الأخبار
أخبار إقليمية
وزير السفاح يقر بتأخير استضافة الرئيس للقاء ولي العهد السعودي.. ويكذب حول نجاحات الزيارة
وزير السفاح يقر بتأخير استضافة الرئيس للقاء ولي العهد السعودي.. ويكذب حول نجاحات الزيارة


أين ما قاله البشير للإعلام إن صدق ما تدعون.. ولماذا تأخر اعترافكم بتناول الشأن الأمني
10-10-2014 05:00 PM
تأكيدا لما أكدته الراكوبة من أن البشير ركض وراء طلب مقابلة المسئولين السعوديين، اعترف وزير الدولة بوزارة الخارجية د. عبيد الله محمد عبيد رسميا لوكالة الأنباء السودانية، أن اللقاء تزامن مع زيارة تم الإعداد لها مسبقا إلى السعودية، إلا أن الوزير أخفى بالطبع لماذا جاء توقيت خلال موسم الحج، وما إذا كانت السعودية هي التي أجبرتهم على ذلك، باعتبار المشغولية المعتادة سواء لخادم الحرمين الشريفين أو ولي العهد السعودي، لذا فمن الطبيعي أن يكون الحل الوحيد في ظل الركض المستمر والإلحاح، أنه يتم تذويب اللقاء في مناسبة الحج، حيث ربما يكون هناك بعض الوقت للقائه، وهو أمر انصاع له البشير تماما، وحاول إخفائه عن العامة ليظهر وكأنه فرض التوقيت بنفسه.

لكن الوزير السوداني بات يردد الأكاذيب التي لازال يرددها الإعلام الرسمي التابع للنظام السوداني من أن البشير التقى العديد من الأمراء، ويبدو أنه سحب حديثه الأول الذي أعلن فيه أن البشير التقى وزير الداخلية السعودي الأمير محمد بن نايف، ليخرج الوزير هذه المرة بلقاءات عامة لبعض الأمراء، بلا تحديد، وذلك تأكيدا لما فضحته الراكوبة من أنه لم يتم لقاء سوى ما تم في لقاء ولي العهد السعودي، والذي حضره رئيس الاستخبارات، ولم يحضره وزير الداخلية السعودي.

وتأكيدا أيضا لما أكدته الراكوبة من أن البشير بحث فقط الوضع الأمني خرج الوزير السوداني ليعلن أن اللقاء الذي جمع البشير مع ولي العهد السعودي تطرق إلى الجهود التي تقوم بها المملكة العربية السعودية للتصدى لكثير من التحديات التي تواجه المسلمين والمنطقة بصورة عامة خاصة ما يتعلق منها بجانب الغلو والتطرف وما افرزته الظواهر الإرهابية وكذلك استهداف المسلمين والعقيدة الإسلامية وضرورة أن يُقدم الإسلام كرسالة للتسامح والتعايش السلمي بين المجتمعات .

وهو أمر يعني أن البشير يجب أن يفعل المطلوب منه في المرحلة المقبلة، وهو أمر اعتاد البشير ألا ينفذه، فلطالما نكث بعهده ووعوده مع شعبه، ناهيك الدول الأخرى، خاصة في ظل الارتباط الوثيق للنظام مع الحركات المصنفة إرهابيا في العالم.

والمؤسف أن الوزير السوداني الذي قال أن المرحلة المقبلة ستشهد وصول عدد من المسئولين السعوديين للخرطوم، والعكس، لم يصرح علانية بما إذا كان هؤلاء المسئولين من هنا أو هناك مرتبطين بالملف الأمني فقط، أم الجانب الاقتصادي أيضا لتصديق مزاعمه من أن اللقاء بين رئيسه والجانب السعودي لم يقتصر على الجانب الأمني.

فيما المؤكد أن النتائج الوحيدة من الزيارة هي لقاء جمع البشير بالرئيس الصومالي الذي تصادف وجوده مع البشير في توقيت واحد، وهو أمر بالطبع لا يعود بالفائدة على الشعب السوداني، لكنه يهم البشير ونظامه بحكم ارتباطه بتنظيم حركة الشباب الإسلامي في الصومال وتمويلها عسكريا، وهو أمر يخالف دعم القيادة الشرعية في الصومال.

ولا يفوتنا هنا التأكيد أن البشير الذي غادر السعودية كان في وداعه في المدينة المنورة، وكيل أمارة المنطقة عبدالمحسن بن محمد المنيف ومدير مكتب المراسم الملكية بالمدينة المنورة محمد محمود سمان ومساعد مدير شرطة منطقة المدينة المنورة العميد عمر المشعلي مما يدلل على تهميش الوداع، وهو أمر فضحته الراكوبة في وقته.


تعليقات 31 | إهداء 0 | زيارات 14382

التعليقات
#1123991 [gamri]
0.00/5 (0 صوت)

10-12-2014 12:49 AM
السودان لهو رب يحميه


#1123881 [ماركونى]
0.00/5 (0 صوت)

10-11-2014 07:39 PM
فى سابق الزمان زار الملك فيصل معقل الانصار بالجزيرة ابا على ما اتذكر وزار الخرطوم عدة مرات وزيارة البشير للسعودية امر طبيعى سواء قابل المسئوليين ام لا والبشير ذهب للحج وشوفوا ليكم شغلة


ردود على ماركونى
Barbados [ود كركوج] 10-12-2014 12:14 AM
تحج مع البشير في جنهم قول امين....

Norway [ahmed] 10-11-2014 11:46 PM
ققال تناقش التحديات التي تواجه المسلميين بالله ا نتم مسلمين؟ وكمان محاربة الارهاب ماانتم الارهابيين...ياخونة ؟


#1123719 [ظلال النخيل]
2.00/5 (1 صوت)

10-11-2014 01:39 PM
الرئيس الكذاب الأشر والله الشعب كله بيصفك بأنك كذاب فهذا دليل على أنك كذاب تتحرى الكذب وكتبت عند الله كذابا....قاتلك الله


#1123717 [ابو هانى]
5.00/5 (1 صوت)

10-11-2014 01:39 PM
اذا افترضنا ان هذا المقال صحيح وان السعوديه لم تستقبل البشير فما هو الضرر و ماذا يضير البشير من ذلك ياناس المعارضة خليكم عاقليين وفاهمين ان الظروف تغيرت بعد احداث
اليمن تغيرت الامور والاستراتيجيات والسودان اصبح هو العمق الاستراتيجى للسعوديه بعد الحصار من الشيعه فى الشمال والجنوب والشرق والغرب فهم اصبحوا الان محتاجين للتنسيق مع البشير .... وهذا ما لم يفعمه كاتب المقال


ردود على ابو هانى
Saudi Arabia [ابو بطن فاضية تكركر] 10-11-2014 02:08 PM
ده تحليلك .. السودان عمق للسعودية ..؟!!!


صدق إنك عبقري يا أبو هاني ..! وين جائزة نوبل عنك ..؟!

شر البلية ما يضحك .. قال عمق قال


#1123681 [AburishA]
3.00/5 (4 صوت)

10-11-2014 12:47 PM
مسكين وزير الدولة بوزارة الخارجية... مفتكر اي سعودي لابس غترة وعقال هو وزير ومسئول وأمير !!!


ردود على AburishA
Saudi Arabia [رانيا] 10-11-2014 11:30 PM
وحياتك يا غالي البشير نفسه لابس البشت وعامل فيها "أمير" ولولا الظروف ما حاقول العيبة ..لولا الظروف كان بقاها مملكة .

بيني وبينك بشت ترباس أشيك من الريس وبكتيير .


#1123613 [مدحت عروة]
4.88/5 (6 صوت)

10-11-2014 11:12 AM
يا حماعة خدوها قاعدة لا تتغير او تتبدل واقسم بالله على صحتها وهى ان احترام شعبك ورضاه عنك اى تعطيه حريته فى اختيار حكامه وتحكم البلد بالتراضى الوطنى والديمقراطية اى سيادة القانون هو الاساس لاحترام الدول وقادتها لك ولشعبك الاولوية والاساس هو رضاء شعبك عنك وليس رضاء اى شعب او فرد فى الدنيا عنك مهما كان خواجه او عربى او افريقى وعندما يكون شعبك ما راضى عنك دول العالم ما بيحترموك ويلعبوا بيك لعب يعنى اطلب رضا شعبك اولا يحترمك ويرضى عنك باقى العالم ودى حقيقة بديهية وما دايرا ليها درس عصر!!!!
كسرة: شوفتوا السودان كان محترم كيف ايام الازهرى والمحجوب ورفاقهم؟؟؟؟؟
تفوووووووووو على اى انقلاب عسكرى او عقائدى عطل التطور الديمقراطى وسيادة الشعب فى السودان وخلانا بفينا ملطشة للبيسوى والما بيسوى!!!!!!!!!!!!!


ردود على مدحت عروة
European Union [عنكبه] 10-12-2014 04:11 AM
بالبلذى المثل بيقولو "المافيهو خير لأهله ما فيهو خير للناس" .

[AburishA] 10-11-2014 11:32 PM
شكرا اخوي [مدحت عروة]..تعليق قيّم..لكن ستسمع اذ ناديت حيّا.... خالص التقدير..

[شئ من حتي] 10-11-2014 09:32 PM
اكيد يا مدحت


#1123597 [منو العوض]
5.00/5 (2 صوت)

10-11-2014 10:49 AM
تاني تجي المولد!!!!!!


#1123536 [Wad Elhaj]
0.00/5 (0 صوت)

10-11-2014 08:55 AM
التحيات لله
( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )
يا اخوانا خلوا لى ربنا
وارفعوا شكواكم لله رب العالمين
ودفتر الحساب لو انفتح ما بخلى زوووووووووووووووووول
جااااااااااااااااانا طمام ومغص وبقينا زي النسوان كلام فى كلام وماعندنا غيروا
البره نائمين فى العسل وبحرشوا في الجوه والجوه مغلوبين على امرهم
80% من الشعب السوداني شغال رزق اليوم باليوم
يعني لو اعتصم ولا ساااااااااااااااى فكر ينوم يرتاح يوم معناة افراد اسرته للجحيم
والحساب بفرق
عشان كده خلو الحساب ليوم الحساب
ومافى زول شريف فى البلد دى الا من رحم ربي اى زول بقول يا روحي
ولو مشي البشير عليكم الله الممكن يجي منو ويكون صحي ود ابوه ويحكم البلد دي؟؟؟؟
الترابي؟؟؟
الصادق؟؟؟
الميرغني؟؟؟
و.............الخ ؟؟؟ منو قولوا لي مش ديل اكبر سبب في ضياعنا وضياع البلد دى؟؟
اى واااااااااااحد بحلم يمسك الكرسي عشان يحقق احلاموا واحلام قبيلتوا واهلوا
الوزراء المكنكشين ديل اسه
ما نصهم مرتادى سجون ومجرمي حرب
ولا اعضاء منظمات ارهابية بمسميات تخدم مصالحهم وعند اول ملف تظهر مطامعهم وتظهر قضيتهم التى هى في الاصل مطامع فى الشعب السودانى الهامل دا
منظمات افزعتنا وارهبتنا وسلبت حقوقنا واليوم نحن نصفق لهم ونعاملهم بكل احترام بعد ان ملوا من قتلنا وتشريد القرى وزعزعة امن المدن والمواطن
ولماذا ؟؟؟؟؟؟ لاننا شعب حـــــ.... والاتفهه من كده لاننا نسينا مبادئنا واى زول يقول يا روحي
عشان كده احسن كل زول يمشى يشوف حالوا لان مافى زول نضيف
(((( سوداني مستقل واحمد الله لا اتبع اى ارقوز ولا اتبع الا الله وعليه فوضت امرى)))


ردود على Wad Elhaj
Sudan [Wad Elhaj] 10-14-2014 10:36 AM
التحيات لله
الشكر لله ولكم وانا استميحكم عزرا بانى ارفض تشبيهى بهولاء القوم الذين سادوا فى الارض فساااااادا وكلامك بانى غير نظيف
اولا ردى على الاخ Amir
يا اخي انت لا تعرفني ولا تعرف نظافتي ولا حتي اهليتى ولم تفهم معني كلامي
انا اتحدث عن حال الشعب وما وصل اليه من جشع وطمع ونكران للذات
اما الجنيه الذهب الذى تتحدث عنه والذي يبدوا من حديثك انك من قاطني الدول الاوربيه انه قد صداء وهو الان فى اسواء حالاته
الان الفرد السوداني يكون مثالايا وعند توليه اي منصب حتي لو كان شيخ منظر
او خفير مستشفي اول شى يفعله يشمر عن عضلاته و يكشر عن انيابه ويتنكر الي من حوله ويحاول ان يفترى على خلق الله وثاني خطوه يبحث عن مصالحه الشخصيه ويبداء بالهيمنه على من هم دونه (ولا اظنك سوف تنكر كلامى هذا والا تكون فعلا من قاطني بلاد العام سام) وينسى معاناته وجوعه وغلبه لان كل تفكيره اصبح فى اتجاه نفسه وكيف يكنز المال ولا يهم كيف وبى اى طريقه ان كانت حلالا او حرام لا يهم ولا يهم ان كانت على حساب من
اتنكر كلامي هذا؟؟؟؟
كم من وزيرا ومديرا و و و و و كانوا يمتازون بالتقوى والذهد ولم يمر عام الا وكانوا من اصحاب الابراج والاراضى والممتلكات والمشاريع وهو فى الاخر موظف دوله مهما كان موقعه ومن اين له هذا؟؟
كم من احزاب تنادى بالنضال والثوره وبما ان يتم تعين ممثلها فى الحكومه والا وقد خرس صوتها واصبحت تقود مسيره الاستثمار وسكت صوت النضال
ولحظة خروج ممثله يعلوا صوتها من جديد وتبداء بمهاترات وكشف المستور
وكنت اسال نفسى هل يا ترى لو لم تفصل من السلطه هل هذا المستور كان حلالا؟؟؟
او ربما كانت اعينهم لا تراه وانقشع الظلام بلحظة خروجهم من المنظومه؟؟؟
ربما او يخيل الى يا صديقى ان كل الاحزاب تشارك فى السلطه وهذا حالهم جميعا ولا اظني يخفي عليك
لذلك انا واعوذ بالله منها انى لا ارى ان هنالك بديل وهذا لا يعنى اني معجب بهذا النظام لان هولاء الذين يتاجرون بالدين والله انى اشكوهم الى الله القوي الجبار فوالله انى تضررت وانكويت ولا يعلم ضررى الا الله ولا اشكو شكواي الا الى الله
قيادة الدوله تحتاج الى رجال ذو هامات ونكران للذات امثال الازهرى وصحبته ولا اريد ان ازكر اسماء لكى لا اوصم بى انتمائى الى اتجاه معين
والله على ما اقول شهيد انى سوداني لا انتماء لى الا سودانيتى هذه وعندما قولت لاتوجد قيادات تستطيع قيادتنا كان كلام عن اسماء زكرتها فى كلامي الاول
وشكرا اخى ولكن نحن شعب يستغل بعضنا بعضه ويطمع الفقير فى الغني ويجشع الغني على الفقير واصبحنا لا يحترم الصغير الكبير ولا يراعي كبيرنا صغيرنا
اصبحنا امه ليست لها مبداء يتحين الفرد فينا الفرصه ليغتال اخيه
الخص كلامي فى اننا شعب يحتاج الى تربية من جديد وذيادة الواعز الدينى والرجوع الى اصولنا والى مبادئنا والى سودانيتنا الاصيله التي تربينا عليها والتى تميزنا عن غيرنا من الشعوب والتى كنا نمتاز بها دون غيرنا
وبعد هذا نقول من يتولى امرنا
والكلام يطول
وللحديث بقيه
وشكرا
اشكرك اخي جنرال الزمان
وكل اسفى لو ان كلماتي صادفت مقولت قوما لا يخافون الله وانى برئ منهم
اما ثقتى بنفسى واحمد الله عليها ولكن لا تؤهلنى لتحمل مسئوليه اخاف الله منها
كيف لك انت تئم جماعة فى صلاة انت مسئول فيها عن صغائرها وكبائرها وكيف لك بمسئولية شعب باكمله
ليست الشجاعه او الثقه هى الموهل فقط لقيادة دوله لان هنالك شروط ومتطلبات لقيادة فريق كرة قدم فما بالك بدوله؟؟؟
ولك شكرى
ولكم احترامى
الارباب ودالحاج

United Arab Emirates [amir] 10-11-2014 05:41 PM
عدم النظافة تكلم عن نفسك وجماعتك اما الشعب السوداني زي الجنيه الدهب وأي واحد تمسكو من السوق العربي يسيتطيع ان يقود البلد بشكل افضل من هؤلاء الزبالة اللصوص القتلة تجار الدين اما تسويقك لمقولة البديل منو الحمد لله البلد مليانة رجال وكفاءات تسد عين الشمس

Saudi Arabia [جنرال زمان] 10-11-2014 02:00 PM
يا ود الحاج أنت تكرر في مقولة الجبهجية، لو الاتعاس مشت منو اللي حيحكم البلد؟؟؟ سؤآل بسيط يا الحبيب هل أنت ود الحاج دا عندك ثقة في نفسك؟ وهل عفرت حواء السودانية؟ وكم من المتعلمين والوطنيين المخلصين في هذا السودان الذين يمكنهم إدارة شئون البلد؟ للأسف نوعية كلامك دا هو ما يروج له هؤلاء الزبانية ويريدون من الناس الترويج له وأكثر وهكذا يخلو لهم الجو!!!!!!! ما عارف أي واحد يدافع عن هذه العصبة ينهي حديثه بأنه سوداني مستقل وما جبهجي !!!!!!!!


#1123534 [Kakom]
0.00/5 (0 صوت)

10-11-2014 08:53 AM
Please look carefully you will see this Sudanese security man he just focussing in Basher, s leg l


#1123533 [السوداني الاسمر]
0.00/5 (0 صوت)

10-11-2014 08:50 AM
هههههههههههههههههههههاااي كككككر علي ،، ياشماتة آبلة ظاظا فيييييه


#1123465 [ود القرض]
4.63/5 (4 صوت)

10-11-2014 01:39 AM
راكب ضهر السودانين ماسك لجام ومتوسد كمان وشايل سوطه ... حمار راكب حمار ..... ماشفتو ود زين العابدين كيفن هرب لما تقدمت جحافل الرجال فى تونس ....وكيف عملوهاالرجالة فى مصر ....لكن ناس اسد الكداد وصقيرها حام فالحين فى الغنا والرقيص كمان وكتر الكلام....كماكنتم ولى عليكم وقوموا الى رقيصكم .......الا انت تنتهى الحفلة نشوف جكتكم ولا ابرى نفسى ........ ودالقرض الجحش


#1123445 [ودالبلاد]
0.00/5 (0 صوت)

10-10-2014 11:45 PM
الفتنة أشد من القتل فمن اذنب واجرم فالله يرى كل صغيرة وكبيرة


#1123444 [ود كترينا]
5.00/5 (6 صوت)

10-10-2014 11:45 PM
*** عقبال بيك نفرح يازينة. .نوقد شمعاتك يازينة. .
*** انشالله نشوفك متشيك كده وﻻبس برتقالي فوق وتحت. .والجنازير في ايديك. .والخنازير ناس الخضر ومامون حميدة يزفوك للاهاي يامنافق. .ياقاتل..ياسارق. .يالص. .والشعب الفضل يغني..أصبح الصبح ولا السجن وﻻ ( السفاح ) باقى. .قولوا آمين ياراكوباب. .


ردود على ود كترينا
[أبوالبشر] 10-11-2014 01:36 PM
أبقي راجل وأنزل الشارع .. الرجال العملو ( أصبح الصبح ) كانو رجال قدمو أرواحهم فداءا لمشروع آمنوا به ... ما تبقي جعجه و أنت قاعد خلف الكمبيوتر ..


#1123418 [karkaba]
5.00/5 (4 صوت)

10-10-2014 10:09 PM
موضوع الحج سبوبة وكبري ليتوسل بة لان السعودية عارفاة كويس مليون حجة لن تغفر لك جرايمك في حق الوطن والشعب يا سفاح


#1123417 [الجـزيــــــــــرة ابا]
5.00/5 (3 صوت)

10-10-2014 10:08 PM
السعوديين خايفين على مايكات اﻻعلام يطرشقها ليهم بالكضب .. يكضب لمن النفاق نزل ليهو فى ركبته وحلج صواميلا .
واحد كضاب كضب .. بحكى قال امبارح جونى ابو لهب وابو غضب اتغدو معاى .. الجماعة قالوا ليو داير تغشنا ؟ .. قال ليهم اغشكم ليه ! اسألوا جارى لو ما مصدقينى ... سألوا جاروا الجار قال ليهم ما عارف .. لكن لما نزلت الشارع لقيت عربيتين واقفات وترخيصهم ملاكى كافورى .

والكضب فاتحين ليهو مدارس لمن جابت ريالة بالنظر ..
البشير اتصل بامير قطر قال ليو الحقنى عندى تسمم ...
رد امير قطر وقال ليو اكيييد عضيت لسانك


#1123413 [الليل]
5.00/5 (3 صوت)

10-10-2014 09:58 PM
الله يكون في عون السودان. قايتو بقينا ملطشه بسبب هؤلاء.


#1123385 [كباس دهايم الليل]
5.00/5 (8 صوت)

10-10-2014 08:23 PM
ِوالله شئ مخجل شديد
ِقبل كده ما منعوك حتى تطير فوق اراضيهم ورجعوك ووشك ينعل قفاك فى داعى تانى
ٌاستحى شويه ياخى الله يقرفك.


#1123377 [ود أبرق]
5.00/5 (5 صوت)

10-10-2014 08:09 PM
رئيس هبنقة ودلدول طريد لم يحترمه السعوديون


#1123364 [النفيعابي]
4.88/5 (4 صوت)

10-10-2014 07:08 PM
كتير الفشفاش علي ام الفضل.


#1123361 [احمد ابو القاسم]
4.99/5 (10 صوت)

10-10-2014 07:05 PM
تماما كالكلب الأجرب الكل يتفاداه
هم الآن يتنفسون الصعداء بعد أن غادر البشكير
أكيد بيكون كسروا وراهو كل الأزيار وشتتوا التمر في المطار
اعوذ بالله من هذا الشيطان والسفاح الكريه ماتطأ قدماه مكان رغم الركب الجديده الا ويحط عليه الفقر
ولولا ان اراضي السعوديه اراضى مقدسه مباركه لحل بها وبهم لعنة السفاح قاتل المسلمين في دارفور والنيل الازرق والخرطوم وفي باقى اركان السودان.


ردود على احمد ابو القاسم
Saudi Arabia [سوداني انا] 10-11-2014 12:03 AM
اصحي با ولدي السعودية ما فيها ازيار ههههههههههي


#1123352 [أبوعلي]
4.96/5 (8 صوت)

10-10-2014 06:29 PM
العباءة (البشت) دي حقّته ولاّ لطشها
رئيس ملطشة وبائس ومطارد ..
وا خجلتاه ياوطن


#1123332 [aill]
2.00/5 (3 صوت)

10-10-2014 05:58 PM
واللة الصادق مهدى معرف هل ماشي الحج38 i didnt her is going i didnt her in my life


ردود على aill
Saudi Arabia [المصير] 10-11-2014 05:02 PM
ارحم الانجليزى الله يرحمك ياخ...

[ود كترينا] 10-10-2014 11:49 PM
***ده انجليزي ده يا مرسى!


#1123327 [nagatabuzaid]
4.94/5 (10 صوت)

10-10-2014 05:33 PM
يا الراكوبة ذكرتونى الصحاف لما قال المزارع ولا ما بعرف منو اسقط الهيلوكبتر بتاعت الجيش الامريكى المخيفة ما عارفة اباتشى ولا شنو ؟ المهم اظهر شخص حامل بندقية صيد قالوا اسقطوا بيها الطيارة لامريكية الضخمة البتخوف لكن الصحاف كان له عذره وكان خفيف ظل لكن ناسنا ديل لعنة الله حلت عليهم عدييييييل الناس ديل اهلهم ما جضموهم لمن كانوا صغار قالوا ليهم تانى كا كضبتوا بنقطع لسانكم وما خوفوهم وهم صغار وقالوا ليهم الكضاب بودوه النار؟ والمستغربة له اتلموا كيف الكضاضيب ديل ؟


ردود على nagatabuzaid
Netherlands [دردوق] 10-11-2014 12:13 AM
مزارع ههه ضرب الاباتشي و نزلا ببندقيه صيد

( كلنا بنتزكر الزمن الجميل دا ههه )


#1123322 [خالد حسن]
4.90/5 (8 صوت)

10-10-2014 05:17 PM
اذله الله اكثر مماهو مذلول هذا الرعديد البليد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.29/10 (7 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة