الأخبار
أخبار إقليمية
زيارة البشير للسعوديه! هل هي رسمية أم دينيه??
زيارة البشير للسعوديه! هل هي رسمية أم دينيه??


10-10-2014 03:43 AM
عبدالله عبدالوهاب

أذاع تلفزيون السودان في نشرة العاشرة مساء الخميس خبرا بلسان وزير الدولة بالخارجية مفاده أن الرئيس البشير كان في زيارة عمل رسمية للسعوديه تم التخطيط لها منذ وقت بعيد تزامنت مع موسم الحج...وعليه فنحن نحاول فحص هذا الخبر علي ضوء سوابق هؤلاء الناس و تلاعبهم بالأعراف الدبلوماسية والتي إنتزعت الحياء من وجه الخارجية السودانية و عصفت بتأريخ السلك الدبلوماسي السوداني و عراقته وجعلته يتراقص كما الأراجوز أمام نظرائه في دول الجوار الإقليمي و الدولي!!!

في بداية عهد الإنقاذ زار البشير دولة زائير و عند عودته للخرطوم أصدرت الخارجية السودانية بيانا قالت إنه بيان مشترك مابين السودان و زائير عقب محادثات بين الرئيس السوداني و الزائيري !! فقامت قيامة الخارجية الزائيرية وإستدعت السفير وقتها محمد المكي إبراهيم مستفسرة إياه عن فحوي ذلكم البيان لأنه في الأصل لم تكن هنالك حيثيات مشتركة ما بين الرئيسين! فأسقط في يد مكي إبراهيم وقال لنا و شقيقي المرحوم عبدالواحد كمبال {والله يا جماعة ما عرفت أقبل وجهي وين?? لأن ذلك يتنافي و أعراف السلك الدبلوماسي التي تعارفنا عليها!!}

هذه اللجلجه و فقه التقية هي التي أفقدت الخارجية السودانية خيرة بنيها إما بالإستقالة أو الفصل للصالح العام أمثال المرحوم مكاوي الخليفة و محمود بانقا والأمين عبداللطيف و عبدالله المحجوب و علي حمد إبراهيم والقائمة تطول
إما زيارة البشير للسعودية فلم تكن زيارة رسمية بحسب خبر التلفزيون والصحف السودانية القائل بأن البشير سيتوجه للسعودية لأداء فريضة الحج!! هذا إلي جانب مراسيم الإستقبال و الوداع في هكذا زيارة والتي إنعدمت تماما في هذه الزيارة {راجعوا الصور في إرشيف الراكوبة!!}

إذن ماذا سيكون موقف السودان سيادة و شعبا لو أن الخارجية السعودية نفت صفة الرسميه عن هذه الزيارة??????? فضحتنا يا بشبش يا خي سلم نفسك للجنائية لزوم ترتاح و نرتاح
[email protected]


تعليقات 4 | إهداء 0 | زيارات 3796

التعليقات
#1123436 [AburishA]
4.50/5 (3 صوت)

10-10-2014 11:12 PM
زيارة البشير للسعوديه!هل هي رسمية أم دينيه؟؟ هي رسمية دينية.. هيع هيع هاااع..
يمكن ناس السعودية من الزعل ما يدوه تأشيرة زيارة رسمية,, عشان كده عمل فيها ابن لذينا قال يدقسهم بالحج يعني "الرسمية باعتبار دينية" الكيزان ما بخلوا خباثتهم..


ردود على AburishA
[AburishA] 10-11-2014 11:21 PM
يا حسكنيت "رومانسية" دي قون عديييل كده .. المشكلة قروش حلال الجماعة ديل يجيبوها من وين !!!

[حسكنيت] 10-11-2014 01:28 PM
لو الحج كان بقروش حلال تكون دينية ( وإنت سيد العارفين يا أبو ريشة)
ولو كان بقروشنا تكون زيارة رومانسية


#1123360 [abdalla abdelwahab]
4.00/5 (1 صوت)

10-10-2014 07:04 PM
وكان في وداعه بمطار الأمير محمد بن عبدالعزيز الدولي، وكيل إمارة منطقة المدينة المنورة عبدالمحسن بن محمد المنيف، ومدير مكتب المراسم الملكية بالمدينة المنورة محمد محمود سمان، ومساعد مدير شرطة منطقة المدينة المنورة العميد عمر المشعلي وعدد من المسؤولين من مدنيين وعسكريين.


#1123184 [nagatabuzaid]
4.22/5 (9 صوت)

10-10-2014 10:59 AM
ضحكت لمن مصارينى اتقطعت وحزنت على الدبلوماسية السودانية التى اغتالتها الحكومة الكيزانية لمن دموعى جرت


#1123166 [دردوق]
4.75/5 (16 صوت)

10-10-2014 10:13 AM
زيارات البشير الخارجيه كلها ! اسمها في العرف الديبلوماسي :

( عدم شغله سااكت)


ردود على دردوق
Netherlands [دردوق] 10-10-2014 08:48 PM
ابو الريش. سلام يا مان

نطيط البشير ده ! ( زول كل يوم تضيق الحلقه حوالينو ! ) ها انا انطط

الليله تشاد بكره ارتريا و بعد بكره اديس ( في بيت اللعب ) اذن

انا موجود ههه !

السعوديه دي البشير دا شعرا ما عندو ليهو رقبه ! ( الا كان القص )

[AburishA] 10-10-2014 04:11 PM
في زيارة رسمية بمشوا ليها تلتمية زول وبسوقوا فيها العوين والوليدات والشغالات !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة