الأخبار
أخبار إقليمية
جهاز المغتربين وشركة شيكان يدشنان عملياً خدمة التأمين الطبى..
جهاز المغتربين وشركة شيكان يدشنان عملياً خدمة التأمين الطبى..
جهاز المغتربين وشركة شيكان يدشنان عملياً خدمة التأمين الطبى..


08-31-2014 06:00 PM

تم صباح اليوم بجهاز تنظيم شئون السودانيين بالخارج تدشين خدمة التأمين الطبى التكافلى على السودانيين بالخارج لدى شركة شيكان للتأمين ، حيث تم تسليم الدكتور ابو بكر ابو مرين ، السودانى المقيم بلسطنة عمان وثيقته التامينية وبطاقات اسرته كأول مغترب سودانى يتلقى الخدمة .
من جهته وجه السفير حاج ماجد محمد سوار الامين العام لجهاز المغتربين بفتح اول نافذة لاجراء معاملات خدمة التأمين الطبى التكافلى للمغتربين ، وابان سوار ان الجهاز وشيكان بدءأ اولى الخطوات لتطبيق الوثيقة على ارض الواقع مبيناً ان الوثيقة تم اعدادها بعناية فائقة وسيتم التبشير بها بالخارج عبر الوفود المشتركة بين شركة شيكان وجهاز المغتربين خلال الايام القليلة القادمة كواحدة من اهم مخرجات المؤتمر العام السادس للمغتربين ، واهم حاجيات السودانيين بالخارج .
واكد الاستاذ نصر الدين صالح ادريس العضو المنتدب لشركة شيكان بالانابة ان الوثيقة الوثيقة تم تصميمها بقدر عال من الخبرة والاحترافية من قبل شركة شيكان وستشمل كل الراغبين من المغتربين وبتكلفة معقولة ، مبيناً ان المشروع يعتبر مشروع دولة وحق للمغتربين ، وليس مشروع ربح او خسارة وسيصل الى كل المغتربين فى مهاجرهم .
الى ذلك عبر الدكتور ابو بكر ابو مرين المحاضر بجامعة ظفار بسلطنة عمان عن سعادته بتسلمه الوثيقة وبطاقات التامين لاسرته ، ووعد بالتبشير بالمشروع بين السودانيين بسلطنة عمان ونقله الى المنطقة المحيطة حتى تعم فائدته بين السودانيين بالخارج .
الجدير بالذكر ان جهاز المغتربين وشركة شيكان للتأمين كانا قد وقعا وثيقة ( امان المغترب ) لتقديم خدمة التأمين الطبى التكافلى على السودانيين بالخارج رمضان المنصرم.



تعليقات 22 | إهداء 0 | زيارات 5415

التعليقات
#1261122 [خالد العاتى]
0.00/5 (0 صوت)

05-06-2015 02:02 PM
السلام عليكم ورحمة الله وبركاته،،
اهنئكم على هذا العمل والانجاز الكبير فى خدمة شريحة مهمة تعانى منذ زمن طويل من مشكلة التامين الطبى لاسرهم داخل ارض الوطن وقد اثلج هذا العمل صدورنا .
واحب اوضح للاخوة المغتربين انو ما كل مخترب مصتحب معه والديه فى بلاد الغربه لذلك يجب ان نعى من المقصود بالاستفادة من التامين!!!!
دى اهم نقطة.
بس اتمنى توضيح أسعار التامين بالنسبه لافراد العائله بالاضافة للوالد والوالدة.
مع تمنياتى لكم بالتوفيق والسداد.
وجزاكم الله خيرا.


#1102031 [ادريس]
0.00/5 (0 صوت)

09-10-2014 03:25 PM
تنطلق آفاق الخدمة التأمينية ، وتبدأ حدود التغطية بالتامين الطبى على المغتربين والذى يشمل اسر المغتربين غير المرافقين للعائل والمقيمين بالسودان ، ووالدى المغترب وابنائه المقيمين بالسودان بغرض الدراسة ، واسرة المغترب عند عودتهم الى السودان فى اجازاتهم السنوية .
• ويوفر التأمين الطبى خدمات العيادة الخارجية والتنويم ( الكشف الطبى – إختبارات التشخيص - الادوية – العمليات الجراحية – التمريض ) ، الى جانب الحمل والولادة فى حالات الولادة الطبيعية ، القيصرية ، الاجهاض القانونى ، متابعة الحمل ( زيارات الطبيب ، الفحص ، التشخيص ، العلاجات اللازمة ) ثم تكاليف الولادة وتكاليف ما بعد الولادة داخل المستشفى .
• كما تشمل الخدمة تغطية الاسنان فى حالة الخلع ، الحشو ( دائمة – مؤقتة ) ، ازالة العصب وعلاج اللثة .
• كشف النظر والعدسات وتشمل كشف النظر لعمل عدسات ، او تغيير العدسات أو الفريمات .
• نظم التكافل وتشمل التكافل الجماعى ويعالج الاوضاع المترتبة على فقد الدخل بسبب موت العائل او عجزه او اصابته بأحد الامراض الخطرة ( النوبة القلبية – السكتة الدماغية ، السرطان ، عمليات الشريان التاجى ، الفشل الكلوى ) ، ويوفر مزايامزايا تخفف من حدة تلك المخاطر عبر دفع مبلغ التأمين ( التعويض ) المتفق عليه حسب خيار المغترب .
• مضاربات التكافل للادخار والاستثمار :
تشكل خدمة تكافلية وادخارية من اجل تكوين راسمال يفى بمقابلة الاحتياجات التى تفرضها متطلبات الحياة حسب المراحل المختلفة ، وتمتاز عن ضروب الاستثمار المباشر بما توفره من تغطية تكافلية تستكمل تحقيق الهدف المنشود عند وفاة المشترك او عجزه صحياً ، ويشمل تكوين راسمال للاستفادة من لبناء منزل او انشاء مشروع استثمارى ، وتكافل تعليم الابناء ويوفر الرسوم المقررة على الابناء فى مرحلة التعليم العالى عبر تكوين اقساط دورية حسب المستوى المطلوب .
• تكافل حماية الرهن :
ويغطى متبقى السلفيات للمؤسسات التمويلية عند وفاة المشترك او عجزه صحياً .
• تأمين الممتلكات :
يتم اعطاء المغترب ميزة تفضيلية عن اشتراكه فى التغطيات الاساسية ( التامين الطبى والتكافل ) بتخفيض قيمة التأمين فى المنتجات الاخرى وهى تامين المنازل ضد اخطار الحريق والسرقة ، تامين السيارات وتامين اى ممتلكات اخرى .
• كيف تحصل على الخدمة ؟
يتم الحصول على الخدمة عبر مكاتب رئاسة شركة شيكان للتامين واعادة التامين وفروعها بولايات السودان المختلفة ، ومكتب شركة شيكان بمقر جهاز المغتربين ( تحت التأسيس ) ، او مكاتب صرافة الهجرة المنتشرة فى بلاد المهجر لطالبى الخدمة من الخارج .
يمكن لأسرة المغترب المقيمة بالسودان اخذ طلب الاشتراك من مكاتب شركة شيكان نيابة عنه .


#1094740 [zorba]
0.00/5 (0 صوت)

09-01-2014 02:31 PM
الصورة أعلاه:

فيك شبه من خال العوير البشير ... إنت منو؟ دكتور ابو بكر ابو مرين؟ أحييييييي الوجع رجع يادكتور .... لغم جديد.

في العادة المغتربين بيقضوا 11 شهر خارج السودان وشهر واحد اجازة داخل السودان ولديهم تأمين طبي في الدول المقيمين بها "حيث التأمين الطبي إجباري" مع خدمات ممتازة لا يمكن مقارنتها مع خدمة بن جهلول.
يمكن شيكان قصدها لو مغترب مرض في سلطنة عمان يقطع تذكرة طيران ويجي إتعالج في الخرطوم وارجع للسلطنة بعد العلاج وبالمناسبة التذاكر عليكم ما علينا.


#1094672 [ابو الشيخ]
0.00/5 (0 صوت)

09-01-2014 01:10 PM
ما نريده هو التأمين ضد الجهل والخوف والمرض والاستبداد

ما نريده هو تأمين الحريات والنزاهة والشفافيه والديمقراطيه


ردود على ابو الشيخ
Saudi Arabia [ابو طارق] 09-01-2014 06:48 PM
وتامين الاكل والشرب


#1094671 [سم القدر البيفور]
0.00/5 (0 صوت)

09-01-2014 01:09 PM
يا جماعة في فئات احتمال تستسفيد من التأمين ده والله أعلم..مثلا انا معاي الوالدة مقيمة في الخليج وهي فوق الستين وكل شركات التأمين في الدولة رفضو يأمنوا لي عليها بحجة انو الزول الكبير في السن امراضو كتيرة وبتخسر معاهم العملية (عدم انسانية طبعا) وهسي عشان نقابل اصغر طبيب عمومي الموضوع بيكلفنا اكتر من مليون جنيه بالسوداني غير الأدوية...فأرجو من الله انو الفئة دي تستفيد من الموضوع ده وانو الكيزان يصدقو معانا ولو لمرة واحدة (زي بيضة الديك الببيضها مرة واحدة في حياتو)


#1094568 [silik]
5.00/5 (1 صوت)

09-01-2014 11:18 AM
كيزان حرامية اولاد كلب قايلننا ريالتنا نازلة ؟؟!!
تلقوها عند الغافل
والدكتور الواطي ده اكيد دكتور في الحيض والنفاس


#1094548 [barracuda]
5.00/5 (2 صوت)

09-01-2014 10:55 AM
يا المغتربين حيمصوكم لما تتلحسوا . شركات التأمين الصحي تؤمن على الموظفين حتى خارج دول الاغتراب ، يعني ببساطة مغطيين ضد كل الحالات الطارئة . العبوا غيرها وشوفوا ليكم مصدر دولارات تاني . الله يلعنكم


#1094389 [المتجهجه بسبب الانفصال]
5.00/5 (2 صوت)

09-01-2014 08:57 AM
سبحان الله اول ما شفت الصورة وقبل قراءة الخبر جاءني لا أقول الهام وانما احساس ان الموضوع اكلة،، ناس عمان عليهم يوضحوا للقراء علاقة صاحب الصورة بفكرة تأمين سيارات الافراج المؤقت،، الله لا كسبكم يا كيزان الشؤم كلكم لف ودوران،،


#1094313 [الغاضبة]
4.63/5 (5 صوت)

09-01-2014 07:58 AM
جهاز المغتربين، منو اصلا قال ليكم عاوزين تامين طبي، عندنا تأمين، لان البلاد التي نعمل فيها التأمين الزامي على الشركات حتى في الاجازات، شوفوا الأشياء الأهم من التأمين لو انتو فعلا صادقين في خدمة المغترب ... على الاقل لما نجي ندفع الجبايات احترمونا واستلموها مننا بطريقة انسانية مش تخلونا واقفين في الصفوف بالساعات الطويلة، هل خرجت من مكتبك يا سوار وشاهدت منظر المغتربين وهم يتبهدلون خلف الشبابيك ويتوسلون لموظفاتكم المكشرات بالاسراع في انجاز معاملاتهم وتخليصهم، والله لو رأتنا الشعوب التي نعمل في شركاتهم ويقدمون لنا كل الاحترام في بلادهم، في مطاراتهم وفي مستشفياتهم ومؤسساتهم لما احترمونا قط ... داهية تاخدكم وتاخد الكيزان ...


#1094091 [Clicker]
5.00/5 (5 صوت)

08-31-2014 09:58 PM
تم اعدادها بعناية فائقة ,تم تصميمها بقدر عال من الجوده والاحترافيه,
========================
شفتوا الكيزان الحرامية بتكلموا كيف يتحدثون عن الوثيقة وجمالها وتصميمها!!!
يا لصوص شكل الوثيقة ليس مهم , ؟ المهم ماهو سقف العلاج و إلي أي مدي هل يشمل العمليات والأمراض المزمنة أم المسألة تتوقف علي حبوب اسبرين و البندول ؟ وما هي المستشفيات العلاجية بالسودان مع العلم كل المستشفيات بالسودان هي مستشفيات تفتقر الحد الأدني من الخدمات العلاجية. ومعظم الأدوية بالسودان هي أدوية منتهية الصلاحية مستجلبة من مصر وغيرها من البلاد العربية وأسعارها غالية جداً.

وطالما المسألة هي للراغبين من المغتربين فأنا ليست لدي رغبة فالذي يمرض هو الله والشافي هو الله والمميت هو الله والمحي هو الله وأسأل الله العافية للجميع.


#1094082 [جلال]
5.00/5 (3 صوت)

08-31-2014 09:45 PM
شركة شيكان دي صاحبها منو بعد كده نفكر


ردود على جلال
Saudi Arabia [ابو سرت] 09-01-2014 02:52 PM
ابشرك .... شركة تابعة للكيزان .. وكل او قل جل العاملين فيها كيزان ....


#1094072 [سوداني مسلم]
5.00/5 (2 صوت)

08-31-2014 09:35 PM
و الراس الكبيرة تشير إلى شطر المغترب الممتلئ ب اللبن .. والراس الاصغر من الراس الكبيرة تستعين ب التكرونى لحلب ذاك اللبن .. واللبن يستعصى على التكروني .. والتكروني يطلب صلاحيات اعلي .. وسوف يفشل التكرونى ..


#1094067 [ود صالح]
5.00/5 (2 صوت)

08-31-2014 09:27 PM
إنّها مائدة قديمة على صيني جديد ولا يستقيم الظلّ والعود أعوج و عودكم أعوج تب يا دكتور.
مسؤول من الخير يا دكتور إنت الآن ذهبت بصفتك ممثّلاً للمغتربين في سلطنة عمان والخليج والسؤال من الذي إختارك ومتي تمّ إختيارك وكيف كان ذلك؟؟؟!!!!!!!!!!!.

الكارثة التي أحدقت بما تبقّي من السودان هي من فعل أنفسكم ولا سبيل إلى الخروج منها بمثل هذه المسرحيّات التي أكثرتم منها على مدي ربع قرن من الزمان. الحل يا دكتور يكمن في أن ترجع أموال السودان المنهوبة من بنوك ماليزيا وتركيا ودبي والتحلّل منها. لقد سطت جماعة الإخوان المسلمين فرع السودان على أموال ومقدّرات السودان من بترول وخلافه وقد قمتم بإفقار الدولة السودانيّة باسم الدين وباسم الله زوراً وبهتاناً ولا زلتم تمارسون الخداع مثني وثلاث ورباع ونسيتم أنّ للشعب السوداني الفضل ربّ يحميه.


#1093981 [سودااااانى رغم الحاااااصل]
5.00/5 (1 صوت)

08-31-2014 07:23 PM
هو صراحه دكتور ذى ده السلطنه بتامن ليهو وعيالو مجان عاملنو لينا دعايه كان يجبو واحد زينا كادح عشان شويه يقولو فعلا محتاج تامين


#1093978 [د الزهجان]
5.00/5 (4 صوت)

08-31-2014 07:18 PM
الدكتور ده جابوه للموتمر العام السادس وعلي نفقتكم يا حلوين يجي ويرجع هو واولادو

واحتمال بكون متزوج اتنين لانو صحتو كويسة..

وثيقه التاميين في اي مكان العلاج مكان اصدار الوثيقة وبزمن محدد

يعني بالواضح العندو عيال معه في الغربة ما يتعب نفسو اما لو عيالك في السودان

الوثيقة جيده لانها حا تخسرهم كتير اهم شي نعرف الشروط ما لنا وما علينا h


#1093976 [المشروع]
5.00/5 (2 صوت)

08-31-2014 07:12 PM
ما هي الجهة التي صاغت هذا الخبر . هل اعلام المغتربين او اعلام شركة شيكان او اعلام وين فالخبر يكيل المدح والثناء من قولت تيت وهذا لا ضير ولكن كان الاولى ان يتم التعريف بالمنتج مميزات المنتج سعر المنتج ومقارنته بالمنتجات الحالية ان وجدت وطبعا اذا كانت شيكان هي التي صاغت الخبر عبر علاقاتها العامة - فتكون معفية من المقارنة طبعاً وقبل تصوير الاخ الدكتور/ الذي قبل مشكور ان يكون دعاية للشركة نسأل الله ان ينفعه الله بهذا التأمين وينفع اولاده وما كان عليه الدخول في اعلان غير مدفوع الاجر لشركة شيكان او غير شيكان لأننا سبق وان قلنا يجب ان تتم المنافسة الشريفة في خدمة التأمين الطبي ولا ندري لم اعطيت لشركة شيكان ولماذا تحتكر شركة شيكان هذا العمل حتى لو كانت احترافيتها بنسبة 1000% فالمنافسة الشريفة هي ضمان الجودة وضمان الأسعار.. على العموم هذا لا ينفى انه احيانا تقوم بعض الشركات بتقديم خدمات ارخص واجود مما لو كانت هنالك منافسة شريفة لأن المنافسة احيانا بالشركات تؤدي الى رفع الاسعار بين كل الشركات ومع ذلك كان ينبغي سلوك الطريق المعروف عالميا في هذا المجال.
والحقيقة ان هنالك الف سبب يدعونا للشك وذلك لأن إدارة الجهاز لم تعودنا يوما واحداً ان نثقف فيها او نثقف في الخدمات التي تعلنها او تقدمها.
ورغم انتقادنا الشديد لهذه الخدمة ونعتقد ان رائحة التحيز تفوح من داخلها الا ان ذلك لا ينفى انني انا شخصياً سوف اتعرف عليها عن كثب ومحاولة الحصول عليها إن وجدت فيها خيرا وزي ما قالوا رب ضارة نافعة ..اما ان لم اجد فيها خيراً فلكم دينكم ولي دين والله المستعان على ما تصفون


#1093975 [alsiddig]
4.88/5 (5 صوت)

08-31-2014 07:12 PM
ياناس عيب عليكم .. كفايه نصب وإحتيال على الغلابه
إيش الفايده منه ولا بس كرت وخلاص ؟
وين الشبكه العلاجيه لحاملى البطاقات ؟
ومن وين شيكان تدى المستشفيات حقها ؟

انا موظف تأمين فى أكبر شركات العالم وياناس ماتسمعو الدجل دا والله كلام فارغ
لو فى شئ أعملوهو لى ناس السودان هناك وسيبكم من البره هم بيعرفو يتصرفو
الله لا وفقكم ويا سوار سوار الكلب إنشاالله وتتقاد منه
بس إنتو للكلام حلاقيمكم بتعرف


#1093973 [د.انعام المكاشفي]
5.00/5 (7 صوت)

08-31-2014 06:54 PM
تم اعدادها بعناية فائقه
تم تصميمها بقدر عال من الجوده والاحترافيه
كواحده من أهم مخرجات المؤتمر العام السادس للمغتربين

كلام انشائي ككلام وثبة البشير اب ركبا محلوجات لايثمن ولايغني من جوع القصد منه غش وخداع والتدليس علي المغتربين الامل والمخرج الوحيد للصوص المؤتمر الواطي من زنقتهم الماليه الحاليه

كان من الأجدى والأنفع للمغترب أن تنشروا ماتتضمنه وثيقة التأمين المزعومه من مزايا حتي يقارن بينها وبين ماتوفره له وثائق تأمين الشركات العالميه الكثيره والمتعدده التي يؤمن المغتربين علي أنفسهم واسرهم وممتلكاتهم لديها والتي تقدم لهم تغطيه في أى مكان في العالم يتواجدون او تتواجد ممتلكاتهم بها فهل تستطيع
شيكان المحتكره لسوق التأمين في السودان والتي يسيطر عليها لصوص المؤتمر الواطي التي لا تزال تستبعد كثير من المخاطر بحجة انه حرام شرعا تغطيتها رغم انها تغطيها لمنسوبي المؤتمر الواطي لدى أطراف ثالثه.

ياحاج ماجد سوار يافاشل العب غيرهاوشوف ليك حيله خبيثه أخرى تدقس بيها المغتربين فما عادت اى من طرق جذبكم لهم تجدى نفعا وقد جربوكم من قبل ولا يلدغ المؤمن من جحر مرتين ولو صحي دايرين تخدموا المغتربين وتعوضوهم عن ماأكلتموه منهم فليصدر بشيركم الفاشل الآن قرار باعفاء المغتربين من أى ضرائب او اتاوات مفروضه عليهم من قبل عصابتكم واسقاط أى ديون أصلها باطل علي المغتربين في سجلات جهاز السودانيين العاملين بالخارج.

ياحاج ماجد سوار لو انت فالح صحي ويهمك أمر المغتربين فاذهب للبشير الرقاص ولا تخرج من عندو حتي يأمر بارسال الطائرات لتخليص السودانيين العالقين في ليبيا الذين يقتلون ليل نهار علي ايادى أخوانكم الارهايين


ردود على د.انعام المكاشفي
Saudi Arabia [جنوبي] 08-31-2014 07:38 PM
كلام 100 %


#1093968 [السودان الوطن الواحد ... ماقد كان وماسيكون]
5.00/5 (1 صوت)

08-31-2014 06:42 PM
مألة جديدة ... كالعادة البحث عن البقرة الحلوب


#1093967 [الفيل]
5.00/5 (2 صوت)

08-31-2014 06:38 PM
التامين دا للمغترب بدولة المهجر وللا بالسودان ان بقى بالسودان دي يكون ضحكة جديدة على المغتربين . واحد مقيم بسلطنة عمان حا يستفيد شنو من العلاج في مستشفيات مامون حميضة ؟ وهو السودان اصلا فيهو علاج ؟ والله مستشفيات السودان تدخلها زائر تطلع مريض تدخلها مريض تطلع على المقابر قال تامين طبي قال لو في تامين امنوا على القاعد في السودان خلو المغتربين لي غربتهم دي وسيلة جباية جديدة والله الناس زي الكركية اصلها ما بتشبع ولا بتتمليء


#1093955 [nouri]
0.00/5 (0 صوت)

08-31-2014 06:21 PM
لكن مااااا دقستا يا دكتور


ردود على nouri
Qatar [sasa] 09-01-2014 01:13 PM
لا يامعلم ده كوز منهم وفيهم ....

لعنة الله عليهم جميعا كبيرا وصغيرا رجلا وامراة حيا وميتا


#1093952 [جنوبي]
5.00/5 (1 صوت)

08-31-2014 06:15 PM
يا جماعه واحد يفهمنا التأمين الطبي ده كيف يعني ؟
هل التأمين ده بكون ساري خارج السودان ؟ و لو ما حاستفيد منه خارج السودان طيب اعمل تأمين من السودان ليه وانا قاعد بره ؟
هسي نحنا ناس السعودية التأمين الطبي الزامي ولو لو ما عملتوا ما بجددوا ليك الاقامة , يعني انا اعمل تأمين في السودان وتأمين خارج السودان ؟!! هو اصلو انا كم ؟
وبعدين انا واولادي بره السودان وبنمش كل سنة شهر في السودان , أها نأمن الشهر بس ولا ندفع حق سنة كااااملة وانا وشركة التأمين متأكدين اني ما حأستفيد من تأميني ده ؟
بالله لو في زول فاهم حاجة يفهمنا معاه ,,
بعدين الزول الشايل تأمينه في الصورة ده ما ظااااهر انو مؤتمر وطني ! هسي كان سألنا عنه في عُمان حنلاقاه رئيس المؤتمر الوطني هناك ,,


ردود على جنوبي
Saudi Arabia [Abu Qabas] 08-31-2014 07:01 PM
والله ياجنوبي حيرتنا
لقد وضعت النقاط فوق الحروف باسلوب مبسط جدا ولكن عميق المعنى والفهم
انا لا أود ان اتهم جهاز المغتربين بدون ما تسفر عنه التجربة من ممارسات وثغرات
ولكن المطلوب ليس تأمين طبي للمغترب في تقديري حيث ان المغترب يقيم في بلاد اخري غير السودان ولا يمكن ان تمتد اليه التغطية التأمينية في البلد الذي يقيم فيه الا بعمل شراكات عالية التكلفة ولا تستطيع فعل ذلك الا بعض شركات التأمين العالمية في امريكا واوربا ولا أظن ان شركة شيكان يمكن ان يطلق عليها شركة مؤهلة لتغطية أخطار تأمينية على مستوي العالم حيث تشتت السودانيون.
ان المغترب في حاجة ملحة لعمل تأمين اجتماعي في حالات ترك العمل بدول المهجر نتيجة للفصل او المرض او لاي سبب طارئ وكذلك في حال العودة الطوعية لتأمين الوظيفة او العمل المناسب مع تحديد شروط تتعلق بالسن او المهنة وخلافه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة