الأخبار
أخبار السودان
مئات الطلاب يتقدمون للدراسة في الهند



09-05-2014 10:48 PM
الخرطوم – خضر مسعود

كشفت متابعات عن تقديم مئات الطلاب الناجحين في الشهادة السودانية للدراسة في الهند، ورصدت الصحيفة تزاحما كبيرا في مباني إدارة الامتحانات بوزارة التربية والتعليم هذه الأيام من قبل الطلاب الذين قبلوا للدراسة على نفقتهم الخاصة في الهند لجهة توثيق شهاداتهم والملاحظ أن معظمهم صغار السن

اليوم التالي






تعليقات 7 | إهداء 0 | زيارات 7350

التعليقات
#1098846 [ابو العيلا]
0.00/5 (0 صوت)

09-07-2014 01:45 AM
كلامك صح يا Bangaloreانا مقيم في ابوظبي خريج جامعة السودان سته سنوات سكيوريتي والله المستعان صرحه هذه الوظيفه تمسح الذاكره


#1098841 [mohammed]
0.00/5 (0 صوت)

09-07-2014 01:18 AM
انا البشككني في الهند انو غالبية السودانيين البمشو الهند فاقد تربوي هنا في السودان وبكونو اوائل في الهند يا اخي واحد ما قادر يجيب 70 بيقرا طب في الهند
وتاكد انو مافي سوداني بمشي الهند لو لاقي فرصة هنا بس الهنود ماشاء الله عليهم في قوقل رئيس قسم الاندرويد هندي وغالبية مبرمجي مايكروسوفت وياهو بس ديل اتخرجوا من
(Bangalore)ما اظن .


ردود على mohammed
Sudan [bangalore] 09-07-2014 07:11 PM
مافي فاقد تربوي بشيل شهادته في الهند . والطلاب الضعيفين اكاديميا بشيلو شهاداتهم في 7 و 8 سنين ومعظمهم بقنع وبخلي الدراسة ..
جامعة بنقلور هي الجامة الرئيسية في ولاية Karanataka وعاصمتها بنقلور .. خريجين الجامعة بشتغلو في مدن الكترونية ضخمة لصالح الشركات الامريكية المعروفة في البرمجيات وشركات الانترنت .. جامعة بنقلور اتأسست سنة 1884 ومن اعرق الجامعات في الهند وممكن تقرأ عنها في ويكبيديا .. وبنقلور معروفة بوادي السليكون نسبة لاشتهارها بالمعلوماتية وهندسة البرمجيات ...


#1098456 [ظلال النخيل /فريد محمد مختار]
3.00/5 (2 صوت)

09-06-2014 12:50 PM
أحسن بدل ما تدفعوا لمأمون حميدة وأمثاله من التماسيح العشارية أخير ليكم الهند فيها استقرار دراسي وجامعاتها تأهيلها جيد وفق السستم البريطاني .وفوق كل ذلك الواحد بقوي اللغة الانجليزية لغة العصر بدل الجهجهة في الجامعات المعربة الفاشلة


#1098352 [كتاحة امريكا]
3.00/5 (2 صوت)

09-06-2014 11:10 AM
تعليم كيها


#1098295 [رانيا]
3.00/5 (2 صوت)

09-06-2014 10:17 AM
أحسن ليهم ..الهنود مشوا صح ومن فترة ليست بالقليلة ومن ناحية التعامل فمحترمين ومتواضعين وبسيطين .


#1098076 [الارباب]
3.00/5 (2 صوت)

09-06-2014 12:25 AM
اعملوا حساب التماسيح
والقبولات المضروبة
وبالذات بتاع الوكالة الاسمو دكتور هانى
دا اكبر كذاب


#1098075 [bangalore]
4.00/5 (5 صوت)

09-06-2014 12:17 AM
بالتوفيق يا رب .. مافي مقارنة بين الجامعات الهندية ومستوى التأهيل واللغة بالجائعات السودانية ..
ارخص وافضل وجامعات معترف فيها عالميا والخريج بشتغل بشهادته في اي بلد ...


ردود على bangalore
Sudan [bangalore] 09-07-2014 07:21 PM
اب شلاضيم
يا اخوي انت شايلاك متلازمة الهاشمية الوطنية .. هسه امانة في زمتك دي بتقارن التعليم في الهند بأكشاك الليمون الفي السودان .. يا اخي ميزانية البحوث في المعهد الهندي للتكنلوجيا وهو ال rank بتاعه عالميا ال 30 تعادل ميزانية السودان كووووووله 3 مرات .. اكتر من 75 جنسية حول العالم بدرسو في الهند .. في ايرلنديين كانو معانا في الكلية بدرسو it . هاك فرنسا دي .. دي كانت بعثة آثار ولا شنو ..يا حبيبنا خليك من دكتوراة الهند .. هسسسه الدكتوراة المسجلة في جامعة الخرطوم ب 25 مليون والماستر ب 15 مليون وتوثق في الاول حتى تدفع .. وهسسسسه الدكتوراة يرسلوها ليك بالبريد من امريكا ب 10 الف دولار .. انت من زمن حنتوب وخور عمر .. 35% من الاطباء في امريكا هنود و 40% من staff ناسا هنود .. يا اخوي نحنا درسنا في السودان وشفنا المناهج والاساتذة والطلاب الشاطرين والبيئة التعليمية لكن الشفنا في الهند مختلف تماما .. هاك سوداني الجوة وجداني دا

Saudi Arabia [اب شلاضيم] 09-06-2014 10:48 PM
مالكم سكتوا
هاك حنتوب ده
هاك خورطقت ده
هاك وادي سيدنا ده
برضو تقول لي ......
السودان من افضل الدول العربية والافريقية في مجال التعليم وانا باقول الكلام ده عن علم ودراية ومعرفة ....

Saudi Arabia [اب شلاضيم] 09-06-2014 10:19 PM
ههههههه والله يا موردة خضار من اسلوبك وكتابتك الركيكة ده باين عليك انك خريج الهند ....
انا ممكن اخد دكتوراه من الهند بدون ما اسافر الهند ....
يا ...... خريج الهند .....
ههههههههه
هاك الشلاضيم ده ....

Saudi Arabia [اب شلاضيم] 09-06-2014 05:36 PM
والله يا بانقلور .... اولا لك التحية ...
انا طبيب في السعودية
قبل كدة فزت ببعثة الى فرنسا من بين 516 متقدم فيهم الهندي والمصري والسعودي والباكستاني والفلبيني وكتير من الجنسيات الموجودة في السعودية واكيد معروفة لديك ...
انا سوداني وخريج السودان ... اها رايك شنو ؟؟؟؟
اها هم كانوا فرنسيين لا بيجاملوا ولا بيداهنوا .. لا بيعرفوني ولا بيعرفوا غيري ....

United Arab Emirates [موردة حضارة] 09-06-2014 04:40 PM
سلام ياشباب..انا درسة في بنقلور سابقاواسمها طبعا الحالي منغلورو..دفعة 96-2000
ردي للاخ اب شلاضيم..قرب علي هنا عشان اقرس شلاضيمك دي..انت ماتفتي في حاجه ماعارفها وماجربتها..يا عزيزي انا درست 4 سنين هناك في مدينة بنقلور الخضراء واخر مكان استقرو الانجليز فيه قبل الاستقلال..الدراسة بدون شك ممتازه ومستقرة
وارخص ولغة يافارة..وانا شغال هنا في الامارات من ماتخرجته واصحابنا كثر جو من السودان ومنهم والله العظــــــــــــــــيم خريجي لغة انجليــــــــــزية لكن ماقدرو علي العمل بسهوله بسبب اللغة..وطلاب الهند السودانيين كلهم شغاليين..
وعشان اكون صادق معك ومع القراء ماي طالب كان في الهند استفاد واجاد اللغة في كثيرين منهم مابجضمو ياابوشلاضيم زيهم وزي المستقرين في امريكا وبريطانيا بتكلمو بس لغة تجارية commerical language
وبعدين ياعزيزي في عشان اكون صريح معاك السودان فيه ناس بجضمو اللغة زي الترتيب بدون سفر الي اي دولة للاستفادة منها.....الموضوع كله رغبة واجتهاد فردي.. واشجع كل الطلبه للدراسة في الهند بس البمشي بنقلور يبعد لي من الديسكو
الاسمه the club
ضياع وقت في الفاضي وكله حوادث وكمان يبعدو لي من شلة السودانيين بتاعن كسر الركبة والحلل وعدم دوام في الكليه وكتشينة ,,عندكم السينمات ظريفة في الام جي رود وبريقيد رود ولعب كورة مع الشباب دي وسائل ظريفة للتغيير وماتنسو في نهاية الاسبوع تمشو سوق شفاجي نقر تتضربو الشاي الظريف والبرياني...والله من وراء المقصد

والسلام عليكم ورحمة الله وبركاته

Saudi Arabia [خريج من الهند] 09-06-2014 04:28 PM
هل تعلم يا ابو شلاضيم ان شريف التهامي من خريجي الهند
اوعك تسألني شريف التهامي دة منو ؟؟؟وزي ما قال ليك Bangalore اها ان شاء كباية الشاي ظبطت راسك ..

Sudan [Bangalore] 09-06-2014 01:37 PM
انا درست في جامعة Bangalore فيها 3 بروفيسرات حصلوا على جوائز نوبل في الفيزياء والاقتصاد
انت جاي من وين يا ابو شلاضيم .. امشي شوف ليك ست شاي اقعد جنبها..
جامعة بتعتمد عليها شركات زي IBM..google . yahoo .. micro soft
في التوظيف ..
دا غير الانجليزي والمناهج الحديثة والتدريس وجاهزية اللابات والوسائل التعليمية ..
الجامعات السودانية بتخرج ناس اميين .. كدي انت شيل شهادتك وامشي الامارات قول عايز تشتغل .. خليك من الشغل انت الانترفيو البالانجليزي ما بتقدر عليها ما تغش روحك ساي ...
انا بعرف طلاب خريجين الهند شغالين برواتب عالية في دول الخليج وبنافسو مع الجنسيات التانية في الوظائف وانجليزي زي الفل .. اما الطلاب السودانيين الخريجين بمشو يشتغلو سيكوريتي وكول سنتر ..
اها كباية الشاي كملت ؟؟ حاسب ست الشاي وقوم شوف شغلتك

Saudi Arabia [اب شلاضيم] 09-06-2014 11:26 AM
خريجي الهند ؟؟؟؟
شكلك منهم .
مافي مقارنة بين الدراسة في السودان والدراسة في الهند .
الدراسة في السودان طبعا افضل وبشهادة الهنود انفسهم .



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة