الأخبار
أخبار السودان
خريجو المختبرات الطبية يرفضون اتحادهم الجديد وينفذون وقفة إحتجاجية - صور
خريجو المختبرات الطبية يرفضون اتحادهم الجديد وينفذون وقفة إحتجاجية - صور
خريجو المختبرات الطبية يرفضون اتحادهم الجديد وينفذون وقفة إحتجاجية - صور


08-26-2014 03:41 PM
قطع خريجو وطلاب المختبرات الطبية بعدم اعترافهم بالمكتب التنفيذي الجديد لاتحادهم المهني والذي سيعلن عنه خلال اليومين القادمين وابانوا بأنهم سيطعنون في الانتخابات حال اعلان نتيجتها ،واكد الخريجون في وقفتهم الاحتجاجية امام مباني الاتحاد بالخرطوم عن مواصلتهم لمسيرة الاصلاح والتغيير بكافة الوسائل القانونية إضافة الي تصعيد قضيتهم الي اعلي المستويات في الدولة حتى تجد الحلول الناجعة لها ،وابان الخريجون ان المكتب التنفيذي الجديد سيكون نسخة لمسيرة خمسة عشر عاماً من الدمار والتدهور لمهنة المختبرات وضياع لحقوق منسوبيه من الكوادر ، وتمسك الخريجون بإتهامهم للجنة بالتواطؤ مع الاتحاد السابق في تزوير كشوفات العضوية بغية ان تترجح الكفة للمكتب التنفيذي السابق كي يواصل مسيرته في تدمير المهنة وتدهورها وفي ذات الوقت دعي الخريجون قاعدة المختبرات الي الانضمام الي تيار الاصلاح الذي انتظم صفوف المهنة والعمل كل في موقعه بغية احداث التغيير المطلوب .
يذكر ان "91%" من عضوية الاتحاد من الخريجين منعوا من التصويت في انتخاب المكتب التنفيذي الجديد للاتحاد واعتمدت اللجنة التسييرية للانتخابات قائمة عضوية لا تمثل ربع عدد خريجي المختبرات الطبية بحجة ان بقية الاعضاء لم يدفعوا اشتراكات .


image

image

image






تعليقات 7 | إهداء 0 | زيارات 2652

التعليقات
#1091076 [زول الخلا]
0.00/5 (0 صوت)

08-27-2014 06:58 PM
السيد الفحيص الزهجان والله إنت فحيص حتي النخاع وهذا وصفك الوظيفي الذي تستحقه قال نحنا الدكاترة دكترة في شنو؟أيوة في الباثولوجي ولا مايكروبولوجي قوم لف أحتليتو محل فنيي إستاك الذين تعلموها من أصولها مش تدرس لي ماجستير تحضيري سنة واحدة وتجي تقشر بيهو مع بكالوريس الطب بتاعك وفاتحي ليك معمل مش مختبر تلقط في قريشات الغلابة واللي ما عندو ملاريا بوسيتيف بالقوة..قال خلينا البلد الله لا عادك ما ترجع تاني.


#1090866 [عيسي دين]
0.00/5 (0 صوت)

08-27-2014 01:58 PM
ديل ناس ضللة سااااااااااااااااي , حقوق شنو العايزين يرجعوها !!!


#1090589 [ساهر]
0.00/5 (0 صوت)

08-27-2014 10:30 AM
بالله (الأزيار) دي لسه موجودة وعاملة بالسودان، وفي الخرطوم كمان؟؟؟؟


#1090440 [كتاحة امريكا]
1.00/5 (1 صوت)

08-27-2014 09:05 AM
الله يرحمكم ديل قاعدين جنب ناس ستات الشاي ويطالبوا بحقوقهم وناس شايلين السلاح في تلتله مع التكويز


#1090252 [البنجقلي]
1.00/5 (1 صوت)

08-27-2014 05:48 AM
المعروف ان تقنيي التخدير والأشعة والمختبرات والتمريض تم تغيير أسماءهم الوظيفية الي اختصاصي اول وثاني بديلا من مسمي تقني الا ان السادة الفحيصين رفضوا هذا المسني وطالبوا بان يسموا باطباء!! ولم سالوهم قالو هم أطباء مختبر !! وهذا ان دل إنما يدل علي عقدة النقص والدونية عند بعضهم ، وهنا نرفع القبعة احتراما لخريجي الأشعة والتخدير والتمريض لأنهم يعرفون حقهم ومكانتهم ولم يطالبوا مثل هؤلاء الفحيصين بلقب طبيب . والمعروف ان كل ما ذكرت أعلاه لا غني عنهم عن الآخر ، فلا يستطيع الطبيب ان يمارس مهنته من غير أحدهم فلذلك لهم مكانتهم وتقديرهم واحترامهم ، لكن نقول للفحيصين هل يستوي الذين يعلمون والذين لا يعلمون !!!؟ أنتو لقب دكتور دي سااااااااي كده دايرنها !! هو أي زول بيعرف يشخص الفسحة يبقي دكتور ؟؟ هدانا الله وإياكم .


ردود على البنجقلي
Saudi Arabia [رانيا] 08-27-2014 05:45 PM
معلوماتك قديمة لأنهم إتصنفوا قبل فترة وأعطوهم اللقب فالمتخرج من البكالاريوس يأخذ لقب طبيب مختبر أسوة ببعض الدول التي تصنف المختبرات الطبية تحت عنوان الطب المخبري. أتمنى الأفضل لكل المهن التي ترتقي بالمجال الطبي وبالعمل الطبي ككل لأنه تيم ورك فالطبيب من دون تعاون الفريق لن ينجز شئ ولربما المختبر هو من "يعكنن" على الطبيب عمله . والجراح لو ما كسب ناس التخدير بتكون مصيبته مصيبة !أما الممرض فبسهولة ممكن يودي الطبيب في "دهية" . نريد أن نصل إلى ما وصلت إليه الهند من الإهتمام بالكل لتطور "صناعة" الطب فكل مهنة أصبحت تتجة للتخصص حتى العامل (في كثير من الدول الخليجية) الذي يهذب الحدائق ويشذب الشجر والزرع نجده يحمل شهادة جامعية من بلده..هذا هو المهم والأفضل إنك تكون معلم وأسطه في مجالك وبذلك نرتقي سويا .
ملحوظة: من تخرج من كلية الصيدلة يصنف طبيب صيدلي علما أنه لم يدخل كلية الطب البشري ولم يدرس نفس علومها بل درس ما يتعلق بالطب من منظور الصيدلة وهكذا تسير الأمور ...

United Arab Emirates [النصحية حارة] 08-27-2014 10:33 AM
دكتور ياخي بس معقولة انا هسه ممكن اقراء جهازكم درس عصر اعرف تشخيص الملاريا لكن اوجهمم بالانضام إلى إتحاد اصحاح البئية مع ضباط الصحة ونيل رتبة ضاااابط اذا ما فشلوا في لقب دكتوووووووووووووووور


#1090050 [زول الخلا]
1.00/5 (2 صوت)

08-26-2014 08:45 PM
الفحيصين مالهم بدورو شنو؟


ردود على زول الخلا
United States [الزهجان] 08-26-2014 10:16 PM
يا زول الخلا ........
عشان الزيك ديل خلينا البلد كلها ونحنا ما فحيصين يا متخلف يا جاهل لو ما نحنا الدكاترة ديل الا يرمو ليكم الودع عشان يعرفو امراضكم يا متخلف اسمنا اخصائي تقنية مختبرات طبية في السعوديه ونحنا الوحيدين من دون الفلبينين والهنود و المصاري يا معنف


#1089935 [د. منير]
4.50/5 (2 صوت)

08-26-2014 05:40 PM
نعم هكذا الرجال
انتم من سيعبر بالمختبرات الى بر الامان



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة