الأخبار
أخبار إقليمية
جامعة السودان تحتفل بالمركز الاول علي مستوي جامعات السودان
جامعة السودان تحتفل بالمركز الاول علي مستوي جامعات السودان


09-04-2014 11:20 PM
انتزع كورال جامعة السودان للعلوم والتكنولجيا التصفيق والاعجاب خلال شدوه في احتفالية الجامعة امس الاول بفندق السلام روتانا بمناسبة احتلال الجامعه المركز الاول للجامعات السودانيه حسب تصنيف»الويبومتركس» للمستودعات الرقميه وتطبيق النسخه السادسه لبرتكول الانترنت وشهد الاحتفال الكبير ممثلين لدولة الامارات العربية المتحدة وسلطنه عمان ودولة العراق والمملكه العربيه السعوديه واسرة الجامعه الاساتذه والموظفين وجمع غفير من الطلاب والمهتمين .
واعتبر رئيس مجلس ادارة الجامعه د.عوض الجاز النجاح دليل علي التعاون بين الجميع من الغفير وحتي المدير وقال منذ ان استلمنا التكليف شعرنا بهمة وعزيمه وسط منسوبي الجامعه واضاف الهدف الذي نسعي لتحقيقه هو احتلال المركز الاول عالميا مهديا التفوق لكل خريجي جامعة السودان فيما اشاد مدير جامعة السودان البروف هاشم علي سالم بالانجاز الذي تحقق بفضل التعاون بين الجميع اساتذة طلاب موظفين وعمال وادارة قائلا ان حمل اسم السودان في حد ذاته يفرض عليهم تحديا كبيرا لتحقيق النجاح واضاف لن نعزر انفسنا اذا اتينا بعد الاخرين فالرجوع للخلف دونه سيوف ستسلط علينا وقال نحن متاكدون انه ليس من بيننا من يخذلنا فالمراكز المتقدمة ليست بالاموال بل بالعزيمه والاصرار مشيدا باساتذه الجامعة الذين رفضوا مغريات العمل الخارجي وفضلوا الاستمرار في الجامعه .

الوطن


تعليقات 12 | إهداء 0 | زيارات 2834

التعليقات
#1098026 [م.مصطفي]
0.00/5 (0 صوت)

09-05-2014 11:03 PM
انجاز كبير يستحق التقدير
اتمني مزيد من التقدم لجامعة السودان للعلوم والتكنولوجيا ولكل الجامعات السودانية


#1097997 [كذب وافتراء]
0.00/5 (0 صوت)

09-05-2014 10:25 PM
مع احترامي لكن هذا الكلام غير صحيح.ادخل موقع ويب و ستجد جامعةالخرطوم تحتل المركز 2070 عالميا وجامعة السودان 3176 . اللهم الا لو عندكم تصنيف تاني مخصص ..
ملحوظة ..انا خريج جامعة السودان للعلوم والتكنولوجيا

الموقع ادناه:
http://www.webometrics.info/en/Ranking_africa


#1097987 [طيش الفصل]
0.00/5 (0 صوت)

09-05-2014 10:14 PM
طيش الفصل صار بروفسيور يا جماعة


#1097985 [البروف بتاع الطلاق]
0.00/5 (0 صوت)

09-05-2014 10:11 PM
المدير دا مشهور بانو حلف طلاق ايام كنا طلبة في جامعة السودان بانو ما حيقفل الجامعة و الحصل انو الجامعة قفلت لانو بصراحة الطلبة اقوي من اي ادارة لكن ما غارف طلق المرة المسكينة و لا الموضوع لغو..بس لما كنا نغيظ زملاءنا في هندسة النسيج و هو تخصص الطلاب الفاشلين و الاقل ذكاءوهو نفس تخصص المدير (الما فاشل)نقول ليهم انتو عندكم امل في الحياة يوم من الايام ممكن تكونو مدراء جامعات.


#1097979 [هاشم بقي بروف يا رجالة]
0.00/5 (0 صوت)

09-05-2014 10:03 PM
التعليق فوق


#1097977 [هاشم ابو كرشولا]
0.00/5 (0 صوت)

09-05-2014 10:02 PM
من الذي اعطاك درجة البرفيسور و انت لم تشتهر بالذكاء بل مشهور ان درجة ذكاءك افضل قليلا من الوزير ابو ريالة وزير الدفاع بالنظر


#1097974 [الما عارف يقول عدس..!!]
0.00/5 (0 صوت)

09-05-2014 09:59 PM
جامعة السودان...جامعة الكيزان...

الكلامو القالو الدش فوق ده.... مية مية

عشان تعرفو مستوى الجامعة دي.... اقروا الترجمة المعتمدةلاسمها بالانجليزية

ان شاء الله تكونوا فهمتوني...

مبروك عليكم.... فرحانين مش كدة!!


#1097972 [الحرامي هاشم علي سالم]
0.00/5 (0 صوت)

09-05-2014 09:54 PM
اسكت الله حسك يا حرامي تنهب اموالنا نحن الطلبة بدل ما تعمل قاعات و مكتبة ومعامل و تعطيها للمؤتمر الوطني مرة وابو كرشولا طمعا في المناصب يا حرامي..ساكن في فيلا في كافوري من وين ؟؟؟


#1097967 [اذا هاشم بروف محجوب عبيد يبقي شنو]
0.00/5 (0 صوت)

09-05-2014 09:47 PM
والله العظيم و كتابه الكريم ما اعطي لقب البروف و اللي اسمه هاشم علي سالم ما يستحق لقب دكتور اما من الجانب الاداري لا يسوي اكتر من رئيس شعبة و بالكتير رئيس قسم لكن هذا حال السودان اذا كان البشير رئيس السودان ما كتير علي (البروف) يكون رئيس جامعة السودان. سبحان الله قال بروفسيور قال يعني اذا انت بروف محجوب عبيد و عبد الملك يكونو شنو يا طيش فصلنا؟؟ يا جماعة بروفسيور دي كلمة ما ساهلة درجة الأستاذية دي معناها زول ناشر عشرات الممقالات العلمية في مجلات محكمة علي مستوي THE NATURE وله نظريات باسمه و مؤلفات وكتب . لقد اصبت بالذهول اول امس حينما زرت جناح جامعة السودان بمعرض الخرطوم الدولي للكتاب وعرفت من الموظفة ان مدير الجامعة هو (بروف)هاشم حيث انني كنت خارج السودان لفترة ووجدت الخراب في كل موقع واتصلت بدكتور من جامعة السودان استفسر وسالته هل الكرم الحاتمي في منح الاستاذية جاء دوره بعد ان اصبحت الدكتوراه تعطي لكل من هب ودب واخبرني عن ترقية(البروف) سالم هي سياسية بالمقام الاول وقد اعترض علي ذلك بروف من جامعة الخرطوم ويعمل في جامعة السودان علي انه غير مستوفي الشروظ لمنح الترقية وان (البروف) مستمتع بخيرات الجامعة وكل يومين سفر للخارج للاستفادة من مخصصات الرحلةالدولارية بل الأموال تدفع له كاش اذا كانت العملة غير متوفرة وكانت لدي المراجعة الداخلية للجامعة ملاحظات في اوجه الصرف للرحلات الخارجية ولكن طبعا حال السودان لا محاسبة بل ترقية ولم لا يسافر (البروف) لنشر علمه للعالم . اما لو عرفتم مجال دراسة (البروف) لاصابكم مرض الضحك وهو النسيج وهو مجال الطلبة الخايبين و لا مؤاخذة ..بروفسيور في النسيج والسودان ليس فيه مصنع نسيج واحد..اما موضوع المقال فكذب صريح ادخل موقع الويب ماتركس لتعرف ان جامعة الخرطزم متقدمة علي جامعة السودان بمراكز كثيرة ويا هو دا السودان وأعود وأكرر ما قلته اولا أذا كان البشير رئيس السودان فما العجب أن يكون هاشم أقصد (البروف) هاشم مدير جامعة السودان ولا حول ولا قوة الا بالله وحسبي الله ونعم الوكيل.


#1097779 [الدش]
0.00/5 (0 صوت)

09-05-2014 03:38 PM
والله انتو بتحلموا ساااااكت ---قال جامعة السودان ......قااااااااااااال .... كل الكوادر فيكم من المرتبة الثالثة ....... بعد مايتصفوا الطلاب النوابغ في المستويين الاول والثاني الى جامعتي الخرطوم والجزيرة على التوالي .... بعدها يجوا الطلاب اليكم ...... كفااااااااااااااية لعب بالعقول ..... (ادارة رئاستها كيزان وحتى الاشراف عليها كيزان .... عوض الجاز الفاااااشل )


ردود على الدش
United States [Deg] 09-05-2014 08:51 PM
Either say Congratulations or zip. Ediot


#1097754 [Wad Nori]
0.00/5 (0 صوت)

09-05-2014 02:52 PM
www.gulfup.com/?oLPU1M][img]http://im74.gulfup.com/Alyjzi.jpg


#1097479 [Misahir Fi Izallail]
0.00/5 (0 صوت)

09-05-2014 01:08 AM
A Thousand Million Congratulations to all Students, Faculty and Staff.
It is only through cooperation and hard work that achievements are made
Thanks and gratitude are due to every one who had a share, small as it may have been in this BIG achievement.
We still remember the times when this University was called the K.T.I and "sarcastically referred to as "The Killing Time Institute"
Once more, Congratulations .. Keep it Up



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة