الأخبار
أخبار إقليمية
مشادات كلامية ساخنة في تشريعي الخرطوم حول فساد مكتب الوالي
مشادات كلامية ساخنة في تشريعي الخرطوم حول فساد مكتب الوالي
 مشادات كلامية ساخنة  في تشريعي الخرطوم حول فساد مكتب الوالي
الملازم غسان حراً طليقاً يمارس حياته بصورة طبيعية


فاطمة حامد : المسؤول الأول عن الفساد في مكتب الوالي هو الوالي نفسه،
08-19-2014 11:04 AM
الخرطوم: عبد الرحمن صالح
شهدت جلسة تشريعي الخرطوم أمس مشادات كلامية ساخنة بين قيادات ونواب المجلس في قضية فساد مكتب والي الولاية، وفيما قالت النائبة فاطمة حامد أن المسؤول الأول عن الفساد في مكتب الوالي هو الوالي نفسه، طالب النائب جود الله الطيب والي الولاية عبد الرحمن الخضر بإحاطة المجلس بتفاصيل قضية الفساد داخل مكتبه، وقال خلال تداول النواب خطاب الوالي أمس إن قضية بهذه الأهمية كان يجب أن يُحاط بها المجلس في وقتها كونه الجهة الرقابية والمسؤول الأول، وتابع قائلاً: «هذا لم يتم، وكان يجب على الوالي أن ينوِّر المجلس أولاً».مؤكدين أنه لا توجد رقابة على التجار، داعين الدولة للوقوف على الأسعار وعدم تركها للتجار، وأكدوا أن مصانع الزيوت متعطلة والمواد الخام موجودة، مشيرين إلى أن أرقام المتسولين في الخطاب غير صحيحة، مطالبين بإلغاء الوحدات الإدارية في الولاية واعتماد تسع محليات بدلاً من سبع، مؤكدين أن الولاية تعاني من مشكلات كبيرة في المياه والكهرباء، مشيرين إلى أن السكن العشوائي أصبح مهدداً أمنياً للولاية.

الانتباهة


تعليقات 16 | إهداء 0 | زيارات 9382

التعليقات
#1084810 [خلاص الانتخابات قربت خلوهو يشبع!!]
0.00/5 (0 صوت)

08-20-2014 03:20 PM
دعوني اعيش!!!!!!!!!! يعني الوالي ده يراقب شنو وله شنو!!! يجيب ليكم البصات بدون عمولات!! ويبعها ليكم بالجنيهات بدون عمولات!!! ويكافح ليكم الذباب والبعوض بالرشات الخجلانات لانو التيارات بتكلف دولارات!!! يردم ليكم الشوارع المكسرات!!!!!!!!!! وله يقيف في صف الجبايات!!! وولاية الجبيات!!!وله يشوف المدارس المنهارات!!وله يغرف النفيات في اوسخ عاصمة من عواصم الولايات!!! وله ينظم ليكم الطرقات من الزحمات!!وله يفل ليكم المستشفيات!!!!!!!!!!!!! ده كلوا من غير عمولات!!!!!ولا نصيب في المجمعات!!لا فلة ولا حتي شقة من الشقات!!! لا بالغتو ويعيش كيف في بلد راتبو مابكفي لبن لي الجنيات!!!!!


#1084182 [أبـوريـالـه (سيحتجب للأبد)]
0.00/5 (0 صوت)

08-20-2014 01:38 AM
بالله شفو الولد غسان ده مش قطعه من الوالى , "من الشبه باين" ... شبه شديد ؟


#1083888 [الفاتح]
5.00/5 (1 صوت)

08-19-2014 06:48 PM
يا دوب الجماعه صحصحوا !!!!!!!!!!!!!


#1083884 [ود الركابي]
5.00/5 (1 صوت)

08-19-2014 06:44 PM
كذابين . حاتعملوا شنو. ولا حاجة جعجعة في الفاضي ..


#1083787 [Sam7]
5.00/5 (1 صوت)

08-19-2014 04:29 PM
" وقال خلال تداول النواب خطاب الوالي أمس إن قضية بهذه الأهمية كان يجب أن يُحاط بها المجلس في وقتها كونه الجهة الرقابية والمسؤول الأول"

يعني يا حضرة النائب في كسل أكتر من كدة.. صميم شغلك أن تمشي تبحّت بي نفسك كجهة رقابية (منتخبة) و ما تستني لحدي ما يجي يحيطك الوالي بي الحاجات الغلط الحاصلة في الولاية

يعني بس إنت تقعد في مجلسك و خاتي الخمسة فوق الإتنين و يجوا الوالي و وزراءه يحيطيوكم و انتو تطقوا الحنك

ياخي من أخذ الأجر حاسبه الله علي العمل


#1083718 [الراصد]
0.00/5 (0 صوت)

08-19-2014 03:15 PM
سمك...لبن...تمر هندي !!


#1083692 [75]
0.00/5 (0 صوت)

08-19-2014 02:41 PM
انشاء الله كتاب علم الفلك سرى النور قريبا من تأليفي وأول نسخة ستكون مجانية للشعب السوداني البطل
وفقكم الله للخير .


#1083660 [المر]
5.00/5 (3 صوت)

08-19-2014 02:11 PM
رود علي حسكنيت مالكم عليهو؟...الوالى والى السرور ...بفجخ الطين وبشغل العاطلين
جاب ليكم (الباظات ) وسهل ليكم المواصلات
كتر ليكم لحم الجداد وما قال ليكم أكلوا القعونج والجراد
والعاصمة بقت تمتم التمام بى شرطة النظام العام
لا بدق النسوان ولا بحرج ناس غسان
المسكين حايم كوشة كوشة عشان إنضف الخرطوم من النفايات ودخان الركشات
وفى سوق الخضار بوزع الدولارات على شفع الدرداقات
الفارس الهمام ،الصاروخ عندو زى مكنة اللحام
والمفروض يا ناس البرلمان تجروا القول والشكر للبازل ود الخدر
( وخلوا حسادتكم دى)
محاولة لاضافةزيادة ياحسكنيت
(والينا فوق الرسول ومنو الشعب مسرور)
والينا تمام في تمام وطرايفه ذي عوض دكام
والينا شريف وعفيف جاب لينا الكهرباء
وشفط السيول وامطار الخريف من الشوارع
والبيوت
والينا والي الهنا بيدفع من جيبو لاهل غزة وناس بت المني
والمدينة الرياضية بناها وشجرها غنوا معاي وقولوا والينا والي الهناء


#1083597 [الكنزي]
4.50/5 (4 صوت)

08-19-2014 01:15 PM
( و اعتماد تسع محليات بدلآ عن سبع ) ..

بل الأصح خمس أو ثلاث بدلآ عن سبع ... و ما زلتم في غيبوبتكم سادرون .


#1083560 [حسكنيت]
4.47/5 (8 صوت)

08-19-2014 12:31 PM
مالكم عليهو؟...الوالى والى السرور ...بفجخ الطين وبشغل العاطلين
جاب ليكم (الباظات ) وسهل ليكم المواصلات
كتر ليكم لحم الجداد وما قال ليكم أكلوا القعونج والجراد
والعاصمة بقت تمتم التمام بى شرطة النظام العام
لا بدق النسوان ولا بحرج ناس غسان
المسكين حايم كوشة كوشة عشان إنضف الخرطوم من النفايات ودخان الركشات
وفى سوق الخضار بوزع الدولارات على شفع الدرداقات
الفارس الهمام ،الصاروخ عندو زى مكنة اللحام
والمفروض يا ناس البرلمان تجروا القول والشكر للبازل ود الخدر( وخلوا حسادتكم دى)


#1083530 [adilnugud]
0.00/5 (0 صوت)

08-19-2014 12:06 PM
مقدمه بالايعاز...............لاقالة او استقالة الواي


#1083480 [funny]
5.00/5 (1 صوت)

08-19-2014 11:37 AM
كانوا وين ناس البرلمان ديل
كلهم ملوسيين


#1083468 [جنوبي]
5.00/5 (6 صوت)

08-19-2014 11:29 AM
كل الكلام ده ما حيحصل منه الا اضافة محليتين زيادة بدل سبعه حتبقي تسعة محليات يعني عبء زيادة علينا 2 معتمدين للمحليتين الزيادة و بكامل اكسسوارتهم الوظيفية من سواقين ومساعدين وموظفين وعربات ..


#1083464 [أبوالكجص]
5.00/5 (8 صوت)

08-19-2014 11:28 AM
تف عليكم جميعاً. فضيحة فساد مكتب الوالي تجاوزت الثلاثة شهور ولو أصلاً فيكم خير كمجلس محترم كان يُفترض عقد جلسة غير عادية لمناقشة ماذكرتموه في مقالكم الذي وشكم دا مُش تناقشوه الآن بعدما طفش الحرامية كافة الأدلة. عندها كان على الأقل تشعروا الشعب الذي تمثلونه بأنكم حريصين على حقوقه.


#1083463 [زول وطني غيور]
5.00/5 (4 صوت)

08-19-2014 11:27 AM
وشهد شاهد من أهلها (أهل الإنقاذ طبعا) وياريت السيد/ الوالى يستقيل عشان يقدم للمحاكمة .(أرصدوا الفساد ياعباد) حتى لايباع وطنكم بإبخس ثمن ..


#1083459 [الكاهلى]
5.00/5 (5 صوت)

08-19-2014 11:24 AM
الولد دا حنفوشة والكيزان بحبو الحنافيش والحنفوشات اللهم عليك بالحنافيش والكيزان


ردود على الكاهلى
Sudan [أبو رنات] 08-19-2014 01:09 PM
نوع غسان دا و الوالي و نسيبه لو كانوا في الصين ( البوذية ) لما رأوا الشمس مرة ثانية ...

Sudan [كشا مشا] 08-19-2014 01:03 PM
و كمان عربيته مظللة ... زي ناس ( عثمان خالد مضوي ) و نواب الدفع الرباعي !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة