الأخبار
أخبار إقليمية
سلطات حزب البشير تفرق مظاهرات بالغاز المسيل للدموع في الخرطوم
سلطات حزب البشير تفرق مظاهرات بالغاز المسيل للدموع في الخرطوم
سلطات حزب البشير تفرق مظاهرات بالغاز المسيل للدموع في الخرطوم


09-14-2014 11:54 PM
الخرطوم - اطلقت الشرطة السودانية الاحد الغاز المسيل للدموع لتفريق مئات الاشخاص الذين كانوا يتظاهرون احتجاجا على انقطاع الكهرباء والمياه في منطقة الديم بوسط العاصمة الخرطوم.

وافاد مصدر اعلامي ان "نحو 300 شاب تجمعوا واغلقوا الشارع الرئيسي بالحجارة واحرقوا اطارات السيارات، وبعدها وصلت سيارات شرطة مكافحة الشغب واخذت تطلق الغاز المسيل للدموع فيما رشقها المتظاهرون بالحجارة".

واضاف ان "مطاردة الشرطة للمتظاهرين استمرت في الشوارع الجانبية لساعات عدة، ووصل الى المكان ايضا اشخاص بالزي المدني يحملون السياط شاركوا في المطاردة".

وقال احد المتظاهرين طالبا عدم كشف اسمه "لا تزال الكهرباء تنقطع عنا لساعات طويلة، واليوم انقطع التيار الكهربائي عن منازلنا منذ الصباح، اضافة الى ان خدمات المياه توقفت منذ مساء السبت".

وتشير مصادر اعلامية إلى أن ناشطين ظلوا يدعون منذ حلول شهر سبتمبر/ ايلول لاحياء ذكرى احتجاجات سبتمبر.

يذكر أن العشرات سقطوا قتلى خلال احتجاجات سبتمبر/ ايلول العام الماضي بسبب رفع الدعم الحكومي عن الوقود.

وتقر الحكومة بمقتل 85 قتيلا، بينما تؤكد منظمات أن نحو 200 متظاهرا قتلوا خلال التظاهرات التي بدأت بمدينة ودمدني في أواسط السودان لتنتقل بعدها إلى الخرطوم ومدن أخرى.

وتشهد أحياء العاصمة الخرطوم، وبقية المدن برمجة قطع للتيار الكهربائي تستمر حتى وقت متأخر من الليل وتمتد القطوعات الى ساعات طويلة في الصباح.

وأعلن وزير الكهرباء والسدود معتز موسى أن قطوعات الكهرباء جاءت نتيجة لتوقف التوليد المائي للكهرباء بعوامل موسم الخريف، مبيناً أن الإمداد الكهربائي حالياً يعمل بالتوليد الحراري.

وأبان في تصريحات صحفية بالبرلمان الاحد أن احتياجات البلاد إلى 800 ميغاواط للكهرباء إلا أن المتاح حالياً 500ميغاواط فقط مؤكداً أن عملية قطوعات الكهرباء سوف تستمر حتى مطلع أكتوبر المقبل، مشيراً إلى عجز في الإمداد الكهربائي بقيمة 500 – 400) ميغاواط في أوقات الذروة.

وأبان أنهم بحاجة إلى مليار جنيه لتغطية الإمداد بالتوليد الحراري وناشد المواطنين بأهمية الترشيد للكهرباء خاصة ولاية الخرطوم التي أوضح أن استهلاك الحي الواحد بها يعادل استهلاك ولاية.

ميدل ايست أونلاين


تعليقات 47 | إهداء 0 | زيارات 15359

التعليقات
#1117685 [محمد عبدالله]
0.00/5 (0 صوت)

09-29-2014 03:09 PM
لسودان من اقل الدول انتاجا" للكهرباء ، فأجمالي الأنتاج في حدود ٢٠٥٠ ميقا واط ، ولكي يتعرف من ليس له علاقه بالكهرباء قلة هذا الرقم . عليم ان يعرفوا اجمالي انتاج الكهربا في مصر ٢٤ الف ميقا ، وكوريا الجنوبيه ٧٠ الف


#1106555 [تينا]
0.00/5 (0 صوت)

09-16-2014 12:38 AM
تسلمى من كل شر العزيزة (((بت ابوزيد))) ... الأهل بخير الحمد لله و قبل رجوعنا بيوم جات مطرة تقيلة بالليل ربنا يجعلها امطار خير وبركة ... فى الدول الأخرى بتمنوها ونحن يا حسرة بنشيل هم من العواقب الله المستعان ... تحياتى ...


#1106526 [ناصح]
0.00/5 (0 صوت)

09-15-2014 11:45 PM
مائتين مليون دولار لسد مروي دين والناتج صفر أين ذهبت حليل أيام أبو عاج خزانان فقط سنار و الرصيرص تشغل مشروع الجزيرة بأكمله ومصانع السكر والدقيق والنسيج واليوم واثر من خمس خزانات وسدود فقط لتشغيل مكيفات الكيزان وما لاحقة ملعون أبو دا إنقاذ يا كيزان يا مفلسين ألا من أعمال الشياطين و في ظني أن جميع شياطين الجن هاجروا من السودان لأن الكيزان ما تركوا من فعل قبيح لهم إلا فعلوه فمن أين بسترزق شياطين الجن و الكيزان شغالين تمكين حتي في منكراتهم التي لم يفكر فيه أو حتى يعرفها شياطين الجن نسأل الله أن يهدي شياطين الجن فقد يئسنا أن يهتدي الكيزان


#1106506 [ahmedali]
0.00/5 (0 صوت)

09-15-2014 11:16 PM
امرقو امرقو شدو الحيل نحن شعب كريم لماذا نرضخ للكيزان المخنثين الجبناء القتلة المجرمين

الكيزان حولو حياتنا لجحيم نهبو البلد وقتلو شعبها وجوعونا وشردونا واغتصبو الحرائر ولم يتركو فكرة مجرمة لم يجربوها فينا

لعنة الله علي الكيزان الموت الزؤام للكيزان

هبو هبو جميعنا مطالبين بالخروج وان لا نعود لمنازلنا الا بعد سحل الكيزان

لا توجد ثورة بدون تضحيات ادعمو ناس الديم الثوار باشعال المظاهرات في كل البلاد وخاصة الخرطوم

سهر الجداد ولا نومو


#1106484 [أبرسوة]
0.00/5 (0 صوت)

09-15-2014 10:28 PM
يا جماعة أنا زماااان وريتكم الحل لكن ما هببتوهو لي و تاني برجع أقولو ليكم ... انتفاضه شعبية ماحتنجح لأنو النظام لا يتورع في قتل الآلاف في سبيل استمراره و حيحصل نفس الشي الحصل في انتفاضة سبتمبر من العام الماضي

الحل هو إنو نلقى واحد راضع لبن امو يقنص للخول دا و يديهو طلقة في راسو تنتهي منو
و صدقوني بي موت البشير النظام دا براهو حيتهاوى و يتفرتك لأنو البشير وحدو هو القادر يلم الناس ديل بكل المتناقضات الفيهم .. مافي زول يجي يقول لي بكري حيستلم بعدو و الحال يستمر كما كان ، علي الطلاق البشير يتلحس النظام دا ما يقعد يوم واحد


#1106387 [الجانقي]
5.00/5 (1 صوت)

09-15-2014 07:21 PM
نحنا ناس الشماليه القاعدين (حدا) السد ما لاقين (التكتح)
انتو يا ناس الخرتوم تصدقوا المؤتمرجية بانو في سّد وفي رّد !!!!!!!!!!
اسامة عبدالله زااااااااتو طلع ما مهندس ، بس كان (عديل) السيد الرقيص ..
هسي مشى وين ؟؟؟خمّا خمتوا وزااااغ
ورجعنا للطمي و للخريف وللواري بتاعة معتز راجل بت النص .


#1106357 [nagatabuzaid]
2.00/5 (1 صوت)

09-15-2014 05:53 PM
الكرام اهلى فى الراكوبة هووى سلام عليكم احد المعلقين قال ان المظاهرات سببها تبرئة السفيه بن السفيه ابن ولد الجبل من جريمة قتل وتاكدت بنفسى فعلا ان هناك جريمة قتل ارتكبها ابن ود الجبل فى شقة فى برى قتل فيها شاب اسمه وائل يبدو انه من المنطقة حول محطة الغالى فى الديم ورماه من منورة السلم ورغم الشهود الكانوا حضور ورغم وتوافر كل الادلة حكم قاضى الهنا ب3 اشهر سجن و10 الف غرامة طبعا لا نعرف الاحداث المصاحبة ودوافع الجريمة لكن ان كانت التهمة خرجت من القتل العمد الى مواد اخرى حسب ثقافتنا من صحبفة الدار وحكايات لما كنا بنقراها زمان فانه غير المعقول حكم 3شهور ويقال انه كانت رشاوى بالدولار واليورو مبالغ كبيرة لهيئة الاتهام التى رفضتها ولم تتجاوب والله اعلم لكن القاضى ان كان القتيل قعونجة مامون حميدة ما كان حكم على القاتل بجنس الحكم ده دى روح شاب ابن ادم الا يخشى هذاالقاضى من النار ؟؟ ولينتبه ذوى المرحوم واهل الديم ان المتهم والقاضى قد يهربا ويا شعب بلادى انتفضوا واهى الشرارة لا زالت بها وميض شعللوها وانفخوا فيها ليزداد اللهب وتعم السودان وهناك ايضا بداية للعصيان بداها معلمى شمال دارفو من الفاشر وكتم وبدات تعم كل دارفور فليتوسع ويشمل كل السودان وها هم ابنائنا فى الفاشر يتضامنون مع معلميهم لم يثنهم القمع فلينزل الطلاب فى كل السودان نعم ان نصف سبتمر قد مضى ولنجعل النصف الاخر شعلة نار لازالة حكومة السفهاء المجرمين مؤيدى ورعاة الرزيلة والفسق والفساد حكومة اتحاد طلابها منسوبى حزبها يمتلكون ويديرون شققا للفسوق حكومة منسوبيها واتحادات طلابها يعملون على افساد بنات هذا الشعب الصابر لم يكتفوا بكل ما ارتكبوه فى حقه يريدون تحويل رجال السودان الى تيوس وديوثين لانهم هم هكذا واتركوا بتاعين الرحلات المكوكية ا ديس باريس دوحة لا تلفتوا لهم سيخمدونها نريدها ثورة بايدينا نخلص بلدنا


ردود على nagatabuzaid
United Kingdom [Shakespare] 09-16-2014 11:47 AM
[AL KIRAN]
are you one of those so called ''ELECTRONIC CHICKENS''...?

In case you are not an ''electronic chicken'' or if you have written this comment for her as joke, then let me tell you it is not a nice comment in a common online newspaper.

I didn't get what you have meant by asking the respected lady [[nagatabuzaid]] to take time for her kids, husband and pray and read Quran...

WHO are you to advise her like that?
why have assumed that she is neglecting her family? How did you even know that she has a husband and kids in the first place?
How did you know that she is neglecting her prayers and Quran?

Whether she looks after kids or not, and how she does it, that is NOT OUR BUSINESS !!! that is a PERSONAL MATTER !!!
All we care about is discussing her political point of views that shares with us!!!

please stop this silly Sudanese mentality of trying to subside females!!!

[AL KIRAN] 09-15-2014 11:10 PM
Mam} : Nagat Abu Zaid > Do you think you gonna bulid Sudan by your self}
you can't work like that 7\ Seven Days a week
You should having a break > a lot they need you : your husband & kids. and time for Praying & read Qur'an,,, good luck for time long keeping writing
Keep it short not for Ever,,, thanks


#1106340 [الكاره الوضع]
5.00/5 (2 صوت)

09-15-2014 05:28 PM
بقينا زي فيلم صرخة نملة (نحن النمل فين السكر؟؟نحن النمل عايزين السكر) بعد دا يا جماعة المفروض ما ندس نمشي الشوارع نحرق المافونين ..والله اكبر علي الكيزان....


#1106251 [تينا]
5.00/5 (1 صوت)

09-15-2014 03:29 PM
باقى ليك لسه ما قطعوا مننا الهواء (((ابوريشة))) اخوى عن طريق كتم أنفاسنا وجعل أجسامنا تتصبب عرقا طوال اليوم وكأننا فى ساونا ؟ بالجد جو السودان أصبح صعب شديد رطوبة عالية جدا ولا يحتمل قطوعات كهرباء وتخيل القطوعات الليلية ومعاها حر وباعوضة والعجب زنة الباعوضة فى الاضان عينك ما تشوف الا النور حكاية ما محتملة لدرجة ابنى الصغير والذى لا يفقه شيىء قال لى السودان كعب شديد احسن منو السعودية يلا نرجع قلت ليهو لا السودان جميل وقعدت اعدد ليهو فى الحسنات وحدثتو عن وجود الأهل والحاجات الجميلة قال لى لا السودان كعب شوفى الظلام والحر والباعوضة دى ... صدق حزنت جدا انو ابناءنا يكرهوا وطنهم بسبب فئة لا راحت ولا جات ... شاكرة لك جدا فقدانك لى وسؤالك عنى فى موضوع سابق ومعليش ما رديت ليك نسبة لانشغالى وسألت عليك العافية ان شاءالله ... غبت بسبب سفرى لقضاء الاجازة بالسودان والذى اصبح حاله لا يسر عدو ولا صديق وفارقته والعبرة تخنقنى لكن كل اول وليهو ءاخر وربنا يعين اهلنا ويصلح حاله قريبا انه القادر على كل شيىء ... تحياتى ...


ردود على تينا
Sudan [nagatabuzaid] 09-15-2014 05:09 PM
عودا حميدا يا تينا ولعل الاهل والعقاب بخير اكيد حضرت الامطار واحمد للهعلى كل حال


#1106226 [مهاجر جديد لنج]
0.00/5 (0 صوت)

09-15-2014 02:59 PM
الله يورينا فيك يوم البشير --- شكيتك لي الله يخلص لي حقي منك


#1106151 [ود الريف الحريف]
3.25/5 (3 صوت)

09-15-2014 01:12 PM
هل هناك من يغالط أن هذا النظام سوف يستمر بالرغم من كل هذا السواد الكالح فى كل مناحى الحياة السودانية .... كيف لايستمر النظام وفى بعض الأحيان تنعدم المواصلات تماماً ، وترى الناس كل الناس تسير جنبا إلى جنب وهى تتقاطر من داخل أحشاء الخرطوم صوب سكنها ، ترى فيهم النساء الحوامل ، الأطفال الرضع ، الرجال المسنين وليس هنالك أى رد فعل تجاه هذا الوضع القبيح ، بل على العكس تماماً ففى صبيحة الغد يتكرر نفس المشهد وترى العامة زرافاتٍ ووحدانا تتقاطر راجلة صوب ديارها ... كيف لا يستمر النظام وهو يظهر تبجحه وعنترياته بعد أن علم أن كل ماحوله ماهى إلا فقاعات سرعان ما تتلاشى فى الجو .... كيف لا يستمر النظام وهو يطلق التهديدات والوعيد هنا وهناك من قبل جهاز أمنه المأفون ، دون أى رد فعل ... مصادرة الصحف السيارة .. الإعتقال التعسفى لبعض منسوبى الأحزاب الخائرة ....دون أى رد فعل ...
هل نحن نضحك على أنفسنا ، أم هى أمانى يكسوها التفاؤل ...
نريد تغيير هذا الحال المائل دون شىء من قطرات دماء ... هيهات ثم هيهات ...
النظام المتهاوى والمتهالك لا يعير الأمة بكلياتها أى إلتفات فهو يسير فى التجهيز والتحضير لإنتخابات معروفة المحصلة سلفاً يدفعه نحو ذلك بعض فاقدى الضمير الذين سوف يشاركون لإضفاء على هذه المهزلة شيئا من شرعية مسلوبة القوام ، والنظام سوف يفرغ ما بداخل خزائنه لشراء الذمم الخربة
كم سوف تلكلف هذه الإنتخابات المزعومة من مال الشعب المطحون ؟ هل المبلغ يناطح 200 مليون دولار ،اقل ... أم أزيد ........أيا كان المبلغ فالأولى والأحق به شراء جرعات من الدواء ، وبعض أطنان من القمح ( الذى بكل أسف وخذلان يأتينا من أقاصى الدنيا ... والناس تقول السودان سلة غذاء العالم ... ) هذا كلام لا يستقيم عقلا ولا منطقا ... وقد ظلت هذه الإسطوانة المكرورة منذ الحقبة المايوية الهالكة ..
متى يستقيم أمر السودان ؟ لا توجد إجابة على هذا السؤال إلى أن يطوى ربك الأرض والسماء كطى السجل للكتب ... وعندها يكون كل شىء قد إستوى ...


ردود على ود الريف الحريف
[ودالبرعي] 09-15-2014 07:08 PM
ليت الأمر توقف على القمح ( المزقّوا فاتورتو من زمااااااااان) .
بقينا يا سيدي نستورد (الطماطم) من بلد جبلية لا نهر بها ولا ماء عذب (الأردن) .. وفي بلادنا (سليل الفراديس) اربع أنهر
جميعها تذهب فائض للمصب .. واراضي خصبة على مّد البصر !!!!!!!!!!
(الالغاز) مستمرة ، والإنتخابات قائمة ومخجوجة ، والصادق ما حيعمل حاجة ، ولا الثورية ، ولا فاروق ابوعيسى .. ولا المشير
وامبيكي يسترزق بمحّنا لذلك يفضلها كدا (جايطة) ، وامريكا مشغولة بارهاببيين آخرين (داعش) .

والشعب منتظر حاجة تجي من السماء !!!!!!!!!!


#1106141 [قرفان]
5.00/5 (1 صوت)

09-15-2014 01:03 PM
هل نستحق نحن حكومة افضل من هذه الحكومة؟ .. ان كنا نستحق يمكننا ان نصنعها بايدينا ..ولكن للاسف الشديد لا الحكومة نافعة ولا المعارضة ولا الشعب .. مفروض نجيب مليون يابانى يجوا يحكمونا ونحنا نتعلم منهم لمدة الف سنة ثم نحاول بعد ذلك ان نحكم انفسنا .. وان لم نستطع نطلب منهم حكمنا الى الابد ..


#1106094 [طارق الشريف]
4.97/5 (6 صوت)

09-15-2014 12:30 PM
هذا يعني أن سد مروي ماسورة كبيرة .

يا ناس اثيوبيا المسيحيين الحقونا بسد القرن سريع عشان نمرق من الظلام الذي ادخلنا فيه اصحاب المشروع الحضاري .


#1106039 [المهندس سلمان إسماعيل بخيت على]
4.84/5 (9 صوت)

09-15-2014 11:41 AM
الخبر دا مو صحيح
نحن شفنا أضاننا وسمعنا بخشمنا الريس بيقول الرد بالسد الرد بالسد ومن خلفه من يرددون سير سير يا بشير
واول أمس معتمد الدلنج قال الكهرباء القومية وصلت من سد مروى للدلنج
يعنى عاوزننا نكضب الريس ومعتمد الدلنج ونصدق ناس الديم
بعدين هو أصله بلدنا دى فيها غاز مسيل للدموع
الدولة كل الدولارات تخصصها لأستيراد الدواء والغذاء والكساء عشان ما فى زول يكون محتاج
وعشان كده غندور ومهدى ابراهيم وبدرية بتاعت مكتب بهاء الدين ادريس كلهم أمنوا على أن ستة ونص ومليون مواطن سودانى انتظموا فى المؤتمرات القاعدية للحزب وبدرية زادت المحلبية شوية وقالت 10 مليون
معقول نظام يقطع التيار الكهربائى عن البيوت ويضرب مواطنيه بالغاز يحضر 10 مليون مؤتمرات حزبه القاعدية
ممكن فى حالة واحدة بس
لو أن غتدور ومهدى ابراهيم وبدرية سليمان ادريس كضابين
بعدين المؤتمر الوطنى دا لمان كان عنده قروش يشترى بها الزمم 25 قرن لم يتحدث لنا عن بناء مؤتمرات قاعدية
الجديد شنو
الحزب مفلس والنظام عجز عن تقديم أقل خدمات لمواطنيهوفشل فى كل الميادين ومسئولى الحزب سرقوا البلد وقضايا الفساد أزكمت الأنوف وتم الصمت عنها وسيعاد ترشيح الخضر وكل المفسدين فى الأنتخابات القادمة لأن عدم ترشيحهم يؤكد اقرار النظام بفسادهم وعشان كلام زى دا لايقال سيعاد ترشيح كل مفسدي النظام فى الأنتخابات القادمة والتى سيخوضها الحزب الحاكم مع احزاب الفكة
واب زيد لا غزا لا شاف الغزو
ومع كل هذه الإخفاقات 10 مليون مواطن سودانى ينتظمون فى مؤتمرات الحزب القاعدية
فى فيلم زواج بقرار جمهورى صديق البطل شين شنه مره وخطيبته أشن منه قالت ليهو انا عاوزاك تكلم الريس يجى يحضر حفل زواجنا - عاين ليها وقال انا خايف انا زاتى ما احضر حفل زفافنا
ياغردون ويا مهدى ويا بدريه بهاء الدين اتحادى اشتراكى
انا خايف رئيسكم البشير بنفسه ما يحضر مؤتمراتكم دى
ألا تخجلون والله من يحضرها إما حرامى يسعى وراء منصب أو مغنم أم مريض يحب الظهور فى الوقت الضائع
انا لا أقول أن حضور مؤتمراتكم يعتبر جريمة
بل أن الأكل معكم فى صحن أو الصلاة خلفكم تعتبر جريمة بقدر ما فعلتم بهذا الوطن وشعبه
ومازلتم تمنون النفس بدورة حكم جديدة وكمان بأغلبية ميكانيكية داخل برلمان مزور
يا ناس الديم امشوا فتشوا ليكم لمبات كوز وجاز ابيض الجماعة قررت ان تجدد جلدها وتحكمكم لربع قرن اخر


ردود على المهندس سلمان إسماعيل بخيت على
Australia [احمد محمد] 09-15-2014 05:58 PM
انت رجعت تشرب الشاي باللبن ياسلمان


#1106036 [محب الكيزان]
4.50/5 (2 صوت)

09-15-2014 11:39 AM
من هو معتز موسى هو صهر الطيب النص ومتزوج بنته ومن هو الطيب النص هو الذي يختفي في منزله عمر البشير كلما حصل إنقلاب في العيلفون الحكم مسيطر عليه من عائلات حتى المؤتمر الوطني والمساكين الذين يهتفون هي لله والله أكبر نفاقاً وكذباً والله أكبر عليهم .


ردود على محب الكيزان
United States [جنرال زمان] 09-15-2014 02:13 PM
في وزير جديد أدى القسم أمس إسمه أرباع (أقترح يعينوا الطيب النص برضو وزير ويكون ناقصنا الوزير القزازة الكاملة)!!!!!!!!!!


#1106030 [منو العوض]
4.75/5 (3 صوت)

09-15-2014 11:34 AM
ماقادرين توفروا المياه والكهرباء للمواطن قاعدين ليه ماتروحوا سيبوها للبقدر عليها!!!!!!!!


#1106027 [Seek]
4.75/5 (3 صوت)

09-15-2014 11:33 AM
ال300 شاب ديل. ياربي غندور (غردون) ما حسبهم ضمن ال10مليون عضو مالو ولا يكون نساهم!!!!!


#1106001 [محمد دفع الله يوسف]
3.50/5 (7 صوت)

09-15-2014 11:15 AM
ارزل حاكم في تاريخ السودان


#1105998 [ابوخلف]
4.00/5 (8 صوت)

09-15-2014 11:13 AM
يا اهل السودان ثورة ثورة عارمة شاملة عامة تزيل الفئة الظالمة الظالة جماعة النهب والسلب عندما تراهم تعرفهم من حقائبهم في مطار الخرطوم لا يخضعون للتفتيش تجار جيوبهم وشنطهم تزخر بالعملات الصعبة من دولار ويورو وريال ووووو والرحلة الى دبي او لندن او موسكو او النية ماليزيا والموطن الحزين في السوق العربي لايجد الريال الا بعد معاناة وبالسوق الاسود بأسعار الضعف من اجل ان يؤدي العمرة او الحج او العلاج الى متى يارب ياتي الفرج ولابد من ثورة


#1105991 [صه يا كنار]
4.38/5 (6 صوت)

09-15-2014 11:08 AM
الرد بالسد الرد بالسد سياتي الغد وينكشف المستور بالجد


#1105989 [الفاتح]
3.93/5 (8 صوت)

09-15-2014 11:07 AM
أجمل فصل من فصول السنه هو فصل الخريف الذي يأتي بالخير ولكن في بلدي أصبح فصل الخريف كارثه خلاله يعاني الناس كثيرا من المآسي تهدم مساكن وغرق أثاث وتلفه وموت ثم تدهور مريع في البيئه نتيجة توالد الذباب والبعوض وزد على ذلك إنقطاع التيار الكهربائي بسبب الطمي كما يقول وزير الكهرباء والسدود ولقد أصبح فصل الخريف الشماعةالتي يعلق عليها المسئولين إخفاقاتهم وفشلهم المريع في إدارة البلاد .
وكأن حلول وقت الخريف يأتي كل سنه فجأة وبدون موعد معروف
الله يجازيكم


#1105974 [عباس محمد علي]
4.75/5 (7 صوت)

09-15-2014 10:56 AM
إن إحدى ركائز قوة النظام التي يعتمد عليها لإستمرار حياته هي سياسة (الإنتظار) فكلما مرت فترة فراغ في حياة نظامهم و ما أكثرها بدون إنجاز يخترعون حدث ما ليجعلوا الشعب و قواه السياسية على إنتظار نتائج الحدث و ما بعده وهكذا ينتظر من كان يخطط لإنقلاب أو إضراب أو مظاهرة ...ألخ و لهذا نجد أسابيعهم و شهورهم و كل سنة مناسبات لأحداث منتظمة مثل المؤتمرات والمهراجانات و الإحتفالات و السيمينارات و الدورات و زيارات لبعض المدن في أطراف السودان المختلفة ليملأ الفراغ بهذا الحراك سياسي المفتعل يشغل الناس و الساسة لبعض الوقت حتى يفكروا في غيره من هبة و وثبة و مفاوضات الهدف منها خداع الناس بسياسة الإنتظار كما يطالبون الآن إنتظارنا للإنتخابات المزورة القادمة (وهذا يدل على عدم جدية مؤتمراتهم و حوارهم المزعوم) هكذا يضمنون عدم حدوث رد فعل شعبي أو سياسي معارض حتى قيام الإنتخابات العام القادم هذا إذا إنخدع الشعب و إجماعه الوطني وإستكانة منتظرا قبل وبعد الإنتخابات ! فعلينا و على المعارضة الوطنية عدم الإهتمام بمخرجات العملية السياسية للنظام من مؤتمرات و مفاوضات و حوارات ملأ الفرغ لإطالة عمر نظامهم بالإنتظار بل الإستمرار في تنفيذ وتطوير خططه الفاعلة لإسقاط النظام و لا يشغلنا ما يقوله غندور و نافع و مصطفى و عبدالعاطي و حتى البشير و نوابه لأننا نحن و الشعب لا يهمنا تصريحات و أكاذيب أركان النظام التي تخصه وحده فقط و لا علاقة للشعب بها وبمن أصدرها فليبحثوا عن الـ(10مليون) ومن تهمه هذه المسرحيات و من هم على شاكلتهم من الأحزاب !!!


#1105956 [نكس]
4.75/5 (3 صوت)

09-15-2014 10:44 AM
الديم الديامة -يمكن دي الحتة الحرة من السودان فقط -- ويارب الكهرباء والموية تجيبها الحكومة ليهم فقط ---


#1105930 [ملتوف يزيل الكيزان]
4.75/5 (5 صوت)

09-15-2014 10:24 AM
يا عالم حكاية قطوعات الكرباء و المياه دي زي ضنب الضب ، الضب يفصل ضنبو عشان المطارد يتلهي بيهو ، و الضب يتمكن من الزوغان. كمان عصابة الانقاذ ، بتعمل عمل مستمر في تدمير اخلاق الشعب السوداني. كم واحد في السودان متهم باغتصاب الاولاد الصغار و البنات و كم واحد معروف بممارسته لهذا العمل و خاصة من المدرسين .آلاف ،و حتى البيصلوا المحاكم يفرج عن المعتدي بعد الحكم علية بواسطة عفو رئياسي او بطرق ملتوية اخرى. فليكن الحراك الجماهيري في اتجاه فضح عصابة الانقاذ و بيان مشروعها التدميري هذا لكل شعوب العالم و المنظمات الدولية


ردود على ملتوف يزيل الكيزان
Sudan [nagatabuzaid] 09-15-2014 11:20 AM
سلام عليك يا ملتوف خليك جاهز لازالة الكيزان وزبانيتهم ومن يواليهم


#1105916 [AburishA]
3.62/5 (9 صوت)

09-15-2014 10:07 AM
أكل مافي...موية مافي...كهرباء مافي.... دواء مافي..آها منتظرين يقطعوا مننا الهواء!! ولا شنو !!!


ردود على AburishA
Saudi Arabia [رانيا] 09-15-2014 11:35 AM
لا هم بيفكروا ياخدوا الأوكسجين منه والباقي يبقى حلال على الشعب .

Sudan [ممغوص من الكيزان] 09-15-2014 11:25 AM
ياأبوريشه ياخوي ... ديل ما خلونا حاجه مادمروها


#1105904 [الصادق]
4.38/5 (5 صوت)

09-15-2014 09:52 AM
مع إحترامي لكاتب المقال فإن المقال يكاد يكون كله مغلوط:
أولاً : سبب المظاهرات هو عبارة عن أحكام في حق مقتول الديم ربنا يرحمو وكانت غير مقبولة علي ود ود الجبل كما تكرم أحد المعلقين.
ثانياً:كما أن إنقطاع الكهرباء ليس فقط في الديم كما أن المياة إنقطعت مساء السبت فهل هذا دليل علي قيام مظاهرات صباح الأحد فهذا غير صحيح.
ثالثاً:الكلام المنسوب لوزير الكهربء والسدود أن قطوعات الكهرباء جاءت نتيجة لتوقف التوليد المائي للكهرباء بعوامل موسم الخريف، مبيناً أن الإمداد الكهربائي حالياً يعمل بالتوليد الحراري غير صحيح إنماعدم تشغيل معظم التوليد الحراري مع زيادة الحمولة نتيجة إرتفاع درجة الحرارة للحوجة للمواد البترولية.
رابعاً:الكلام المنسوب للوزير بالبرلمان د أن احتياجات البلاد إلى 800 ميغاواط للكهرباء إلا أن المتاح حالياً 500ميغاواط فقط مؤكداً أن عملية قطوعات الكهرباء سوف تستمر حتى مطلع أكتوبر المقبل، مشيراً إلى عجز في الإمداد الكهربائي بقيمة 500 – 400) ميغاواط في أوقات الذروة لعل الكاتب يعني 1800 ميغاواط والمتاح 1500 ميغاواط لانها اقرب للحقيقة.
خامساً: التوليد الحراري مكلف جدا ولا يتماشي مع التعريفة الحالية مما يحتاج الي تعديل في التعريفة لتكملة العجز بتوليد حراري.
أتمني من كتاب المقالات تحري الصحة في الأخبار


ردود على الصادق
Saudi Arabia [رانيا] 09-15-2014 11:36 AM
شكرا فهمتنا .

Sudan [nagatabuzaid] 09-15-2014 11:14 AM
المهم انه فى مظاهرات ونتمنى ان تستمر ايا كان سببها لسقاط حكومتك


#1105885 [ممغوص من الكيزان]
4.50/5 (6 صوت)

09-15-2014 09:31 AM
نعم .... أقل واجب علينا أحياء ذكري شهدائنا ... وقد أطلق فرسان الديوم شرارة الذكري .... اليوم الديم وغدا أمبدات وبعد غد الكلاكلات ومن بعد شمبات وهكذا لنخلخل نظام العصابات ... ويطير النوم من لصوص كافوري ... وتفك الصطله من راس بكري ... وعبد الرحيم الرياله تصل كرعينو ... قال السد قال نصب في نصب


ردود على ممغوص من الكيزان
Saudi Arabia [عدو الكيزان النازي] 09-15-2014 01:39 PM
نعم ... يجب احياء ذكرى الابطال ... الذين ضحوا بدمائهم الطاهرة من اجل وطن غالي ... حفظوا الامانة ووفوا بالعهد ... لم يخونوا بلادهم كما فعل ما دون البشر... بني كوز لعن الله صالحهم قبل طالحهم ... ولو ان هؤلاء الشياطين لا يولد فيهم صالحا

لك التحية اخي الممغوص من الكيزان لدعوتك لاحياء ذكرى الابطال... ويعلم الله كلنا ممغوصون مغبونون من هذا الحزب الملعون

Saudi Arabia [رانيا] 09-15-2014 11:38 AM
خليهم على كده النايم نايم والمسطول مسطول وتجيهم النهاية بغتة إن شاءالله .

Sudan [nagatabuzaid] 09-15-2014 11:15 AM
ان شاء الله ونتمنى ذ لك تسلم


#1105881 [nagatabuzaid]
2.75/5 (10 صوت)

09-15-2014 09:25 AM
سبحان الله الذى يكشف الكذب والكذابين ولعن سبحانه الكذابين لعنة الله على الكاذبين هاهو الله يكشفكم انتزعتوا اراضى من اقمتم السدود فى مناطقهم بكذبة كبيرة هى انكم ستعملون على التنمية واوهتم اهل المناطق المكلومة بكذبكم بانهم اول المستفيدين حسب كذبكم شردتوهم رحلتوهم افقرتوهم مرضتوهم فرقتم بينهم وزرعتوا الفتنة بشرائكم لضعاف النفوس منهم فعملوا لتحقيق مصالحهم الذاتية ثم اكملتم اجرامكم بقتلكم للمعترضين وحشدتم جدادكم وتيوسكم وغنماياتكم وكلابكم وحميركم وبلطجيتكم ليهتفوا لكم السد السد اين هى السدود واين هى الكهرباء واين هى المياه اين التنمية ليت وفود الدول التى دعمت وزارت السد اعادوا الزيارة مرة اخرى زيارة كالسياحة دون علمكم للمنطقة ليقفوا على الحال المذرى وليعلموا انكم خدعتوهم فشاركوا فى الحاق الاذى بانسان تلك المناطق وليعرفوا سرقة اسامة عبد الله الذى كان عليه ان يحافظ على مهنته الناجح فيها (سمسار زواج لاخوات زوجته واخرين ) ليعرفوا انكم ( كذابين دوليين ) وهذ لقب لم يسبقكم عليه احد فى العالم اوجهة سوى من لبدوا وسرقوا فى جزر المحيط وهربوا منها فالى اين تفرون من رب العالمين . فلينضم الشعب الى بنيهم من الشباب فى مظاهراتهم لازالة عصابة الكذابين الدوليين الستم عطشى الستم جوعى الستم مرضى ؟؟ لماذ لا تتجاوبون مع ابناؤكم والامهات فعاليتهن اكبر ولو بزغرودة فليخرج اهل على فضل وعوضية عجبنا كل الديم وكل برى وكل شمبات وكل امدرمان فلتهب وتلتهب الاحياء التى قدمت الشهداء وليتضامن معهم كل السودان فالشهداء شهدا ؤنا نعم هم اهلنا ولازالوا يتساقطون فى دارفور وكردفان فلنترك الحركات والاحزاب للمفاوضات والتنقل من باريس لاديس للدوحة والى اين المحطة القادمة لا ندرى ولنترك بعض الاحزاب تحتفل بنيل معتقليهم لحرياتهم فلنتحرك نحن لنحرر انفسنا بانفسنا ونكسر قيودنا لن نستجدى او نوسط امبيكى لنيل حريتنا سننتزعها انتزاعا هبوا وانزلو الشارع وتضامنوا والنصر لنا والخزى والعار للمتخاذلين والله اكبر والحرية للسودان من حكومة الكذابين الدوليين محترفى الضلال والتضليل


ردود على nagatabuzaid
Sudan [nagatabuzaid] 09-15-2014 05:20 PM
الاعزاء ممغوص من الكيزان ورانيا لكما التحية على المرور الكريم وان شاء الله بايينا تزول مغصتنا من الكيزان

Saudi Arabia [رانيا] 09-15-2014 11:42 AM
يا رب حديثك الطيب يخلي الحياة تدب في قلوبهم من جديد ويعطيهم الأمل والعزيمة والدافع لأن يغيروا الواقع المرير بأنفسهم وإلا سيطول الإنتظار .

Sudan [ممغوص من الكيزان] 09-15-2014 11:22 AM
ما ذكرتي الا الحقيقه يابت أبوزيد ... خلاص كفانا شراب المر ... ننزل كلنا نوري المجرم ... دم أولادنا ماراح هدر


#1105877 [Mohammed Ahamed Kashan]
4.00/5 (3 صوت)

09-15-2014 09:21 AM
ومليار دى كتيرة ماتدفعوا بس


ردود على Mohammed Ahamed Kashan
Sudan [ممغوص من الكيزان] 09-15-2014 12:49 PM
المليار دا يامحمد أي متحلل فيهم بيعتبرو مصروف جيب ساكت


#1105869 [هيثم وندر]
4.25/5 (5 صوت)

09-15-2014 09:14 AM
غير صحيح @ المظاهرات بسبب الحكم بالبراءه على ود ود الجبل المتهم بقتل ابن منطقة الديم ومعه اخرين وليس بسبب قطوعات الكهرباء والمياه اهل الديم لا يتظاهرون لمثل الامور الخدميه :


ردود على هيثم وندر
Sudan [JeehadElectroni] 09-15-2014 11:12 PM
نعم المظاهرات من امس بديم التعايشة لصدور الحكم ببراءة ابن ود الجبل الذى قتل بدم بارد ابن المنطقة وائل والقاه من الطابق الثالث بابراج مكة ب برى

Sudan [nagatabuzaid] 09-15-2014 05:22 PM
فعلا حقيقة وتاكدت بنفسى والمظاهرات لا زالت مدورة الا ان لا تخمد

Saudi Arabia [رانيا] 09-15-2014 11:45 AM
أمممم ..شكرا للمعلومة .


#1105862 [كوكي]
4.50/5 (3 صوت)

09-15-2014 09:10 AM
لعوامل موسم الخريف !!! يعني اي حاجة عذرها جاهز


ردود على كوكي
Sudan [huta] 09-15-2014 11:42 AM
يجى الخريف يقولوا الطمى.... يجى الصيف يقولوا المنسوب قليل... يجى الشتاء يقولوا صيانة... وكدا الكهرباء طول السنة فى جهجهة


#1105846 [بت الخرطوم]
4.44/5 (9 صوت)

09-15-2014 09:01 AM
الرد الرد كبارى وسد وين كهربة سد مروى ما فلقتو رأسنا وسببتو لينا صداع دائما بالأكتفاء الذاتى من الكهربة وكمان شدة ما بالغتوا فى الكذب قلتم عايزين تصدروهالا كهربة شفناها ولا سد أستفدنا منه ومبالغ صرفت فى أقامته ضاعت هدراولا مخطئ تمت محاسبته ولا فاسد تمت معاقبته حسبنا الله ونعم الوكيل اللهم لا نسألك رد القضاء ولكن نسألك اللطف بعبادك الصابرين


ردود على بت الخرطوم
Saudi Arabia [رانيا] 09-15-2014 11:49 AM
ههههههههههه والله ضحكتيني بالله هم قالوا عايزين يصدروا كهربا ؟ ما تعرفي لمن بيجيبوهم يتكلموا قدام الناس بيكونوا حاسين بإيه تلقي الواحد منهم متحمس كده وماخداه الحميّة ويقعد يفلت ذي الفلتات العجيبة دي ..


#1105843 [مكي عمر]
4.50/5 (3 صوت)

09-15-2014 08:58 AM
انت مدفع الناس مقدم وتطلاوط ماحقنا مش كفاي حاشر استهلاك المياء حسبي الله ونعم والوكيل
وما تنس انو المياء ما دخله عقد الكهرباء


#1105821 [الوطن الجريح]
4.75/5 (5 صوت)

09-15-2014 08:34 AM
الرد الرد كباري وسد هههههههههههه سبحان الله حبل الكذب قصير ودائماً هم مفضوحين


#1105819 [مغبون]
5.00/5 (2 صوت)

09-15-2014 08:33 AM
الى الامام ربنا ينصركم


#1105815 [عثمان الفحل]
4.50/5 (3 صوت)

09-15-2014 08:27 AM
هل يكون انقطاع الكهرباء والماء والغلاء والجوع سبب في سقوط النظام


ردود على عثمان الفحل
Saudi Arabia [منو العوض] 09-15-2014 11:37 AM
الفساد والكذب والارهاب والقتل كل هذه العوامل اضفها لما ذكرت والله غالب!!!!!!


#1105804 [ودالنيل تمساح]
4.50/5 (2 صوت)

09-15-2014 08:18 AM
كلام غريب جدا
انتو الكهربا دى شايلين حقها قبلما تتولد زاتو
يبقى عارفين نفسكم شلتو كم ومفروض تدوا الناس كم من الميغاواط
منجطين دى حسابات بليده كمان


#1105801 [الليل]
4.50/5 (3 صوت)

09-15-2014 08:14 AM
شكرا لسكان الديم الذين لم يرهبهم قمع النظام من ايصال صوتهم والتعبير عن معاناتهم .


#1105781 [دوشكا]
4.50/5 (4 صوت)

09-15-2014 07:49 AM
الشعب يريد اسقاط النظام الشعب يريد إخلاء النظام من جذورها حكومة فاسدة وفاشلة بكل المقايس عمت الفساد في كل أركان النظام ولا حياة لمن تنادئ أصبح القضاء يحمي المفسدين والمجرمين البلد انهارت ودمرت بالكامل وتفشت الامراض بكل انواعها وانعدمت الحياة تماماً والتحية لشعب السوداني الصامد اصمدوا إن الله معكم اتحدوا إن الله معكم رابطوا من أجل اسقاط النظام الفاسد حاشاك يا سودان أن تسقط بيننا فليسقط الخونة والمجرمين الذين لادين لهم ولا حياة لهم .


#1105777 [//ahmed//]
5.00/5 (3 صوت)

09-15-2014 07:45 AM
فليستمر الحراك والحق كله للشعب وحده وتستمر الثورة على هؤلاء الظلمة أكلة السحت ، مليون شهيد فداء لهذا الوطن ليعود لحض الشعب ، إذلال احط بقيمة المواطن السودانى وافقد البلاد هيبتها وهم يتنعموا بالدور والقصور والمصانع والشركات ويتحكموا فى رزق العباد الله اكبر عليهم توكلوا على لا يثنيكم الرصاص الموت واحد ان لم تمت بالرصاص مت بغيره


#1105775 [A. Rahman]
5.00/5 (5 صوت)

09-15-2014 07:39 AM
لمعرفة النصب و الاحتيال على الناس شوفوا هذا الوزير يتحدث عن عجز يتراوح بين 400 و 500 ميجاوات. و لمعرفة كم نحن متخلفون في هذا المجال فقد قرات ان مصنع الألومنيوم في قطر لديه محطة كهرباء داخل المصنع طاقتها 1350 ميجاوات. و ربما كانت هنلك مصانع اخرى في المنطقة او خارجها تملك طاقات اكبر من ذلك. هل أدركتك الان مدى تخلفنا؟ يعني نحن في السودان نحتاج لطاقة كهربائية لا تقل عن 30 او 40 الف ميجاوات عشان نقول نحن عندنا كهرباء. و للعلم أيضاً فان اي مشروع كهرباء تقل تكلفته عن مبلغ يضم اقل من تسعة أصفار لا يمكن ان نسميه مشروع كهرباء. يعني كلامات الحكومة عن مشروعات بعشرين او ثلاثين او حتى مائة مليون دولار، كما تتياهى، يعتبر كلام فاضي و لا يجب ان ينطفئ على الناس.


#1105726 [moiez]
4.00/5 (5 صوت)

09-15-2014 06:09 AM
انتو الكهرباء دي بتشيلو قروشة قبل م تدو للناس يعني تشيل قروش وم تديهم حقهم كمان


#1105716 [Quickly]
4.50/5 (12 صوت)

09-15-2014 05:46 AM
السد,,, السد الرد الرد ,,,,,وينوووو؟؟!!!
يذهب الحرام من حيث اتى ياكلاب الانقاذ
التحية لأشاوس الديامة


#1105710 [المنجلك]
5.00/5 (9 صوت)

09-15-2014 05:31 AM
ترشيد الكهرباء يبداء من التخطيط المدني وبسبب سياستكم في التغيير الديمغرافي للسكان لضمان الولاء السياسي وقطع الطريق امام المعارضة المدنية. اصبحت الخرطوم من دون فسحات وأماكن خالية لضمان الانسياب الهوائي واصبح الفريون والمكيف المائي سلعة اساسية لمقاومة الحرارة التى تفوق المعدلات الطبيعية بسبب الخلل في البنية التحتبة والاساس المدني فشاهدنا استخدام الركشات وحفر السيفونات بصورة موسعة ففقدنا نقاوة الماء ونقاء الهواء والخضرة والوجه الحسن الذي لايحتاج لكريمات .

انتم لستم رجال دولة ولم يكن التأهيل الوظيفي هو أساس لشغل المناصب فشاهدنا العجب العجاب اطباء في مناصب قانونية وقانونيين في مناصب حرفية. 26 عاماً وليست هنالك استراتجية للمحافظة على البئية وتقليل الاحتباس الحراري وتوسيع استخدام مصادر الطاقة البديلة ومحاربة الزحف الصحراوي. وسد الفجوة الغذائية.


ثوري ثوري لن يحكمنا لصوص كافوري


#1105706 [امين بابكر]
4.50/5 (15 صوت)

09-15-2014 05:04 AM
وين يا لصوص كهرباء سد مروي قادين راسنا 1200 ميقاواط ووفود تزور السيد وطلبة مدارس وقلتوا احتياج البلاد او العاصمة فقط اكثر من 2000 ميقا هسه بقي 800 هههههههههههههههههههههههههههه يا حزب المؤتمر الافاااك وعايزين تجوا تاني بانتخابات لا يشارككم فيها احد عشان شنو ؟؟؟؟هل وفرتم المياه والكهرباء لنا هل وفرتم المواصلات ونظافة المدن والتعليم والمعيشة الرخيه التي وعدتم بها الناس في الانتخابات المضت هل وفرتم الوظائف ام هل انخفض سعر الصرف الذي كان 15 ىجنيه لمن جيتو والان 9500 ههههههههههههههه ....وطز فيكم حكومة فاشله وفاسدة ولصوص متاسلمين قاتلكم الله وسنخلعكم عنوة واقتدارا بدون حوار وعفن من شاكلته وان غدا لناظره قريب وستعلقون في اعمدة الكهرباء في المدن والقري


ردود على امين بابكر
[Quickly] 09-15-2014 09:15 AM
سرقوا قروش المواطن قروش البلد بنوا بيها فلل وعمارات وحولوها الى ارصدة في بنوك خارجية شركات في دبي وماليزيا واثيوبيا وعملوا ليك السد دا بي قروض ربوية ما فيها بركة
وفوق ذلك تسدد من دم الشعب السوداني وحتقعدتدفع وتدفع وتدفع لمن الله يغفر ليك

اللهم دمرهم تدميرا تجار الدين ديل فأنهم لا يعجزونك


الظاهر بقى مافي رجال في الخرطوم الا في الديامة الصناديد
و الخرطوم فيها 8 مليون !!
الباقين ديل حقوا يلبوا طرح ويقعدوا في بيوتهم في بنابر وعوسوا كسرة ويتمسحوا

المجد والخلود لشهدا سبتمبر الشرفاء واتسأل دوماّ لأجل من سالت دمائهم وضحوا بأرواحهم ؟؟,,, لأجل هؤلاء المتخاذلين الذين يختبؤن في بيوتهم ويمشون بين الناس كالاموات ؟؟!!!
قاتل الله الجبناء


#1105688 [نص صديري]
4.50/5 (12 صوت)

09-15-2014 03:50 AM
الرد الرد بالسد!!!!
ذاكرتنا ليست خربة ايها المواهيم عندما كنتم تجعجعون ان السد سينتج 2500 ميغاوات وستصدرون الكهرباء وقلنا لكم ان هذا كذب صراح بعدها مع خجلة قلتم ينتج فقط 1200 ميغوات وقلنا لكم برضوا ده كذب الان اعترفتم فقط 500 المتاحة وان عجزكم 300 من حوجتكم للعاصمة بس 800م غ
حتى هذه الكمية المتاحة تذهب لعماراتكم الشاهقة ومكيفاتكم وبراداتكم وليس للمصانع او الاضاءة او التنمية والري بل كذلك معظم انقطاع المياه سببه موتورات الشفط في عماراتكم في شبكة مهلهلة ضعيفة
عالم لاتستحي او تختشي مشاكل السودان كلها لاشيئ امام مشاكل اهل العاصمة البلد كلها اصبحت عبيد لنخاسة مترحي الخرطوم


ردود على نص صديري
Saudi Arabia [المهندس سلمان إسماعيل بخيت على] 09-15-2014 11:48 AM
أخى نص صديرى كيف تكون حاجة ولاية الخرطوم 800 ميغاوات كهرباء انا أحدث واعيش بمدينة الرياض واعمل بوزارة المياه والكهرباء -مدينة الرياض السعودية تستهلك ما بين 9000 الى 10000 ميغاوات
معقول نستدين 2 مليار دولار عشان ننتج 500 ميغاوات بينما المؤمل كان 2500 ميغاوات يسأل منها أسامة عبد الله الذى قلده البشير وسام ثم طرده
كل المطرودين من الجماعة ذهبوا يديروا أمبراطورياتهم من الحاج عطا المنان الذى يعتبر الثرى رقم 1 لصلاح قوش لأسامة عبد الله
نحن عاوزين الرئيس يناديهم فى القصر جميعهم مش منذكرته لكم جميعهم ويجردهم من أى وسام أو مال ويرده لخزينة الدولة ثم يتكل على الله فقد ثبت انه رئيس فاشل والدليل ألووووووولو الرد بالسد الرد بالسد وطلع فشنك

Sudan [ممغوص من الكيزان] 09-15-2014 10:24 AM
الأخ نص صديري تحيه ... الكيزان أخوان الشيطان ... لايجيدون شئ أكثر من الكذب والمراوغه والنصب علي خلق الله

Saudi Arabia [جركان فاضى] 09-15-2014 08:27 AM
فعلا يا اخى وين الرد الرد يا مروى السد....والنتيجة ان السد غرق الناس وطفشهم من زراعتهم ولم ينتج كهرباء...نرجو تسليط الضوء على الرد الرد يا مروى السد... وشكرا يا نص صديرى ونشوفك السنة الجاية صديرى كامل


#1105681 [adil a omer]
5.00/5 (6 صوت)

09-15-2014 03:12 AM
الكتاحه

ثورة الحق لكنس الباطل

الحساب والقصاص من الانجاس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (5 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة