الأخبار
أخبار إقليمية
إغماءات وسط طالبات بالقضارف في زيارة حسبو
إغماءات وسط طالبات بالقضارف في زيارة حسبو


08-26-2014 11:59 PM
القضارف - حسن محمد علي

أصيبت نحو (20) طالبة بحالات إغماء أثناء حضورهن حشدا طلابيا في ختام فعاليات العمل الصيفي بالقضارف أمس كان يشرفه حسبو محمد عبد الرحمن نائب رئيس الجمهورية، وتم نقل الطالبات اللائي كن يقفن لفترة امتدت لقرابة أربع ساعات في انتظار كلمة نائب الرئيس إلى المستشفى، وأدى الوقوف الطويل مع عدم تناول وجبة الإفطار لحالات الإغماء مما استدعى نقل المصابات بعربة إسعاف وسيارات أخرى إلى مستشفى القضارف، وقدم حسبو عبد الرحمن اعتذارا للطلاب والطالبات أثناء خطابه في استاد القضارف وقال: "الاعتذار الكبير للطلاب لما حدث لهم بسبب الوقوف الطويل"، وأدت حادثة الطالبات لهلع وسط أسرهن مما أدى لتكدس العشرات من المواطنين في المستشفى العام بالمدينة

اليوم التالي


تعليقات 53 | إهداء 0 | زيارات 9160

التعليقات
#1091727 [ام كرتبو]
0.00/5 (0 صوت)

08-28-2014 02:24 PM
زكرتني هذا الواقعة موقف مماثل عندما زار نميري رحمه الله جوبا تم حشد المواطنين لاستقباله ...والهتيفة شغالين فيهم ..ابوكم مين ؟!! والجماعة يقولوا ..نمييييريي..ابوكم مين ؟!!! نميييرييي ..المهم مضت ساعات طويلة وهم علي هذه الحالة من الاجابات المتكررة علي السؤال المتكرر ...ونميري قالوا كان قاعد في المطار وتأخر تأخير مقصود ...المهم في النهاية وصل نميري الي مكان الحشود الجماهيرية والجماعة عطشانين وجعانيين وحالهم بالبلاء واقفين في الحر ...وحين اعتلي نميري المنصة يريد مخاطبة الجماهير..قام الهتيفة بترديد نفس السؤال علي الجماهير ...ابوكم مييين ؟!!!! اشارت الحشود الي نميري وقالوا يا هو ده !!!!!


#1091713 [ابو ياسر]
0.00/5 (0 صوت)

08-28-2014 02:00 PM
اخى حزين جدا نعم نميرى كان له اخطاء وكلنا بنخطأ ، لكنه لم يكن حرامى مثل الحاكمين الان وكان للسودان شخصية فى عهده لكن الان ماعندنا التكتح . ونميرى كان ماشى كويس بس لمو فيهو ناس الترابى وخربو الدنيا ن الله يرحمو .


#1091508 [saif]
0.00/5 (0 صوت)

08-28-2014 10:30 AM
حسبنا اللة ونعم الوكيل حاسبوهو حسبو دة حاسبوهو اعتزار شنو ؟ جيب ليهم اكل ياخى اللة يلعن اب الفهم


#1091241 [رانيا]
0.00/5 (0 صوت)

08-28-2014 12:58 AM
أربع ساعات علشان كلمة .. ياخي طظ فيها كلمة .


#1091024 [الكاهلى]
1.00/5 (1 صوت)

08-27-2014 05:18 PM
عمك حسبو اعاين لى شتت قصبو ...
حمارتو عارت واعاين لى طاقيتو طارت
مع الاعتذاز لحسبو البدوخ الشباب ..
عالم ماعندها موضوع ملعون ابوك بلد


#1090966 [zorba]
1.00/5 (1 صوت)

08-27-2014 03:39 PM
حلاتو حسبو المدوخ النسوان


#1090946 [ود كركوج]
3.50/5 (4 صوت)

08-27-2014 03:18 PM
الاغماءات وحسب حريات كانت نتيجة تسممم من الشراب من براميل كانت تستخدم لحفظ المبيدات.


#1090943 [حسكنيت]
5.00/5 (1 صوت)

08-27-2014 03:13 PM
أول مرة تشوفوا ليكم بعاتى ؟


#1090898 [العنطـــــــــــــــــــــج]
5.00/5 (3 صوت)

08-27-2014 02:27 PM
اغماء عديييييييل، يكون عمك حسبو شتت قصبو؟؟؟


#1090865 [كفاية]
1.00/5 (1 صوت)

08-27-2014 01:57 PM
والله ما عندهن شغلة دي ناس الواحد يستاهل في الراديو يسمعهم ناهيك عن انتظار كلمتهم يعني حيقولوا شنو والبنات ديل قبال ما يلدوهن الناس ديل يتكلموا والنتيحة شنو ؟ البلد اتقسمت والغلاء والموت يطحن المواطن وعماراتهم وشركاتهم وعرباتهم وارصدتهم بالداخل والخارج تراكمت يعني دايرين يقولوا شنو للناس !!!


#1090847 [zorba]
5.00/5 (1 صوت)

08-27-2014 01:40 PM
معبود النساء وفتي القصر والشاشة الاول الممثل سياسي الوسيم "حسبو دي كابريو"

"إغماءات وسط طالبات بالقضارف في زيارة حسبو"


#1090733 [زهجان من الضبان]
0.00/5 (0 صوت)

08-27-2014 12:06 PM
شعب وهم ....
انتو لسه بتصدقو في الناس ديل


#1090725 [ابو مازن]
0.00/5 (0 صوت)

08-27-2014 12:01 PM
المرحوم غلطان


#1090707 [اب شلاضيم]
0.00/5 (0 صوت)

08-27-2014 11:49 AM
البيقرا كلامك يا ( كاتب اخر زمن ) يظن انهن اغمي عليهن بسبب وسامة الرجل ..
قوم لف ياخي


#1090700 [abubaker]
0.00/5 (0 صوت)

08-27-2014 11:44 AM
والله راجل (انت جيت تقول ليهم شنو وتفيدهم في شنو )


#1090689 [ممغوص من الكيزان]
3.00/5 (3 صوت)

08-27-2014 11:37 AM
لانعدام شعبية بني كوز في كل السودان وعند زيارة أحدهم خاصه للأقاليم ... يحشد له طلبة وطالبات المدارس وأحيانا حتي رياض الأطفال بتعليمات وزاريه لمدراء المدارس .... شوفو حسبو وقلة أدبو


#1090661 [sa]
5.00/5 (3 صوت)

08-27-2014 11:18 AM
لكن هم دخاهم شنو وزنبهم شنو .. طبعا ده اجباري يمشن طاعتا لادارة المدرسة ..( نظام حشد يعني ) .. كان علي الاقل توزعو
ليهم من العون القطري الوجبات الجاهزة بتاعت السيول .. ولا حتي كركدي بارد ( حليلك يا أبوعاج)


ردود على sa
Saudi Arabia [حزين جداً] 08-28-2014 08:34 AM
السيد Sa والسيد أبو ياسر ... صدقوني إنتو ما فاهمين حاجه . نميري مين وأبو عاج

مين . لا يوجد رئيس ضيع السودان غير النميري ومجموعته .

دموروا التعليم مع محي الدين صابر . صادروا وأمموا شركات المستثمر وصادروا

أمواله . دمروا السكة حديد ودمروا عطبرة الحلوة . إتفاقية الجنوب كنا لا نعلم

بنودها

رحل الفلاشا سرا لإسرائيل . دمر الكورة السودانية . أغلق البارات وقطع أيادي

الأبرياء . والسرقات الكبيرة من داخل الحكومة المسئولين الكبار .

أفتتح 8 محالج قطن بعملة صعبة وكلها كانت فشوش .

جفف داخليات المدارس وحتى تاريخ اليوم مجففة . بداية النهاية لوزارة الصحة .

فقط أن نميري كان في شخصه أمين ولم يبني قصراً أو فيلا .

ومات وهو فقير . هذه الحسنه الوحيده .

Saudi Arabia [ابو ياسر] 08-27-2014 02:47 PM
والله رجعتنى لى زمن جميل بجملتك ( حليلك ياأبوعاج ) ايام نميرى فى الابتدائى كنا فى الطلائع وفى المتوسط كنا فى الرواد وفى الثانوى كنا فى الكديت والله العظيم كان لمن يكون فى احتفال نميرى جاى او اى من الوزراء والله نأكل ونشرب احسن اكل والاحتفالات كانت داخل القصر الجمهورى وفى مبنى الاتحاد الاشتراكى واحيانا فى استاد الهلال والمريخ والخرطوم ، والوزراء بتاعين نميرى كانوا شباب حلوين الزمن داك زين العابدين وابوالقاسم وخالد حسن عباس .. الخ كانوا بيجوا لابسين ترينقات بتاعة رياضة تشوفهم يشرحوا القلب وتحب السودان اكثر واكثر موش هسه نعاين لى ساميه وامين حسن زفت ووالى سنار الشين الله يفكنا من حكومة الشينين ديل . اخى SA يعطيك العافية هيجته فينى الزكريات الجميلة ، الله يرحم نميرى ويصبرنا على محنتنا الان .


#1090605 [ود الكوتش]
4.25/5 (3 صوت)

08-27-2014 10:42 AM
حسبو يا كسار قلوب العذارى انت
جايينك و واقفين ليك 4 ساعات يا حلاتو،،،خربت سوق عمرو دياب و راغب علامه
يا وجيه انت


#1090565 [عليكم اللعنه]
2.96/5 (9 صوت)

08-27-2014 10:14 AM
صحَّانى صوت العُمدهْ قال

(مسئول كبير زاير البلد)

قال لينا

(وكَتْ الزول يجِى ، لازِم تقيفوا صفوف صفوف

وتهيّجُوا الخَلا بالكفوف

وتقولوا عاش.. يحيا البطل)

صلّحْتَ طاقيتي الحرير

واتنَحْنَح الحشا بالكلام

ورميتُو من حلقى الوصَل

قُتْ ليهو يا عُمدهْ اختشى

مسئول كبير في الدنيا غير الله اِنْعَدَم

ما شُفْنا زول رضّع صغار

ما شفنا زول نجّح بَهَم

ما شفنا زول لمْلَم رِمَم

لا صِحِينَا عاجِبنا الصباح

لا نُمْنَا غطّانا العَشَم

والحِلَهْ من كلَّ الجِهات محروسَهْ

بالخوف والوهم

ومضينا من زمناً قديم-يا عُمدهْ-مرْسوم انتحار


ردود على عليكم اللعنه
Sweden [Adam Ibrahim] 08-27-2014 06:26 PM
يا سلااام يا اخى..
رائعة الكابلى (آه يا سعاد) من اجمل الاغانى المعبرة..


#1090529 [ريان]
5.00/5 (2 صوت)

08-27-2014 09:50 AM
يستاهلن البوديهن شنو لحشود الكيزان ناس حكومة الفجار؟ العوقةالدلاهة دا لو اتكلم الف سنة حيستفيدن شنو وحيغير شنو؟؟؟


#1090518 [الصلحابي]
0.00/5 (0 صوت)

08-27-2014 09:47 AM
هل الاعتذار يفيد؟؟؟؟


#1090513 [الحاج]
5.00/5 (5 صوت)

08-27-2014 09:43 AM
بالله ده شكل الواحد ينتظرو 4 ساعات
غايتو جنس بلاوي


ردود على الحاج
Sudan [حيرتونا] 08-27-2014 10:13 AM
دنيا بت كلب


#1090509 [حيرتونا]
5.00/5 (4 صوت)

08-27-2014 09:41 AM
اتقوا الله في خلقه


#1090501 [طفشان]
5.00/5 (4 صوت)

08-27-2014 09:35 AM
تبالكم أيها الكيزان .. .. وأنتم تضيعون زمن الطلاب وصحهتم حتى تقنعون العالم بأن كل هذه الحشود تؤيدكم وتحبكم والعالم لا يدري أن هؤلاء الطلاب والموظفون مرغمون ومجبرون على الوقوف ساعات طويلة ا نتظارً للمسئول الحكومي .. تبا لكم وتعسا لكم


#1090498 [جنوبي]
3.00/5 (6 صوت)

08-27-2014 09:33 AM
كان كوزات يستاهلن وكان ما كوزات برضهن يستاهلن الموديهن شنو ؟ دايرات يسمعن شنو ؟!!


ردود على جنوبي
[حسكنيت] 08-27-2014 01:14 PM
ساقوهن زى الضان ، لزوم التصوير والبوبار


#1090486 [ابو وليد]
5.00/5 (1 صوت)

08-27-2014 09:27 AM
اربع ساعات كلام اهو ده الفالحين فيه كلام وبس.


#1090473 [silik]
5.00/5 (2 صوت)

08-27-2014 09:21 AM
السبب الحقيقي شناتك دي
قبحك الله


#1090465 [الهبشتك]
5.00/5 (1 صوت)

08-27-2014 09:18 AM
لاتعليق


#1090462 [مرفعين]
5.00/5 (7 صوت)

08-27-2014 09:17 AM
هههههههههههههه
جيعانين وواقفين لحسبو وعم شنبو وضنبو
طبعا الطلاب ديل بسوقوهم بالسوط زي الضان ماعندهم خيار
مسكين الشعب دا والله
لو كان شعب دموي
ما كان شاف دا كلو


#1090461 [زول]
5.00/5 (3 صوت)

08-27-2014 09:16 AM
الوهم ديل زمان ما كانو بجيو ليهم طحنية لكن الحمد لله اصحاب الايدي المتوضئة نشفو الواطا مبروووووووك !!!!!!!!!!!


#1090460 [كوكي]
5.00/5 (1 صوت)

08-27-2014 09:16 AM
واقفين ليهو لي شنوووووووو؟؟؟؟؟؟؟ وكلمة شنووووووو؟؟؟


#1090435 [سوداني]
4.75/5 (5 صوت)

08-27-2014 09:01 AM
لماذا هذا القهر وارغام الطلاب المغلوبين على امرهم للحشد لاستقبال المسؤولين؟


#1090416 [ابو عناد]
4.50/5 (5 صوت)

08-27-2014 08:52 AM
أول ماقرات العنوان افتكرت الاغماء من شدة الاعجاب ...

لقيتو من شدة الجوع ..


#1090405 [جركان فاضى]
5.00/5 (2 صوت)

08-27-2014 08:42 AM
الظاهر ناس القضارف ديل ما عندهم شغل يشتغلوه


#1090398 [قل]
5.00/5 (1 صوت)

08-27-2014 08:37 AM
عينو حااااااااااارة الله يلعنه


#1090397 [Flowers]
5.00/5 (4 صوت)

08-27-2014 08:35 AM
ياجماعة الخير ورونا الحقيقة الشاويش ده عندو كم نائب وكم مساعد وكم مستشار لاحولة ولاقوة إلا بالله العظيم وحسبنا الله ونعم الوكيل في الشعب المحنط النائم ، إمتيازات ومخصصات .............الخ تسلب من جيوب الكسالى الجبناء !!!


#1090386 [ابوزحمه]
5.00/5 (2 صوت)

08-27-2014 08:24 AM
البوديكم شنو ؟ الجوع كاتلكن تستاهلن


#1090382 [omer]
3.00/5 (4 صوت)

08-27-2014 08:21 AM
هي لله هي لله لا للسلطة ولا للجاه الرساله التي تريد ان توصلها ممكن خلال الاذاعه او التلفزيون ثم ان هؤلاء الطالبات يجب توصيل كل الرسائل في مدارسهن هي الانسب لهن وتقيهن لهيب الشمس و معاكسة الماره هذا اذا افترضنا ان لك رساله كلامكم هذا معاد منذ ٢٥ سنه لا جديد فيه
زياراتكم المفروض انها لتفقد احوال الرعيه ليس لايقاف اعمال الناس و مدارسهم و جامعاتهم
ثم اذا كانت الرئاسه تتخبط في مواعيدها لاكثر من اربعه ساعات فكيف تنظمون امر امه كامله
انت اكلت مالذ و طاب و هؤلاء المساكين لا يجدن ما يسد رمقهن الا تشعر بالخجل و الاشمئزاز
عاد - رضي الله عنه - يومًا إلى داره بعد صلاة العِشاء، ولمح بناته الصغار، فسلَّم عليهنَّ كعادته، وبدلاً من أن يسارعْنَ نحوه بالتحيَّة كعادتهنَّ، رُحْنَ يتبادَرْنَ البابَ ويُغَطِّينَ أفْوَاهَهُنَّ بأَكُفِّهِنَّ، فسأل : ما شأنهُنَّ ؟ فأُجِيب بأنه لم يكن لديهِنَّ ما يَتَعَشَّيْنَ به سوى عدس وبصل، فَكَرِهْنَ أن يُشَمَّ مِن أفَوَاهِهِنَّ ريحُ البصل، فتحاشَيْنَه لهذا، فبكى أمير المؤمنين، وقال يخاطِبُهُنَّ : يا بناتي، ما ينفعُكُنَّ أن تَعِشْنَ الألوان والأطايب، ثم يُذهَبُ بأبيكُنَّ إلى النار .. الله أكبر، بنات أمير المؤمنين، لا أقول : أمير العراق، أو أمير مصر، أو أمير الشام، إنما أقول : عمر بن عبدالعزيز الذي وصلتْ خيول الدولة في عهده إلى أبواب باريس غربًا، وإلي الصين شرقًا، ولم يكن لدى بناته ما يَتعَشَّيْنَ به سوى "عدس، وبصل" لنقل على لسان أمير المؤمنين، لنقل لِمَن يملؤون بطونهم بالألوان والأطايب في نفس الوقت الذي تشكو عوائل كاملة الجوع على مقربة منهم، اعقلوا كلمات ابن عبدالعزيز، وتخيَّلُوا حال بنات خليفة يَتَعَشَّيْنَ العدس والبصل، وأبوهُنَّ خليفة لأكبر دولة ! لا نريد منكم أن ترفضوا الأطايب والألوان من الطعام والشراب، ولكن الْتَفِتُوا ولو بالشيء القليل إلى الأرامل والأيتام والمساكين؛ لتربحوا خيرًا عند الله
هل قرأتم ورأيتم كيف يعلم اولاده الرضا والقناعه بالقليل
لندعو الله جميعا ان يرزقنا بحاكم يخاف الله فينا


#1090379 [حزين جداً]
5.00/5 (4 صوت)

08-27-2014 08:18 AM
أتدرون السبب هو :- الجــــــوع ...

لإنتظار خطابات فشوش ... في ... فشوش .

إتقوا الله في أبناءنا ... لقد تعذبوا في حياتهم ... بالله ما ذنبهم ؟؟؟؟

وصدقوني 60% من الأسر تعاني حالات الجوع ...

ومن لا يملك قوته لا يملك قراره ...

اللهم أفتح لنا أبواب رحمتك ....


#1090370 [مكركاوى]
0.00/5 (0 صوت)

08-27-2014 08:09 AM
عمك حسبو كسر و شتت قصبو ؟ هههههههههههها غايتو جنس بزار


#1090364 [محمد حسن]
0.00/5 (0 صوت)

08-27-2014 08:02 AM
زاوية مشاتره


#1090358 [غسان بابكر]
0.00/5 (0 صوت)

08-27-2014 07:55 AM
ﻻ تدعو فلذات أكبادكم نهبا لهؤلاء. إنهم ﻻ دين لهم وإن كان فهو المال..
أتعجب لهؤلاء الذين لم يجدوا لهم مستمع إﻻ اﻷطفال.!!!!


#1090337 [Salah AL Deen P]
0.00/5 (0 صوت)

08-27-2014 07:41 AM
حسبو نسوان
دائما اخبارو تلاقي فيها طرف نسائي


ردود على Salah AL Deen P
Saudi Arabia [Salah AL Deen P] 08-27-2014 01:35 PM
شكرا يا الايوبي
كنت فاكرو حسبو نسوان ، نسأل الله السلامة
هم ذاتوو كتروا وكلهم عجينة واحدة

[صلاح الدين الايوبى] 08-27-2014 10:59 AM
ده ما حسبو نسوان زولنا ده حسبو نائب الرئيس (وياحليل السودان زمن حسبو الكبير وحسبو الصغير)


#1090328 [ahmed]
5.00/5 (2 صوت)

08-27-2014 07:37 AM
هؤلاء الناس كارثة على البلاد ولم يكونوا يوما فأل خير لا على البلد ولا على أنفسهم


#1090324 [كجرو]
0.00/5 (0 صوت)

08-27-2014 07:32 AM
بنات همل ما عندهن وليان جيات للبلع بس مافييييييييييييييييييييييييييييييييييييييي


#1090315 [عمـــــــــو]
5.00/5 (2 صوت)

08-27-2014 07:26 AM
عليك الله حسبو شنو البقيف ليهو , عشان اسمع منو شنو ....هو لسة في ناس بتسمع كلام الكلاب ديل .... الله يكون في عوننا ...


#1090314 [شيخ كرتوب.]
0.00/5 (0 صوت)

08-27-2014 07:26 AM
البنات ،،،إفتكروهوا شيخ حسبو نسوان ولا،،،شنو؟


#1090295 [البهبهانى]
5.00/5 (2 صوت)

08-27-2014 07:11 AM
والله حرام.....حتى الأكل ما أكلو ولا قادرين يأكلو ولا عندهم قروش يفطروا
وقعو من الجوع.


#1090275 [ادروب الهداب]
5.00/5 (4 صوت)

08-27-2014 06:44 AM
ليه يااخوانا المذلة دي.....مين حسبوومين البشير ومين الترابي..لعنة الله عليهم اجمعين... هؤﻻء سفلة ﻻ يسوا
شيء دمروا البلد الله الله يدمرهم عن بكرة ابيهم.... ياشعب السودان ماذا تنتظروا اكثر كده؟؟؟؟


#1090263 [Quickly]
5.00/5 (2 صوت)

08-27-2014 06:16 AM
انجازاتكم الوحيدة القاء الكلمات والخطب الفارغة ,,, رفقاّ بالقوارير ايها يا كيزان
لعنة الله عليكم


#1090250 [Perfectionist]
5.00/5 (1 صوت)

08-27-2014 05:25 AM
لا حول و لا قوة الا بالله !! هو البوديهم للعواليق ديل شنوووو !!؟؟؟؟


#1090234 [سري]
5.00/5 (1 صوت)

08-27-2014 04:26 AM
بالله دي. حالة يا خلق الله


ردود على سري
United Arab Emirates [ابو محمد] 08-27-2014 02:23 PM
يقال ان نميري (الله يرحمه)بعد تطبيق احكام الشريعة ، ذهب في زيارة الى شرق السودان وعندما هل على تلاميذ احدى المدارس طلب منهم ناظر المدرسة نشيد ،بدأ التلاميذ نشيدهم :
برز السألب يوما في سياب الوائزينا
ومشى في الأرد يهدي ويسب الماكرينا


#1090228 [Sam7]
5.00/5 (2 صوت)

08-27-2014 03:49 AM
يكون غمرن لمن شافن وسامة حسبو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة