الأخبار
أخبار السودان
محمد الحسن الأمين : جاهز لإبراء ذمتي للرأي العام
محمد الحسن الأمين : جاهز لإبراء ذمتي للرأي العام
محمد الحسن الأمين : جاهز لإبراء ذمتي للرأي العام


كنت مغترباً بالسعودية
10-23-2014 10:01 AM
البرلمان: سارة تاج السر
أكد النائب البرلماني محمد الحسن الامين، جاهزيته للإفصاح عن ما يملك للرأي العام مشيراً الى أنه قدم إقراراً للذمة عندما كان والياً على ولاية شمال كردفان.
وقال الأمين للصحفيين أمس عندما سألوه عن ثراء بعض قيادات المؤتمر الوطني التي كانت لا تملك شيئاً قبل انقلاب عام 1989م، "السؤال يخصص ولا يعمم" وأضاف: "أنا جاهر وما عندي مشكلة" برغم أنني لست في موقع يستوجب تقديم إقرار ذمة باعتباري عضو في البرلمان فقط، وقال: عندما عينتُ والياً على شمال كردفان قدمت إقراراً مالياً، ولكن كان لدي ممتلكات ومنزل ووضع جيد لأني كنت مغترباً بالمملكة العربية السعودية.






تعليقات 28 | إهداء 0 | زيارات 5096

التعليقات
#1133714 [ليكم يوم]
0.00/5 (0 صوت)

10-24-2014 09:07 AM
وماينسي الأربع قطع ألفي الطاىف البناه ليهو حسن صباحي وموجر لي شركه صينيه


#1133697 [ليكم يوم]
0.00/5 (0 صوت)

10-24-2014 08:47 AM
قولو ليهو ماينسي يضيف الأربع قطع بتاعت الاراضي فى الطاىف الباع منها اتنين لي حسن صباحي وبني ليهو منها بيت وقطعه فاضيه كان مؤجر لي شركه صينيه


#1133583 [الفنجرى]
0.00/5 (0 صوت)

10-24-2014 04:38 AM
انتو الجماعة ديل كلهم كانوا مغتربيين ولا شنو


#1133561 [ممثلاتي]
0.00/5 (0 صوت)

10-24-2014 01:31 AM
كنت تاجر عملة واسع تاجر عملة بشهادة الناس دي على كده فهمنا مين الكانو وراء اعدام مجدي لغرض نهب العملة


#1133458 [ودطه]
0.00/5 (0 صوت)

10-23-2014 08:51 PM
استغلال النفوز اخطر وافظع وانكي من الفساد
اذ ان الفساد قد يلاحق ويقتص اثره اما استغلال النفوز فلا


#1133399 [شهنور]
0.00/5 (0 صوت)

10-23-2014 07:31 PM
انا شيف الموعد قرب الناس ديل بقو يفرفرو ساى بس داير شوية همه مننا وتكملة درب شهداء سبتمبر. .


#1133370 [أكره النفاق]
0.00/5 (0 صوت)

10-23-2014 06:27 PM
حق التميس ما كان عندك . شفناك مقطع ومبهدل بعد المفاصله لكن ( بعد فصلته )الآن بدل وحركات و تصريحات . ذمه مين با أبو ذمه قول ديك كانت أيام الله لا عادة .


#1133224 [عيادي]
5.00/5 (1 صوت)

10-23-2014 03:04 PM
غتيتو الزول دا عندو عمارة في المنشية جنب السفارة الصينية
حدادى مدادى من سنة1994
شغال شنو ما عارف


#1133223 [همت]
5.00/5 (2 صوت)

10-23-2014 03:04 PM
(محمد الحسن الأمين : جاهز لإبراء ذمتي للرأي العام) هذا إن كانت له ذمة


#1133219 [مجروس ق ش م]
5.00/5 (2 صوت)

10-23-2014 03:02 PM
بالله أم الحسن اﻻمين كانت مغتربه في السعودية .اها كان معاكي محرم وﻻ كنتي براكين يام الحسن


#1133196 [عارف الحكاية ..]
4.00/5 (4 صوت)

10-23-2014 02:29 PM
والآن تمتلك صرافة في شارع الجمهورية مع نائب دائرة الحصاحيصا الوسطى ( الحلاوين ) العميد السابق في أمنكم الإقتصادي محمود محمد أحمد ..وهي واحدة من معاول تخريب الإقتصاد يا بتاع الذمة .. أما ذمتك الثانية ..فلندع الخلق للخالق ..


#1133173 [عبدالله الخطيب]
5.00/5 (2 صوت)

10-23-2014 01:55 PM
في مكتب الجزيرة اسلانج في شارع الخزان


#1133140 [ودالنيل]
4.00/5 (3 صوت)

10-23-2014 01:15 PM
عملية ابراء الزمة كانت خدعة كبيرة للشعب السوداني اي حرامي يمكن يكتب رصيده 30 مليار عندما يراد تعينه واليا مثلا وهو لا يملك شئ وذلك باعتبار ما يكون


#1133130 [adil a omer]
5.00/5 (4 صوت)

10-23-2014 01:07 PM
كنت مغترباً بالسعودية

كنت شغال امير

يعنى الحلاقين احسن مننا قى شنو


#1133118 [محسي]
5.00/5 (2 صوت)

10-23-2014 12:56 PM
هههههههههههههههههههههههههههه هو اصلا اي واحدمشبوهه حيجي يقولينا كنت مغترب
انا مهندس وخريج من جامعه الخرطوم وعندي دفعتي كانو بيدرسو معانا كلهم كانو فقرااولا د من الولايات وساكنيين داخليه ..بعد اغتربت ورجعت ب6سنه استغربت الملك كانو تابعين للموتمر الوثني وانا 13سنه في السعوديه وتم تعيني ب 17 الف ريا ل واليوم اقاضي 47الف ريا ل وما عندي بيت حتصدوقوا ياعالم والله سياره ماعندي .. معروف المغترب لمن يغترب قروشو لاهله ما لنفسو ..يجينا واحد يقولينا كنت مغترب طوز فيكم . حتمشو وين ..يوم لا ينفع مالا ولا بنون .. لنا الله


ردود على محسي
Qatar [حامدي من دار حامد] 10-24-2014 11:33 AM
والله يا محسي انت كضاب كضب من اللي اداك راتب سبعة واربعين الف يا اخ انا مهندس ماجستير وجوازي اوربي وشغال في ارامكو ومالحقت راتبك دا

United States [ياباشمهندس انت غلطان] 10-23-2014 07:07 PM
الاغتراب هي الشماعه التي يعلق بها الحراميه كيفية حصولهم علي المليارات ودي معروفه وانا دفعتي ايضا في الجامعه بعرفهم جيدا و99% منهم من اسر فقيره(ؤالفقر ما هواش عيب) واليوم من كان مع المتاسلمين فهو ثري ثراء فاحش وبرررررضو كانوا مغنربين.وانا بفضل الله لدي بيت وعربه محترمين وشوية فلوس يعني ماشئ ملفت للنظر وبرررضو بساعد اهلي في حدود المعقول ولكن ياباشمهندس انت غلطان لانه وضعك بالسعوديه محترم ومفروض يكون معاك بيت محترم وعربيه وبرررررضو ممكن تساعد اهلك لا بد من الموازنه بين الاهل والوليدات

Sudan [حماية الدين] 10-23-2014 03:59 PM
وتم تعيني ب 17 الف ريا ل واليوم اقاضي 47الف ريا ل وما عندي بيت حتصدوقوا ياعالم والله سياره ماعندي

مصدقينك لانو شكلك بتاع فارقه انتا القروش دي قعد توديها وين بتسكر وبتحشش وتتصايع بيها طبعا ،، ياخي اختشي علي كلامك


#1133113 [خرابيش]
5.00/5 (2 صوت)

10-23-2014 12:45 PM
كنت شغال في شقق مفروشه زي الخازوق الوطني ربيع عبدالعاطي
ولا شغل تاني


#1133088 [المهندس سلمان إسماعيل بخيت على]
5.00/5 (2 صوت)

10-23-2014 12:17 PM
أنت يا أستاذ محمد الحسن الأمين لم تكن مغتربا
من كان مغتربا نحن مازلنا وسنظل مغتربين لأنك عارف الأغتراب مش بقرة تحلبها وتعود
أنت كنت تاجر عملة وعندك مكتب ( إسلانج ) بشارع الوزير تقاطع شارع الخزان جوار محلات القريشى وأنا كنت بحول كل المبالغ الذى أحتاجها بناء بيتى لأخى المغفور له المهندس مهدى عبد الرحمن الشيخ المدير السابق للطرق الذى كان يشرف على بناء بيتى وكنت أستلم الشيكات منك وارسلها له وكانت كلها على بنك فيصل المحطة الوسطى وعندك عدة دفاتر شيكات واحدة بإسمك وأخرى بإسم مركز واخرى بإسم عبد الله
أنت لا تستحق حتى شهادة القانون ولا تستحق أن تكون عضو برلمان ومكان الحقيقى أن تعدم محل مجدى وجرجس
قلنا لك أصمت وانزوى حتى ينساك الناس لكن أنت يا ( نقطة نظام ) هباش تقوم تهبشنا وتزعلنا ونقوم نكشف ليك سوءاتك
ألزم الصمت
المثلك لا يحق له الكلام ولا لبس العمةولا التطاول على السودانين ويقول البشير مش مرشح المؤتمر الوطنى البشير مرشح الشعب السودانى
يارجل يا منافق من العينك وصى علينا عشان تتكلم بأسمنا


ردود على المهندس سلمان إسماعيل بخيت على
Sudan [شهنور] 10-24-2014 04:27 PM
عفيت منك. جردوهم وهذا اخطر انواع السلاح . تحياتى


#1133085 [خروج بدون عودة]
5.00/5 (2 صوت)

10-23-2014 12:15 PM
الزول دا كان تاجر عملة بالرياض سوق البطحاء ومن من ما جات الانقاذ رجع وعند المفاصلة كان مع الثعلب عرابهم وانسلخ من الترابي وانضم للوطنى لكن كلهم لصوص سرقوا مال الشعب الغلبان اخوان الشيطان واظنو الشيطان ذاتو اتبرأ منهم


#1133075 [ali]
4.13/5 (4 صوت)

10-23-2014 12:02 PM
انا في السعودية من 17 عاما وما عندي منزل مش اموال عشان سياستكم الرعناء يا فاسدين وبعدين عندك كم بيت وفي اي مكان اعتقد دبي وماليزيا عمائر حرامية وعيونهم قويةكمان.


#1133067 [ali alawad]
4.63/5 (4 صوت)

10-23-2014 11:53 AM
كان موجود في السعودية وشغال تاجر عملة وما كان شغال حاجة ثانية


ردود على ali alawad
[جنرال زمان] 10-23-2014 01:09 PM
يا علي إضافة لعمله في العملة، العلبة دا كان شغال برضو شغل تقيل ومال إيه ،،، بت الحسن رهيبة كانت في زمنها داك


#1133058 [zico]
5.00/5 (3 صوت)

10-23-2014 11:41 AM
خلينا بالله من مغترب بالله ياطرور كلامك دا صحي صحي الزول دا كده


#1133039 [radona]
4.94/5 (5 صوت)

10-23-2014 11:21 AM
ارجو ان تعيد تقديم اقرار الذمة متضمنا الاتي :
- تاريخ بدء الاغتراب وتاريخ نهايته والاجر الذي كنت تتقاضاه بالسعودية مع ارفاق صور شهادات البحث لاملاكك وكشف حساباتك البنكية بعد العودة واسباب العودة
- تاريخ توليك محافظ لولاية شمال كردفان هل قمت اثنائها او بعدها بامتلاك عقارات اخرى وكم كان رصيدك البنكي عندما تركت ولاية شمال كردفان يرجى ارفاق المستندات
- الفترة الاخيرة وعملك كنائب برلماني ماهي الزيادات التي طرات على ثروتك وعقاراتك وكيف تم ذلك
- هل تمارس عمل تجاري
- هل تتقاضى رواتب وحوافز اخرى غير عملك كبرلماني
- وضح املاك زوجتك واولادك واقاربك ونوع الشراكة بينك وبينهم حسب النسبة
- هل حصلت على اراضي طيلة عملك كمحافظ لشمال كردفان ومن ثم كنائب برلماني وقيادي بالمؤتمر الوطني
- الرجاء ذكر ارقام الحسابات الخارجية وعملة الايداع فيها
- هل تملك شركة او شركات تجارية مسجلة او غير مسجلة وهل تملك زوجتك جمعية خيرية
- الرجاء كتابة موضوع في عشرة اسطر عن تفشي الفساد في السودان وهل منظمة الشفافية العالمية محقة ام هي منظمة يهودية عدوه للدين والوطن


ردود على radona
Sudan [nagatabuzaid] 10-23-2014 02:37 PM
هل تملك زوجتك جمعية خيرية ؟؟ دى قلبت فيها الهوبة زى ما بقولوا الشفع

( اقف كثيرا امام تعبيرات الشفع واجدها تحوى عوالم من المعرفة )

امتلاك زوجات المتنفذين الانقاذيين للجمعيات والمنظمات الخيرية له خفايا ودهاليز ومافيا عديييل وتماسيح حريمية حرامية تضرب ضربات جامدة بذيلها

التماسيحى وتبلع وتهضم بسرعة رهيبة الحمد لله يا رادونا انك عارف اللعبة ديل بهبرن هبرات تخنق التماسيح ذاتم































0

Saudi Arabia [الثائر حتى النصر] 10-23-2014 01:35 PM
ما شاء الله عليك يارادونا RADONA والله الزول ده كتمت ليهو نفسو ومن حسي نختك رئيس في محكمة الثورة عشاان توري الناس الكذابين الحرامية دول الأدب . هم قايلين الشعبي غبي قال في السعودية... الطوفان قرب خليهم يشيلوا شيلتهم.... قال السعودية قال.... يا نصابين


#1133007 [karlos]
4.50/5 (2 صوت)

10-23-2014 10:49 AM
كنت مغترباً بالمملكة العربية السعودية????????
المغتربيين الرجال جد جد
واحد يقول عندى صيدلبة فى الكلاكلة و واحد يقول ليك دكان حلاق فى سقط لقط بطلوا كضب


#1132999 [Seek]
3.75/5 (3 صوت)

10-23-2014 10:44 AM
يلا يا مغتربي السابقين والحالين. اكشفو لينا لصوص المؤتمر الوثني. اي واحد فيهم يتزتق في سؤاله عن مصدر الثراء. يقول انو كان مغترب في السعوديه وكان السعوديه دي. فيها كنز لا ينضب اي واحد يمشي يغرف منو ويرجع!!!!


#1132997 [طرور]
3.97/5 (7 صوت)

10-23-2014 10:40 AM
خليكم منه ده واحد كديانة ما عندو قيمة


#1132992 [علــي]
4.94/5 (5 صوت)

10-23-2014 10:30 AM
اعتقد انك كنت شغال تحويل عملة وكشتينة


#1132986 [سرور]
4.38/5 (4 صوت)

10-23-2014 10:27 AM
إبراء ذمتك أن يتم إعدامك في ميدان عام.


#1132979 [احباط]
5.00/5 (2 صوت)

10-23-2014 10:18 AM
عليك الله ما بتخجل من كلامك ده يا نكرة؟؟؟؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة