات وسعاتها http://arabic.alibaba.com/product-gs/agricultural-irrigation-diesel-engine-water-pumps-1425473968.html?s=p
علشان تستخدم 344 طلمبة اكبر طلمبة سعتها 2265 متر مكعب في الساعة لسحب 1 مليار متر عاوز ليك 1283.433 ساعة يعني 53.47 يوم . يعني الخضر بدأ يسحب في الموية قبل ماتجي؟؟؟؟؟؟؟؟؟؟


#1072968 [ماجد مكين]
4.00/5 (5 صوت)

08-06-2014 06:46 PM
ما زال مسلسل الكذب و الضحك علي الذقون و الاستخفاف بعقل الشعب المسكين مستمرا ان شاء الله تغرقوا في طشت


#1072967 [عصمتووف]
3.40/5 (10 صوت)

08-06-2014 06:46 PM
انتو فطسنونا عاد تاني بنشعر بالخنق كل يوم واسبوع وشهر وسنة وساعة ودقيقة وثانية 25 عاما تاني بنحس حشرتوا لكل فرد وفرده خازووووووووووووق


#1072928 [alsiddig]
3.13/5 (4 صوت)

08-06-2014 05:27 PM
والله ياشباب نحنا شعب واطى وكلب وجبان وقادتنا ما بيعرفو ربهم
والله لو جبنا واحد من الشارع ما حيكون أسوأ مما نحن فيه
وبكره تجى الإنتخابات وأعيان القرى يقبضو الفلوس وكل الجماعه صوتهم ليهم وما حيكون فى تغيير إلا بواسطة الشعب والشعب إذا طلع الشارع يقتل وينفى بالله عليكم فى حد يحل المعادله دى ؟
يازير الصحه إنت عاله على الصحه وتستاهل المصحه
ويا الخضر بالله عليك إنت مفروض تسلم نفسك
وأما ناس على وجماعته الله يورينا فيهم يوم على ملأ العالم إلهى تحطمهم على الطريق برا أو جوا

ويا البشير والله راجيك الراجيك بس يوم الحساب لآنه مافى حد ولا نغش على نفسنا يقدر ياخد ماعملته فينا بس يوم تسود وجوه إلهى يسود وشك ز

ياناس نحنا جاتنا زبحه
والشعب فى coma بس الى متى الغيبوبه ... ومافى تكل على الأحزاب
الأحزاب دى نحنا من 15 سنه نفس المنوال ونفس السيناريو لا جديد الى أن تأخذهم الدنيا


يارب ....


#1072884 [ِAburishA]
3.63/5 (9 صوت)

08-06-2014 04:09 PM
الوالي قال ليكم (عدوا العام دا خنق)!!!
** خنق كيف اكتر من الانحنا فيهو ده!! خنق كيف اكتر من خنقكم لينا 25 سنة..
**الخنق بجنازير ارحم لينا من وشوشكم الجالبة للاشمئزاز والنحس دي!!

************ يخنقوك بسلك شايك ********* قول آمين....


#1072865 [zorba]
4.13/5 (6 صوت)

08-06-2014 03:16 PM
(عدوا العام دا خنق)

دي اللغة التي يتحدث بها هؤلاء وبنفس المفهوم تُدار البلد
كيف يمكن نترجم الكلام الفوق دا لقناة مثل ال CNN كتصريح من جهة مسئولة عن غرق بلد في شبر موية.
من لغتك دي كل يوم نتأكد من أن الدمار الذي حل بالبلاد نتاج كوادر غوغائية غير مؤهلة حتي في التصريحات.
دي لغة "تصريحات" قلاعين و رُباطية "وكل إناءٍ بما فيه ينضحُ" يا والي "الكُوفة" آسف الغفلة.
بلد مِحن!!!!


#1072855 [محسن]
3.85/5 (8 صوت)

08-06-2014 03:00 PM
هو اذا كان اصغر موظفيك بينهب المليارات ياتو خسر يرتجى منك! يا والي الهنا اصمت واذهب لا ماسوفا ليك. لكن الخطا ليس خطٱك انما خطأ من لا يريد ان يقيلك


#1072851 [رانيا]
4.19/5 (7 صوت)

08-06-2014 02:58 PM
إنتوا شفتوه قال شنو في الأخبار ؟ ندعو إدارة الراكوبة بتنزيل فيديو عن حديثه بهذا الخصوص ..أنا ما شفته لكن وحدة كلمتني إنه قال فيما معناه إنه الإعانة القطرية ما كفت المتضررين وإنهم كملوا الباقي من قروشهم !! قبل أن يستدرك الأمر ويحاول يعّدل كلامه . حبيت أتأكد .


#1072790 [sasa]
3.64/5 (12 صوت)

08-06-2014 01:22 PM
ياوالى الهنااااااااااااااااااااااااا غسااااااااااااان وين !!!!!!!


وبس ماعزين منك شئ ثانى


#1072788 [jakoma]
4.13/5 (7 صوت)

08-06-2014 01:21 PM
الخرا..بل الناس يتمنون خنقك ليروا اموال التحلل تخرج من دبرك


#1072783 [حسكنيت]
4.75/5 (9 صوت)

08-06-2014 01:17 PM
رؤوس محتاجة إلى حلاق ماهر
+ راسوناشف ( صاقعة تاخدو يارب مع المطر الكتير دا)
+ راس الحية..(ود عطا.... ثيردباك الحكومة)
+ راس المكنة ( 25 سنة وأتوميزراتو شغالة قرف)
+ راس البنقو ( نائب رأس المكنة)
+ راس النيفة ( راتبو 30 مليون)
+ راسو لين ( اليومين ديل مرطب فى عاصمة الضباب)
+ راسو مشعف ( أعوذ بالله منو..خاصة لما يتكلم)
+ راسو بجى (80سنة وإمكن برضو ما يجى)
+ راسو فاضى ( فى البرلمان وما عندو شغلة غير النسوان)
+ راسو خفيف (تمامة الجرتق أدوهو كاس واحد بقى إشتم يمين وشمال)
++ راسبوتين ( إسوى فى المصائب وإتكشم )...دا عايز ليهو مقص نجيلة
وما ننسى راس الحربة ( لا دقن لا شنب) وراس الهوس( أب شليخات )
مافى ود حلال إلحقهم رأس غردون ؟


#1072776 [نصرالدين على]
4.13/5 (7 صوت)

08-06-2014 01:13 PM
كل عام تخنقون


#1072773 [قرضمة]
3.63/5 (7 صوت)

08-06-2014 01:05 PM
اول زول حا نخنقه هو انت يا الخضر
و بعدين انت قاعد للسنة الجاية !!!.... احسبوا معاي مافي نوم للسنة الجاية


ردود على قرضمة
[حمد] 08-06-2014 04:19 PM
الغريب فى الموضوع قصة الاستعداد للخريف وتشوف الصور تلقى الحفارات شغالة تشيل فى الطين والاوساخ القافلة المجارى - فالحكاية ما حكاية امكانيات ليه الحفرات دى ما جات من الاول ولا بعد المطرة تجى يتم التحرك
التاس دى ما عندها اى عذر فى حكاية الكذب الماشى طوالى
دا حدو متين
وبعد دا كلو وبقوة عين تلقى الخضر مترشح مرة تانية


#1072760 [ظلال النخيل /فريد محمد مختار]
3.20/5 (9 صوت)

08-06-2014 12:48 PM
هو في يوم مر على الشعب السوداني منذ 30يونيو 1989م ماكان فيه خنق؟؟؟؟؟
كل أيامنا خنق وأيامكم سرقة وتحلل وهنق


#1072757 [الوطن الجريح]
3.85/5 (6 صوت)

08-06-2014 12:44 PM
ياريت تستقيل وتريحنا بس كيف تستقيل عشان بكره كل فضايحك تنكشف أذا كان رئيسك مطلوب للمحكمة الدولية وخايف يفك الحكم بكرة لأهي جاك رئيس تقول أستقيل كلامكم المخدر بقي مابينفع مع الشعب والله تمنيت لومره واحدة يكون في مسؤل شجاع في حكومتكم دي يقدم أستقالتة أعترافاً بالتقصير لكن كلكم طلاب مناصب كيف تستقيلو ولا تدخلو مثل هذة الثقافة بس حسبي الله ونعم الوكيل


#1072756 [حسكنيت]
4.16/5 (8 صوت)

08-06-2014 12:40 PM
السيستم دا ياهو البنطلون الناصل وللا حاجة تانية؟


#1072743 [ابو مبارك]
3.60/5 (8 صوت)

08-06-2014 12:30 PM
والله ياجماعة المشكلة مافي المنهولات ولا في مجاري الامطار والسيول ولا في المطر نفسه المشكلة ياجماعة فينا انحنا :
ربنا قال ولا تأكلوا اموالكم بينكم بالباطل وانحنا مافي حاجة في بلدنا دي بتمشي بدون رشوة
ربناقال ( ومن الناس من يشتري لهو الحديث ليضل عن سبيل الله بغير علم ويتخذها هزوا اولئك لهم عذاب مهين)قال ابن عباس هو الغناء
وقال رسول الله صلي الله عليه وسلم ليكونن من امتي اقوام يستحلون الحر والحرير والخمر والمعازف وقنواتناالفضائية شغالة ليل نهار سيك ميك
رسول الله صلى الله عليه وسلم يقول إن الناس إذا رأوا الظالم فلم يأخذوا على يديه أوشك أن يعمهم الله بعقاب منه
وحكومتنا ظالمانا ظلم الحسن والحسين وانحنا ساكتين
بالله عليكم الله كيف ما تعذبنا الامطار وتبهدلنا الاسعار وفي الاخره راجيانا النار وما ادراك ما النار اعوذ بالله من غضب الجبار
قولوا الحمد لله انو ربنا ما رسل لينا صاعقة مثل صاعقة عاد وثمود
يا ناس لن يغير الله ما بقوم حتى يغيروا ما بانفسهم


#1072741 [المتجهجه بسبب الانفصال]
3.94/5 (5 صوت)

08-06-2014 12:29 PM
الخضر ،،، سبحان الله ،،،


#1072733 [كمال]
2.11/5 (9 صوت)

08-06-2014 12:17 PM
نحن عدينا 25 سنة خنق ما كفاية.


#1072726 [الطيب خالد]
4.19/5 (6 صوت)

08-06-2014 12:08 PM
يا حليلك يا بلدنا الملطشة ديل بتعلموا الحلاقة فى رؤوس اليتاما . قال ساهلة الأستقالة أدونا خاطركم إنتو والبلد تعمر لأنها ما شافت معاكم خير كل يوم كارثة جديدة عايزين توصلوها وين مش عارفين . يا جماعة غادروا عليكم يسهل وعلينا يمهل . إس


#1072718 [من المركز]
3.85/5 (6 صوت)

08-06-2014 11:50 AM
الراجل ده والله ما بيخجل. قال مت دام السيست شغال. اي سيستم اللي بتكلم عنه ؟ وماذا كانت نتيجة السيستم في اي وجهه من الخدمات؟
السيستم الوحيد الشغال هو نهب الدوله وممتلكات المواطنين من الحزب الحاكم واعضائه النافذين. اذا اي واحد عارف حاجه غير كده خليه يوضح لينا حتي الوالي نفسه ممكن يوضح لينا السيستم ده شغال في اي مجال. والله المستعان علي ما ينطقون به من كذب
الا لعنة الله علي الظالمين


ردود على من المركز
Saudi Arabia [رانيا] 08-06-2014 03:06 PM
ده بنطلون السيستم الماساتر أي شئ وفاضح اللابسه ..


#1072688 [ركابي]
4.16/5 (11 صوت)

08-06-2014 11:18 AM
خاطب المواطنين بتلك المناطق بقوله: (عدوا العام دا خنق) و"إن شاء الله العام الجاي ما في غرق !!!!!!!!!!!!! فعلا اخير لينا الربيع زي ما في الكاراكتيير ...الثورة علي هذا النظام قبل اكتمال عام 2014 ومافي حل غير كدة وماعايزين تفكير في البديل لانو ماحيكون اسوأ من النحنا فيهو ده


#1072684 [Mustafa brahim Ogall]
3.54/5 (15 صوت)

08-06-2014 11:12 AM
لم يفصح السيد الوالى عن كيفية الخنق
هل نخنق بعضضنا البعض ام نخنقه هو


ردود على Mustafa brahim Ogall
Saudi Arabia [رانيا] 08-06-2014 03:00 PM
هههههههه حلوة يا درش .


#1072670 [خالد حسن]
4.07/5 (10 صوت)

08-06-2014 10:52 AM
كل سنه نفس الكلام ووعد بالعام الفادم افضل
حرامي وكضاب .. الحق ماعليك علي الشعب المفروض يقلعكم ويرميكم في الكوشه لانكم كوش


#1072669 [ناصح]
3.32/5 (13 صوت)

08-06-2014 10:52 AM
ياوالي سيبك من الكلام ده ؟؟؟ موضوع الاراضي المختلسة والمليارات ...والوليد بتاعك والجماعة المعاهو الحصل فيهو شنو


#1072652 [راشد الحبر]
4.19/5 (10 صوت)

08-06-2014 10:36 AM
والله يا والينا !!!!! أحسن ليك تخلينا!!!!


#1072648 [عدم الاحساس مشكلة]
3.07/5 (9 صوت)

08-06-2014 10:34 AM
بركة الله يا عبد الرحمن السنة الجاية انت وحميدة في الدنيا ما تكونوا قاعدين ، سامع مجبيب رب العالمين . تفي عليك وعلى تربايتك ابوك كان عفيف ونضيف ولكن ما عرف يربيك يا واطي يا رخيص .


ردود على عدم الاحساس مشكلة
Sudan [من البداوة إلى الحضور] 08-06-2014 03:24 PM
والينا مسكين
إختطفته الحركة الإخوانيّة
كغيره من حِجر والديه المساكين
ثمّ أرضعته من شطور الماسونيّة
ومن ثمّ رعرعته كغيره إلى حين
أن تعلّم وغيره الإنتحالات الكيزانيّة
التي أثمرت عن سرقتهم لكلّ الطين
الذي أقاموا عليه المزارع المافيويّة
وما أدراك ما الطين
يا أيّها الزول المسكين
فلتعلم بأنّ هذا الطين
الآن ينافس الذهب والبورصات
وتنبثق عنه الحيازات الدولاريّات


#1072634 [ديامي]
4.04/5 (8 صوت)

08-06-2014 10:22 AM
انشاءالله الخريف الجاي انت في جهنم يااااااارب ببركة الامطار دي


#1072630 [لسان حال الكيزان...!!]
2.02/5 (11 صوت)

08-06-2014 10:17 AM
نطق لسانه... بما يضمره قلبه...

وهو يعبر عن... حال العصبة المتنفذة تماماً: تمو العام ده خنق!!!

يعني لحدي ما تجي الانتخابات.... وبعدها... عيييك

يعني نحن ما حا نشتغل بيكم شغلة... بنتم العام ده منفزرين ساي... وانتو أكلو ناركم...

ما عندنا ليكم قروش.... القروش داخرنها للانتخابات.... وفايزين فايزين....

الله في...


#1072627 [الكنزي]
4.19/5 (8 صوت)

08-06-2014 10:16 AM
وناشد المتضررين الذين لم يتم يتسلموا الدعم بالحضور لاستلام حصتهم "أي متضرر ما استلم حصتو يجي حقو قاعد "و"لو اتضرروا 10 ألف نحن جاهزين

احداث العاطلين كانت قريبه مع الولايه ومعك انت شخصيا عندما دعوتهم الي الولايه لتسليمهم وظائف,داير تعيد التجربه وبعدين تنط وبقول لا انا ماقلت كده , استحي استحي اذا المعونات دي موجوده عندكم ماوزعتوها ليه حتي الان وله سربت لسوق ليبيا والسوق المركزي بواسطة عناصركم في الولايه كالعاده وحقك محفوظ زي مابقول رجل مشروع سندس الزراعي حقي كم


#1072618 [Awad]
4.00/5 (10 صوت)

08-06-2014 10:10 AM
المصيبة يا والى الهنا فيكم وفى سستممكم الذى بدأوتوا بيه منذ عام 89 وحتى اليوم وظبعا السستم هو رزق اليوم باليوم الشغالين بيه ونهبكم الذى جرف الأقتصاد كسيل العرم فالمواطن يلقاها من نهبكم ولا من الأمطار ولامن الغلاء الذى تسببتم به ولا من الأمراض التى أستوطنت فيه ولامن علاج ولاحق علاج.ياأخى أختشوا وأدونا عجاج رحيلكم.الله يفكنا منكم.


#1072601 [alsiddig]
3.32/5 (7 صوت)

08-06-2014 09:51 AM
قاتلك الله
حتى فى المويه النازله من ربنا عايزين نصيبكم .. يصيبكم ربنا بصاقعه تشيل روحكم
سبتو كل شى مدمر ومنهار وبس تفكرو فى نصيبكم
ياعالم
ياعالم كفايه كفايه كفايه



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة