الأخبار
أخبار إقليمية
مصطفى: سأرشح البشير وبكري وحسبو وغندور لرئاسة الجمهورية
مصطفى: سأرشح البشير وبكري وحسبو وغندور لرئاسة الجمهورية
مصطفى: سأرشح البشير وبكري وحسبو وغندور لرئاسة الجمهورية


10-18-2014 10:41 PM
الخرطوم- صباح موسى

قال مصطفى عثمان إسماعيل وزير الاستثمار الأمين السياسي بالمؤتمر الوطني إن الحزب سيناقش بعد غد في اجتماع للمكتب القيادي وقيادات المؤتمر والولايات وهيئة شورى الوطني اختيار مرشح الوطني لرئاسة الجمهورية. وأكد مصطفى أنه سيرشح المشير عمر البشير رئيس الجمهورية، والفريق أول بكري حسن صالح النائب الأول للرئيس، وحسبو عبد الرحمن نائب الرئيس وإبراهيم غندور مساعد الرئيس لمنصب رئيس الجمهورية. وأضاف عثمان أن الاجتماع الذي سيضم قرابة (100) قيادي سيختار خمسة أشخاص للرئاسة، يتم الدفع بهم إلى مجلس الشورى الذي سينعقد يوم (الثلاثاء) ليختار ثلاثة منهم ويرفع أسماءهم للمؤتمر العام الخميس القادم، لافتا إلى أن الرئيس البشير يمكن أن يكون ضمن المرشحين الخمسة، وأنه لا يوجد مانع قانوني في ترشيحه، مؤكدا أنه لا توجد قائمة متفق عليها حاليا.

وعلى صعيد آخر اعتبر عثمان مناقشة قضية كنانة في وسائل الإعلام تضر بها ولا تساهم في حلها. وقال عثمان : "أنا عضو في لجنة كونها النائب الأول لرئيس الجمهورية بكري حسن صالح ومعي وزيرا الصناعة والمالية، لمعالجة الموضوع بما يحفظ مصالح الجميع"، مشيرا إلى أن اللجنة على اتصال بالشركاء في دول الخليج لاحتواء القضية، مطالبا أعضاء اللجنة والذين يتناولون موضوع كنانة إعلاميا بأن يتركوا الأمر ليعالج بصورة هادئة، مؤكدا أن القضية كنانة بهذه الصورة يضر بالاستثمار في البلاد
اليوم التالي


تعليقات 24 | إهداء 0 | زيارات 4292

التعليقات
#1129881 [ود الفاضل]
0.00/5 (0 صوت)

10-19-2014 11:18 PM
رشخ نفسك انت ياطير الرهو اصلها البلد اصبحت يتيمة أم وأبو ...


ردود على ود الفاضل
[تور الخلاء] 10-20-2014 01:37 AM
مصطفى المتطلع دة كل عفارو وجريهو ونفاقو وتخبطو دة انو هو كان عاوز يكون رئيس جمهورية. لكن يبدو اقتنع من صعوبة الامر بعد ان تاكد ان البلد خربت تب والوضع اصبح مأزوم اكثر مما يجب وبطريقة خطيرة لم يعرف لها مثيل من قبل. وعرف انو الناوين ينالو منو كتار. عشان كدى غيّر رايه وبدأ يبحث عن مخرج او طريقة ذوقة.


#1129528 [ابومجد]
0.00/5 (0 صوت)

10-19-2014 02:09 PM
مالك ما ترشح نفسك يمكن تكسبو انت لان علاقاتك كويسية مع العرب والغرب ولمن ضمن المشكوك فيهم ولمن كنت وزير الخارجية حسنت سمعت البلاد امام العالم أرجوك ان تضع اسمك في قائمة المرشحين وشكرا


#1129509 [كتكوت إلكتروني]
0.00/5 (0 صوت)

10-19-2014 01:45 PM
عفارم عليك يا أب عمة يا السكت اللمة.


#1129426 [moha]
0.00/5 (0 صوت)

10-19-2014 12:23 PM
اقسم بالله لو الانتخابات حرة ونزيهةا وعدد الناخبين عادل ما بفوز بيها نجس منكم


ردود على moha
Saudi Arabia [الطاهر محمد] 10-19-2014 03:29 PM
صدقت والله


#1129372 [عمــــــــو]
0.00/5 (0 صوت)

10-19-2014 11:44 AM
والخامس انت الشغلانة واضحة ....انتو السودان دا م فيهو واحد غير ديل يديرو ......


#1129357 [كوش]
5.00/5 (1 صوت)

10-19-2014 11:32 AM
لالالا ياااخ .. عليييك الله رشح حسبو بتاع البرطمان كمان ..!!
بتاع الكندوم وكرة القدم النسائية ..


#1129347 [المر]
0.00/5 (0 صوت)

10-19-2014 11:22 AM
ياخي لا يرحم ولايخلي الرحمة تجي ، من كان يؤمن بالله واليوم الاخر فليقل خيرا" او ليصمت ، ده شنو ده . عليك الله قدمت شنوا لاهل دائرتك الفوزوك ، ياخي حتي زيارة مابتجي ليهم ، واي شئ وكلوك فيهو فشلت ، بس قاعد ذي القراد تمص في دم الناس برواتبك ومخصصاتك ، ونسيت المساكين الي تسلقت علي اكتافهم .تب !!


#1129313 [عادل]
5.00/5 (1 صوت)

10-19-2014 10:53 AM
هذا تدوير للنفايات من جديد يا صاليعك الاسلام السياسى هههههههههههههههههههههها


#1129305 [Awad]
0.00/5 (0 صوت)

10-19-2014 10:46 AM
وزير الأستثمار السمسار قال برشح بشبش وبكرى وحسبو الشتت قصبو وغردون باشا طبعا هو عارف نفسه غير مؤهل للترشح وعشان يضمن وزارة اللغف فلازم يرشح الجماعة الكبار ديل المطنشين منك ومن امثالك فى السمسرة والهبر الكبير ولو قال غير ذلك بكرة بلقى نفسه فى الشارع عشان كده بكسر فى التلج من الآن.ثم مافى داعى للترشح أساسا فالمفروض تطلعوا بيان رئاسى بتخليد الكرسى الرئاسى الدائم لعمكم البشير لأنه هو يستحيل يقدر يعيش بأطمئنان خارج هذا الكرسى لأنكم غير مضمونين بكرة تبيعوه كما بعتم شيخكم والسمكة لن تستطيع العيش خارج الماء فتموت ولذلك أى واحد فيكم يقول لا لترشيح البشير سوف يرمى فى أقرب شارع غير مأسوف عليه.لكن أنتم تقولوا والله يفعل مايريد فقد تهب عليكم فجأة أعاصير الشعب لتقلعكم وتجز أناقكم.


#1129280 [ابو طارق]
0.00/5 (0 صوت)

10-19-2014 10:24 AM
وماهو وجه التغيير نفس المناصب الحاليه هم قاعدين على قلوبنا فيها يا بعام


#1129262 [aboha]
0.00/5 (0 صوت)

10-19-2014 10:10 AM
عاين الخشيم المن قبيل متشالق ما (تترشح) براك مالك ماك بالغ
مع الاعتذار للعبادي


#1129261 [مرتضي الريح]
0.00/5 (0 صوت)

10-19-2014 10:10 AM
اعادة ترشيح البشير امران احلاهما مر
وتكمن المرارة ان اعادة ترشيح البشير تعني مذيدا من العزلة الدولية والحصار وعدم ترشيحه مجددا يعني انهيار وتجدد الصراعات داخل منظومة الفساد التي يعتبر الرئيس هو شعرة معاوية_
‏@ان ذهاب البشير خطوة في تفكيك عصابة الجبهة لان من سياتي بعده لن يورط نفسه مع المحكمة الجنائية وسيظهر بوضوح ضعف النظام وتخبطه وان اي حوار بعد ذهاب البشير سيكون اكثر جدية علي الاقل
‏@الشارع السوداني فقد ايمانه بالنخب السياسيه وهو صابر علي مشروع تفكيك الانقاذ صاموله صاموله
‏@مشروع تفكيك الانقاذ باقي ويتمدد


#1129173 [المجنون]
0.00/5 (0 صوت)

10-19-2014 08:54 AM
تاني البشير الله يلعنك


#1129165 [ود الركابي]
0.00/5 (0 صوت)

10-19-2014 08:44 AM
وليه الاجتماعات وبعذقة فلوس الشعب السوداني . واستعمال عربات الدولة وبنزينها . ده غير الكهرباء وممكن طعام العشاء كمان يكون من مالنا . الموضوع منتهي .. الرئيس البشير . نائبه بكري .. لا زياده ولا نقصان .. العساكر ديل مامحتاجين منك ترشحهم ولا ماترشحهم . الكيزان ديل ماعارف يظهر انهم مابيطالعوا الراكوبة . لأنهم بيستفيدوا كتير جدأ من الكلام المفيد بدل كل يوم مورمننا بالكلام الابودي ولا بيجيب .. ثم انتم البشير من مصلحتكم مابتلاقوا واحد متساهل زيوا . تهبروا بيعفيكم تغتصبوا بيعفيكم تعملوا السبعة وزمتها برضه بيطنش . ويفضل الحال في حاله . حتي يفعل الله مايريد ..


#1129124 [المشتهى السخينه]
5.00/5 (3 صوت)

10-19-2014 07:31 AM
فى السودان الفضل هناك دستور عرفى سرى شعبى لا يسمح بتولى امثال حسبو وغندور رئاسة الجمهورية..رئيس الجمهورية لا بد ان يكون من قبائل الوسط النيلى .ومهما تم انكاره فهو موجود وممارس بعكس الدستور الاسلامى المكتوب التافه المرمى فى كوشة القصر الجمهورى ومراحيض المحكمة الدستوريه والذى يعطى المواطن السودانى حقوق كاذبه اكثر من حقوق المواطن البريطانى .


ردود على المشتهى السخينه
[moha] 10-19-2014 12:18 PM
لا يستطيع احد ان يعتلي ظهرك الا اذا انحنيت .. السبب هي باقي قبائل السودان الى بترضى بالفتات وبكل سعادة .. الواحد يكون شايل سلاح وبينو وبين الموت شعرة يجيبو يوقعو معاه اتفاق ويعملوهو مساعد تاني ماداير اكتر من كده .. تقول شنو يا اخوى


#1129100 [سيف الله عمر فرح]
0.00/5 (0 صوت)

10-19-2014 06:16 AM
هل الأربعة دول مرشحين لرئاسة الجمهورية ؟ .
هل يجوز الدعاية الانتخابية ؟ .
من هم بقية المنافسين لأربعة مصطفى ؟ .


#1129096 [هدهد]
5.00/5 (2 صوت)

10-19-2014 06:04 AM
ابو جضوم دا قال حايرشح البشير او نائبه !!!!!!! ههها تبت يداك ايها الببغاء أنت راجل لا وزن لك لكنك اكبر متملق ومتسلق ولك الحق ان ترشح ولى نعمتك للحكم كى تضمن وجودك جوار القصر وتنعم بالثراء والسلطة .


#1129064 [كاكا]
5.00/5 (1 صوت)

10-19-2014 01:19 AM
لا اجسن ترشح عبد الله مسار


#1129049 [حمد ابوادريس]
5.00/5 (1 صوت)

10-19-2014 12:16 AM
يا العجب أمه ما تنسى ترشح نفسك معاهم و الله انتم تركسون للدمار فجميعهم بهم عطب و لو الانتخابات حرة لفاز بها راعي الغنم الذي تربى على المانة و الرأفة و قيم الاخلاق الفاضلة و ليس به سوء من تربيتكم يا مقاطيع


#1129048 [ملتوف يزيل الكيزان]
5.00/5 (1 صوت)

10-19-2014 12:16 AM
تمثيليه بايخه؟ خليك مننا و من راينا ، انت مصدق انو دي دوله يادلوكه؟
علي الشباب بخلايا المقاومة بالاحياء تحضير الملتوف لحرق بيوت الكيزان و كلاب الامن و سيارات الجنجويد.


#1129022 [سيد معتصم المحتار]
0.00/5 (0 صوت)

10-18-2014 11:16 PM
دى تشكيلة منتخب معهد سكينة


#1129016 [عصمتووف]
5.00/5 (1 صوت)

10-18-2014 11:09 PM
د مصطفى أنه سيرشح المشير عمر البشير رئيس الجمهورية، والفريق أول بكري حسن صالح النائب الأول للرئيس، وحسبو عبد الرحمن نائب الرئيس وإبراهيم غندور مساعد الرئيس لمنصب رئيس الجمهورية
وانت مالك ما ترشح نفسك اصلها بائظة وجايطة ولا شخصيتك مهزوزة وسط حمير مربط الحمير الوطني


#1129013 [عيب يامعجزة تكدب!!!!!!]
5.00/5 (5 صوت)

10-18-2014 10:57 PM
يعني حترشح كولو عشان تضمن تركب في اي عوير بيفوز!!!!!انا عارف انتي عايزه قريبك الدنقلاوي يفوز!!وبتهافي من بشة يدقك!!اشان كده بتقولي بشة ممكن يترشه!!ومافي كانون هيمنعوا!!وانتي كضابة!!كان مافي كانون في كرعينو مش شايلهو!!!حرام عليكم ياهي!!ماتبقو رجال وتمسكوها شوية!!قصيتو دهر الراجل!!لابتين من وراهو!!تاكلووتبزنسوا وتنهبو وتعرسو النسوان!وتنقزوا معاهو!!هو ايه حكايتكم مابتتابوش من النصب ده!!!!!ماترش ابوريالة قريبك التاني!!!!اهو يتمها هبل!!!اصلو خربانه خربانه!!عيل صغيرمش راح يمسك الفتيس بتاعكم ده!!!!!!


#1129012 [المهندس سلمان إسماعيل بخيت على]
0.00/5 (0 صوت)

10-18-2014 10:56 PM
بس يا مصطفى ديل كلهم فوق الستين
حتعملوا ليهم شهادات تسنين جديدة
والله أصبحتم ضحكة ياعرة الرجال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة