الأخبار
أخبار إقليمية
الصحة تنفي علمها باكتشاف جديد لعلاج الأيدز - فيديو
الصحة تنفي علمها باكتشاف جديد لعلاج الأيدز - فيديو
الصحة تنفي علمها باكتشاف جديد لعلاج الأيدز - فيديو


بعد إعلان وزارة الدفاع بالنظر ذلك
09-21-2014 10:29 AM
الخرطوم: ندى رمضان
نفت وزارة الصحة الاتحادية علمها باكتشاف علاج جديد ونهائي لمرض نقص المناعة الطبيعية (الأيدز) عقب توصل الدكتور راشد خضر المبارك الباحث في الصيدلة الإكلينكية لعلاج الأمراض المستعصية وأمراض المناعة والسرطان لعلاج نهائي للمرض. وفقاً لإعلان الاختصاصي الاجتماع ومنسق البرنامج العالمي للأمراض المستعصية وأمراض المناعة والسرطان بمستشفى عطبرة الرائد محمد مصطفى عبدالدائم عن شفاء مريض بإحدى المستشفيات الحكومية بولاية نهر النيل تمكنه من علاج مريض بـ(الإيدز) بنسبة 100%، لتسجل البلاد أول حالة شفاء من مرض الأيدز على مستوى العالم.. إلى ذلك أبدى استعداد المستشفى لعلاج مرضى الأيدز من داخل وخارج السودان وقال الرائد محمد المصطفى بحسب حديثه في تسجيل فيديو بإحدى المواقع الإلكترونية حضر إلينا مريض يحمل فيروس الأيدز وبعد إجراء الفحوصات التأكيدية اتضح أنه يحمل فيروس الأيدز بنوعيه الاثنين، وبعد تعاطيه للعلاج المكون من الأعشاب الآمنة والفعالة إكلينكياً تماثل للشفاء بعد مرور 21 يوماً فقط بحسب الفحوصات النهائية اتضح خلو المريض من الفيروس بنسبة 100%، وفي السياق ذاته أكد الرائد تنفيذ حملة واسعة لتقديم العلاج للمصابين بالمرض على المستوى الداخلي والخارجي. مشيراً إلى الشروع في إجراءات الحصول على براءة الاختراع العالمية في علاج مرضى الأيدز باسم دكتور راشد خضر المبارك الباحث في الصيدلة الإكلينكية وعلاج الأمراض المستعصية وأمراض المناعة والسرطان. إلى ذلك قال مسؤول ببرنامج الأيدز بولاية نهر النيل مفضلاً حجب اسمه إن البرنامج غير ملم بتفاصيل الاكتشاف لافتاً الى أهمية الإعلان حال ثبوت التوصل للعلاج عبر القنوات الرسمية فضلاً عن التريث وإجراء المزيد من الفحوصات في إشارة منه إلى صعوبة المهمة واحتياجاتها المادية والعينية. وفي ذات السياق نفت وزارة الصحة الاتحادية علمها وقالت ننتظر التقارير من الولاية للتثبت من صحة ما هو رائج.

الجريدة


..


تعليقات 41 | إهداء 0 | زيارات 10239

التعليقات
#1126422 [سوداني وافتخر.........]
0.00/5 (0 صوت)

10-15-2014 07:04 AM
دا عﻻج بالنظر وﻻ شنو


#1112605 [Abu Ammar]
0.00/5 (0 صوت)

09-23-2014 05:21 AM
شوفوا لينا علاج الملاريا يا راشد و حميدة علاج مرض الايدس ده انتم ما قدرو


#1112589 [بت البلد]
0.00/5 (0 صوت)

09-23-2014 02:26 AM
انتو تعبانين ليه مش أصلكم بتحاربو في الشعب السوداني ؟!!!! الايدز أرحم لأنكم امكن ما حتشيلو ذنب


#1112401 [الله يلزمنا الصبر]
0.00/5 (0 صوت)

09-22-2014 07:29 PM
هذا المقطع انا شاهدته في شهر ابريل 2014 فاتضح انه كذبت ابريل


#1111894 [shersh]
5.00/5 (2 صوت)

09-22-2014 09:21 AM
احقنو الدكتور راشد, ولا البشير ولا وزير الصحة بالايدز وبعدين ادوه العلاج ...عشان نقنع الديك...


#1111712 [.زول لايعرف مصلحته]
5.00/5 (1 صوت)

09-22-2014 05:31 AM
لعنه الله علي الكاذبين والافاكين والدجالين


#1111637 [صلاح إبراهيم]
0.00/5 (0 صوت)

09-22-2014 12:53 AM
قال سعادة الرائد: بعد إجراء الفحوصات التأكيدية، اتضح بإنه يحمل (فيروز) الإيدز بنوعية الاثنين.
فيروز أم فيروس يا سعادة الاختصاصي الاجتماعي


#1111575 [زعيم الزهاجة]
5.00/5 (2 صوت)

09-21-2014 10:14 PM
يمكن قاصد علاج من أكل (العدس) وتنطق باللغة الفرتكانية(العيدز) !!!!


#1111500 [عصمتووف]
0.00/5 (0 صوت)

09-21-2014 07:44 PM
ي رفاق انتم حارقين ارزكم في كم القصة كلها نكتة العدد


#1111498 [مسطول]
5.00/5 (2 صوت)

09-21-2014 07:41 PM
بالله برضو شوفوا لينا طريقة نضحي بيها اصلو العيد قرّب وربنا يجزيكم كل خير


#1111487 [moiez]
5.00/5 (2 صوت)

09-21-2014 07:21 PM
ههههههههه انت وعبدالعاطي سجارتكم وحده صح ... ورينا ح تبدا في الانتاج متين عشان نرجع السودان
دا ح يكون خير اكتر من بترول السعودية..
دي تعاليق المصرين في الفيديو كنت عاوز اجيب فيديو لباسم يوسف بس صعبة ..

عبد العاطى كفته وصل السودان كمان
واضح إن عبعاطى ده موجود عند كل جحوش اﻻنقﻻبات فى العالم.
دا يازول مش مرض الايدز انما هو اسمة مرض الخيبه التقيله اللى خدتوها من كفتة عبد العاطى


#1111366 [تينا]
5.00/5 (1 صوت)

09-21-2014 03:31 PM
جريت دموعى من الضحك يا (((عصام الجزولى))) اخوى يديك العافية ...


#1111359 [شخلول]
5.00/5 (4 صوت)

09-21-2014 03:19 PM
ياجنابو اكتشاف الادوية يتم بمراحل فى معامل ومراكز بحوث متخصصة تبدا اولا بدراسة المسارات الايضية للميكرب وكيفية تدميره دون المساس بالخلايا البشرية ومن ثم يدرس العشب المعنى وكيفية استخلاص المواد الفعالة فيه واستبعاد المواد الضارة.ثم مرحلة الاختبار على الحيوانات المختبرية من فيران وضفادع وقرود....للتاكد من الاثارالسالبة للعقاروقد تاخز 10سنوات واخيرا يتم تحديد الشكل الصيدلانى الامثل(حبة كبسولة حقنة).زولكم دا فكى بلم عروق الشدر وبجربها فى الناس.


#1111347 [Zorba]
5.00/5 (5 صوت)

09-21-2014 03:07 PM
فيروس الايذر كبا الزوغة لما عرف إنو وقع في يد الكيزان.


#1111340 [منتصر الخير]
0.00/5 (0 صوت)

09-21-2014 03:04 PM
السلام عليكم
الخبر ده كان علي ذمة صحيفة المصري قبل يومين
(على اذكر قام الجيش المصري قبل ستة شهور بما سماه اكتشاف علاج الايدز)...


طبعا نحنا سخرنا من الموضوع ده كلام الجهاز و الاريال ولو في الغرفة التانية الجهاز يسك الفيروس ويضربو شكلو كده تريقتنا خاشة عليهم شديد بعدين لاحظ الكلام قبل 6 شهور وطلعو علينا قبل يومين عشان كدة اى واحد يخش الرابط ويعمل شير على اللواء بتاعم الاهبل


#1111317 [انقاذى فاسد ومكابر ولايختشى]
0.00/5 (0 صوت)

09-21-2014 02:31 PM
هل الجيش هو الجهة التى تعلن عن هذه الاشياء وهل هذه مهمة الجيش؟
وحسب علمي يوجد المجلس القومي للبحوث.ماهو دوره فى مثل هذه الاشياء
ونتمنى ان لاتكون هذه فرقعة اعلاميه كالصمغ العربي وعلاجه للفشل الكلوي والذى قوبل بالسخرية والتهكم فى الاوساط العلمية


#1111313 [عمر]
5.00/5 (1 صوت)

09-21-2014 02:28 PM
هههههههههههههههه اتحداهم الزيدانى جا السودان خلاص لانوا قالها قبلهم ولبد واضح ان الدكتور راشد خريج احدى الجامعات السودانيه وبعد شويه حيلبد وهمه كبيره


#1111310 [المشتهى السخينه]
5.00/5 (5 صوت)

09-21-2014 02:26 PM
الجيش السودانى هو جيش رسالى اسلامى. وعليه ان يثق فى العلاج ببول البعير ويكثف جهوده بشأنه فمن نسوى قديمه تاه ..تأصيل فى تأصيل ..


#1111304 [حيران من فهم غلمان الكيزان]
4.75/5 (6 صوت)

09-21-2014 02:20 PM
منافسه عسكرية مصرية سودانية في العبط والتهريج ... لايمكن أن يكون المتسبب في الامراض جزء من العلاج ... جيوش دول العالم وقوات الحكومة الامنية والبوليسية تهضم نصف ميزانية الدولة دون انتاج وعمل حقيقي وهي السبب الحقيقي في جميع الكوارث ... وما شاء الله تبارك الله امننا وجيشنا اكلين 70% من ميزانية الدولة ولا حمدا ولا شكوره ... تقتيل وتشريد للشعب الغلبان.


#1111302 [صابر مصبر]
1.00/5 (1 صوت)

09-21-2014 02:18 PM
لايمكن ان نكذب هذا الخبر لأن الرجل السوداني قادر علي ذلك لان كثير من الابحاث مؤخراً ورئها إما يهودي او سوداني لذلك هذا ليس بغريب


#1111291 [العكليت]
4.75/5 (4 صوت)

09-21-2014 02:07 PM
كدى علجونا اول شي من والملاريا والتايفويد وفقر الدم وسؤ التغذية وغيرو . وبعد كده اعلنو لينا اى شى بنصدقكم . والله جيش قايدو عبد الرحيم برجم مايعالجو .(نصيحة ياناس الجيش شوفو ليكم شغلة فيها فائدة احسن مما تبقو زى القرود تقلدو فى حركات اولاد بمبة )


#1111276 [نفتخر باننا افارقة]
5.00/5 (2 صوت)

09-21-2014 01:52 PM
بالتوفيق انشاء الله


#1111252 [الغاضبة]
5.00/5 (2 صوت)

09-21-2014 01:23 PM
بإحدى المستشفيات الحكومية بولاية نهر النيل

هههههههه ديل فحص ملاريا ما عندهم، قريبتي عندها حمى ما في أي طبيب في ولاية نهر النيل قدر يعرف مرضها شنو، الى ان جاءت الى الخرطوم وهسع بتاخد في علاج الملاريا.... تقول لي ايدز ... بس الله قادر يضع سرو في أضعف خلقو... آل نهر النيل آل ...


#1111250 [مواطن]
0.00/5 (0 صوت)

09-21-2014 01:21 PM
علاجكم دا تم تجريبه في حيوانات التجارب المعملية مسبقا ؟ ام تم تجريبه مباشرة في المواطن


#1111244 [مع الحدث]
5.00/5 (3 صوت)

09-21-2014 01:15 PM
وين المعامل العلمية المتطورة وكم الميزانية التى يخصصها السودان للبحث العلمى بالاضافة انو العقول العلمية تم تشريدها ،
علاج نهائى لمرض الايدز شكله حيكون بالذخيرة الحية


#1111229 [الراصد]
5.00/5 (1 صوت)

09-21-2014 12:59 PM
اعادة الكشف علي الدم الحامل للفيروس وعدم ظهوره به بعد فترات محددة من تلقي العلاج لاتعني بالضرورة الشفاء التام من الفيروس...فتأكيدالشفاء من الاصابات الفيروسية بالدم وبالذات (الايدز) يتطلب فحصوصات متكررة وعلي فترات زمنية طويلة ومتباعدة...اذ ان اختفاء الفيروس وظهوره بعد فترة امر وارد ومحتمل لا يفضل اعلان نتائج متعجلة حوله...


#1111228 [حسن شاش]
5.00/5 (2 صوت)

09-21-2014 12:59 PM
المصريين اضافوا لهذه التمثيلية جهاز بأريل يتابعك وين ما مشيت ويشخص لك الحالة من على البعد.... السيجارتو أقوى منو فيكم؟؟؟؟؟؟؟

كفاية وزير الدفاع بالنظر لما ضحك خلق الله على الجيش السوداني جايين انتو تتمو الناقصة؟؟!!


#1111227 [مندهش]
5.00/5 (3 صوت)

09-21-2014 12:58 PM
كلام الرائد صحيح جدا جدا وانا اوافقه على هذه النتيجة لانه قال المريض لقد تم شفاءه من الفيروز وليس الفيرس لانه يقول الفيروز


#1111226 [سامى كوريا]
5.00/5 (1 صوت)

09-21-2014 12:57 PM
هناك عسكرى فى الجيش المصرى ادعى انه اكنشف جهاز لعلاج مرض فايروس c المرض المنتشر فى مصر فالظاهر عندنا عساكر هنا عاوزين بقلدوا المصرى !! لكن علاج مرض الايدز مرة واحدة والله دى كتيرة وخلاف كده نحن فى السودان مابنعانى من مرض الايدز كتير لانه خلينا حتى الجنس للكيزان الداعرين ديل ... فمن الافضل للعاسر ديل انه كانوا يبحثوا عن علاج نهائى وقاطع لمرض الملاريا الذى انتهى فى كل دول العالم ماعدا السودان وبعض الدول الافريقية الاكثر فقرا


#1111225 [دقي سيرج]
5.00/5 (1 صوت)

09-21-2014 12:56 PM
مبروك لهذا الكشف العظيم. والله ده كشف حبة بس. خلي ناس الخليج ديل يجوونا جري، وهات يا عطبرة. هذا الكشف سوف يزيد من صادرات السودان وهو اعظم من اكتشاف النفط. بقى عندنا ذهب+ دواء ايدز+ زراعة= أمة عظيمة. سير سير يا بشير.


#1111219 [ماجد]
5.00/5 (2 صوت)

09-21-2014 12:52 PM
ههههههههههههه
انتو قايلننا مصريين وﻻ شنو .. بنصدق اي حاجة

طبعا اللواء عبدالعاطي في القوات المسلحة المصرية قال انهم في الجيش المصري اخترعوا جهاز كدا شكلوا زي اﻻريل بعالج اﻻيدز و التهاب الكبد .. الغريبة الجهاز دا الجاهل قال بعالج المريض بدون ان يلمسه و حتى و لو كان خلف حائط

و قال ايه بخلي الفيروس ياكل تفسه زي الكفته ..ههههههههه
يبدو ان اللمبي عجبته الفكرة


#1111214 [ســــــــــرحــــــــــــــان]
4.82/5 (5 صوت)

09-21-2014 12:49 PM
الجماعه صادقين فى علاج الايدز , ما سمعتوا بالعلاج بالذخيره !


#1111210 [abo obayda]
4.25/5 (3 صوت)

09-21-2014 12:48 PM
يا جيش و يا حكومة ، خلاص بالله ، خلو عندكم شوية رحمة ، جن و جننتونا ـ تاني عايزين تصلو لي شنو


#1111198 [كوكي]
5.00/5 (2 صوت)

09-21-2014 12:40 PM
خلاص شوف لينا عشبة للسكري دة وتكون تميت جميلك


#1111196 [ملتوف يزيل الكيزان]
4.25/5 (4 صوت)

09-21-2014 12:36 PM
كل يوم اشاعة ينشغل بها الناس ، عشان يوم الانقاذ يمر ، يعني سياسة اليوم باليوم. اصبروا يانجاس الانقاذ والله تاني رزق الدقيقة بالدقيقة.


#1111154 [ahmed]
2.00/5 (2 صوت)

09-21-2014 11:59 AM
يا راجل ماذا تعرف عن الفيروسات دعك عن علاجها
هذا الرجل يجب أن يحاكم عسكرياً لتقديمه لهذا الخبر الكاذب وهو يرتدي الزي العسكري السوداني !
كدي إنتوا لو رجال صحي أقبضوا لينا الترابي والبشير ومعهم غازي صلاح الدين والباقن بنجيبهم نحن .


#1111126 [ود الخدر]
5.00/5 (1 صوت)

09-21-2014 11:35 AM
احلام ظلوط


#1111107 [shah]
4.97/5 (8 صوت)

09-21-2014 11:23 AM
أكيد مواد التحليل لفيروس الأيدز مضروبة ، فى معامل الجيش ، زى دباباتهم القديمة المشترينها من أوكرانيا... عشان كدة الدرويش ده إستخلص إنو المريض لم يعد حاملا للفيروس وبدأ يحلم بجائزة نوبل.


#1111106 [عصام الجزولى]
4.75/5 (6 صوت)

09-21-2014 11:23 AM
سبق لوزير الدفاع بالنظر ان اعلن عن اختراعهم لطائرة بدون طيار واثناء رحلة تجريبية لها سقطت فى راس (حمام) بمنزل بام بدة !!؟؟


ردود على عصام الجزولى
Netherlands [دقنة] 09-21-2014 03:15 PM
طلعت طيارة ريموت كنترول ببيعوها للهواة والشفع يتسلّو بيها في أوروبا وأمريكا !!!! وقال خاتّين فيها كاميرا IP كمان ،،، تخيّل وشوف المغسة !!


#1111072 [طارق الباز]
5.00/5 (1 صوت)

09-21-2014 10:51 AM
الخبر يخلع الجيش يكتشف علاج نهائى للايدز؟؟؟؟؟؟؟؟ ماهى العلاقة؟ واذا كانت وزارة الصحة لا تعلم كيف يتم التصريح به؟؟ بس لو طلع حقيقى يا ناس الجيش تغنوا انتو والحركات المسلحة وتنسوا حاجة اسمها حرب.


#1111070 [الرمدان كر]
5.00/5 (1 صوت)

09-21-2014 10:50 AM
كذذذذذذذذذذذذذذذذذذذذذذذذذذذذذذذذذذبة

وين انتوا من الابحاث العالمية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة