الأخبار
أخبار السودان
ولاية الخرطوم: وصول كميات كبيرة من اللحوم الحمراء والزيوت
ولاية الخرطوم: وصول كميات كبيرة من اللحوم الحمراء والزيوت


08-31-2014 06:14 PM
الخرطوم (سونا)
أعلنت الآلية العليا للمعالجات الاقتصادية بولاية الخرطوم عن وصول كميات كبيرة من اللحوم الحمراء من مناطق الإنتاج بولايات دارفور. وتوقعت الآلية في اجتماعها برئاسة المهندس/ صديق محمد علي الشيخ والي الخرطوم بالإنابة أن تسهم هذه الكميات في خفض أسعار اللحوم في مراكز البيع المخفض وعامة الأسواق حيث بدأت الأسعار تنخفض منذ يوم امس ووصلت الى 40 جنيها للكيلو فيما وجهت الآلية وزارة الزراعة بضخ كميات كبيرة من الدواجن .
وقال مقرر الآلية محمد فضل الله الدرديري إن هذه التوجيهات تجيء تنفيذاً للاجتماع المشترك بين اللجنة الاتحادية للإصلاح الاقتصادي برئاسة نائب رئيس الجمهورية وحكومة ولاية الخرطوم والذي تقرر بموجبه منح منتجي الدواجن كميات من الذرة من المخزون الاستراتيجي بغرض تثبيت أسعار الفراخ بواقع 28 جنيها للكيلو. وقال الدرديري إن الآلية ستقوم بجولات ميدانية لمراجعة مراكز البيع المخفض والتأكد من وضع ديباجة الأسعار على السلع وتم توجيه المعتمدين بعمليات المتابعة المستمرة كما أعلن عن وصول كميات كبيرة من زيوت الطعام ادت الى انخفاض جركانة الزيت 36 رطل من (340) الى (250) جنيه وسيتم طرحها بهذه الأسعار في مراكز التعاون .






تعليقات 20 | إهداء 0 | زيارات 8918

التعليقات
#1094746 [زول وطني غيور]
3.00/5 (2 صوت)

09-01-2014 01:35 PM
أنا خايف الناس تاني ما تعرف تميز بين لحم الحمير ولحم العجالي ، طبعا الناس تعودا على أكل حاجات كتيرة غير صالحة للإستعمال الآدمي بينما الجماعة الطيبين متعودين فقط على أكل الأموال فقط وهي طازة يعني ما بختوها في الثلاجة !!


#1094559 [hassan]
3.00/5 (2 صوت)

09-01-2014 10:12 AM
هذه مسكنات لا لاتدوم طويلا ولا يستمتع بها

الا فئة محدودة جدا

جعجعة ولا ارى طحنا


#1094555 [ابو شهاب]
3.00/5 (2 صوت)

09-01-2014 10:04 AM
ليه نحن مانصدر الماشيه حيه ونستوردها ( هدى ) وهى مذبوحه نكون بذلك ضربنا عصفورين بحجر واحد صححنا البئه لانه ما بتكون فى كمونيه وكوارع وثانيا نتجنب حوجه الجمعيات الخيريه لجلود الاضاحى ثالثا انخفاض اسعار اللحوم بالجزارات رابعا تجنب اللحوم المخلوطه من لحوم الحمير والحصين والكلاب خامسا تغيير مفهوم المواطن بان اللحوم تكون فى متاول اى مواطن

سادسا واخيرا تنازل المواطن عن عزته وكرامته فى اكل لحوم الهدى

اذكر انه فى الزمن الجميل وصلت طائره جامبو سعوديه الى مطار الخرطوم تحمل لحوم الهدى الى السودان وصدر امر بارجاع الطائره وحمولتها الى السعوديه تاكيدا لعزه وكرامه المواطن السودانى

زمن المفارقات فى هذا الزمان نصدر المواشى والمواطن الغلبان كان كتبوا لى اللحم دواء ما يقدر يشترى

فسير سير ياوالى الخرطوم المواطن اصبح ياكل لحم الحمير


#1094545 [mamounaya]
1.00/5 (1 صوت)

09-01-2014 09:54 AM
ليييي يكون في مراكز بيع مخفض وما تكون كل الاسعارفي كل المحلات التجارية والدكاكين في الاحياء بي نفس اسعار مراكز البيع المخفض بعدين ما كل الناس في مراكز بالقرب منها واحد . 2 -كل مراكز البيع المخفض تعرض اسوء السلع 3- الكمية الجاتنا بسيطة وتم توزيعها بالكامل ؟؟؟عدم وجود رقابة على تلك المراكز. يوم يومين وتقفل مراكز البيع المخفض ونرجع من جديد في نفس الدوامة. ده ما حل .الحل توفير السلع في كل الاسواق والمحال التجارية (البقالات -الدكاكين ) بي نفس السعر المخفض والزام كل التجار بسعر واحد ياريت يكون مكتوب .


#1094519 [adam bushra]
1.00/5 (1 صوت)

09-01-2014 09:37 AM
علي فكرة ياناس اللحوم الجاية من دارفور دي من زمان فيها
الا لمن بقو يدبحو الحمير والكلاب بعد داك عرفو انو دارفور دي فيها لحوم حمراء
ياخ كفاكم دجل ونفاق


#1094459 [طارق الباز]
3.00/5 (2 صوت)

09-01-2014 08:43 AM
نتمنى مواطن دارفور يستفيد مباشرة من العائد فى تحسين الخدمات الصحية والتعليمية والمعيشية وغيرها.


#1094258 [ود احمد]
3.00/5 (3 صوت)

09-01-2014 05:46 AM
على وزن حل مجلس قيادة الثورة وياتي المجلي نفسه انخفاض سعر الكيلو الي 40 وهو اصلو كان ب40 هؤلاء كذابين ومنافقين مردوا على النفاق والكذب من اول يوم اتوا فيه لا تصدقوهم


#1094196 [منذر]
3.00/5 (2 صوت)

09-01-2014 01:14 AM
يظهر الحتجيكم دى لحوم الحمير السرقة حميدتى!!


#1094163 [nagatabuzaid]
3.00/5 (2 صوت)

08-31-2014 11:09 PM
حميدتى قالوا سراق حمير من سوقنيالا لدرجة انه الحمير بقت تعرفوا تهنق وتعملها فى نفسها اها بوديها وين ؟ والحمير كان ما عارفاه بعمل فيها شنو البخوفا منو قدر ده شنو ؟ اعملوا حسابكم من اللحم المستورد ده وقال ليكم المعلق سن الفيل لحم الحمير احمر فاقع يسر الناظرين خلوهم ياكلوا هم ويهنقوا برااهم


#1094116 [الحراز]
2.50/5 (2 صوت)

08-31-2014 09:43 PM
يعني انتو شايفين انو جركانة الزيت 36 رطل بـ (250) جنيه ( بالجديد بعد شلتوا الأصفار) سعر مناسب و مخفّض ؟؟؟
يا مصاصي الدماء .. كم راتب الموظف ، العامل ، الجنايني ، كم دخل ست الشاي ، وعامل اليومية والطُلبه حتى يكون هذا السعر مخفضاً .


#1094112 [حميدتي]
1.00/5 (1 صوت)

08-31-2014 09:36 PM
ودارفور ما فيها (حمير) ؟؟؟


#1094081 [GOZE DONGO]
3.00/5 (3 صوت)

08-31-2014 08:44 PM
سلخانة نيالا من السلخانات الكبيرة و التي تقوم بذبح و تجهيز اللحوم الحمراء بغرض القصدير إلي دول الخليج و مصر .... الخ لكن ما هو العائد للولاية؟؟؟ لا شئى يفنرض أن يكون نصيب الولاية 30% من إيرادات الصادر حتي يستفيد الممولون و مربوا الماشية من تلك العائدات في شكل أدوية بيطرية و محسنات و ما إلي ذلك من المعونات التي تستخدم عادة في تربية المواشي ؟؟؟

لكن أن تظل الولاية تصدر الماشية حية أو مذبوحة دون عائد من العملات النقدية يدخل في باب النهب و اللصوصية ؟؟ بعد عدة سنوات سوف تنفد المتشية بكثرة الإستهلاك و دون تقديم التعويض المجزي ؟؟؟؟
يا مربيوا الماشية إنتبهوا فهذه حملة منظكة لأبادة الماشية دون يجاد البديل؟؟؟؟

قوز دونقو


#1094044 [خالد]
3.00/5 (2 صوت)

08-31-2014 07:50 PM
وصول زيوت دي علي وزن ناكل مما نزرع ونصدر مما ننتج


#1094043 [معاوية]
2.88/5 (4 صوت)

08-31-2014 07:49 PM
هذا لن يفيد يا م الوالى الحل للبلد وليكم ان تبعدوا بع ان اخلتم البلاد والعباد فى هذا النفق الضيق وانا استشعر بذرة الصوملة والتى تلوح فى الافق زهرتها وحيث لاينفع الندم


#1094031 [غسان بابكر]
3.00/5 (3 صوت)

08-31-2014 07:31 PM
الله يسألني أوﻻد الهنايه ديل كذابين الليله اللحمه العجالي عند أكتر ناس عندهم رأفه بالناس زادوها سته جنيه سوا سوا..
والزيت والله أشتريتو أمس القريبه دي من السوق المركزي الخرطوم بي 400 الناس ديل كذابين وعندهم ل... فكري عايزين يعادونا بيه عشان نصدق خطرفاتهم دي...
الله يورينا فيكم يوم كيوم عاد وثمود وما قوم لوط منكم ببعيد. ..


#1094018 [كوكي]
3.00/5 (2 صوت)

08-31-2014 07:14 PM
دة الكلام الصاح


#1094010 [مسطول]
3.00/5 (2 صوت)

08-31-2014 06:59 PM
عن وصول كميات كبيرة من اللحوم الحمراء من مناطق الإنتاج بولايات دارفور
-------- -------------- ---------------

غايتو نحن زمان مناطق الانتاج كانت سلخانة امدرمان وتتناول لحمتك من اقرب جزارة
شفتو الكيزان وصلونا وين ؟؟؟


ردود على مسطول
United States [ABONY BLACK] 09-01-2014 09:36 AM
ماتزعل من الحته دى لانو نيالا فيها اكبر المسالخ في السودان ودي تتعمل في مناطق الانتاج وهي اصلا للتصدير ودي الماسكه البلد بعد خروج البترول ولو في اي شك في اللحوم يكون من المذبوح محلي عندك لان العاصمه تخلو من الانعام ويتوفر فيها بس ال.......


#1093989 [جنوبي]
3.00/5 (2 صوت)

08-31-2014 06:30 PM
بلد ماشه بسياسة الاشاعات بس !!
اللحوم الحمراء الجات من دارفور دي ضبحوها وين ؟!! دارفور فيها مسلخ ؟!


ردود على جنوبي
Saudi Arabia [جنوبي] 09-02-2014 02:19 PM
مااا قعدوا 25 سنة بسبب الجهلا الزيي يا ابو رغد , قعدوا بسبب الزيّك الممكن يصدق انو الحكومة تجيب لحوم مذبوحه من منطقة هي ما مسيطره عليها !!

Saudi Arabia [ابو رغد] 09-01-2014 01:40 AM
ما تكون جاهل بوطنك دارفور بها مذابح وممكن يذبحوا البشر والبشير كمان هذا الجهل هو الجعل الانقاذ تكون قاعدة 25 سنة

Saudi Arabia [كبسول] 08-31-2014 09:51 PM
والله انك صادق
الكان مانع هذه اللحوم من الوصول شنو
وكيف انها وصلت بين يوم وليلة بالبريد الجوي ام البريد الممتاز
وألما قادر افهمه حث وزارة الزراعة علي ضخ كمية كبيرة من الدواجن للأسواق
هو وقت وزارة الزراعة عندها دواجن ماسكاها تعمل بيها شنو.....وإلا كانت بتوزعها فقط للكيزان
وإلا وزارة الزراعة فقست الدواجن وعلفتها وكبرتها في يوم وليلة
أصبحنا نأكل الإشاعات والجماعة ديل حياكلونا هواء


#1093986 [زهجاااااااااااان]
1.00/5 (1 صوت)

08-31-2014 06:29 PM
بيكدوك كد


#1093984 [سن ألفيل]
3.00/5 (3 صوت)

08-31-2014 06:26 PM
لحوم الحمير ايضا لونها حمراء فاقع لونها تسر الناظرين اما الزيوت وصول كميات كبيرة بواسطة (الواتس آب) تحتاج لجهاز قلاكسي 5أس حتى يتم تخزينها واستخدامها



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة