الأخبار
أخبار إقليمية
والي الخرطوم لنافع: ليك زمن من المنابر العامة ودايرنك تدينا كلمتين ناريتين
والي الخرطوم لنافع: ليك زمن من المنابر العامة ودايرنك تدينا كلمتين ناريتين
والي الخرطوم لنافع: ليك زمن من المنابر العامة ودايرنك تدينا كلمتين ناريتين


08-29-2014 01:33 PM
الخضر لنافع (نديك فرصة)
في مؤتمر القطاع النسوي قال والي الخرطوم إنه سيكسر البروتوكول ليقدم الدكتور نافع على نافع ضيف شرف المؤتمر وقال لنافع (ليك زمن من المنابر العامة ودايرنك تدينا كلمتين نارتين أو غير ذلك) فصعد نافع المنبر ولكنه تحدث عن غزة !

الجريدة


تعليقات 28 | إهداء 0 | زيارات 7555

التعليقات
#1092800 [معاذ ود العمدة كجرت]
5.00/5 (1 صوت)

08-30-2014 11:48 AM
اخوتي المعلقين فل نلتمس الموضعية والبعد عن التجريح الشخصي ولربما ادخلت نفسك في دائرة القذف والمسلم اخي الكريم عليه ان ينأى بنفسة عن هذه المهالك فنحن شعب جميل خلوق طيب والله ليس لي مصلحة شخصية مع هذا النظام الحاكم فقد اصابني ما اصاب الملايين من ابناء الشعب السوداني لذلك اثرت ان اكون خارج البلاد مغترباً بحثا عن لقمة العيش لكن فل نعلم ان التاريخ لا يرحم بعد الله سبحانه وتعالى ( يعلم خائنة الاعين وماتخفي الصدور ) اذن عليكم بالتوثيق والتثبيت بألادلة الدامغة


#1092780 [كوكي]
0.00/5 (0 صوت)

08-30-2014 11:20 AM
قصدق يدينا نبزة نبزتين ابو العفين الكلو اضنين


#1092678 [خليل الجزيري]
5.00/5 (1 صوت)

08-30-2014 09:04 AM
كلمتين ناريتين يا حرامي يا لص ألا تستحي على نفسك من العملتو وكمان عندك وجه تجيب القاتب السفاح بتاعك دة عشان يسىء للناس إستحي على نفسك وجاييك يوم تشوف فيه نجوم السماء بالنهار.


#1092641 [صادميم]
5.00/5 (5 صوت)

08-30-2014 07:45 AM
ما يقولها عديل عليك الله يا نافع تعال هوهو لينا شوية


#1092636 [Makashfi tani]
5.00/5 (1 صوت)

08-30-2014 07:26 AM
هل نصدق انه صار على هامش الانقاذ؟


#1092569 [ود الباشا]
5.00/5 (1 صوت)

08-29-2014 11:57 PM
ليكم الحق لانه الشعب هارب واتخارج والقاعد خايف من كلاب يا كلاب


#1092531 [اركب الهوى يا ابعفين]
0.00/5 (0 صوت)

08-29-2014 10:34 PM
كانت سيرالانكا فى الماضى تسمى سيلان والرئيسه تسمى بندرانايكا فقال جمال عبد الناصر لبندرانايكا اديكى غزه وتدينى سيلان؟ فالوالى و ابو العفين متفقين على كلمتين ناريتين علشان كده صاحبنا ادى المطلوقات ديل غزة واحده بس لمان زغردن


#1092525 [RED SEA CHANGE]
5.00/5 (2 صوت)

08-29-2014 10:06 PM
تف عليك ابوسلم الحرامى وربيبه الخضر كبير اللصوص


#1092503 [nagatabuzaid]
4.88/5 (5 صوت)

08-29-2014 09:05 PM
يدى كلمتين ناريتين لمنو يا الاهبل بن الهبلة نار تحرقكم تخليكم رماد انت ونافع والعبيطات الجالسات يستمعن للمخطرف الخضر نافع خاف من المراكيب قال اخير نسويها غزة


#1092486 [Khalidali]
5.00/5 (2 صوت)

08-29-2014 08:25 PM
كدى كويس يا شباب حتى اولاد المراسه الاسلموا بقى لسانهم طويل اما حان وقت القطع بعد ؟


#1092477 [ود نفاش]
0.00/5 (0 صوت)

08-29-2014 08:04 PM
اتلمه المدعوس على خائب الرجا

الطيور على اشكالها تقع

ايها الخضر وهل عندكم شئ تقولوه غير الكذب والنفاق واللغة الخشبية

عندما يجتمع الحرامية فالكلام سوف يكون عن التصديقات

لعنة الله تغشاكم ومن لف لفكم


#1092474 [الكاره الكيزان-]
5.00/5 (1 صوت)

08-29-2014 07:57 PM
فصعد نافع المنبر ولكنه تحدث عن غزة- وجعي و ألمي يا ناس.


#1092445 [صالح محمد نور]
4.00/5 (3 صوت)

08-29-2014 06:35 PM
المعروف في عبد الرحمن الخضر، انه
لص كبير وحريف في اللصوصية و
قليل ادب مابيختشي

فلا تهتموا باقوال السفهاء منهم ....


#1092427 [صديق]
5.00/5 (2 صوت)

08-29-2014 05:53 PM
الزول دا قَدُرْ ما أختا تجيبوز لى ما عارف لى شنو
أها الياخد :


مسدار أبو العفين


القلم في إيد الكريم عمار ووجاهة
وف إيد اللئيم مرضاً بزيده سفاهة
دحِّين سكاتنا عليك وعفونا ومانا دلاهة
خلاك يا العفن بى سبابنا جد تتباهى
* * *
أقعد يا السجم للحَرْبِ شعلل نارا
وجَيِّشْ في الجيوش آلآف، بجينا خبارا
فى باكر بجوك ناس كاودا أو ناس بارة
بتلبد يا الجخس وسط الحريم تتضارى
* * *
ناكرك عديل و أقولها ماك سودانى
و شيتا يجمعنى بيك في الدنيا ما لمَّانى
أهلك مو قليل لو قالوا زول برَّانى
دخل الفريق غلطان وابوه جِدُّو يمانى
* * *
زَىْ ودَّ الحرام الأمُّ زاغت مِنُّو
مسحُوب من لسانو ، ولسانو يبعد عنُّو
جابوه مع اللقاط لو يقدروا يلمنُّه
خلَّوه اللقاط الزين في الملجا فزُّوا وجنُّوا
* * *
شلاَّخك عليك وما بتقدر تغالط بكرة
وما بتقدر تقول أنا ما يانى داك النكرة
* * *
في قبضة يدين المولى عزَّ وجلَّ
داير تنملص من الذنوب ، تتحلَّ
حضروا الضحايا من كل قبيلة وملَّة
وإنت بتكورك يا الله لَحِّقنى البلَّة
* * *
بالشهر المنوِّر أشوف عمايلك فيكَ
واشوف من قهر كيف يدمعن عينيك
شيتاً ، من غرف أشباح عمايا يجوكا
وشيتاً من عذابهم الدم مغتى يديكا
* * *
كَرْبِتْ يا الحمار شَدِّينا فوقك بَردَعْ
خليك يا الحمار مسئول وطايع واسمع
مع النميرى حمار من فصيلتك برطِع
وريناه النجوم فى نهارها كيفن تلمع
* * *
ما تعمل عنيف بى نفخة كاذبة، وسيبها
خليك قدر قدرتك واحسب حساب محسوبها
متلك كم جعيص دارُوهُ ساعة الحوبة
فرتق من ابوجا ، أب شردة قَلَبْ الهُوبَة
* * *
الشعب انكَرَب فوق التلال الصعبة
والسيل لو كسر تَحْلَوْ تمام اللعبة
بنخاف يا فصيح تهرب عديل وتكب . .
الزوغة ، ومن ويلات الحراب تتخبى
* * *
دسدسوا في جنياتكم وحافظوا عليهم
وأولادنا الصغار لى نار الحرب زِفُّوهم
شلتوهم زغب وقعدتوا تزرعوا فيهم
حقدكم الدفين على أهلهم و ذويهم
* * *
جات السيول ، صاحبنا فرَّ بجِلْدُو
هدت الأمُور ، دايرنا نمشى نِقِلْدو
قال الخريف برَّد علينا بتلجو
البَهَمْ اِنسَرَح ، وحتى الحريم راح يَلْدُوا
* * *
ديل إبَّان كروش مخلوقة واسعة وصلبة
تطحن في الظلط ، قد عدَّمُونا الحبة
نحنا في هَزَال ، حالتنا خالص صعبة
وهم بغال الغال بوجوه ندية ورطبة
* * *
مناشير كهرباء نازلين بياكلوا وطالع
تجنيب شديد للمال والكل بقابض و طامع
الكل بمد الإيد ما بين بسفَ أو بالع
* * *
الناس الحياء خلاها صبرت ومدَّتْ
عشرين من شوية وأربعاً قد عَدَّتْ
لمتين في العفان ، رئتينا منه اِنْسَدَّت
يا الله الخلاص لو نسمة هبَّت وندَّت
* * *
وَلَداً قبيح أُستاذُه لم يحترمو
أَمَرْ المجرمين ليَضُرْبُوا فيهُ و إذمُّوا
يسألو في المناهج وبروف بينزف دمُّو
تلميذاً خبيث ، جَايِبلُو الطعام بى سِمُّو
* * *
من بين إيديكم حَىْ ، قد إنسرق فاروق
واتْلَبَّسْ تَمامْ العافية من عند الإله الفوق
أب فهَماً كبير ، راساً ملان طايُووقْ
وإِتْ أب دِقِن مُنْتَفْشة ، تيس معتوق
* * *
كعب الفَقُرْ خلاك مُحب للمال
وتمُد يا دنيىء إيديك ذليل مسئال
تبيع في الأراضى وأبوكَ كان تربال
وتآكل في الحرام بى فتْوَةْ فجور وضلال
* * *
في ماليزيا قايم برجاً تطاول عَيْنَة
من عدة طوابق ، تَكْلِفْتُهُ ما هِىِ الهينة
وقت لى رفيقك عايزين نشوف البينة
نشوف إله محمد أحمد ربّ السماء الدنيا
* * *
لو قالوا يفتحوا نادى ألقاك جريت تَدَّبى
لو قالوا مدرسة صغرى شفخانة واللا طلمبة
لو خور يوَسِّعوا فيهُ أوْ يَطْلُوا جِير القُبَّة
تسرع تقول الخطبة
ودايماً خطابك يِصُبَّ :
في إنه المعارضة كعبة
شِبِعنا يآخ ما تِغيِّر
لو مرَّة تقلِب قلْبَة
لوْ بس تجدِّد حبة
* * *
كسرة يا الفاتح جبرة :
تطلع على لاهاى ومعاك سوابقك برضو
والمجرمين – حيَهُمْ والمن زمان إنقرضوا
وتخطب في الجهاد وعن شروطو وفرضو
وعن الذين جنوا وعلى الشريعة اعترضوا


#1092417 [السودانى]
4.63/5 (5 صوت)

08-29-2014 05:33 PM
ليتنى اصير رئيسا للسودان ولو شهر فقط

ساقطع دابر الكيزان الى يوم يبعثون ودابر اى فساد

بتاع المخبز البعمل برومات بوتسيوم بحشرو هو وعمالو
البزيد سعر اللحم بضبحو بى سكينتو البزيد الفحم بحرقو بى فحمو البزيد الزيت بحمرو بى زيتو
البزيد البصل باكلوو بصل لما يموت وهكذا
اما البسرق وما عنده سبب سرقة قدر الياكلو بطلع د..
اما البغتصبو الاطفال ديل اها يتصلب فى ميدان عام ويتقطع بالسكين حتة حتة لحدى ما يمووووووت


ردود على السودانى
Saudi Arabia [ابو ياسر] 08-30-2014 01:27 PM
انشاء الله تبقى رئيس بعد الحالة دى ، لكن برضو اولاد الكلب بلفو حوليك وبجيبو ليك التقارير المضروبة وبلعبوا فى رأسك ويدوشوك لمن تفتش للطريقة التفكك مننا وماتلقى وانا خايفك فى النهاية تجن .


#1092387 [ودالعمدة]
5.00/5 (2 صوت)

08-29-2014 04:01 PM
نقول للص الاراضي المو متحلل وابوالعفين ياهو مستواكم جلسة حريم وكمان كوزات يتعوز الشيطان منهن ,,,,,ابو سيجارة قاعد ليكم فوق قلوبكم وبعدمكم نفاخ النار قريبا في حاجة لازم نقولها تبقي عاوز تقولها :
المركب اللي تودي .......
ويا ريت المركب تغرق وهي بتودي.......
ويا ريت المركب تتحرق قبل ما تغرق وهي بتودي.......


#1092381 [مواطن]
5.00/5 (3 صوت)

08-29-2014 03:47 PM
أخرتها بقيت تستنجد بلسان نافع البذئ, يا حرامى يا زك.


#1092380 [طارق الباز]
5.00/5 (4 صوت)

08-29-2014 03:46 PM
انا ادعو واتضرع لله ان يحل مشكلة غزة عشان الكيزان يهتموا بالسودان


ردود على طارق الباز
United States [ِِAbu S hihab] 08-29-2014 06:55 PM
امييييييييييييييييييييييييييييييييييييييييييييييييييييييييييييييين|

Saudi Arabia [محائد] 08-29-2014 05:14 PM
و الله يا اخوي نرجو ان تحل مشكلة غزة للسبب الذي ذكرت و لكن انت شايف ان السودان ح يكون اولوية بعد غزاة طوالي بصراحة ما اظن عشان في بورما و كشمير و و و و القائمة طويلة و للاسف السودان احتمال يكون في اخر اللستة او ما يكون!!!

Qatar [الشمالية] 08-29-2014 04:47 PM
---- انت ادعو الله ان يحل مشكلة السودان بدل اللفة دي كلها -----

[jungoor] 08-29-2014 04:40 PM
صدقت....واضحكتني ...اضحكك الله يوم يبكي الطغاة!


#1092373 [n k]
5.00/5 (2 صوت)

08-29-2014 03:31 PM
هو الخضر اللى يقدم للقطاع النسوى للمؤتمر الوطنى ؟ ما كان احسن يجيبوا حسب الله دفع الله فرج هو متعود يدى دروس فيما يخص النساء وكمان نافع يتكلم عن غزة ليس كزيادة كلام ولكن لان مشاكل القطاع النسوى محلولة فهم لهم الحق فى اربعة من الثيبات والابكار كمان التجديد سهل بنظام حساب المخزون داخل اول خارج اول او داخل اخر خارج اول


#1092371 [abusami]
5.00/5 (1 صوت)

08-29-2014 03:28 PM
بعد كدة كشف المستور يا والي السجم.


#1092367 [Clicker]
4.88/5 (6 صوت)

08-29-2014 03:15 PM
الكلمتين الناريتين إنت ما قادر تقولها يا شبه الرجال؟ وطلبك لنافع أن يقولهما فهذا دليل علي اعترافك أيها الوالي اللص الفاسد عبد الرحمن الخضر ببذاءة وإنحطاط وقلة أدب نافع إنهم يسيئون لبعضهم البعض من دون أن يشعروا, نسِأل الله أن يفضحكم في أنفسكم وفي أبنائكم وفي أهليكم وفي أموالكم,وخسئتم وخسئت حماس من بعدكم.


ردود على Clicker
Saudi Arabia [كبسول] 08-29-2014 08:33 PM
أوافقك الرأي
لقد بلغت السفاهة والانحطاط بهؤلاء القوم ان يدعو منافقهم صعلوقهم للبذاءة وسب الآخرين علي عينك يا تاجر
ليكم يوم حين نعلقكم علي الأشجار وندعو بعضنا بعضا لحشكم بإذن الله


#1092354 [السودانى]
5.00/5 (3 صوت)

08-29-2014 02:51 PM
ياجماعه الشيطان شااطر
هههههههههههه
اتحلللوووا


#1092353 [إنقاذى سادر في فساده]
5.00/5 (3 صوت)

08-29-2014 02:50 PM
تذكرت عادل امام فى مسرحيته عندما تحدث عن غزة وأريحا (غزو000000000)


#1092343 [النخبة السودانية وادمان الفشل]
5.00/5 (5 صوت)

08-29-2014 02:30 PM
النخبة السودانية وادمان الفشل!!!!!!!!!!!


#1092342 [قرفان]
4.99/5 (7 صوت)

08-29-2014 02:30 PM
0
غايتو جنس ت............ة


#1092340 [خالد حسن]
5.00/5 (4 صوت)

08-29-2014 02:29 PM
العود الاتغزا فيهم الاتنين طير الشوم البوم ديل


#1092327 [نبض التعب]
5.00/5 (2 صوت)

08-29-2014 02:11 PM
يعنى نافع (غزّ) كلامو في غزّة وما جامل حرامي الخرطوم .. يا الخضر في حرامي حدْ بيحترمو .. يعني حتى الما نافع ما أحترمك .. النار التلم فيك وتخليك رماد يا رماد!!.


#1092313 [أبو بطن فاضيه تكركر]
5.00/5 (4 صوت)

08-29-2014 01:43 PM
النار التقوم في ضنبك يا زعيم دولة الغساسنة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة