الأخبار
أخبار السودان
وصفته بـ" المفكر "وسمته امير المؤمنين والخليفة السادس.."مجموعة" تحذر من اقالة كبر وتهدد بحرق شمال دارفور - "وثيقة"
وصفته بـ


09-29-2014 12:32 AM
الراكوبة – الفاشر حذرت جماعة جديدة تسمي نفسها (مجموعة نحن هنا)، قيادة المؤتمر الوطني من اقالة والي ولاية شمال دارفور محمد عثمان يوسف كبر، وهددت بحرق الولاية في حال اقدمت الحكومة على عزله من منصبه كوال لشمال دارفور.

وقالت المجموعة في بيان وزعته في مدينة الفاشر، تلقت (الراكوبة) نسخة منه: " إن هناك مؤامرة دنيئة يقودها الطابور الخامس وبعض ابناء ولاية شمال دارفور الطامعين في السلطة، من اجل اقالة والي شمال دارفور محمد عثمان يوسف كبر من منصبه، لتحقيق اجندة خاصة".

واضافت المجموعة في بيانها الذي جاء بعنوان (بيان للناس والحاكم)، "لقد تنامى الى علمنا ان هناك مجموعات نافذة في المركز بقيادة المؤتمر الوطني، تسعى لاقالة السيد المناضل المجاهد المفكر من منصبه".

واطلقت المجموعة على والي شمال دارفور عثمان كبر لقب امير المؤمنين والخليفة الراشد السادس، وحذرت قيادة المؤتمر الوطني ومن اسمتهم بالطابور الخامس من اتخاذ اي خطوة غير محسوبة باقالة الوالي، لانه ذلك يعني ان تدخل ولاية شمال دارفور في حرب لا تبقي ولا تذر. وشددت على انها تحذر سراً وعلانية، من إقالة عثمان كبر حتى لا تنزلق الولاية الى الحرب.

image






تعليقات 43 | إهداء 0 | زيارات 10000

التعليقات
#1118024 [محمد يوسف]
0.00/5 (0 صوت)

09-30-2014 04:00 AM
الزول ده مشي الحج يقابل البشير هناك ييييكي شديد ؟؟؟؟


#1117953 [ملك الجبال]
0.00/5 (0 صوت)

09-29-2014 10:35 PM
من حفر حفرة لاخيـــه وقع فيها اها السحر قربت تنقلب؟


#1117936 [علي دينار]
0.00/5 (0 صوت)

09-29-2014 09:49 PM
معقولة دي !!! فاشر السلطان يتحكر فيها لأكثر من عشرة أعوام بلطجي مثل كبر و يهدد بالبقاء بمساندة البلطجية و قاطعي الطرق ناس نحن هنا .. أصح يا البشير قبل أن تدخل في نيفاشا جديدة بسبب هذا المعتوه و من يساندوه من سوق المواسير ..


#1117929 [عصمتووف]
0.00/5 (0 صوت)

09-29-2014 09:24 PM
لو هذا المسخ اصبح اميرا للمؤمنين شخصيا لاجعلن الدلاي لاما البوذي شيخي الي متي نعيش في هذا الدجل والتخلف يريدون ان يصنعوا لنا الها اخر


ردود على عصمتووف
Sudan [هارون الرشيد] 09-29-2014 11:43 PM
بل قل يريدون أن يصنعوا فرعونآ آخر بمواصفات سوق المواسير .


#1117889 [khalid]
0.00/5 (0 صوت)

09-29-2014 07:54 PM
يا جماعة ممكن يكون الوالي دا بايع ناس داعش والحكومة نايمة على العسل وتكون جماعة نحن هنا هي عبارة عن داعش فرع السودان لكن لو الحكومة ارسلت لهم الجنجويد حينجضوهم نجاض البسكويت في صواني الحديد . والسؤال هو هل يملك هذه الولاية ام هي ملك للشعب السوداني جميعا وعلى الوالي الامتثال لامر الحكومة المركزية لانها هي التي تدير الحكم واذا اي حاكم يعين في في ولاية ما يكون له مليشه لتحميه للجلوس اطول فترة في الحكم فهذا كارثة ويعني كذلك ان هذا الوالي فاسد بالاساس وطالب للسلطة والذي يطلب السلطة بهذه الطريقة يجب اللايعطى السلطة لانه سوف يحولها لمفسدة


#1117858 [البشير جلدنا ما بنجر فيه الشوك]
0.00/5 (0 صوت)

09-29-2014 06:46 PM
ده خليفة قاطعنه من رأسكم في خليفة يسرق ستة مليار جنيه عشان اشتري فلا يا مجرمين؟؟؟


#1117852 [البروف]
5.00/5 (2 صوت)

09-29-2014 06:41 PM
لا نحن هنا لا يحزنون دي0 خطة من كبر نفسه بعد ان استشعر خطر الابله موسى هلال فضلا عن ضغط قيادات نافذة في نظام السفاح لاقالته


#1117840 [Adam Ibrahim]
0.00/5 (0 صوت)

09-29-2014 05:55 PM
كِبِر بتاع الكواديك والرتينزات والفودو بقى امير المؤمنين وسادس الخلفاء الراشدين!!!!!!.. فى نفاق اكتر من كده؟؟!!..

دارفور غرقانة فى الفوضى والتكتلات القبلية والكل مسلح باسلحة تقيلة.. والعدو اللدود لكبر هو موسى هلال الختاها واضحة بانو من اسباب غضبته وحردانه هو استمرار كبر فى منصب الوالى.. البشكير خايف من الاتنين.. يرضى مين وللا مين..


#1117774 [كيس موز]
0.00/5 (0 صوت)

09-29-2014 04:13 PM
بالشكل ده احرجتو الراجل مع بشة
ده امير المؤمنين والخليفة السادس طيب بشة حسب تقسيمكم يكون الفرعون؟
ها ها هههههههههههههههههههههههههه


#1117765 [بنت الناظر]
2.00/5 (1 صوت)

09-29-2014 04:04 PM
حسبى الله على الأبالسة المجرمين حتى إمارة المؤمنين بقوا يبعوا ويشتروا فيها بفلوس الحرام ..


#1117740 [ابو سرت]
2.00/5 (1 صوت)

09-29-2014 03:33 PM
وضاع السودان يا ولدي .... ودارفور بين كبر وموسى .


#1117723 [trure]
0.00/5 (0 صوت)

09-29-2014 03:13 PM
those (gov&mohammed keber) laying four darfour people what,s deffrient between this and next............


#1117703 [خور طلبة]
2.00/5 (1 صوت)

09-29-2014 02:34 PM
اختشي علي نفسك يا كبر و انت تسوق لنفسك بهذا الاسلوب الهمجي الرخيص و العالم أصبح يدار بزر كمبيوتر و البقاء للأصلح مش من داخل سوق المواسير .. و برضك معذور لان قدوتك نافع بتاع تسليم الراية لعزرائيل .


#1117642 [مفجوع]
0.00/5 (0 صوت)

09-29-2014 01:24 PM
عش رجباً ترى عجباً .. بتاع سوق المواسير بقا الخليفة الراشد السادس وكمان ..


#1117625 [Salah ALDeen P]
0.00/5 (0 صوت)

09-29-2014 01:08 PM
وابو ركبة موقفوا شنو من الحاجات دي!!!


#1117611 [ودالعمدة]
0.00/5 (0 صوت)

09-29-2014 12:55 PM
ههههههههههههههههههها ندعوا مع كل لصوص وسماسرة الغرب والولاة المبشرين بالركل وتابعيهم "اللهم لا تصيبنا ولا تقطع نصيبنا يارب العالمين


#1117599 [حرية]
4.00/5 (2 صوت)

09-29-2014 12:48 PM
عليكي الله يا الحكومة أقيلي رعثمان محمد كبر من منصبة وخلي جماعة ناس أنحنا هنا لينا أنحنا والله نلحقهم المعسكرات , نحن ضد المؤتمر الوطني الي أن نلقي الله وضد وضد عثمان كبر ومجموعتة المتخلفة وحتالة البشر لأننا سنجد ضالتنا فيهم ويبقوا رجال في حالة اقالة كبر ينفذوا القالو.


#1117585 [ممغوووووس 25 سنة]
4.00/5 (1 صوت)

09-29-2014 12:23 PM
الله لا يكسبكم الكيزان شوفو وصلتونا لوين // الخليفة الراشد السادس ,بكرة تجي جماعة تسمي واحد عيسى عليه السلام لعنة الله على الظالمين


#1117565 [Tehiraka]
0.00/5 (0 صوت)

09-29-2014 12:01 PM
هذا هو البيان الثاني لهذه المجموعة كما أعتقد ويقف وراءه المدعو معاذ جلال الدين وبطانة كبر من فاقدي التربية الذين يعلمون أنه بإزالة كبر من موقعة سيهتز كراسيهم وسيفقدون مواقعهم أيا كانت دستورية أو غيره. مواطنو شمال دارفور يعون أن من يأتي المؤتمر الوطني به واليا مهما كان لن يغير شيئا على الأرض والأفضل أن يأخذنا وإياهم الطوفان علنا ننجو من هذا الحزب الذي دمر البلاد والعباد وأوردهم مورد الهلاك.


#1117560 [AburishA]
4.00/5 (2 صوت)

09-29-2014 11:54 AM
"جماعة نحن هنا" هي مليشيا قبلية تابعة للوالي كبر.. يعني زي مليشيا نافع ومليشيا على عثمان ومليشيا موسى هلال ومليشيا "الجداد" في الراكوبة...الخ..
** الوالي كبر بدون "جماعة نحن هنا" خلاص أجله قرّب ويعاني الان سكرات "الشلوت" لانتهاء مدة صلاحيته..يعني في الفترة المتبقية دي لزوم الاقالة شنو؟ وما هو سبب الاقالة اصلا.. هل اوقفت مليشياته القتل والسلب والحرق... نورونا ياجماعة !! دي معركة زي ما قال المعلق [غسان بابكر] في غير معترك.. لا تعدو اكثر من كونها "تحرشات" لفتنة قبلية معروف مضمونها وفحواها ورسالتها.. وان أول من يكون وقودها هو "جماعة نحن هنا" انفسهم..
** والله بعد ده ما ينفع جماعة نحن "هنا" ولا جماعة نحن "هناك" أو "بغادي"...جميعكم الى الجحيم وسؤ المنقلب...


#1117546 [الكاهلى]
5.00/5 (2 صوت)

09-29-2014 11:37 AM
ديل شكلهم بتاعين سوق المواسير


#1117520 [ابوضراع]
3.00/5 (2 صوت)

09-29-2014 11:12 AM
واطلقت المجموعة على والي شمال دارفور عثمان كبر لقب امير المؤمنين والخليفة الراشد السادس،
المجموعة دي تابعة لناس داعش ولا شنوّ.ماذا قدم كبر هذه الولاية غير الدمار .اعتقد ان هذا هو مشارك فيه


#1117515 [الثائر حتى النصر]
4.75/5 (4 صوت)

09-29-2014 11:09 AM
هذه مهزلة الدولة ونفق البشير المظلم تتجلى القبلية لتفرض نفسها- على الشعب السوداني الكريم التوجه الي أكبر ميدان للتجمع السلمي بكل المدن والقرى السودانية حاملين معهم الشعارات واللافتات التى تظالب برحيل النظام وليكن ذلك في يوم محدد ومعلن دون تخريب أو فوضى وليتم تصوير المشاهد بكل المدن من الجو لا شهاد المجتمع الدولي على أن الشعب السوداني لا يريد هذا النظام وعلى كل أحزاب المعارضة الخروج لقيادة هذا العصيان المدني طالما رفضت حكومة الفساد محاكمة المفسدين و الإذعان بقبول صوت العقل.لابد للبشير الرحيل.


#1117511 [ابو النفاش]
4.50/5 (3 صوت)

09-29-2014 11:07 AM
قال امير المؤمنين قال خليفة سادس
اي صاح لانو كبر امير المجرمين وسوق المواسير وخليفة الشواطين والله العظيم كبر وطبالنو اخطر من ابن سلول.


#1117424 [غسان بابكر]
4.00/5 (1 صوت)

09-29-2014 10:05 AM
صراع في غير معترك...


#1117415 [حامد علي]
0.00/5 (0 صوت)

09-29-2014 10:00 AM
يا جماعة كبر ده الخليفة السادس عليكم الله البايعو على الخلافة منو
يمكن جائز يكون الحليفة السادس في الدائرة الماسونية السفلية حيث يتم تتوتيج الخلفاء من قبل إبليس شخصيا


#1117399 [fatonga]
5.00/5 (1 صوت)

09-29-2014 09:48 AM
هههههههههههه البيان ده كاتبو وموزعو كبار ذاتو عبر مجموعة من الانتهازيين وضاعف النفوس الذين يعيشون تحت رحمته. اخجل يا شيخ عشرة سنة ما كفتًك!!!!!!!!!


#1117360 [الشمالية]
5.00/5 (1 صوت)

09-29-2014 09:09 AM
ده كلام ده دي هرجله فضفاضه لا معنى لها يمشي كبر ويجي اكبر منو


#1117338 [المتجهجه بسبب الانفصال]
4.97/5 (6 صوت)

09-29-2014 08:51 AM
الان الصراع اصبح بين الجماعة انفسهم على قول الختم الكبير اشغل اعدائي بأنفسهم وأبلهم بالهرج والمرج ومع معرفتنا بمعنى الهرج ولا ندري ما هو المرج لكن لعله شكل الحراك الذي صاحب انتخابات الوالي في الشرق قبل يومين فقد جاءت الاخبار بأن انتخاب الوالي ايلا في الشرق الحبيب صحبته مشاكل وفتن كقطع الليل المظلم بين الجماعة ذاتها ولعب الكاش ولا بلاش دورا كبيرا بالدفع لمخاض اعلان فوزه ،،،، أما بقية الشعب فمتفرج على فضائح القوم وهذه قمة المتعة في مسرح الواقع حسب كبلنج وفرانز كافكا رواد هذا الشكل الادبي،،، ومن الشرق هاهو المسرح العبثي الانقاذي ينتقل الى الغرب حيث يطل هذه المرة كبر أميرا للمؤمنين والمفكرين ولا ندري هل كان طوال الفترة السابقة امير علي وعلى قلبي الكبير ،،، ان ملهاة الولاة الدائرة من خلال الاستقطاب المناطقي لهي من اخطر افرازات الانقاذ فالحكومة المركزية مقدور على مخلفاتها ،،،


#1117329 [Bit Messamis]
5.00/5 (2 صوت)

09-29-2014 08:42 AM
و ألله دولة أقل ما يقال عنها أنها "مسخرة"!


#1117319 [ابوقتادة]
5.00/5 (3 صوت)

09-29-2014 08:25 AM
ماناقصين مشاكل الفينا مكفينا (يارب دمر الانقاذ الخلت السودن كلو حركات)


#1117302 [عبد الجبار احمد]
4.91/5 (6 صوت)

09-29-2014 08:10 AM
(وحذرت قيادة المؤتمر الوطني ومن اسمتهم بالطابور الخامس من اتخاذ اي خطوة غير محسوبة باقالة الوالي، لانه ذلك يعني ان تدخل ولاية شمال دارفور في حرب لا تبقي ولا تذر. وشددت على انها تحذر سراً وعلانية، من إقالة عثمان كبر حتى لا تنزلق الولاية الى الحرب.)

بالله هل هناك حرب اكبر من الحاصلة في دارفور الان؟؟؟؟؟؟؟؟
99% من سكان الولاية يعيشون في المخيمات وتقول لينا حرب اكثر من كدا؟؟؟؟؟

ديل جماعة انتهازيين يريدون الحفاظ على مصالحهم فقط . هم الذين اصدروا هذا البيانات وبايعاز من كبر نفسه.

نريد من الأخ ابراهيم بقال اطلاعنا على سر هذا البيان في هذا التوقيت ومن يقف وراءه


#1117299 [عميليق]
4.25/5 (3 صوت)

09-29-2014 08:09 AM
ديل مرتزقة بكون كبر دفع ليهم بلاش كلام فارغ


#1117286 [ابو عمر]
5.00/5 (2 صوت)

09-29-2014 08:01 AM
أكبر مهدد للسودان أمنياً وإقتصادياً وكدولة موحدة نظام الحكم الولائي الحالي حيث أنه أمنياًبذر الفتنة والقبلية والجهوية حتى أصبح الوالي يتصرف وكأنه جمهورية مستقلة وهذا الوضع يشجع على التمرد علي الحكومة المركزية وبل على تفتيت البلد وكذلك إقتصادياً اصبح هذا النظام عبئاً على المواطن بمنصرفاته الكثيرة وبجباياته المتعددة مما يعيق التنمية وأصبح الحكم الولائي مجرد تقسيم سلطة وثروة لأهل النظام وكسب الولاء السياسي على حساب الخدمات الأساسية مثل التعليم والصحة والتنمية والحياة الكريمة للمواطن . فلذلك أي غلاء أو زيادة سعر في سلعة وراءه جباية أو رسوم أو ضريبة من الحكومة .


#1117251 [ابوبكر الرازي]
3.50/5 (4 صوت)

09-29-2014 07:28 AM
بدا واضحا من هذا البيان ان السودان تحكمه مافيا


#1117237 [حران أحمد]
4.50/5 (4 صوت)

09-29-2014 07:16 AM
حزب مهلهل ليس له غرض سوى تجميع أعضاء و شلليات ترعى مصالحها الذاتية وتتناحر من أجلها ، ولا تسعى فى خير للمواطنين والبلد ولذا لا يُستغرب هذا ....


#1117191 [africa]
4.97/5 (7 صوت)

09-29-2014 06:25 AM
صباح رباح بلا دارفور بلا زفت هن الناس ع يتعلموا يعرفوا الدنيا براهو دايرين 50سنة
وع يطلعوا من القبلية دايرين 50سنة مستوي ضحل رجال يعتمدون علي النساء في معيشتهم وهم جالسون علي الرواكيب بالله خليهم ينفصلو مع كبر يشوفوا حنانم وين


ردود على africa
Qatar [زول] 09-30-2014 08:25 AM
هههههههههههههههه

[harey] 09-29-2014 11:14 AM
f u

Saudi Arabia [ما مرتاح ....وما مرتاح] 09-29-2014 09:21 AM
بتعليقك المتخلف ده والله افريقيا متبرئة منك ومن اي واحد يحمل نفس الفهم ده.


#1117180 [ملتوف يزيل الكيزان]
5.00/5 (5 صوت)

09-29-2014 05:49 AM
عصابة الانقاذ ، لا يهما اندلاع حرب جديدة بشمال دارفور ، هذا سيكون عزرها لفصل كل دارفور عن السودان لان ، سكان دارفور ليسوا بعرب و هم دايريين السودان بنقاء عرقي كامل ، امنيات الخال و الولد خال و دقي ياطبول الحرب.
على الحركات المسلحة العمل سريعا ليكون لها وجود قوي و فعال داخل العاصمة ، وهذا هو الحل الذي يضمن وحدة ما تبقى من الوطن.


#1117150 [المشروع]
4.25/5 (3 صوت)

09-29-2014 04:36 AM
كل شي وارد في سودان الجن ده؟ خلاص المؤتمر الوطني والكيزان علموا الناس التشبث بالسلطة باسم الدين والحشاش يملأ شبكتو وما في حد احسن من حد


#1117130 [سكسك]
4.75/5 (3 صوت)

09-29-2014 02:08 AM
كبر رئيس اﻻ شبر


#1117121 [الفلكى]
5.00/5 (2 صوت)

09-29-2014 01:30 AM
يعنى معنى الكلام ده أى مجمجة من الكيزان فى الخرطوم الزول الاسمو كبر ده حيعلن دولة شمال دارفور المنفصلة, وجاهز لاى احتمالات ودواس, وكل زول ياخد حقو من بدرى بوضع اليد, لانو عاجلا أو أجلا دارفور حتنفصل.


#1117120 [aliali7488]
5.00/5 (2 صوت)

09-29-2014 01:22 AM
البشكير خش الميدان ومسخن سخانه ده الهدف الرابع بعد ماجدد الركبه******


#1117116 [It's over kozopoda]
4.90/5 (7 صوت)

09-29-2014 12:59 AM
شددت على انها تحذر سراً وعلانية، من إقالة عثمان كبر حتى لا تنزلق الولاية الى الحرب
ههههههههههههه
دولايه مش منزلقه فى الحرب
دي منشتحه عدييييييييييييل فى الحرب
اذا عندكم مصلحة فى مواسيروا اقضوها بسرعه
والله عجائب الترابى فى دارفور



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة