الأخبار
منوعات
سيدة تفاجأ بعمارة مشيدة في أرضها بكافوري



08-24-2014 10:08 PM
بحري - ألجمت الدهشة سيدة عندما وجدت بناية من عدة طوابق مشيدة في قطعة أرض تخصها في ضاحية كافوري، عقب عودتها من خارج البلاد، وكانت المفاجأة أن قدم لها المالك الجديد أوراقا تثبت ملكيته لقطعة الأرض ما دفعها للجوء إلى القانون بدفع عريضة للنيابة، وبتدوين بلاغ وإجراء التحريات اللازمة أرشد المالك الجديد عن سماسرة باعوه قطعة بواسطة أوراق موثقة من محام ليتم القبض عليهم وبإخضاعهم للتحريات ومضاهاة الأوراق اتضح تزويرهم في أوراق البيع وتقليد إمضاء السيدة ووجهت النيابة لثلاثتهم تهمة التزوير والاحتيال، وقدمتهم للمحاكمة وتوصلت المحكمة الجنائية بحري لردعهم بعقوبة السجن (5) سنوات تحت طائلة المادة (21123178) من القانون الجنائي.

اليوم التالي






تعليقات 12 | إهداء 0 | زيارات 7127

التعليقات
#1089028 [عوض الفكي]
0.00/5 (0 صوت)

08-25-2014 05:35 PM
معظم المحاميين في الخرطوم وام درمان وبحرى مزورين ومتعاونيين مع سماسره لايقلون تزويرا وفسادا عنهم
حتي المحاميات بقن أكثر اجراما من المحاميين يعني مثلا وانت ماش علي محكمة أم درمان جنوب وعلي يدك اليمين يوجد أكثر من محاميه يحترفن تزوير التواكيل التي بسببها ضاعت حقوق وحصلت مشاكل والغريبه ان القضاه يعلمون ان التواكيل التي أمامهم مضروبه ومع ذلك يمضون في احكامهم طالما لم يظهر امامهم صاحب مصلحه متضرر من هذه التواكيل المضروبه... عموما كل شىء بايظ في بلدنا من كبارا وزمان قال نابليون اذا فسدت الرأس فسد الجسد.


#1088922 [المر]
5.00/5 (1 صوت)

08-25-2014 02:55 PM
ردود علي ابومرام
يتحللوا دي معناها شنو؟؟؟
تشد ليها حلة كمونية اول مرة اسمع بالكلمة دي فب عهد الجماعة ديل
هل هو تصريح لفعل كل شيىء تزني تسكر تسطل تسرق تنهب تكتل ورونا رسوم التصريح دا كم وبستخرج من وزارة المالية ولا وين مكاتبهم انا عمري ما عملت حاجة غلط لكن عايز استخرج التصريح يمكن واحدة تتحرش بي انا اصلي وسيم لامن غلط والواحد في حكم الانقاذ لازم يعمل حسابو


#1088901 [حلفانكيل]
5.00/5 (1 صوت)

08-25-2014 02:29 PM
على حسب خبرتى في هذه القضية يسلم المبنى كاملا للسيدة صاحبة الارض بعد عشرة سنين من استفادة صاحب البناية منها ..


#1088757 [سامي]
5.00/5 (2 صوت)

08-25-2014 11:47 AM
ربنا اعطاك عمارة من مافي . انا عندي قطعة فى الوادي الاخضر مالاقي واحد يبنيها


ردود على سامي
United Kingdom [النيل أبونا والجنس سودانى] 08-25-2014 02:07 PM
سامي يا أخوى إنت ما مرطب مادام عندك قطعة فى الوادي الاخضر.

United States [جنرال زمان] 08-25-2014 02:00 PM
مش قطعتك الناصية ديك الفاتحة على ميدانين يا سامي؟ لكن ما دقست دي بنو فيها جامع زي حق العارف بالله بتاع كافوري, أها إلا تأذن فيه


#1088667 [محمد احمد السوداني]
5.00/5 (1 صوت)

08-25-2014 10:35 AM
احتمال وعلي حسب القانون ان الارض تون لمن فلحها اي عمرها والمغشوشه المره وليس الراجل


#1088602 [جنوبي]
0.00/5 (0 صوت)

08-25-2014 09:35 AM
وهل في مؤتمر المغتربين البقولوا ده , ناقشوا مسألة الاعتداء المتكرر علي اراضي المغتربين لأنو كل سنة واحد من المغتربين بيفاجأ بأنو قطعته اتباعت بالتزوير ودايما بتكون بتوكيل مزور من محامي وموثق كمان !!


#1088539 [صابر مصبر]
5.00/5 (1 صوت)

08-25-2014 08:53 AM
معقولة خمس سنوااااااااااااات بس ....!
وما زنب الرجل الذي باع وشيد تلك العمارة ويخوفي يكون مغترب وهذه تحوشة العمر لأنو من الصعب يكون من اتباع المؤتمر الوطني لأنهم لاتنطلي عليهم مثل هذه الحيلة


#1088513 [اسماعيل الطيب]
0.00/5 (0 صوت)

08-25-2014 08:38 AM
هكذا حال المواطن السوداني


#1088492 [ابوهاني]
5.00/5 (1 صوت)

08-25-2014 08:21 AM
عرفنا السماسرة حكموا عليهم بخمسة سنين سجن والمسكينة الشاكية بما ذا حكموا لها


ردود على ابوهاني
Saudi Arabia [جنوبي] 08-25-2014 09:36 AM
صحي هي حتستفيد شنو من سجنهم ؟!!


#1088402 [طارق الباز]
5.00/5 (2 صوت)

08-25-2014 07:04 AM
بختك ادفعى ليهو اى مبلغ لتمن المبانى او خليهو يجيب لورى ويشيل طوبو


ردود على طارق الباز
Saudi Arabia [الطاهر محمد] 08-25-2014 08:36 AM
أو تبيع ليهو الأرض بالسعر العايزاهو ( يعني تتمنى على كيفها )


#1088391 [مالك الحزين جدا جدا]
5.00/5 (1 صوت)

08-25-2014 06:51 AM
طبعا العماره حلالا بلالا للسيده ,, والله الله أداك


#1088350 [ابومرام]
5.00/5 (2 صوت)

08-25-2014 05:54 AM
مافي طريقة يتحللوا؟؟؟؟؟؟؟؟؟؟ اسوة بحرامية مكتب الخضر؟؟؟؟؟؟؟؟؟؟؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة