الأخبار
منوعات سودانية
جلد شاب ومصادرة هاتفه لمشاهدته صورا فاضحة



08-22-2014 11:32 PM
بحري-

أصدرت محكمة الحاج يوسف حكما يقضي بجلد متهم (50) جلدة عثر في هاتفه على صور فاضحة داخل سوق (6) بالحاج يوسف، وأمرت بمصادرة الهاتف، وكانت شرطة الحاج يوسف أوقفت المدان وهو داخل السوق وضبطت بحوزته هاتفا به صور فاضحة، واقتيد للقسم ودونت بلاغا في مواجهته ووضع الهاتف معروضات في البلاغ وباكتمال التحريات معه وجهت له النيابة التهمة وأصدرت حكما بجلده ومصادرة الموبايل المعروضات.

اليوم التالي


تعليقات 6 | إهداء 0 | زيارات 3937

التعليقات
#1087017 [ود الركابي]
0.00/5 (0 صوت)

08-23-2014 03:24 PM
هذا ظلم باقاضي الهناء . اولا العساكر الوداهم شنو يشوفوا جوال الشاب .هذه حاجات شخصية خالص . فيها صور الاخوان والاخوات والزوجة والاهل . ثم وليه 50 جلده . وليه مصادرة الجوال مشترنه ليهوا ناس الحكومه .. بلد غريبه في كل شي .. اقطع دراعي اذا ماجوالاات اولادك فيها صور فاضحه . وممكن كمان جوالك زاتوا يالقاضي الاعور ..


#1086731 [موجوع]
5.00/5 (1 صوت)

08-23-2014 09:27 AM
انا متأكد أنو العساكر القبضوهو لو فتشو موبايلاتهم حيلقوا فيها ماهو أسوا
والقاضي الحاكمو لو فتش تلفونات اهلو في البيت حيلقا فيها افلام بدل الصور
والله السودان دا بتحصل فيهو حاجات ما يصدقها الا البعيش مع الغجر العايشين فيهو
خليهم تاني يفتشو ملابسكم الداخلية
وينشرو البلقوهو في الصحف
كثير من الشماسة البقو عساكر بصفوا حسباتهم مع خصومهم بالطريقة دي
يعني لو واحد اتشاكل معاك أو في زول دفع ليه ممكن (يكيسك) ببساطة
والقاضي يحكمك مع انو عارف الحقائق دي
و تسليط المجرمين دا داخل في السياسة
لانو الحكومة عايزة تذل الناس وتكسرهم
وفي النهاية
دا كلو من الشعب ما منهم
الشعب الجبان الغبي دا يستاهل اكتر من دا


#1086686 [abubaker]
0.00/5 (0 صوت)

08-23-2014 08:04 AM
لو عملتو بالطريقة القبضتو بيها على الشاب هذا حا تقبضوا 80% من الشعب السوداني


#1086670 [sa]
0.00/5 (0 صوت)

08-23-2014 07:32 AM
دة موبايل ولا بيت عذابة .. ولا العسكري يكون شاف اتنين دخلو جوه التلفون !!..أحتمال يكون التلفون أي باد كبير (لانو حسب علمي بيعتبر شقة).. يا ابوي احسن نرجع للربيكات ..


#1086665 [النفيعابي]
5.00/5 (2 صوت)

08-23-2014 07:25 AM
من النكات التي وربما تكون حقيقة ان احد قضاة الانقاذ (خريج جامعة ام طرقا عراض)اغتراب هذا القاضي الي البحرين وهو لا يعرف سوي صيغة حكم واحدة وهي (السجن مع الأبعاد عن البلاد) فشبك ليك الهنود والبنقالة طرد جد ولسوء حظه عرضت أمامه قضية المتهم فيها بحريني فحكم عليه بالسجن شهرين مع الأبعاد عن البلاد فتسأل البحريني (فين اروح) ونسي ان هذا ابن البلد وكانت هذه فضيحة في القضاء تم تداركها لكن رائحتها طلعت..سير سير يا البشير


#1086614 [السفير]
5.00/5 (2 صوت)

08-23-2014 01:54 AM
كيف عرفوا انو فى صور فاضحة فى الجوال وبعدين لماذا خمسين جلدة ولماذا مصادرة الموبايل هذه كلها اسئلة محتاجة اجابات ..فى مثل هذه الامور يتم نصح الشخص على يد القاضى او رجل دين ويتم مسح الصور والاشياء الفاضحة وتحذيره علما بأن القانون يمنع تفتيش اجهزة الموبايل والحاسوب الا اذا كانت من ضمن ادوات الجريمة لان هذه اسرار فالقانون فى بلدنا اعوج واعمى وكسيح.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة