الأخبار
أخبار إقليمية
البشير: مستشفى الخرطوم ليست صنماً يعبد
البشير: مستشفى الخرطوم ليست صنماً يعبد


09-28-2014 11:43 AM
الخرطوم: سعاد الخضر
جدد رئيس الجمهورية عمر البشير مساندته لوزير الصحة ولاية الخرطوم بروفيسر مأمون حميدة وسياسة نقل الخدمة الصحية للأطراف، وكرر عبارته المشهودة بأن مستشفى الخرطوم ليست صنماً يعبد، وبرر البشير مساندته لنقل الخدمة للأطراف لأن المستشفى لا تعمل بطاقاتها القصوى وقال: ما نصرفه عليها ينهار في يومين أو ثلاثة لأنها لا تعمل بطاقاتها القصوى بسبب العيادات المجاورة لها، وطالب الأطباء بنقل عياداتهم من أمام شارع المستشفى وقال: على الأطباء أن يكونوا صادقين وينقلوا عياداتهم للأطراف وقال مخاطباً حميدة: مبروك مبروك امشي في برنامجك وما يهمنا هو راحة المواطن ونحن مع نقل الخدمة للمواطنين في مناطقهم ولا نريد أصناماً تعبد لافتاً إلى أن مستشفى الخرطوم في السابق كان يقع في أطراف العاصمة وأضاف: نحنا ما دايرين المواطن يتلتل ويتكل، دايرين الخدمات تجيهم في محلهم وعايزين يا بروف مأمون المواطن بي رجلينو يصل للخدمات ولا يحتاج لمواصلات أو مرافق)، وأضاف: عندما وزعنا نمرة اتنين الناس قالوا ما بسكنوا في الخلا وهسه سكنوا الكلاكلة والفتح 1، 2، وقلل من قطوعات الكهرباء بالخرطوم بسبب التوسع السكاني ودلل على ذلك بعدم توفرها في السابق إلا بالتنسيق وتوزيعها بالتناوب على كل الأحياء وأضاف: العندو مروحة عايز مكيف والعندو مكيف عايز إسبلت، واستدرك قائلاً: نحنا ماشين لي قدام لكن المواطنين طموحاتهم توسعت.

الجريدة


تعليقات 37 | إهداء 0 | زيارات 4922

التعليقات
#1117138 [أم شلوخ]
5.00/5 (2 صوت)

09-29-2014 04:04 AM
كترو من حبوب الضغط هذا كل ما أستطيع ان أنصحكم به


#1117112 [كيس موز]
5.00/5 (1 صوت)

09-29-2014 01:46 AM
هو في صنم غيرك بنعبد فيهو مدة 25 سنة
ما هو انت فرعونا لا نري الا ما تري ايها السيد الاوحد
لو نحنا ما وهم واحد زيك يحكمنا كل المدة دي
زيك ده تحت خت 10 خط


#1117094 [ابو الدهب]
4.50/5 (2 صوت)

09-29-2014 12:42 AM
شرد الشعب كمان يريد يطير الخدمات وتبقي العاصمة فاضية يعمل فيها برج البشير وشاليهات وبكده تبقه العاصمة منطقة مغلقة لحماية الكيزان.93


#1117092 [albrado]
0.00/5 (0 صوت)

09-29-2014 12:36 AM
نويت تبيعه كمان يا بشير؟؟؟؟


#1117005 [جبل توتيل]
5.00/5 (2 صوت)

09-28-2014 09:59 PM
الجماعه بفكروا بعقلية أمنيه فقط ... فصلوا الجنوب حتى لايشاركوا في المظاهرات .. تنظيف وسط الخرطوم منعا للمظاهرات ... والله شيىء غريب نظام 25 سنة وخائف ... أمشوا ريحونا... غير مأسوف عليكم ...


#1117001 [جبل توتيل]
0.00/5 (0 صوت)

09-28-2014 09:56 PM
ده كلام رئيس ... ملعون أبوك بلد لايعرف رئيسها ماذا يقول ... هو منزله شلرات ... يا جماعة متى كانت مستشفى الخرطوم في آخر الخرطوم .... والكلاكلات بقدم الخرطوم ... رئيس حقيقة فاشل في معرفة الخرطوم ما بالك مدن السودان الأخرى السودان غدا سوف يقول الابيض قرب نيالا ...


#1116973 [متسكع]
5.00/5 (2 صوت)

09-28-2014 08:52 PM
عمر الكذاب
عمر الرقاص
اسمع اذا مستشفي الخرطوم هكذا
اسمع هذه
كنت في مطار اديس اباباةحينها
كان يتجمع المسافرين من عدة بلاد
لكي يسافروا علي رحله واحدة للخرطوم
وجلس بجواري في الصالة احد السودانيين
وكانه اتي من العمل مباشرة بصراحة كانت
حالته بائسة فقلت له من اين اتيت با اخي
قال لي من جبوتي وقلت له ماذا تفعل
وولله العظيم رد علي عندنا عمل ماسكين
مستشفي في جبوتي متبرع بها البشير
ولله يشهد علي كلامي واقسم بالله ثلاثة
انتهي
طيب ايها الحقير
ماذا جنت مستشفي الخرطوم كان اجدر بك
ان تجعلها تحفة معمارية تعالج بها
الفقراء بالمجان زي ما وجدتها حينما
اتيت للسلطة يا جبان ثم من اين لك مال
حتي تتبرع بمستشفي خارج وطنك كم من مريض
محتاج للعلاج كم من فقير لا يملك حق الدواء
كم مات في هذا الشعب من سقم وجوع ومرض

ايها الجبان الرعديد ما كان يعمل هكذا
حتي الجبناء والمتسلطين


#1116959 [hero]
5.00/5 (1 صوت)

09-28-2014 08:21 PM
البترول مصمصو وسرقوا قروشو
الدهب نفس المنوال
مشروع الجزيرة
واسه قبل على الواطة ااواطة التبلعكم كيزان السجم
الزول ده حاااالف ما يسلم السودان ده مش على الحديدة الحديده زااااااتا تكون مصدية حتا احتمال ما نﻻقها


#1116951 [DR SAME AL]
5.00/5 (1 صوت)

09-28-2014 08:08 PM
سير سير ساالبشير ..انتو شوفتوا حاجة الطيرة دا حايخليكم تتكلموا براكم ...واصلوا نومكم ايها الشعب!!!!!!!!!!!!!!!!!!!!!!!!!!


#1116906 [د الزهجان]
3.50/5 (2 صوت)

09-28-2014 06:57 PM
ما مون حميدة هو المدبر لبيع المستشفي . الزول ده نا فاهم شي .. وعايز يرد الجميل لمامون لانو هو المشرف العمليات الركب h


#1116889 [salam]
2.00/5 (1 صوت)

09-28-2014 06:17 PM
يا جماعه الموضوع امني بحت ماعندو علاقه براحه المريض، وهم من متين همهم راحتنا ،الموضوع كالاتي ما عايزين اي تجمعات داخل سنتر الخرطوم حتي لو للعلاج بحيث تسهل عليهم اخماد اي تفلتات وحتشوفوا الدور جاي علي الجامعات


ردود على salam
Saudi Arabia [ود الناس الزمان] 09-28-2014 11:39 PM
مامون حميدة فكك جامعة الخرطوم(الغاء السكن والاعاشة والتعريب) ما بفكك مستشفى الخرطوم.. ودا كان لقى عربية جديدة بفككها عشان يعمل زيها الزول عندو انا زائدة (بلغة علم النفس).


#1116814 [Adam Ibrahim]
4.50/5 (3 صوت)

09-28-2014 04:26 PM
نمرة اتنين؟؟!!.. اوع تكون قاصد الخرطوم2!!..
الطاقة القصوى!!.. وين الخلل؟؟ بالعيادات الخاصة ام بالمستشفى؟؟..

المخلوق ده غريب خالص.. ما معقولة يكون ده رئيس بالفهم ده..


#1116811 [كمبال]
5.00/5 (2 صوت)

09-28-2014 04:23 PM
واانت يافرعون العصر جاينك الغبش من كل فج فاستعد


#1116793 [الفنجري]
5.00/5 (5 صوت)

09-28-2014 03:57 PM
أيها الجبناء في رأيكم أي شيء ليس صنما يعبد إلا السلطة فهي عندكم صنم يعبد.... الله أكبر عليكم


#1116782 [abosara]
4.75/5 (3 صوت)

09-28-2014 03:42 PM
نمرة ( 2 ) وزعتها أنت ؟؟؟؟؟؟؟؟؟؟؟؟؟ !!!!!!!!!!!! .


#1116752 [ابوجاكومة القرفان من الحكومة]
5.00/5 (2 صوت)

09-28-2014 02:51 PM
ياجماعة بتعرفوا حاجة إسمها ( حيوان أجيب ) ؟؟؟؟


#1116750 [مجروس ش ق م]
5.00/5 (6 صوت)

09-28-2014 02:49 PM
المهم بعد ازالة مشفي الخرطوم عاوز يبني برج وﻻ قصر وﻻ يبيع اﻻرض للقطرين وتحول القروش الي ماليزيا .برتطع زي ما عاوز لكن يجي يوم يندم القطرين علي اي دوﻻر صرفوة في السودان ﻻن كل املاك الدولة ستعود الي الشعب السوداني


#1116747 [وحيد]
5.00/5 (6 صوت)

09-28-2014 02:46 PM
الابله الراقص و جماعته يحطمون كل القيم و يدمرون التراث العلمي و التاريخي ... مستشفى الخرطوم في نظرهم لا تعدو ان تكون ارض ذات مساحة شاسعة في قلب الخرطوم يسيل لها لعاب السماسرة و لصوص الانقاذ فباعوها و بذلك يضربون عصفورين بحجر: نهب اراضي المستشفى و اخلاء الجو لمستشفيات لصوص المؤتمر الوطني التي تجاور مستشفى الخرطوم ....
مستشفى الخرطوم صرح علمي و تاريخي و مستشفى مرجعي بما فيه من كوادر علمية و ليس صنما يعبد يا عبدة الاصنام .... البشير و اعوانه يعبدون السلطة و المال و النساء


#1116715 [محموم جدا]
4.97/5 (6 صوت)

09-28-2014 02:02 PM
و الكان الساكن في كوبر الحلة اليوم عندو قصور و مزارع و فلل عددا!!!


#1116710 [ابو محمد]
5.00/5 (2 صوت)

09-28-2014 01:57 PM
ومحلها حتعملو حديقة عامه وله شنو


#1116702 [Asmar]
4.75/5 (6 صوت)

09-28-2014 01:41 PM
انقلوا القوات المسلحة للاطراف

مستشفيات اوروبا فى نصف البلد و الاطراف

مستشفى القصر العينى فى نصف القاهرة

عاوزين تبيعوا فقط قطع الاراضى يا لصوص


#1116699 [HAJABBAKAR]
5.00/5 (2 صوت)

09-28-2014 01:37 PM
تذكرت اكشاك السوق العربى وميدان ابوجنزير عندما تم ترحيلعا والان اكشاك الاطباء بجوار المستشفى تنتظر نفس المصير


#1116662 [سودانية]
4.99/5 (10 صوت)

09-28-2014 12:52 PM
والسلطة ليست صنما يعبد


ردود على سودانية
Saudi Arabia [اوكامبو] 09-28-2014 02:07 PM
رد فى الصميم


#1116659 [منشى]
2.38/5 (5 صوت)

09-28-2014 12:47 PM
حقيقة كدا , فكرة توزيع الاطباء على مستشفيات الاحياء دى كويسه على ان تكون مستشفى الخرطوم مرجعيه للحالات النادره مثل زراعة الكبد و زراعة الكلى و زراعة القلب و الرئتين و زراعة البنكرياس و عمليات المخ و الاعصاب و عمليات التجميل و عمليات العيون النادره و الاورام و عمليات التشوهات الخلقيه للاطفال و غيرها . اما الجراحه العامه و العظام و الحوادث و الاطفال و الباطنيه و الانف و الاذن و الحنجره و الذره و النساء و الولاده فمثل هذه الحالات يجب ان تقدم على مقربه من المواطنين فى احياءهم دون عناء نقلهم مع صعوبة الطرقات و ازدحامها الى مستشفى الخرطوم و ذلك بوجود احصائيات بوفيات تحصل فى الطرقات قبل لحاق بالخرطوم .. الفكره من هذه الناحيه التطويريه مقبوله لكن اذا كانت مجرد كيد سياسى فهى مرفوضه .


ردود على منشى
United Arab Emirates [محموم جدا] 09-28-2014 02:21 PM
في لندن المدينة المكتظة بالسكان هناك كليات طب ملحقة بها مستشفيات عريقة و في وسط البلد مثل مستشفى ميديل سكس ميديكال سكول و مستشفى سانت ميري و مستشفى الكلية الجامعية الخ التابعة لجامعة لندن لأرى اي صنما في هذه المؤسسات لكن وجود مستشفيات بالقرب من الكليات الطبية يزيد من جرعات التدريب لاطباء المستقبل إضافةالى تنشيط الابحاث الطبية و لا ادري ما يفعل الوزير بما حول المستشفى من معاهد و مؤسسات طبية مثل المعمل القومي و كلية السسترات و كليات الطب و الصيدلة و طب الاسنان و م الاسنان و النباتات الطبية و العطرية و غيرها .. هل ضاقا زرعا شارع القصر و وسط الخرطوم بالمواطنين المرضى أم أن البنيات التحتية في الاطراف أضحت تضاهي تلك التي في الوسط.. و تخيلوا معي أن إسعافا يحمل مريضا أو مصابا من وسط الخرطوم أو أن أحدهم تم تحويله من الحاج يوسف او بحري أو ام درمان ما لم تجهز المستشفيات باسعافات طائرة كم من الزمن يحتاج الى الوصول الى الاطراف ؟؟.. يا روح ما بعدك روح .. و منطف يحتاج لهدم لصنميته و انغلاقه عن الحوار الطبي .. مرحبا بالحوار الوطني بهذه الجدلية .. هاك ألوى !!!!!!


#1116657 [راشد]
5.00/5 (1 صوت)

09-28-2014 12:46 PM
كل رغباتكم واهوائكم تلونونها بلون الدين ، تقول ليست صنما يعبد لانك تريد ان تلقي في روع المساكين انه بهدمك لمستشفى الخرطوم تهدم صنما وتدرج مستشفى الخرطوم بذلك في قاموس الاخوان ضمن ادوات عبادة الاوثان.
ايها الكيزان استفيقوا من جهلكم وتخلفكم المريع.
لم يعد في عقلية الانسانية مكان لعبادة الاصنام قضايا الانسانية الآن صارت قضايا مختلفة لم ولن تستطيعوا التصدي لها


#1116643 [mabo]
5.00/5 (2 صوت)

09-28-2014 12:33 PM
صبرك يا طاغية


#1116634 [الحلومر]
5.00/5 (3 صوت)

09-28-2014 12:28 PM
الريس يخاطب شلة المؤتمر الوطني هو اصلوا نسى الشعب السوداني بعدانتاج اول برميل للبترول


#1116625 [ماجد]
4.75/5 (3 صوت)

09-28-2014 12:22 PM
شنو يا ناس الراكوبة من الصباح جايبين لينا تصريحات مستجد النعمة دا


#1116612 [أبو مهند - دبي]
5.00/5 (5 صوت)

09-28-2014 12:11 PM
بالله إنت وزعت نمرة اتنين؟
أول مرة أسمع الكلام ده
نمرة اتنين اتوزعت في زمن عبود


ردود على أبو مهند - دبي
United Arab Emirates [يالله- دايرنوا وطن كامل] 09-28-2014 02:03 PM
من كتر ماقعدوا 25 سنة لمن اتخيلوا انوا الخرطوم 2 دي هم الوزعزها...
ديل شكلم ولله اعلم يكونوا مع القصور دي قايلين استلموا البلد دي من ابوبكر الصديق ..ويكونوا قايلين عنرد الهمبووول هو عمر بن الخطااااب ....


#1116604 [ابو سرت]
4.50/5 (4 صوت)

09-28-2014 11:59 AM
البلد المافيها تمساح بقدل فيها الورل....


ردود على ابو سرت
Saudi Arabia [khalid] 09-28-2014 01:54 PM
والله كمان ورل اطرش اتقدل ساي وماسامع المستشفي بناه الكيزان ولا العولاق حميده دا من زمن الانجليز
قريت واتعلمت بمال القلابا الشقيانه البتقوم في البرد عز الشتا تفتح في مويه الحواشات وانت نايم غرير العين ماشفت الشقي جاي في الزمن دا تحرمهم من ابسط الخدمات في مستشفي اشبه بالزريبه عشان الناس تجيك في الزيتونه لابارك الله فيك


#1116601 [سم زعاف]
5.00/5 (1 صوت)

09-28-2014 11:58 AM
ما هو انت جماعتك عاملنك صنم هبل وربما كانو يسجدون لك في غياب العيون. والله مأساة هذا البلد أن أصبح مصيرة بيد أمثالك من العساكر المعروفين بالغباء


#1116592 [Bannaga]
4.75/5 (4 صوت)

09-28-2014 11:53 AM
This dude is funny



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
2.13/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة