الأخبار
أخبار إقليمية
نائب الرئيس يتهم إدارة البنك الزراعى بالفساد : البنك " أداؤه غير تمام وما شغال كويس "
نائب الرئيس يتهم إدارة البنك الزراعى بالفساد : البنك " أداؤه غير تمام وما شغال كويس "
نائب الرئيس يتهم إدارة البنك الزراعى بالفساد :  البنك
حسبو لدى زيارته شندي ونهر النيل


فرع نهر النيل لم يستطع إعادة أموال متعثرة بلغت (110) ملايين من إجمالى (150) مليون رأسمال المصرف.
08-19-2014 03:40 AM
حذر نائب رئيس الجمهورية حسبو محمد عبدالرحمن ، إدارة البنك الزراعى من تبديد وضياع أموال البنك لغير صالح الزراعة ، وقال أن هنالك أموالاً لا تذهب إلى الزراعة بل "تكسر وتدخل الأسواق" مبيناً أن فاتورة القمح وصلت إلى مليار دولار.
وابدى نائب الرئيس الذى ترأس إجتماعاً مع حكومة نهر النيل عدم رضا الرئاسة عن إدراة البنك الزراعى ، وشدد على أن البنك " أداؤه غير تمام وما شغال كويس " وطالب إدارة البنك بمده بتقرير مفصل عن أداء البنك خلال المراحل الماضية.
واشار إلى إعادة هيكلة البنك، وقال إن فرع نهر النيل لم يستطع إعادة أموال متعثرة بلغت (110) ملايين من إجمالى (150) مليون رأسمال المصرف.
فى غضون ذلك قال وزير الصناعة إن إنتاج نهر النيل من الأسمنت وصل إلى نحو (3.5) ملايين طن وأشار إلى وجود تهرب ضريبى عال فى سلعة الأسمنت بنهر النيل وصل إلى (500) مليون جنيه .


تعليقات 20 | إهداء 0 | زيارات 7121

التعليقات
#1085445 [الواضح - المغرب]
0.00/5 (0 صوت)

08-21-2014 11:53 AM
يا شيخنا زول البنك زول نظيف بشهادة الصحفيين و انتو مالقيتو الا البنك الزراعي السوداني ياخي دة احسن بنك شغال في اسودان الشي بانعرفو في السودان


#1084795 [كوماستره!!!]
0.00/5 (0 صوت)

08-20-2014 03:03 PM
عايز تعرف شوف كبار موظفي البنك ساكنين كيف وراكبين شنو بتعرف حاجة!!!لاشوف وزيرك زمان الضيع الزراعة كلها مش البنك!!!ياحسبو ياخوي السودان ده مافي زول بهدل الزراعة قدركم!!!خليتوها سهلة من مشروع الجزيرة البيبعوا فيهو الان اراضي سكنية لحدي اصغر مشروع!!بعدين المافيا لامن تبقي منتشرة صعب القضاء عليها بجرة قلم!!المسعول من مراجعة البنوك منو!!ات!!!!! كان الشغلانة بديروها كدي وكلو واحد ذي عزبة ابوهو يقول جيبو لي الفواتير الرماد مال حماد فوق كيلتو!!!!!!!!!!!!!اسه الجماغة الماكلين تحت بيكلموا الماكلين الكبار هني في العاصمة وبيوصوا بلملمت الموضوع اصلوا الانتخابات جاية ومافي داعي للفضايح زيادة!!!!


#1084578 [معاوية كورينا]
0.00/5 (0 صوت)

08-20-2014 11:44 AM
التحية الطيبة الخالصة للأستاذين ود الركابي وأبو ركبة على ردودهم الطيبة وفي إعتقادي بأن للصبر حدود والمسألة ما عادت تحتمل الصبر والركون لما يأتي من الله جلت قدرته , لذلك لابد من التحرك وبموضوعية وثبات للتصدي لهذه الطغمة الفاسدة التي أوصلتنا لهذه الدرجة المنحطة من المعيشة الضنك , واصلوا جهادكم حتى نرى النصر لسوداننا العظيم ..


#1084095 [جبة علا الله]
0.00/5 (0 صوت)

08-19-2014 10:46 PM
البنك الزراعى - فرع مدنى
اسؤا بنك فى طريقة التعامل تلقى الموظفين بتونسوا ويلعبوا فى الكتشينة والعميل واقف ما فى زول شغال بيه ازدراء وعنطسة وتعالى
غايتو الله يكون فى عون البلد


#1084039 [الحازمي]
0.00/5 (0 صوت)

08-19-2014 09:42 PM
ما حكم الشريعة في هذه الذبائح
قال شريعة قال


#1083962 [rasco]
0.00/5 (0 صوت)

08-19-2014 08:03 PM
البنك الزراعي افقر الاف المزارعين من اهلنا في القضارف وعلي حسابه الالاف من ناس الانقاذ والعندوهم واسطات اخدت القروض وما سددتها زيو والبنوك الاخري
البنك الزراعي سيف مسلول لاهلنا المزارعين البسطاء ومصدر غني وثراء للحراميه واستقطاب للكوادر القديمه من المزارعين الواحد ناس الانقاذ يسهلوا ليه بابور ولا حاصدة يقلب طوالي


#1083793 [شفق الغيب]
0.00/5 (0 صوت)

08-19-2014 04:31 PM
الفاسد لايمكن ان يحاسب فاسد مثله المفروض يحاسب كل الفاسدين فى السودان دون تمييز


#1083716 [قرفان]
0.00/5 (0 صوت)

08-19-2014 03:14 PM
التحيه للجنه المرحوم ابو قنايه عشى الغنمايه


#1083460 [nasr]
1.00/5 (1 صوت)

08-19-2014 11:25 AM
هناك مؤامرة يتزعمها الفرحان حسبو والذى مازال غير مصدق بأنه أصبح نائبا لبشة.....القصد من المؤامرة استبعاد الرجل الذى تم تعيينه مديرا قبل أشهر فقط لانقاذ مايمكن انقاذه بالبنك الزراعى وهو ابن البنك صلاح حسن أحمد والذى تدرج بكفاءة داخل البنك ويقال أن لديه أحد المحاسيب فى انتظار الموقع.............أحذروا حسبو هذا فهو أردأ من شياطين الانقاذ


#1083408 [سيف الله عمر فرح]
4.00/5 (3 صوت)

08-19-2014 10:54 AM
بصفته الدستورية حسبو عمل شنو فى فساد مكتب الوالى خضر , وفى فساد الأقطان , وفساد خط هيثرو ..
أعتقد تصريحه عن فساد البنك الزراعى , جعجعة من غير طحين . هل تم محاسبة بدرالدين اول مدير للبنك الزراعى فى عهد الإنقاذ فى فساده .


#1083389 [زول اصيل]
4.00/5 (1 صوت)

08-19-2014 10:44 AM
بنك مفلس يجب اعلان افلاسه ومحاسبة المسئولين فيه


#1083376 [معاوية كورينا]
2.00/5 (2 صوت)

08-19-2014 10:37 AM
هذا البنك ( البنك الزراعي السوداني ) جال حوله لغط كثيف بالفترات السابقة لماذا لا يحاسب القائمون على أمره ؟ أهم فوق القانون ؟ أم ماذا ؟ نطالب وبقوة معرفة ما يدور بدهاليز هذا البنك المشبوه والذي يفترض أن يكون من البنوك الهامة بالسودان كونه يعنى بالزراعة وهي عماد وأساس إقتصاد البلد. لابد من المحاسبة وسمعنا كثيراً عن فساد هذه الطغمة العاملة به ,


ردود على معاوية كورينا
Saudi Arabia [أبو عمر] 08-20-2014 02:56 PM
يا حليل زمن الحساب فى حرامى بحاسب حرامى و بياتو وش ما كلهم فى الهواء سواء ، إذا ما إتكنسوا ،،،،،،، أنسى

[ود الركابي] 08-19-2014 06:10 PM
يامعاوية يأخي تحاسب مين ولا مين ولا مين البلد كلها بقت مزبلة فساد .. سرطان والعياذ بالله .. مافي اي فائدة .. لكن تأكد تأئكيد قاطع . ربنا بيلطف بينا وبيدبرها بطريقته . بس عاوزه صبر ..

Sudan [ابو ركبه] 08-19-2014 01:50 PM
تحياتى معاويه :


من تطالب ؟؟؟؟ الفاسدين !!!!


#1083328 [موهوم بن موهوم]
5.00/5 (5 صوت)

08-19-2014 10:04 AM
هسي التور ده ذنبه شنو ؟ لو ما البلبصه وكسير التلج ؟؟؟؟؟؟؟؟؟؟؟؟؟؟


ردود على موهوم بن موهوم
United States [من بلدنا] 08-19-2014 11:36 AM
يامهموم الله يزيل هم كل المسلمين
صدقني التور ده مؤجر بعد الغافل يمر
بترفع يرجع للجزار سيدو


#1083200 [جركان فاضى]
2.00/5 (2 صوت)

08-19-2014 09:06 AM
طالب ادارة البنك بمده بتقرير مفصل عن اداء البنك خلال الفترة الماضية!!!!....ما قصرت


#1083180 [الثائر حتى النصر]
5.00/5 (1 صوت)

08-19-2014 08:53 AM
لابد من التحقيق ومن ثم المحاسبة ومعرفة أين ذهب المال العام والعقاب لابد أن يكون رادعا وإلا مافي فايدة البتة.


#1083146 [ابراهيم]
5.00/5 (2 صوت)

08-19-2014 08:35 AM
اصلا نهر النيل هي منبت الفساد.. أغلب الرؤوس الكبيرة في الحكومة من نهر النيل .. وهم يعتقدون انهم يملكون البلد. ولو كان حسبو من هذه العصابة لما تجرأ واتي على ذكر الفساد.. اعتقد انه سيترك منصبه ( يستبدل) قبل ان يصله التقرير.
ابراهيم


ردود على ابراهيم
Sudan [ابو ركبه] 08-19-2014 01:57 PM
تحياتى ابراهيم:

بدخوله القصر فهو افسد الفاسدين ..ووووووووو.....الخ....


#1083142 [abubaker]
5.00/5 (2 صوت)

08-19-2014 08:32 AM
وطالب إدارة البنك بمده بتقرير مفصل عن أداء البنك خلال المراحل الماضية.

ياريت توضح للشعب السوداني التقرير هذا ولايكون مثل التقارير الاخرى


#1083073 [kamal]
5.00/5 (2 صوت)

08-19-2014 07:22 AM
صباح الخير يا ريس .. " فلما ذبحوها "

الفساد مستشرى بالبنك الزراعى منذ بداية التسعينات حين تولى الحلوف زير النساء

ادارة البنك لمدة قصرت حتى تمكن من نهب 4 مليار من البنك واتبعها ب 7 من الكرين

الذى باع تجاره وهم التراكتورات والآلات الزراعية ..

اما الاسمنت فسال عبد العزيز محمد داؤود ..!


#1083050 [مدثر التعايشي]
3.00/5 (2 صوت)

08-19-2014 06:51 AM
مفترض الحكومة تقفلو ، زي ما عملت مع جمعة في البنك العقاري ، اكتر من عشرين في الثية من راس المال يهدر يقفل على طول،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة