الأخبار
أخبار إقليمية
مريم الصادق : اعتقالي تم بصورة شريرة تتنافي حتى مع قانون الأمن المعيب
مريم الصادق : اعتقالي تم بصورة شريرة تتنافي حتى مع قانون الأمن المعيب
مريم الصادق : اعتقالي تم بصورة شريرة تتنافي حتى مع قانون الأمن المعيب


حكت تفاصيل تعرضها للتعذيب الممنهج داخل معتقلات جهاز امن البشير
09-09-2014 05:03 PM
الراكوبة - الحرطوم

كشفت نائبة رئيس حزب الامة القومي الدكتورة مريم الصادق المهدي، عن تعرضها لتعذيب قاسي وبصورة ممنهجة داخل معتقلات جهاز امن البشير. واكدت في الوقت ذاته انها تعرضت لانتهاكات نفسية ومعنوية بالغة، من خلال وضعها في الحبس الانفرادي بسجن النساء بام درمان.


وسردت الدكتورة مريم تفاصيل اعتقالها بواسطة جهاز امن البشير، ووصفت لحظة الاعقتال بانها وحشية وتمت بصورة شريرة تتنافى حتى مع قانون جهاز الامن الوطني المعيب. وقالت الدكتورة مريم في مؤتمر صحفي بالخرطوم رصدته (الراكوبة): إنها تعرضت لاربعة استجوابات من قبل ضباط الجهاز، بغية انتزاع ما يدعم خطوة اعتقالها، واشارت الى ان ضباط الجهاز سعوا الى جرجرتها من اجل الحصول على معلومة ليستند عليها جهاز امن البشير في تبرير اعتقالها.


وذكرت نائبة رئيس حزب الامة ان الاستجواب الرابع كان اكثر وحشية، وسعى فيه ضباط جهاز امن البشير الذين قالوا انهم يمثلون الادارة القانونية للجهاز، الى تجريمها بصورة واضحة، وتهديدها بانهم يمكن ان يقوموا بتحويلها الى القضاء وفتح بلاغات تتعلق بتقويض النظام الدستوري والاتصال بحركات تحمل السلاح، في اشارة الى اعلان باريس الذي وقعه رئيس حزب الامة الصادق المهدي مع الجبهة الثورية.


ودلفت الدكتورة مريم الى باحة المؤتمر الصحفي وسط زغاريد عضوات حزب الامة القومي، وتخيرت ان تبتدر حديثها بالاشارة الى ان اطلاق سراحها يعد انتصار للاحزاب والقوى الساعية الى التغيير وانهاء حكم حزب البشير.


وشددت مريم على ان فترة الاعتقال التي استمرت لمدة (29) كانت عبارة عن تعذيب معنوي ونفسي مستمر، ودون انقطاع، واشارت الى انها حرمت من الاتصال باسرتها، وتم منعها من الحصول على اي انواع من الكتب، سواء ان كانت ثقافية او غيرها، ومضت تقول: "رفض جهاز امن البشير السماح لي بالحصول على المصحف او بعض الكتب الدينية، التي كانت متاحة ومبذولة للسجينات الاخريات، من خلال مكتبة السجن"، قبل ان يسمح لها مؤخرا بالحصول الى المصحف، وبالاتصال على اسرتها ومقابلتهم وتحديدا في الثلث الاخير من فترة الاعتقال.


وانتهت الدكتورة مريم الى انها لا تعلم سبب اطلاق سراحها، كما انها لا تعلم سبب اعتقالها، لان ضباط جهاز امن البشير الذين استجوبوها لاربع مرات متتالية، لم يسألوها مطلقا عن اعلان باريس. ونفت ان يكون جهاز امن البشير قد عرض عليها كتابة اعتذار من اجل اطلاق سراحها، وقالت انهم كانوا ياتون لممارسة الوصاية والاستعلائية، وإسماعها بعض التهديدات والاستقزازات. ولفتت الى انها ابلغت المحققين بان حزب البشير اورد السودان موارد الهلاك بسبب انه يمارس وصاية على الجميع، وانه ظل يحتكر الوطنية لنفسه، ويمنعها عن الآخرين.


وفي الاثناء اوصدت الامينة العامة للحزب سارة نقد الله الباب نهائيا امام عودة حزب الامة القومي الى لجنة الحوار الوطني المعروفة اعلاميا وسياسيا بلجنة "السبعتين"، وقالت ان عودة الحزب الى الحوار الوطني رهين بتهيئة المناخ العام، من خلال اطلاق سراح المعتقلين والغاء القوانين المقيدة للحريات.


واشارت سارة نقد الله الى ان حزب الامة سيستمر في تسويق اتفاق باريس الى القوى الاقليمية والدولية والداخلية، بوصفه اجاب على مطلوبات انهاء الازمة السودانية، ونوّهت الى ان اتفاق الوسيط الافريقي ثابو امبيكي مع لجنة (6 + 7) وقوى باريس (حزب الامة والجبهة الثورية) انطلق من اعلان باريس، وان بنود الاتفاقين الثمانية هي جوهر وخلاصة اعلان باريس.


تعليقات 55 | إهداء 0 | زيارات 21306

التعليقات
#1102427 [Hussam El din Babiker Mohamed]
0.00/5 (0 صوت)

09-11-2014 05:09 AM
عليك الله ماتستحي وتخلي الشغلة للرجال وشوفي ليك بيت يلمك ..... وهو ذا أبوك قدم للسودان شنو عليك الله ......غير تعويضات آل المهدي ...وقبضوا في حفلة....


ردود على Hussam El din Babiker Mohamed
[بت السودان] 09-11-2014 03:38 PM
ياجماعة ماتشوفو لينا حل لحكاية الدكتاتورية الذكورية فى الشرق الاوسط 25 سنة يارجال سويتو شنو وشغلكم شنو وللا انت كوز اصلها دى حركات كيزان لانهم بخافو من الحريم لانهن هن البصنعن الثورات ووراء كل ثورة ناجحة حريم خطرات


#1102055 [Adil A Omer]
5.00/5 (1 صوت)

09-10-2014 03:54 PM
وعذبونى تعذيب ممنهج قلت ليهم جيبوا لى بيتزا جابوا لى هوت دوق

وبعدين وصلنى عمو عمر بى عربيتو الشبح لحدى باب البيت وقال لى لو عملتى كده تانى ما عاجيب ليك حلاوه حربه

وكان المعتكل كووووووول ياى


ردود على Adil A Omer
United States [بركل بدر] 09-11-2014 12:48 AM
بالضبط ده واقع هذا الاعتقال يا عادل عمر / ويا ود العمدة بالله تمشي فيك التمثيلية البايخة الظاهرة دي؛ المسرحية بعنوان "فرتقة الجبهة الثورية المسلحة" ونسبة لطلب الجمهور الزي ود العمدة سيمتد العرض حتى نهاية عيد الأضحى.

[ودالعمدة] 09-10-2014 07:35 PM
يا ولد يا سحسوح دي مره انضربت من قبل وكسرت يدها وفتح راسها ,,كنداكة السودان بعشرة رجال من حزب بشبش الرقاص وناس حماده بنت ....ارجل يا وليد ارجل


#1102029 [ود الشمال]
0.00/5 (0 صوت)

09-10-2014 03:21 PM
الدكتورة مريم تقول ان اعتقالها بواسطة جهاز امن البشير ، كانت وحشية وتم بصورة شريرة ، وانها تعرضت لاربعة استجوابات وذكرت ان الاستجواب الرابع كان اكثر وحشية ......... سبحان الله إذا كان احد اخوانك المستشار للرئيس البشير والثاني ضابط برتبة كبير في هذا الجهاز الذي يطلق عليه امن البشير وابكي السيد الصادق المهدي المرضي عنه ، وفعلوا بكي كل هذا ،مسكينة والله عذبوكي ومالهم حق ... وكيف حال الابرياء من عامة الشعب السوداني الذين يعتقلون يومياً منهم من قضى نحبه ومنهم من ينتظر خلف قضبان السجون ؟لماذا لم تتحدثين يوماً عن هؤلاء المساكين الضعاف الذين لا ذنب لهم رغم عذاب هؤلاء الضعاف من الشعب السوداني المستفيد الاول انتي وحزبك ، لم تعقدوا مؤتمر صحفي واحد لكي تتحدثوا عن هؤلاء ، ام انكي الدكتورة مريم بنت الصادق المهدي مجرد اعتقالك واستجوابك ، وليس تعذيبك كما يفعلون بعموم الشعب السوداني عقدتي المؤتمرات الصحفية وتحدثت عن وحشية امن نظام البشير ؟؟؟؟؟ وبعد ذلك تريدون ان يخرج الشعب السوداني للشوارع ويقتلون ويعذبون ويسجنون من امن هذا النظام ، وانتم تأتوا لكي تحكم السودان علي بارد وتفشلوا كما فشلتم المرات السابقة ثم يأتي عسكري ويعذب الشعب السوداني سنين عددا ، يجب عليكم ايه الدكتورة تضحوا قليلاً لكي تكسبوا الكثير ؟ كيف تحكمون ؟؟؟؟؟؟


#1101999 [د. أحمد حموده حامد]
0.00/5 (0 صوت)

09-10-2014 02:29 PM
ألف حمد الله على السلامة دكتورة مريم الصادق المهدي . لقد أثبت انك حقاً جديرة َ بقيادة حزب الأمة والعودة به الى الجذور وتاريخ الآباء المؤسسين في الجسارة والشجاعة في قول الحق والدفاع عنه في مواجهة الباغين والظلمة .

الف حمد الله على السلامة والعودة سالمة لأبنائك .
نتمنى أن نسمع ايضاً اطلاق سراح المناضل ابراهيم الشيخ .


#1101996 [عارف]
0.00/5 (0 صوت)

09-10-2014 02:21 PM
إذا ما قدرتي تقنعي أشقائك عبد الرحمن ( مساعد الرئيس) وبشرى الضابط في ذات الجهاز عشان يستقيلوا من الحكومه و من الجهاز , الوحشي ذو القانون المعيب ده عايزه تقنعينا كيف؟ بعدين انا والله ما قادر أفهم مش هم اصلا إتعينوا في المناصب دي في صفقه بالاتفاق مع السيد الامام الصادق ؟ ولا الحكومه لوحدها سعت لتعينهم للاستفادة من مؤهلاتهم؟ والله حيرتونا!!!


ردود على عارف
Saudi Arabia [العاطفي الحيمادي الجهني] 09-10-2014 11:26 PM
في ناس غريبة جدا زي الزول ده . افترض إنو أخوانها ما قبلو نصايحها فما ذنبها هي ، وإقناعك انت مرهون بقناعات عبد الرحمن والبشرى أم بوعيك وقبولك للحجج . ياخي سيدنا نوح ما قدر يقنع ولدو لمن شالو الطوفان والرسول لم يقنع عمه الذي رباه وحماه أبو طالب أها رايك شنو ؟

United Arab Emirates [ود المك] 09-10-2014 04:03 PM
ياجماعة دي فبركة كبيرة وكدة بت الامام اصبحت مناضلة ذي ابوها وتستحق تبفى وزيرة وحتشوفوا , دي اسرة دنية عايشين على جهل الشعب السوداني من زمن اجدادهم كانو لايملكوا اي شي تعاونوا مع الاستعمار هم ومايسمى بالمراغنة واستولوا على المزارع والاراضي , جدهم المهدي رجل بسيط لدرجة انو اتزوج والموضوع واضح في امام الجرتق منذ ايام النميري والى الان المحصلة شنو تنظير واولادو في الحكومة وهو غواصة للحكومة ,,, قالت تعذيب قالت ,,, ههههههههه ارحموا نفسكم وارحموا المساكين , مؤهلات شنو ياشيخنا واحد نص عسكري جاي من الاردن والتاني امنجي ,


#1101907 [نزار عوض]
5.00/5 (1 صوت)

09-10-2014 12:26 PM
من اجل من يقبع المناضل الشريف ابراهيم الشيخ داخل سجون الكيزان السؤال موجهه الى عمالقة المعارضه السودانيه


#1101892 [انا سوداني]
5.00/5 (3 صوت)

09-10-2014 12:12 PM
يا ناس ده كلام شو اسي ده عقل والله يا مريم الكلام ده قولي لشعب
آخر يا ناش بشرى الصادق المهدي شغال شنو شغال تلج....ما ضابط أمن.


ردود على انا سوداني
Saudi Arabia [abusami] 09-10-2014 06:01 PM
شكراً واللة كلامك عين العقل وكفي.


#1101880 [radona]
5.00/5 (1 صوت)

09-10-2014 11:56 AM
ماذا كانت الدكتورة مريم ان يفعل هؤلاء غير الذي فعلوه
وهاهو النظام الحاكم ب 7 +7 قد وقع اتفاقا مع الجبهة الثورية برعاية ثامبو امبيكي وتم تدويل الحوار الوطني عمليا نتيجة انعدام الثقة فيما بين الاحزاب بعضها البعض والنظام الحاكم من جهة وانعدام ثقة الشعب السوداني فيهم جميعا
اصبحت المسالة فهلويات ولعبة البيضة والحجر وامور ثلاثة ورقات
دغمسة وجغمسة
هذا يتهم هذا بالخيانة الوطنية ثم يعود ويمشي في نفس خطاه
ثم يعتقله بدون سبب ويطلق سراحه ايضا بدون سبب
ويبقى المناضل الجسور ابراهيم الشيخ صامدا واقفا كالجبل الصلد هذا الرجل اصبح يمثل رمزية ذات مذاق خاص نسال الله ان يفك اسره فقد استطاع ان يرعب سجانوه ويفضحهم ويكسر كبريائهم وصلفهم


#1101857 [جناح ام جكو]
2.00/5 (1 صوت)

09-10-2014 11:33 AM
استاذة مريم ، نقول حمد لله على السلامة ، وأظنها دي أول مرة يتم إعتقالك. وكما ذكرتي لم تعرفي سبب أعتقالك كما لم تعرفي سبب إطلاق سراحك. أنا أشرح لك.
سبب إعتقالك هو قرب موعد الانتخابات وبدايه تحليل وضع الكتل الحزبية ومدى حجمها ووزنها حتى يتم التحوط من واقع المعطيات لتؤخذ في الحسبان.
أما سبب إطلاق سراحك فهو ظهور نتيجة التحليل التي وجدوا وزنها يساوي صفرا بالنسبة لحزب الأمة بعكس الذي كانوا يتوقعوه خروج الأنصار وأحداث شغب الخ.
ريحي بالك وخليكي مستشار للبشير .


ردود على جناح ام جكو
Sudan [khalid] 09-10-2014 02:20 PM
لا ليس هذا هو التحليل المنطقي للاعتقال بل النتيجة الصفرية معروفة بالنسبة لهم لكن يريدون ان يبعثو الروح في جسد حزب الامة يمكن تكون مستشارة الرئيس لشئون المراءة بعد الاعتقال لانها اصبحت بطلة (الناس ديل بيلعبوا بعقل منو )


#1101844 [مكرام]
0.00/5 (0 صوت)

09-10-2014 11:17 AM
اذكر لك موقفك الشجاع مع صفية اسحق التي اغتصبها امن البشير،ونحمد الله انهم اخرجوك دون ان تتعرضي الي ما تعرضت اليه المئات من بنات الغبش،هذا الوطن اصبح التعامل فيه طبقي من الدرجة الاو3


#1101835 [sudaniiy]
5.00/5 (1 صوت)

09-10-2014 11:13 AM
خلاص ما تزعلى ايتها المناضلة
انك رئيسة الوزراء القادمة
عشان ابوك يرتاح ويريحنا و يريحك انتى ذاتك


#1101824 [الكاهلى]
4.88/5 (7 صوت)

09-10-2014 11:04 AM
واخوانك وين يامقصوفة الرقبة ؟


ردود على الكاهلى
Saudi Arabia [العاطفي الحيمادي الجهني] 09-10-2014 11:32 PM
مفروض يكون الرد بأدب ياقليل الأدب


#1101748 [ممغوص من الكيزان]
3.00/5 (1 صوت)

09-10-2014 10:02 AM
حمد لله علي السلامه للمناضله الأستاذه مريم الصادق .. وعقبال البقيه من المعتقلين السياسيين ومعتقلي الرأي والصحافه


#1101734 [إمام سيد شمنتود]
4.75/5 (3 صوت)

09-10-2014 09:48 AM
يا أخواني مما جينا على وجش الدنيا حنا بنسمع بصادق المهدي وحزب الأمة ... كلام في كلام
أقول الصراحة صادق المهدي ده زول بتعت كلام بس يعني يوم يخطب يتكلم كلام كثير كثير جدا بلا فائدة يعني قرقر قرقر بالفلبيني العربي .
أنا عن نفسي كنت متأمل أنو الصادق ده يعمل حاجه سياسية لكن الظاهر عليه صاحب كلام بس !! لا يقدم ولا يأخر ... نبقى حزب سياسي قوي تهز الشارع السوداني والمجتمع السوداني ولديه أعلام قوي مأثر مش كلام في كلام !!! والبشير ده يبقالو طبيب إستشاري قوي عشان يعالجه ويرجع لصوابه قبل ما يلحق ناس معمر لببيا وناس حسني مصر وعبدالله صالح اليمن وناس البشار وزين العابدين وووو والدور عليك قرب يا بشير ... أصـــــــــــــــح.


ردود على إمام سيد شمنتود
[زول اصيل] 09-10-2014 10:25 AM
صدقت فان الصدق المهدي كثير الكلام وكان الراحل الشريف الحسين الهندي رحمه الله وهو من الساسة السودانيين الذين لن يتكرروا في السودان فهو نسخة واحدة فقط سمى الصادق المهدي """ ابوكلام """


#1101733 [إسماعيل آدم محمد زين]
4.50/5 (4 صوت)

09-10-2014 09:48 AM
الصادق زي ما فرتق التجمع داير يفرتق الجبهة الثورية!و عليكم ألا تنسوا صيد الأرانب و الفيلة !


#1101662 [abubaker]
4.00/5 (1 صوت)

09-10-2014 08:55 AM
سدد الله خطاك ووفقك


#1101655 [العمده]
4.98/5 (8 صوت)

09-10-2014 08:51 AM
رحمك الله يا عوضية عجبنا فانتى المناضلة بحق ...


#1101644 [جركان فاضى]
4.00/5 (10 صوت)

09-10-2014 08:41 AM
منعوك المصحف ومنعوك الكتب....طيب ما تكملى كلامك وتقولى منعونى شوفة اخوانى عبدالرحمن وبشرى


ردود على جركان فاضى
Saudi Arabia [أنا] 09-10-2014 11:03 AM
جركانك ملاااان ..


#1101637 [salwa]
3.50/5 (4 صوت)

09-10-2014 08:38 AM
التحية لك ولكل المناضلات والمناضلين الشرفاء .. والف حمدلله على السلامة.


#1101581 [عبدالحميد عبدالله]
3.00/5 (2 صوت)

09-10-2014 07:36 AM
حمدلله الف علي السلامة ايتها المنصورة
وعقبال باقي المعتقلين


#1101556 [sky painter]
4.50/5 (11 صوت)

09-10-2014 06:49 AM
بزعل شديد لما اسمع اسم حزب الامة القومي...حزب تديره اسرة واحدة و تأثيره لا يكاد يتعدى حي ود نوباوي و يسمونه زورا و بهتانا حزب الامة القومي ؟؟ ..مفروض يسموه حزب ال المهدي بودنوباوي


ردود على sky painter
Saudi Arabia [أنا] 09-10-2014 11:07 AM
شكرا .. لعلك تقول على لسان الكتيابي:

مالى ألون واجهات الأفق للعميان والشاكين من رمد البصيرة و .....


#1101554 [الهندي عزالدين]
5.00/5 (4 صوت)

09-10-2014 06:47 AM
سجن امدرمان للتساء، حبس انفرادي
الزله وين اسع


ردود على الهندي عزالدين
Saudi Arabia [العاطفي الحيمادي الجهني] 09-10-2014 11:36 PM
ياك الهندي عز الدين المتسلق ولا زول منتحل الإسم

Saudi Arabia [منو العوض] 09-10-2014 12:56 PM
انت ما شفت السجن في المانيا لما مشيت السجن في المانيا غرفة مكيفة وفيها بلازما وجمام داخلي ويوميا الصحف تطلبها يجيبوها ليك والاكل البنفع معاك ومش كده وبس كل يوم يقيسوا ليك الضغط السجن في المانيا يا الهندي احسن من العيشة العامه في السودان وبالاخص في عهد حكومة المؤتمر الوطني!!!!!!

Saudi Arabia [أنا] 09-10-2014 11:08 AM
كارثة لما الزول يكون أسمه وصمة..

Jordan [الهندي عزالدين] 09-10-2014 10:27 AM
لما الصادق و اولادة عرفو انو مافي ليهم امل في الحكم تاني قالو احسن تمسكو مريم،
و عشان تمسكو مريم لازم شوية تلميع و صنفرة


#1101540 [ALI]
5.00/5 (10 صوت)

09-10-2014 06:28 AM
بيت المهدي مفروض يسمي هولي وود, يجد بة ممثليين بارعين.


#1101466 [Hussein Hamid]
5.00/5 (4 صوت)

09-10-2014 01:53 AM
نرجو ان تعرض علي طبيب نفسي لتقيم الاذي النفسي و التدمير المعنوي الذي أصابها نتيجة لتصريحاتها لتكتشفوا صدق بنت الحبيب دون كيشوت ( معتوه فرسه و سيفه من خشب كان يحارب طواحين الهواء ) بنضالها سيراً علي خطاه .
السؤال الحير ابليس في عرشه ، من هو الحبيب دون كيشوت و من هم أبناء الحبيب دون كيشوت الذين معه و ضده . عموما رحم الله الفاضل سعيد الذي انتقل لرحمة ربه مبكرا و لم يشهد روائع الحبيب .


#1101436 [tom]
5.00/5 (8 صوت)

09-09-2014 11:48 PM
حكاية عودة مريم الى السودان، ووالدها زيارة مصر ثم مسرحية الاعتقال وكلام عن التعذيب تحكى سناريو مفبركة من المهديين والانقاذيين لللتضليل ما يسمى بالجبهة الثورية و صيده فريسة مسالمة فى مياه ، اعيتها اوار الحروب ، ووقد افلحوا فيها إيما فلاح، انها حكاية تحكى قصة نرجسية وإلا ما كانت هرولة النظام اسرعها بتوقيع على وثيقة المبادئ، اين هم طيلة هذه السنيين الماضية ،الحرب والهلاك والدمار على البلاد والعباد، بالله درك يا انسان دارفور.


ردود على tom
Saudi Arabia [سامي] 09-10-2014 09:25 AM
تمام ياتوم مسرحية وبس


#1101433 [omer]
4.99/5 (9 صوت)

09-09-2014 11:41 PM
وذكرت نائبة رئيس حزب الامة ان الاستجواب الرابع كان اكثر وحشية، وسعى فيه ضباط جهاز امن البشير الذين قالوا انهم يمثلون الادارة القانونية للجهاز، الى تجريمها بصورة واضحة، وتهديدها بانهم يمكن ان يقوموا بتحويلها الى القضاء وفتح بلاغات تتعلق بتقويض النظام الدستوري والاتصال بحركات تحمل السلاح، في اشارة الى اعلان باريس الذي وقعه رئيس حزب الامة الصادق المهدي مع الجبهة الثورية.

وين الوحشيه هل هو الاستجواب ثم كيف يعاملونك بوحشيه و اخوانك واحد ضابط في الجهاز نفسه و نعرف ان السودانيين مجاملين يعني عشان خاطر بشري بس
و الاخ الاخر مسااااااعد البشير يعني ناس قريعتي راحت ديل ليهم الله
و ان قد حدث هذا لاختهم و عرضهم و حرمتهم و لم يحركو ساكنا و لم يهتمو لعرضهم فمعني هذا انكم يا ال المهدي عندكم مشكله كبيره و انا استبعد هذا لانه اعتقد ان اخوانك رجال
ككل سوداني لا يرضي ان يهان عرضه و لكن هذا تلميع لسيد جديد او سيده سوف يعيش علي اشلاء جزء من هذا الشعب
الظلم ظلمات يوم القيامه لا نرضاه لك و لا لغيرك و اضعف الايمان ان نرفضه بقلوبنا و ندين سجن مريم و غير مريم ظلما
كثير من حرائر هذا البلد ظلمن داخل و خارج
السجن اكثر منك بملايين المرات و ليس لهن لا ضابط و مساعد رئيس و لكن لا يجدن و لا يفهمن معني مؤتمر صحفي حتي ساره نقد الله التي تقف بجوارك وهي احق منك بنائب الحزب و السفر الي باريس و عمرها السياسي اكبر حتي من عمرك كله اليس هذا ظلم ومحاباه و طائفيه و استخفاف بالعقول و لعب علي ابناء هذا البلد الغلبان يا من تحبون الناضلات اذهبو الي اقرب سوق هنالك الاف منهن مسجونات ك النهار تحت الشمس و سوء الظن و عبد الرحمن الخضر و لا بواكى لهن
مريم لها من يبكي عليها مساعد البشير و يمكن البشير نفسه و ضباط الجهاز و سوف يحتفل بها سنين و لقاءات صحفيه و مناضله و المنصوره و بنت الحبيب و الدكتوره فهي لا تحتاج الي كل هذا التطبيل ضعفاء بلادي يحتاجون وقوفكم معهم من لم ينال حظه من التعليم و الفقراء و الارامل المفصولين تعسفيا و بالتمكين ستات الشاي و بائعات الكسره و اصحاب الدرداقات و الذين هدمت منازلهم السيول و الامطار بالتاكيد مريم ليست جزء من هؤلاء كلهم مريم اليوم عيد عندها و اكيد سوف تزبح الزبايح و ما لذ و طاب من الاكل و ممكن يكون من مال الحزب وهو مال الشعب و تعويضات الحكومه لحزب الامه هذا الشعب اذا لم يعي و يتعلم اننا كلنا سواء لن ينصلح الحال

ولفتت الى انها ابلغت المحققين بان حزب البشير اورد السودان موارد الهلاك بسبب انه يمارس وصاية على الجميع، وانه ظل يحتكر الوطنية لنفسه، ويمنعها عن الآخرين.
ومن يبلغك و اباك ان ساره نقد الله و غيرها كانو و لا زالو احق منك و من كثير من من ال المهدي بمناصب الحزب العليا و من يبلغ اباك ان احتكار رئاسة حزب الامه لاكثر من ستين عاما فيه ظلم لكثير من الاجيال من هم وطنيين و قلبهم علي هذا البلد
وهذا الحزب يمكن اكثر من ابيك نفسه هذا كلها تمثيليات لصناعة و ولادة اسياد جدد لستين سنه اخري و نحن نهلل و نكبر وحتي نشتم و ننتقاتل من اجلكم يا دكتوره و نزغرد و من بين من يزغرد لك سوف تجدين من تملك حتي ربع ما ملكتيه داخل السجن و لم تتعلم و لم و لن تعلم اولادها وهي تخدم ال المهدي سنين عددا

اتقو الله في الشعب السوداني


ردود على omer
Saudi Arabia [Omer] 09-10-2014 09:43 PM
ابو سرت انا لا الومك في عشقك وهيامك في ال المهدي و هذا حقك لكن أيضاً لا تستكثر علينا كره كل من في الساحل السياسيه لأنهم هم الذين اوصلونا لهذا الدرك و ال المهدي جزء أصيل و شريك أساسي في كل هذا التدهور
و لكل العتبي حتي ترضي
نقل فؤادك حيث شئت من الهوي ما الحب الا للحبيب الاول

Netherlands [Anas] 09-10-2014 04:02 PM
الأخ / عمر لك الشكر على هذا التعليق الرائع الذي أوردت فيه كل صغيرة وكبيرة وتسليطك الضوء على اللاتي لا صوت لهن وهن في امسة الحاجة لمن يدافع ويتحدث بالإنابة عنهن ، لك الشكر مرة اخري

Saudi Arabia [متفائل] 09-10-2014 02:03 PM
هذا زمانك يامهازل عجيب والعجب العجاب المعلق (أبوسرت ) ينعت الملق ( omer ) .بأنة غير سوى.!!!.وأننى أجزم وأؤكد بانة من السودانيين القلائل من ينطبق علية وصف سوى وواضح وذو نظرة فاحصة ومحلل جيد وجرى وقوى التعبير .وأكثر وأكثر ولن أستطيع الوصف والتعبير أكثر من ذلك لاننى أشارك الاخ Omer ومثلنا جل الشعب السودانى مررارات مايدور فى الساحة من كذب وطمس وتشويه الحقائق والمسرحيات الباهتة الاخراج.

United States [Majour] 09-10-2014 12:12 PM
تعليق رصين وفى غاية الشجاعة فى قول الحقيقة المرة,

United States [البطريق] 09-10-2014 12:08 PM
عليك الله يا ابو سرت الما سوي منو هسه؟؟؟؟بكلامك الكتبتو ده يدل علي انك اكبر وهم وقنبورك مترين,,,,كلام عمر ده في الصميم ولي كل الوهمانين ذيك ومتابعين ناس سيدي والحبيب والمنصوره والمقبوره ول ول ول ول ماعارف شنو.

United States [جنرال زمان] 09-10-2014 11:12 AM
وليه يا أبو سرت تجزم بأن الراجل غير سوي وهو لم يقل إلا الحق وصدق في ما أورده!!!!!!!!!! عفارم عليك يا عمر...... وكفى

Saudi Arabia [منو العوض] 09-10-2014 10:35 AM
كلامك عين الحقيقة ويقولوا الحقيقه مره ومارد ابوسرت الاانه شعر بالمراره وافلس وكيف سمحوا لمريم بعمل مؤتمر صحفي وهي تخرج من المعتقل خلاص يامانديلا!!!!!!!!

Sudan [Productive Urbanization for One Nation] 09-10-2014 10:29 AM
01- يا [ابو سرت] ... هذا الكاتب المعلّق ...[omer] يفكّر ويكتب بطريقة عمر القرّاي ... و هو فعلاً غير ناضج ... لأنّه لم يبلغ درجة الصالة الفكريّة ... والكتابيّة ... ؟؟؟

02- ولقد تجلّى ذلك حينما كتب ( اكيد سوف تزبح الزبايح ) ... ؟؟؟

03- أمّا الدكتورة مريم ... فهي أرجل راجل ... وأبلغ خطيب ... وأكبر مفكّر ... وأنبل مناضل ... وهذا لا يحتاج إلى دليل ... وكذلك عبد الرحمن وبشرى ... والصادق المهدي ... ومبارك المهدي ... وغيرهم من آل المهدي ... وهذا ليس عيباً ... لأنّ مساحة النضال واسعة ... تتّسع للجميع ... وحرّة تمنح حريّة إختيار وسيلة النضال للجميع ... من أجل إعادة تحرير وتوحيد الوطن ... ومن ثمّ النهوض الأمثل بكامل الوطن ... بكلّ عقول وكلّ سواعد وكُلّ أموال هذا العوطن ... الواحد ... برغم أنف امثال [omer] ... ؟؟؟

[Abo Ahmed] 09-10-2014 09:29 AM
كلامك منطقي وصحيح 100% ياعمر.

Qatar [ابوغفران] 09-10-2014 09:19 AM
ياعمر انت وهم ولاشنو ؟ يعنى مريم الا تشتغل ست شاى حتى تعترف بها كمناضلة (مع كامل الاحترام لستات الشاى المناضلات ).

Saudi Arabia [ابو سرت] 09-10-2014 08:27 AM
اكاد اجزم انك رجل غير سوي .. وكفى


#1101412 [Al-Ansari]
4.50/5 (2 صوت)

09-09-2014 10:34 PM
قال رسول الله صلى الله عليه وسلم
ما أكرم النساء إلا كريم وما أهانهن إلا لئيم
اللهم ألعن الكيزان اللئام الحراميه فى الأولين والآخرين


#1101401 [الخفير الاستراتيجي والمتخصص في أمراض المزمنة والمستوطنة وال]
4.96/5 (7 صوت)

09-09-2014 09:55 PM
لولا فشل الصادق المهدي في ادارة فرصته لما أتي عمر البشير وزمرته وصاروا آفة في رقاب العالمين يصعب الفكاك منها، وقد اثبتت تجارب الايام ان ضعف الصادق (حكيم الامة) في ادارة حزبه وادارة الديمقراظية وادارة البلد، كان سببا في ضياع حزب الامة وتقسيمه اربا، وكذلك كان سببا بالكفر بالديمقراطية باعتبارها لا تحقق أدنى مطامح الشعب (والدلالة على ذلك لم تنجح اي ثورة مضادة لاقتلاع الانقاذعلى غرار اكتوبر وابريل خوفا من تكرار تجربة الديقراطية الثالثة الفاشلة التي كان الصادق على قمة سنامها). كما كان فشل الامامبصورة لا تخظئها عين ولا بصيرة في اضاعة البلد باعطاءالفرصةسانحة للعسكر بالانقضاض عليها والسيطرة على مقاليدها بصورة لم يسبق لها مثيل في تاريخ السودان.(علما ان الانقاذ وجدت ترحيبادوليا ووطنيا واسعا في بداياتهاقبل ان يظهر الوجه القبيح لها والمتمثل في الفسادبكافة اصنافه واشكاله والذي أدى بدوره الى القهر والتجويع والانقسام).فالفرصة التي اعطيت للصادق المهدي (مرتان) لم تعظ لاي حاكم او رئيس سوداني ولا اعتقد ستعطى مرة اخرى لا للصادق ولا لغيره. فحتى عمر البشير استطاع ان يحتفظ بالسلطة ليس بحب الناس له، انما بواسطة القوة وآلة التخويف والجبروت الأمني. مما ادى ذلك الى انفصال الجنوب وخروج معظم اراضي دارفور وكردفان وجبال النوبة والنيل الأزرق من دائرة السيادة الوطنية بسبب التمرد والاقتتال..... نحن نطالب بحكومةتكنوقراطيةمدنيةونظام مختلط (برلماني رئاسي)أي: رئيس جمهورية منتخب ورئيس جهاز تنفيذي(رئيس وزراء) أيضا يكون منتخب. مع وجود دستور قومي متفق عليه. في ظل وجود برلمان حقيقي فاعل، ومؤسسات سيادية وعسكرية مهنية تستطيع ان تحافظ على الدستور والقوانين التي تحافظ على علاقات المواطنين وحقوقهم....


#1101400 [Adam Ibrahim]
5.00/5 (1 صوت)

09-09-2014 09:49 PM
تحية وإحترام لكل شرفاء بلادى..


#1101398 [عادل احمد]
5.00/5 (3 صوت)

09-09-2014 09:47 PM
(وفتح بلاغات تتعلق بتقويض النظام الدستوري) سبحان الله العظيم اصبحتم ياناس الانقاذ تتكلموا عن تقويض النظام الدستوري ( انتو جيتو كيف ؟ ) ألم تنقلبوا وتقوضوا نظام ديمقراطي دستوري قائم منتخب من قبل الشعب . قال الله تعالي في محكم تنزيله ( كمثل الشسطان إذ قال للانسان أكفر فلما كفر قال اني برئ منك اني اخاف الله رب العالمين ) صدق الله العظيم .
لكن صراحة حكاية تقويض النظام الدستوري دي حلوة شديد ملعوبة هههههههههههههه.


#1101382 [rasco]
4.00/5 (2 صوت)

09-09-2014 09:05 PM
الحرية لكل مناضلي شعبي من نمولي لحلفا ومن الغرب للشرق
الحرية لستات الشاى في ام بده والحاج يوسف ومايو والسوق العربي
والحرية لاسامه و محمد احمد وادروب وابكر ودينق وجمعة وخميس في سوق امدمان العرب وبحري ولجميع الباعة المجوليين من الكشات وربنا يسلمكم
سلام يا وطن


ردود على rasco
Sudan [nagatabuzaid] 09-10-2014 09:33 PM
اقول لك ياراسكو الثورة ضد الطغيان لن يقوم بها الا من ذكرتهم ولن ينجحها الا هم مع تحياتى


#1101376 [عجلاتي]
5.00/5 (4 صوت)

09-09-2014 09:00 PM
يا جماعة لازم تلاحظوا
لتعليقات كلاب الامن و الجداد الذين يدخلون هنا للتعليق
و ما تنجروا ورائهم ساااي كدة
مريم شجاعة
و مواقفها تحكي عنها..انها دوماً في صف الجماهير
يجب فصل مواقف مريم عن ابوها الصادق
مهمة كلاب الامن شتم المعارضين دوماً
و في خاتمة المطاف الغرض هو
انو مافي زول/ة يصلح لحكم السودان
إلا الكيزان...و الذين هم أقذر و اتفه من مشى على ارض السودان
اعملوا حسابكم من كثير من التعليقات السلبية
اقول قولي هذا و استغر الله لي و لكم
قوموا الى نضالكم يرحمكم الله


ردود على عجلاتي
United Arab Emirates [ود بادي] 09-10-2014 04:09 PM
مريم الشجاعة واحدة درسونا ليها زمان في الابتدائي , وماتنسى عبد الرحمن شجاع وبشرى برضو شجاع وابوهم الصادق ابو الشجعان , كيف تفصل المواقف وهي نائبة ابوها في الحزب وهو المثل الاعلى عندها ولو لا ابوها ما كان انسان يعرفها ,,, ياناس ماترحموا نفسكم وتتحرروا من حياة القطيع والجري وراء السادة ,

Saudi Arabia [الباشبزق] 09-10-2014 01:34 PM
يا قرف يعني انت عايز ناس الأمن يعذبوا مريم و يقتلوها جوة السجن عشان تثبت انها مناضلة
والله الفهم قسم

United Arab Emirates [قرف وقهر] 09-10-2014 08:57 AM
انت كذااااااااااب ومريم كاااااااااااااذبة .. ونحن نعرف تماماً كيف يتعامل جهاز الامن والسلطة عموماً مع آل المهدي والميرغني وابناء المتسلطين .. لو كان هذا المعتقل من عامة الشعب الغلبان كان مات من العذاب والمناضل الحقيقي والذي يحمل هموم الشعب هو ابراهيم الشيخ .. مريم كااااااااذبة كااااااااااااذبة ولها طبالين ..

[AburishA] 09-10-2014 12:33 AM
لك التحية اخ عجلاتي.. صدقت,, ونحن نعرفهم من نتانتهم وسفه القول ,, وللعلم الواحد فيهم بعلق بعدة اسماء لكن من غبائهم الاسلوب واحد.. والتحية للمناضلة مريم ولكل المناضلين الشرفاء

Saudi Arabia [omer] 09-10-2014 12:04 AM
ماذا فعلت للجماهير بالله نورنا
و الله لو سالو اي واحد من الشعب السوداني ان يسافر الي باريس و يسجن 29 يوم و زي سجن مريم كان قدم لك كل الشعب طلباتهم
نضال في باريس وقوف بجانب الشعب في باريس يعني الحكومه ما كنت عارفاها مسافره للمعارضه لماذا لم يمنعوها لان الصادق الان بدرب في اولادو للستين سنه الجايه و اول اتفاق مع الحكومه سوف يكون لمريم دور كبير دا كله بس شهيييييير واحد في السجن


#1101363 [Rebel]
5.00/5 (8 صوت)

09-09-2014 08:19 PM
* لك الله يا ابراهيم الشيخ, ايها البطل المقدام, و قائد الثوره الشعبيه القادمه و المنتصره, بإذن الله.
* لقد ظللت فى معتقلات اللئام, ايها المغوار الشجاع منذ شهر يونيو. و حرمت من ابسط الحقوق الإنسانيه الضروريه, مثل العلاج. و طاف بك المجرمون جميع سجون كردفان.
* و إمعانا فى تعذيبك لكسر شوكتك, اخذوك على ظهر عربه, و انت فى اشد حالات المرض, الى العاصمه بدعوى العلاج بمستشفى الشرطه(الذى هو تبع الأمن), ثم ارجعوك ثانية بذات الطريقه اللئيمه الى سجن الفوله, ثم سجن الأبيض بدعوى المحاكمه التى لم تتم, و لن تتم بإذن الله الواحد الاحد, الجبار المتكبر, الحكم العدل.
* لكن المفرح لنا حقا, هو ميلادك كبطل و قائد من رحم هذه الامه الصابره, تتوفر فيه صفات القياده و الرياده و الشجاعه و الصمود و وضوح الرؤى و الهدف.
* و التحية الصادقه لك فى محبسك, الذى ستغادره ظافرا, و قريبا انشاء الله. و هنيئا للشعب السودانى بقيادتك الجسوره الهادفه...و قد علمنا التاريخ ان, هكذا, دائما ما يولد الابطال: من رحم معاناه الامم, ليس بالوراثه و الشعوذة و الخيانه, و إنما بمواقف الرجال.


ردود على Rebel
Saudi Arabia [مدني الحبيبة] 09-10-2014 07:31 AM
معلوماتي شحيحة حول حزب المؤتمر السوداني ، لكن زعيم الحزب استطاع ان يسطر تاريخ للبطولات بمواقفه الشجاعة ، وهذا اجابة لي وللكثيرين الذين يعتقدون بانه لاتوجد بدائل للكيزان والطائفية ، حقيقة هذا الرجل يمكن وصفه بمانديلا السودان ،، وعلينا جميعا ان لانتخذق حول تلك الفكرة الخانقة بعدم وجود بدائل ، (نميري ،عبود ، البشير) هل هؤلاء كانوا معروفين قبل استلامهم للحكم، سنة الحياة التغير والتبديل ، حتى لو كان الحاكم له رصيد هائل من الانجازات لايمكن ان يكون حاكما ابديا ، ولكن التاريخ والاجيال المتعاقبة سوف لن تنسى المحاسن والمساوي لاي نظام كان ، نرجع لموضوع ابراهيم الشيخ مطالبة الصادق المهدي وغيره من التنظيمات السياسية الاخرى واخص الجبهة الثورية وقوى الاجماع الوطني لم تكن مطالبها اتجاه اطلاق هذا الرجل بزخم كبير وانما مطالبات خجولة جدا من واقع قصر نظرها وعدم فهمها العميق لمبدا تحرير القادة الافذاذ المنافسين لهم في الملعب السياسي .

Saudi Arabia [omer] 09-09-2014 11:56 PM
وعن أم سلمة أن قريشا أهمهم شأن المخزومية التي سرقت ، قالوا : من يكلم فيها رسول الله - صلى الله عليه وسلم - ؟ فكلموه في ذلك ، فقال رسول الله - صلى الله عليه وسلم - : " إنما هلك الذين من قبلكم أنه كان إذا سرق فيهم الشريف تركوه ، وإذا سرق فيهم الضعيف أقاموا عليه الحد ، وايم الله لو كانت فاطمة بنت محمد لقطعت يدها " .
لنقل للناس ان ابراهيم الشيخ و غيره ضعفاء يحتاجون من يقف معهم اكثر من مريم


#1101362 [nagatabuzaid]
5.00/5 (1 صوت)

09-09-2014 08:19 PM
الاستجواب الرابع ووالتهم التى ذكرها ضباط الامن هى نفس عبارات سامية ومحمد بلال مما يؤكد انهم عصابة تتفق على صياغة التهم لمن يريدون لا تردد غاتوا يا سمية انت ما حتقدرى على مريم كدى خليك فى جغمستك واصلا النظام مقوض واركانه اتدشدشت قرب يتكوم


#1101355 [jimi]
5.00/5 (1 صوت)

09-09-2014 08:07 PM
حمد الله علي السلامة يا صنديدة
أشهد بأنك مناضلة شجاعة ومصادمة وصادقة
ياريتك تتولي رئاسة الحزب عشان نشهد تغيير جزري في حزب الامة
اقول هذا لان ابوك زرع فينا الخوف من حزبكم بمواقفو الحرباوية المايعة والملونة
وآسف يا أستاذة علي الكسرة
كامل الاحترام والتقدير والمحبة لشخصك الكريم


#1101354 [محمد علي]
4.75/5 (4 صوت)

09-09-2014 08:06 PM
غبد الرحمن اخوك ما جاب ليك مصحف
تاني ما تزغرد ليهو في عيد ميلاده


ردود على محمد علي
Saudi Arabia [omer] 09-09-2014 11:52 PM
في زواجو لان البشير قال لازم تتزوج و اداه مده محددة و اظن نفذ


#1101323 [AburishA]
4.88/5 (4 صوت)

09-09-2014 07:10 PM
لك تعظيم سلام.. د. مريم الصادق والتحية لكل المناضلين الشرفاء..

نعم هو ديدن النظام وكلاب أمنه في التعذيب القاسي وبصورة ممنهجةوالانتهاكات النفسية والمعنوية البالغة، نعم هو ديدنهم في ممارسة الوصاية والاستعلائية، هو ديدنهم في اسماع التهديدات والاستقزازات. وهل لهم غير ذلك.. انهم يشبعون عريزتهم في اذلال المناضلين الشرفاء وكسر شوكتهم.. ولكن هيهات ان تلين للمناضل قناة..


#1101318 [أبادماك]
4.69/5 (5 صوت)

09-09-2014 07:05 PM
عقبال المناضل ابراهيم الشيخ و الآخرين .


#1101317 [عبد اللطيف مصطفى الطريفي]
4.75/5 (3 صوت)

09-09-2014 07:04 PM
اقترح تسمية هالحزب حزب الحريم ،،، يعني كان ح يحطوكي في غرفة نووم!؟؟ ما هو لازم يحطونكي في السجن ،، نحن نشهد ان الحكومة الحالية على رأسها البشير حكومة فااشلة ولكن هل كان حزب الأمة ناجحا في فترات حكمه!!؟ هذا الحزب الفاشل ايضا بقيادة زعيمه الأكثر فشلا فشل فشلا ذريعا حتى في المحافظة على الديقمراطية التي دفعت به للقيادة ،، بعد ذا ماذا تريد مريم وابوها الانشقاقي؟


ردود على عبد اللطيف مصطفى الطريفي
Saudi Arabia [المســــــيري] 09-10-2014 07:57 AM
وبعدين، ما عرفناك يا اللخـووو انت من مارنجان حلــة حســن ولا من وديـان تهـامة؟ شنو يا الطــريفي شابك الناس يحطوكي .. ويحطونكي .. يا أخوي ماتنعدل شوية وسيب مريم وأبوها الانشقاقي ده وورينا أنت فلاحتك يافالح.

Qatar [كاكا] 09-09-2014 09:13 PM
شاطر ْْْْ ايه الشطارة دي وهل تساوي 3 سنوات ديمقراطية ب 25 سنة كبت وفساد وكذب وتكميم للافواه


#1101316 [أمة الامجاد]
5.00/5 (8 صوت)

09-09-2014 07:04 PM
تمثيل
امينه رزق


ردود على أمة الامجاد
United Arab Emirates [قرف وقهر] 09-10-2014 09:01 AM
انت فهمك عمييييييييييييييق


#1101312 [muss]
5.00/5 (7 صوت)

09-09-2014 06:58 PM
بالله قوموا لفوا بلا مسرحيات بلا هرجله فارغه يلعن الامه علي الوطني علي باريس ذاتها


#1101310 [salola]
4.50/5 (3 صوت)

09-09-2014 06:56 PM
والله ما كنت داير اعلق بس كلمة شريره الوارده علي لسان مريم دى حرقتني وادتني احساس انو مريم دي بريئه سياسيا البراه حقت الاطفال ديك


#1101301 [المانجلك]
4.94/5 (7 صوت)

09-09-2014 06:44 PM
قومي لفي لفاك بلا يخمك انتي وابوكي واخوانك ...حتي التمثيل ما بتعرفو ليهو
دايرين تغشو منو


ردود على المانجلك
Sudan [nagatabuzaid] 09-10-2014 09:42 PM
رد على المانجلك الاصلى الما مزور لانك كشفت الجداد المزور لك الف تحية

United States [المنجلك] 09-10-2014 06:41 AM
يا أمنجي انتا سارق الأسم. أنا المنجلك الأصلي وضفر مريم يساوي جهازكم كلو وسوف يأتي يوم الزينة ولن نأخذ رهينة اكسح امسح مافي شغل ني.

United Arab Emirates [السودان] 09-10-2014 01:28 AM
دا سبب بقاء الانقاذ يا المانجلك لنكم ما تفهمو المعارض باليعتقل ويعذب من المسرحية يا اخى خليك فاهم شوية انت عملت اشنو غير الكيبورد

Saudi Arabia [omer] 09-09-2014 11:45 PM
عزيزي المانجلك عدد مقدر من الشعب لا زال يسبح بحمد ال المهدي و ال 0000و يصدق هذه المسرحيه و يدافع و يقاتل حتي عتها و الدليل انظر الي التعليقات


#1101295 [خالد حسن]
4.88/5 (4 صوت)

09-09-2014 06:33 PM
حمدالله علي السلامه طلعتي ارجل من اخويك الخايبين بشري وعبدالرحمن
بس بعدين ماتشركوهم في اي سلطة متتخبه وماتقيفوا بين الشعب ومحاسبتهم علي مشاركة نظام ديكتاتوري
مش لو بقو اولاد الصادق لو بقوا اولاد رسل زاتو لازم نحاسبهم .. وده الطريق الوحيد للاصلاح ( مافي زول في القانون) والمحاسبه للجميع
وهو الطريق لبناء دولة المؤسسات والديمقراطيه والمدنيه
فرج الله عن ابراهيم الشيخ وجميع المعتقلين في سجون الانقاذ وكلابها


ردود على خالد حسن
United Kingdom [خالد حسن] 09-10-2014 08:32 AM
لا اعتقد انها او ابوها سيسمح بمحاكمة اخوها واو ابنه
لكن هذه المره غير نحن حماة الثوره ووقود المحاسبه والصادق وحزبو ما اظن حايكون ليهم كلمة في هذا الشأن
لان الكلام كلام الشارع
والشارع هو البحاكم والشارع هو البعاقب

Saudi Arabia [omer] 09-09-2014 11:50 PM
بيت نساءه ارجل من رجاله اليس هذا فشل كبير اليس عيبا علينا ان ننتظر هذا البيت ليحكمنا و هل تظن ان البنت سوف تحاكم اخويها او الاب سيحاكم ابناءه اذا حكمونا
و نحن بكل فخر ننتظر حكمتهم


#1101277 [khawal]
4.75/5 (4 صوت)

09-09-2014 06:11 PM
اعتقال شنو ؟؟؟؟؟؟ من يعتقل من ؟؟؟؟؟ دى اصلا لعب بعقول الشعب !!! ومستحيل عكسى المعنى \\\ دى اصلآ جزء من الارهاب للشعب علشان ما يقول الحقيقة وواضح ما عاوزة تفسير علي الاطلاق \\\ ودى لالالالالازم ح يضاف فى القوائم السابقة بدون شروط ]]]


#1101266 [Abumohamed]
4.50/5 (5 صوت)

09-09-2014 06:00 PM
اين اخوك بشرى وهو ضابط كبير في جهاز الامن؟ معقول مافي واحدة من بنات المهدي بتعمل في الجهاز تساعدك؟
انتهت المروءة و الخوة

المؤسف ان وزنك زاد بصورة ملحوظة ....


#1101265 [سوداني رغم أنفك]
4.82/5 (5 صوت)

09-09-2014 05:59 PM
بالرغم من أننا لا نعرف حتى الآن لماذا اعتقلت ولماذا تم اطلاق سراحها، إلا أن خروجها لم ينقصها أي شيء، تماما مثلما كان الأمر مع والدها الصادق والترابي، هؤلاء يتم التحفظ عليهم احتياطيا، لامر في نفس النظام، ولا ابالغ إن قلت أن هؤلاء أيضا لهم دور في هذا التحفظ، أما ما تريد تمريره من تعذيب وتنكيل، فبالله عليكم رغم أننا كلنا يعرف أن هذا النظام وحشي، لكنه يقتل ويعذب المساكين من الشعب فقط، ولا يجرؤ على تعذيب كبار السياسيين وذلك أيضا لحاجة في نفوسهم، ولاقتسام المصالح المعروفة، فهم معارضة خيبة الأمل للشعب السوداني، وهم من باعوا القضية منذ اليوم الأول لحكم البشير الترابي، فهل بعد ذلك نتحسر على المعارضة


#1101254 [المهندس سلمان إسماعيل بخيت على]
4.88/5 (5 صوت)

09-09-2014 05:40 PM
ويا دكتورة مريم أخوانك ديل لو الواحد فصلوه يسوى دولاب ستة ضلف
عملوا شنو ؟ ماقدروا يدخلوا ليكى مصحف فى دولة المشروع الحضارى
والله عيب وحقوا يلبسوا طرح ويدخنوا وأنتى يا مريم تتلفحى توب قنجه 10 ضراع وتشيلى عكاز وسيف وسكين دق ابو رجيله فى ضراعك الأيسر وتهزى وتبشرى فوقنا كلنا ونديكى شبال
عفيت منك وربنا يحفظك جددتى الدم فى حزبك وناس كتار قررت تنضم لحزب مريم أنديرا السودان الجديد عفيت منك ياحفيدة الإمام عبد الرحمن وأبنة الأمام الصادق
والسجن للرجال وأنتى رجل


ردود على المهندس سلمان إسماعيل بخيت على
Sudan [nagatabuzaid] 09-10-2014 09:49 PM
يا مهندس سلمان يااخوى انا رايى فى اعتقال مريم كان واضح ورايى وموقفى من عدم مراجعتها لابيها كان واضح ولكن تفتكر ان اخويها الحبيبان يشاركان فى الحكومة دون رضاها ما معقول وده واضح مع تحياتى

United Arab Emirates [ود المك] 09-10-2014 04:19 PM
ههههههه . يا قطيع متين تفهموا,, هي ما راح تتنازل عن ابوها الغواصة وحزب القمة , وانديرا ابوها مناضل ومفكر دي ابوها منظراتي بتاع الجرتق واعياد الميلاد وانت بتاع شبال كمان وماتسمعنا زغروده ياهندسة سجم امك الراجياك انو لازم يحمكم رقاص شباب اخر زمن ,

Saudi Arabia [سوداني رغم أنفك] 09-10-2014 03:41 PM
أنديرا السودان عديل، يا زول انت كل اللي دخل السجون من النساء أعلنوا أنهم تعرضوا لتحرشات جنسية عديل، بس زولتك ديه ما جابت سيرة للموضوع ده، عرفت كيف اخوانها ساعدوها، أما المسكينات الأخريات فلهن اهمع يتعرضن لوحشية وقمع وانتهاكات بعين الحق، وبعد داك تيجي الأخت تدعي الانتهاكات، أين حقوق الأخريات ممن عذبوا فسالت دمائهم، يا زول الحكومة تعرف تفرز كويس بين تحفظ على الكبار وبين إهانة الشعب الأعزل المغلوب على أمره

Qatar [نادوس] 09-10-2014 02:39 PM
بالمناسبة يا محمد سعيد المقصود (البلد مليانة رجال يهزوا و يلزوا) وصف يشمل رجالات خزب الامة و الانصار ايضا ..
بس ما تتحسس.. أنا عارف والوضع مربك شديد وشكرا

Qatar [الشانق طاقيتو] 09-10-2014 12:43 PM
دة شنو التناقضات دي يا باشمهندس؟؟ ألابو حاجة و البنت حاجة و ألاخوان حاجات تانيات؟؟
أنديرا شنو و بينزير بوتو شنو؟؟
البلد مليانة رجال يهزوا و يلزوا و لازم نحنا كمان نفكر خارج الصندوق و لو لمرة واحدة لأنو دة موضوع بتاع موت أو حياة لشعب عاني الامرين منذ خروج المستعمر والتغير لازم يكون حقيقي و حاسم.
ان الاوان لشعبنا أن يري خيوط ضوءالحرية من داخل هذا النفق المظلم.
إنتهي زمن المهادنات ولعبة الكراسي السياسية و الصفقات المريبة.

مع خالص شكري وتقديري

المجد لشهداء سبتمبر المجيد
الحرية للمناضلين الشرفاء
ولا نامت أعين الجبناء

Switzerland [محمد سعيد] 09-10-2014 11:51 AM
وطاقية حمراء مشنقاها
التحية لك يا باشمهندس ولمريم المنصورة لخروجها من جب سجون الكيزان


#1101253 [ابو مصطفى]
5.00/5 (1 صوت)

09-09-2014 05:39 PM
أها يالمنصورة الحمد لله على السلامة ،{أى أخوانك شنو


#1101239 [ودالعمدة]
4.85/5 (6 صوت)

09-09-2014 05:25 PM
حمد الله علي سلامة كنداكة السودان وعلي كل المعتقلين وعلي راسهم ابراهيم الشيخ وكل اسري النظام اللذين اطلق سراحهم ,,,والجد الجد للخروج من سجن الاخوان الكبير وتطهير السودان منهم ومحاكمتهم علي ما اقترفت يداهم في حق الوطن وابرياء السودان


ردود على ودالعمدة
[سكسك] 09-09-2014 09:31 PM
دي فرناقة وقبار السودان البت دي فاشلة ذي ابوها واخوانها ودي مسرحية بين البشير والصادق بااخراج الترابي
79



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة