الأخبار
أخبار إقليمية
حميدة: حالات ملاريا بالخرطوم بسبب الأمطار
حميدة: حالات ملاريا بالخرطوم بسبب الأمطار
محاربة الملاريا تبدأ من التعرف على يرقات البعوض ومكافحتها هذه الجهود تهدف لمكافحة البعوض.


08-22-2014 11:01 AM
الخرطوم: كشف وزير الصحة بولاية الخرطوم، مامون حميدة، عن ظهور بعض حالات مرض الملاريا بعد انتشار البعوض في البرك والمستنقعات التي خلفتها مياه الأمطار بالولاية، بينما حذر أعضاء المجلس التشريعي بالولاية من تردي صحة البيئة بالخرطوم.وقال حميدة خلال تدشين نفرة درء آثار الأمطار والفيضان وإصحاح البيئة والنظافة الكبرى بمحلية الخرطوم، أمس الخميس، إن حالات الإصابة بالملاريا لم تصل مرحلة مقلقة بفضل العمل الوقائي المستمر في مكافحة الباعوض الناقل للملاريا وتجفيف البرك والمستنقعات.
وأكد أن الحملة تأتي ضمن خطة وزارة الصحة في درء الآثار المتعلقة بهطول الأمطار وتجمعات المياه ومحاربة الأمراض المرتبطة بفصل الخريف، مشيداً بجهود محلية الخرطوم في تدشينها لأولى نفرات إصحاح البيئة بالولاية.وانتقد أعضاء المجلس التشريعي بولاية الخرطوم تردي صحة البيئة بمحليات الولاية في أعقاب الامطار والسيول التي اجتاحت أجزاءً واسعة من مناطق الولاية، مشددين على ضرورة الإسراع لمعالجة الأوضاع البيئية لتلافي آثارها الضارة بالصحة العامة.وطالب نواب بمراجعة الخطط الإسكانية ومنع إنشاء المباني بالقرب من مجاري السيول.
من جانبه، أعلن معتمد محلية الخرطوم عمر نمر عن تخصيص 150 آلية للعمل في مجالات النظافة ورفع الأنقاض وتسوية الشوارع والميادين وتفريغ المصارف والطرق من تجمعات المياه، بجانب عمليات واسعة للرش الرذاذي والضبابي للباعوض والذباب.

الجريدة


تعليقات 11 | إهداء 0 | زيارات 1434

التعليقات
#1087088 [حميضة !والوالي الصفر!!!]
0.00/5 (0 صوت)

08-23-2014 06:35 PM
حترش رزازي بالعربات لمتين!!!!ات والوالي السمين ,مال الحرام ده مابتزكوهو!!!!وترشوا بالطيارات !!وتغشوا علي الله ذي مابتحللوا ويتتحللوا وتقولوا زكينا مالنا برش البعوض!!!!اعملوا حلجة تخفف عليكم الكذب والسحت العايشين فيهو بفقة التقية ده!!!!


#1086980 [adil a omer]
5.00/5 (1 صوت)

08-23-2014 02:20 PM
الباعوض العندنا فى الخرتوم غير ناقل للملاريا بينقل الدورى البرازيلى بس


#1086558 [آمال]
0.00/5 (0 صوت)

08-22-2014 11:31 PM
حالات الملاريا و الباعوض و الذباب اللي اتكاثروا كله بفضل عدم اهتمامكم يا معالي الوزير و بعد ده بتستهر بالمواطن بكلامك بان الضفادع مليئة بالبروتين


#1086504 [nagatabuzaid]
5.00/5 (3 صوت)

08-22-2014 09:37 PM
مامون حميدة اريتك بالحمى اليتاوقوا ليها بالشباك من شدتها مافى زول يقدر يزورك بس متاوقة بالشباك


#1086423 [Sadrik]
5.00/5 (2 صوت)

08-22-2014 06:22 PM
ولله شن دكترتك أمريكا أزا خليت الشباك فاتح البعوض بيقومك من النوم لكن لليوم ما سمعنا واحد عندو ملاريا علاج الملاريا يا دكتور ما عندو علاقه بالبعوض الباعوض هو زي مواصلات العاصمة يوصل ومهمتو خلصت لكن دكترتك ما خلصت الي علاج اخر مصاب بالملاريا عشان البعوض ما يكون حامل دم مصاب بالملاريا


#1086291 [ادروب الهداب]
1.00/5 (1 صوت)

08-22-2014 01:25 PM
ياسﻻم...... كيف عرفت ان فيه مﻻريا .... والله ده فهم .....سبحان الله


#1086288 [بركة بجاوي]
5.00/5 (3 صوت)

08-22-2014 01:22 PM
يوم لا ينفع مالا ولا بنون


#1086280 [مامون حميضة]
5.00/5 (6 صوت)

08-22-2014 01:09 PM
يجب ان يترك القعونج يتناسل ويتوالد ويكتر عشان يقضى على الباعوض والضبان
وكده بيسمن وبكون غنى بالبروتين


#1086273 [الهندى عزالطين]
5.00/5 (2 صوت)

08-22-2014 01:02 PM
احى انا يا اسحق فضل من العمليات الواسعة دى للرش الرذاذي والضبابي


#1086254 [جريس عبد النور]
5.00/5 (4 صوت)

08-22-2014 12:32 PM
المشكلة من نصيحة سعادة الوزير حميدة لأكل الضفادع الناس أكلوا الضفادع فزاد البعوض.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة