الأخبار
أخبار إقليمية
الصوارمي : قواتنا المسلحة متماسكة ولم يحدث انشقاق لضابط واحد
الصوارمي : قواتنا المسلحة متماسكة ولم يحدث انشقاق لضابط واحد
الصوارمي :  قواتنا المسلحة متماسكة ولم يحدث انشقاق لضابط واحد


10-27-2014 05:25 PM
نفت القوات المسلحة ما تردد عن حدوث انشقاقات في صفوف الجيش بولاية شمال دارفور غرب السودان. صرح العقيد الصوارمي خالد سعد المتحدث الرسمي باسم القوات المسلحة السودانية - لصحيفة 'اليوم التالي' الصادرة بالخرطوم اليوم الاثنين، 'إن ما تردد عن وجود انشقاقات في صفوف الجيش بدارفور لا أساس له من الصحة.. وقواتنا المسلحة متماسكة ولم يحدث انشقاق لضابط واحد'.
وأوضح أنه بشأن ما أثير حول الملازم أول مصعب حمدو، أحد منسوبي الجيش السوداني بولاية شمال دارفور، أن هذا الملازم يعد هاربا من خدمته بالولاية فقط ليس إلا، لافتا إلي أن القوات المسلحة ليس لها علاقة بدعوي انشقاقه.


تعليقات 14 | إهداء 0 | زيارات 6203

التعليقات
#1136471 [ممغوص]
3.00/5 (2 صوت)

10-28-2014 11:58 AM
أظرف حاجة انو الصوارمي دايما بأكد لينا الأخبار بنفيو ليها


#1136438 [عمـــــــــــو]
1.00/5 (1 صوت)

10-28-2014 11:07 AM
ي الصوارمي ياخي نحن عارفين تصريحاتك كلها ف ياريت تقطع وشك نحن م ناقصنك .......


#1136381 [طارق الباز]
3.00/5 (3 صوت)

10-28-2014 09:54 AM
الزول دا ما بتلفت للكضب, ياخى نص الحركات المسلحة قايدنها ضباط منشقين من الجيش.


#1136380 [تائه في أرض الوطن]
1.00/5 (1 صوت)

10-28-2014 09:51 AM
بسم الله الرحمن الرحيم

بيان عسكري هام حول انشقاق قوى من الجيش السودانى بمدينة الفاشر ومدن اخرى بدارفور
الي جماهير الشعب السودانى الابى قاطبة
الى زملائنا بالقوات المسلحة السودانية
الى الاخوة ثوار الهامش
و الي اهلنا في معسكرات النزوح و اللجوء و البوادى لقد بلغ السيل الذبى وطفح الكيل نتيجة ممارسات نظام المؤتمر الوطنى الفاشى و الذى اشعل الحروب الاهلية فى كافة بقاع السودان و اهلك الزرع والضرع وقسم البلاد ودفعها نحو الهاوية و الفقر و المرض و الجهل و القتل المستمر و استشعارا منا بالمسئولية الوطنية و الاخلاقية و التاريخية و انحيازا لتطلعات الشعب السودانى و دعما لثورة الشعب نحن ضباط وضباط صف وجنود بالقيادة الغربية بقوات الشعب المسلحة نعلن انشقاقنا و انحيازنا التام لثورة الشعب السودانى و سنقاتل هذا النظام المجرم حتى نحق الحق و نعيد للسودان كرامته التى سلبها المؤتمر الوطنى
وقد رفضنا استمرار ارهاب الدولة و عقدنا العزم على منازلة هذا النظام المجرم الفاسد ولا بد من التغير , فقد قامت قوة تابعة لجيش الطاقية عمر البشير و زير دفاعه اللمبى عبدالرحيم محمد حسين مدججة بالسلاح على متن 70 سيارة دفع رباعى وتدعمها 3 دبابات بمحاولة محاصرة القوى التى تجمعت بشمال الفاشر وبحى الزيادية و قد وقعت مناوشات بيينا وبين القوى المهاجمة وحفاظا على اراواح المدنيين قررنا الخروج من التجمعات السكنية وعند خروجنا ببوابة الفاشر الشرقية ايضا وقعت اشتباكات مع قوات الحكومة وقد استعملت فى المعارك الاسلحة الثقيلة و المتوسطة من مدافع الدوشكا
فاننا نطمئن جماهير شعبنا الابى و نبشركم ان النصر قادم قريبا و ان ايام هذه الحكومة المجرمة باتت معدودة لا محالة و ان قواتنا منتشرة فى ربوع دارفور وان الزحف نحو الخرطوم واجب مقدس و سندك حصون مجرمى المؤتمر الوطنى وتخليص الشعب السودانى و الويل كل الويل لحكومة الارهاب و مجرمى الحرب .
و عاش كفاح شعبنا السودانى الابى
قائد القوى المنحازة للثورة

الملازم اول مصعب حمدو محمد محمود سالم
الجمعة الموافق 24 اكتوبر 2014 الاراضى المحررة ضواحى الفاشر


#1136317 [الحلة الجديده]
1.00/5 (1 صوت)

10-28-2014 08:46 AM
يالصوارمي ياخوي الجيش ده اكبر منك ومن وزيردفاعك بالنظرناس شئون الضباط حقو ياهلوكم عشان تتكلمو عن الجيش كل من هب ودب بقي عنده رتبه عسكريه اخرهم والي بحري زمان بقي فريق خليكم في ملكيتكم وخلو الفضل من الجيش يحفظ ماتبقي له من ماء الوجه جبتو المهانه للجيش الله يقطعكم3


#1136295 [المهندس]
3.00/5 (2 صوت)

10-28-2014 08:24 AM
ايضا تاكد تمرد الملازم هاشم ابراهيم بسيوني من القضارف ,,,, لكم معنا موعد ياكيزان


#1136238 [مفجوع]
3.00/5 (3 صوت)

10-28-2014 06:58 AM
عودتنا الأيام أن نفهم العكس ياصوارمي .. مادمت قد نفيت فقطعاً هناك إنشقاقات ...


#1136113 [ابوسعد]
3.00/5 (2 صوت)

10-27-2014 10:35 PM
الملازم اول مصعب من الجنجويد اللذين هربوا من معارك جنوب كردفان هو ونقيب وقدم النقيب لمحاكمة اما الملازم فتحصن بقبيلته الزيادية وهرب بتسعة عربات لاندكروزر بي دوشكاتها
لم ينضم لاي جهة متمرده ولكنه ذهب لاهله في الكومة وقاموا بحمايته من الحكومة وتعهدت حكومتنا الفتية بعدم محاكمته بشرط ان يرد العربات التسعة ولم يفعل ولن يحاكم وعمل فيها بطل
دي بلد دي القبائل هي اللتي تحكم مش عمر البشيؤ والما عندو قبيلة يشوف ليهو قبيلة
هذا زمانك يا قبايل فامرحي
هذا زمانك يا مهازل فاسرحي


#1136093 [AL KIRAN]
1.00/5 (1 صوت)

10-27-2014 09:28 PM
I think ... it's time to change the faces . because wherever I see Alsoarmi, face > I am thinking he going to lies > Albashir's face he will kill somebody


#1136081 [nagatabuzaid]
3.00/5 (2 صوت)

10-27-2014 08:45 PM
مع تباشير الدورة الجديدة لرئيس الجمهورية وبالتحديد يوم الجمعة الماضى اى قبل اربعة ايام حدث الاتى فى كررى بام درمان شابة توفى زوجعا قبل اقل من اربعة اشهر اى انها لازالت قى( بيت الحبس ) تاركا لها ولد وبنت الاكبر سنتان والاصغر رضيع بعد ان ادت صلاة الظهر سمعت صوت يخترق السقف ويسقط على كتفها وامسكت بكتفها وهى مزهولة لا تدرى ما حدث لها وعندما رفعت يدها اذا بالدماء تنفجر وتنهمر وتتدفق وصرخت مذعورة وهب الاهل والجيران والاخوة هرعوبين نحو مركز شرطة الحتانة وابلغوا الشرطة التى اتت واخذوها للمستشفى ومعهم شرطة الحتانة حتى اجريت العملية واستخرجوا الرصاصة وتعرفت الشرطة عليها وقالوا انها من مسدس ضابط وفتحوا المحضر وقالوا سيذمبون الى المباحث الجنائية ولمعرفة البعد الذى اتت منه الرصاصة واجراءات من اختصاصهم لحد هنا كويس لكن الما كويس انه شقيق المصابة عندما ذهب للاستفسار والمتابعة قالوا ليه فى شرطة الحتانة ان الرصاصة والمحضر وصور الاشعة اختفت ده تقولوا عليه شنو ؟؟ اخبرتنى العصفورة اليوم بعد صلاة المغرب بما حدث الارملة التى كانت ستضيع سنبلة برصاصة طائشة زوجها المرحوم من نورى تنتظر احقاق الحق والبلاغ بعد ان كان ضد مجهول سيكون ضد شرطة الحتانة التى اخفت الادلة وما اظنها وصلت المباحث الجنائية ولموقفين للشرطة الامنية كانا لصالح مواطن ضد نظامى نحن على ثقة انها ستحاسب المتلاعبين هذه بداية مرحلة الولاية الجديدة ابشروا ما لهذه الارملة يحدث عادى طالما ان الضباط فرحين فرحة الاطفال بمسدساتهم ويمكن نقول قدر الله جانا عديل لكن الما عادى اختفاء الادلة كلها مابين يوم وليلة ولا يستحون ولا يخشون الله ويعلنونها مستعبطين تدسوها
وين من الله ؟ منتهى الاستهتار بالمواطن ومستضعفنه
اها يا الصوارمى دى كمان حتنكروها رغم ان الشرطة ما من اختصاصكم لكن قبل كده تدخلت فى فلوس الخارجية الفى كيس الزبالة الاسود وادليت بتصريح عجيب


#1136064 [كنياتا]
1.00/5 (1 صوت)

10-27-2014 08:08 PM
هارب زي هروب المرتزقة الجنجويد أمام جحافل الجبهة الثورية ولا دا هروب آخر، وإذا كان هروب آخر فما علاقته بالإنشقاق؟؟؟ وهل صحيح إنو إنضم بكامل عتاده للطرف الآخر أم هرب أقصد انضم لوحده وإيد وراء وإيد قدام؟؟؟؟ وهلللللل (مع رفع اليدين وتشبيكها) ..................


#1136027 [موجوع وطن]
3.00/5 (2 صوت)

10-27-2014 06:36 PM
ما نعدونه في عقيدتكم مجرد هارباً لا يقدح في مبدأ الملازم أول حمدو ومن معه و في إعلانهم الصريح بأنشقاقهم من جيشكم و مليشياتها.... وبالتأكيد من تبقي من جيشكم ليس له علاقة بالإنشقاق الصريح المعلن وهذا لا يحتاج لأي بيان للمتابع الحصيف... وما كان لذي عقل أن يرجو منكم إعترافاً لأن التجربة أكدت تناقض إخلاقكم مع مبدأ الإعتراف بالحقائق للدرجة التي تجعل الفرد المعتاد يفسر بيانات الصوارمي بالمعكوس بوضع الإعتراف محل النكران و بالعكس في سبيل وقوفه علي الحقائق...


ردود على موجوع وطن
[البيان] 10-27-2014 07:28 PM
بالضبط ،،، أى مواطن بات يقرأ خبر الكيزان بالمقلوب ليعرف الحقيقة ،،، النكران يعنى التثبيت ،،، النفى يعنى التأكيد ،،، البشير قال انه لن يترشح وخدع حتى اعضاء حزبه والآن هو المرشح الأوحد ،،، المصداقية باتت مفقودة فى مؤسسات الدولة بسبب هؤلاء الكيزان ، ولا نعرف سببا وجيها يجعلهم للجوء الى الكذب الذى يضر بهم أكثر مما ينفع فى حين أن الصمت من ذهب اذا استعصى قول الحقيقة ،،، وهم لا يتعلمون من قيمة المصداقية حتى عند الجنوب الذى انفصل منهم بالأمس ،، فيليب أقوير الناطق الرسمى للجيش الجنوبى لم يحاول البته يوما الكذب على شعبه ،،، كان دائما يقول الحقيقة حتى اذا إنسحب جيشه فإنه يقول انهم انسحبوا ،،، وحتى ان استولى قوات رياك مشار على مدينة يقول انهم فعلوا ولكننا سنستردها قريبا ،،، اما كيزان السودان فإنهم يقولون انهم قتلوا عبدالعزيز الحلو ليظهر لهم اليوم التالى مباشرة ، ويقولون انهم قتلوا منى اركو فيظهر لهم من جديد ،،، ويقول أنهم سحقوا المتمردين ونظفوا جبال النوبة ، ثم تعقد الجبهة الثورية مؤتمر لها هناك !!


#1136003 [ملتوف يزيل الكيزان]
3.00/5 (4 صوت)

10-27-2014 05:39 PM
الملازم يعد هارب من الخدمة و القوات المسلحة ليس لها علاقة بدعوي انشقاقه. ده كلام شنو؟ حد فاهم حاجة؟
طيب خلينا في الواضح الضابط العظيم برتبة عميد عملتو شنو في جلده بواسطة الجنجويد كما تجلد بنات النظام العام ؟ وهل صحيح بكى.
بكى يا ناس بكى!
بكى من العليه ، بكي انا مالي بيه.


ردود على ملتوف يزيل الكيزان
Qatar [عمـــــــــــو] 10-28-2014 11:05 AM
كما عودتنا دوما علي الابداع ي ملتوف ... فلنبدا بتجهيز العتاد والملتوفات وتكوين خلايا الاحياء لمقومة النظام .....

[موجوع وطن] 10-27-2014 07:29 PM
غيااااااص خلاص يا ملتو....ورائع لآخر رائش.....


#1136002 [المهندس سلمان إسماعيل بخيت على]
3.00/5 (6 صوت)

10-27-2014 05:36 PM
قالوا يا الصوارمى فى سودانى قالوا ليهو لو مشيت السعودية القروش دى مشتت ساكت بس تلقط
عنده بقرات ونعجات باعهم واشترى تأشيرة وهو نازل من سلم الطيارة لقى ليهو نص ريال عملة معدنية دنقر شاله وقال ( بسم الله بدينا قول واحد )
هسع قلت لى الملازم أول مصعب حمدو مو منشق بس هارب ساكت
طيب ملازم فى الجيش لمان يهرب حيمشى يفتح له كلية ام كتيبة عسكرية
ما حينضم لى جماعة عقيدتها تختلف عن عقيدة الجيش الهرب منه
دا ما الإنشقاق زاتو
الظاهر الدورة الجديدة دى بتاعت الريس دورة هروبات وانشقاقات والرئيس يتعهد بجمع صفوف ابناء البلد
كدى قول ليهو اولاد البلد خليهم الحصل عليهم حصل ألحق ضباط جيشك


ردود على المهندس سلمان إسماعيل بخيت على
Sudan [Locolo] 10-28-2014 08:31 AM
فى الصميم يا ود سماعيل ،،

[موجوع وطن] 10-27-2014 08:57 PM
في الصميم يا هندسة......



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.88/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة