الأخبار
أخبار إقليمية
قوات الشرطة تكسر يد وترقوة طبيب وتصيب (13) اثناء تفريق متظاهرين



اقتحمت حرم مستشفى الخرطوم بالقوة الجبرية
10-30-2014 09:36 PM
الراكوبة – الخرطوم تعرض الطبيب ماجد العبيد لكسر في اليد والترقوة، في وقت اصيب (13) شخص بمستشفى الخرطوم بينهم اطباء ومواطنين ترواحت اصاباتهم بين الخطيرة والمتوسطة، وذلك في صدام مع الشرطة التي حاولت تفريق وقفة احتاجية نفذتها نقابة العاملين بالمستشفى، للمطالبة بحقوق منسوبيها ولمناهضة قرار تجفيف المستشفى.

واغلق العاملون الشارع المقابل لمستشفى الخرطوم نهار اليوم (الخميس)، بسبب عدم صرف حافز شهر سبتمبر من العام الحالى وعدد 5 حوافز اخرى بعد ان تلقوا وعود عديدة لم تفى بها وزارة الصحة ولاية الخرطوم وادارة المستشفى .

واكد الناطق الرسمى لنقابة العاملين بمستشفى الخرطوم داؤد عمارة في تصريح صحفي ان اغلاق الشارع كان سببا لاشتباك عنيف للعاملين مع قوات الشرطة التى لاحقت العاملين ودخلت قواتها داخل حوش المستشفى الامر الذى ادى الى كسر يد وترقوة الطبيب ماجد العبيد.

منوها الى ان تدخل الشرطة اوجد اصابات اخرى تراوحت بين الخطيرة والمتوسطة، وقال عمارة ان الطبيب اجريت له تدخلات علاجية وهو الان طريح الفراش بميز الاطباء، فيما لا يزال عدد كبير من عاملى المستشفى الذين يبلغ عددهم 1500 عامل مرابطين بالمستشفى لوقت متأخر اليوم، فى انتظار مدير المستشفى د.محمد البدرى الذى اكدت النقابة اجتماعه مع وزارة الصحة لحل المشكلة.

واشار عمارة الى ان للعاملين خطوة اخرى لم تحددها نقابته بعد، فى حال عدم الايفاء بجميع الحوافر المتمثلة فى 6 حوافز اخرى، مشددا على ان خطوة اغلاق الشارع كانت عفوية من جانب العاملين. هذا وقد وعدت ادارة المستشفى بتنزيل مرتب هذا الشهر الا انه يتم تاخير صرفه الى يوم الاحد لاسباب فنية مع بقية الاستحققات حسب وعود الادارة.

واكد بيان صادر من النقابة ان الوزارة قامت باجراءات تعسفية تجاه العاملين واولئك الذين تم نقلهم الى مستشفيات اخرى بايقاف رواتبهم وعدم صرفها مما خلق حالة من التوتر والاحتقان، واشار البيان الى ظاهر قال انها هى الثانية من نوعها انتهكت فيها القوات الشرطية حرم المستشفى وقامت بالاعتداء على العاملين والمرافقين بالضرب، مؤكدا ان ذلك اسفر عن اصابة ما يزيد عن 13 عامل بينهم اطباء ترواحت اصاباتهم بين الخطيرة والمتوسطة، مشددا على ان النقابة ستقوم بكل الاجراءات القانونية التى تحفظ لهم حقوقهم.


تعليقات 13 | إهداء 0 | زيارات 7546

التعليقات
#1138869 [nagatabuzaid]
0.00/5 (0 صوت)

10-31-2014 08:58 PM
المحيرنى يا جماعة الاطباء والعاملين فى القطاع الطبى فى مواجهة مع الشرطة من ا اول الامس ونحن الشعب السودانى قمنا من الصباح حضرنا فطور الجمعة بالفى والمافى وابنائنا واخوتنا هناك فى معركة مع الشرطة وقلنا كدى اكلنا بنفس مفتووووووحة و ابنائنا واخوتنا يواجهون عنت قوات النظام ومشينا الجامع صلينا ما تذكرنا ندعوا ليهم بالنصر ومرقنا من الجامع كان كدارى او بام اربعة كرعين فارهات او مكعكعات ومرينا على الاهل والاحباب معطرين وملمعين واحبابنا فى مستشفى الخرطوم عطرهم البومبان وما فكرنا نمر عليهم حتى ولو التكرم بالقاء نظرة ورجعنا البيت طفحنا واتسممنا الغداء واتكينا راجين الشاى وابنائنا واخوتنا مكسورى الترقوة والايدى والدماء تتناثر هنا وهناك جابوا لينا الشاى طفحناه واحبابنا يضمدون جراح بعضهم البعض هؤلاء يدافعون عننا ونحن لا نشعر لا نحس بالله مش حاجة تحير ؟؟؟؟؟؟؟؟؟ بلا يخمنا ما مننا فايدة حكومة السجم والرماد تقول لينا عرعرعر ونحن نبرطع
النصر للا طباء والدمار والهلاك لمامون حميدة المجد لاطبائنا والخزى والعار لمافون حميدة


#1138797 [تفتيحة لمن فضيحة]
0.00/5 (0 صوت)

10-31-2014 05:51 PM
ماغريبة علي بلد حاكما (شاويش) 25 سنة!!!


#1138795 [معاويـــــــــــــــــــــــــــــــــــــة]
0.00/5 (0 صوت)

10-31-2014 05:40 PM
كل النقابات عليها ان تامر العاملين بالتقف عن العمل والدعوه لاضراب شامل بكل مرافق الدوله ملعون ابو الدوله البوليسيه ملعون ابو تجار الدين ملعون ابو السفله الحرامية وملعون ابو الكيزان من كبيرن لا صغيرن ايها الشعب السودانى البطل هبوا هبوا لضرب الخونه البداية من بيوت الكيزان فى الاحياء يجب حرقها عن بكرة ابيها يجب ضربهم فى معاقلهم الشريعه تجيز هؤلاء قتله ومجرمين الجزاء بالجزاء السن بالسن والعين بالعين والبادى اظلم .ز


ردود على معاويـــــــــــــــــــــــــــــــــــــة
Sudan [nagatabuzaid] 10-31-2014 09:44 PM
والله يا معاوية الشعب يحير عديل خايف من الموت وناسين ان الله قدر لكل اجل كتاب وكان كتب لانسان الموت برصاصة ستصله فى بيته فى اليوم المحدد والساعة المحددة اخرجو يا شعب السودان كفاية


#1138670 [السر]
0.00/5 (0 صوت)

10-31-2014 12:09 PM
قمة المهزلة لاطبا السودان المواطن يضرب والشرطة تضرب دي ياتو بلد دي


#1138657 [hussein musa]
0.00/5 (0 صوت)

10-31-2014 11:55 AM
في العالم كله مافي شرطة بتقتحم المسثشفيات وتعتدي علي الناس...هذه الاجهزة الكرورية الانقاذية من شرطة وامن وجيش لا مكان لها في سودان ما بعد الانقاذ...إنهم حثالة من الساقطين والفاشلين والرباطة ومجهولي الهوية والمرتزقة..كدوا انظروا لخلقهم حتفهموا لماذا انضموا لهذه المسماة أجهزة أمنية00


ردود على hussein musa
Sudan [nagatabuzaid] 10-31-2014 01:39 PM
اكاد اجزم يا حسين ان هؤلاء ليسوا رجال الشرطة السودانية اولاد الناس بمختلف اثنياتهم هؤلاء ملاقيط الكيزان وحثالة دول الجوار وسواقط القبائل الذين جلبوهم للقضاء على السودان والسودانيين


#1138509 [عبدالرحمن]
3.00/5 (2 صوت)

10-31-2014 07:08 AM
ناس الشرطة ديل ماسودانيين مرتزقه ما في شرطة بتعمل كده مع شعبها في المستشفى الجامعة الاسواق الاحيا فعلا مرتزقه


#1138470 [واحد من الناس]
0.00/5 (0 صوت)

10-31-2014 02:55 AM
اطباء
عمال
الشعب
كلو حقو ضائع
زي ما قال المرغني و اول مره يقول حاجه صاح
الشعب لن يصبر اكثر من كده للحكومه و المعارضه


#1138424 [السر]
0.00/5 (0 صوت)

10-30-2014 11:14 PM
بالله لسه في اطباء قاعدين مع الشعب السجمان دة؟؟0اطلعوا برا البلد زملاكم كلهم اتخارجوا
‏_تستاهلو يضربوكم


ردود على السر
Sudan [nagatabuzaid] 10-31-2014 01:42 PM
مش كان احسن تخرس وتتكتم يات السر ومفروض رد سودانى شديد يكون درس ليك ما تنساه طول عمرك

[سودانى شديد] 10-31-2014 03:56 AM
أيوه فى لسه أطباء قاعدين مع الشعب ده و القاعد يصارع يوميا على لقمة عيشه. هؤلاء الأطباء هم منا و نحن منهم و لو كانوا زيك و زى الدكاترة الباقين الأنانيين كانوا مشوا شافوا ليهم حياة مريحة فى حتة تانية و لكنهم فضلوا القيام بواجبهم و مقاومة عصابات الكيزان لحين الخلاص. لمن تقوم الثورة أرجو إنك ما تقوم تنطط و تفتخر بإنك سودانى و تشبكنا ديل أهلى. و إتذكر كويس إن الشعب السودانى ما *****.

United Kingdom [جاوس] 10-31-2014 01:36 AM
مع الحكومة السجمانه قصدك مادفاعا عن الشعب بس الحكومه هي سبب المصائب.48


#1138410 [ashafokhalo]
0.00/5 (0 صوت)

10-30-2014 10:45 PM
القطاع الصحي يثبت للمره الالف عدم المساومه في الحقوق - انشالله دا يكون حافز للاخرين وما ضاع حق وراهو مطالب - خطوه خطوه حتي سقوط النظام


#1138391 [ماتتعالجوا في رويل كير ذي الريس!!البلددي ماحقتكم!!]
0.00/5 (0 صوت)

10-30-2014 10:20 PM
جبرة رايك شنو!!ديل ناس جادين في علاج مواطنينهم!!!!!!!!!!!!!!بيقفلوا في المشافي عشان يبيعوا الاراضي ويشتروا شقق فيها ويقبضوا باقي التمن!!!يسكسكوا بيهوا في الصالات والاعراس!!!!!!!!!!!وفي ماليزيا!!!!!!!والله يوم خابوركم يوموا اسود!!!!!!!!!


ردود على ماتتعالجوا في رويل كير ذي الريس!!البلددي ماحقتكم!!
Sudan [tariq] 10-31-2014 09:32 AM
i like thes


#1138376 [مزمل حاج علي]
4.50/5 (2 صوت)

10-30-2014 10:00 PM
(النقابة ستقوم بكل الاجراءات القانونية التى تحفظ لهم حقوقهم )

حقوقكم يا دكاترة لا تُحفظ الا في نظام ديمقراطي حُر ، يحترم دوركم و مهنتكم الإنسانية وما تقدمونه للوطن
ويمنكم في ظله الاحتجاج والخروج مطالبين دون ان تعتدي عليكم امنجية نظام ديكتاتوري مزعور وفاشل .

الاجراءات التي تودون القيام بها .. شاركوا في العصيان المدني المزمع تنفيذه في ابريل مع انتخابات الخج .


ردود على مزمل حاج علي
Sudan [nagatabuzaid] 10-31-2014 01:59 PM
( حقوقكم يا دكاترة لا تحفظ الا فى نظام ديمقراطى حر ) يا مزمل هؤلاء الدكاترة الابطال المناضلين الشجعان سيدوسون باحذيتهم على النظام الدكتاتورى القذر رغم ان احذيتهم اطهر واشرف من النظام ورموزه وسياتون بالنظام الديمقراطى الحر ولو بعد حين وياخذون حقوقهم وحقوق السودان وارى فى وقوف هؤلاء هذه الوقفة ليس من اجل حقوق مادية بل انتزاع لحقوق انسان السودان اجمع فى ان يعيش فى وطنه كانسان وهم فى وقفتهم هذه يدركون انهم سيواجهون بالامنجية اللقطاء ولماذا ينتظرون ابريل ولماذا ينتظر الشعب السودانى ابريل ؟؟؟؟ انك يا مزمل تدعو الى الخنوع و التملص والانتظار وافساح المجال للدكتاتورية ان تاخذ نفسها وتتمترس حول ترسانة اسلحتها التى كل يوم تظهر لنا عينة جديدة منها ان شاء الله سيولون فرارا ويتركون وراؤهم روائح كريهة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة