الأخبار
أخبار إقليمية
مواطنو فداسي يتظاهرون ويغلقون طريق مدني الخرطوم
مواطنو فداسي يتظاهرون ويغلقون طريق مدني الخرطوم
مواطنو فداسي يتظاهرون ويغلقون طريق مدني الخرطوم
الوالي - إبن المنطقة


10-22-2014 10:11 AM
مدني: الخرطوم
خرج مواطنو فداسي بولاية الجزيرة أمس في تظاهرة عارمة وأغلقوا الشارع الرئيسي (الخرطوم ـ مدني) وذلك احتجاجاً على الانقطاع المستمر للإمداد المائي، وقال شهود عيان إن المواطنين أغلقوا الشارع الرئيسي الرابط بين الخرطوم ومدني لمدة ساعتين، الى ذلك خفت قوات الشرطة الى مكان التظاهرة وقامت بتفريق المتظاهرين مستخدمة الغاز المسيل للدموع والهراوات والأعيرة المطاطية.. وقال مواطن إن الأزمة تعود الى أن وابورات محطات المياه لا تعمل منذ فترة وأنهم قاموا بإبلاغ السلطات ولكنها لم تُعر الأمر اهتماماً كاشفاً عن أن أبناء فداسي بالخارج تبرعوا لحل الأزمة ولكن حتى الآن لم تقم حكومة الولاية بواجبها تجاه المنطقة.

الجريدة


تعليقات 18 | إهداء 0 | زيارات 12020

التعليقات
#1132667 [بالمرصاد]
0.00/5 (0 صوت)

10-23-2014 07:16 AM
في حد ما يعرف جمال الوالي وداد بأكبر و الفساد يبث برائحته الكريهه في كل مكان....الوالي يبحث عن الشهرة من خلال المريخ و المجتمع الرياضي الواسع....ماذا سيبنى من وراء فداسي و ماذا يستفيد من مساعده أهله؟ عمل الخير و الثواب؟ ومن غال انه يسعى للخير؟


#1132535 [مدني حبيبتي]
0.00/5 (0 صوت)

10-22-2014 10:01 PM
فداسي بتاعة جمال ده كانت تابعة للحصاحيصا الكبرى
بس جمال الوالي خلاها تتبع مدني الكبرى
مرضتونا
ارجعو حصاحيصتكم


#1132528 [....................................]
0.00/5 (0 صوت)

10-22-2014 09:38 PM
ياجماعة المشكلة مشكلة ناس الموية ود الوالى علاقتو شنو ناس الموية بشيلو القروش وما بحلو المشكلة ......


ردود على ....................................
Saudi Arabia [المكشكش] 10-22-2014 11:08 PM
يا (.............) والله انت صاحب اجمل والطف اسم حركي سمعت به في حياتي ، ممكمن تسلفني اياه شهرين أو تأجرو لي .؟ واذا ما وافقت حاحذف منه نقطتين تلاتة وما حتقدر تتهمني بالانتحال لانه حيكون مختلف من اسمك .


#1132517 [albattar]
0.00/5 (0 صوت)

10-22-2014 09:00 PM
يااهل الجزيرة : عزو دا ماترجو منو خير .. أموت بالعطش والجوع ومااقرب من ثروتو المشبوهة


#1132507 [albattar]
0.00/5 (0 صوت)

10-22-2014 08:40 PM
كبير المساطيل ماترجو منو فائدة يااهل الجزيرة .. زولك عارف عزو ومستريييييييح أو كما قال والعياذ بالله


#1132415 [ود الشبارقة]
0.00/5 (0 صوت)

10-22-2014 05:58 PM
اولا هذا شئ مخجل تظاهر اهل فداسي بسبب انقطاع المياه ، واحد تاجر طماطم يستطيع يحفر ثلاثة ابار وتاجر بصل بستطيع يمدد 3 شبكات وبهذه الصورة احرجتم الوالي صاحب المليارات المريخية والفنية ، اما بشان المسعودية فهذه مدينة شعبية بناها ابناء الغربة حفظهم الله وكثر من امثالهم ، فالمسعودية نموذج فريد ليتني كنت معكم فافوز فوزا عظيما اهل المسعودية انتم تستحقوا كل هذا لانكم رجال ونساءكم فعلا ولدت رجال ، متى يصحى اهل فداسي والترابي وابو فروع ووقرى الزلط النائمة


#1132389 [مؤتمر وطني قال]
5.00/5 (1 صوت)

10-22-2014 05:20 PM
أنتو الزول ده حل مشكلتو مع العراقي بتاع السيدة الآولى؟؟؟؟؟؟؟؟؟؟؟؟؟؟؟؟؟؟؟


#1132267 [علبة صلصة مخفجه فوق زير]
0.00/5 (0 صوت)

10-22-2014 02:44 PM
قالوا فى فداسيين امكن المظاهرات دى فى التانية ( الما حقتو) بلاش تظلموا الراجل


ردود على علبة صلصة مخفجه فوق زير
Saudi Arabia [ود دردق] 10-22-2014 08:06 PM
نعم فداسيين
فداسي عرب روب وفداسي زرقة
مكرهننا في مدني وعاملين لينا زحمة
خموهم برة مدني


#1132254 [زول اصيل]
0.00/5 (0 صوت)

10-22-2014 02:33 PM
فداسي قرية شبه مدينة واهلها متعلمين جدا واعرفهم عن قرب وبها اناس خيرين امثال ودالجاك رحمه الله كان ينفق سرا ولم يعلم به احد حتى كشف المستور من كان ينفق عليهم وافشوا السر فداسي ما هي بحاجة لجمال الوالي او غيره او الحكومة هم شعب واعي وراقي انا لست منهم لكني اعرفهم عن كثب


ردود على زول اصيل
Sudan [Ana] 10-22-2014 06:34 PM
لو بتعرفهم كويس كنت عرفت قرابة عمك ود الجاك مع جمال الوالي


#1132210 [aldufar]
5.00/5 (1 صوت)

10-22-2014 01:15 PM
يا جمال يا والي إن كانت لك اموال انفقها على اهلك امثال المتظاهرين واشباهمم فاهل الجزيرة اولى بصرف مالك عليهم وعلى مستشفياتهم ومدارسهم امشي فتش في الجزيرة ستجد الخراب معمم على معظم المدارس صغارهم يدرسون تحت الشجر وعلى الارض ، بدل تصرف الاموال على صعاليك الكورة الفاشلين سواء كانوا مريخاب اوهلالاب هؤلاء عايزين يعيشوا فقط ، وليس لديهم المهارات الكروية حتى تصرف عليهم من جيبك او جيب غيرك ، وإن كان لديك خير اصرفه على اهل مؤسسات الجزيرة مستشفيات وطرق ومدارس واصنع من الجزيرة بلد ياوى إليه سائح وبامكانك جعل الجزيرة مثل بورتسودان وتجعل من مدني قبل السائحين لان وقعها مؤهل للقيام بذلك .
وجحا اولى بلحم ثوره .

وقالوا الزاد كان مقضى اهله حرام على الجيران .

وتذكر الموت الموت الموت هو الخطوة القادمة للجميع وسيذهب معك عملك فقط .

كان المفروض حل مشكلة اهل فداسي قبل ان تظهر على بهذا الشكل وانت من اغنى اغنياء الجزيرة وسؤال من اين لك بتلك الاموال؟

اعلم انك اسرتك الكبيرة ليست ثرية كما نعرفها والجميع يعرف فمن اين اتتك الاموال واذا لم تعرف فاالله يعلم من اين لك هذا؟


#1132194 [ابو اروى]
5.00/5 (2 صوت)

10-22-2014 12:45 PM
السؤال موجه للحركات المسلحة، كيف تزيلوا الحكومة وأنتم تحاربون في اهلكم في حين الكل يعرف أين الحكومة؟
السؤال الثاني، كل المتمردين في العالم سيطروا على العواصم وهذا السؤال اجابة لما قبله فما بالكم؟
اذا من المعلوم للجميع ان الحرب في الأطراف لن تؤتي أكلها وان طالت.
الطريفي زول نصيحة!!!
اذا على الحركات المسلحة ان تجب على نفسها اذا كان الطموح إسقاط الموتمر الوطني فهناك خدع كثيرة للحرب يمكن استقلالها داخل الخرطوم وفي منتهى البساطة
او تريحون المواطن البسيط من تكاليف الحروب ألما منها طاىل
ولكم حبي


#1132167 [الدبشق]
1.00/5 (2 صوت)

10-22-2014 12:15 PM
شوية صعاليك وفاقد تربوي - ناس عنجهية - حتى القرى بقيت تتظاهر
لازم ياخدوا علقة مظبوطة ويتلموا
ديل عندهم وهمة ان بليدتهم الصغيرة هذه مدينة
قرية فداسي الحلوماب قرية صغيرة ما مدينة او حتى شبه مدينة اتلموا كفاكم


ردود على الدبشق
Sudan [:::بيكو:::] 10-22-2014 02:50 PM
أول شي إسمها فداسي الحليماب ما (الحلوماب)
بعدين ناس القرى ما من حقهم يتمتعوا بالموية الدافعين حقها؟
ونمرة انتين: يعني الناس لمن تطالب بحقها تبقى صعاليق وفاقد تربوي؟
والله انت الفاقد التربوي!

وجع


#1132161 [كاره الكيزان محب السودان]
0.00/5 (0 صوت)

10-22-2014 12:08 PM
عشان الهلالاب يعلموا أن ليس الوالي، هو من يدفع المريخ، المريخ تقوده عصابة من مخانيث النظم في الظلام والوالي، هو من يحكم ظاهريا.


#1132147 [ماجد]
5.00/5 (1 صوت)

10-22-2014 11:49 AM
الواطي دا بس فالح في صرف المال الحرام في المريخ
ياخي ساعد اهلك المساكين ديل بدل مودر قروش الشعب في ناس بله جابر


ردود على ماجد
Sudan [nagatabuzaid] 10-22-2014 03:34 PM
تقصير الحكومة تعلقوه فى رقبة الراجل ؟؟؟؟؟؟ دى مهمة الحكومة الناس العندها القروش كلها ما بتساعد لكن كمان ما نحملهم اخطاء الحكومة


#1132122 [سوداني رغم أنفك]
5.00/5 (3 صوت)

10-22-2014 11:15 AM
عليكم الله لو الوالي ده ولد نافع ولا صالح ما يحل مشكلة أهله، تعرفوا يا ناس فداسي اللي بتشكي من الموية دي وين، على البحر عديييييلـ، يعني تشكي كيف من الموية، غريبة مش، يبقى النيل ده لازمته شنو، والوالي يوزع قروشه جاي وجاي، على الفارغة بس، تظاهر وخلافه،وكلها من أموال الشعب، ومن يومين تعرفوا الوالي ده اتبرع للفنانين بسيارات آخر موديل وكشفه وزير الثقافة والإعلام في حفل التكريم، ياخي اتقي الله القروشش أموال الشعب اللي نهبتها انت ووداد، وبعدين منو أولى فنان ولا ناس تشرب موية، االلهم بدد ماله وأرهقه صعيدا، ولا تجعل له راحة فيه ومن يعرف ومن يود ومن يحب، اللهم عليك به، وبمن يآخيه ومن يقربه ومن يتقرب منه، وعليك بمن والاه ومن نصره ومن استنصر به.


#1132087 [mabo]
5.00/5 (1 صوت)

10-22-2014 10:51 AM
دورو على صاحب الصورة يا اهل فداسى يحلحل ليكم مشكلتكم وتحصلوه فى مطعم ود العاقب بامتداد ناصر معاهو بشبش البشكيروباقى العصابة


#1132084 [aldufar]
5.00/5 (2 صوت)

10-22-2014 10:47 AM
تلك هي حكومة الفساد والجهل واعلموا ان الحكومة قاصدة تدمير ما تبقى من مؤسسات بالجزيرة بعد ان تأكدت قد قامت بتدمير كل المشاريع المعينة على الحياة بعد الله مشروع ومصانع الجزيرة .


هؤلاء مفسدين وعنصريين قسمو السودان لقبائل وكان


#1132047 [ملتوف يزيل الكيزان]
4.50/5 (4 صوت)

10-22-2014 10:17 AM
صدقوني ، ليس هذا زمان الكلام! الوطن ينزلق من بين ايدينا ، الوطن يضيع ، هاهي دارفور تقتيل العزل و اغتصابات يوميا و حرق الشجر والزرع لتمكين المجاعة و الامراض لابادة المتبقي من انسان دارفور. و جبال النوبة و النيل الازرق يلتهمهما حريق بالطيران الحربي.
الواجب:
قيام الشباب بتكوين خلايا المقاومة المسلحة بالاحياء.
قيام شباب المغتربين بتكوين جمعيات الدعم المالي لتسليح ابطال الداخل.
قيام الحركات المسلحة بتسريب مقاتليها لداخل العاصمة. سيجدون الحاضنة الامينة من احرار العاصمة و زويهم الذين نزحوا للعاصمة لاسباب اقتصادية وامنية.
على الخلايا حرق بيوت الكيزان و كلاب الامن قبل الزحف لوسط الخرطوم كبداية للانتفاضة.
وثورة حتى النصر.


ردود على ملتوف يزيل الكيزان
Sudan [nagatabuzaid] 10-22-2014 03:39 PM
رد على حمام :

ما يقوم به ملتوف هو فن من فنون الاعلام التكرار سيرسخ الفكرة ويحمس ويصحصح العقول النائمة والمرتخية ويشحذ الهمم التكرار اسرع وانجع واخطر انواع الدعوة فهمت ليه بكرر ؟؟

Sudan [حمام حمام] 10-22-2014 11:57 AM
تعليقك واحد في اي موضوع

Qatar [حافظ الشيخ] 10-22-2014 11:41 AM
غرقان في الوهم- كلام مكرر شبه يومي
حشاش بي دقينتو - مناضل خلف الكيبورد
الشعب أوعى من هذا التحريض و لن ينزلق الى اللبينة و العرقنة و اليمننةو السورنة
يعني عشان يجيبوا أمثالك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.75/10 (3 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة