الأخبار
أخبار إقليمية
محاولة انتحار (عاري) داخل مطار الخرطوم
محاولة انتحار (عاري) داخل مطار الخرطوم
محاولة انتحار (عاري) داخل مطار الخرطوم


09-17-2014 04:40 PM
الراكوبة: الخرطوم لفتت حالة جنونية لأحد الشباب داخل مطار الخرطوم أنظار الأجانب والسودانيين أمس، عندما خلع الشاب ملابسه وأخذ يصرخ بأعلى صوته، وتم القبض عليه قبل أن ينتحر (عارياً (كما أفاد بذلك مصدر للراكوبة داخل المطار. ونقلت بعض الصحف أن الشاب الذي يرقد الآن بمستشفى الأمراض النفسية بالخرطوم كان قد جن جنونه عقب وداعه لحبيبته، فيما قال المصدر أنها أخته.


تعليقات 39 | إهداء 0 | زيارات 21404

التعليقات
#1109011 [ناصر عبد الفتاح]
0.00/5 (0 صوت)

09-18-2014 05:41 PM
يوم الحبيب ودعني زادت علي ألم الجراح


#1108878 [ابوهاشم الشريف]
5.00/5 (3 صوت)

09-18-2014 02:24 PM
يوم في يوم غريب يوم فى يوم غريب
ب فيهو الشمس لمت غروبها وسافرت
بانت نجوم متفرقات زي الدموع
فى خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت


والله الشعراء ديل التقول بعلمـــــــــــوا هههههههههههههه وخاصة الجنى القال أمتي يا أمت الأمجاد والماضي العريق تيرا را تيرا را ههههههههههههه


ردود على ابوهاشم الشريف
[Quickly] 09-18-2014 03:27 PM
ياسلالام,,,!!!
ياخي دا كان ضارب شنو دا وطلع كلام زي دا
من عيون الشعر السوداني الصافي فعلاّ ابداع
الله يرحمو سيد خليفة المبدع ,,, بس شاعر الكلمات الرهيب دا ماعرفتو ياابو هاشم


#1108796 [تينا]
5.00/5 (3 صوت)

09-18-2014 12:39 PM
كرعلى مسكين والله الله يشفيه ويعافيه ...


#1108780 [الداودي]
5.00/5 (1 صوت)

09-18-2014 12:25 PM
غايتو مطار الخرطوم احسن مكان للجنون


#1108723 [سؤال برئ]
5.00/5 (4 صوت)

09-18-2014 11:33 AM
الأخوة والأخوات المتداخلين والمعلقين، طبيعي أن نقوم بالتعليق على المشاركات والتعليقات المنشورة ولكن غير الطبيعي أساليب السباب والشتائم التي يستخدمها البعض،مثل يا غبي ، يا بليد، والتي تدل على تردي المستوى الأخلاقي لمستخدمها، فلنتق الله.


#1108707 [RED]
0.00/5 (0 صوت)

09-18-2014 11:19 AM
قلنا ليهم أعملوا حسابكم من الشــــاش عايز غذاء ماسمعوا الكــــــــــــــلام!!!!.


ردود على RED
Qatar [sasa] 09-18-2014 05:54 PM
عارف يا ريد بيكون المعلم الشاش العملها فيهو ده شاف بيهو ضو الفجر والبطن فاضية عليك امان الله من امس مادخل شئ وزى ماقلت الشاش عايز عايز شئ فى المصارين ولو عيش دراش

اللهم انى قد بلغت فاشهد


#1108695 [ابو الشوش]
5.00/5 (3 صوت)

09-18-2014 11:08 AM
الله المستعان اللهم ثبت قلوبنا علي الايمان


#1108623 [شفق المطايا]
5.00/5 (3 صوت)

09-18-2014 10:21 AM
السودان ماشى فى حاله انهيار تام ممكن الحريم يطلعن ملابسن تحت اى لحظه والله المستعان


#1108544 [زول]
5.00/5 (4 صوت)

09-18-2014 09:21 AM
الناس دي كللللللها مجانين , بس الشقي هو البقع في القيد


#1108543 [حسن جحا]
3.96/5 (9 صوت)

09-18-2014 09:20 AM
المشكلة فى السودان انو كل الناس عايزة تبقي وزراء وكلهم عايزين يبقوا مدراء وكلهم عايزين يبقوا اغنياء وكلهم عايزين انو بشرتهم تكون بيضاء وكلهم عايزين يبقوا سمحين


ردود على حسن جحا
[علي البرقاوي] 09-18-2014 10:06 AM
يا جحا فقط دي الاوهام الفي راسك...الناس فقط عايزين يعيشوا حياة كريمة وتحفظ ادميتهم


#1108510 [شفقان]
5.00/5 (3 صوت)

09-18-2014 08:51 AM
الشاب ده البيهو يعلمو رب الناس
لا جوع لا عطش، شيتاً يشطب الراس


#1108459 [خبر ناقص...!!]
4.75/5 (3 صوت)

09-18-2014 08:08 AM
ياخ محرري الأخبار ديل بقو أي كلام..!!

أهم معلومة في هذا الخبر.... مل موجودة..!!

لازم يحددو... الشاب ده... كان في صالة الوصول.... ولا المغادرة؟

عشان نقدر نحدد موقفنا وكدة...


ردود على خبر ناقص...!!
[خميس] 09-18-2014 03:28 PM
يا علوب.البلد اتملت مواهيم ودا منهم. قراية ما بعروفوها

Saudi Arabia [علوب] 09-18-2014 09:31 AM
مكتوب ( عقب وداعه لحبيبته)يا وهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#1108444 [علي]
5.00/5 (2 صوت)

09-18-2014 07:53 AM
حسبي الله ونعم الوكيل


#1108416 [زول]
5.00/5 (14 صوت)

09-18-2014 06:54 AM
قريبنا شاب في مقتبل العمر فجاة بقي يكلم نفسو ويتكلم مع تجار حولينو مافي واحد شايفم ويتكلم عن ملايين وبيوت ونسوان وموبايلات وسفر لي دبي وهو حق التمباك ماعندو المهم ودوهو مستشفي الامراض النفسية مالقينا سرير واحد فاضي تحت الشجر حتي جيران المستشفي مطلعين سراير في الشارع صدقة ودي قصة حقيقية الشباب لمن يسمع اسعار العربات والبيوت والعرس بقي يجن ولمن يسمع عن شاب شغال في مكتب الوالي سرق تسعمية الف مليون جنيه والبقية بتفتش علي شغل بمرتب مابيكفي حق المواصلات ليه ما يجنو


ردود على زول
Qatar [sasa] 09-18-2014 12:41 PM
صدقت والله - مدعى التدين والاسلام انقلابى نظام الترابى وعمر البشير بشقيه اللاوطنى والشعبوى اغتنوا من مال الشعب واتخموا بدنيا وبطنيا وتزاوجوا مثنى وثلاث ورباع وغيره ونسلهم يتعلم فى بلاد العلم الحقيقى الملحد الذى دنا عذابه وتوظف البعض منهم بالمؤسسات والمنظمات الدولية والعربية الخليجية والبعض عمل بمرافق الدولة الفاشلة السودان واشرف وخطط وساعد فى التزوير وسرقة الاموال والكمشنات والرشاوى واصدرت المحاكم الالغازية الفرمانات بتجريم ومنع النشر عن الفساد والمفسدين والفاسدين فى دولة الشريعة وهى لله والله اكبر وعرس الشهيد ونداء الجهاد وصلاح اغتصاب (قوش) ونافع اغتصاب (بيوت الاشباح) والهالكين ابراهيم شمس الدين والزبير وضرب وسحل وقتل من حاول الحديث عن الفساد سواء كان منهم وجائته صحوة ضمير (عثمان ميرغنى) او قتل (محمد طه محمد احمد- قضية قتال السودانيين ضد اسرائيل مع حزب الله)ووووووالخ من يسمع بهذا اذا لم يجن فهو ليس ببشرى بل من قبيلة الجن .... والماجن وفقد المحنة منكم فى هذا العهد الرمادى الاسود عمره ماحيجن؟؟؟؟


#1108411 [شفقان]
4.97/5 (15 صوت)

09-18-2014 06:38 AM
نصيحة بالمجاني لكل أؤلئك الذين أصابهم اليأس بسبب أحوالهم المادية أو بسبب الإنحطاط الأخلاقي الذي يرونه متفشياً حتى في عقر دارهم وللذين يتجلى لهم ضعف قوتهم وقلة حيلتهم ويحسون بالعجز في تغيير أوضاعهم أو تحسين معيشتهم، لأؤلئك الذين لا يستطيعون ستر عرضهم ولا علاج مريضِهم ولا إشباع جائعِهم ولا كِسْوة عاريَهم: لا تفكروا في الإنتحار بل فكروا في الشهادة في سبيل الله، ترصدوا أحد هؤلاء الأشرار الأنجاس الخونة الفاسدين الذين خدعوكم بإسم الدين وسرقوا اللقمة من أفواه جياعكم والدواء من مريضكم الذين دمروا حاضركم ومستقبلكم وبنوا العمارات الفارهة لهم ولأبنائهم ولذويهم وزبانيتهم. ترصدوا أحد هؤلاء وأقتلوه، وأنا شخصياً أرجح أن تبدأوا بأخطر الكلاب والي الخرطوم القذر- فإنها والله لشهادة في سبيل الله وخلود لإسمائكم في ذاكرة التاريخ وشفاء لغيظ صدور ملايين المسحوقين المظلومين ووفاء لشهداء سبتمبر الذين زهقت أرواحهم برصاص الغدر والجبن والنذالة


ردود على شفقان
Denmark [مكرام] 09-18-2014 01:51 PM
ده الحل بدل الصيصنة البسوو فيها الشباب واحد ناطي منتحر في النيل وواحد مقلع سروالو''عليكم بامثال علي محمود وحسين جقة واي كوز ليهو جعاب

Qatar [sasa] 09-18-2014 12:43 PM
كلامك عين العقل زى ماقال ود النتمة

Sudan [زول سوداني] 09-18-2014 11:52 AM
كلامك سليم مية في المائة ..
فقديما قيل : من امن العقاب اساء الادب .. الكيزان ديل فعلا امنين جدا من العقاب ومستغلين طيبة الشعب السوداني ومسكنتو علشان كده مسيئين الادب جدا للشعب السوداني و قاعدين يعملوا فيهو العاوزنو ..

Saudi Arabia [ودالمتمة] 09-18-2014 09:59 AM
كلامك عين العقل

[الإغيبش] 09-18-2014 09:22 AM
يا زول انت حالجة منك ولا شنو ؟ شنو وإنها والله لشهادة في سبيل الله ؟
ماتفتي من راسك يا شفقان !!

United States [النعمان] 09-18-2014 09:06 AM
افضل تعليق أقراه من سنين


#1108343 [جيفارا]
4.85/5 (14 صوت)

09-18-2014 12:47 AM
الحمد لله كترت الشواكيش علمتنا الثبات


ردود على جيفارا
[علي البرقاوي] 09-18-2014 10:09 AM
يعني ما برانا؟؟؟؟؟؟هههههههههههه

[دجانقو] 09-18-2014 08:08 AM
تمت السرقة بنجاح


#1108334 [منصور محمد احمد]
4.00/5 (4 صوت)

09-18-2014 12:40 AM
الوضع في البلد اصبح بعد نجاح الكيزان بالتسلط علي الشعب لدة 25 سنة، اصبح الوضع لا يطاق ، وهذا هو المطلوب منهم بواسطة الماسونية (الاستعمار الجديد). و عليه من يريد ان يجن ، سيكون اختار الاختيار الافضل. عشان الخيارات الثانية هي ان يموت بالسكتة الدماغية او السكتة القلبية او الانتحار . فهذه الخيارات احسن منها الجن ، فتجنوا لغاية ما يأخذ الله الكيزان اخذ عزيز مقتدر. يا ربي سلط عليهم اليم مويتو تغلي و اهلكهم كما اهلكت الذين فسدوا في الارض من قبل.


#1108318 [الطفشان من الكيزان]
5.00/5 (1 صوت)

09-17-2014 11:55 PM
لا تلوموه الشى الخلاه يملص هديماته ما هييين اكيد ركب ماسورة كبيرة


#1108305 [أبو زهانه.]
4.99/5 (17 صوت)

09-17-2014 11:22 PM
ولله دي فكرتي عاوز أعمله
بعد أجي السودان بعد غربه عشرين
سنه عريان ميطي عشان أتخارج من ناس
الجمارك الحراميه ديل.


#1108287 [بنت الناظر]
4.93/5 (14 صوت)

09-17-2014 10:59 PM
شكيتهم على الله كان يكون لطشوها منك ناس مثنى ورباع ..إنشاء الله ماتنفعهم وتدخل عليهم بالساحق والماحق ..


ردود على بنت الناظر
Saudi Arabia [ahmed] 09-18-2014 08:14 AM
ضحكتينى يابت الناظر =


#1108253 [الكاريبي]
5.00/5 (2 صوت)

09-17-2014 09:43 PM
السودان زمان كان منارة ...


#1108244 [كوكى قرفان]
4.97/5 (14 صوت)

09-17-2014 09:34 PM
ميطى ميطى؟الله يجازيك يالجبت الحبوب بالحاويات.


ردود على كوكى قرفان
Netherlands [سكران لط] 09-18-2014 01:46 AM
قلت كان مممممط .. يك
قنا ليهم مريستنا دي ..يك ما ما مافي احس منها.


#1108235 [محمد نور اللقيد]
5.00/5 (4 صوت)

09-17-2014 09:08 PM
ربنا يشفيهو ويتتم له لابس الصحة والعافية


ردود على محمد نور اللقيد
Sudan [nagatabuzaid] 09-18-2014 10:19 PM
امين يا رب العالمين


#1108232 [شهنور]
5.00/5 (11 صوت)

09-17-2014 09:03 PM
اذا كان بشترو بيوت باكثر من19 مليار ما بيجننو؟


#1108220 [فكرى]
4.50/5 (3 صوت)

09-17-2014 08:36 PM
أنتم السابقون ونحن اللاحقون بس بدون مليص
وحكاية البت ما مهضومة الزول دا إحتمال يكون لاقى سعاد الفاتح فى المطار والباقى تموا خيال


#1108198 [moiez]
3.00/5 (2 صوت)

09-17-2014 07:50 PM
بقت علي دابس الناس دي كلها جنت ملو البلد بنقو وهموم


#1108191 [مواطن]
5.00/5 (6 صوت)

09-17-2014 07:33 PM
لا حول ولا قوة الا بالله ،الله يعافية ويشافية ....


#1108178 [mohamd]
5.00/5 (1 صوت)

09-17-2014 07:14 PM
ياجماعه دي اخته قالو في شنو تاني ولو هي حبيبته ماكان مشي ودعه


#1108168 [AburishA]
4.94/5 (6 صوت)

09-17-2014 06:55 PM
نسأل الله له الشفاء ان كان مريضا... لكن الناس في السودان كلها ليست بافضل حال منه الا بس غلبوه بالصبر...


#1108158 [Hisho]
3.38/5 (4 صوت)

09-17-2014 06:37 PM
دا واحد باطل ساكت .. لو كان دا السبب


#1108140 [ابوبكر علي عمر]
4.91/5 (7 صوت)

09-17-2014 06:05 PM
واللة ياشباب حارة شديد الواحد بكون بحب واحدة بي السنين ويصرفا عليها ويكون باني مستقبلو عليها يجي مغترب براحة يشيلة منهو ودي صاحبتة واهلة يملو ليها راسة عندو وعندو والمسكين العاطل دا الحكومتنا ماموفر ليهو شغل وماقادر يتزوج ومع غلي المهور دا ليهو حق يجن


ردود على ابوبكر علي عمر
Saudi Arabia [ابو ياسر] 09-18-2014 04:32 PM
لا حولة ولا قوة الا بالله ، انت يا أبوبكر من زمن المغترب يجى يشيله منو ، يااخى المغترب بقى قاعد يأكل ويشرب ويتعالج واذا فضل شى برسله لى اهله ، والمغترب مقلوب على امره نسأل الله ان يلطف بالجميع .

Saudi Arabia [المشروع] 09-18-2014 08:57 AM
انت من زمن مغترب يجي يبلعها والله المغتربين محتارين في الحاصل في السودان وزير مالية سابق يشتري منزل ب 19 مليار والسمسار حقه 250 مليون وتقولي مغترب ، المغتربين يلقط فيها زي النملة ويجي الفيل يأطها

Saudi Arabia [كاره الشيوعيين والكيزان] 09-18-2014 08:55 AM
المغتربين ديل ما خليتو ليهم جنب يرقدوا عليه حتى النسوان حاسدنهم فيهم

Saudi Arabia [كتاحة] 09-18-2014 07:55 AM
Sudan [كمال] 09-17-2014 06:59 PM

ياخي شكلك ممكون و مشوكش و صابر
كن كالمسمار ﻻ يزيده الشاكوش اﻻ ثباتا



يا كمال : ما تنسى " الزردية " ممكن تقلع المسمار أو تكر راسه .

Sudan [كمال] 09-17-2014 06:59 PM
ياخي شكلك ممكون و مشوكش و صابر
كن كالمسمار ﻻ يزيده الشاكوش اﻻ ثباتا


#1108123 [الجعلي]
3.75/5 (23 صوت)

09-17-2014 05:45 PM
شوف تجن دي ما مشكلة نحن زاتنا قربنا نجن و بقينا نتكلم برانا و قدر ما نضربا نلقاها مقدودة
لكن تملص هديماتك و تقعد تجعر عشان دامة و تلقاها دامة شيريا كمان دا ما ممكن نفبلوا بأي حال من اﻻحوال
وينن هن البنوت البجننوا يا اخينا ديل تحمدالله انهن مشن منك اسمع كﻻمي و اقع اديس ابابا ساي و ادعوا لي
هسي كان جنيت بالخلعة لو شفتها بدون كريمات كان معليش عموما ربنا يشفيك لكن تاني للضمان كدا البس ليك بنطلون بي حماﻻت لمن تمشي تودع زول في المطار الظروف ما معروفة


ردود على الجعلي
Saudi Arabia [ود القرض] 09-17-2014 11:06 PM
اخوى الجعلى الله يديك العافية ويحفظ ليك عقلك ويكمله ليك

Saudi Arabia [ابو الدقلونا] 09-17-2014 07:04 PM
هههههههه... والله ياالجعلى انا من زمان ماضحكت لكن تعليقك جميل ومضحك


#1108117 [بابور جاز]
4.18/5 (10 صوت)

09-17-2014 05:36 PM
عاري و انا عارو تررررا تررررراااا

خيابة ما منظور مثيﻻ خيابة ما منظور مثيﻻاااا هاهاهاهاهاها ضحكة قدور

دا زمن يحبو فيهو يا ابو الشباب دا كان زمان
زمن بتلقى الحبيبة بتشتغل منديل حرير لحبيب بعيد
هسي دا زمن تلقى الحبيبة بتشتغل في محل اتصاﻻت


#1108103 [abdu]
5.00/5 (2 صوت)

09-17-2014 05:20 PM
I do not understand any thing what that mean more evidence plz


#1108090 [nagatabuzaid]
5.00/5 (23 صوت)

09-17-2014 05:06 PM
لا فى وداع حبيبة بجنن ولا وداع اخت بجنن جننتوا ححكومة الشواطين وحزب الابالسة ديل جننوا السودان كلوا

حكاية ذات صلة : جاراتنا متزوجات شقيقين وصديقات يذهبن كل صباح الى الجزارة معا فى صباح فى مشوارهن المعتاد قابلهن شاب فى العشرينيات حاملا حجرا كبيرا واتجه نحو اكبرهن سننا مهددا شاهرا حجره قال ليها كسرت خمسة عربيات عساكر ماركة ابو طيرة هرستهن هرس وكانت ذكية قالت له بركةالهرستهن اهرسن خليهين دقيق وكمان تانى اهرس خمسة الشاب ارتاح لتجاوبها معه استمر قائلا وانا من هنا ماشى لعمر البشير ادشدشه قالت ليه بنفس انفعاله اكان لقيتوا و لميت فيه اهرسوا دشدشوا لحقوا عربات عساكروا ماركة ابو طيرة هنا تركها فى حال سبيلها قالت كنت ارتجف من الخوف والرعب والهمنى الله ان اصرفه عنى بالتجاوب معه وبكت متحسرة على شبابه قلت لها انه من ضحايا حكومة المجرمين ما رايكم يا اهل الراكوبة

اللهم اذهب عقول اهل الانقاذ ومن والاهم واجعلهم يهيمون على وجوههم ولا يعرف لهم مكان اللهم اجعل لبسهم اثمالا وطعامهم من القمامة مخلوطا بالدود والصراصير اللهم اجعلهم يهذون ويهضضربون اللهم اجعل نهارهم اسود كليلهم قولوا امييييييييين


ردود على nagatabuzaid
Sudan [nagatabuzaid] 09-18-2014 10:45 PM
لكن يا المشروع بالغت اقطع مصارينك بالضحك تشكينى للا قوى منى ومنك ؟ كويس ده جزاى اصبر كان اضحكك تانى والله يا المشروع مع وجع الوطن بقى الضحك غالى

اها يا المشروع البقد م السبت بلقى الاحد ضحكتك وابوريشا قطع مصارين مصارينى بالضحك يا ابو ريشة زمن التعليم كان تعليم و ايام الامتحانات تشعر فعلا انك ممتحن والمنافسة نار تكون بتاكل وتقراء ونايم وبتقراء اخت لنا شايلة الكتاب ومشت المزيرة تشرب موية وهى بتقراء خلت الكتاب وجات شايلة غطاء الزير وما انتبهت الا وصويحباتها يضحكن فى مدارس الزمن ده الازيار فااضية ووسخانة وما عندها اغطية ولا تغرى بشرب الماء

الكريم دقنة امن الله حياتك من كل شر ومتعك بالصحة والعافية

Saudi Arabia [Abu Areej] 09-18-2014 12:31 PM
طيب لو كان قصدو عربات العساكر ديل نسوان (شن الرأي)؟؟

[AburishA] 09-17-2014 11:39 PM
لك التحية بت ابزيد.. تعليق مليان وفي الصميم..قالوا والعهدة على الراوي ..واحد من زي ال جننوهم الابالسة ديل.. دخل الحمام "الله يكرمك" وبعد ان استحم لف راسه بالبشكير فقط وخرج كما ولدته امه.. وكان في نسوان مع زوجته في الحوش جاء شاقّيهم النصف ورد ليهم التحية كمان..ودخل اوضته..وقد الجمت المفاجأة الجميع.. فلحقته زوجته مسرعة في الاوضة وقالت ليهو فضحتناانت طلعت من الحمام عريان.. فنظر الى نفسه وعندما وجدها كذلك.. رجع مهرولا وهو عريان الى الحمام ..بنفس الطريق وتاني شق النسوان ودخل الحمام ليلبس ملابسه..عموما الزول ال دقّ ام جاعورة في المطار ده..انحنا غلبناه بالصبر بس.. ابوي زمان الله يرحمه قال لي ياولدي الزول لو ما دخل القبر ما بنضمِن.. خالص احترامي..

Netherlands [دقنة] 09-17-2014 10:43 PM
أآآآمين يارب المظلومين المستضعفين

Sudan [nagatabuzaid] 09-17-2014 10:25 PM
التحية للكرام كل من رد


ود اللفة الاية ( حسبنا الله ةنعم الوكيل ) انقذت نبى الله ابراهيم عليه السلام من نار النمرود وايضا سيدنا محمد رسول اللهصلى الله عليه وسلم انها سيف المؤمن ويقول الحقسبحانه وتعالى للمظلوم ان قالها وعزتى وجلالى لانصرنك ولو بعد حين والله اعلم سبحان الله البروف الذى ذكرها مؤنا بهه وبنصر الله له استجابة الله كانت ان تقع فى اذن الجنوبيين كانها SPLA لا تجعل لسانك يفتر عنها مع بقية الاذكار تسلم

كوش ربنا يحفظ شبابك وشباب الزيك والامل فيكم فى بناء سودان خلى من الكيزان وان شاء الله يكون كما كان وتتجول بين ربوعه فى امن وامان ولكل طاغية نهاية وبعد كل ليل لابد من بزوغ الفجر

كاروة امن الله حياتك وحفظك باذن الله انتم بناة السودان وتاكد تامينك على الدعاء سيستجاب باذنه تعالى

Saudi Arabia [abusami] 09-17-2014 08:39 PM
آمين يارب العالمين.

Saudi Arabia [المشروع] 09-17-2014 08:26 PM
(لا فى وداع حبيبة بجنن ولا وداع اخت بجنن جننتوا ححكومة الشواطين وحزب الابالسة ديل جننوا السودان كلوا ) هههههههههههههههههههههه شكيتك للأقوى مني ومنك يا بت ابزيد قطعت مصارينا من الضحك

Sudan [ود اللفة] 09-17-2014 06:01 PM
تعرفي يا نجاة في بروف مشهور رحمه الله أنقذته عبارة حسبي الله ونعم الوكيل عندما هجم عليه نفر من الجنوبيين في عربته عقب وفاة جون قرنق، وكان ظنهم أنه يقول لهم (SPLA).

[كوش] 09-17-2014 05:58 PM
نحن لسه في عز الشباب طلعنا مقهورين ..
كان حلمنا أنو نبني وطنا بأيادينا .. نعيش بين أحضانه .. نسافر في ربوعه ..
نتعرف على أهله ومعالمه .. نمشي الشمالية .. نمشي واو .. نمشي كسلا والجنينة ..
ناكل قراصة أهل مروي .. وعصيدة الدخن لأهلنا في فاشر السلطان ..
نزور جبل مره ونأكل تفاحو .. كانت أحلامنا كبيره بحجم الوطن ..
لكن للأسف كلو ضاع .. كل شي أتهدم ..
هدمو كائن اسمو " الكوز " ضيعنا وضيع الوطن معاهو ..
وا آسفا ..

Saudi Arabia [كاروشه] 09-17-2014 05:42 PM
اممممممممممممممممممممممممممممممممممممممممممممممممممممين يارب العالمين

[magic] 09-17-2014 05:32 PM
ما تخدعى نفسك سيدتى الشعب السودانى كلو جنا بس الشاب القابلوهو جيرانكم بدا البث ع نطاق عالمى


#1108089 [Ali Murtey]
4.38/5 (4 صوت)

09-17-2014 05:06 PM
بسم الله الرحمن الرحيم


#1108085 [مرسال الشوق]
5.00/5 (2 صوت)

09-17-2014 05:02 PM
الله يخيبك


#1108082 [حرباشة]
4.66/5 (7 صوت)

09-17-2014 04:59 PM
طبعا الموضوع بكون كالتالي
الشاب دا كان خالط البت دي 9 سنين في الجامعة و هاك يا سندوتشات و رصيد و بارد و بعد ان تخرجوا بعد طول تربيتة اسرتها المقيمة في السعودية قالت ليها في شاب جاهز في السعودية اتقدم ليك و هو مرطب و متدين (طبعا متدين دي ما بتهمهم بقدر مرطب) .. و اهو مشت المطار و كلمت زولنا دا و لمن اتذكر المصاريف الصرفا عليها و قاطعا في جلدو فكت منو


ردود على حرباشة
[الفكى الصينى] 09-17-2014 09:33 PM
شنو يابت غدوغدو
شكلك جديده فى الراكوبه
كدى استهدى بالله وجر ليك بنبر واقعدى وشوفى
بعدين تعالى فكى النار
الزول دا nickname حقو حرباشه ما خرباشه
بعدين ما هو اول زول نجر ليه روايه عن موضوع طرح هنا
هنا فى الراكوبه التكهم جزء من طرح الرؤى والافكار
وايضا هى معارضه للوضع فى البلد

[بت قوقو] 09-17-2014 07:29 PM
انت خرباشة من اين لك هذه المعلومات هل تعرفهم متي تكونوا قدر المسئولية لماذا تالف مفتكر نفسك ظريف ودمك شربات الله يزيدك هبل


#1108076 [ماجد]
5.00/5 (2 صوت)

09-17-2014 04:54 PM
خﻻااااس يا روميو .. هسي انت مأمل تاني تعاين ليك بعد مليص الهدوم دا

غايتو الله يصبرنا في الجيل النحس تربية التلفزيونات دا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة