في


الأخبار
أخبار السودان
تشريعي الخرطوم يطالب بوقف هجرة مواطني الولايات للعاصمة
تشريعي الخرطوم يطالب بوقف هجرة مواطني الولايات للعاصمة



الفساد ظهر في البر والبحر بما كسبت أيدي الناس
08-26-2014 11:20 AM
الخرطوم: عازة أبوعوف
دق نواب تشريعي الخرطوم ناقوس الخطر حول ظاهرة الانفلات الأمني والنهب المسلح بالولاية وفي الأثناء طالبوا باستقطاع أراضٍ من الولايات وضمها لولاية الخرطوم بسبب الهجرات المتزايدة من الولايات للعاصمة، وجأروا بالشكوى من ارتفاع معدلات الهجرة من الريف بقولهم: "السودان كلو جاء الخرطوم" وتوقعوا ارتفاع معدلات النزوح للخرطوم لنسبة 50% من البلاد، وأرجعوها للحروب وعدم تنمية الريف وافتقاره لأساسيات الحياة وطالبوا بوقف الهجرة المضطردة من الولايات، واعتبر النواب الهجرة سبباً رئيس في الانفلات الأمني بالولاية وأشاروا إلى تطور الانفلات الى نهب مسلح. وفي الوقت ذاته حمل النواب الجهاز التنفيذي مسؤولية عدم تنفيذ المخطط الهيكلي للولاية وقالوا أن المشاريع المنفذة تتم دون دراسة للأولويات وأنها تنفذ "لرغبة القائد" ونوهوا الى ضرورة وضع قضايا الأمن والأخلاق في أولويات المخطط الهيكلي وزادوا: "ما قادرين نسيطر على سلوك أبنائنا وبناتنا" وأضافوا خلال جلسة التشريعي أمس أن غياب الأخلاق والأمن سيتسبب في انفلات أمني وأخلاقي. وفي السياق قال البرلماني وليام زكريا: "المواطن يأتي للخرطوم لتردي الخدمات الصحية والتعليمية بالريف وأضاف: المواطنون يعترضون على تردي الخدمات الصحية وأن مطالباتهم في الأغلب على حق وزاد: "عيب على وزارة الصحة أن ينظم مرضى الكلى وقفة احتجاجية" وأن تبريرات الجهاز التنفيذي حول السيول والأمطار خجولة.
فيما قال البرلماني عبد القادر محمد زين: "إن الفساد ظهر في البر والبحر بما كسبت أيدي الناس"، ونوه الى استفحال مشاكل الأرض بالولاية بقوله: "نصطدم بمشاكل الأرض بدوائرنا والولاية صامتة ونعجز عن الحلول "وأضاف: لا يمكن فصل المخطط الهيكلي عن المخطط الكلي للبلاد، وطالب بإدراج احتياجات الإنسان "المأكل والأمن والسكن والشرب" ضمن أولويات المخطط، وأشار إلى أن التنوير يؤكد غياب التخطيط الهيكلي للولاية وأضاف "يريد أن يقول لنا لو تم تنفيذ المخطط الهيكلي لما غرقنا "وأكد غياب الأولويات في تنفيذ المشاريع ورهن قيام المشاريع لرغبة القائد على حد تعبيره دون الرجوع لمدى أهميتها وقال: "نتفاجأ بافتتاح مشروع قد يكون لرغبة القائد فقط"، في إشارة لمشروع سد مروي وتساءل: لماذا قام سد مروي؟.

الجريدة


تعليقات 31 | إهداء 0 | زيارات 5322

التعليقات
#1090790 [الرشيد ابراهيم]
5.00/5 (1 صوت)

08-27-2014 12:50 PM
ارجو من مسؤولى الولايات المضى فى توفير الاساسيات للمواطن الريفى المقلوب على امره من علاج وتعليم حتى يستمتع بارضه الزراعية وحياة الريف الجميلة
ولا يتضر للجؤ الى العاصمة والتوهان فى الزحام!!!!!!!!!!


ردود على الرشيد ابراهيم
Saudi Arabia [رانيا] 08-27-2014 06:48 PM
حقيقي هو مغلوب و"مقلوب" على أمره وأنا بضم صوتي إلى صوتك .


#1090547 [جفال الجلابى]
5.00/5 (1 صوت)

08-27-2014 10:00 AM
1989


#1090511 [الفاروق]
5.00/5 (1 صوت)

08-27-2014 09:42 AM
ظهر الفساد منذ مجيئكم المشئوم عام 1989 عندما ظهر المتأسلمين تجار الدين .. الذين يدعون انفسهم زورا وبهتانا (المتوضئة ايديهم ورفقاء صلاة الفجر) رياءا لا لله سبحانه وتعالى حينها ظهر الفساد بشتى انواعه.


#1090179 [عوض محمد علي تاج الدين]
5.00/5 (1 صوت)

08-27-2014 12:48 AM
والله اتمني للسودان الرفعة والسودد وديل مابجوا الا بتقدم الريف والريف مابقدم الا بالزراعة ازرعوا جميع الاراصي والعندو الف فدان ادوه عشرة ولو علي سبيل السلف لعام او غامين يستفيد فيه انسان محتاج ولا تكون بور عسي ولعل امسك شوية قريشات واوسع بي تربية حيوان وفي اقرب الدول لينا تلقي اسرة كاملة بي امهم وابوهم وعمهم وخالهم وحبوباتم عاشين بي ثلاثة فدادين بس الفرق بينا وبينم الثلاثة بتكون مزروعة طول السنة والثلاثة الف فدان لم تزرع من ساعة مامكها صاحبها كان حياذة وكان اشتراما


ردود على عوض محمد علي تاج الدين
Saudi Arabia [رانيا] 08-27-2014 06:50 PM
صدقت وأصله في ناس فعلا مابيحبوا يسيبوا مناطقهم أبدا لكن أكيد إتجبروا على المر !


#1090123 [طز في الكيزان]
5.00/5 (2 صوت)

08-26-2014 10:41 PM
قال الفساد ظهر في البر والبحر بماكسبت ايدي الناس . طيب والنائب التشريعي داك اللي قبضوا مع اربة فتيات في وضع مخل وفي نهار رمضان داك صلاح يعني؟؟؟ انتم الزناة ،،، انتم الفسدة ،،،،،، انتم الطغاة،،،، انتم القتلة ،،،،، انتم اللصوص . الشعب السوداني برئ منكم وانزه واشرف منكم ياكلاب الفساد الحاصل ده من جيتكم انتو للحكم وقبلها ماااااافي . اللهم ارنا فيهم عجائب قدرتك فإنهم لايعجزونك وحسبنا الله ونعم الوكيل فيكم اجمعيييييين


#1090122 [nagatabuzaid]
5.00/5 (1 صوت)

08-26-2014 10:37 PM
يا مجلس تشريعى الخرطوم انتوا قاعدين فى الخرطوم وما عارفين حاجة الناس الماقاعدين فى الخرطوم ولا قاعدين فى السودان عارفين ان هناك هجرة من الخرطوم للا قاليم بسبب السيول والامطار وتعال النقول ليك يا تشريعى الخرطوم معظم اهل الريف الكانوا ساكنين فى العاصمة فى الاماكن المتضررة من الامطار ووقعت بيوتهم عديييل وما وجدوا بيوت للايجار وارتفاع الايجارات بسبب الوافدين من الحبش والمصريين وغيرهم لملموا عفشهم وطلعوا عيالهم من المدارس ورجعوا الى قواعدهم سالمين ومبروك عليكم اديس ابابا نمرة 2 وعينوا ليكم وزير حبشى مش كان عندكم وزير ارترى؟ وفى الدورة القادمة عينوا نواب فى المجلس التشريعى من الامهرة وماتنسوا تزويد قوات الجنجويد بالشفتا علشان يوروا حميدتى نوم الكيعان والخرطوم والسودان ناس الاقاليم خلوها ليكم وهم ذاااااتهم متعودين على لحم الضان وجداد البيت مالم ومال لحم القعونج


ردود على nagatabuzaid
Saudi Arabia [رانيا] 08-27-2014 06:47 PM
ما خليتي ليهم جنب يتكوا عليه ههههه وبصراحة هم دايما بيخطوا نفسهم في مواقف
بايخخخخة .


#1090065 [زول اصيل]
5.00/5 (1 صوت)

08-26-2014 09:04 PM
طيب المصريين والحبش الماليين الخرطوم يودوهم وين؟ سؤال مطروح للنقاش


ردود على زول اصيل
Saudi Arabia [رانيا] 08-27-2014 06:52 PM
يا راجل ديل بياخدوا الجنسية في يومين يعني بقوا أصحاب حق .


#1090029 [ِAburishA]
4.75/5 (4 صوت)

08-26-2014 07:59 PM
وطالبوا بوقف الهجرة المضطردة من الولايات.... هيع هيع هاااااع

***شهادة عدم قيد********

بعد البحث في سجلاتنا.. لم نجد اسم أي من رئيس الجمهورية ولا زوجاته.. ولا نوابه..ولا الوالي او المعتمدين.. ولا نواب البرلمان.. ولا أي من منسوبي هذاالنظام مسجل لدينا بانه من سكان الخرطوم أو من ضواحيها.. حررت هذه الشهادة لتقديمها الى من يهمه الامر.. وشكرا


ردود على ِAburishA
Saudi Arabia [رانيا] 08-27-2014 06:53 PM
هههههه ومن تحت تحت بيقولوا أساسا ما من السودان .


#1089939 [brombrom]
5.00/5 (2 صوت)

08-26-2014 05:43 PM
1-هم ذاتو ما جاءواْ من الريف العاصمة بتع ابو منوا تشيلو ضرائب وتجواْ تعملواْ نائم في الغابات الاسمنتية ويخلو الناس بدون اي مقومات الحياة؟
2-تهجير الريف قسراً بمليشات الدعم السريع و الجنجويدو دانات الانتينوف؟ ما هو نتيحة المشاريع الارجئ اللا مخطط


#1089911 [لفته]
5.00/5 (2 صوت)

08-26-2014 05:14 PM
الفساد ظهر بما كسبت أيديكم أنتم أيها الكيزان,والحكاية ليست عنصرية وخيار وفقوس يا برلمان الهنا واليكم الحرامي اللص عبد الرحمن الخضر نفسه نازح.


#1089817 [محمدامين ادم]
5.00/5 (1 صوت)

08-26-2014 03:31 PM
االحبش ملوالبلد


#1089793 [ودالجزيره]
5.00/5 (1 صوت)

08-26-2014 02:56 PM
اعيد هذا التعليق على نفس الموضوع امكن القى واحد من المجلس التشريعى يتبناه ...والتعليق هو لماذا لانجمع جميع اهل السودان فى مكان واحد بمعنى نحصر كل السودانيون فى مثلث اضلاعه الخرطوم .مدنى .كوستى .وبهذه الطريقه نكون انتهينا من مشكله دارفور والنوبه والشرق والشمال ..وهذا السودان الجديد الذى ينحصر بين الخرطوم مدنى كوستى يمكن الحكومه فى الخرطوم من تركيز التنميه داخل هذا المثلث فتتوفر الكهرباء والمستشفيات والمياه موجوده اصلا من النيلين الابيض والازرق ..اما بقيه اراضى السودان والتى من المفترض خاليه من السكان يمكن استثمارها كمراعى طبيعيه لانتاج اكبر ثروه حيوانيه فى العالم كما يمكن زراعه اشجار الهشاب لانتاج الصمغ العربى بالاضافه لانشاء محميات طبيعيه للحيوانات البريه لغرض السياحه ...وانا اتوقع ان العائد من الثروة الحيوانيه والصمغ العربى والسياح فقط يجعل من اهل السودان اغنى الشعوب الافريقيه قاطبة ناهيك عن البترول والذهب ...موافقين.؟؟


ردود على ودالجزيره
[bet aljazeera] 08-27-2014 12:40 AM
خلاص السودان كمل بقى على الخرطوم مدني كوستي.... اقلعو شجرة المؤتمر الوطني الخبيثة أولا عشان تقدروا تزرعوا القطن و القمح و الهشاب .... طالما الجماعة ديل قاعدين الله يرحم السودان ...

United States [Sadrik] 08-26-2014 08:04 PM
ياريت بس دي احلام حلوه

Sudan [واحد من الناس] 08-26-2014 07:02 PM
طيب والهشاب والرعي والسياحة ديل نستورد ليهم ناس يشتغلوا فيهم ولا حيمشوا كده براهم ولا النظرية شنو بالظبط عشان غلبنا الفهم


#1089757 [فارس]
0.00/5 (0 صوت)

08-26-2014 02:16 PM
عبر القائدالملهم دكتور جون قرنق دى مابيور عن رؤيته لتنمية جنوب السودان عقب أدائه القسم كنائب أول للرئيس أنه يريد أن (ينقل المدينة إلى الربف)،، أى تنمية الريف حضريا،، وهكذا هم القائدة العظام الذين لهم رؤى فى الحكم وتنمية شعوبهم.


#1089753 [الجعلى الحر]
4.50/5 (3 صوت)

08-26-2014 02:11 PM
نواب تشريعى الخرطوم عاوزين ينعموا بلحوم الحمير لوحدهم


#1089749 [ابو ركبه]
5.00/5 (2 صوت)

08-26-2014 02:06 PM
يا شيخ عبد القادر الفساد البند رقم واحد فى المشروع الحضارى.اسال ناس كافورى..


#1089730 [حسكنيت]
4.50/5 (2 صوت)

08-26-2014 01:48 PM
ياها ذانها (إكوركوا ليكم ما تجوا ، إجوكم...تكوركوا)
الملايين النازحة والمغلوبة على أمرها دى هى الحتولع النار ، ويومها ما حيكون فى لا قانون ولا قصر يعصمكم من من اللهب ، ...(تبت أيديكم)


#1089721 [كوز موية فاضى]
5.00/5 (2 صوت)

08-26-2014 01:40 PM
كل ما حاق بالسودانيين سببه هذ الحكومة الرعناء الفاشلة


#1089710 [د الزهجان]
5.00/5 (2 صوت)

08-26-2014 01:29 PM
شتيمه الحكومه والموتمر الوطني صار يتنافس فيها الكيزان

من الوزير للخفير ويرمو بالوم على جدران وامهات واباء الموتمر

وكان من يستمع لهم عاش وتربى في بلاد الواق واق

وخوفي من الوثبه القادمه التى صانوا لها الركب ولملمو لها الكيزان من بقاع


الارض


#1089700 [aljafaary]
5.00/5 (1 صوت)

08-26-2014 01:19 PM
TOO LATE


#1089688 [غيور]
5.00/5 (4 صوت)

08-26-2014 01:08 PM
كله من سياسات الحكومة الفاشلة لو كان هنالك خطط لتنمية الريف لما كان الناس جاءت الى العاصمة؟بعدين العالم كله اتجه الى تنمية الريف بس حتي الان الحكومة تتخبط فى ادارة البلاد لا شي غبر الله المستعان.


#1089685 [ركابي]
4.94/5 (12 صوت)

08-26-2014 01:06 PM
انتوا عارفين كويس السبب شنو...لو كان في تنمية في اقاليم السودان ما كان في زول جاء وقعد في كوبنهاجن دي ههههه


#1089671 [البشير جلدنا ما بنجر فيه الشوك]
4.50/5 (4 صوت)

08-26-2014 12:54 PM
السد السد الرد الرد .. اليومين ديل خلوا الهتاف ده سمعنا قالوا السد طلع ماسور..


#1089630 [جنوبي]
4.13/5 (7 صوت)

08-26-2014 12:24 PM
زمان الولايات بتمد العاصمة بالأكل وهسي العاصمة هي البتمد الولايات عشان كده ناس الولايات جايين العاصمة , دي كل المسألة يا سيادة النواب !!
وهي الخرطوم دي حقت منو عشان تمنعوا الناس تجيها ؟ كان تحاولوا تصلوهم قبل يجوكم وتصلوهم دي يعني تصلوهم بالخدمات مش تمشوا تتفرجوا عليهم وتجوا !!


#1089627 [أبوقرجة]
5.00/5 (2 صوت)

08-26-2014 12:22 PM
نسيت شيء مهم من حق اي مواطن سوداني أن يقيم في المكان الذي يريديه ليه تمنعوا مواطني الولايات من السكن في الخرطوم ... طيب الحبش والأرتيريين والفلسطيين واللبنانيين وغيرهم من الجنسيات يشكلوا أكثر من 40% من سكان العاصمه ليه ما تطردوهم خارج العاصمه أو السودان كله ........... ديل سبب الجرائم والنهب .. والحبش ضيقوا على الناس معايشهم ... أضعوا خطه علشان تخلوا العاصمه منهم .....


#1089625 [أبوقرجة]
5.00/5 (1 صوت)

08-26-2014 12:20 PM
يعني عايز تورونا أنكم قلبكم على البد ... بقولها الكلام دا كلام تخدير ساكت ... الجبهة الإسلامية بتقول مثل هذا الكلام وتناقشه في الصحف بتاعتها والمجالس التشريعية بتاعتها علشان توري الناس أنها عارفه مشاكل الناس وأهي بتناقشها وتخدر المواطن .. ولا تفعل شيء .. والأسلوب دا معروف من أيام الديمقراطية الثالثة.. أي قبل 30 يونيو 89م

يلى العبوا غيرها الشعب قادم سيقتلعكم من جذوركم ..


#1089593 [مكرام]
5.00/5 (1 صوت)

08-26-2014 11:51 AM
ابحث عن التحرير الاقتصادي والضغط علي المزارعين بالضرلئب ودفعهم للاعسار ومن ثم اما السجن او الفرار الي مدينة الملح،لم ار قوما يهدمون بيوتهم للعيش في الخرابات كما فعل اخوة سودوم


#1089577 [جهولة أم سكاسك]
5.00/5 (2 صوت)

08-26-2014 11:37 AM
وليه قفلتو الهجرة للخرتوم هسي وإنتو جايين من وين,ووروني منو الأصلي في الخرتوم إلا القلة القليلةتلك القبائل اللي نزحت بعد التركية في الجريفات وتوتي وبري والفتيحاب والكلاكلة,شوفو ليكم حل تاني وحسنو الخدمات وإنتو جايبين شئ من مال أبواتكم...تبالكم ياعنصرية.


ردود على جهولة أم سكاسك
Saudi Arabia [عكاشه] 08-27-2014 10:31 AM
لك التحية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة