في



الأخبار
أخبار السودان
ميرغنى أبوشنب : طلبت الزواج من المذيعة سلمي سيد وكان هذا ردها..سلمى لم تقل الحقيقة.
ميرغنى أبوشنب : طلبت الزواج من المذيعة سلمي سيد وكان هذا ردها..سلمى لم تقل الحقيقة.
ميرغنى أبوشنب : طلبت الزواج من المذيعة سلمي سيد وكان هذا ردها..سلمى لم تقل الحقيقة.


10-23-2014 02:29 AM
يوميات ابوشنب
ميرغنى أبوشنب

{‬ الحوار الذي اجرته الزميلة الرائعة سمية السكوتي مع المذيعة سلمي سيد ونشرناه علي صفحات صحيفة (الدار) كان ممتازا اعجبت به رغم ان سلمي سيد لم تحرص من خلاله علي ان تقول الحقيقة كاملة ردا علي ما تم طرحه عليها من اسئلة خاصة محاولة زواجها من احد الصحفيين الذي هو شخصي الضعيف واعترف بذلك لان حياتنا كما نعلم ليست ملكا لنا.. وأصل الحكاية ان سلمي سيد ايام ان اجرت الحوار مع الفنان صلاح بن البادية تعرضت للهجوم عليها من الزميل الاستاذ هيثم كابو علي صفحات صحيفة (فنون) التي كانت تصدر من دار اليوم التي يملكها الاستاذ احمد البلال الطيب والسبب كما قال بعض التصرفات غير السليمة التي نسبت اليها وحصل الزميل الاستاذ عبد الرازق الحارث رئيس تحرير صحيفة (الدار) علي تصريحات ادلي بها الفنان صلاح بن البادية الذي قال ان تصرفات سلمي سيد معه كانت كلها سليمة .. وقد احترمته وتعاملت معه بشكل كريم وكنت ساعتها بكل اسف مؤيدا لما اوردته صحيفة (فنون).. فاتصلت بي سلمي سيد هاتفيا واعلنت رفضها لما كتبته وقالت لي انها تحمل لشخصي التقدير والاحترام ولهذا اتصلت بي لتوضيح الحقيقة كاملة وبعد ان استمعت لها اعتذرت عن كل ما كتبته في مقال نشرته بعمود(بصراحة) علي الصفحة الرياضية لصحيفة (اخبار اليوم) بعنوان (نعتذر للمذيعة سلمي سيد) ولم تنقطع صلة سلمي سيد بي بعدها بل ظلت تداوم علي الاتصال بي كل مساء بعد بث حلقات اللقاء مع الفنان صلاح بن البادية لتسالني عن رأيي وحقيقة قد اعجبت بها جدا.. فهي جميلة ما في ذلك شك ومتحدثة بارعة ..

وزاد من تعلقي بها انني علمت منها انها مطلقة من زوجها رغم ان لها منه ثلاثة اطفال ولن تعود اليه .. وفي مرة سالتها عن علاقتي بها في اي خانة تضعها .. هل في خانة الزميل ام الصديق ام الحبيب ام الزوج .. فردت عليّ قائلة انها تريدها كلها فقلت لها اذاً اتزوجك ولا مانع عندي في ذلك خاصة ان زوجتي يرحمها الله قد توفاها الله .. ورغم علمي ان ابنائي يرفضون ان اتزوج من مذيعة او فنانة .. لاسباب ارجو ان احتفظ بها..

وقالت سلمي سيد ان هناك استحالة في ان نتزوج من بعضنا لانها مقيمة في الامارات ولا يمكن ان تحضر الي السودان.. وليس بوسعي الاقامة معها في الامارات.. وافترقنا بعد ذلك بعد اقترحت عليها ان يكون ضيفها بعد صلاح بن البادية ومحمد الامين ومحمد وردي ، عبد الكريم الكابلي فقبلت بذلك وقالت ان الكابلي هو فنانها المفضل.. لكنها فشلت في اجراء الحوار مع الكابلي رغم انها اعلنت عنه بشكل واسع لان الكابلي موجود مع اسرته في الولايات المتحدة الامريكية والذي استطاع الوصول اليه هو المذيع الفنان الرائع عمر الجزلي ربما لان الكابلي صهره متزوج من شقيقته ولقاء الجزلي مع الكابلي اذاعته فضائية (انغام) في رمضان وكان ذلك ضربة قوية للمذيعة سلمي سيد.

واضطرت قناة (الشروق) الي الاتفاق مع فنان الطمبور الذي اسندت اجراء الحوار معه للمذيعة الصاعدة اسراء عادل درويش ورغم ان هذا اغضب سلمي سيد وجعلها تتقدم باستقالتها من فضائية (الشروق) .. وقالت انها فعلت ذلك لانها في طريقها للتعاقد مع فضائية خليجية . وارجو ان يكون هذا صحيحا .. لان سلمي سيد ماتزال قادرة علي العطاء ولكن ليس بالشكل الذي جعلني اطلق عليها لقب (البرنسيسة) الذي تبرأت منه في حوار السكوتي وقالت ان الامر كله يخصني ولا مانع في ذلك واري لهذا انه من المفروض القول ان سلمي سيد اطلقت عليها لقب (البرنسيسة).. لانها كانت افضل مذيعة موجودة في الفضائيات وافضل لاعب في الميادين عندنا كانوا يطلقون عليه لقب (البرنس) وهو هيثم مصطفي الذي انتهي كلاعب ولم يعد له اثر او وجود ولهذا لم يعد يستحق لقب (البرنس) وكذلك سلمي سيد التي توقفت عن الارسال ولم يعد يطالب بظهورها من جديد في اي فضائية لا تستحق لقب (البرنسيسة) . والبرنس هيثم مصطفي صار هيثم مصطفي والبرنسيسة سلمي سيد هي سلمي سيد .. وحواء السودان يمكن ان تلد غيرهما.


*{‬ هذه هي حكاية المذيعة سلمي سيد معي كاملة .. ورئيس تحرير صحيفة (الدار) الاستاذ عبد الرازق الحارث قال لي انه سأل سلمي سيد مرة لماذا رفضت ان تتزوجني فقالت له لانني كبير في السن.

الدار






تعليقات 197 | إهداء 0 | زيارات 98704

صفحة 1 من 3123>
التعليقات
#1676268 [ابو القصب]
0.00/5 (0 صوت)

07-27-2017 12:47 PM
يا ابو شنب--سلمى لسع شباب---انت محتاج سمكرة عشان ترجع شباب وبرنس كمان تستاهل البرنسيسة سلمى اللة يوفقكم


#1655074 [عليوه]
0.00/5 (0 صوت)

06-12-2017 11:29 PM
لا حول ولا قوة إلا بالله


#1641418 [د. فيصل القاسم سنين]
0.00/5 (0 صوت)

05-15-2017 09:08 AM
صحيح المشاعر ما بتموت مهما طال الزمن وبلغ العمر لكن ياعمو أبشنب إنت قايل الزواج ده مشاعر بس؟ أوعك نتكى على الشنب


#1597048 [aboahmed77]
0.00/5 (0 صوت)

02-11-2017 12:02 PM
قطع شك الزول ده عندو زهايمر ...............
ابوشنب ده انا كنت قايلوا مات زماااااااااااااان
هو عايش لحد هسع....
الله يهدينا وياك يا اب شنب....


ردود على aboahmed77
France [[uigkbturry] 05-15-2017 07:01 AM
المقال هذا تاريخه قـديم فى 23 / 10 / 2014.


#1581008 [جنابو]
0.00/5 (0 صوت)

01-11-2017 02:30 PM
لان حياتنا كما نعلم ليست ملكا لنا !!!!!!
ياخي انت ولا اي حاجه شنو انت ؟؟؟ انت مريض وداير تشهر ببت الناس ياخينا لو ابنك معليش لكن انت فضل ليك بسيط وتفارق البسيطه ( الاعمار بيد الله ) وطبعا عمرك الافتراضي فسيولوجيا بح . خلي بت الناس في حالها .
ياخي دا وكابوا مااظن درسوا الثانوي.


#1563110 [محمد]
0.00/5 (0 صوت)

12-11-2016 04:48 PM
استحي يا راجل شنو كلام الحريمات ده قلته وقالتلي في كمان في الصحف والمواقع الإلكترونية
صاح انت عجوز دي دايرة كلام
انت ما مقتنع بي سنك ولا شنو


#1557691 [كول بالروب]
0.00/5 (0 صوت)

12-04-2016 12:02 PM
من ابو دقن الى ابو شنب ياناس اعملوا حسابكم والالله يطتع دينكم


#1557690 [كول بالروب]
0.00/5 (0 صوت)

12-04-2016 12:01 PM
من ابو دقن الى ابو شنب ياناس اعملوا حسابكم والالله يطتع دينكم


#1153158 [عبد الملك]
1.00/5 (1 صوت)

11-19-2014 03:40 PM
(رغم أن اولادى يرفضون زواجى من مذيعة أو فنانة) ... ياناس الدار كان مفروض تحذفوا هذا النص وتراعوا عامل السن !!!


#1150884 [فرعون اسود]
3.50/5 (3 صوت)

11-16-2014 05:04 PM
يا ابشنب وحات الله انت الفياغرا زاتها ما بتعمل فيك شي في زمتك ما بتختشي في داعي للعباطه وقله ادب الرجال النص كم دي؟ سلمي في عينك ياخ\ياعجوز لو فرضنا انها ميته في حنانك زاتو في داعي تكشف سرها ده؟ والله سلمي دي بت ابليس ما بتجيك قال عاوز اعرسها \عشنا وشفنا الله يرفع ضغطك زي ما رفعت ضغتي ياخ


ردود على فرعون اسود
Saudi Arabia [ABUBAKER] 12-15-2014 09:58 PM
يا اخي حرام عليك الراجل عايش مراهقة متاخرة - بالله يابوشنب ما تستحي من عرك


#1150394 [ناكر الذات]
2.00/5 (2 صوت)

11-16-2014 07:06 AM
ياااخ عليك دينك احترم نفسك يا جاهل ونوعك دا شكلو البجي البيت يلقي بتو مع واحد وتعرفو بيه كمان (بابا ,هيثم زميلي ,دا طبعآ بعد ما تجيب ليك ناس فوفو ولولو صحباتها وتخليهم يتعرفو بيك وتطلع مشوار يوم كدا وتجيكم)..
استغفر الله ولاكن جهلك يترك كل من يعرف شخصك بالرد اللايق بك؟؟؟


#1150315 [ابو اشراقه]
3.00/5 (2 صوت)

11-15-2014 11:20 PM
كترت المحلبيه يا ابوشنب والله كان قبلت بيك معناها عايزه تنتحر يا راجل خاف الله


#1148461 [ود العارف]
3.00/5 (3 صوت)

11-13-2014 12:42 AM
عمك شنبو مد القرعة ....


#1147242 [أنا سوداني]
3.75/5 (6 صوت)

11-11-2014 01:43 PM
بالله شوف الزول ده ياخ امشي شوف حنان بلبو ولا نده القلعة ولا اي وحده من العجائز ديل داير البرعم الصغير ده؟؟؟


ردود على أنا سوداني
Saudi Arabia [ABUBAKER] 12-15-2014 10:01 PM
انت شكلك ما جايب خبر حنان بلوبلو ممكن لكن ندى دي ظلمتها كتير


#1143555 [ودميدوب]
3.50/5 (5 صوت)

11-06-2014 01:19 PM
(ورونى العدو واقعدوا فراجا)
الليلة بقينا فراجة على صفحة التعليقات بعد ما وريناه العدو.


#1140276 [حران احمد]
2.88/5 (7 صوت)

11-02-2014 10:36 PM
ده مرض نفسى عاوز يقولوا عليه زوج فلانة ....


#1135611 [بابكر ود الشيخ]
2.94/5 (10 صوت)

10-27-2014 09:46 AM
هذا العجوز المتصابي يعيش فترة المراهقة المتأخرة .
مهووس بالمذيعات ، من قبل تشعبط في المرحومة المبدعة ليلى المغربي .
اليوم يتشعبط في المبدعة سلمى سيد ، أقول ليها انتبهي بجيب خبرك .


ردود على بابكر ود الشيخ
Sudan [مشتهى] 10-29-2014 08:03 AM
عسسسسسسسسسسسسسسسسسل والله يما مذيعتى سلمى ربنا يحفظ عليك بلا زواج بلا لما خليك فيرى انت كدى احلا


#1135414 [شيخ الدين]
1.50/5 (4 صوت)

10-27-2014 12:10 AM
[ود الكبجاب]

4.00/5 (11 صوت)

10-23-2014 04:16 AM
تروحو فى ستين أنتو الاثنين. واحدة نصف موهوبة و و احد متصابي.

انا ما فاهم مين انتو الاثنين او شنب وسلمي اذا عن ابو شنب الشباب كفوا ووفوا اما اذا قصدك الاعلامية الدكتورة سلمي سيد اسمحلي شويه. الموهوب هبه من عند الله سبحانه وتعالا . تعلا شويه يا حبيبي الاعلام العربي والعالمي في كم مذيعة سودانية ا نحكي عن النجوم كم احسب يا حبيبي كان اجدر من عمنا الخرفان وبالمناسبة ان مبسوط لعمنا الخرفان لان فضح الصحافة السودانية قبل ما ندخل في المسرحية الهذلية كان من المففروض من الصحافة السودانية عامة ان تدعم وتشجع الصحفي السوداني بقض النظر عن مذيع او مذيعة وان ندعمهم داعما لخوض المنافسة العربية ثم العالمية .لان نجاحهم من نجاح الوطن وسمعتة الخارجية.
ام عن نصف موهوبة يا صديقي تتسابق الفضائيات الخليجية عليها وغريبا تسمعوا شي يعجبكم الان الاعلامي الشاب بقناة العربية الحدث وغدا الاعلامية النصف موهوبة يا ود الكباجاب بي ..........


ردود على شيخ الدين
Saudi Arabia [ABUBAKER] 12-15-2014 10:26 PM
انتبه لكتبك كلها اخطاء شنيعة كمان


#1135306 [nasreen]
2.75/5 (6 صوت)

10-26-2014 07:52 PM
لالا ده كلام كبيييير عيب عليك يا عم بطرس


#1135175 [عزالدين عبدالله دوكه]
3.88/5 (7 صوت)

10-26-2014 03:38 PM
ستندم بنت سيد ياجدوابوشنب لانها رفضتك يجازي محنك ابو شنب أحسن لك باقي عمرك ده المسجد البيت


#1135048 [على]
2.50/5 (5 صوت)

10-26-2014 12:01 PM
ابو شنب دا معروف لا يجيد فى الكتابة الا الاساءة للاخرين


#1134609 [الشايقي]
2.63/5 (6 صوت)

10-25-2014 09:14 PM
ده مجرد رجل متصابى و عاجباهو روحو
يعنى مافى وليه لاقاها الا و كان داير يرتبط بيها
بعدين حكاية الاستاذه سلمى تقول ليك ما ممكن لانى مقيمه فى الامارات
ده ما رد مبطن
ذى لما تقول ليك دايره تقراء
عالم وهم و صحافه سخافه
بلا وجع قلب


#1134431 [أسعد عثمان]
2.88/5 (8 صوت)

10-25-2014 02:39 PM
ياراجل
ميرغني ابشنب كل كتاباته عل هذه الشاكلة فلان قال لي وفلان قلت ليه
وجمال ماجاني في وفاة مرتي وترباس غنى لي في عرس ولدي
دا شنو دت


#1134082 [بت حبوبتها]
3.94/5 (10 صوت)

10-25-2014 02:55 AM
(( وفي مرة سالتها عن علاقتي بها في اي خانة تضعها .. هل في خانة الزميل ام الصديق ام الحبيب ام الزوج .. فردت عليّ قائلة انها تريدها كلها ))

يا ميرغني أبوشنب , الرجل المحترم لا يقول عبارة كالتي قلتها !

فهي امرأة, ومطلقة, ولنفترض كونك صادقآ فيما نسبت إليها من كلام ونقول صارحتك بأنها تضعك في خانة الصديق والحبيب والزوج ... هل هذا يعطيك الحق لتعلن كلامها وأمورها الشخصية على الملأ ؟ بالتأكيد لا, فالسوداني الحر أخو البنات ومقنع الكاشفات يستحيل أن يفعل ذلك .

يا سلمى سيد, لك ودي وكل الاحترام بصفتك إعلامية وامرأة سودانية, وأتمنى أن ترفعي قضية على هذا الرجل الذي إن نقل كلامك بصدق, تكون قضية تشهير .. وإن كان كاذبآ, تكون إشانة سمعة.. وربنا ينصرك ويحميك من هذه المخلوقات العجيبة .


ردود على بت حبوبتها
[amani] 11-05-2014 09:55 AM
عفارم عليك يابت حبوبتها..عفيت منك , والاخت المذيعة سلمى سيد, استطاعت ان تحتل وبجدارة مركزا مرموقا وسط إعلامى البلاد برغم انها ليست من المتخصصين فى هذا المجال, لكنها بمثابرتهاوتأهيلها لنفسهااكاديميا ومعرفيا وصلت لذلك. و(المتصحف ) المذكور يستحق وصف : الحس يجيب والجوع يكتل او بقتل بامتياز وهو شخص غاوى شهرة مرتبطة بالنساء الشهيرات.

[حزينة] 10-27-2014 08:15 AM
يا حبوبة يا بت حبوبتها اقول ليك للأسف السودانيين بقوا ابدا مابيحفظوا سر الواحد تقولي ليهو كلام قبل ما تقومي من مكانك يكون رسلو لاصحابه بالواتس - وحتى البنات تحكي وتقول خطيبي قال لي كده وفي الاخير تقول طلب مني ما اطلع الكلام ده - اقول ليها وانتي مكلماني ليه ما دام هو سر - للأسف 1% بس بيحفطواالسر

Saudi Arabia [المشروع] 10-26-2014 01:03 PM
كلامك ممتاز وصحيح مية المية والرجل الحق لا ينقل ما يدور بينه وبينه امرأة اخرى حفاظا على خصوصية العلاقة ولا يقول انها كانت تتصل به كل مساء ولا يقول انها كانت تتصل بي ليلا ونهارا ولا ادري كيف طاوعته نفسه لكتابة مثل هذا الكلام الذي لا يصدر حتى من الصبيان الذين يتباهون بقصص حبهم ومغامراتهم العاطفية... على العموم بت حبوبتها انا اتفق معك فيما قلت الا الفقرة الاخيرة وتمنيك بأن ترفع قضية على هذا الرجل فلا تكوني اختي بت حبوبتها في مكان من يزيد النار اشتعالاً وان القضية تزيد الامر زيوعا وانتشارا وكلما تجاهل الناس الاساءات والتصرفات السيئة اماتوها في لحظتها.


#1134052 [غازي عبدالله]
2.75/5 (5 صوت)

10-25-2014 12:30 AM
ماوافقت عشان عارافك راجل اهبل (بنات الناس عندكم لعبه الله ينعل اشكالكم)


#1134014 [واحد قرفان جدا]
2.88/5 (7 صوت)

10-24-2014 10:45 PM
شنو البلم كلفورنيا مع كاب الجداد


ردود على واحد قرفان جدا
European Union [aboahmed77] 02-11-2017 11:56 AM
مع الاعتذار لي كاب الجداد

United Arab Emirates [غلبان] 11-04-2014 09:03 AM
اوع تقول ابوشنب هو كاب الجداد


#1134005 [الحكيم]
2.94/5 (12 صوت)

10-24-2014 10:18 PM
أنا أرى أن ذلك نوع من التشهير والانتقام من هذه المرأة التى رفضت أن تتجاوب مع رغبات ونزوات هذا المريض المتصابى, فهو لم يقبل لا كرد على طلبه الغريب الشاذ, ويرى نفسه مؤهل بل لديه الحق أن يقتنيها كأى سلعة فى متناول يديه ربما يعتبر نفسه بأنه كثير عليها ولا يفهم رفضها له, و الا فلماذا ينشر مثل الحديث على الملا, هذا نوع من السقوط الاجتماعى.


#1133989 [محمد همت]
4.50/5 (19 صوت)

10-24-2014 09:47 PM
واحدة من مظاهر انحطاط الصحافة فى السودان أن يعمل فيها أمثال ميرغنى ابوشنب واحمد البلال الطيب وهيثم كابو والرشيد على عمر ومزمل أبوالقاسم والهندى عزالدين ... وفعلاً الصحافة هى مهنة من لا مهنة له وهى مهنة الفاشلين وذوى العقد النفسية والفاقد التربوى والتعليمى إلا من رحم ربى لأن هنالك صحفيين محترمين ويعرفون جيداً ماهى مهمة الصحافة ورسالتها ..
أما ميرغنى أبوشنب هذا فواضح أنه مثل الهندى عزالدين والقذافى مصاب بمرض جنون العظمة وفاكيها فى روحو .. وهذا واضح فى قوله عن سلمى سيد ((خاصة محاولة زواجها من احد الصحفيين الذي هو شخصي الضعيف )) وهنا تظهر خباثته أو جنون العظمة عنده لأنه يريد أن يوحى للناس أن سلمى هى التى حاولت الزواج منه رغم أنه ناقض نفسه بعد ذلك واعترف بأنه هو الذى جرى خلفها وهى التى رفضته !! وفى حوار آخر أدرجه أحد معلقى الراكوبة قال عن نفسه (( أنا كنت متعدد العلاقات لأني تمتعت بمسحة جمالية وكنت أكثر سوداني أنيق.... عشان كدا البنات كانوا بحبوني )) وقال عن الفنانة ندى القلعة ((أنا الذي صنعتها من عدم )) !! والجميع يعرف أن ندى القلعة صنعت نفسها بنفسها بأدائها وصوتها وجمالها ولم تكن تحتاج لصحفى فاشل دراسياً حتى يصنعها..
أما إنحطاطه الأخلاقى وعدم رجولته فيظهر فى كلامه عن موضوع طلاقها وعدم رغبتها فى العودة الى زوجها .. بالدارجى كدا مافى راجل ود رجال وعندو صحى زى العند الرجال بيتكلم فى خصوصيات مرأة فى منبر عام .. دى بطالة وخيابة ما بعملا ود رجال.
فى النهاية الزول دا حارقاو شواكيش المذيعات والفنانات فى فشفاشو وبقى يهضرب ويجوعر ساى وبقى ينطبق عليهو مثل الكلب لمن ما لحق اللحمة قال عفنة.


#1133821 [العارف عزو]
2.88/5 (7 صوت)

10-24-2014 02:18 PM
ياخى قالت ليك انا مقيمة بالامارات !
خليك نبيه وبطل تخانة المخ دى
ما بتعرف الاعتذار اللطيف ؟؟


#1133816 [العارف عزو]
2.88/5 (10 صوت)

10-24-2014 02:09 PM
ياعمنا اب شنب مادام الرئيس كل يوم بيقرا عمودك . ماتكلمو ياخى

يفكنا شوية ويحل عن سمانا ؟


#1133773 [تسيفايا مليس]
2.75/5 (6 صوت)

10-24-2014 12:35 PM
يا جماعه لماذا هذه المقاطعة ده راجل شجاع جدا وما عمل حاجه غلط دي العولمة مافيها أعراض اسر ولا أشخاص رفع الحجاب شيل حس الزعلان منه وشهر بيهو وكمل الناقص فيك ونحن بنحميك وجامعة الأحفاد للتقدم والعولمة وعطبره تقدم للخرطوم متطلبات العصر، آه فصرنا ولا فيها عنصريه


#1133708 [zawzaw]
2.75/5 (7 صوت)

10-24-2014 10:04 AM
عمك شنبو عاين لى ... شتت قصبو هههه


#1133681 [هجو نصر]
2.50/5 (8 صوت)

10-24-2014 09:29 AM
صاحبنا الزمان عصفت بكيانه ( تَحَنّس) ست الشاي الاثيوبية الحسناء هرب الي الشعر كما بفعل الكبار عمرا وادراكا واخلاقا :
انا يا تحنس ياام جمالا فرضة
ما لقيتك قبيل لمن بقيت عود ارضة
خدادك كهارب وتنيتك منفردة
وكفلك عالي تمشي الفردة مابية الفردة
ذلك كان شاعرا وانسانا ولا اجد تصنيفا للذي (يشيل حس ) من زعم انه وقع في غرامه ! وفي الجرايد كمان !


#1133545 [ممثلاتي]
2.88/5 (10 صوت)

10-24-2014 01:30 AM
غايتو الزويل دا بعد الردم الردمتو لي ما ظنبتو يعاود ناني بحرف في راكوبتنا دي الا كان قلبو ميت وقراده زي البشير


#1133540 [tito13]
1.94/5 (12 صوت)

10-24-2014 01:14 AM
تفووووووووووووو عليك وعلى الرشيد على عمر وعلى رئيسك البصبح بى عمودك النتن يا نتن يا متصابى الله يريح الشعب السودانة منكم يا حثالة


#1133539 [Kkambalawi]
3.93/5 (15 صوت)

10-24-2014 01:10 AM
مهما نحاول ان نجد من مبررات فهذا المقال هو بدرجة من السوقية وتعبر عن مدي ما ساقت اليه حكومة ونظام الجبهة الاسلامية حس المواطن السوداني الصحفي . هذا منهج وممارسة هذه نتايجها،. انحطاط بالزورق العام، وتدمير لحس القراءة الصحفي، هذه مدرسة ممنتجة اول خرييجييها حسين خوجلى ، وهولاء هم خريجيها ابو شنب و هيثم كابو وغيرهم، هذا عهد صحافة الارزقية ، الذين لا يستحون في ان يبتزوا شرفاء الناس مسلمي السيد،، سلمي أتت من من بيت ال سيد محجوب ، من اشرف عظماء الناس، واحد زي ابو شنب يلوك في سيرة بت ناس بدون ما واحد أقول ليهو ده غلط ؟؟؟؟؟ ياخي اخجل انت بتقبل واحد أتكلم في اختك كده، عالم فعلا وسخة ومنحلة،


#1133533 [Khalidali]
2.75/5 (8 صوت)

10-24-2014 12:54 AM
مقال سطحى يلاقى ألكم الحاشد من التعليق ، مع توقعاتنا عند فتح الموقع سوف نجد ان البلد انقلبت بالمظاهرات بعد تجديد خمسه سنوات لهتك الأعراض والفساد ، تلاقى مجلة سيدتى سياسيه من الدرجة الاولى .


#1133522 [Wad Mater]
3.00/5 (4 صوت)

10-24-2014 12:14 AM
I thing its nice this is love not depend on age anyone is free to love all of you must understand what is the meaning of LOVE
GO A HEAD ABUSHANAB


ردود على Wad Mater
Saudi Arabia [أبو محمد] 10-29-2014 08:10 PM
( I thing) إنجليزي ده يا مرسي؟؟؟؟؟

European Union [لواي سلسلن] 10-26-2014 04:15 PM
I think it's


#1133509 [Sudanya]
3.88/5 (8 صوت)

10-23-2014 11:34 PM
ابوشنب ما عندو موضوع حتى في الرياضة العامل انو متخصص فيها ولا غرابة ان نقرأ له مثل هذا الكلام الفارغ....لا يهم أي قارىء على الاطلاق التفاصيل الخاصة بحياة الاسناذة موضوع المقال او غيرها كما لايهمنا ان نعرف تفاصيل حياة ابوشنب.أتركو الخلق لخالقها وأكتبو خيرا او الجمو اقلامكم.تلومت يا أبوشنب وجبت ضقلا يكركب على رأسك والذي اشك ان ما بداخله على ما يرام...وجنت على نفسها براغش....


#1133477 [ودطه]
2.75/5 (9 صوت)

10-23-2014 10:33 PM

قمه الهبل ومادخلنا بعلاقاتك العاطفيه
غزل علي الملا لايراعي حرمه ولا شيبه
تبا لك ايها الهرم


#1133468 [قرفان من الكيزان]
2.75/5 (16 صوت)

10-23-2014 10:16 PM
كان دي جنس يومياتو بتكون مرتو انقرضت مغسه


#1133425 [عبد الله عبد الله]
2.50/5 (6 صوت)

10-23-2014 09:10 PM
والله حكايتك ... حكايـة !!!


#1133394 [د.ابو علي]
2.75/5 (9 صوت)

10-23-2014 08:19 PM
يا راجل يا راجل
ياخي ما تشوف مصلايتك وين وسبحتك وين
والله انا اشوف صورتك في الصحف منذ ان كان عمري 6 سنوات


ردود على د.ابو علي
United States [هم البلد] 11-06-2014 10:33 PM
هي؟ ابشنب لسه حي والله انا قايلاهو ولدو بقي صحف وورث الهبل الصحفي استغفرتك با الله


#1133372 [عريس]
2.00/5 (3 صوت)

10-23-2014 07:32 PM
طيب ما تتزوجيني انا


ردود على عريس
Norway [ahmed] 10-24-2014 01:22 AM
ديل الناس البتزجو البنات القاصرات احترسوا؟


#1133355 [د .الزهجان]
2.75/5 (8 صوت)

10-23-2014 07:02 PM
يا عمي شنبو شايف المزة الايام دى حايمه في الفضائيات عينيك بقن يمين الجوز .

عايز تشرك ليها هنا

يا حليلك الكيزان خطفوها .

وال يا جدو .. انت زمن المراقه كنت وين ؟h


#1133354 [ماري]
2.75/5 (6 صوت)

10-23-2014 06:59 PM
انا قريت ال 150 تعليق و جائزة احسن تعليق ذهبت للعارف العوجة و ساكت
عبارة البت البتقفل برطمان الشاي من التوم و الفلفلية دي كتلتني بالضحك


#1133336 [أكره النفاق]
2.38/5 (11 صوت)

10-23-2014 06:38 PM
شيب الشقاوه اليقلب راسك حواشة قطن . أسى دى ما قدر بت بتك .
البرنسيسه مشتك على قدر عقلك وتعاملت معاك بلطف وما حبت تحرجك .
جاى تقول لينا كنت قاب قوسيت او أدنى . كويس ما قلت إنها كانت متيمه بيك لكن العوازل خربوا الموضوع ودقوا الاسافين .
الواحد مما يلقب نفسه بابوشنب والكلس والتمساح والارياب وعشا البايتات والاصم والاسد النتر تلقاة هبوب ساى وكيسه فاضى .


#1133326 [OMDURMANI]
1.94/5 (5 صوت)

10-23-2014 06:21 PM
PERSONALY, I HONESTLY SAY; BOTH SHOULD GO TO HELL STP


#1133316 [ابو خالد]
2.75/5 (9 صوت)

10-23-2014 06:09 PM
يازول ما تختشي انت حتعقل متين عمرك 70 سنة لكن الزمن بقي كدة بلمع الزيك احسن ليك تعقل وتخلي الطاؤوسية الانت فيها دي .... الحق نفسك


#1133313 [ابومياده الشكري]
3.63/5 (8 صوت)

10-23-2014 06:00 PM
كل شي قسمه ونصيب بس كمان سلمي ادعدت مرحلت الزواج لوكان عندك نيه في الزواج منحقك تتزوج بس شوف ليك واحدة محتاجه استاجر فيها ولك الاجر عند الله


#1133303 [محمد علي]
3.50/5 (7 صوت)

10-23-2014 05:48 PM
لناس في شنو والحسانية في شنو
الشعب يعاني من الجوع والمرض والقهر والفقر وكل البلاوي ودا كاتب ليه مقال طوسل عريض عن واحدة عايشة في الامارات وتتكسب من اموال الشعب السةداني


#1133298 [أبو زهانه.]
1.88/5 (12 صوت)

10-23-2014 05:45 PM
أغلبية مراهقين الوسط الفني والإعلامي والرياضي لا ،،،يحبون
إلا أنفسهم والمال ،لا،،،يتزوجون إلا مصلحه أونذوه ،،،طارئه
عايشين في وهم كبير ماتشوفوا بسماتهم الصفراء التي تخفي بين أنيابها
سموم قاتله فأحذروهم يابنات.


#1133297 [الأزهري]
2.63/5 (7 صوت)

10-23-2014 05:43 PM
كان الأهم من حكاية شاكوشك دا تعرفنا بالزوج السابق ولماذا طلقها أو طلقتو مثل الفنانات المصريات واللبنانيات وخلافن في عالم الميديا ما في فرق بين الحياة الخاصة والعامة


#1133294 [كديس الخلا]
1.07/5 (7 صوت)

10-23-2014 05:33 PM
حرام عليكم يا معلقين...
الزول فى النهاية راجل وما عيب انو يحب كتير... عادى يحب ويشاغل ويدقر ...
بالعكس دا يدل على الرجل السوى


#1133283 [خالد كرفس]
1.13/5 (5 صوت)

10-23-2014 05:26 PM
.


#1133275 [الحائر]
2.75/5 (6 صوت)

10-23-2014 05:18 PM
يا اخوان خذوا الحكمة من أفواه الشياب ديل. جدكم ده بقول ليكم اصلوا ما تحتاروا ومدوا قرعتكم في اي زمان واي مكان عشان الواحد ما يعرس واحدة وعينه علي واحدة ثانية


#1133274 [ود الباشا]
2.75/5 (6 صوت)

10-23-2014 05:17 PM
والله الواحد ما عارف يقول شنو هو فى شنووووووووو ياعالم اختشوا اختشوا يارمم الامم


#1133273 [malinki]
1.75/5 (6 صوت)

10-23-2014 05:16 PM
مقال **** ملئ بالسذايجة


#1133257 [علب وفرشات الخرتوم بالليل]
1.75/5 (5 صوت)

10-23-2014 04:59 PM
3


#1133251 [ابومحمد]
2.75/5 (8 صوت)

10-23-2014 04:50 PM
خسئت وخسئ قلمك وخسئ كل من يقرأ لك ويتابعك ..أوصلنا لهذا الدرك الأسفل من متابعة أخبار المراهقة المتأخره؟!



خدمات المحتوى


صفحة 1 من 3123>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة