الأخبار
أخبار إقليمية
وفاة طالب سوداني في الهند ..لم أمر في حياتي باجبن من هذا الموقف علي الاطلاق
وفاة طالب سوداني في الهند  ..لم أمر في حياتي باجبن من هذا الموقف علي الاطلاق


بطله السفارة السودانية في الهند
08-18-2014 11:40 PM
محمد بخيت
والله لا ادري ماذا اقول وكيف احكي ومن اين ابدأ انه قصة طالب سوداني فيصل عبدالله هاجرة من اجل العلم قاصداً الهند ومدينة حيدراباد بالتحديد تعرض لحادث حركة فكسرت ساقيه نقل إثره إلى مستشفى ( Deccan Hospital) اجريت له عملية فبتروا ساقه الايمن لانقاذ حياتة ولكن قضى الله أن يقبض روحه.... له الرحمة والمغفرة ..
المستشفى رفض تسليم الجثمان الا بعد سداد تكاليف علاج الفقيد .. والتي بلغت 640,000 الف روبية .. أي ما يعادل ( 12 ) ألف دولار امريكي .أهل الفقيد لا يملكون هذا المبلغ ومعظم الجالية السودانية هم طلاب وحالهم يغني عن سؤالهم .
ولهذا اتصلنا بسفارة السودانية بنيودلهي لسداد المبلغ ولو جزء منه أتدرون ماذا قالوا لنا!!؟ بكل بساطة (نحن ما عندنا قروش) بعد إلحاح شديد قالو لنا (جلوه .. ناس المستشفى بتصرفوا بدفنوه) !! نعم هذا هو رد سفارة الكيزان بالهند (نترك لكم التعليق) !!.
دعينا لاجتماع طاري لحل المشكلة أتدرون اين كانت قاعة اجتماعنا !!؟ في شارع المستشفى نعم في الشارع والله .
. تنادينا الطلاب الاجانب من مختلف الجنسيات لجمع التبرعات لأستلام الجثمان ..
وخلال ساعات جمعنا 4 الف دولار وتحصلنا علي 4 الف اَخرى من جمعية خيرية من احدى دول الخليج وكان قد تم دفع مبلغ 4 الف دولار سابقا والحمدلله تم استلام الجثمان ظهر هذا اليوم وصلينا عليه بعد صبلاة العصر وتم مواراة الجثمان الثرى كما ترون في الصورة المرفقة.
من المواقف النبيلة التي مرت بنا خلال هذا الاحداث ان الطبيب المعالج والعاملون معه قد تنازلوا عن كل مستحقاتهم المالية وموظفي (القراش ) قد ساهموا بملغ 500 روبية لكل منهما ورجل عماني مرافق لزوجه المريضة شفاها الله ساهم بملغ 3000 روبية..... وسفارتنا العزيزة وقفت موقف المتفرج...
انا لله وانا اليه راجعون


تعليقات 86 | إهداء 1 | زيارات 27984

صفحة 1 من 212>
التعليقات
#1085132 [درديري]
0.00/5 (0 صوت)

08-21-2014 04:18 AM
( وسقطت إحدي نجوم العلم لتذكرني بماض مرير )
هذا الموقف أحزنني جدا لأنه قد حدث لي أيضا عندما كنت بالهند ولولا رعاية الله ولطفه ثم تبرع الأخوان لكنت قد حدث لي مثل ما حدث لهذا الطالب المسكين في الحادث الذي قد تعرضت له أنا في مدينة بونا في العام 2009 ورقدت لأجله طريح الفراش لأسابيع بعد أن كسر فيه ساعدي الأيسر وتجلط الدم في المخ ليدخلني في غيبوبة لمدة أسبوعين أو اكثر وطالب مستشفي jehanger hospital بأكثر من 150,000 روبية لتكاليف العلاج التي لم يملكها أهلي في ذلك الوقت ولو حتي كانت أسرتي تملكها فلا يمكن تحويلها من السودان للهند لأن الحكومة الموقرة التي (تهتم بالشعب دائما ) لا تسمح بإرسال أكثر من 200 دولار للطلاب في الهند كما أذكر حينها ,, وذلك نسبة لإجراءات تعسفية تحد من حياة الإنسان السوداني وتلقي به في الهلاك , فكانت وقفة طلاب بونا الأشاوس بما يستطيعوا بعد أن إقتسموا معي لقمة العيش قد جمعوا لي مبلغ 11 الف روبية ليسعفوني بها للمستشفي وأنا والموت غاب قوسين أو أدني , وحتي بعد فقد أعز الأصدقاء في حادثة الجيرمان بيكري الشهيرة جاء الأستاذ عاصم نقد مجرجرا أزيال الخيبة وقال أنه مبتعث من السفارة وأدركنا لاحقا أنه كان في حفلة نظمها طلاب المؤتمر الوطني بحيدر أباد ونحن نعلم أنه جاء بإجتهاد شخصي ولم ترسله السفارة التي لم نتعود منها إلا ( العار والخزي ) وهذا بعد أن نصحه طلاب المؤتمر الوطني بالمجئ لمدينة بونا المنكوبة بالتفجير الإرهابي الذي راح ضحيته أخونا ( الشهيد أمجد الجزولي شيقوق ) وأخونا ( الشهيد أنس الفاتح ) تغمدهم الله بواسع رحمته ,, أري في ذاك الحين أن الأستاذ نقد أراد أن يغطي علي فسالة سفارتنا الموقرة بعد أن رأي بنفسه ونصحه عملاء المؤتمر الوطني ببونا أن سفراء كل الدول جاؤا ليتفقدوا رعاياهم وحتي سفارة اسرائيل والولايات المتحدة كانت في موقع الحدث ,, وبعد أن سألت أنا شخصيا الأستاذ نقد من بين الأخوان وقلت له لماذا أنتم لا تساعدون الطلاب قد ذكر لنا بالحرف الواحد أن الطلاب دائما ما يتصلون علي السفير ويسيئوه إساءة شخصية في مثل هذه المواقف متعللا بشئ شخصي لا يمت لمسئولية السفارة علي رعايا البلاد بصلة ويردف ممثل السفارة المزعوم قائلا ( نحن طلاب مدينة بونا وضعنا عليهم دائرة حمراء ) من أنتم لتضعوا دوائركم علي علي طلاب العلم كأنكم تمتلكون الشعب ؟ أين المسئولية والواجبات تجاه المواطن ؟ لربما يكون سيادة السفير مغلوب علي أمره لأنه يعمل بلائحة حكومته التي تمثل بالشعب السوداني شر تمثيل بعد أن سلبت منه حريته وكرامته وأرواح أبنائه وكل شئ وصار السودان في حالة يرثي لها ,, حسبنا الله ونعم الوكيل ولنا الله في كل من ظلمنا , لا حول ولا قوة إلا بالله العلي العظيم ورحم الله أخونا ( الشهيد فيصل عبدالله ) إنا لله وإنا إليه راجعون... درديري هاشم الشيخ - 20/8/2014 فرجينيا , الولايات المتحدة.


#1084604 [Aziz]
1.00/5 (1 صوت)

08-20-2014 11:58 AM
ربنا يرحمه ويغفر له ويصبر اهله والله المستعان بس


#1084381 [موجوع وطن]
5.00/5 (1 صوت)

08-20-2014 09:10 AM
صدقني هم ما جبانيين بالمعني كدة السفارة فعلاً ماعنها قروش... القروش دي بسفوها أول بأول..لكن مفروض يكون عندهم زوق و يساهموا زيهم و الناس... لكن الماعندوا إخلاق وين يلقي الزوق... إنتو ناسين إنو ديل كيزان.


#1084104 [ali]
1.00/5 (1 صوت)

08-19-2014 11:03 PM
في دول الزول بعمل الجريمة وبعد داك برفع تلفونو ده للسفارة وبكون لي هيبة وباسوأ الظروف ايام مابتتاخر علي عشان تشوف مشكلتو وتساندو فيها ....احنا ماعايزين كدا احنا يااااااا استغفر الله ه الكلام اسوأ الالفاظ الزول مابرتاح لو قالا فيكم ...دايرنكم حق المواطن واعانتو على الاقل السبب القايمة عشانو السفارة يتعمل ماعندنا قروش شنو يقطع ابو العزر المعفن الاقبح من ام الجابتكم يازبالة المجتمع ......اااااخ بس قهههر وقرف ووالله ه الكلام زاتو غير يجلط الواحد ويحرق لي دمو مابجيب اي نتيجة نقول بس ونرفع يدنا شاكين لي ربنا حسبي الله ه عليكم وان شا الله ه ي رب ربنا ينتقم منكم اسوأ انتقام يااااااااااااارب ولا تشوفو بالقروش دي الهنا وتنقلب ليكم في حياتكم حجيم واخرتكم ي رب......... وربنا يتغمد المرحوم بي رحمتو ويسكنو منازل الصديقين والشهدا ي رب ويصبر اهلو


#1084026 [احميدي]
5.00/5 (1 صوت)

08-19-2014 09:31 PM
آآآآآآآآآآآآآآآآآآآآآآآآآآآه
اوففففففففففف

قصة تهز وجدان اي حر

لو عندنا حكومه كان عملو استجواب للسفاره باكملها


#1083972 [فوزي]
1.00/5 (1 صوت)

08-19-2014 08:18 PM
الله يرحمه ويغفر له اللهم اجعله من الشهداء
اصبحت اكره وبشدة الحديث عن الكيزان قالو والكيزان عملوا مافائدة السفارة اصلا طيب ماتدمروا السفارة دى تدمير كامل


#1083878 [علی عثمان]
5.00/5 (4 صوت)

08-19-2014 06:31 PM
نعم لیس عندهم نقود یمنحونها للطلاب السودانیین المقهورین. و لكن عندهم نقود یمنحونها لأبنائهم، یتجولون هنا و هناك، یذهبون للسیاحة فی مالیزیا و تركیا، و غیرها من البلاد. تجد الشخص منهم لا یملك أی مؤهل دراسي یذكر، حتی أنه لا یملك شهادة ثانویة علیا، و لكنه یتلقی راتبا یبلغ ستة ألف دولار. تخیلوا أن معظم دبلوماسي السفارات لا یفقهون من العمل الدبلوماسي شئیا، فهم یبعثون لجمع الأموال، و من ثم یعودون لبناء العمارات فی البلد المنكوبة بالسیول و الفیضانات. حقاً، لو تجنس الطلاب السودانیون بالجنسیة الهندیة و مكثوا هناك لكان أفضل لهم من حیاة الذل و الهوان علی أيدي الإخوان، أعداء السودان.


#1083841 [ام كرتبوا]
0.00/5 (0 صوت)

08-19-2014 05:37 PM
الله يرحمو ويغفر له


#1083774 [Nura]
5.00/5 (3 صوت)

08-19-2014 04:15 PM
على السودانين في كل مكان عمل صندوق الخير والسترة ويضعوا حساب ليه لجمع التبرعات ويكون مخصص فقط لدفن الموتى وسترهم وهذا لا يكلف شيئاً خاصة الجاليات وعدم الإعتماد على السفارة التى في إمكانها ايضاً عمل نفس الصندوق وبركه في السفارة للتبرعات


ردود على Nura
Norway [ahmed] 08-19-2014 06:50 PM
اصلا هو عندهم سفارات شنو سفارات السرقة ....همهم ابتعاث اقربائهم لكي ياخذوا بالدولار ..ولا ههم في المواطن...هذه السفارات لرعاية المواطن والقيام بمساعدته وتوجيهه ...ام هؤلاء اصلا يستغلون السفارات لمصالح سخصية ..الله يعاقبهم الكلاب ...وما ادراك في بيع الاسلحه...اقول لهذا الشباب لماذا لم تقومون بحرق السفارة ومافيها وحتي السفير ..الله دمرهم الكلاب.....يقلبي ينزف الما...الله يرحمك ياشهيد..؟


#1083772 [عدو الكيزان النازي]
4.88/5 (6 صوت)

08-19-2014 04:13 PM
دليل واضح انهم ماسودانيين

الكوز مهما بلغ مبلغا من الصلاح لا يمكن ان يرتقي ليكون سوداني

دي ما اخلاقنا ولا افعالنا ... نحن افضل شعوب الارض ... معروفين ومعروفة مواقفنا مع الغريب قبل القريب

نحن السودانيين افضل البشر ... ولكن الكيزان دون البشر


#1083742 [اب زرد]
4.50/5 (3 صوت)

08-19-2014 03:37 PM
هذا الموقف لا يختلف عما عهدناه من السفارة السودانية في الرياض ..
كلهم سجم ورماد ..
حكومة تخدم الشعب الفلسطيني من جيوب الشعب السوداني عاوزين منها إيه غير انكم تتحركوا؟


#1083715 [ود البلد]
5.00/5 (2 صوت)

08-19-2014 03:12 PM
ربنا يرحمو ان شاء الله ويجعل مثواه الجنه ... بالنسبه لي اشباه الرجال الشغالين في السفاره بنقول ليهم ربنا اكرم منكم ,,, الحاجه العملوها الاجانب خجلتنا والله والسفير العماني اتبرع بي قيمه 100 الف روبيه وكذلك الطلاب في حيدر اباد في غضون ساعات جمعو اكتر من المبلغ ده الناس عارفنكم حراميه وتجار صندل كان تساعدو بي حاجه بسيطه ياحراميه ,, وسفير السودان في دوله الهند د. حسن ابوطالب جاي من العمره قبلي فتره لاقى اخو الطالب وكان في المستشفى راقد لسه وعدو انو حيقيف معاهو كلو طلع كذب ربنا ينتقم منكم ياحراميه يا اشباه الرجال الله لاحوج زول ليكم ومعادن الرجال بتظهر وقت الحاره ربنا ينتقم منكم دنيا واخره


#1083705 [black sudan]
3.00/5 (3 صوت)

08-19-2014 02:58 PM
انا سوداني بتنازل عن الجنسيه لسودانيه ..و اقدم طلب للجنسيه الاسرائيليه


#1083701 [الي متي!!!!!]
5.00/5 (2 صوت)

08-19-2014 02:52 PM
اولا
نسال الله الرحمة للمرحوم ونسال الله ان يصبر اهله

مجرد سؤال
الي متي نظل هكذا والكوز المنافق يتحكم ولا مقاومة لدينا الا الكي بورد وبا ضعف الايمان ( الدعاء )

والسودان دخل في نفق مظلم ليس له اخر انرضي بالذل والهوان
طيب ما الحل وروني حلكم شنو والناس منتظرة شنو
تخريمة بسيطة

رطل الزيت اصبح بي 16 جنيه اكر ( ستة عشر جنيه ) علما انه زيت طعام عادي وليس سمسم او زيتون


ردود على الي متي!!!!!
Qatar [محي دياب] 08-19-2014 05:07 PM
سبق ان مررنا بهذا الموقف فى الهند فى التسعينيات وهذا حال سفاراتنا في كل مكان .. انهم يتاعملون بمنطق الربح والخسارة


#1083675 [رانيا]
5.00/5 (1 صوت)

08-19-2014 02:22 PM
ألا لعنة الله على ناس السفارة الماساعدوه وعلى الظالمين من البشير إلى أصغر حثالة عندهم بعدد ما كان وما سيكون وفي كل حركة وسكون .


#1083642 [مسكين في الهند]
3.50/5 (4 صوت)

08-19-2014 01:51 PM
السلام عليكم ياناس اولا ربنا يرحم اخونا فيصل عبدالله ويلهم زويه وصحبه الصبر انا بكتب ليكم من ارض الحدث من الهند من حيدر اباد بالنسبة للحصل من السفاره دا ماشي غريب ياناس الاااااااااف الحوادث تحدث هنا في الهند واي اتصال بي السفاره تلقاهم قفلو الخط في وشك او قالو ليك اتصرف او اهانوك وقالو ليك انت الجايبك شنو زاتو ووووووووووو يعني بالمختصر المفيد دا ماغريب علي السفاره السودانيه في الهند وامر عااااااااااادي قاعد يحصل لينا . اما اذا سالتو عن دور السفاره هنا فهي تقوم بالاتي :

1. اشتراء الصندل وبيعه في السودان

2. تهريب الكاسرين اقامات بي رسوم طبعا لاتقل عن 500 دولار حسب الحاله

3. اقامة الحفلات لمنسوبي المؤتمر الوطني

4. تجديد الجوازات بي رسوم لا تقل عن 700 روبيه هنديه مئة واربعين جنية سوداني

5. استقبال ابناء المؤتمر الوطني واسرهم للدراسه والعلاج

وهذا قليل من كثير لا تتخيلونه والاستثمارات والبزنس شغال شغل شديد في المساكين حتي في العلاج و الدراسه وزي ماشايفين الموت ......
اخر قصه قبل هذه السفاره ماعايزه تدي اسرت طالب ورق عشان يسفرو جثمان ولدهم للدفن في السودان والقصص كتييييره بس انتظرونا جايينكم بالتقيل عن السفاره السودانيه في الهند ...تحياتي


ردود على مسكين في الهند
India [Fadlallah k] 08-19-2014 10:54 PM
اردم وفك الباس الصعاليق دي غير مبدعين في التفاه

United States [Abu] 08-19-2014 08:11 PM
Kindly lad, keep reporting and disclosing as much as you could? Those thugs attitude shows clearly that they do not adhere to either our traditional ethics or protocol and procedures. You might consider doing that is of no value and weight right now, but let me assure you it has. At least will insights the public of the caliber and ethics of our diplomats in that place, plus will help (whom/that) are keeping tracks and records of all the crimes been committed by this filthy nasty despicable regime. Days of judgment might be very close, but it is unnoticeable to most of us. Keep doing please without delay?


#1083633 [الجاب لى اخبارو]
4.32/5 (10 صوت)

08-19-2014 01:41 PM
ياناس الهند والطلبة اللهناك لزو لينا اسم السفير والقنصل ولو امكن صور ليهم عشان نفضحهم مع اهلهم زاتو الله لاجاب باقيهم


#1083573 [د.أبوبكر]
3.50/5 (4 صوت)

08-19-2014 12:53 PM
الاخ العزيز كاتب المقال.. لك التحية والاحترام..
ربنا يرحم ميتكم ويجعل مثواه الجنة

أخي العزيز.. دعنى اتحدث بعيدا عن السفارة وعن الاسلوب الذي تعاملت به في مثل هذا الظرف:

من الخطأ أن نذهبون الى مثل هذه الدول والتي لا تكفل لكم حتى طريقة تأمين صحي يمكنكم ان تستفيدوا منه في مثل هذه الظروف. هذه رسالة اوجهها لكل من أراد الخروج من السودان من أجل العلم او العمل.. عليكم بالتأمين الصحي الذي يتكفل بدفع مثل هذه المبالغ حتى لا تطرون الى مد ايديكم الى اصدقائكم وسفاراتكم.

ودمتم سالمين.. ورجعتم غانمين


ردود على د.أبوبكر
Malaysia [د.أبوبكر] 08-20-2014 05:57 AM
يخاطبني السفيه بكل قبح........فأكره أن أكون له مجيبا
يزيد سفاهة فأزيد حلما.........كعود زاده الاحراق طيبا

United States [Abu] 08-19-2014 08:19 PM
With all due respect, but truly you are not helping at all! Now you are turning them from victims to victimizer and from a prey to a predator! I wish you would reconsider this way of thinking?

Saudi Arabia [حسن كرور] 08-19-2014 05:40 PM
انت عايز كف
يا جهلول
انت دكتور كيف
انت ما تفهم حاجة
اقولوا ليك الولد مات

United Arab Emirates [silik] 08-19-2014 03:42 PM
من الخطأ أن نذهبون ؟
حتى لا تطرون ؟

وكمان عامل فيها دكتور ياجاهل

European Union [كاكوم] 08-19-2014 03:01 PM
لك التحية والتقدير يادكتور
ياجماعة الخير الدكتور كلامه واضح جدا ومفيد جدا لطلابنا وابنائنا الدارسين فى دول شرق اسيا
فعلا التامين الصحى او التامين التكافلى او التامين العادى بغطى عدة حالات . دون اللجوء الى سفاراتنا بتضرك ومابتنفعك ..ممكن بالتغطية التامينيه تتعالج بحسب المتفق عليه . يعنى يكون اتحاد الطلاب هو مقدم لوثيقة تامينية شاملة للطلاب وبكون القسط شى رمزى وبمقدور كل طالب يسدده خلال السنة ودا بحميكم من مد اليد للبسوى والمابسوى

Korea Republic of [أسامة الكردي] 08-19-2014 02:45 PM
ربنا يرحمه و يغفر له و يجعل الجنة داره

أخي الكريم د. أبوبكر، كفيت وأوفيت ولا عذر لمن إنذر

Malaysia [د.أبوبكر] 08-19-2014 01:49 PM
علي البرقاوي.. ليس انت وامثالك ممن يقيمون من أنا..

انا تحدثت عن شي ليس له علاقة بالوضع في السودان او غيره. تحدثت وببساطة عن ابسط طريقة يكفل بها المواطن في الخارج حقوقه في دول المهجر, وخصوصا التي يكثر فيها فثة الطلاب مثل الهند وباكستان وماليزيا.. والا تقع مثل هذه الطامة ووقتها انت وامثالك ليس لكم ماتقدمونه الا السب والتنظير في ما لا يفيد.

اذا ذهبت يوما الى الخارج سوف تعرف ان السفارات السودانية ليست الا وسيلة للجبايات، لذلك لا بد من البديل من تأمين صحي واجتماعي وغيره، والذي يكفل للمواطن حقوقه في دول المهجر.

[ادروب شراب الروب] 08-19-2014 01:31 PM
والله انت دكتور دجاج يابيض

[علي البرقاوي] 08-19-2014 01:19 PM
من الخطأ أن نذهبون الى مثل هذه الدول والتي لا تكفل لكم حتى طريقة تأمين صحي يمكنكم ان تستفيدوا منه في مثل هذه الظروف.
==================================================
والله انا ما عارف انت دكتور كيف؟!!! ولا انت عايش في كوكب تاني غير كوكب الارض؟؟ يا اخي الظروف في السودان معروفة الخلت الناس تجازف بحياتها للخروج للعلم, للعمل (لاي جهة دون تحديد) لان وضع الداخل اسوأ , وانت اذا كنت من الجماعة وعايش حياتك ومستمتع بخيرات البلد بلاش تنظير سيب الناس في حالها


#1083461 [Brins]
5.00/5 (1 صوت)

08-19-2014 11:25 AM
ربنا يرحمه ويغفر له وربنا وكيل على عباده بلا حكومه فاشله بلا وجع راس
اصلا حكومتنا فاشله مامسؤله عن شعبها بس يتكلموا لاكن لك يوم الحساب انالله وانا اليه راجعون
حسبنا الله ونعم الوكيل .


ردود على Brins
Norway [ahmed] 08-19-2014 06:58 PM
اصلا هو عندهم سفارات شنو سفارات السرقة ....همهم ابتعاث اقربائهم لكي ياخذوا بالدولار ..ولا ههم في المواطن...هذه السفارات لرعاية المواطن والقيام بمساعدته وتوجيهه ...ام هؤلاء اصلا يستغلون السفارات لمصالح سخصية ..الله يعاقبهم الكلاب ...وما ادراك في بيع الاسلحه...اقول لهذا الشباب لماذا لم تقومون بحرق السفارة ومافيها وحتي السفير ..الله دمرهم الكلاب.....يقلبي ينزف الما...الله يرحمك ياشهيد..؟

United Arab Emirates [غيور] 08-19-2014 01:00 PM
له الرحمة والمغفرة وتفبله مع الشهداء والصديقين .وكم الاجر فى ستر الميت هذا حال الكيزان والمعارفهم يعرفهم ,جسبي الله وتعم الوكيل.


#1083453 [الجن الكلكي]
5.00/5 (3 صوت)

08-19-2014 11:18 AM
طيب انتو عارفين السفارت بره غير زلة السودانين ماعندها شغله اول مايجيبو موظف جديد اول شي بربي صلب كبير وبشتري مكنه رياضه بتاعت السير وبشتري عربيه وتاني بعرس وبجيب مرتو معاهو وقسما بالله لايفقهون طز من سبحان الله والطلبه الكيزان يتجكمون فيهم ويمكن ان يغيرو السفير والله علي ما اقول شهيد وكل الجامعات تسال عن السفاره السوداني التي لاتهش ولا تنش الاازا تازي احد الطلبه الكيزان فنها تركض ركض الحمر المستنفره والادهي والامر اتحاد الطلاب السودانين بالخارج كلو كيزان ولمن يسقطوهم من الانتخابات تتوقف مجاري النقد كان ياتيهم من السودان شهريا 40 الف دولار ولما لم يفوزو برئاسة الاتحاد انكرت السفاره قيام الاتحاد وان نشاطه خارجيا قدجمد من اوئل التسعينيات وبالسؤال عن الا40 الف دولار قال جفت الموارد وعندرؤية الايصالات قالو هزه تاتي لطلاب حزب المؤتمر الوطني فقط وكزلك المنح الدراسيه المجانيه خاصه بطلاب المؤتمر الوطني فقط وقد اتصلنا بالوزير انا زاك وسالناها فقال ان المنح المجانيه قد توقفت من 1993 ولم نعد نتعامل بها ومع العلم الي يومنا هذا يوجد طلاب من المؤتمر الوطني يسافرون بمنح مجانيه وتلزم السفاره بدفع نفقه شهريه لهم ومنهم من يمتلك اكثر من مقعد في اكثر من جامعه وماخفيا كان اعظم ولكن من يتكلم


ردود على الجن الكلكي
Norway [ahmed] 08-19-2014 07:03 PM
كيف السفارات السودانية في الخارج الا جبايات....يادكتور...وعامل دبلماسي في سفاراتنا في الخارج ياخذ مرتب ...7 الاف دولار ؟؟؟؟؟؟؟؟؟


#1083439 [mohamd]
4.00/5 (6 صوت)

08-19-2014 11:11 AM
السفارات السودانيه ياجماعه شغله الاساسي استفبال اندية الهلال والمريخ والاحتفال بهم ودعمهم بالملايين وتوديعهم الي المطار والبشير لو قدر سافر وجاهم بس كلكم عارفين انو البشير مابقدر بسافر عشان كدا السفير عبدالمحمود قعد في الهند اكثر من 15 سنه ولم يفعل للطلاب اي شى وانا منهم


#1083434 [كليفورنيا]
3.00/5 (3 صوت)

08-19-2014 11:09 AM
ياشباب الكلام ده كلو ما بحل انا وقبل في ندوه عندنا هنا في كليفورنيا قلت وبكل وضوح للشباب ان ادعوكم للحل الشامل لمشكله السودان بسيطه "عليكم بالتفجير وعمليات الاغتيال وكترو من القناصات"
ده الحل الوحيد.


ردود على كليفورنيا
Saudi Arabia [اب شلاضيم] 08-19-2014 05:42 PM
تعال انت من كلفورنيا اقنص
نحن والله عزل ما نرفع سلاح عشان الكيزان يبهدلونا
لو عايز تقتل تعال اقتل

France [ahmed] 08-19-2014 01:19 PM
هو دا الحل الوحيد والزي يرهب كول الكزان انا من المؤيدون لي ذالك


#1083430 [Abu Mazen]
5.00/5 (1 صوت)

08-19-2014 11:04 AM
يا جماعة ماذا تنتظرون من اناس استطاعوا ان يقتلوا اكثر من(2)مليون سوداني حروبا وفقرا قهرا...وقسموا البلاد ... وصنفوا العباد...أهانوا الشعب ...وان مايقرب نصف من شباب السودان خارج وطنه ...بحثا عن الافضل ولكن هيهات فسمعتنا ضاعت بسبب رعونة حكامنا وممثليهم في الخارج ... ربما الكل قراء منذ عام اعلان في صحيفة خليجية فحواه ان هناك وظائف في مختلف المجالات لكل الاجناس ماعداالسوداني. ونشر في الراكوبة .. فتذكرت جواز سفرنا ((كل الاقطار ماعدا اسرائيل)) هؤلاء قوم ليس يرضيهم الا القتل و الفساد والكذب والخداع ...وفي قصة الراعي الامين لكم عبرة وهذا ليس تقليل من شأن ذاك الرجل الفذ فصرنا نبحث عن الامانةالاخلاق هنا وهنا وكنا والامانة لانفترق في نظر غيرنا حتي قراءت في اسافيرهم فيما معناه ان اردت ان تحافظ علي مالك فاتي بالسوداني ...25 عام من تمكين الفساد .. والنحطاط والله هنالك قصص لم نسمع عنها حتي في عالم الخبال والشياطين..وحتي فراق شيخهم كانت أكذوبة والعوبة قذرة لإلهاء الشعب ...عودوا الي الوسائط الاكترونية واسمعوا الخطباء في منابرهم ...والي ساستهم ...لتفهموا معاني الكذب ... الفساد... المحسوبية...حسبنا الله ونعم والوكبل...ولاهول ولا قوة الا بالله العلي العظيم...


#1083420 [ود كرار]
5.00/5 (1 صوت)

08-19-2014 10:59 AM
طيب هم ماقالوا هى لله وين السفير ونوابة مايقدموا شى لله ورواتب بالدولار كل مايمر يوم ربنا يفضحم ويظهر نواياهم الخبثة وربنا سبحانه وتعالى مدد لهم ليعرف الشعب السودانى كذبهم وضلالهم الا رحمة الله هذا الطالب ولكل الشعب السودان العزاء


#1083411 [ناصح]
5.00/5 (1 صوت)

08-19-2014 10:54 AM
الحمد لله على سودانيتنا ؟؟؟؟؟؟ ولكن حتى سودانيتنا هذه قد أصابها ما أصابها من الضرر بسبب وجود هولاء المؤتمرجية الكيزانية الشيطانية هذه الخلايا السرطانية والتي لا تشبه السودانيين .... من اين أتى هولاء ,


#1083385 [GOZE DONGO]
5.00/5 (1 صوت)

08-19-2014 10:41 AM
حكامنا قتلوا مئات الألاف من الأحياء منا شر قتلة و شردوا الآلاف و يتموا الملايين فهل ترمش لهم عين لسوداني مسلم مات في دار الغربة ألم تعلموا أن هؤلاء تاقوم جاءوا لقتل إنسان السودان و تدميره و نهب مقدراته إنهم والله أسوأ من اليهود و النصاري إنهم حقا ليسوا بمسلمين علي الإطلاق ؟؟ فابحثوا لهم عن ديانة أخري تنسبوهم إليها أما الإسلام فهو و الله برئ منهم و من أفعالهم ؟؟؟ و الله علي ما أفول شهيد؟؟؟


#1083384 [zorba]
5.00/5 (1 صوت)

08-19-2014 10:40 AM
حكومة لا تحترم شعبها وهم أحياء فما بالك وهم أموات

قلبي علي أبناء وطني

حكومة تحتقر شعبها هكذا ... فلماذا إذاً يحترمها شعبها
لا حل لنا غير السلاح ... السلاح ... السلاح
لأن الحرية لا يستحقها الجبناء.


#1083371 [Sigma]
5.00/5 (3 صوت)

08-19-2014 10:33 AM
To ALLAH we belong and to HIM we shall return. May ALLAH accept his soul in the highest level of paradise


ردود على Sigma
United States [Abu] 08-19-2014 08:58 PM
AMEEN.................AMEEN............AMEEN


#1083366 [متشعكل]
5.00/5 (2 صوت)

08-19-2014 10:31 AM
الدراسة فى الخارج وكذلك الدراسة فى الداخل اصبحت فى هذا الزمان الاغبر للمقتدرين

انت لو اسرة ما بتقدر تدرس ولدها برها وتقابل محن الزمان ، الفلسفة ليها شنو تريمهو

الرمية دي ، وتخلي زملاؤه يشحدوا عشان يدفنوا جثمانه بعد ان يتوفي من القهر والمرض والجوع والمساككة فى الشوارعلما تطقوا عربية ولا ركشة هندية مجنونة ؟

يا ناس امسكوا اولادكم عليكم ولموهم ولما تسفروهم اعرفوا انتوا مسفرنهم وين والخطر شنو ؟ وممكن يحصل شنو ؟ بدل ترموا بلاويكم على الناس . قال سفارة قال ؟ هو فضل فيها غفارة ؟؟

بس اي حاجة جاريين للسفارة وللحكومة ؟ انتوا ما شفتوا الاسر فاكه اطفالهاحايمين فى الشوارع لما يلموا فيهم الذئاب البشرية يقوليك دي الحكومة . طيب لما الحكومة كعبة انت ما تلم اطفالكم .


عالم تخاف ما تختشي !!!!!!!


ردود على متشعكل
Saudi Arabia [باسطة] 08-19-2014 12:23 PM
إنت عارف يا مشعكل ذكرتني واحد من ناس المؤتمر أيام الإنتفاضة و المظاهرات قبل عام وقف بعد صلاة الجمعة في المسجد و تحدث إلى المصلين عن المظاهرات و قال لهم لموا عليكم أولادكم عليكم فقام أحد المصلين فصفعه داوياً و إجتمع البعض و أوسعوه ضرباً ,, أعمل حسابك

عازه قومي كفاك عازه غطي قفاك

Sudan [ibrahim] 08-19-2014 11:21 AM
ياخي الله يهدينا ويهديك - انت ما بتختشي من كلامك ده
اولا : له المغفره والرحمة ويصبر جميع اهلوا .
انت ما عارف انو العيشه والتعليم في السودان اغلي من بلدان كتره ولا ما عارف انو المناهج البتدرس هنا فارغه وحشو ساكت وانو مافي مقومات الدراسه من مراجع ومعامل وحتي دورات تدريب الدكاترة . وبعدييين بس فلاحتك في الناس الكادحه العايزا تتعلم وتطور نفسها بعرق جبينا والقروش الحلال .
وختاما لانك ما عندك موضوع
الله يهدينا ويهديك ويهدي الجميع .

Saudi Arabia [المغبون] 08-19-2014 11:05 AM
تصدق انك لو ما عذبت نفسك بكتابة هذا التعليق كان احسن .

Saudi Arabia [الخير عز] 08-19-2014 10:59 AM
قول خير او اخرس

Saudi Arabia [Abu Ali] 08-19-2014 10:58 AM
المأساة موت الضمير بكل ما تعنى الكلمة فى رجال امثالك ... والأدهى لا يوجد مرجع دينى يجعلك تفكر فى الامر كما هو - هل تستطيع ان تدرأ الموت عن نفسك ... أم لم يبلغلك معنى اية فى كتاب الله عزوجل أن الانسان لا يدرى اين يموت ... الخوف يجب ان يكون أولا و أخيرا من الله بحق وحقيقة وليس أدعاء وتظاهر - هدانا الله واياك لما يحب من القول والعمل


#1083360 [راجع للوطن]
3.50/5 (2 صوت)

08-19-2014 10:28 AM
ياخى البركة فيكم وفى شهامة الشعب السودانى وربنا يكتر من امثالكم.
لانعول على حكومة الدمار الشامل...نحمد الله على سودانيتنا هى عزتنا وترابن الغالى...والترابة تحشى الحكومة.


#1083333 [عبد المنعم احمد]
4.38/5 (9 صوت)

08-19-2014 10:07 AM
كان تقولوا لي ناس السفارة الزول ده من ناس المؤتمر عشان يعملوا ليه مأتم في السفارة السودانية في الهند ويزفوهوا للجنة زلفا ويرسلوهوا الى اهله ملفوف بالعلم الوطني السوداني


ردود على عبد المنعم احمد
United Arab Emirates [الجوكي] 08-19-2014 10:40 AM
like
لو كان قالوا كدا, احتمال الكلاب ديل كانوا اتحركوا شوية!!!
اخبارتورم الفشفاش


ياخي ولله بلدنا دي ما عندها وجيع و لا عندها سيد
و ماشين معانا بسياسة
الجمل ماشي و اجاركم الله ال ك ل ب ينبح
محن و الله


#1083331 [amir]
5.00/5 (6 صوت)

08-19-2014 10:06 AM
لو كان فلسطيني من غزة كانت السفارة السودانية دفعت التكاليف وتزاكر سفر لكامل اسرته في غزة لاستلام الجثمان بشكل شخصي والعودة لدفنه في ارض الاجداد !!!!!!!!!!!!!!!


ردود على amir
Qatar [sasa] 08-19-2014 11:38 AM
نعم لوكان فلس طينى او مصرى كان البشكير بنفسه مشرفا على الرعاية .... مامون حميده يفتح المستشفيات للفلس طينيين ويقفلها فى وجه امهاتنا وخالاتنا واهلنا السودانيين المعدمين المساكين , لعلمكم مامون حميدة من اصول المغاربة الذى هاجروا للسودان (( هو مغربى الاصل - انا اعرف اسرتهم جيدا وخاله كان مديرى المباشر وهوطيب ومحترم ليس مثل ابن اخته))

اتمنى ان يحترم الفلس طينيين الشعب السودانى ويتركون تطنزهم عندما يقول سودانى من ناس الشمالية او نهر النيل او الجزيرة بانه عربى الاصل !!!!!!!!!!!!!!!!!



ابن نهر النيل sasa


#1083294 [الحالم]
5.00/5 (3 صوت)

08-19-2014 09:45 AM
انا لله وانا اليه راجعون اللهم اغفر له وارحمه واحسن اليه
اللهم ولي علينا خيارنا


#1083289 [سوداني]
5.00/5 (3 صوت)

08-19-2014 09:43 AM
رحم الله الطالب وادخله فسيح جناته

لماذا لم تعتصم الجالية السودانية ومش بس اعتصام المفروض يخشوا السفارة ويدمروها ويقبضو ا علي الطاقم العفن الفيهو ويضربوهم لماذا الاستسلام لماذا الضعف والذل ؟


ردود على سوداني
United States [Abu] 08-19-2014 09:01 PM
ali] Just utterly fabulous what you have written..... Thanks lad]...

Saudi Arabia [ali] 08-19-2014 10:21 AM
رسالة إلى مخترع الفياقرا

ياسيدى ألمخترع العظيم يامن صنعت بلسما قضى على مواجع الكهولة وأيقظ ألفحوله أما لديك بلسم يعيد في أمتنا ألرجولة؟!!

غازي ألقصيبى

لدى بلسم يعيد لأمتنا الأنوثة لتلد من جديد صلاح الدين
فلا تيأس من العلاج


#1083283 [الطريفي]
4.50/5 (4 صوت)

08-19-2014 09:40 AM
شيلوا الفاتحة علي السودان خلاص اي شء انتهي لغاية هنا


#1083280 [ود الركابي]
5.00/5 (1 صوت)

08-19-2014 09:39 AM
الله يرحمه .. نبشركم ارسلنا لابناء عمنا بتاعين غزه مليون دولار علشان كده مفلسين شوية .. اتصرفوا او زي ماقالوا جلوا المرحوم المستشفي حايدفنه .. الله لا كسبكم دنيا وآخرا ..


#1083278 [الفاتح محمد احمد]
5.00/5 (1 صوت)

08-19-2014 09:37 AM
سبحان الله هل هذة سفارة من المفترض ان تقفل ابوابها هذا مرتب موظف في وزارة الخارجية ما بالك كم ياخذ

سفير السودان بالهند ملايين الدولارات السؤال هل سيمر الامر عادي والسفارة ما عندها اموال ولا دي

اموال الشعب التي يتم سرقها ولا يدفع منها للمواطنين بلد هاملة لا وجيع لها وشعب هارب ولاجئ ياخسارة

ياوطن الجدود ياناس اتركوا السلطة ان لم تقدروا عليها ناسائكم اصبحون من الملايارات حرام عليكم


#1083252 [كوز منحل]
5.00/5 (4 صوت)

08-19-2014 09:26 AM
هذا الكلام لايصدر الا من سفارة قوم لوط وليست هذه سفارة سودانية ولاتشبه السودان


#1083244 [اسد]
5.00/5 (3 صوت)

08-19-2014 09:23 AM
للأسف الشديد في اي دولة سفارتنا لا تتعامل مع السودانين الا في حالة تحصيل الرسوم، وقد مرت بنا دواهي خارج البلاد وكأن على رؤوسهم الطير. إنا لله وانا اليه راجعون.


#1083230 [داوودي]
5.00/5 (10 صوت)

08-19-2014 09:17 AM
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .

( إنا لله وإنا اليه راجعون )


#1083204 [د الزهجان]
4.50/5 (2 صوت)

08-19-2014 09:07 AM
رحم الله الطالب واحسن عزاء الاسرة والاصدقاء

وصية لاتحاد طلاب المهجر في الهند...

اولا .. لاتتوقعو خيرا في السفاره اومنسوبيها .. فهم كيزان مغضوب عليهم وزج بهم في مناطق شده


كما يقول احد منسوبيهم .. لان الهند تعتبر رافد ميت .. اغلبها مرضي وطلاب او تجار من حيتان

الكيزان . لايمكن الاقتراب منهم

2_ الرساله عشوائيه . وبدون سند ..ولا امضاء من الاتحاد .. الا ان يكون رئيس الاتحاد كوز .. واسفي

الا يكون هنالك اتحاد اصلا


3_ لابد من اشتراكات تجبى من الطلبه شهريه لمثل هذه الاحداث .. في الهند وماليزيا والفلبين وان


يكون رابط بينهم


وسلام ..h


ردود على د الزهجان
India [haded] 08-19-2014 04:10 PM
يا حبيبي انا واحد من اعضاء مجلس الاتحاد بمدينه حيدراباد الهند...وكل الطلاب والكيزان والسفاره يعرفون ذلك بان مجلس الاتحاد المكون من 25 عضوا لا يوجد كوز واحد ... وحتي الاتصال بالسفاره تم من قبل الاتحاد وهم قاولو لينا الكلام دي (جلوه .. ناس المستشفى بتصرفوا بدفنوه)

Saudi Arabia [ابو مؤيد] 08-19-2014 10:54 AM
لاحول ولاقوة إلا بالله ، ألا رحم الله الفقيد وأسكنه فسيح جناته وجزا الله كل الذين ساهموا في سداد نفقات المستشفى خيراً وحسبنا الله ونعم الوكيل فيما وصل إليه حال سفاراتنا بالخارج من إهمال لرعاياها وفي هذا المقام اتفق معك أخي فيما ذهبت إليه بضرورة عمل صندوق تكافل لسد مثل هذه المواقف وغيرها .


#1083201 [يالله- دايرنوا وطن كامل]
4.75/5 (3 صوت)

08-19-2014 09:06 AM
رحمه لله برحمته التي وسعت كل شئ (انا لله وانا اليه راجعون )...
الغريبه انو السفاره ما بتتعظ من السبوقوها..
احكيليكم ...قبل 5 سنوات ذهبت للهند للدراسه وبعد6 شهور احتجته للسفاره لعمل توكيل ....
اقسم بالله لقينا السفير عندوا سرطان ومريض وعلي فراش الموت ومقعدنوا في بيتوا داخل السفاره ...
ومعينين سفير مسمنوا سفير متابع واربع اشخاص باعتبارم قنصل اول وقنصل تاني وقنصل تالت وقنصل رابع ... وكل من هم يخمل رتبه عسكريه .

ولله لا يعلمون ما ذا يحدث للسودانين هناك ...


#1083198 [Mohmaed Alit]
5.00/5 (2 صوت)

08-19-2014 09:04 AM
نحن للأسف لم تعد لنا دولة ولا حكومة ولا كيان..
هذه الشرذمة البائسة التي جثمت على صدر البلدوشردت أبناءه في أصقاع الدنيا لا نتوقع منها غير
ذلك..
لو كان ذلك من أبناء المؤتمر الفني لأجلوه بطائرة خاصة إلى بلد أوروبي لعلاجه.

في الداخل ألهوا الناس بالمعيشة وزرعوا في البلاد المخدرات والمجون والعربدة ليلهوا الشباب.

لعنة الله تغشاهم في كل حين.


#1083195 [abdulazim elhaj]
5.00/5 (2 صوت)

08-19-2014 09:03 AM
والله المفترض يقتحمو السفارة ويمرموطو الحرامية الموجودين فيها بالشارع هم اصلا ختوهم هناك عشان يحلو المشاكل المتل دس


#1083188 [عابر]
5.00/5 (4 صوت)

08-19-2014 08:59 AM
يجب اقالة طاقم السفاره فورا وتقديمهم للمجاكمه


ردود على عابر
Saudi Arabia [المغبون] 08-19-2014 11:09 AM
من يقيل من ؟


#1083184 [زول ساي]
5.00/5 (3 صوت)

08-19-2014 08:55 AM
يااالله ...


#1083183 [جركان فاضى]
3.50/5 (6 صوت)

08-19-2014 08:55 AM
اللهم ارحم الطالب الشهيد فقد مات فى سبيل العلم...وصبر اهله على الفقد الجلل...ولا حول ولاقوة الا بالله....فالسودانى لا يحترمه نظام الانقاذ حيا...فكيف يحترمه ميتا؟


#1083182 [سنوات الضياع]
5.00/5 (4 صوت)

08-19-2014 08:55 AM
حسبنا الله ونعم الوكيل.....


#1083177 [مجتبي]
5.00/5 (2 صوت)

08-19-2014 08:52 AM
يصرف علي هذه السفارات الالاف الدولارات رواتب ونثريات كلو من دم الشعب والمهاجرين من ابناءه وللاسف ليست لديها اي دور ايجابي -
تبا لكم
تبا لهم
تبا لنا
طوبي لجيل
ادمن الماسي
وتجرع الاهات
وادمان الفشل


#1083172 [عدس]
5.00/5 (4 صوت)

08-19-2014 08:47 AM
الطلاب الذين يدرسون خارج السودان هم جزء من المغتربين , أو جلهم من أبناء المغتربين والمضحك أن الحكومة قايمة وقاعدة في مؤتمرات وورش واجتماعات وخلافه من أجل أموال المغتربين.لنعلنها حملة لمقاطعة الحكومة ومقاطعة مشاريعها , ما حدث للطالب رحمه الله حدث ويحدث للكثيرين خارج حدود السودان, هذه هي الحكومة وهذه هي أفعالها, ويقيني أن السفارة بالهند تعلم أن المرحوم لا ينتمي لتنظيمها ولو كان ذلك كذلك لقامت بالواجب وأكثر ولدفن المرحوم بالسودان بين ذويه وعشيرته وإدخال اسمه من ضمن ( شهداء الإنقاذ ) لتصرف علي أسرته أموال من منظمة الشهيد مدي الحياة.


#1083171 [abubaker]
5.00/5 (2 صوت)

08-19-2014 08:45 AM
من اين أتى هؤلاء (الطيب صالح) وما هو دينهم (ابوبكر)


#1083165 [Nobatya]
5.00/5 (3 صوت)

08-19-2014 08:44 AM
الله ينعلكم الله ينعلكم الله ينعلكم يا واولاد الحرام باذن الله نهاية بهذا المرض التي انت فيه الان
بالله عليكم غزة شنو وقسما هؤلاء البشر اجرم ناس انا عرفتهم هنا في السعودية تبا لكم كنا ندين التدخلات الخارجية في سوريا وفي العراق وليبيا لكن اذا كانت وصلت بنا هؤلاء الملاعين لهذه الدرجه فمرحبا بكم يا دول الاحتلال فموت الجماعة عرس


#1083160 [75]
1.00/5 (1 صوت)

08-19-2014 08:43 AM
والبخليني اصدقك شنو امكن انك تدعو للفتنة وتنشر مثل الكلام دا


ردود على 75
Saudi Arabia [ظلال النخيل /فريد محمد مختار] 08-20-2014 10:58 AM
مسمي نفسك 75 زي مدارس السعودية بنات حيث يتم تسميتها بالارقام فقط

Saudi Arabia [REEko] 08-19-2014 10:39 AM
أتصل على أهله وأسال عن اسمه المكتوب في الخبر وأنت تعرف .. أنت من وين؟؟؟ أكيد مؤتمر لاوطني..

Saudi Arabia [القرفان] 08-19-2014 10:28 AM
وانت منو عشان تصدق ؟؟
مندوب من السماء ونحنا ما عارفين ؟
لكن من لحن قولك انت كوز مأفون لعنة الله عليك وعلى اسيادك تفوووووووووووو


#1083140 [khalid mustafa]
4.75/5 (3 صوت)

08-19-2014 08:32 AM
في الوقت الذي ترفض فيه حكومة البشير دفع رسوم علاج الطالب السوداني تقوم بارسال الطائرات لاجلاء جرحي الاخوان المسلمين في ليبيا ونقلهم للسودان للعلاج مجانا في مستشفيات مامون حميده واقرانه !!!

وترسل المعونات بملايين الدولاارات لمساندة ارهابيي حماس في غزه,, !!!

التنظيم العالمي للاخوان المسلمين لا يهمه الشعب السوداني في شئ,,,استباحوا بلادنا بواسطة البشير والترابي ووجهت كل ثروات بلادنا وامكانياتها لخدمة الاخوان في مصر وغزه وليبيا لاننا في نظرهم مجموعات من العبيد لا نستحق الارض التي نعيش فيها,,

لكن العيب فينا نحن لاننا سمحنا باستيراد فكر حسن البنا وسيد قطب البائس وسمحنا له بالانتشار وسط الطلاب والغلابه,,


#1083133 [أبوقرجة]
5.00/5 (4 صوت)

08-19-2014 08:26 AM
لا زلنا لا نعرف الإجابه يا أديبنا (الطيب صالح ) من أين أتى هؤلاء ....


ردود على أبوقرجة
United States [Abu] 08-19-2014 08:23 PM
[عدس] SPLENDID INDEED

Saudi Arabia [عدس] 08-19-2014 01:46 PM
يا أٌبو قرجة يا أخوي أنا من زمان علقت عن موضوع من أين أتي هؤلاء وقلت : هؤلاء الجماعة قالوا للشعب من أين أتيتم أنتم يا هؤلاء ؟
ربنا يرحم الطالب ويصبر ذويه فهو شهيد العلم.


#1083120 [zooooooooool]
5.00/5 (2 صوت)

08-19-2014 08:18 AM
Tof 3la nas elengaz


#1083117 [كتاحة امريكا]
5.00/5 (2 صوت)

08-19-2014 08:16 AM
الانسان في السودان ليس له قيمة تذكر


#1083112 [ابو الراء]
0.00/5 (0 صوت)

08-19-2014 08:12 AM
انا لله وانا اليه راجعون ؛ مافي قروش ما يتصرفو متين كانت المافي امر مسلم به ... ده حال السودانين خارج وداخل السودان يعني لا جوة نافع ولا بره نافع ... اللهم أرفع سقطك وغضبك عنا يا الله


#1083110 [فارس عبدالرحمن]
5.00/5 (1 صوت)

08-19-2014 08:08 AM
له الرحمة والمغفرة ولآله الصبر والسلوان
لعنة الله على الكيزان وعلى حكومة الخزى والعار


#1083107 [دوشكا]
5.00/5 (1 صوت)

08-19-2014 08:04 AM
الرحمة والمغفرة للفيد ان يسكنه فسيخ جناته مع الصديقين والشهداء اولئك رفيقا,
لاحو ولاقوة إلا بالله والتحية لكل من شاركة والمساعدة في دفن الجثمان يا سبحان الله المواطن السوداني اصبح ملطشة في الخارج والداخل بسبب النظام الفاسد الذي افسد المجتمع بسياستهم القذرة ودليل على ذلك تصرفات السفارة السودانية بالهند ( جلوة... ناس المستشفي بتصرفوا بدفنوه ) على الآقل ساهموا باي مبلغ لكن ماتقول مافي فلوس عيب والله عيب يا خونة يا حرامية ياتجارة الدين ( لكن نقول يوم الحساب على وشك سوف نجثها من جذورها ونظافتها ونعلن سودان جديد معافي خالي من السوس ويعيش الشعب السوداني بالكرامة والرفاهية ولقمة العيش الكريمة بأذن الله ( حاشاك ياسوداني أن تسقط بيننا فليسقط الخونة وتجار الدين .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
10.00/10 (6 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة