الأخبار
أخبار السودان
السعودية : خفض مدة إقامة الوافدين لأغراض تجديد رخص العمل إلى 4 سنوات
السعودية : خفض مدة إقامة الوافدين لأغراض تجديد رخص العمل إلى 4 سنوات


08-13-2014 08:42 PM
واس - الرياض

خفَّضت وزارة العمل مدة إقامة العمالة الوافدة في السعودية لأغراض تجديد رخص العمل من (6) سنوات إلى (4) سنوات ابتداءً من غرة محرم 1436هـ على أنْ يتم تخفيضها مُجددًا لمدة سنتين اعتبارًا من رجب 1436هـ، وذلك لزيادة تحفيز المنشآت في النطاقات الصفراء للتعامل مباشرة مع مشكلة توطين الوظائف لديها بشكل أكبر وتوظيف مزيد من السعوديين للانتقال للنطاقات الآمنة في الأخضر والبلاتنيني.
وأوضح مدير المركز الإعلامي بوزارة العمل تيسير المفرج إنّه بموجب هذا القرار سيتعذر على المنشآت الواقعة في النطاق الأصفر تجديد رخص العمالة الوافدة التي تعمل لديها، في حال كانت تلك العمالة قد أمضت مدة (4) سنوات أو أكثر داخل المملكة، بغض النظر عن المدة التي أمضاها العامل الوافد عند صاحب العمل الحالي الواقعة منشأته في النطاق الأصفر، ويعدّ تاريخ بداية أول رخصة عمل، هو بداية احتساب مدة الأربع سنوات للعامل الوافد.
وأشار المفرج إلى أنَّ القرار يهدف إلى رفع تنافسية المُنشآت ضمن برنامج «نطاقات» إذ قامت وزارة العمل بحجب عدد من التسهيلات للكيانات الواقعة في النطاقين الأصفر والأحمر، وقد تضمنت ضوابط الوزارة في النطاق الأصفر إيقاف استقبال طلبات الحصول على تأشيرات جديدة، وعدم السماح بنقل خدمات العمالة الوافدة إليها، وعدم السماح بتغيير المهن للعمالة الوافدة التي تعمل لديها، وعدم السماح بإصدار رخص العمل للعمالة الوافدة الجديدة ومنحها القدرة على تجديد رخص العمل للعمالة الوافدة التي تعمل لديها إلى أربع سنوات ف






تعليقات 13 | إهداء 1 | زيارات 21806

التعليقات
#1079385 [الولايات المتحدة السودانية]
3.00/5 (3 صوت)

08-14-2014 12:36 PM
السعودية جهجة نطاقات وكفلاء وسعودة ,, السودان كيزان وتحلل وتحمير وسيول ,, العراق داعش والغبراء ,, مصر فلول وكلول ,, الصومال اسلام الضبح والسلخ ,, موريتانيا الرق ,, إسرائيل الصواريخ ,,
يا اخوانا نطير وين ؟؟


ردود على الولايات المتحدة السودانية
Saudi Arabia [كوكي] 08-14-2014 04:13 PM
هههههههههههههه السودان ارحم شوية بس القناعة تجينا من وين


#1079311 [مغترب مجبور]
4.50/5 (2 صوت)

08-14-2014 11:20 AM
الكلام اعلاه بعتمد علي المؤسسة الانت شغال فيها , هل هي مؤسسة محترمة وليست وهمية .. وهي علي اي نطاق اخضر كان ام اصفر ... يعني لو مؤسستك ماسورة حاول اتخارج منها لواحدة تانية افضل ولها سجل تجاري محترم وما عندها عمالة وهمية .


#1079233 [زوووول كده]
5.00/5 (1 صوت)

08-14-2014 10:25 AM
يا اخوانا فى خلط فى فهم الموضوع ده قرارا بالنسبه للمؤسسات الفي الخط الاصفر وهو التاخير في سداد التامينات الاجتماعيه برجع من الاخضر للخط الاصفر في الحاله دى اى مؤسسه عندها عامل ليهو اكتر من اربعه سنوات ولى فوق لا يستطيع تجديد الاقامه وحلها بسيط سداد متاخرات التامينات وبرجع فى اسبوع واحد للخط الاخضر لانو النسبه بتنزل كل سبت


ردود على زوووول كده
Saudi Arabia [جنوبي] 08-14-2014 01:05 PM
بس مبلغ التامينات بيتوقف علي عدد العمالة السعوديين , والسعوديين ما دايرين يشتغلوا في القطاع الخاص تحديدا , والمشكلة انو العقوبة ما بيتضرر منها صاحب العمل بقدر ما نتضرر منها نحن الاجانب يعني لا نقدر نجدد الاقامة ولا نقدر نعمل تأشيرة خروج وعودة وعدم تجديد الاقامة يعني يفصلوا اولادك من المدرسة لأنو لازم عشان اولادك يستمروا في المدرسة تكون اقامة الوالد سارية , ده غير البنك يوقف حسابك لعدم تجديد الاقامة وما نقدر نجدد رخصة السواقة ولا استمارة السيارة وبلاوي كتييييرة ..
حتي لو المؤسسة مسددة التامينات لكن ما محققه نسبة السعوده بتكون في احد النطاقين اصفر او احمر يا زووول كده .


#1079231 [الكجر]
3.00/5 (3 صوت)

08-14-2014 10:24 AM
القار فى صالح العمالة - حيث يمكن ان تستفيد العمالة من القرار بشكل ثانى - وهو تطبيق قرار سابق افاد بامكانية نقل العامل للكفالة من مؤسسة واقعه فى النطاق الاحمر او الاصفر بدون موافقة الكفيل . خصوصا ان عدم تجديد الاقامة والرخصة طبقا لهذا القرار سيكون ادثر دعما لموقف العامل ومصلحته فى نقل كفالته على جهة ثانية


#1079212 [Kamal Mustafa]
5.00/5 (1 صوت)

08-14-2014 10:04 AM
اولا العتاب لصحيفة الراكوبه لنشر الخبر بهذه الطريقه وعشان الما بيقهم الوضع بالسعوديه فان النطاقين احمر والاصفر وبالذات الاصفر الذي ذكر بالخبر ن يعني أن صاحب المؤسسة أو الشركه الذي يحرم من التجديد لفترات طويله تزيد عن الاربعه سنوات لعملته يعتي أنهم لم يلتزموا بموضوع توظيف السعوديين وصدقوا ان المؤسسه أو الشركه اذا كانت نسبة السغوديين بها 10% فقط تكون في النطاق الاخضر ولها الحق في التجديد لاي فترات يعني بالواضح كده حتي الان السعوديه لا تطمع في توظيف أكثر من عشره في المائه من السعوديين بالموسسات والشركات وهي نسبه ضئيله جدا وحتي لو كانت النسبه أكثر من ذلك فهذا من حق السعوديه ولكن تعامل الحكومه السعوديه يتسم بالمنطق والمنطقيه لم تقول لا نريد اجانب أكثر من عشره في المائه قالت نريد فقط سعوديين عشره في المائه ولابد أن ترتفع هذه النسبه تدريجيا لاحلال عدد كبير من العماله السعوديه مكان العماله الاجنبيه وغير معقول أن يكون الاجانب محتلين لما نسبته أكثر من 90% وأهل البلد لا يجدون عمل وللعلم هناك حوافز للمؤسسات التي تكون نسبة العماله السعوديه بها اكثر من 10% وتزداد الحوافز كلما زادت النسبه واذا أخذنا مثالا بالسودان عدد الاجانب الذين يعملون نسبتهم منخفضه جدا واكثر من 99% منهم يعملون في مهن معظمنا لا يعمل بها ومرة أخري اعاتب الراكوبه بنشر الخبر بهذه الطريقه فكل من يقرأه بالسودان لن يفهم مغزاه وخلونا في همومنا وهموم بلدنا أحسن


#1079071 [زول اصيل]
3.50/5 (4 صوت)

08-14-2014 07:58 AM
خليهم يرجعونا بلدنا والحمد لله عندا بلد وليس لاجئين وده نعمة يجهلها كثير من الناس والارزاق بيد الله الخالق الرازق


ردود على زول اصيل
Saudi Arabia [جنوبي] 08-14-2014 08:56 AM
عندنا بلد ؟!! علي الطلاق بلدنا الطير زاااتو بقي رزقه في تلتله ..
بعدين ربنا ما حدد لزول بلده قال اسعوا في الارض ما مترا لينا يا زول اصيل ..


#1079013 [المتجهجه بسبب الانفصال]
4.50/5 (2 صوت)

08-14-2014 07:08 AM
باختصار لتفادي هذا القرار ،، خليكم مع بلاتيني والاخضر ،، أو الاجتهاد ورفع مستوى كفلاء المستوى الاصفر الا الاخضر والبلاتيني ،، هذه هي الخلاصة


#1078919 [لللللللللللل]
5.00/5 (1 صوت)

08-14-2014 12:56 AM
الكلام ده خالرم بارم يا جنوبي انت ماقريت الموضوع كويس قال تخفيض من سته سنه لاربع سنوات يعني قبل كان سته وانت ليك في السعودية 15 سنه ليه اطبقوا عليك السته... فهمت ياحبيبي الخارم بارم


ردود على لللللللللللل
Saudi Arabia [جنوبي] 08-14-2014 08:54 AM
ماااا ده الجهجهني زاااتو ! اني لي 15 سنة وما خشيت في الستة الاولي


#1078895 [abdullye]
4.50/5 (6 صوت)

08-14-2014 12:01 AM
احسن على الاقل يكون سبب لينا نرجع اهلنا والخير كل الخير فيما يختاره الله وعسى ان تكزهوا شيئا ويجعل الله فيه خيرا كثيرا


#1078845 [خالد]
4.88/5 (9 صوت)

08-13-2014 09:45 PM
بريطانيا اربعه سنة يدوك الجنسية و الجواز معزز مكرّم. الهم اوعدنا ببريطانيا عاجلا غير آجلاً


ردود على خالد
United Kingdom [ريتشارد قلب الاسد] 08-14-2014 06:24 AM
تلاتة بس وانت الصادق
انشالله يايابا يوعدك الله


#1078814 [شهيد مشروع الجزيرة]
5.00/5 (3 صوت)

08-13-2014 09:06 PM
المقصود بالقرار النطاق الاصفر ومافي داعي للشفقة واللفح

العنوان جانبه الصواب في تعميم القرار طبعا العنده سفة كبرها

وبدا يحكي ويزيد وينسج من خياله.


ردود على شهيد مشروع الجزيرة
Sudan [حماية الدين] 08-14-2014 07:42 AM
افهم من كدا انك مبسوط لانك في النطاق الاخضر والقرار دا ما بشملك ،، حسب علمي النطاق الاخضر دا
بدوهو للامراء واصحاب الذوات


#1078812 [عصمتووف]
0.00/5 (0 صوت)

08-13-2014 08:59 PM
اخير ليكم الوافدين والله تحصلونا بسبب التظير والاتكال علي بن البلد كسالي مثلنا
الوافد او الجنبي ينتج


#1078809 [جنوبي]
4.50/5 (8 صوت)

08-13-2014 08:57 PM
والله انا في السعودية دي لي اكتر من 15 سنة , ويخربني كان فهمت حاجه من الكلام ده ! كدي بالله واحد يشرح لي , يعني كان انا كفيلي ما في النطاق الاخضر واقامتي انتهت ما ح يجددوها لي ؟
كان كدي السودان بعد سيول المطر ح تجيهو سيول البشر ...


ردود على جنوبي
Saudi Arabia [جنوبي] 08-14-2014 12:58 PM
يا علي مكتب العمل بيدي رخصة سنة وااااحدة بس ! والجوازات لو مكتب العمل اداك رخصة سنتين ما عندهم أي مانع يجددوا لينا الاقامة سنتين ,لكن الجوازات بتتوقف علي مكتب العمل يعني ما يقدروا يدوك اكتر .

Saudi Arabia [جنوبي] 08-14-2014 10:47 AM
هههههههههه
والله يا ود الجنوبية وحماية الدين , اصلكم ما طمنتوني .. انتو طممتوني !! الله يجازيكم ..

انا كنت حااااسي انو حتجينا كفوه من العينم حارة ديل ! الايام دي ما عندهم سيرة غيرنا .. المغتربين وتحويلات المغتربين واستثمار المغتربين .. اها ترا بقينا ليهم زي جمل العربي القال بكره ربنا فرجها فرجها , ما فرجها ببيع جملي ده وافرجا علييي رقبتي , صبح الصباح لقي جمله ميت ...

European Union [علي] 08-14-2014 10:12 AM
في فرق بين رخصة العمل والإقامة.. الإقامة تجدد كل سنة، ورخص العمل (بالقرار الجديد) كل 4 سنوات، شوف كفيلك آخر مرة جدد ليك رخصة العمل متين

Saudi Arabia [ود الجنوبيه والجعلي] 08-14-2014 08:02 AM
ايوه ياالجنوبي لو كفيلك فى النطاق الاصفر لملم عدتك ساكت (حسب القرار)..

Sudan [حماية الدين] 08-14-2014 07:40 AM
كلام واضح ما داير ليهو شرح يا جنوبي ،، تشيل شنطتك وتجهز نفسك انت والمعاك للترحيل بحرا عبر ميناء سواكن

كسرة : بس بعد 15 سنة دي ما اكون عندك الحبة دي تكون مصيبة وطامة كبري



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة