الأخبار
أخبار إقليمية
تطورات جديدة في قضية السمسار ووزير المالية السابق بعد فشل مساعي التسوية
تطورات جديدة في قضية السمسار ووزير المالية السابق بعد فشل مساعي التسوية


يملك "6" قصور فقط! والقصر (الفضيحة) يخص إمام مسجد والد البشير
09-18-2014 11:06 AM
الراكوبة: - أبو محمد
شهد النادي الوطني (نادي جهاز الأمن) بالخرطوم حتى ساعة متأخرة من مساء أمس 17 سبتمبر، شهد جلسة "جودية" بين الوسيط العقاري عبدالجليل علاء الدين وعلي محمود عبدالرسول وزير المالية السابق، وضمت الجلسة شخصيات أمنية وسياسية وبعض المسؤولين من وزارة الصناعة منهم اللواء "مفضل".. وتمسك السمسار بحقه فى نيل نسبة الـ5% من إجمالي قيمة القصر الذى اشتراه الوزير من الدكتور عصام أحمد البشير إمام وخطيب مسجد النور بكافوري بمبلغ 2مليون دولار (ولم تتأكد للراكوبة صحة نسَب القصر للدكتور عصام رغم إفادة المصدر بذلك).

وتعود تفاصيل الحكاية إلى أن محمد أحمد وأيوب ــ الأول مدير مكتب علي محمود والثاني حرسه الخاص ــ حضرا إلى مكتب يملكه السمسار عبدالجليل وطلبا منه البحث عن منزل بمواصفات معينة للوزير واتصل الوسيط بدكتور عصام البشير الذي تصادف أنه يعرض قصره للبيع وعندما جمع الوسيط الطرفان قال لهما (سوف أسافر الى دبى لثلاث أسابيع وقد جمعتكما فاحفظا لي حقوقي)..وبعد انقضاء الأسابيع عاد الوسيط ليجد مبلغ "19" ألف جنيه فى مكتبه قيل له أن علي محمود تركها (عيدية) لتزامنها مع عيد الفطر وقتها.. قام الوسيط باحضار شهود ليثبتوا الواقعة لاحقاً، وواصل الإلحاح مطالباً بمبلغ السمسرة مما قاد الى إحضار مبلغ 200 ألف جنيه كعمولة، ومرة أخرى أشهد عليها عدداً من الحضور، ثم حرر بلاغاً بواسطة المحامي معاوية خضر الأمين، واتخذت النيابة اجراءاتها. وعندما خرج الأمر عبر (الراكوبة) وبعض الصحف تحرك بعض أقرباء واصدقاء علي محمود سعياً لاطفاء الموضوع حتى لايؤثر في عملية ترشيحه لمنصب العضو المنتدب لشركة سكر كنانة (بعد أسبوعين)، وهو ما قال به قيادي كبير بوزارة الصناعة حضر لقاء الجودية فى النادى الوطني إذ طلب من أسرة الوسيط (مباركة الموضوع) حتى لا يؤثر فى حظوظ الوزير السابق الذى قدمه وزير الصناعة السميح الصديق كمرشح لمنصب العضو المنتدب ويطمح فى اقناع الشركاء العرب فى كنانة للقبول به كمدير للشركة فى اجتماع مجلس الإدارة المحدد له يوم 28 سبتمبرالجارى.. وقبل انفضاض جلسة "الجودية" بالأمس تدخلت جهات عليا فى الدولة ــ غاضبة جداً ــ وطلبت من الوسيط وأسرته مباشرة الاجراءات القانونية ضد الوزير الذى مازال مصراً على انكار عملية البيع وهدد برفع دعاوى ضد الصحف لنشرها الخبر، وذهب بالفعل لـ(المستقلة) و(الأهرام اليوم) وهدد بمقاضاة الصحيفتين. وتبلغ عمولة الوسيط 950 ألف جنيه ــ حسب إفادة مصدر.

وتفيد متابعات الراكوبة بأن علي محمود يملك عدداً من القصور فالقصر مثار الخلاف يقع فى حي الرياض من طابقين مجاور لمحلات "دودي" المعروفة.. اضافة لمنازل فخيمة أخرى تتوزع كالآتي: (المعمورة ــ الطائف ــ الراقي منزلين، ومثلهما في حي المجاهدين).

وعلمت الراكوبة أن الوسيط طمْأنَ مقربين منه خافوا عليه من غدر الوزير بالقول أنه لاعلاقة له بالسياسة، فقط يريد حقه.. وتدخل علي حمدان مالك صحيفة (المستقلة) بوساطة جديدة بعد انفضاض جلسة النادي الوطني، وطلب مهلة حتى نهار اليوم الخميس لحل الأزمة.. يذكر أن السمسار الذي أثار العاصفة من أبناء مدينة ربك وعمل والده "شيخ علاء الدين" بشركة سكر كنانة، وقد تعرض هذا السمسار للتهديد من أتباع علي محمود إن استمر فى المطالبة بحقوقه ــ حسب مصدر مقرّب.


تعليقات 91 | إهداء 0 | زيارات 33769

صفحة 1 من 212>
التعليقات
#1128698 [أبو وتين]
0.00/5 (0 صوت)

10-18-2014 01:03 PM
يا ناس اتقوا الله سبحانه وتعالي فيما تكتبون
من يتحدث عن العلامه عصام البشير عليه الاطلاع علي سيرته الذاتيه....فمن يمتلك مثل هذه السيره يحق له امتلاك العقارات ولو كانت بمكه المكرمه ناهيكم عن الرياض


#1111049 [الظربان]
4.17/5 (12 صوت)

09-21-2014 10:37 AM
....سلام عليكم ورحمة الله...
ويمكرون ويمكر الله..والله خير الماكرين....
..تحسبهم جميعآ وقلوبهم شتى..
..بأسهم بينهم شديد.....
..السودان الوطن الواحد قد كان وماذا يكون...
..الدولار وسعره الموازي في زمن عيال محمود..
..علي محمود..6.5جنيه سوداني...
..بدرالدين محمود..9.5 جنيه سوداني..
..ملازم اول في مكتب الوالي..يكوش على سبعمائة مليار..(احضر آلة حاسبة واحسب النتيجة بدولار عيال محمود)..
..علي=107.692.307,692
..بدر الدين=73.684.218.526
..يعني بالعربي وبدون كسور..
..ملازم اول يدغمس بدولار علي..(مائة وسبعة مليون دولار...عيييييييييييييييييييك)
..وبدولار بدر الدين..(فقط ثلاثة وسبعون مليون دولار!)
..العضو المنتدب لشركة سكر كنانة..مربط الفرس....ظهور العميل في هذا التوقيت..
..لحساب من من المنافسين في هذه الوظيفة..؟
..اذآ هو صراع داخلي..لا علاقة للشعب السوداني به..لان سؤال المرحوم/الطيب صالح يظل عالقآ: (من أين أتى هؤلاء!!!؟)..
..ومعظم هذه الصراعات الداخلية..يكن نصيبنا فيها..الاكتفاء بالتعليق..ومعرفة مبالغ الشعب السوداني عند.. هؤلاء!!
وعلى سبيل المثال..لا الحصر...
**عمولات خط هيثرو....
**عمولات شركة الاقطان...
**عمولات التقاوي الفاسدة...
**عمولات الصمغ العربي...
**عمولات مشروع الجزيرة..العظيم!!لامن ناس بحيري بقوموا ليهم جميع وزراء مالية افريقيا..احترامآ..وتوسلآ في عطية ولا منحة سودانية..
**عمولات مدينة النخلة الامارتية....
**عمولات البترول...قشةقصم ظهر البعير السوداني!
**عمولات هيئة الاوقاف الاسلامية..
..وما ظلمناهم ولكن انفسهم يظلمون....


#1110407 [المنجلك]
4.14/5 (10 صوت)

09-20-2014 04:23 PM
كما قال لي الكوز الخبير ضاجكاً أذا كان عندك (ضهر) في الانقاذ أسرق ما تشاء

ليست السرقة بأشكالها المختلفة موضوع جديد أو غريب داخل الأنقاذ ولكن ما يهم هو تسليط الضوء علي نظام الاقطعيات والنفوذ القبلي والجهوية والمحسوبية التي تشكل عصابات حكومية تقوم علي المصهارة والتقارب العائلي والقبلي من أجل الارتزاق من دماء الشعب السوداني

ويجب التذكير بتصريح البشير قبل سنوات بعد اتفاقية نيفاشا وتحول حرامية الانقاذ من ثراء الحروب الي ثراء السلام لتصبح السرقة بالمكشوف وتنافست عناصر النظام في تأمين انفسهم مادياً قبل فوات الاواّن وضياع دخل البترول. تعالت اصوات داخل المؤتمر الوطتي بضرورة محاربة الفساد وقيام لجان مختصة فقال البشير أن القوانين الحالية كفيلة بمحاربة الفساد. فهو يعلم تماماً ان ذويه وعائلته هم أول من سيتم استجوابهم

حاميها حراميها


#1110160 [بنت الناظر]
4.17/5 (11 صوت)

09-20-2014 11:28 AM
إخوتى الأعزاء قرأت كل تعليقاتكم وأسمحوا لى بالرد فى مداخلة واحدة
يا أعزائى نجاة أبوزيد رادوناو AburishA فى زمن أبالسة الإنقاذ لا تحتاروا ولا تتعجبوا نحن فى زمن المحن السودانية كل يوم محنة جديدة وما خفى كان أعظم .وأؤكد لكم بل أجزم لكم إنهم حين يذهبون بلا عودة إنشاء الله ستنكشف أشياء ربما ستصيب بعضكم بالذهول وبعد الشر عنكم لوما أصيب البعض بالجنون ..
يا أخ Hishoياراجل ياطيب من قال لك إنهم يسرقون من الخزينة شوية شوية حتى يجمعوا المليارات ؟؟ ديل يا عزيزى فى هبرة واحدة بيهبروا أضعاف أضعاف هذا المبلغ .. ماشفت المليارات الهبروها فى مكتب والى الخرطوم ؟؟وعليها قس مليارات التقاوى الفاسدة والقطن المحور والأسمدة منتهية الصلاحية وسكر مشكور وبيع أصول مشروع الجزيرة وممتلكاته فى لانكشاير التى تقدر بملايين الدولارات وتفكيك السكة حديد والأبحاث الزراعية وعند المتعافى ستجد الخبر اليقين ..
ما شفت أكره الكيزان ..
قال ليك على عثمان إشترى الفلل الحول قصره بالرياض والكيزان قالو ده لزوم حمايةسيادته..وبالمناسبة عددها أربعة غير بيته شوف سعرهم كم مليار ؟؟ والمضحك يكتب ليك الصحفى كومار عزالدين يقول ليك على عثمان من نزاهته لما جاء طالع من القصر الجمهورى قال ليهم حتى شاحنات الموبايلات حقت الحكومة ما تختوها لى فى أغراضى !!قال نزاهة قال ..ما سألتوا ياربى على عثمان ده ا لكان مهندس صفقة بيع هيئة الموانىء البحرية ياربى قروش الصفقة راحت وين؟؟ والعمولة كانت كم مليار ؟؟

الكيزان ديل شغالين بالمثل البقول إذا سرقت أسرق جمل وإذا عشقت أعشق قمر ورغم شكى فى أنهم يعرفون العشق الذى يعرفه الجميع ..لكنهم يعشقون أنفسهم ومصالحهم أكثر من أى شىء...يعشقون المال والنساء ويعشقون ملء بطونهم حد التخمة ..

يا بت حبوبتها..
السرقة لعلمك عند الكيزان شغل عصابات و شلل ولما يقع واحد فيهم يطلع منها زى الشعرة من العجين لأنهم شغالين بنظام شيلنى وأشيلك .. ما شفت اللقاء التلفزيونى مع الشريف ود بدر مهندس بيع حط هيثرو؟؟ كان يتكلم بكل برود وواثق إنه ما فى شىء بيحصل ليه لأنه عارف فى شركاء معه ..
البرود ده بالمناسبة سمة رئيسية فيهم لدرجة إننى أعتقد إنهم من ذوات الدم البارد ولا يمكن الدم البيجرى فى عروقهم ده يكون حار زى دم باقى خلق الله..

أخى كاره المفسدين ..
من قال لك إن عصام أحمد البشير إمام الأمة ؟؟إنه إمام السلطان والدينار..
ويا Aburadi و مالك الحزين جدا جدا والمنتصر بالله ..
ديلما فيهم زول الله ديل تجار دين وناس دنيا ساكت ..لقد نسوا الله فانساهم أنفسهم ..
أخى المشتهى السخينة ..
قلت لى في نسخة سرية أوع يكون الأبالسة ديل تكون عندهم حكومة ظل بكرة يقوموا ناس نافع وعلى عثمان زى البعاتى ويطلعوا لينا فى النسخة السرية دى تانى تبقى مصيبة الشعب السودانى يعزوا فيها ..
أقول لى الدجاجة الإلكترونية Deg

يامن تقول إنه رزقا ساقه الله له وتصف الشرفاء بالرجرجة
إنها الوقاحة بعينها أن تصف الشرفاء بما هو فيكم وهذا فى علم البلاغة يسمى بالإسقاط .. وبى لغة أهلنا الطيبين .. الفيك بدر بيه..
فى الحديث القدسى إذا غضب الله على أحد رزقه من الحرام وإذا إشتد غضبه عليه زاد له فى رزقه الحرام..
أبشروا بغضب من الله.. أعوز بالله

أما أخى AburishA
لا للقتل والتصفية الجسدية.. لكن نعم للأخذ حقوق الشعب السودانى كاملة غير منقوصة.. نعم لمصادرة جميع ما سرقوه من الشعب السودانى.. بدلا من القتل نعم للمحاكمات والسجن المؤبد مع الأشغال الشاقه لكل من أجرم فى حق الشعب .. دعونا نشغلهم لنبنى ماهدموه ودمروه .. ليكون لنا وطن جديد نظيف يعيش فيه الجميع تحت مظلةالديمقراطية والحرية يسوده العدل وان يتساوى فيه كل السودانيين فى الحقوق والواجبات..


ردود على بنت الناظر
United Arab Emirates [بنت الناظر] 09-21-2014 02:08 AM
شكرا أخى العزيز [AburishA]
سأحكى لك موقف طريف حدث معى اليوم وفى ذات الوقت يجب ان نحزن فيه على حالنا ..كنت أتحدث مع أخى الذى كان فى زيارة لنا فى عطلة نهاية الأسبوع ..تحدثنا عن أخبار السودان وأحوال أهله والحكومة والرئيس وإلى متى سيظل جاثم فوق صدور نا فسمعت جزء من الحديث الشغالة الأندونيسية الجنسية وهى تفهم و تتحدث العربية لحد ما ورغم إن تعليمها بسيط لكن دعنى اقول إنها مستنيرة ..
سألتنا كم سنة رئيس مال بلاد إنت يجلس ؟ خمسة سنة سيم سيم نحنا ؟؟..فقلت لها رئيس مال بلاد نحنا يجلس خمسة وعشرين سنة ... أصابتها دهشة شديدة .. قالت لى ياربى ليش خمسة وعشرين سنة ؟؟ وأضافت يمكن هو زين عشان كده يجلس طويل كده؟؟ قلت ليها لا مافى زين ..قالت لى نحنا رئيس خمسة سنة يجلس ومن واحد سنة لو هو مافى كويس ناس تتطلع شارع عشان هو لازم روح و لازم جيب رئيس جديد كويس ..
وقالت لى بزعل شديد ليش ناس فى السودان ماتتطلع شارع ؟؟والله لو ده فى أندونيسيا ناس طوالى تتطلع شارع وتروح لغاية بيت مال هو وتكسر بيت هو على طول وممكن تموت رئيس كمان..

رغم طرافة الموقف قلت فى نفسى ياحسرة على شعبنا النائم على سرير تحيط به الكوارث والمصائب..

[AburishA] 09-20-2014 10:14 PM
لك خالص التقدير.. الفاضلة [بت الناظر]..نتابع تعليقاتكم المقدرة.. ونقدر لكم تعقيبكم وتعليقكم التفصيلي الشامل للمعلقين الافاضل عن فساد هؤلاء العصابة.. اتفق معك تماما.. لا للقتل ولا للتصفية الجسدية ونعم لكل ماورد بتعقيبك لي..الا ان اعمال هؤلاء تجعل الفناعات تتغير..والمفاهيم تتبدل..ونحن بشر نتفاعل بما يدور مهما كانت قناعاتنا..ان العمل الاستفزازي يضطرك للقتل احيانا وله مواد توضح ذلك في القانون قد لاتخفى عليك.. هم قتلونا..قتلوا شبابنا في سبتمبر.. قتلوا اهلنا وشردوهم ومارسوا فيهم التطهير العرقي والابادة الجماعية واغتصبوا نساءنا وبناتنا وامهاتنا..هم يتموا ابناءنا..وارملوا زوجاتنا..وأثكلوا امهاتنا..واخيرا أكلوا حقوقنا وسلبونا حقارة بنا.. فماذا بعد يا بنت النظار؟!!.. كنت مثلك في المثالية والقانونية..الا انه كما يتموا أبناءنا واثكلوا امهاتنا وارملوا زوجاتنا يجب ان يذوقوا هم ذلك ايضا.. وتسوي كريت تلقا في جلدها.. وصدقيني هذا ما سيكون.. وأي زول عارف ال ظلموا واكل حقه منو؟ القضية ستتطور من استهداف نظام الى استهداف اشخاص ايضا..فالعين بالعين.. وان للصبر حدود..اعلم اختى بت الناظر اني "منفعل" الا انني لم ازل محتفظا بالمنطق ولم افقده بعد..فان قانون الغاب الذي مارسوه فينا يجب ان يمارس فيهم ايضا.. وحتما ان تراكم الغبائن يحرك الروح الانتقامية..
ولكل فعل رد فعل.. نعم اختى بت الناظر يجب ان لا نصل الامور لذلك الحد..الا انهم سيجبروننا على ذلك كما جبرونا على حمل السلاح..وكما تدين تدان وتقبلي خالص احترامي..


#1110137 [منو العوض]
4.17/5 (13 صوت)

09-20-2014 11:09 AM
إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا..صدق الله العظيم !!!!


#1110011 [محسن ابو حراز]
4.16/5 (8 صوت)

09-20-2014 09:36 AM
ياجماعة المؤتمر الوطني خرج من رحم فئة الخوان المسلمين هذه الفئة الضالة المرتبطة بالمشروع الحضارى ومشروع التمكين بكل السبل حلال حرام مافارقه المهم التمكين فهي فئة منحرفة عن الكتاب والسنة اقامت مشروعها علي اكتاف الشعب المغلوب علي امره ولكن يجب ان يعلموا علم اليقين ان لكل ظالم نهاية وليس شيخكم حسن البنا وسيد قطب ولامرسي ببعيد


#1109791 [albrado]
4.20/5 (11 صوت)

09-20-2014 12:24 AM
ملعون ابوكي بلد

عصام احمد البشير امام مسجد العارف بالله احمد حسن البشير !!!

متي كان لائمة المساجد قصور بملايين الدولارات ؟؟؟؟

هذا الملعون الحرامي الذي يحلل الحرام ويحرم الحلال لعنة الله عليه في الدارين

السودانيين يموتون جوعا في دارفور والجبال وجنوب النيل الازرق والملايين من

الدولارات يملكه ائمة المساجد ووزير المالية من خزينة الدولة

هل مازال هنالك بصيص امل في السودان ؟؟؟


ردود على albrado
United Arab Emirates [أبو أحمد] 09-20-2014 01:09 PM
الدكتور عصام أحمد البشير أستاذ بجامعة الإمارات وشيد هذا البيت من حر ماله وشقاء غربته ، المسألة اسم على اسم ، طبعاً هذا لا يعني نزاه السيد الإمام .. لكن ليسله يد في هذه الصفقة فالحق حق يجب أن يقال

Sudan [nagatabuzaid] 09-20-2014 10:42 AM
اها كده عاجبك يا عصام البشير الناس بعدما كانت تحترمك وتتابع محاضراتك ويتوافدون زرافاتا ووحدانا للاستماع اليك اينما كنت اصبحوا اليوم يلعنونك اها كده كويس قالوا الببارى الجداد بدخل الكوش واقول الببارى الانقاذيون الملاعين يجلب لنفسه اللعنه وينزع احترام من كانوا يحترمونه من قلوبهم


#1109752 [ابو علي]
4.09/5 (10 صوت)

09-19-2014 10:57 PM
ابن الذين دايرنا ناكل الكسرة وهو شغال نهب يمين شمال والله نحن نستاهل


#1109743 [Suda kouz]
4.17/5 (10 صوت)

09-19-2014 10:44 PM
من كان منكم بلا قصر و ثلاث زوجات فليرم علي محمود بحجر .


#1109697 [alakrory]
4.14/5 (11 صوت)

09-19-2014 08:47 PM
هذا الشعب يستاهل اكتر من كدا شعب يعشق الاهانة والاذلال اى مكان تذهب اليه فى السودان تتعرض للذل والاهانة وكمان للعجب بفلوسك


#1109598 [مالك الحزين جدا جدا]
4.20/5 (14 صوت)

09-19-2014 05:12 PM
الحكايه والروايه في عصام أحد البشير القلنا عليه زول الله ,, طلع خطير ملاييين كمان وبالدولار , وهى لله برضو يا شعب يا !!


ردود على مالك الحزين جدا جدا
Saudi Arabia [علبة صلصة مخفجة فوق زير] 09-20-2014 09:13 AM
عصام احمد البشير والله اعلم ماله اعتقد من حر عمله وقد عمل بالكويت ابان رئاسة لجنة الوسطية وكان امام وخطيب المسجد الكبير بالكويت وعمل مستشارا لوزير الاوقاف الكويتى ( انا والله العظيم لا اعرفه شخصيا وليست لى اى مصلحة او علاقة به على الاطلاق)
اتمنى ان لا نرمى الناس بالباطل


#1109575 [nagatabuzaid]
4.14/5 (12 صوت)

09-19-2014 04:21 PM
الكرام ابو ريشة وعوض وردونا والعديد من الاعزاء المعلقين محتارين فى البحصل ده وانا مع الحيرة مره اضحك ومرة ابكى ومرة اتامل اذانا ما حاقول اتحمل لانه اذاهم لينا لايحتمل جد اضحك وابكى اضحك لدرجة البكاء وابكى درجة الضحك عارفين ليه لانهم الناس ديل متشاكلين فى حاجة ماحقتهم القصور اشتروها بقروشنا نحن الغلابة يعنى حقتنا يعنى مالنا المسروق والسمسار يستاهل علشان بتعامل فى المال المسروق يعنى زفت الطين عواسة ده جاب الاموال دى من وين ونحن الشعب فاتحين بلاغ على السارق ومستلم المال المسروق عندالاقوى منهم ومننا على قول الكريم المشروع شاكنهم فى محكمة نقف فيها قدام القاضى العادل وشهودنا فيها الملائكة


ردود على nagatabuzaid
Saudi Arabia [ابو احمد] 09-20-2014 02:22 PM
انتو عندكم أى سودانى عنده قروش فى السودان ومشهور حرامى.
عصام احمد البشير أعتقد أنه فوق الشبهات وأشتغل فى الخليج وعمل قروش محترمه وعلى ما أعتقد كان مروق حبه قبل الانقاذ ولو كان حرامى كان كنكش وجرى وراء الاستوزار مرض وعقدة كل من جرى وراء الانقاذ.
تأكدوا من مصادر ثروته وليس من العدل أن نسئى للاخرين مجرد أختلافنا معهم فى الرأى لأن الحقد والحسد وسوء النية والنهب المصلح والسرقة والكذب والخداع من صفات الكيزان والجبهجية والمؤتمر الوطنى والمؤتمر الشعبى وأشباه احمد بلال.

Sudan [nagatabuzaid] 09-20-2014 10:51 AM
يا ابو ريشة اقول ليك يا زول اكتلوهم ما تخلوا فيهم نفاخ النار اهر سوهم هرس كان اتلفت بتلقى Ahmad جنبك وبقية الروحم مرقت من الحقارة بتاعت اللميم ديل وعهد يااحمد تانى ما بحجزكم منهم ولا يهمكم بس ادونى واحد من قصورهم اكسروا اعملوا بيت جداد

[AburishA] 09-19-2014 08:46 PM
لك التحية العزيزة بت ابزيد..والله سرقات "استفزازية" تقهر الانسان بل تخليه يموت كمد بسكتة قلبية لاسمح الله..وزي ما قال الاخ رادونا أكل عيني عينك او على عينك ياتاجر وفيه حقارة شديدة لينا..يعني قلع قلع رجالة معناها.. شيء بخلينا نتبكّكم وفعلا اتبكمت كما ذكرت في تعليقي ادناه..
((والله ياجماعة الواحد احيانا "يتبكّم" ما يقدر يعلق من "القهر"..لكن صدقوني بعد اسقاط هذا النظام وكرد فعل ستتم التصفية الجسدية لكل من اكل مال هذا الشعب...فش غبينة))
** بالرغم من اني كنت انتقد موضوع الاغتيالات.. الا انني وبكل اسف وصلت لقناعة
والله مافي شيء يشفي الغليل الا التصفية الجسدية الانتقامية.. وصدقيني ستتم حتما..

** وبالاضافة لموضوع القصور.. والصيدليات.. قالوا ان لديه شركات تديرها بعضا من زوجاته..شركة سكّر "كبيرة" تقع بالقرب من السفارة الصينية وسفارة قطر في المنشية بالخرطوم.. بالله الناس ديل غير الكتل نسووا ليهم شنو؟؟ واظن كتلهم زاتو حلال!!!
خالص تقديري واحترامي بت ابزيد..


#1109560 [علي سليمان البرجو]
4.15/5 (11 صوت)

09-19-2014 03:59 PM
" أن عملية منظمة تمت تحت عنوان الثورة والمشروع الحضاري وإعادة صياغة الإنسان السوداني لترفيع عضوية الحزب الحاكم فردا فردا ورفعهم في مقامات الثراء وإكتناز المال وإمتلاك العقار والأرصدة البنكية بكل أنواع العُملات وكل هذا على حساب كسر ظهر عافية الاقتصاد السوداني." علي محمود وزير المالية والبيت بــ 20 مليون جنيه يالعملة الصعبة!! قاتلهم الله وأذهب ريحهم أئمة النفاق الديني والكسب التمكيني


#1109557 [عبد الملك]
2.65/5 (9 صوت)

09-19-2014 03:57 PM
من كان بدون قصر فليرم الوزير السابق بحجر .. !!! دعوا الرجل ينعم بقصوره كغيره من أصحاب القصور .. ( والله إنى لأعجب كيف يمتلك موظف براتب بيت عادى ناهيك عن فلل وقصور !!! )


#1109556 [Adil A Omer]
2.92/5 (17 صوت)

09-19-2014 03:54 PM
وعصام البشير ده شغال امام مسجد فى الجنه ولا شنو عندو قصر بى اتنين مليون دولار !!!!


#1109533 [جعفر]
4.16/5 (13 صوت)

09-19-2014 03:11 PM
والله يا جماعة .. العرب ليهم الحق يقولوا علينا السودانيين طيبين يعنى بتغشوا بسهولة وما حاسين بحاجة ( غشمه ) .. انتو يا جماعة ماسكين لينا فى قصر واحد اتباع بى أثنين مليون دولار فقط ومخلين وناسين مليارات الدولارات الراحت فى بيع البترول السودانى ومليارات الدولارات الراحت فى فساد الأقطان السودانية ومليارات الجنيهات الراحت فى بيع الأراضى الحكومية ومازالت ومليارات الدولارات الراحت فى فساد الخطوط السودانية ومليارات ومليارات ومليارات من الدولارات .. المثل بيقولك لا تصحى النائم ساعة مرقتك


ردود على جعفر
Germany [ودالجزيرة] 09-19-2014 11:23 PM
زخط هثيرو


#1109461 [NANI]
4.15/5 (8 صوت)

09-19-2014 12:42 PM
علي راي المثل راكوبة ابوك لو اشلعت ألحق شيل ليك منها عود


#1109441 [magdi]
4.17/5 (11 صوت)

09-19-2014 11:58 AM
عشان ما تشغلوها لعلي محمود دا..........ركبين البشير كلفوا كم مليون دولار؟؟؟؟و الحالة دي ركبين بس كان جاكم بالفوق ليها تعملوا شنو؟؟؟؟؟؟


ردود على magdi
Saudi Arabia [سامي] 09-20-2014 10:35 AM
اكيد فيها سماسرة مستشفي كمان


#1109324 [الاشعري]
4.16/5 (14 صوت)

09-19-2014 09:34 AM
وانا قلت عصام احمد البشير دة عمل لية جضوم وساكت مالو كدة

قلنا ليكم الدين في الشرق والناس ديل في الغرب كلهم حرامية اولاد كلب كانو فقرا وجيعانيين واكلو قروش الشعب المسكين


ردود على الاشعري
Libyan Arab Jamahiriya [.... و آخرون] 09-19-2014 12:09 PM
باع قصرو و ماشي وين الزول دا؟
هل شعر بنهاية اللعبة؟
نشوفك في ماليزيا ان شاء المولى!


#1109321 [المنتصر بالله]
4.17/5 (17 صوت)

09-19-2014 09:31 AM
إن كان الشعب السوداني متسامح و غافل وغير مبالي ( وطيب ( كما يقول العرب ويقصدون غشيم) فإن الله ليس بغافل عما يعمل الحرامية من الكيزان.. علي محمود حرامي و لا يجد حرج في ما إقترفه من ذنب وما لغفه من مال السحت، ويعول علي ذكائه ومقدرته علي المداراة وصلته بدوائر النفوذ... لكن طوبي لأطفال السودان فانهم يكرمون، وكل من جوعهم جازاه الله في الدنيا قبل الآخرة و علي محمود من هؤلاء الذين جازاهم الله وسيجازيهم في الدارين، هل تمتع علي محمود بمال السحت الذي اختلسه؟ أبدا ورب الكعبة. أي خفير سوداني او عامل بسيط أكثر سعادة من علي محمود: العافية، الصحة، هدوء البال... الخ كل هذا مفقود عند علي محمود ومتوفر بإذن الواحد الأحد للصالحين من عباده وان كانوا فقراء. اللهم لا شماته في إصابته بمرض السكري الذي حرمه من ممارسة حقه الشرعي مع نسائه الثلاثة، ولا شماته في فقدانه للأمان، ،،، اللهم انت ولي المستضعفين من أبناء وبنات الشعب السوداني أحرم من حرمهم و أبكي من أبكاهم و أتعس حياة من أتعس حياتهم.. يا قوم: أتحسبون أن حرامية الإنقاذ معجزي الله الحكم العدل؟ من قال نعم فقد كفر ومن آمن بالله وقدرته فلينظر النصر فإنا منتظرون. استغفر الله العظيم لي ولهم .


ردود على المنتصر بالله
United Arab Emirates [كربيش] 09-20-2014 12:05 AM
بارك الله فيك يا اخي والله ما قصرت .... فهولاء الناس لا يعلمون حكمة وجودهم في الدنيا ولماذا خلقهم الله فاصبحوا كالانعام بل اضل سبيلا


#1109312 [أكره الكيزان]
4.59/5 (14 صوت)

09-19-2014 09:17 AM
علي عثمان اشترى كل المنازل (القصور) حول منزله في الرياض .. اذهبوا وتأكدوا من كلامي وشوفوا بكم السعر سيغشى عليكم .. كلللللللهم كدا وما خفي اعظم


ردود على أكره الكيزان
Sudan [hassan] 09-20-2014 07:03 AM
مع الامراض الشايلة علي عثمان

اريتو يتهنا بساعة عافية

احسن ليهو من قصور الدنيا

باعو اخراهم بدنياهم


#1109276 [زعيم الزهاجة]
4.14/5 (11 صوت)

09-19-2014 07:40 AM
وعلي حمدان ده بغسل شنو ؟؟؟؟؟؟؟؟؟!!!!!!!!!
وتاني بغسل شنووووو !!!!!!!!!!!!!!!!!!!!!!


#1109221 [الوطني الما مؤتمر وطني]
4.12/5 (9 صوت)

09-19-2014 02:49 AM
لازم يعمل كدة. السودان جنينة وغفيرها نايم . خمو وصرو !!!


#1109217 [Hisho]
3.81/5 (12 صوت)

09-19-2014 02:27 AM
المثل السودانى يقول( مال الريح تاكلو الزوابع ) المبلغ مبلغ كبير جدأ وكبير جدأ حتى فى امريكا سيدة الدولار نفسه , والله انى محتار كيف يستطيع رجل فى منصب عام ان يقوم بنهب هذا المبلغ الضخم دون ان يشعر به احد , وطبعأ على قدر فهمى البسيط فى اساليب وطرق النهب والسرقة للمال العام ان هذا المبلغ لم يتم نهبه مباشرة من خزينة الدولة ولم يتم نهبه مرة واحدة ولكنه عملية تراكمية بدات منذ ان كان هذا الرجل والى فى اقليمه لا اعرف شرق او غرب او وسط دارفور , وبكل تاكيد واجزم ان هذا الرجل يملك على الاقل ضعفى هذا المبلغ , نعود للموضوع .. هذا المال هو نتيجة فساد دون شك ولا يستطيع ان ينهب هذا المبلغ مباشرة ولكنه مارس عملية استغلال للوظيفة واستغلال للنفوذ بطريقة بشعة , وسخر كل امكانيات وظيفته لخدمة نفسه فقط بدل ان يخدم الشعب ( الباطل) هذا .
وما يثير استغرابى ايضأ واعتقد ان هذا الرجل ( ما خايف) ومالى ايده والا كان سيدفع فور تسرب هذا الخبر ولكن اظن انه قد دفع المطلوب منه لتوفير الحماية له ؟؟ الله اعلم .. والله هذا المبلغ لو تسرب خبره عن وزير فى اوروبا او امريكا او حتى جنوب شرق اسياء كان سيكون الان فى السجن , على الاقل كان سيكون قد بدا التحقيق معه
لو كان فى كوريا او اليابان كان سيكون قد انتحر بعد تسرب الخبر بساعتين ( السرقة عند اليابانيين والكوريين ) عار كبير سيطال بقية اسرتك حتى الذين هم اقاربك ز
اما فى السودان الدولة المسلمة دولة المتوضيين القانتين فهى مفخرة لك ولابنائك واسرتك ,
اما لو صح خبر ان البائع هو عصام احمد البشير واغلب الظن , فهذه هى ما ظللت اعتقد فيه واردده ان هؤلا الشيوخ هم اكبر مجارمة واكبر كفرة هم انفسهم لا اعتقاد لهم فى الاسلام ولا يحزنون ولكن اسهل طريقة لجمع المال هى ان توعظ الفقراء والمساكين بالابتعاد عن الحرام وترعبهم بعذاب النار , فتستغل بساطتهم وتنال احترامهم وعندما تخلو بعيدأ عنهم تولغ فى اموالهم ( المال العام) بلا رحمةفلن يشك فيك احد , حتى وان رموك بالسرقة ستجد بسيط ساذج يدافع عنك فى غيابك .
لقد قال رعاة الفساد ( نحن لا نرمى الناس بالباطل ولكن من يملك دليل فليقدمه)


ردود على Hisho
[7+7] 09-19-2014 06:16 AM
كيف عالم دين يعمل موظف في بيت الحاكم ,,,اسال عصام البشير
انظر يا عصام لسير رجال الدين السابقين


#1109192 [7+7]
4.17/5 (18 صوت)

09-19-2014 12:37 AM
هل القصر لعصام البشير ده الخبر الاهم ...مفكر الكيزان وبتاع الوسطيه وامام مسجد والد الرئيس (العارف بالله) حسن البشير


#1109183 [شئ من حتي]
4.12/5 (9 صوت)

09-19-2014 12:01 AM
ليس في الامر عجب


#1109125 [Deg]
4.17/5 (12 صوت)

09-18-2014 09:11 PM
زرقا ساقه الله عليه عندكم اعتراض يا رجره. اترك الزول في حاله. فانا ادعم ترشيحه كعضو منتدب لكنانه.


ردود على Deg
Sudan [مولا] 09-18-2014 11:00 PM
ما هو باين انشقت عليه الأرض ببئر ذهب .. 000 000 000 20 جنيه يا مفتري ..يمهل و لا يهمل


#1109105 [شهنور]
4.17/5 (17 صوت)

09-18-2014 08:37 PM
الله اكبر دايمن ناس الراكوبه فى المقدمه فى كشف وفضح فساد وفسوق الكيزان ومزيدا والله معكم


#1109082 [عصمتووف]
4.17/5 (16 صوت)

09-18-2014 07:40 PM
العيال لم ولن تكبر بعد


وقبل انفضاض جلسة "الجودية" بالأمس تدخلت جهات عليا فى الدولة ــ غاضبة جداً ــ وطلبت من الوسيط وأسرته مباشرة الاجراءات القانونية ضد الوزير
الجلسة في النادي الوطني وضمت رتب عليا وتدخلت جهات عليا في البلد لمواصلة القضية لتصفية الحساب مع وزير الكسره الفقير المتعدد الزوجات
فضيحة والله فضيحة يا دوب علمنا محاربة الصحفيين والصحف ولماذا تصادر وتوقف من الطبع وهو الاهم كشف حال هؤلاء في النهاية بالله ده مستوي مسئولين رتب وجهات عليا هذه القضية محلها سوح المحاكم وليس تصفية الحسابات وليس محاربة البعض ضد البعض بشتي الاسلحة هو يدل علي انهيار البلد اخلاقيا وسياسيا هو يدل بان العيال لم تكبر بعد هو يدل علي ان النظام يقف علي ارجل من طين تبا لكم


ردود على عصمتووف
Saudi Arabia [واحد مهموووووووووم] 10-15-2014 07:13 PM
جيتكم بالخبر اليقين
القصر ده تبع مدام وداد وعصام البشير وكيل ليس الا وعلي محمود ما اشتراه
وكلامي ده مؤكد مليون في المية وتاني ما اظن تسمعو خبر من المحامي او السمسار
قالو ناس الامن هرشوهم
تاكدو من كلامي ده مصدري شخصية هامة في البلد

[ود الركابي] 09-19-2014 09:41 AM
يأخي الجهات العليا زعلانه علشان الموضوع طلع للعلن .. مابيحبوا فضائحهم تلوكها الالسن والصحف .. يعني ماعاوزين شوشرة في المواضيع دي .. كتمي وكده . الله لا يوفقهم ..


#1109081 [الجوكر]
4.17/5 (13 صوت)

09-18-2014 07:40 PM
غندور: ناس المؤتمر الوطنى من طينة خاصة،،،، والله صدق وهو كذوب


#1109061 [ود الجنوبيه والجعلي]
4.17/5 (22 صوت)

09-18-2014 07:11 PM
سأل واحد : إنتوا عايشين كيف فى الظروف الصعبه الايام دي ؟
رد التاني : اى والله صعبه شديد , لكن نحنا بنشتري جداده بي 30.000 جنيه بنسلقها نص سلقه كده ونعملها شوربتها فته ده للغداء وللعشاء موية فول , نقوم تانى يوم نجيب جدادة امبارح ذااااتها لكن المره دي بنسلقها سلقه كامله ونعمل بشوربتها فته للغداء والعشاء برضوو موية فول , وتالت يوم نجييب الجداده ذاتها للمره التالته لكن المره بنحمرها وبنبيعها لبتاع المطعم الجنبنا بي 40.000 جنيه بنشترى منها جداده تانى بي 30.000 جنيه والباقى 10.000 جنيه نشتريه بيهو العيش..


ردود على ود الجنوبيه والجعلي
[moiez] 09-18-2014 09:21 PM
هههههههههههههههههههه قرقرقرقرقرقرقرقرقررققرقرقرقرقرقرققررققررققر


#1109055 [مجنون]
4.16/5 (12 صوت)

09-18-2014 07:02 PM
هههههههههههههههههههههه اى بضحك عليكم يا شعب !!! يقول ليكم شدو الحزام وارجعو للكسرة ودى النتيجة ... كم قصر ؟؟؟؟


#1109019 [ود الجنوبيه والجعلي]
4.17/5 (13 صوت)

09-18-2014 05:55 PM
هسه فى داعي للفضائح الزي دي...!!! لو كان من البدايه دفعوا عمولة الراجل - المعترف بها قانوناً - ماكان إشتروا قصرهم ده ولا من شاف لا من دري , لكن ده حق المواطن السودانى المسكين ده اى حاجه بقوا يعملوها الجماعه ديل ريحتها بتطلع بسرعه خياليه...
لك الله يابلدي..


#1108966 [بت حبوبتها]
4.59/5 (19 صوت)

09-18-2014 04:31 PM
يا إدارة الراكوبة, نجضوا لينا خبر عصام البشير دة .. عشان الموضوع مهم بالحيييل !

يا وسيط العفارات, مع إني زعلانة من عمولاتكم الفي السما التقول بتبيعوا لينا بيوت في قلب لندن ونيويورك..لكن معليش البلد خربانة والحكاية ما جات عليكم وبس..أها يا سيد, اتوكل على الله وحقك ما تخليهو للوزير الحرامي, بس عشان الجماعة ديل غدارين ما تدخل وتمرق إلا في أضيق نطاق ودااايمآ خلي الشباب حواليك عشان ما يلقوا فيك فرصة, واتحصن وربنا معاك..وشكلهم طالما اتزنقوا في إجتماع كنانة المقبل شكلهم حيدوك عمولتك تااامة بس ما تنسى تطلع منها حاجة كويسة للمساكين كرامة وسلامة.

قف تأمل, مداراة الكيزان لي بعض, تصريح خطير لإبراهيم غندور مقتبس من مقال لمولانا سيف الدولة بالراكوبة بتاريخ الأمس "" لم نصل مرحلة أن نخجل من انتمائنا للوطني، فالوزراء في الحكومات الفاتت ما سكنوا في العشش، شفناهم راكبين عربات وساكنين العمارات والدنيا كلها فيها الفساد والتعميم يعني أي زول في القاعة دي فاسد، وما أي واحد يعاين لي جارو يلقاهو عمل جضوم وعمارة يفتكر الدنيا فسدت" !


ردود على بت حبوبتها
Norway [Atef] 10-18-2014 12:28 PM
الماشفتوا في بيت ابوك بخلعك...
يامستغرب... ممكن تسلم محجوب العراقي في سجن كوبر قريب, اكيد حيكون محتاج ليهو شديد

Saudi Arabia [مستغرب] 09-19-2014 11:20 PM
بمناسبة العمولات دى يا بت حبوبتها كان عندنا واحد جارنا شغال سمسار اسمو محجوب السمساري والله ياجماعة لما جيت سافرت السعودبة خليتو مقطع ومالاقى حق السعوط لا مؤاخذة .. وبعدما أخذت لى تقريبا خمس سنين فى الغربة ورجعت البلد فتشت محجوب فتيش ما لقيتو عشان معاي ليهو هدية عراقى وسروال سألت الجماعة محجوب السمسارى وين يا جماعة كلهم عاينو لي مرة واحدة لما افتكرتو مات قلت ليهم مالكم قالوا لي بصوت واحد فى الفيلا حقتو فى جبرة .. قلت ليهم باستغراب محجوب السمسارى فى الفيلا حقتو قلت جاب القروش دى من وين قالوا لي انت من زمنك دا اشترى عمارة كمان فى المنشية .. بعدما قرصت نفسى ولقيت انو الحكاية ما حلم قلت ليهم طيب أنا معاي هدية ليهو كيف اصلو .. قالوا لي غايتو من سكن ناس التوم فى بيتو دا منها ما شفناهو تانى .. والى يومنا هذا لم أصل السيد السمسارى محجوب وهديتو ما زالت محفوظة عندى بس قالوا لي بيجى ياخد الايجار كل بعد سنة والله أعلم يمكن الاقيهو فى الاجازة الجاية ياذن الله

Sudan [nagatabuzaid] 09-19-2014 04:02 PM
سلام يا بت حبوبتا وجمعة مباركة انا ما شفت كلام غندور كنت قلت ليه : نان يا الهطلة الوزراء الفى الحكومت الفاتت اولاد ناس ومن بيوت ابسطهم ما جاء حافيا عاريا تطاول به البنيان جو من بيوت مؤسسة وكانوا راكبين العربات قبل يستلموا الوزارات وناس العشش يا اهبل الشريفين عششهم بمال الحال تساوى قصوركم الحرام يا عصابة الاجرام

United Arab Emirates [KAKA] 09-19-2014 02:19 AM
الشيئ الانا عارفو وشفتو بي عيني انوعصام البشير عندو بيت جميل جدا في الرياض وكان ساكن فيه مع زوجتو المصرية . هل هو البيت المقصود ام لا والله اعلم

Sudan [فارس] 09-18-2014 05:57 PM
لعلمك العقارات في السودان اغلى من لندن ... واتاكدي


#1108953 [فارس عبدالرحمن]
4.17/5 (10 صوت)

09-18-2014 04:11 PM
ينصر ديك دى السرقة ولا بلاش
عاشت الانقاذ


#1108945 [بحر مالح]
4.17/5 (25 صوت)

09-18-2014 03:52 PM
فى تعليقنا على الخبر المنشور يوم أمس حول نفس الموضوع ذكرت أن على محمود منشن لمنصب مدير مصنع كنانة للسكر والمعروف أن وزير الصناعة الحالى السميح الصديق هو من أقال المدير السابق بالرغم من معارضة الدول العربية المستثمرين فى المصنع،، السميح هو إبن عم على محمود وكلاهما من قبيلة التعايشة وكما ذكرت أمس أن على محمود أقام عشاء فاخر للصحفيين من الجنجويد أمثال صادق الرزيقى ويوسف عبدالمنان وغيرهم للقيام بحملة ترويج لصالحه للمنصب وتدمير فرصة أى منافس له،، عمل جنجويد بإمتياز،، الجدير بالذكر أن الشركاء العرب سوف لن يقبلوا بأى حل سوى إرجاع المدير السابق وعزل السميح وإلا فسوف يسحبون إستثماراتهم من السودان وينصحوا الآخرين بعدم الإستثمار فيه وعلى الطفل المعجزة أن يرضع أصبعه،، أما موضوع الشيخ عصام البشير فدى جديدة لنج.


ردود على بحر مالح
Sudan [كان دايرين يرضع باقي السكرالورل!!!!] 09-20-2014 05:46 PM
مابشبعوا!!كان داير ينط في السكر عشان ينهب!!!ويلبع باقي الدولارات والامتيازات!!!!يعني حرامية وفاسدين وحاسدين!,!وطماعين!!!باقي فيهم فقر الاصل!!ماتدي السمسار حقو!!جبت القروش من بيت ابوك!!!!شفتو اسوا من كده!!!!

Sudan [ام دبيكرات] 09-19-2014 08:38 PM
ريحتني يا ود حامد .. ناس تنتظر الموت علي سجادة و ناس تعالج اولادها بالمانيا و تسكن بقصور باثنين مليون دولار و تطالبنا بأكل الكسرة و القعوي .

Sudan [nagatabuzaid] 09-19-2014 04:05 PM
تصدق اهله التعايشة بقرفوا منو ولما يسمعوا اسمه او يشوفوا صورتوا يستمروا شهر يقرقشوا ليمون بملح من الطمام التعايشة رجال ده يشوف نفسه مطعم باى دماء

[ود حامد] 09-18-2014 09:03 PM
رحم الله (تور شين) خليفة المهدي الأصم ، لو عرف إن أمثال السميح وعلي عواسة
هذا سيأتون يوماً الى السلطة كلصوص ، لسّلم السلطة (للباشا) في الباب العالي بالإستانة وأراح وإستراح .


#1108940 [تينا]
4.14/5 (19 صوت)

09-18-2014 03:40 PM
بالله شوفوا الزول الأنانى دا دايرنا ناكل الكسره وهو (((هابر))) القصور دى كلها سبحان الله ... قليل من الانصاف يا هؤلاء ... لكن ربنا لكم بالمرصاد ...


ردود على تينا
[Rebel] 09-19-2014 05:35 PM
* يا اخى, "الكسره" كانت غذاءنا الأساسى يوما ما. لكن هى ذاتها نلقاها وين هسه مع "الجماعه البصلوا الصبح حاضر بالمساجد!!", و طوالى من هناك على النهب و اللهط و مال المساكين!!
* بس انا خائف إكون حكاية "هى لله", قاصدين بيها مال السحت ده!! اهو ده الكفر الصراح ذاتو.


#1108939 [ودالعمدة]
4.11/5 (13 صوت)

09-18-2014 03:39 PM
عظمائنا قدموا ارواحهم...
وعظمائهم باعوا أوطانهم ...
فأنظروا من ذهب ومن بقي !


#1108938 [امدرماني سوداني]
4.09/5 (17 صوت)

09-18-2014 03:38 PM
ماشاءالله يا ناس ادارة الراكوبه لكم السبق دائما في كشف الفساد الذي دمر بلادنا العزيزه السودان من الانتهاذين الاسلاميين وارمو لا قدام كل الشعب السوداني متابع الراكوبه ويوم النصر قريب انشالله وسوف يتم القصاص من كل الكيزان واتباعهم في المياديين العامه وداخل منازلهم وفي الاسواق وسوف يدفنون داخل الادبخانت وسوف نعزبهم قبل القصاص كما عزبو الشرفاء من ابناء السودان واليوم قريب وما بعيد يا كيزان .


#1108930 [awadallah ahmed]
4.17/5 (17 صوت)

09-18-2014 03:23 PM
معروف للشعب السودانى كلو ان اهل الانغاز حرامية وبلطجية ودى ماحاجة جديدة على حكومة البشير بس للمتين السكوت لازم ثورة تحاسب المفسدبن ديل وانشاءالله قريبا سينتفض الشعب السودانى باذن الواحد الاحد


#1108923 [aburadi]
4.59/5 (23 صوت)

09-18-2014 03:13 PM
المأساة أننا نستمع الى أناس في مثل بلدنا الذي لا يجد فيه الملايين لقمة العيش يتحدثون عن فرد واحد يمتلك 6 قصور وحياتنا كلها قصور في قصور !!!!!!!!!!!!!!!!!!
اليس غريبا هذا السودان الذي يحكمه وزراء من حديقة الحيوان؟
عجبي ........................،،،،،،،،،،،،،،،،،،،،،،،


ردود على aburadi
Norway [Atef] 10-18-2014 12:10 PM
حرام عليك, ظلمت الحيوانات, 25 سنه الحمار كان مشاها كويس وخليك من الكلب والضبع


#1108919 [مرسال الشوق]
4.03/5 (27 صوت)

09-18-2014 03:07 PM
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر

تففففففففف عليك و على الترابي الجابكم


#1108917 [النصحية حارة]
4.15/5 (11 صوت)

09-18-2014 03:02 PM
شئ ممبكي هركتكم عديل


#1108914 [سيف الدين الجميلى]
4.16/5 (22 صوت)

09-18-2014 03:01 PM
طبعآ الوزير السابق كفاءه وخبرة فى التكويش وافقار الشعب الفقرى وبعد أن أصبحت خزينة الماليه خاوية على عروشها سوف تتم ترقيته ليصبح مديرآ لشركة كنانة لان الريالات الخليجيه سوف تتدفق علينا بعد القطيعة مع ايران ولن يكون هنالك تدقيق فى الحسابات
أما انتم ايها الشعب السودانى الفضل نرجوا منكم أن تعوسعوا وتاكلوا كسرة بلاش كسل معاكم علمناكم أكل الهوت دوق والنبق الفارسى تانى فارسى مافى فاهمين والا مافاهمين. ماحاتفهموا لانكم من طينة مختلفة ومتخلفة


#1108910 [عود مقاس 23 ونص]
3.86/5 (12 صوت)

09-18-2014 02:55 PM
وماخفي اعظم


#1108898 [Suliman]
4.15/5 (15 صوت)

09-18-2014 02:43 PM
وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا
المترفين هم جبابرتها وأمراءها ;


#1108894 [Eisa Eisa]
4.17/5 (18 صوت)

09-18-2014 02:39 PM
يا جماعه أدوا علي محمود ومولانا عصام فرصه يدافعوا عن انفسهم حرام عليكم كده وانتو يا علي وعصام دافعوا عن أنفسكم حتي لو تقولوا دي كانت ليلة القدر.في واحد يقدر ينكر ليلة القدر، أنا جاءتني مره اتلخبطت وتمتمت لحدي ما راحت . حسبي الله ونعم الوكيل اللهم خذ الحرامي أخذ عزيز مقتدر وبارك في الحلال.......ياحكومممممه الحقيناءءءء ظلمونا، ولا سرقونا ،قالوا دوسه طناش عنده رعاااش.


#1108875 [الناير]
4.16/5 (28 صوت)

09-18-2014 02:18 PM
تخرّج من الجامعة عام 1983 بشهادة ترس يعني خريج عادي دون تميز اكاديمي .كل ابناء دفعته طلعوا اولاد ناس ما فيهم حارمي الا هو . من دفعته في ناس اتوفوا والواحد فيهم ما عندوا بيت لكن هو قدر يعمل القصور دي كيف ؟ العيب ما فيه هو بل في الانقاذ الجابتو وزير عشان يسرق مال الشعب المسكين . انا ما عارف كيف الواحد يربي اولادو بمال الحارم.
اللهم ارزقنا حلالا طيبا وابعدنا من المال الحارم


ردود على الناير
[Quickly] 09-18-2014 03:18 PM
وفي الوقت الكان بقول الناس ترجع تعوس الكسرة عشان نحل الضائقة الاقتصادية قولة المشهورة كان هو ببني في قصوره الستة وبحماس شديد قبل المولد مايكمل
والبشير يجي بكل بجاحة وقلة دب يقول ليك مافي فساد ومافي زول يحاول ان يتهم وزير من اعضاء حكومتة ومافي صحافة تتناول اخبارهم والا سوف يعتبر قذف شخصي ,,, اذا فكيف يكشف فسادهم اذا لم تكن هنالك جهات محايدة الا عن طرق الصحافة والدولة يحكمها حزب واحد عصابة واحدة فكيف تكون وتتحقق النزاهة ؟؟!!
الشعب السوداني بقى مهزلة ملطشة ويخدعه مثل هؤلاء الفاقد التربوي والاخلاقي ببساطة

[مواطن] 09-18-2014 03:04 PM
العبد الفقير لربه خريج تجارة في مصر وفي نفس السنة التي تخرج فيها هذا الوزير و محضر دراسات عليا في مجال تخصصي و عملت في حكومة السودان في مجال التخطيط مدة عشرة سنين و أعمل حالياً خارج البلد و إكتسبت خبرة لا بأس بها من دراستي و من عملي. شاهدت هذا الوزير علي محمود يتحدث في التيلفزيون و يغالط في المذيع إحترت و تساءلت : كيف تم تعيينه في هذا المنصب. تذكرت لحظتها رجال جلسوا في مقعد وزارة المالية و منهم د. سيد علي زكي - د.عبدالوهاب عثمان - إبراهيم منعم منصور - مامون بحيري - د. بشير عمر فضل الله و غيرهم لا يتسع المجال لذكرهم. قلت لقد إستوزرت الإنقاذ كل من هب و دب. إذن لماذا لا يحدث الفشل و الخراب في هذا البلد الذي كان عامراً؟!.


#1108871 [AburishA]
4.14/5 (22 صوت)

09-18-2014 02:14 PM
والله ياجماعة الواحد احيانا "يتبكّم" ما يقدر يعلق من "القهر"..لكن صدقوني بعد اسقاط هذا النظام وكرد فعل ستتم التصفية الجسدية لكل من اكل مال هذا الشعب...فش غبينة...


ردود على AburishA
[AburishA] 09-19-2014 08:48 PM
لك التحية كتاحة.. مية في المية جاياهم.. كن ياخي صبرنا والله كمل..مودتي.ز

Saudi Arabia [كتاحة] 09-19-2014 09:11 AM
الكتاحة جاياهم في الطريق....أصبروا عليهم

[AburishA] 09-19-2014 02:30 AM
**لك التحية استاذ [جركان فاضى] سعدت بمرورك الكريم.. والله رغم اني كنت ارفض مجرد الحديث عن التصفيات الجسدية..الا انه وبكل امانه قد اخترقني هذا المفهوم بالجد وجعلني افكر مليّا.. لانه خلاص الكيل فاض..وزي ما تفضلت جاييهم جاييهم..مودتي

** الاخ الكريم Awad لك خالص التقدير.. اتابع تعليقاتكم القيمة.. ان نضال الكلمة اصبح في عالم اليوم أقوى من السلاح.. ان جميع ما اشرت اليه صحيح.. وحقا هو ما ذكرت بأن الثأر كبير يا عصابة البشير..مودتي..

** الاخ العزيز Radona لك خالص الود الاخوي..والله كلما يصبح الصبح في ظل هذا الوضع البائس الحقير الخايس..نزداد قهرا زذهولا.. حتى عجز التعبير عما نعانيه من احباط.. الا ان ذلك لا يمنعنا من مواصلة النضال لازاحة هذا الكابوس طوعا او كرها اذ لا بد من نصب المشانق.. لك التقدير ايها المناضل..

Sudan [radona] 09-18-2014 09:21 PM
والله صدقت حالة من الذهول والقهر وفساد عيني عينك
لكن
يجب ان تكتب لان تعليقاتك الجميلة والموضوعية لانكعنصر مهم بهذا المنتدى احرص على قراءة تعليقاتك
ولا يهمك بعد الانتفاضة سنجرهم من كل شئ ونحاكمهم محاكمة عادلة وناجزه

[Awad] 09-18-2014 05:40 PM
والله أنا معك محتار أكتب شنو فى البحصل ده لأنه كتبنا لحدى قلمنا وقلبنا نزف من كترة الكتابة والحال ياهو الحال.لمتين نحن نكتب والوسخ والعفن أمام عيونا وماقادرين نزيله.لمتين نصحى من الغيبوبة دى ونبقى رجال نحرر نفسنا ونرجع حقوقنا ونعلق المشانق فى الشوارع لأننا لن ننتظر محاكم وقضاة فالتار كبير والحقد فى القلوب ناره أشتعلت نعم لن ننتظر محاكم فالمحاكم تلك اللحظة لمن قتلوا أبناءهم فى كل بقعة من أرض الوطن ولمن تبقى على قيد الحياة لمن شردوا من موارد رزقهم ولمن عذبوا فى زنان\زين النظام وبيوت أشباحه ولمن أغتصبوا ولمن أهينوا وأذلوا ولمن أفقروا وجاعوا ولمن أصابهم المرض ولا يجدون حق العلاج.نعم هذه حقيقة لابد من وعيها فالتار كبير ياعصابة عمر البشير ولن ينجو منكم أحد.

Saudi Arabia [جركان فاضى] 09-18-2014 04:50 PM
عصابة الانقاذ عرفة التصفية جاياجاياه...وما عندهم مكان فى العالم يهربوا بيه ..... والاقتصاد ينهار بسرعة ومرعوبين فعلا... والمصير معروف...وفى اى لحظة قيامتهم تقوم ..والتارات كتيرة شديد...وفش الغبينة قرب


#1108859 [حسن شاش]
4.16/5 (14 صوت)

09-18-2014 01:47 PM
وزير العواسة دا قاعد يعوس في السودان ويبيع كسرتو في دبي ولا شنو؟؟؟؟....من وين جاب جبل القروش دا؟؟؟؟؟؟


ردود على حسن شاش
Norway [Atef] 10-18-2014 11:53 AM
من الشعب النايم الكل همو يهرب من البلد


#1108851 [مكرام]
4.04/5 (17 صوت)

09-18-2014 01:37 PM
الانقاذ كلها بقت بيوت احرار،لا خجل لا خوف من الله


#1108850 [شخلول]
4.17/5 (18 صوت)

09-18-2014 01:34 PM
غايتو الحرامية بعد دى قبل مايشتروا يحلفوا السمسار القسم :مهما حصل بينا ما تجيب طارى الموضوع دا لناس الراكوبة


#1108846 [الكاره المفسدين]
4.17/5 (26 صوت)

09-18-2014 01:30 PM
هل هناك منزل بالخرطوم يستحق 2 مليون دولار؟؟
وهل حقا هذا المنزل منزل عصام البشير الواعظ الذي يتردد حضوره بالتلفاز ؟؟؟؟
هناك تبادل منافع- واللعب على الدفون
منزلك سعره تقريبا نصف مليون دولار لكن سوف نعطيك 2 مليون دولار ياهههه
أخخخخخخخخخخخخخخخخخخخخخخخخخخ
من الذي يوعظ الحاكم و المفسدين إذا كان أمام الأمة يبيع منزل بمبلغ 2 مليون دولار


#1108842 [المشتهى السخينه]
4.16/5 (23 صوت)

09-18-2014 01:25 PM
شابكننا من زماااان الدولة الاسلاميه .. والشريعه ..لحدى ما جاتكم الدولة الاسلاميه بجهادها وجدادها ولصوصهاوعصامها ..المشكلة انو لسه فى ناس بيقولوا الجبهة الاسلاميه لا تمثل الاسلام وهم يحتفظون بالنسخة (السرية) للدولة الاسلاميه ويريدون تطبيقها فينا .


ردود على المشتهى السخينه
Saudi Arabia [معقول] 09-18-2014 08:39 PM
دولة اسلامة تااااااااااااااااااااااااااااني بعد الشفناهو دة ؟؟؟

نهي كرتاهي بالهندي


#1108835 [صلاح محجوب]
4.17/5 (17 صوت)

09-18-2014 01:18 PM
القصر بعدين ما خيشيلو معاه لدبي، المهم احفظور لينا الاماكن حنشيلو حتى لو مسجل بأي اسم عشان كدا بعدين بالله ما تعملو غاغة وبكا


#1108830 [المتعافي]
4.17/5 (14 صوت)

09-18-2014 01:09 PM
المستقله ومسمار السمسار


#1108826 [ملتوف يزيل الكيزان]
4.17/5 (19 صوت)

09-18-2014 01:05 PM
يا جماعه، مش دي اسمها افلام الخيال العلمي ؟ وللا انا تشابهت علي البقر؟


ردود على ملتوف يزيل الكيزان
Saudi Arabia [انور صالح] 09-18-2014 08:42 PM
هو فضل فيها بقر ؟؟؟

قول تشابهت عليك الحمير ...

أو تشابهت عليك القعونجات ...


#1108820 [::: بــيـكو:::]
4.33/5 (24 صوت)

09-18-2014 01:00 PM
اجمل مافي الخبر هي مصداقية وحيادية الراكوبة

(ولم يتسنى للصحيفة التأكد من صحة نسب القصر للدكتور عصام...)

عجبتني شديد الرمية دي...بغض النظر عن القصر سيدو منو!!

أما وزير العواسة ده أكل مال "أتامة" ماياكل مال الشعب الماعندو سيد ده؟!!


#1108819 [أبو مهند - دبي]
4.17/5 (17 صوت)

09-18-2014 01:00 PM
اليس هذا الوزير هو من صَرح قبل انفصال الجنوب إن هذا الانفصال لن يؤثر على الاقتصاد السوداني؟
أقول للسمسار ما تسيب حقك


#1108816 [ياابن الايه (قال حلايب مصريه !!)]
4.02/5 (14 صوت)

09-18-2014 12:59 PM
http://www.albayan.ae/videos/2014-09-17-1.2203555


مسافرون باكستانيون يطردون وزيرا من طائرة تسبب في تأخيرها
المصدر: البيان الإلكتروني
التاريخ: 17 سبتمبر 2014

أظهر فيديو نشر على موقع يوتيوب أول من أمس، مسافرون على مثن طائرة باكستانية وهم يطردون وزير الداخلية الباكستاني السابق، رحمن مالك من الطائرة لأنه أخرها لمدة ساعتين.

وكانت الخطوط الجوية الدولية الباكستانية قد أعلنت بأن الطائرة (بي كي 370) المتجهة في رحلة داخلية من كراتشي إلى اسلام أباد قد تأخرت لمدة ساعتين بسبب عطل فني، وهو أمر معتاد لشركة الطيران وفقاً لما نقله موقع (وان إنديا).

ركاب الطائرة حمّلوا مسؤولية التأخير للوزير السابق الذي دخل متأخراً إلى الطائرة، وأجبروه على مغادرتها بعدما نشب جدال عنيف بينهم.

وحقق الفيديو 50 ألف مشاهدة منذ نشره قبل يومين.


ردود على ياابن الايه (قال حلايب مصريه !!)
United Arab Emirates [ابن الايه قال حلايب مصرية!!] 09-18-2014 03:29 PM
قصدت من هذه المشاركة التذكير بطردة المانافع في عزاء الشهيد سنهوري



وكلي أمل أن يتم طرد عبد الرحمن الخضر اذا توافرت متطلبات الطرد في مناسبات اجتماعيه

ومن بعده طرد وزير الدفاع بالنظر اذا توافرت متطلبات الطرد في مناسبات اجتماعيه


ومن ثم طرد وزير المالية (اب قصر) اذا توافرت متطلبات الطرد في مناسبات اجتماعيه

وكل من طغي وتجبر علي افراد الشعب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
3.73/10 (12 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة