الأخبار
أخبار إقليمية
مقتل دبلوماسي اسباني بمنزله بالخرطوم في ظروف غامضة - شاهد صور المنزل
مقتل دبلوماسي اسباني بمنزله بالخرطوم في ظروف غامضة - شاهد صور المنزل


وزارة الخارجية والشرطة لم توصدان الباب امام شبهة العمل الارهابي
09-29-2014 03:27 PM
الراكوبة – الخرطوم لقى دبلوماسي اسباني يُدعى (إيميل يانو) يعمل بالقسم القنصلي بسفارة بلاده، مصرعه طعنا بالسكين في ظروف غامضة، بمنزله بضاحية قاردن سيتي بالخرطوم.

ولم يتسن للشرطة معرفة القاتل، لكنها قالت في تعميم صحفي ان مسؤول التأشيرة بالسفارة الاسبانية وُجد مقتولا داخل شقته بضاحية قاردن سيتي شرقي الخرطوم أثر طعن بسكين.

ولفت البيان الى ان الشرطة باشرت إجراءاتها القانونية والفنية وقامت بتحريز مكان الحادث فور ورود البلاغ، وانها قامت بتكوين فريق متكامل للتحقيق في الواقعة لكشف ملابساتها. منوها الى ان المجني عليه يبلغ من العمر (61عاماً) وانه يقيم بالسودان منذ ثلاثة أعوام.

وفي الاثناء وصفت وزارة الخارجية السودانية الحادثة بـ(المؤسفة)، وقالت في بيان صحفي تلقت (الراكوبة) نسخة منه: ان الحكومة السودانية ملتزمة التزاما صارما بحماية كل الدبلوماسيين والاجانب المقيمين في مختلف انحا السودان.

واكدت وزارة الخاريجة ثقتها في ما اسمته "القدرات المهنية العالية لشرطة المباحث السودانية"، ومقدرتها علي الوصول الي مرتكبي الجريمة.

وتجاهلت وزارة الخارجية وادارة الشرطة الحديث عما اذا كانت هناك شبهة عمل ارهابي وراء الحادثة، وهو ما يعني ان الخارجية والشرطة لا تستبعد كل الاحتمالات، او انها لا تلم بكافة حيثيات ودوافع الجريمة، خصوصا انها لم تقم بنفي ذلك بصورة قاطعة.

لكن تسريبات تحدثت عن ان شخص زار القتيل في شقته، دون ان يتفحص حرس شقق الهجرة بقاردن سيتي التي يسكنها القتيل اوراقه الثبوتية، وذلك لان الشخص الزائر ظل يتردد على شقة القتيل بصورة متكررة، حتى اضحى معروفا لطواقم الامن والحراسة بالبناية.


image

image


تعليقات 31 | إهداء 0 | زيارات 22157

التعليقات
#1118768 [موجوع بالحيل]
0.00/5 (0 صوت)

10-01-2014 03:03 AM
الموضوع ماعندوا علاقه بالارهاب عشان ماتفتحوا لينا خيال وبعدين زول بدخل بيت معناه معروف في تعامل وعلاقة علي مستوي الزياره المنزليه لو نط بالحيطه نقول الاحتمال يمشي لارهاب وغيره وعموما عمليه غزره والموت مؤسف ولوث سمعة البلد لان الدبلوماسيات والبعثات مدخلنا للاخر


#1118689 [nagatabuzaid]
0.00/5 (0 صوت)

09-30-2014 10:14 PM
اطنكم او بعضكم راى صيغة الخبر فى قناة ال BBC اثناء عرض خبراخر يخص قوى التحالف ضد ارهابيى الدولة الاسلامية قى العراق تم تثبيت عاجل بخط كبير احمر الامن فى السودان ثم خبر مقتل الدبلوماسى بخط صغير باهت اعمال اجرامية ترتكب فى حق السودان لا حول ولا قوة الا بالله


#1118664 [Simba]
0.00/5 (0 صوت)

09-30-2014 08:52 PM
Sudan was killed with a dull knife. This murder is a mere by-product. The murderer in all cases is one and the same..I rest my cases


#1118620 [حرية]
0.00/5 (0 صوت)

09-30-2014 06:48 PM
البعملها غير الكيزان منو؟ باقي السودانيون بخافوا من الله من شيل الرقبة


#1118565 [جلابية الرجالة ملحوقة]
5.00/5 (1 صوت)

09-30-2014 04:41 PM
ندين وبشدة مقتل الدبلوماسى الاسبانى المخضرم
راشد دياب عن تجمع لابسى جلابية الرجالة ملحوقة
ولانامت اعين الجبناء


#1118561 [الزمبعوك]
5.00/5 (1 صوت)

09-30-2014 04:40 PM
الموضوع ظاهر ..
القاتل متعامل مع المجني عليه في تهجير الشباب الراغب في الهجرة .. وسيط سفر ... بحكم انو القتيل مسؤول التأشيرات في السفارة ... والمعروف انو السفارة الإسبانية فيها لعب تقيل .. وشكلو الدوبلماسي طمع وضرب صاحبنا القاتل دا والسكينة لعبت.


#1118511 [واحد مستاء]
0.00/5 (0 صوت)

09-30-2014 03:14 PM
اها والنتيجة شنو يا جماعة
الخواجة ده الكتلو منو ولي شنو
بعدين الخبر بقول انه لم يكن القتل بدافع السرقة
اذن ابحث عن المرأة

ولا خلونا ننتظر كلام ناس الشرطة اللى لايودي ولا يجيب
زي عدمو

ما فيكم واحد بتاع مباحث ينظر لينا ؟؟


اها يا ابو العريف عرفت تحل اللغز ؟؟؟


#1118411 [سكران لط]
0.00/5 (0 صوت)

09-30-2014 01:23 PM
يا جماعة انتو شنو حكاية ليلة السكاكين الطويلة البقت ظاهرة في الخرطوم ؟
ياربي الخرطوم دي سكنوها البدو؟والا آآآآن افتهمتكم


#1118383 [ابو الشيماء]
5.00/5 (1 صوت)

09-30-2014 12:56 PM
الناس البتتكلم عن الحماية والقانون وغيره وعملوا لخبطة وجاطوو الشغلانة ومشو بهناك لمعاهدة جنيف وغيرو
هاكم الثقافة البسيطة دي عشان تكونو علي الاقل عارفين حقوق الدبلوماسي
اي عضو في السفارة من السيد السفير الي الملحق الاداري اللهو الكاتب وبتاع الجوازات وافراد الملحقيات الاخري بالسفارة كل هؤلاء يحملون جواز دبلوماسي اذا هم دبلوماسيين تحميهم قوانين ومعاهدات جنيف بحيث لا تستطيع دولة التمثيل ان تتخذ اي عقوبات مهما ارتكب الدبلوماسي من مخالفات وحتي الجرائم في بلد الثميل بل غاية ما تستطيع فعله هو طرده باعتباره شخص غير مرغوب فيه ويمكن ان يحاكم بعد ذلك في بلده حيث لا صفة دبلوماسيةولا حصانة هذا جانب من قاونون حماية الدبلوماسيين وحصانتهم
اما موضوع الحراسة هنا للدبلوماسي فحكومة التمثيل غير مسؤولة عن توفير الحماية الشخصية والحرس المنزلي لاي دبلوماسي الا في حالة الطواري والاستهداف المباشر وهلم جرا حكومة بلاده هي المسؤولة عن توفير مثل هذه الحراسات وتتحمل اعبائها والخ.. هذا شئ بسيط اردنا توضيحه ليعلم من جهل مثل هذه الامور ونرجو من يعلم اكثر بان يعلمنا وفوق كل ذي علم عليم


#1118284 [جمعة]
5.00/5 (1 صوت)

09-30-2014 10:59 AM
على الأرجح الشخص الذي كان يزوره كل يوم عرف عنه كل شيء مكان المبالغ والأشياء الثمينة التي يحتفظ بهاالمقتول، ثم اتى في اليوم المحدد وقتله ويكون أخذ كل شيء، والشيء الثاني أنا مع كلام حيران شيد هل يجب الحماية قبل الجريمة أم بعدها واذا كانت بعدها كيف تكون حماية؟


#1118245 [الاف بي ايست]
5.00/5 (3 صوت)

09-30-2014 10:20 AM
غايتو الكاتل دا يا داعش يا دايش ، ما بمرق من الاتنين ديل!! رايكم شنو.


#1118223 [mohammed Sadig]
0.00/5 (0 صوت)

09-30-2014 10:04 AM
this is embassy the building is behind the embassy


#1118220 [زول اصيل]
4.94/5 (5 صوت)

09-30-2014 10:03 AM
كيف يتمكن شخص من الدخول على دبلوماسي ويطعنه بالسكين وين الحراسة وين حماية الدبلوماسيين كما في معاهدة جنيف الرابعة قبل مدة دخل واحد من افريقيا الوسطى وطعن القنصل الروسي لا حراسة ولا شيء البلد هاملة مفتوحة على مصراعيها والجواز السوداني اسهل من تذكرة الخرطوم مدني تدفع ويجيك في مكانك طالما ان الامن معدوم والرشوة منتشرة الامن معدوم الا للمتظاهرين فالامن جاهز وقوات التدخل السريع جاهزة من كم سنة دخل واحد سعودي بمسدس الى الطائرة وفور اقلاعها الى السعودية اشهر المسدس وتوجه لقمرة القيادة لكن شجاعة السودانيين امسكوه قبل ان تحصل كارثة وفي التحقيقات ذكر بانه دفع الف دولار لضابط الامن للدخول بالمسدس شوف الامن كيف عندنا


#1118109 [المقهورة]
5.00/5 (1 صوت)

09-30-2014 08:23 AM
"وفي الاثناء وصفت وزارة الخارجية السودانية الحادثة بـ(المؤسفة)، وقالت في بيان صحفي تلقت (الراكوبة) نسخة منه: ان الحكومة السودانية ملتزمة التزاما صارما بحماية كل الدبلوماسيين والاجانب المقيمين في مختلف انحا السودان"

ما هو الجواب باين من عنوانو!
لا هو الحادث الأول ولا حيكون الأخير طالما تحكمنا عصابة الانقاذ


ردود على المقهورة
Saudi Arabia [رانيا] 09-30-2014 01:45 PM
ههههه على الله البشير يكون محمي كده والله يكونوا سهلوا على عباد الله مهمة ظلوا يحسبونها عسيرة وهي هينة .


#1118029 [منور النور]
5.00/5 (2 صوت)

09-30-2014 05:26 AM
اصلا اذا كان معروف لدى الحرس ما يقولوا منو ولا على الاقل شكله شنو جنسه شنو راجل ولا مره


#1118010 [ممثلاتي]
5.00/5 (4 صوت)

09-30-2014 02:55 AM
والله اصلكم ما بتسيبو طيبتكم وعفويتكم القاتل دا ما جاي ناطي يا جماعة دا زول مهم وعمل علاقات وثيقة مع القنصل لحد ما حرسه اتعود عليه كصديق ومن متين القناصل بصاحبو زول من الشارع افهموها


#1117995 [طارق الباز]
4.07/5 (5 صوت)

09-30-2014 01:45 AM
ههههههههه الشرطة بتألف تسريبان لتغطية الفشل مقدما(وذلك لان الشخص الزائر ظل يتردد على شقة القتيل بصورة متكررة..........) بكرة ينتهى التحقيق بأن القتل بغرض السرقة.


#1117989 [ابراهيم]
4.00/5 (5 صوت)

09-30-2014 01:30 AM
هل نتوقع شريط فيديو لقطع راس الدبلوماسي الإسباني كما هي عادة داعش واخواتها؟ نعم انا أتوقع ذلك واذا وصلت الشرطة الى الفاعل او لم تصل فقد وصلت الرسالة واضحة وجلية وهي ان داعش موجودة بين ظهرانينا وان البذرة التي يذرتها الإنقاذ قد اتت اكلها واننا اصبحنا حلقة في سلسة الارهاب المتدثر بالدين واذا لم يتدارك الشعب السوداني الوضع فسنجد نفسنا ايضا ميدانا للحرب التي تستهدف الإرهاب..
ابراهيم


#1117972 [عادل]
5.00/5 (1 صوت)

09-30-2014 12:23 AM
المثير في هذه القضية ما دام فيها طرف اوروبي...فان السبب الحقيقي لجريمة القتل سيعرف اذا اعلنته الحكومة السودانية ام اخفته لان الأوروبيين مشهورين بتسريب السبب الحقيقي لأي حادث حتى لو كان فيه اشانة للقتيل.


#1117917 [حيران شديد]
5.00/5 (2 صوت)

09-29-2014 10:03 PM
ان الحكومة السودانية ملتزمة التزاما صارما بحماية كل الدبلوماسيين والاجانب المقيمين في مختلف انحا السودان.
الحماية دى ما عرفناها بعد الجريمة ام قبل الجريمة !!!! والله الحكومة دى تحير


ردود على حيران شديد
Saudi Arabia [الجقود ود بري] 09-30-2014 03:59 AM
يا اخي انت بتحب اللولوه . طبعا الحمايه بعد الموت / معليش بعد الجريمه


#1117903 [AburishA]
4.79/5 (10 صوت)

09-29-2014 09:24 PM
ما زال الوقت مبكرا للتعليق..كلها تكهنات..وبعض من اخوانا المعلقين الافاضل التابعين للـ "اف بي آي" طوالي حسموا الموضوع بانه "جنسي" وكأن السودان اصبح بيت (...) علما بأن مشاكل القتل التي حدثت في السودان مؤخرا ما فيها ولا واحدة بسبب " تحرش او اعتداءجنسي" والجنس زاتو في السودان يا جماعة.. بقى ما عنده أم بتبكي عليه..وما ننسى يمكن جماعة حمزة طوروا شغلهم وهناك مجموعة الدندر.. وبتاعين غرانفيل وجنزبيل.. عموما ننتظر ونشوف آخرتا...


ردود على AburishA
Saudi Arabia [رانيا] 09-30-2014 01:52 PM
هههه ديل من مدمني الأفلام الأميركية ذي الوالدة الله يخليها .. تلقى تعليقاتها وتخميناتها مغنية عن متابعة الفلم معاها !!! أنا بفضل بكرر لها المخرج عايز كده المخرج عايز كده لكن أبدا مافي فايدة .
أمي مخرجة الروائع ....


#1117883 [yola]
4.93/5 (7 صوت)

09-29-2014 08:47 PM
الصوره الفوق دي افتكرت البيت دا في اوربا لولا الجوز القاطع امامها دا


ردود على yola
Saudi Arabia [رانيا] 09-30-2014 01:53 PM
أي والله الجوز ده كنت عايزة أعلق عليه .. هم الرجعونا لأرض الواقع .

[سامي] 09-30-2014 10:01 AM
البيت خليهو انا بعاين في صورة البنات الاثنين الشايلات اكياس ديل . الجابم غابة الاسمنت دي منو ؟

[زول ساكت] 09-30-2014 09:46 AM
حلوة منك الجوز القاطع امامها


#1117868 [الأنكشاري]
4.00/5 (7 صوت)

09-29-2014 08:15 PM
ممكن يكون عملها واحد من الموهوسين بتحريرالأندلس او الفردوس المفقود كما في الأشعار العرب ( اسبانيا حاليا ) .... ودي واحدة من أخطر حالات التزييف في التاريخ العربي


ردود على الأنكشاري
Sudan [القريش] 09-30-2014 07:48 AM
هى من البدايه الاندلس او شبه جزيره ايبريا حقت الاسبان او اللاتينيين-تزيف الناريخ الذى درسناه انتهاء بولاده بنت المستكفى وابن خلدون -والفردوس المفقود وبكاء ملوك العرب الصغار على ضياع ملكهم واوهام من هذا القبيل الحكايه من اساسها استعمار عربى وانقشع بعد 800 سنه -ينط واحد ويقول ليك دى الفتوحات الاسلاميه !

United Kingdom [سوداني اصيل] 09-29-2014 08:55 PM
هذا تعليق جميل ولازم انو دمك خفيف جدا
و الله كنت مدبرس و لكن بعد ان قرات تعليقك الظريف بدات اضحك لمدة من الزمن
الشكر لك و لتعليقك الظريف و الجميل في نفس الوقت
هذا جانب
اما الجانب التاريخي فهو الاجمل و الاكثر ابداعا
اشكرك مرة اخري و بالله مزيدا من التعليقات الجميلة


#1117850 [فكرى]
5.00/5 (4 صوت)

09-29-2014 07:33 PM
حسب الوثيقة المسربة والتى تفيد إحدى فقراتها بأختراق جميع السفارات فى الخرطوم أرجح أن يكون الجانى عميل لجهاز الأمن أو شخص تعرف على المجنى علية بواسطة العميل ويأتمر بأمره وفى الحالتين لايصعب الوصول إليه إن أرادو ذلك ، والله أعلم ..


#1117847 [اوكامبو]
5.00/5 (3 صوت)

09-29-2014 07:21 PM
اكيد فيه شئ بس لازم تتوصل الحقيقه من الحراس الذين ي العماره هذا اذا كان فيه حراس
على بيته
او تأمين من الهدف
كل لاحتمالات وارده اكيد علاقه جنسيه مع اي فتاه
اما لاجانب والدبلوماسيين او الموظفين في المنظمات الدوليه
اكيد فيه علاقه مع بعض علاقه غراميه
وحب ورسائل عشق وتتم برضى
وكل شئ وارد في عهد الكيزان
وفي النهاية يتحلل مش مشكله


ردود على اوكامبو
United Arab Emirates [hero] 09-30-2014 10:36 AM
اكيييييييد اى قضية قتل غاااااامضة وراها بنات السوء وتربية الوسخ التى بدات
تظهر فى بعض الكائنات التى حرام تسمى اسرة وكمان اسرة سودانية ﻻن
لﻻسف البعض اساااء للسودان اوﻻ والله مغصه ومغصة ما ظهر جليا من
الظواهر الوسخه الله ينتقم من هذه الكائنات التى بدأت توسخ صورة السودان


#1117832 [A. Rahman]
5.00/5 (1 صوت)

09-29-2014 06:44 PM
بس السفارة تدفع رشوة تحت الترابيزة لمسئول كبير في الشرطة، و هو حيطلع الحرامي الذي لا يستبعد ان يكون منهم، مش كل يوم تنشر جريمة عن "نظامي"؟ و اذا كان الشخص المشار اليه يتردد على زيارة القتيل دون ان تفحص أوراقه الثبوتية، معناه انه معروف لأمن الشقق إذ لا بد ان أوراقه فحصت في الزيارات الاولى. تعازيها للأسبان، لكن قناصل شنو البترسلوهم لينا، انتو صدقتوا اننا دولة و فيها امن؟ نحن اجهزة الأمن عندنا شغلها غير.


#1117801 [سوداني رغم أنفك]
5.00/5 (2 صوت)

09-29-2014 05:45 PM
هل الأمر له علاقة بملف تهجير السودانيين إلى أسبانيا ولعبة تأشيرات والخلاف مالي أم ماذا، لا أحد يستطيع التعرف على الحقيقة، حتى الشرطة السودانية ما اظنها هتعرف حقيقة الأمر وهتقلب وتعدل وبرضك ما بتعرف الحقيقة، إلا ناس تل أبيب يعلنوها ولا الاستخبارات الأمريكية، يا ناس طالما هو مسئول التأشيرات تكون العملية مالية وصفقات من تحت الحزام، لأنه من المنطقي أن تكون الاغتيالات السياسية والإرهابية موجهة لمن يمسكون بملف السياسة لا التأشيرات، أفيقوا يا شرطة


#1117775 [مالك الحزين جدا جدا]
4.63/5 (6 صوت)

09-29-2014 05:14 PM
طعن بالسكين ,, ساكن شقه !!! أنى أشتم رائحة أفعال فاضحه , أو جريمة أخلاقيه !! والله أعلم !أبحثوا عن الشاذين !!!


ردود على مالك الحزين جدا جدا
[ashafokhalo] 09-30-2014 07:44 AM
الاسبان مشتركين في التحالف لضرب داعش
- داعش قالت ح تنتقم
- السودان بلد فاكي - الاسباني العجوز ضحيه لقوها مطرفه والروح روح حتي لو كانت عجوز
- دا انتصار لداعش فرع السودان وهزيمه جديده لحكم الكيزان والجريمه دي ح تسبب بلاوي للحكومه فامنها مشغول بقمع المعارضه وسبات الشاي

والحكومه طبعا حريصه علي امن المقتول لانها ح تسمح لاهلو يشيلو الجثه ودا بدوروا ح يجلب الالاف من السياح

Saudi Arabia [daly] 09-29-2014 08:14 PM
احتمال وارد جدا


#1117762 [ود الدكيم]
1.75/5 (6 صوت)

09-29-2014 05:01 PM
هناك افتراضان يجوز أن يكون لهما ثالث ورابع ولكن المرجح:
1.علاقة جنسية شاذة خصوصا أن هذا القنصل لم يذكر أنه يعيش مع أسرة وعمره يبلغ 61 عاماً ومعظم الشواذ جنسياً مصابون بالإختلال العقلي سواءً كان الشاذ السالب أو الموجب.

2.اختلف مسؤول استخراج التأشيرات بالسفارة مع سمسار الفيزة في العمولة أو حدث نوع من الإبتزاز فصار ما صار.
المسألة ما دايرة درس عصر وبلا داخلية بلا خارجية بلا لمة


ردود على ود الدكيم
[Elsadig Karrar] 09-30-2014 08:54 PM
22222222222222222222222222

United Arab Emirates [البعاتي] 09-30-2014 04:57 AM
يا زول الخواجات ما بعرفوا سالب وموجب، او غالب ومغلوب في الشغلانيات دي ...
ديل يلعبوا لعب مفتوح وبدخلوا المباراة واثقين " درون نكسب "


#1117732 [dodo]
2.70/5 (13 صوت)

09-29-2014 04:26 PM
اعتاد الكثير من الاجانب والدبلماسيين وموظفي المنظمات علي سهولة ممارسة اعمالهم الجنسية الغذرة مع سودانيات او سودابيين بالاخص كبار السن الاجانب.


ردود على dodo
Saudi Arabia [faris] 09-29-2014 08:38 PM
حماميزو . بس السودانين ما عرب _ نص عرب

United Arab Emirates [حامد عوض] 09-29-2014 05:13 PM
غ. ... غراب

ق ... قذاره

وطوالي عملتها جريمه بسبب النسوان أو العيال .. شفقان مالك ما تصبر شويه خلي دمه يبرد.

Sudan [ماجد] 09-29-2014 04:55 PM
كﻻمك سليم الدبلوماسيبن اﻻجانب قايلين هنا الوضع زي بلدهم الموضوع فاكي ساكت و طبعا بي قروشهم ممكن يغروا ضعيفات النفوس

Norway [حماميزو] 09-29-2014 04:47 PM
عارف مشكلة العرب كلهم شنو ؟؟ تفكيرهم كلوا في الجنس ؟؟ يعني هسي انت طوالي لصقت ليهو شغال بمارس في الجنس ؟؟ عشان عرفت قاعد في شقته ؟؟ عقلك وتفكيرك المريض صور ليك شقة وبراهو معناها ممارسة جنس ؟؟


#1117725 [احمد المسيري]
4.86/5 (17 صوت)

09-29-2014 04:15 PM
الرجفه حاصله عشان اسباني مات مقتول وكبكبه شديده ومئات السودانين يموتون من الفقر والعجز ؛ لك الله ياسودان حتي في بلادنا نزل


ردود على احمد المسيري
European Union [قرفان] 09-29-2014 04:55 PM
ياخي ده أنت أغبى و أبلد سوداني يعني حضيض الحضيض



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
6.25/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة