الأخبار
أخبار السودان
تدشين خدمة محفظة المغتربين الاستثمارية (عشانكم ) بالأربعاء
تدشين خدمة محفظة المغتربين الاستثمارية (عشانكم ) بالأربعاء


11-01-2014 01:23 PM
الخرطوم (سونا)- يتم تدشين خدمة محفظة المغتربين الاستثمارية (عشانكم ) مساء الأربعاء المقبل بفندق السلام روتانا بحضور عدد من المسؤولين والمغتربين .
أعلن ذلك الاستاذ أيمن ياسين الإمام مدير شركة بيان للاستثمار المالى - مشيرا الي أن الخدمة توجه لاسر المغتربين وهى عبارة عن محفظة مالية تهدف لاستثمار مدخرات المغتربين فى أوراق مالية ذات عوائد مجزية ومضمونة وأن تنميتها تأتى لمقابلة احتياجات اسرهم من خلال استثمارات مضمونة وذات عوائد مجزية .
وعدد أيمن مزايا المحفظة باعتبارها أحد الاستثمارات المضمونة التى تساعد على الادخار وتنمية متطلبات الحياة والتى تتوافق ومباديء الشريعة الاسلامية وتحقق أرباحا وعوائد مميزة خلال فترة الاستثمار الى جانب امكانية السحب خلال الفترةالمحددة اضافة الى انتظامها والتزامها بسداد الارباح كل أربعة أشهر .
وأضاف أنه من مزاياها كذلك امكانية الاضافة والسحب الفورى الى جانب الحصول على كشف حساب دورى عن سير المحفظة ولها ميزة أخرى تتمثل فى السحب والايداع عن طريق الصرافات الآلية كما لها امكانية الدخول لحساب المحفظة والتعرف على أدائها في نفس اللحظة .

وتوقع أيمن أن تبلغ عوائد المحفظة 25% سنويا موضحا بأن المحفظة تتيح لاسر المغتربين امكانية توظيف العوائد والأرباح لتغطية نفقات الاسر ومصروفاتهم التى تتعلق بالتعليم والعلاج والزواج اضافة الى توصيل المصروفات للاسر بالسودان بصورة سلسة الى جانب تقديمها عائدات عالية على عمليات الاستثمار فى الأوراق المالية .






تعليقات 69 | إهداء 0 | زيارات 6078

صفحة 1 من 212>
التعليقات
#1140306 [النورس]
0.00/5 (0 صوت)

11-02-2014 11:00 PM
25 % دي نسبة عالية جدا تفوق معدل سعر الفائدة العالمي اصحو يامغتربين عووووك عووووووووووووووك ده أشرف الريان جديد


#1140212 [حسون]
0.00/5 (0 صوت)

11-02-2014 07:46 PM
دي ماسورة جديدة للمغتربين والصورة توضح ذلك اعملوا حسابكم يا مغتربيين


#1140190 [Basheer]
0.00/5 (0 صوت)

11-02-2014 07:04 PM
تعال ياابراهيم تعال لم اووول لك .. ياعبيط ... تعال بتضيع الفلوووس ياود.... ياود اسمع الكلام ... تعال احفظلك الفلوس بتيضيعها ياود..... ياسبحان الله ناس طلعت من البلد مكوية كوي وقابضة علي الجمر وضحت وتنازلت عن اعز ماتملك لترفع الجوع عن اسرها واهلها وتساعدهم الفي الجامعات والمساكين والعاجزيين والمحتاجيين للعلاج ... لله دركم ايها المغتربيين ... والله لولا الله ثم انتم ايها المغترغبون لكان حال الاهل لايستطيع ان يتخيله احد ذي عقل .... الان كل شيء كمل وقبلوا عليكم.. فعليكم بياسين والبقرة والصافات والدخان .... استعينوا بالله وادعوه ان يشغل الطغاه ويلهيهم عنكم... هؤلاء ماان يروا دولار ولاريال حتي يخروا له ساجدين والعياذ بالله .... النهب والسرقة واكل مال الناس باسم الدين صارت مهنتهم واصبحت لديهم خبرة في ذالك .... يعاينوا في الفيل ويطعنوا في ضلو .... مايحتاجه المغتربون واضح وضوح الشمس الكبيرة دي ومعروووف ولكن نقول شنو في هذا الابتلاء ... ومن اين اتي هؤلاء.....


#1140075 [الــســيــف الــبــتــار]
5.00/5 (1 صوت)

11-02-2014 03:01 PM
أيــمــنـــكـــو فــوركــــس للتداول الشيطانى !!!!!
والــعــاقــبــة فــى الــهــبـــرات ؟


#1140063 [خالد الشيخ]
5.00/5 (1 صوت)

11-02-2014 02:45 PM
دى لو لعبت بيها حريق وبكره ما بتجيب لى 25% امشي ياولد العب بعييييييييييييييييييد كفايه الطفحناهو منكم ومن امثالكم بقيتوا زى التغلب بتاع كتاب المطالعه .....؟


#1140053 [واحد تاني]
5.00/5 (1 صوت)

11-02-2014 02:29 PM
يقصدوا: علشانكم.

بس خريجين ثورة التعليم العالي.
نعمل شنو معاهم.
الطيش في كل حاجة.
حتى في الكلام( مكتوب وشفاهي).


#1140050 [واحد تاني]
5.00/5 (1 صوت)

11-02-2014 02:26 PM
الصحيح: على شانكم.
ما معني عشانكم؟
عشان.com


#1139989 [waiting for godot]
5.00/5 (1 صوت)

11-02-2014 01:15 PM
يفتح الله.


#1139966 [عبدالرحيم وقيع الله]
5.00/5 (2 صوت)

11-02-2014 12:46 PM
طالب احد المعلقين الإفادة حول هذا الخبر المنشور والمنسوب مصدره الى وكالة السودان للأنباء مما يعطى الخبر مصداقية اكبر لكونها الجهة الرسمية المسئولة عن توزيع الاخبار بالسودان

الا انه فات على الوكالة ان تورد نبذة تعريفية عن الشركة وعن سياسات توظيف الأموال في السودان وكان على الوكالة من باب المهنية البحتة في مثل هذه الأخبار الاقتصادية أن تقوم بتذييل الخبر بتصريح صحفي لمسئول ببنك السودان يتعلق بمدى شرعية الشركات العاملة في مجال توظيف الاموال وغيرها من باب الحرص على تكاملية ومهنية الخبر ومن ثم الحصول على تصريح صحفي آخر في ذات الخبر لأي من مسئولي جهاز شئون المغتربين (إدارة الاستثمار مثلاً) قبل الانفراد بنشر مثل هذه الاخبار التي تؤثر على الإقتصاد السوداني لجهة ان فشلها او نجاحها يؤثر تأثيراً مباشراً على السوق الحرة بالبلاد في المدى البعيد او القصير.

ولقد سبق ان اقترحت على جهاز المغتربين وحفاظاً على حقوق المغتربين ولعدم تعرضهم لسياسأت (بيع الحاضر للبادي) المنهي عنها شرعاً ولبناء مصداقية الجهاز وسط المغتربين المنتشرين في بقاع العالم طالبت واقترحت بأن يضع الجهاز يده على كل الاخبار المتعلقة بشئونهم وأحوالهم واعدادهم والخدمات المقدمة اليهم ويحظر على الشركات خاصة شركات توظيف الاموال والشركات العقارية وغيرها نشر اي اخبار تتعلق بتوظيف الاموال والاستثمار الا بأذن رسمي من جهاز المغتربين او بعلم منه وان يلزم أي من تلك الشركات بنشر رقم الترخيص الصادر من الجهاز وترخيص توظيف الأموال الصادر من بنك السودان (او وزارةالمالية) وان يكتب بجانبه رقم هاتف مسئول الاستثمار بالجهاز للتاكد من صحة وجود مثل هذه الشركات وذلك هو الدور الرئيسي الذي يجب ان يقوم الجهاز به وليس توسعة صالات الجهاز وتجهيزها لمزيداً من ذبح المغتربين داخل صالات مكيفة ثم يتركهم بعد الخروج من الجهاز طُعماً لأسماك القرش الكبيرة.

وفي الختام نود من جهاز المغتربين ليس من باب الترويج لمثل هذه الشركات ولكن من باب القيام بدوره المطلوب في حماية المغتربين من الغرر بإيضاح رأيه في مثل هذه الشركات.

وبخلاف ذلك لا نصيحتى لأخواني المغتربين او المقيمين بالسودان بعدم الإستثمار في اي شركات او صناديق او محافظ استثمارية اياً كان نوعها واسمها ما لم يتأكد الشخص بنفسه ويطلع تماماً رأي العين على شهادة السجل التجاري وعقد تأسيس الشركة وقرار مجلس الادارة بالموافقة على طرح المحفظة ووسلامة جميع التراخيص الصادرة للشركة من الجهات الرسمية المختصة (بنك السودان) او وزارة المالية او جهاز المغتربين مثلا وشهادة تأمين الودائع المدفوعة لدى شركات تأمين مضمونةوفوق ذلك كله وهو الأهم عليه الإستفسار عن مدى شرعية المعاملةالتي سيقوم العميل (رب المال) بأبرامها مع الشركة (المضارب) قبل الاستفسار من نسبة الارباح.
والله الموفق
عبدالرحيم وقيع الله


#1139893 [أبو محمد]
5.00/5 (2 صوت)

11-02-2014 11:03 AM
ههههههههههههههههههههههههههههههههه والله انتو ناس عسل قال محفظة مغتربين يعني خلاص قنعتوا من الحسابات الجارية وبقيتو تجروا وراء محفظة المغتربين الفاضية مافيها غير الاقامة ورخصة العربية بعد ما شفطوها يا اوباش يا حوش بالله شوف الناس دي غايته عندها قوة عين مباااااااااااااااااااالغة


#1139859 [الجعلى]
5.00/5 (1 صوت)

11-02-2014 10:33 AM
ههههههههههه هههههههههههههههههههههههههههههههههههههههههههههههههههههههههه


#1139844 [الفاتح الاسد]
5.00/5 (1 صوت)

11-02-2014 10:10 AM
والله يا ashafokolo - مالو اسمك صعب كده_ تعليقك أبلغ تعليق وحقو المغتربين كلهم يتعظوا به والجاتك في ضنبك وفي اضنيك سامحتك ، لكن بس لغاية هنا كفاية لانو المسألة بعد كده حاتجيبليها قطيع حاجات تانية والعياذ بالله ، وكلو واحد يحافظ على لقاليقو من الاسد العجوز ، وقديما قالو الاسد لما يعجز ، ...الغنماية بتلحس....

دي اسمها مأكلة المغتربين وليس محفظة المغتربين


ردود على الفاتح الاسد
[الضكر] 11-02-2014 12:59 PM
بس يا الفاتح اخوي يا الاسد ما تقوم تعجز !!


#1139821 [عبدو]
5.00/5 (3 صوت)

11-02-2014 09:37 AM
زي ما قالوا في المثل :
ريالك في جبيبك
زي الشرى في القندول


ردود على عبدو
[السر موسى] 11-02-2014 11:32 AM
ههههههههههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههه
ههههههههههههههههههههه
هههههههههههههه
ههههههههه
هههه
هه
ه


#1139802 [السنجاوي]
5.00/5 (3 صوت)

11-02-2014 09:20 AM
لا بالله صدقناكم
تلقوها عند الغافل


#1139739 [أبوعبدالله]
5.00/5 (3 صوت)

11-02-2014 08:26 AM
اللهم من أراد بالمغترب خيراً فأجر الخير على يديه ومن اراد بهم سوءاً اونهب أموالهم او ممتلكاتهم فأجعل كيده في نحره واجعل الدائرة عليه واجعله واموله غنيمة للنشالين والحرامية


#1139683 [aldufar]
5.00/5 (1 صوت)

11-02-2014 07:45 AM
من هو الضامن لهذه المحفظة هل الدولة او البنك المركزي السوداني (بنك السودان) لانو عندما تضيع هذه الاموال لمن نشكو ذلك .

لان الافلاس وارد والسرقة واردة ممكن يا الكيزان تسرقوا المدخرات هذه فكيف يمكن استراجاع اموالنا يا ابن يس عمر الامام .

ام ذلك نوع جديد ونصب على المغتربين وليه ما عملتو محفظة لاغنياء السودان والتجار الموجودين بالبلد ما هناك حرامية المؤتمر الوثني اغنى بشر في السودان ومن وآلاهم من الكلاب والمنتفعين من المؤتمر الوثني هذا وأغنى من كل المغتربين المشتتين في كل اصقاع الدنيا ما كان تعمل لهم محفظة يا ود ياسين عمر الامام .

أم فكرتم وفحصتم وجدتم فريسة سهلة المغترب المغلوب على امره الذي هاجر من اجل اسرته واهله وعاوزين تلهفو ما يجمعه بعرقه .

آلا تخافون الله قدموا الضمانات من الضامن لتلك الاموال .


#1139677 [kikia]
4.75/5 (3 صوت)

11-02-2014 07:42 AM
25% فائدة
فى السعودية 1.75%
فى امريكا 1%
فى العالم كله متوسط 1.25%
وين يا بنك السودان
انا مره من المرات خجلت ودسيت راسي بسرعة ضمن اقتصادي
قلت ش بتوزع ارباح 15% فى السودان وحاولت اقناع اجانب
انا نادم علي هذه الكلمة منذ 3 سنوات التي كشفت متي جهلي
بعملي مع مجموعة من المحترفين
حرام البحصل فى السودان كل الدول بتخفض نسب الفائدة
الا السودان بكبر طعم السناره لجذب الفريسة .

يا بلد ما عندك وجيع


#1139675 [د .الزهجان]
5.00/5 (1 صوت)

11-02-2014 07:41 AM
اعوز بالله من الكوز الرجيم ..

مهما تفننتو في الابلسه مرة بالطيبة ومره بالوطنية وطبعا الدين انكشفت ..

وايمن ده ظنيتو من جيل الكيزان التاني المعدل وهذا اشد مكرا من الجيل الاول

لانه تربى وعاش على الحرام منذ الرضاعة ..

محفظة وعشانك .. وانا بقول ليك باسم المغتربيين < الله يدينا ويديك>

الله كريم ..>> حراميه شحادينh


#1139601 [barracuda]
5.00/5 (1 صوت)

11-02-2014 06:21 AM
ارجو من ادارة المغتربين الوقوف الفعلي على احوال المغتربين الحقيقية في بلاد الاغتراب ، لأنه لم يبقى لهم ما يعطوه او يستثمروه.كفى كفى كفى


#1139560 [أبوبسملة]
5.00/5 (2 صوت)

11-02-2014 03:41 AM
ضحكتونا لااكثر عجل الله بزوالكم


#1139538 [مغترب داكس]
5.00/5 (3 صوت)

11-02-2014 01:24 AM
مغتربين آخر زمن أصلو ما فيكم كدة أو عضة اللهم أرحم مغتربين زمان الداكسين .


#1139530 [kmal Abaid]
5.00/5 (1 صوت)

11-02-2014 12:36 AM
اي حاجة فيها اسلامية او شريعة اسلامية معناه لقف حلال ,,,الكيزان دخلو الانتخابات باسم الله وهسي دايرين يسرقوا باسم الله ...بعد ما نهبو ا البلاد قبلوا علي المغتربين....لعنهم الله في الدارين


#1139504 [فكري]
5.00/5 (2 صوت)

11-01-2014 10:55 PM
نصيحة للمغتربين ..
حتي لو صدقتو الكلام دا برضو خسرانين تحويلاتكم حتكون بالعملة الصعبة وأكيد حاتتركوا أمر المصاريف وبعض الاعمال للمحفظة أياها وديل ياسيد بدو بالجنية السوداني الكل يوم ماشي مدنقر لي تحت يعني ال ٢٥% بتاعتم دي لو مشيت بيها الجزارة بتجي أبيض شوفتو الكلام دا كيف كدا كدا إنت رايح فيها ..


#1139487 [كذب كذب]
4.50/5 (4 صوت)

11-01-2014 10:09 PM
((توصيل المصروفات للاسر بالسودان بصورة سلسة))

هنا مربط الفرس. هم عايزين سحب التحويلات من السوق الاسود الى سوقهم بتاع سوقهم هم. ومافي استثمار او خدمات او غير. القصة هي منافسة في التحويلات.
لعنة الله عليكم من البشير والترابي وحتى دا الاسمو ايمن ولا امين والى اصغر خفير ومعرص عندكم.


#1139466 [محمد ود الأبيض]
5.00/5 (4 صوت)

11-01-2014 08:30 PM
السلام عليكم ورحمه الله,,,,,

أنا شخصيا مغترب وماسمعت بالمحفظة دي أبدا أبدا, وماعارفها عاملنها لي شنو!!!!! ولا هي زاته رايحه من ياتو مغترب؟؟؟؟ علي العموم ياكيزان كان تطيروا ولا تصنقروا انا دولار واحد مابحولو عن طريق محفظتكم دي ولا بنوككم التي تدعي الشريعة. سوق اسود وبس.

قال أيه قال محفظة قال!!!!!!!!!!!!! نوع جديد من انواع الاستحواذ علي أموال المغتربين.


#1139462 [Dokom]
5.00/5 (2 صوت)

11-01-2014 08:22 PM
يجب إعادة صياغتكم يا مغتربين بقيتو مفتحييييين أكتر مما يلزم.


#1139460 [shah]
4.00/5 (3 صوت)

11-01-2014 08:17 PM
هههههههههههههههههههههههههههههههههههههاى ... لي زمن ما ضحكت.


#1139449 [ضيف جديد]
5.00/5 (2 صوت)

11-01-2014 07:48 PM
قريت الموضوع

أول حاجة لفتت نطري اسم الولد دا !!!

ومما أخفى إسم أبوهو منكم عشان ما تقولوا إنه من الجماعة إياهم

أول حاجة فكرت فيها أقول ليكم يا جماعة أعملوا حســـــــــــابكم!!!

مشيت بعدها للتعليقات

حمدت الله على أني لقينكم كلكم "مفتّحين !!!

يا ربي كلكم ملدوغين ؟؟؟


#1139441 [ود أب زهانة]
5.00/5 (2 صوت)

11-01-2014 07:16 PM
اسمع ياود ياسين عمر الامام اذا بتدوني ال25% مقدم كل سنه ممكن افكر ادخل المليارات بتاعتي


#1139436 [مهيره محمد أحمد]
4.50/5 (4 صوت)

11-01-2014 07:13 PM
ههه ههه مديرها منو؟؟؟؟
ود ياسين عمر الإمام كوز ابن كوز


#1139416 [TARIG AMMAN]
5.00/5 (5 صوت)

11-01-2014 06:08 PM
استثمارات مضمونةبعائد 25%... معقولة ...هاذا ضد علم الاقتصاد اللى درسونا ليهو ...العلاقة ما بين العائد و المخاطرة علاقة طردية كلما ارتفع العائد ارتفعت المخاطر و كلما قلت المخاطر انخفض العائد ...كل اسواق المال فى العالم مبنية على هذه النظرية ...يجيوا جرابيع السودان و يفولوا لينا عوائد مضمونة .... حرامية اولاد حرامية ...و غير كده اسواق المال فى العالم كله متجهة نحو الشفافية الكاملةفى اعلان انواع و اشكال الاستثمارات Full Disclosures .... تجوا انتوا قى السودان بكلام عائم عايزين تبيعوا لينا الهواء ... احترمونا شوية .... وش هو نوع الاستثمار اللى موجود فى السودان و بيحقق عائد اعلى من 25% ...هاذا باعتبار ان الشركة دى حتدى المعترب 25% و لازم تتطلع فائدتها ..يعنى الاستثمار لازم يعطى اكثر من 30% ... و بما ان السودان محاصر اقتصاديا و لا يستطيع التعامل مع البنوك و المؤسسات المالية الاجنبية و بالتالى لا تستطيع شركات المال السودانية ان تدخل اسواق الخيارات options .. لان اسواق الخيارات ارباحها بتكون عالية نوعا ما و لكن مخاطرها ايضا عالية جدا ... بهذا سيكون الاستثمار داخل السودان ...و بما ان الحالة الاقتصادية فى تراجع مستمر و الحالة السياسية فى السودان غير مستقرة ..يصبح تحقيق اى عائد استثمارى فى هاذا المناخ من سابع المستحيلات ... و غير هاذا كذذب و افتراء و سرقة فى وضح النهار .

ناس لا تختشى من سرقة اموال الناس ... و يقول بطريقة اسلامية ...الاسلام منكم براء ... النظام المالى يقول يتحمل كلا الطرفين الربح و الخسارة و انتم محددين نسبة العائد و لم تحددوا نسبة الربح الكلى و كذلك لم تحدد العائد الكلى على الاستثمار ..هاذا الاستثمار المخفى ...

ارجوكم اللى عنده ايميل المدعو ايمن هاذا يرسله لى لعلى استطيع ان ابين له ان سرقة الناس تعد من الموبقات.


#1139409 [nasir radi]
5.00/5 (2 صوت)

11-01-2014 05:49 PM
الصورة تمام التمام وتعني مصير الاشتراكات ولا يلدغ المؤمن من جحر مرتين والمغتربين لدغوا مئات المرات


#1139406 [ابوفارس]
5.00/5 (3 صوت)

11-01-2014 05:33 PM
والله هي فعلا ( عشانكم ) .. وعشان كده نحننا بنقول ليك .. عشان خاطرنا تقنع ..,,


#1139399 [ود الركابي]
5.00/5 (2 صوت)

11-01-2014 05:18 PM
ود الفار حفار ..


#1139397 [ابزرد]
5.00/5 (2 صوت)

11-01-2014 05:17 PM
تصويب المحفظه اسمها غشاكم وليس عشانكم


#1139396 [[email protected]]
5.00/5 (2 صوت)

11-01-2014 04:59 PM
حرررررررررررمية


#1139384 [ادم]
4.50/5 (2 صوت)

11-01-2014 04:39 PM
انا غابتو قريشاتى كلها بديها لى ناس غسيل الاموال لامن اخوانا فى الراكوبة يجيبولينا

شمارات الموضوع دا. عشان أنا اتغشيت قبل كدا


#1139369 [سيد الكارو]
5.00/5 (2 صوت)

11-01-2014 04:04 PM
الأبالسه قرروا يسفوابقية لعاب المغتربين
إقتباس *
والتى تتوافق ومباديء الشريعة الاسلامية

.....

يعني بس الحمدلله ،، الاسلام ده عاوزين تدخلوا في أي سرقه حقتكم ،، الابالسه لن يهدأ لهم بال حتي يسفوا فلوس المغتربين ،، ايها المغتربين كلموا غيركم ،، مافي واحد يسنع كلام الحراميه ديل


#1139367 [زعلان من الكيزان 25 سنة]
5.00/5 (2 صوت)

11-01-2014 04:01 PM
الناس ديل فلسو وانتهو من الاقتصاد في السودان دايرين ياكلو المغتربين كمان ؟؟

السودانين كلهم عايشين بالمغتربين
اوعكم تنخدعو يا مغتربين


#1139366 [عادل احمد]
5.00/5 (3 صوت)

11-01-2014 03:59 PM
الاخوة الكرام : الحذر الحذر الحذر .
( =ي شلة بتاعة حرامية المحترفين ناس المؤتمر الوطني والانقاذ ) . اعملوا حسابكم .
خليهم يستثمروا قروش ناس المؤتمر الوطني والانقاذ السرقوها من الشعب


#1139362 [ابومحمد]
5.00/5 (2 صوت)

11-01-2014 03:56 PM
ههههههه من قلتوا فندق السلام روتانا من اولها كده معناها عملية نصب ونشل ,, أحترسوا أيها الغائبون ( أقصد المغتربون )


#1139360 [عوض سعيد]
5.00/5 (5 صوت)

11-01-2014 03:54 PM
تحذير للمغترب ديل خانوا الله و رسوله يعنى خيانتك انت كتيرة عليهم


#1139355 [أمة الامجاد]
5.00/5 (3 صوت)

11-01-2014 03:38 PM
هههههههههههههههههههههههههههههههههههههههههههههههههههههههههههههههههههههههههه
بنى كوز ديل اظنو جنو
كل واحد عمل ليه نشله للمغتربين
مع انو المغتربين ناقشين كل حاجه
خليكم فى انتخاباتكم الممجوجه وبعدين امشوا للمغتربين الكانوا داقسين
الآن فتحححححححححححححححححححححححححححححححححححححححححححححححححححححححححححوا


#1139354 [Awad]
5.00/5 (2 صوت)

11-01-2014 03:37 PM
أفرحوا أنتو يامغتربين....... والله قال أستثمار دى نوع جديد لنج من السرقة.نحن أموالنا بنعرف نوصلها لأهلينا ونعرف نستثمرها فكتر خيركم شوفوا ليكم داغسين تانين.


#1139353 [ربش]
5.00/5 (3 صوت)

11-01-2014 03:35 PM
ياخي تخ !!!!!!!


#1139347 [ســــارى اللـــيــــل]
4.75/5 (4 صوت)

11-01-2014 03:30 PM
نجاح يايه نجاح مشروع سندس الزراعى و تمليك شقق واراضى درجة الى و بمزايا و مخصصات و تخطيط على احدث نكط شوارع مدارس مساجد رياض اطفال و مساحات خضراء و منتزهات و انارة و ماء ويطلع حبر على ورق و تبحث عنارضك تجدها فى الواغ الواغ ؟
ودا اخر ما فى جعبتكم يا اخوان الشواطين ايمن ولد ياستين عمر الامام كمان ؟
العبوا غيرها و محفظتنا شديدين عليها و ما بنفرط فيها تب ....


#1139345 [حميد]
5.00/5 (2 صوت)

11-01-2014 03:29 PM
تمام ياحاج ماجد سوار ولكن المحفظة دي بتاجرو بيها شنو مخدرات وحبوب صطلة اقصد خرشها ونشاركم في تجارة المخدرات والله عوجة محفظة تجار المخدرات والاسلاحة


#1139343 [المهندس سلمان إسماعيل بخيت على]
5.00/5 (2 صوت)

11-01-2014 03:23 PM
الاستاذ أيمن ياسين الإمام مدير شركة بيان للاستثمار المالى
دا كوز وأكيد إبن يس عمر الأمام
لكنه مكسوف يكتب إسمه بالكامل
وأنت يا أيمن الجابك شنو مع الحكومة ليه ما مشيت مع الناس الشعبى زى ابوك عليه الرحمة
أم تفضل الشطر المليان لبن
شوف يا إبنى كلامك ( مشيرا الي أن الخدمة توجه لاسر المغتربين وهى عبارة عن محفظة مالية تهدف لاستثمار مدخرات المغتربين فى أوراق مالية ذات عوائد مجزية ومضمونة وأن تنميتها تأتى لمقابلة احتياجات اسرهم من خلال استثمارات مضمونة وذات عوائد مجزية )
هو فى زول لقى قروش غلبه يوظفها أو يحفظها
أوراق مالية زى شهامة أم زى أستثمارات المغتربين مع سندس
الضايق عضت الدبيب يخاف من مجر الحبل وإنتو أكلتو مال الحجاج مافى زول بيثق فيكم
حاجة مهمة الإغتراب لم يعد إغتراب السبعينيات والثمانينيات نحن يا دوب ناس فول وتميس
بعدين أسر شنو فى السودان
عارف يا سيد أيمن لو عندك زوجه وثلاثة من الأبناء فى السودان على أقل تقدير محتاجين لمبلغ ألأف دولار شهريا ( 3750 ريال ) دا بدون منصرفات علاج وتعليم وأى حالة طارئه وانت هنا لوحدك تحتاج لألف ريال الى 1500 كاقل تقدير غير الأيجار
لو جبتهم معاك مثلا فى السعودية تدى أم العيال 2500 ريال ممكن تدبر ليك مأكل ومشرب الأسرة كلها وتوفر الكتير
شايفكم الأيام دى مركزين على المغتربين وقبل شوية كان فى زملاء ليك يتحدثوا عن مشروع تقوده شركة تأمين إسلامية بتاعت كيزان برضو قريب من كلامك دا
اولا البلد كلها مافيها علاج والدواء فى الصيدليات السودانية تم جلبه ونسبة المادة المعالجة لا تزيد عن 5% - أنا زوجتى أشترت حبوب ضغط من صيدلية فى الخرطوم بثلاثة جنيه بس قلت ليها ارميها مشيت جبت ليها كوزار من صيدلية الحبيب الصندوق بمائة ريال سعودى
ياخى أختونا وخلونا ندبر أمور أسرنا برانا نحن بقينا عضم وكركبنا ما فينا عضه خلاص خلصتم على بترول الجنوب ودمرتم المشاريع الزراعية جيتوا جاريين على المغتربين والله المغتربين تعال شوفهم فى مطعم موسى بالناصرية واقفين بالصف للكسرة بالمفروكة والقراصة بالتقلية يوفروها ويجوا يستثمروها عند الكيزان البياكلوا فطور الحجاج - تشموها بصله زى مابقول المثل السودانى


ردود على المهندس سلمان إسماعيل بخيت على
[ashafokhalo] 11-01-2014 07:49 PM
يا باشمهندس دي زكرتني قصه الاسد العجوز البقي ماب يقدر يصيد
- اتفق مع الثعلب يقنع الحمار ويجيبو قريب ليهوا بحيث يستطيع القبض عليه بقليل من المجهود
- الثعلب اقنع الحمار بان الاسد العجوز قرر يدي ملك الغابه للحمار
- الحمار صدق ولما قرب للاسد نط عليهو ولكن - لانوا عجوز - الحمار فلت بعد ان فقد ضنبو
- الثعلب اقنع الحمار بان الاسد قرر يقطع ضنب الحمار عشان الضنب ما يضايق الحمار عند الجلوس علي العرش والحمار - لانو حمار - صدق ورجع للاسد
- تاني الاسد فشل في القضا علي الحمار وقطع اضنيهوا وتاااني الثعلب اقنع الحمار انوا الاسد قطع اضنيهوا عشان يلبس التاج بدون مشكله

يا استاذ أيمن ياسين الإمام يا مدير شركة بيان للاستثمار المالى ما ظن تلقالك حمار وسطنا وقروشنا البنحوش فيها بالعرق والكد في غربه لا ترحم يسمك فيها وكان تشوفلك درهم واحد تشوف قعر اضانك

Saudi Arabia [AKRAM] 11-01-2014 05:35 PM
كلامك صاح ... مية المية


#1139340 [//ahmed//]
5.00/5 (1 صوت)

11-01-2014 03:22 PM
بالله لسه انتو مصدقين انفسكم انكم بتعملو لصالح المغترب ؟! يعنى حبكتوا الكذبة وصدقتم انفسكم وعايزين الاخرين يصدقكوكم ... تعرفون لما يفقد المواطن الثقة فى حكومة بلاده ، ماذا يفعل ؟؟


#1139330 [عــاى]
5.00/5 (3 صوت)

11-01-2014 02:51 PM
على المسئوليين معرفة اوضاع المغتربين فالغالبيه العظمى منهم اصبحوا لا يستطيعوا الإيفاء بالتزاماتهم و نسوا مسألة التوفير

و من يملك مدخرات يعرفوا مدى خطورة الإستثمار فى السودان
المغتربين يعرفوا ان القائمين على امرنا مجموعة نصابين و مشروع سندس خير شاهد
الى الان المغتربين لم يستفيقو من صدمة اراضى الوادى الاخطل و ليس الاخضر

عليكم اله خلونا فى حالنا


#1139326 [M.khiery]
5.00/5 (1 صوت)

11-01-2014 02:45 PM
وبعد شهر من الآن، نسمع أن محفظة الغتربين بلغ رصيدها ثلاثة مليار دولار! وبعد سنة، سلامتكم! الصورة أبلغ من التعليق.


#1139322 [ابو نضال]
5.00/5 (2 صوت)

11-01-2014 02:38 PM
الرجاء من اقتصاديي الراكوبة اكرر اقتصاديي الراكوبة ... يفيدونا عن مدى مصداقية هذه الجهة وهل لديها اي صله من قريب اوبعيد بالجماعة اياهم؟ وماهي جدوى الدخول في هذا المشروع؟ وهل هو شبيه بماسورة شهامة ومثيلاتها؟ لا يلدغ المومن مرتين من جحر!!!!! والملدوغ بيخاف من مجر الحبل!!!!


ردود على ابو نضال
Qatar [الحازمي] 11-01-2014 07:48 PM
الجدوى الاقتصادية يا عزيزي هى "الجاتك في مالك سامحتك"
و المشروع مثله مثل "سندس الزراعي" كان داير تستثمر

Saudi Arabia [//ahmed//] 11-01-2014 05:09 PM
المهندس سليمان .. أنت جبتها من الآخير ( مشروع صهيونى محكر) يبلغ إنت وعائلتك و تبقى فى النهاية شحاد عندهم ...

[حميد] 11-01-2014 03:31 PM
ابو نضال دي ماعوزة ناس الراكوبة دي واضحه وضوح الشمس الناس ديل عاوزين يتاجرو بمخدرات والاسلحة عشان المغترب يشاركهم في الذنب ؟؟؟؟؟؟؟؟؟؟؟؟؟؟؟

Saudi Arabia [المهندس سلمان إسماعيل بخيت على] 11-01-2014 03:31 PM
دى بس أوسع شوية من ماسورة شهامة حيث فى مقدورها أنت تبلعك كلك
والزول دا ولد يس عمر الأمام بتاع الكيزان وشوف حذف عمر من أيمن يس عمر الأمام وخلاها ايمن يس الأمام كان يقول الى الأمام
روووح وبكره نلقاك عامل حوض سبحان وكرسيى بلاج وراقد زى شيخك الصافى جعفر بتاع سندس
ديل اكلوا فطور الحجاج وبيفتشوا على ناقة نبي الله صالح عشان ياكلوها
الكيزان زاتهم بقوا يخافوا من الكيزان
والكيزان بكره حيقاتلوا الكيزان
شايفين كيزان المؤتمر باعوا كيزان مصر وأمس باعوا كيزان ليبيا وما أن ذهب البشير لمصر حتى بدأت قوات حفتر تتقدم وبالأمس خلصوا نهائيا على بنى غازى
وبكره حتشوفوا الحرب تحولت بين الأخوان فى غرف نومهم
والشعب السودانى كله صلاح من يضر به لن يسلم


#1139321 [السنجاوي]
4.00/5 (3 صوت)

11-01-2014 02:34 PM
العبوا غيرها ودي تلقوها عند الغافل


#1139317 [المنفصل]
4.50/5 (4 صوت)

11-01-2014 02:26 PM
عشانكم دي حلوة كيف - ذكرتني ايام المدرسة و سندوشات الطعمية بصلطةالدكوةعند حاجة مكة الواحد كان بيعملوا محفظة مخصوص عشان حق السندوش يحشش بيهو قبل ما يفكو و يقهقه مع الشطة لامن يدمع (نظام راجل) - والله جنس مواسير في الخرطوم سينما.


#1139316 [العاقل]
4.50/5 (3 صوت)

11-01-2014 02:24 PM
هل أيمن ياسين الامام ده هو ابن ياسين عمر الامام عضو المؤتمر الوطني أولاً والمؤتمر الشعبي لاحقاً؟ يجب أن نعرف المسؤولين عن هذه الشركة أولاً حتى يتسنى للجميع شراء الاسهم من عدمه.


#1139315 [تينا]
4.50/5 (4 صوت)

11-01-2014 02:23 PM
(((اضافة الى توصيل المصروفات للأسر بالسودان بصورة سلسة))) انتوا مانصيحين ولا دايرين تخمونا كعادتكم وفاكرننا ما عندنا طرق (((سلسة))) غيركم بنرسل بيها لأهلنا؟ لا شكرا شوفوا غيرا!


#1139313 [أنصاري]
4.50/5 (3 صوت)

11-01-2014 02:22 PM
طريقة شيطانية لسرقة ما تبقى للمغتربين من مال!!؟؟ .. بدلاً من عمل محفظة لموظفي مكتب الوالي..!!! البنهب فيهم الملازم بالمليارات المرزمة والمحزمة..

يتم الإحتيال على المغتربين المنهكين..ضرائب وزكاة وسوم ومعلوم.." عصابة حرامية.. وكمان بتنسب عملها (للشريعة الإسلامية) وأرباح بنسبة 25% (سرقة مقدسة) و(سندس) خضر مستبرقة أخرى عجب عجاب..!!؟


#1139310 [كاكوم]
5.00/5 (2 صوت)

11-01-2014 02:17 PM
احححححححححح... لايلدغ المؤمن منا الجحر مرتين


#1139308 [غاندي محمود]
5.00/5 (4 صوت)

11-01-2014 02:12 PM
غايتو يا ناس الراكوبة ما قصرتو مع المغتربين نصحتوهم بالصورة الفوق دي

و اللبيب بالإشارة يفهم


قال عشانكم قال


#1139307 [نور الدين محمد عوض]
5.00/5 (2 صوت)

11-01-2014 02:11 PM
ههههههههههههـ

الثلعب قال حرسوني جداد الحلة

تلقوها عند الغافل ياكيزان يا آكلي مالي السُحت

يعني المغتربين ديل أغبياء لدرجة ما عارفين يستثمروا أموالهم



خدمات المحتوى


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة