الأخبار
أخبار إقليمية
سامية تدعو الطلاب لقيادة حملة لاحياء وحماية كل القيم السودانية
سامية تدعو الطلاب لقيادة حملة لاحياء وحماية كل القيم السودانية
سامية  تدعو الطلاب لقيادة حملة لاحياء وحماية كل القيم السودانية


09-24-2014 11:45 PM
الخرطوم (سونا) - ثمنت الاستاذة سامية أحمد محمد نائب رئيس المجلس الوطني دور الطلاب البناء والتدافع في الحراك السياسي الواسع والمشاركة في قضايا الوطن عبر اتحاداتهم وروابطهم المختلفة في الجامعات مؤكدة بقيادة الاصلاح في كافة المجالات وأن الاصلاح ليس حديثا أنما ممارسة أستقلالا لهويتهم وأن يتحاوروا بصوت مسموع وإبدا ملاحظاتهم عن أداء الدولة والاداء السياسي .
وطالبت سامية الطلاب خلال لقائها أعضاء المكتب التنفيذي للاتحاد حول الحوار المجتمعي اليوم بالمجلس الوطني ضمن المبادرة التي أطلقها الاتحاد العام للطلاب السودانيين( وطنا يلمنا) بقيادة حملة توعية واسعة لاحياء وحماية كل القيم السودانية التي تجعل من السودان عزيزا ورفيعا مشيرة الي اهمية ان لا يكون الطلاب ضحايا ووقود حرب وان يكونوا رصيدا للتنمية وقالت أنهم عقدوا العزم أن يكونوا شركاء أصيلين في حركة البناء والتغيير الامثل وفي المشاركة الايجابية .
ومن جانبها أكد الاستاذ نادر عثمان حسن الامين العام للاتحاد العام للطلاب السودانيين أن مبادرة وطنا يلمنا تعتبر احدي المبادرات الطلابية الخالصة تهدف الي الدفع بمبادرة رئيس الجمهورية حول الحوار الوطني والمجتمعي مشيرا الي انها تشمل كذلك الجوانب سياسية واجتماعية وثقافية مشيرا إلي انها دُشنت في 5 ولايات لايصال صوت الطلاب لكل مكان وإنضمامهم للحوار الوطني .
الي ذلك أوضح الاستاذ آدم مهدي امين الاعلام بالاتحاد العام للطلاب السودانيين أن المبادرة تهدف الي دعم وتعزيز الحوار السياسي والمجتمعي وترسيخ مفهوم الوطنية في روح الطلاب وبناء وطن السلام والمحبة مشيرا الي الوصول الي توافق سياسي وأجماع وطني مؤكدا أن المبادرة انتظمت فعالياتها كل ارجاء السودان مبينا أن المبادر يقصد بها جعل الحوار ثقافة مجتمعية تمارس كسلوك في كل مكان حتي نهئي البيئة والمناخ لحوار سياسي ومجتمعي نحقق من خلاله التوجه نحو القضايا الكلية لبناء ملامح الدولة السودانية .


تعليقات 24 | إهداء 0 | زيارات 1451

التعليقات
#1115103 [مغترب]
0.00/5 (0 صوت)

09-26-2014 04:40 AM
القيم السودانية حالياهى الجهوية العنصرية القبلية الفساد بانواعة الاقتتال احتضان المحتل التفتيت الابادة الجماعية المجارز القهر هجرة جماعية اكل اموال الناس والدولة بالباطل فتاوى وهمية امتلاك القصور والتسابق والاكثار من حور الدنيا انحطاط في الاسلوب والالفاظ مخدرات على اعلى المستويات ،،،،،،،،الخ


#1115048 [حمور]
0.00/5 (0 صوت)

09-25-2014 11:58 PM
مدهشه


#1114973 [ودالجزيرة]
0.00/5 (0 صوت)

09-25-2014 07:59 PM
لن تعود القيم السمحه التى رحلت غصبا عنا منذ العام1989 الا بعد زوال هذا النظام الذى إغتالها


#1114945 [ود الركابي]
0.00/5 (0 صوت)

09-25-2014 07:14 PM
سمويه الككويه . المشكلة انتم المثل الاعلي في القيم للشباب . دي تجي كيف . قالت قيم عليا ..


#1114801 [قوز دونقو]
5.00/5 (1 صوت)

09-25-2014 03:18 PM
و يا تري عند إجتماعها مع اللجنة التنفيذية لإتحاد الطلاب ما لقت ليها واحد حط عينه فيها ؟؟ و لا هي حطت عينها في واحد من شباب الحزب بعد أن يئست من شياب الحزب ؟؟؟ عشم إبليس في الجنة ؟؟؟علي الأقل تستطيع ان تعوض ما فاتها مع شاب صغير في عمر الزهور و عمر المني ؟؟ و لا خلص فاتك القطار كما فات بعض زميلاتك العوانس ؟؟؟
يا ولية إختشي بقيتي زي ثابيتا متجملة و متزوقة و ما في حد ناقش حاجة ؟؟؟


#1114706 [ود الريف]
5.00/5 (1 صوت)

09-25-2014 01:18 PM
ههههههههههههههههه قال مبادرة و وطن. الوطن بح خلاص و صاحب الحوار المجتمعي الانتو متابعنه يهذي بما لا طائل تحته. قومي لفي انتي و اتحاد الطلاب حتى النفاق فاشلين فيه


#1114689 [حافظ حمد]
5.00/5 (1 صوت)

09-25-2014 01:01 PM
قيم شنو البتتكلمي عليها اختشي وقدمي استقالتك لانو حرام تكوني في الحكومة خمسة وعشرين سنة الجمل ما بشوف عوجت رقبتو تاكلي من اموال دافعي الضرائب وليس اموال الكيزان


#1114529 [احمد ابو القاسم]
3.00/5 (2 صوت)

09-25-2014 10:46 AM
ياخوانا امبارح سألناكم ساميه دى مطهره والا غلفا ؟ زول رد لى ماف !!!!
لأنو تصريحاتا وفرفرتا الكتيره الايام دى ماطبيعيه !!!!!


#1114525 [عصام الجزولى]
3.00/5 (2 صوت)

09-25-2014 10:42 AM
القيم يتم احيائها بالغدوة لا بالحملات والشعارات الزائفة وشعار وطنا بلمنا سوف يلحق يشعارات ناكل مما نزرع ونلبس مما نصنع يقول الاستاذ محمود محمد طه من الخير للشعب السودانى ان يمر بتجربة حكم جماعة الهوس الدينى لانها سوف تكشف له زيف شعارات هذه الجماعة


#1114458 [شهنور]
5.00/5 (1 صوت)

09-25-2014 09:50 AM
(بقيادة حملة توعية واسعة لاحياء وحماية كل القيم السودانية التي تجعل من السودان عزيزا ورفيعا )اى قيم تتحث هذه السافله : الفساد الاخلاقى والاقتصادى وووووووووووووووو...
اتتم دولة الظلم والفقر والجوع ربنا ارنا فيهم قدرتك واولهم الشيخين .


#1114457 [د الزهجان]
5.00/5 (1 صوت)

09-25-2014 09:50 AM
ايتها الشمطاء داكنة المعالم .في كريمات بتخلي لون وشك واحد .....أنتي يا حبوبه ما عارفه الجماعه منعو النشاط .الا للكيزان مسموح لهم باخذ البنات للشقق لشرح المشروع الحضاري .قالت قيم .ربي يقوم ليك شنب ودقن .شأن يتحدد نوعك زكر أم انثى


#1114426 [أبوقرجة]
5.00/5 (1 صوت)

09-25-2014 09:25 AM
أمبارح شفتها في قناة الشروق .. والله شناتها سمحه ... عليكم الله يا ناس الراكوبه الزوله دي لما تجيبوا صورتها أقلبوا الصوره على الحيطه...

كيف جامعة الخرطوم تحظر العمل السياسي في الجامعة .. وهي تقول للطلاب دور ... يا ناس ديل قايلين الشعب السوداني دا ما صاحي ولا شنو ... زي ما هم سكارى كمان قايلين الشعب سكران ... لا الشعب واعي لكم يا زباله


#1114397 [ابو شهاب]
5.00/5 (1 صوت)

09-25-2014 09:04 AM
يا ساميه انتو خليتو قيم سودانيه عشان الطلاب يحموهاويحيوها انتو حقوا تدعو الطلاب ينزلوا الشارع عشان خاطرنا السودان يرجع الى ماكان عليه
لقد دمرتم كل القيم التكافل والتراحم والتواصل والامانه وانتم اول من خان الامانه بتدميركم لوطن بحاله جوعتم المواطن وقتلتم المريض ورملتوا النساء وايقظتم الفتن بين اهلنا المعاليا والسلامات والرزيقات ( الفتنه نائمه لعن الله من ايقظها )

احتار الناس فيكم !!!! يامن تغلفتم برداء الاسلام سلبتم الحقوق واكلتم اموال الناس بالباطل وشيدتم العمارات والقصور وهمشتم اهلنا فى دارفور وتركتم الاراضى بمشروع الجزيره بور وكبلتم الحريات وقمعتم المظاهرات وزجتم المناضل بالحراسات

وفى عهدكم نبض كل معين الزراعه والصناعه والتعليم والصحه والحريات وكثرت الحروب وشرد الاهالى وقتلتم الابرياء وسجنتم الشرفاء والحادبون على مصلحه الوطن

وطن اصبح يباع ويشترى وضمائر ماتت وشعب جعان واقتصاد منهار كل هذا افرازات لسياساتكم الفاشله وضمائركم وبصائركم العمياء

تحلمون وتتطلعون الى وطن شامخ ومواطن قادر على العطاءوثبتم وتحاورتم واجتمعتم وتفرقتم على باطل و كانت فتره حكمكم 26 عاما هى التى قصمت ظهر البعير

واخيرا اقولها لك الاستاذه ساميه صراحه لاتوجد قيم سودانيه تحتاج الى حمايه او احياء احيوا ضمائركم حتى تحيى القيم


#1114369 [A. Rahman]
0.00/5 (0 صوت)

09-25-2014 08:42 AM
الطلاب ديل تطير عيشتهم، مدير الجامعة يحظر نشاطهم و سامية تشجعهم على مواصلة نشاطهم. اما الطلاب الذين تعنيهم سامية فهم اخر من يحمي القيم السودانية لأنهم ببساطة تربية وسخة في بيئة الاسلامويين الاوسخ.


#1114339 [عمـــــــــــــــــــــو]
5.00/5 (2 صوت)

09-25-2014 08:13 AM
ياسلام علي الديموقراطية , ي مرة قومي كدا م اقوم اديك كف .. حوار شنو انتو خليتو فيها حوار ... اخخخخخخخخخخ كلامكم يجيب الضغط ..........تف عليكم


#1114335 [hassan]
5.00/5 (2 صوت)

09-25-2014 08:10 AM
الطلاب ديل هم الخايجيبو خبرك

اجسن ليك يا سامية تشوفي ليكي حاجة تشيل اسمك

بدل اللعنات من كل اتجاه الصابة عليك

منافقة بشهادة


#1114288 [جارسيفو]
5.00/5 (2 صوت)

09-25-2014 07:31 AM
هل انتم ابقيتم علي قيم حتى يتم احيائها امشي يا بايرة


#1114257 [سلام علي القيم]
4.50/5 (3 صوت)

09-25-2014 06:45 AM
انتو خليتو ا قيم للطلاب عشان تناشديهم لحماية القيم انتي كوني قدوة ومن معك اولا

طلابكم ( طلاب المؤتمر ) كل واحد شايل ليهو بطاقة الانتماء للحزب يهدد ويتوعد ونحن نافذين واسلوبهم في جامعة الخرطوم وغيرها من ضرب بالعصا لطلاب زملاء لهم ورصاص حي عن اي قيم تتحدثين انتو اناس فقراء في الاخلاق فقراء في التعامل الحسن فقراء ومفلسين في القيم وحسبي الله ونعم الوكيل


#1114251 [الحاج]
5.00/5 (1 صوت)

09-25-2014 06:27 AM
ونائب رئيس اتحاد طلبة الكيزان قبض متلبس في قضية اخلاقية
يا ناس الراكوبة مش قلنا صورة الكوزة دي فكونا منها اصبحنا بالله


#1114247 [بت البلد]
5.00/5 (2 صوت)

09-25-2014 06:21 AM
تلميع لزوم الانتخابات والحوار ماااا بصدقكم ........ مااااا بصدقكم


#1114192 [caeser]
5.00/5 (1 صوت)

09-25-2014 01:39 AM
ياريت يرشحوكي ضمن الخمسة لرئاسة الحكومه ... سمويه


#1114188 [sas]
5.00/5 (1 صوت)

09-25-2014 01:11 AM
سامية تدعو الطلاب لقيادة حملة لاحياء وحماية كل القيم السودانية
كان صبرتي جايين يحيوها ويحموها


#1114177 [كاكا]
5.00/5 (2 صوت)

09-25-2014 12:39 AM
عجيب جامعة الخرطوم ممنوع فيها كل الممارسات السياسية والثقافية سامية تدعوا للحراك السياسي للطلبة وادم مهدي يدعو الطلبة ترسيخ روح الوطنية وابناء المغتربين ممنوعين من دخول الجامعات الحكومية كيف تحرمه من حفه في التعليم في الوطنية وتجبرة ان يدرس في الجامعات خارج وطنه وتطالبه بالوطنبة


#1114172 [ود شبونة]
5.00/5 (2 صوت)

09-25-2014 12:12 AM
يا سونا.. أخباركم دي بصيغها بكري حسن صالح؟!
يا طلاب الوطني.. ما عندكم موضوع.. قصدكم (مأكلة) جديدة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة