الأخبار
أخبار إقليمية
معتمد محلية شرق النيل : تم وضع الاحتياطات اللازمة لمجابهة فيضان النيل
معتمد محلية شرق النيل : تم وضع الاحتياطات اللازمة لمجابهة فيضان النيل
معتمد محلية شرق النيل : تم وضع الاحتياطات اللازمة لمجابهة فيضان النيل


08-06-2014 03:51 PM
الخرطوم (سونا) - نفي الدكتور عمار حامد سليمان معتمد محلية شرق النيل اجتياح السيول للمحلية خلال الأيام الماضية،وأعلن وضع الاحتياطات اللازمة لمجابهة أي فيضانات متوقعة.

وأكد المعتمد خلال تفقده لعدد من المناطق بالمحلية بحضور المعتمد برئاسة حكومة ولاية الخرطوم الدكتور ياسر الجميعابي وغرفة طوارئ الخريف بالمحلية أن المصارف التي تم تطهيرها ساهمت في انسياب المياه بصورة طبيعية فضلاً عن تشييد عدد من كباري تصريف المياه بشارع ليبيا وأم دوم وقال أن عدد المنازل التي تأثرت بهطول الأمطار بلغ (179)منزلاً وأعلن دعمه لجميع المتأثرين .

مشيراً إلي أن الأوضاع تحت السيطرة وذكر أن المحلية استفادت من تجربتها السابقة مع السيول في خريف العام الماضي ؛والتي أدت إلي تدمير أكثر من (23) ألف منزل بين الانهيار الكلي والجزئي وأوضح إلي أن عدد الفصول التي انهارت بشكل كامل بلغ (5 ) فصول وأن عدد الفصول المتصدعة والتي تحتاج إلي صيانة يبلغ (59) فصلا.

ووجه الجهات المختصة بتسليم أدارة التعليم بالمحلية عدداً من الخيام لاستخدامها كفصول مؤقتة ريثما يتم الانتهاء من عمليات الصيانة والتأهيل للفصول ودعا الجهات المختصة بشفط المياه من الميادين والساحات العامة وذكر أن غرفة طوارئ الخريف بالمحلية علي استعداد للتعامل مع جميع البلاغات الواردة إليها علي الرقم 1940،واثني المعتمد علي تضافر الجهود بين الجهات المختلفة من أجل درء آثار الخريف .


تعليقات 11 | إهداء 0 | زيارات 2973

التعليقات
#1073526 [محسن ابو حراز]
0.00/5 (0 صوت)

08-07-2014 01:29 PM
الناس ديل منفحين زى شوال القطن بياكلو شنو ؟؟؟؟؟؟؟؟؟؟؟؟؟؟؟


#1073381 [مدقق]
3.13/5 (4 صوت)

08-07-2014 10:22 AM
1/ تم وضع الاحتياطات اللازمة لمجابهة فيضان النيل
2/ تم وضع الاحتياطات اللازمة لمجابهة الفيضانات
3/ تم وضع الاحتياطات اللازمة لمجابهة الخريف
4/ تم وضع الاحتياطات اللازمة لمجابهة انهيار الاقتصاد
5/ تم وضع الاحتياطات اللازمة لمجابهة الضربة الاسرائيلية

وكلوا نفخ في الفاضي كلو فشنك


#1073110 [معاوية]
4.36/5 (7 صوت)

08-07-2014 12:48 AM
بالله شوف الزول ده لابس كيف التقول معتمد محلية باريس تفو عليك عامل زى الفيل كده


#1073080 [sudani]
4.60/5 (7 صوت)

08-06-2014 11:52 PM
دة كلوا معتمد ولا دة الفيضان والسيول -اكان الصورة دة للمعتمد اكيدة ( اعتماديتة ) ولا ( معتمدية ) ما بتغرق اكيد ح يشفط حتى المحيط لو جاء- السنة الفاتت غرغت لانو كان مافى فى العمرة


#1073007 [مجهول وطن]
4.55/5 (12 صوت)

08-06-2014 08:50 PM
مشيراً إلي أن الأوضاع تحت السيطرة وذكر أن المحلية استفادت من تجربتها السابقة مع السيول في خريف العام الماضي..
واخد بالك معي الناس ديل بيستفيدو من التجارب السلبقه الله يحرق دمك بي جدومك دي


#1072997 [ِAburishA]
3.32/5 (5 صوت)

08-06-2014 08:36 PM
هل زرتم كل (الحاج يوسفات).. و(الوحدات).. و(دار السلامات) و (سوق ستات) و (التعويضات) و(المايقومات) و (الشقلات).. ام هي خارج نطاق محليتكم وبالتالي زياراتكم يا صاحب السعادة!!!
الميديا نقلت لينا بالصور مباشر....


#1072966 [عصمتووف]
4.60/5 (7 صوت)

08-06-2014 07:43 PM
كلك شلاضيم وورم ب اموالنا اولا
نحن املنا كبير علي الله ومتكلين علية ثانيا
البتكل عليكم واطاتوا اصبحت لا استبعد ان يداهمنا فيروس الايبولا


#1072953 [ahmed]
4.19/5 (7 صوت)

08-06-2014 07:15 PM
الكيزان ديل بياكلو شنو؟؟؟؟؟؟


ردود على ahmed
Saudi Arabia [حمدى] 08-07-2014 07:21 AM
بياكلو سمك بلطى ولحم الضب وعيون الكديس ونخرة الجمل وبسلخو النمل
وبنومو اليوم كلو وبتقابلو فى صلاة الصبح يتقسمو الغنائم ويرجعو ينومو لغاية صلاة فجر اليوم التالى


#1072940 [aupahmad]
4.19/5 (6 صوت)

08-06-2014 06:40 PM
الزول دى دكتور حمدا على السلامة وين يازول كنت فى العمرة ولاشنو والله متابع لكل الميديا اول مرة اشوف يتكلم عبد الرحمن الخضر خليناه لله


#1072916 [منو العوض]
4.19/5 (6 صوت)

08-06-2014 06:09 PM
ماقدرت علي موية المطر بتقدر علي النيل قوم بلا كذب معاك


#1072862 [Sam7]
4.60/5 (7 صوت)

08-06-2014 04:08 PM
الزول ده بعد مطرة السنة الفاتت, و الأخفاقات التي صاحبتها خاصة في شرق النيل, ما قالوا إستقال و تفرغ للدعوة... قلنا بادرة حميدة... لكن زولنا ما زال مكنكشاً زي الوالي
ياخي أخجل


ردود على Sam7
Sudan [احمد شرق النيل] 08-07-2014 10:26 AM
انا العارفو ان اول امس ناس حى الهدى عايزين يشفطو مويه بعربيه شفط ولما مشو لناس المعتمديه عرفو عن طريقه ما بان المعتمد اخد 3مليار لى علاج ابنه فى الاردن ومعاهو كل الاسرةوهو الا يكون رجع امس من الادرن والكلام دا حقيقه

Mauritania [opti] 08-06-2014 06:23 PM
استقيل كيف يعني!! داير الناس تقول عليهو تولي يوم الزحف؟؟ الاستقالة دي عند الكفار بس اما ناسنا اخوان الشياطين ديل اصحاب الايادي المتوضئة و الجباه الموسومة و اللحي الطاهرة فما بعرفوا الكلمة دي. اللهم احصهم عددا و اقتلهم بددا ولا تغادر منهم احدا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
3.13/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة