الأخبار
منوعات سودانية
قرقوري : تم تسميتي بـ «قرقوري» على القراقير «المورداب».
قرقوري : تم تسميتي بـ «قرقوري» على القراقير «المورداب».
قرقوري : تم تسميتي بـ «قرقوري» على القراقير «المورداب».


11-03-2014 09:31 PM


الخرطوم :صفاء يس

نتعرف عليك:-

ـ أنا grgoriمن مواليد الكويت رجعت في التسعينيات أكملت دراستي في السودان، ودرست في جامعة أم درمان الأهلية.

وأنا من القطينة ولكني أمدرماني بحت لأن اجدادي وابوي من مواليد أم درمان.



أسم قرقوري جاء من وين:-

ـ أنا كنت من ناشئي الهلال وعندي ميول للموردة، وفي يوم كانت هناك مباراة بين الهلال والموردة، والموردة سجلت هدفاً فرحت به «قمت أنطط» وأنا لابس شعار الهلال.. وفي اليوم التالي تم رفدي من الفريق، وبعد رجوعي بعد تحانيس تم تسميتي بـ «قرقوري» على القراقير «المورداب».

البدايات:-

ـ من كنت صغير بحب أغني لأن الغربة أثرت علي، وكان معي مجموعة من الاهل.. وكان استماعي للأغاني القديمة، مما جعلني أكون حافظاً ومستمعاً جيداً.. ومن ثم عدت الى السودان، وكنت حافظاً لكل أغاني الفنان شرحبيل أحمد عن ظهر قلب.. وشاركت في الدورات المدرسية ومن هنا عرفت اأني حاكون فنان.

مطربون تأثرت بهم؟-

ـ لم يكن لدي فنان معين لأنني بستمع لكل الفنانين وبعتبرهم أساتذة.. لأنني بأخذ أجمل حاجة من كل فنان.

مع من تعاملت من الشعراء والملحنين:-

ـ اتعاملت مع العديد من الشعراء والملحنين، كان تعاملاً جيداً وأيضاً تعاملت مع شعراء شباب.

مشاركات ثنائية «دوتيو» مع من كانت:-

ـ شاركت مرة واحدة فقط مع الفنانة قسمة في أغنية «دلعك وذوقك» وهناك دويتو قريباً.

النقلة من الأغاني الحديثة الى الشعبية:-

ـ أنا لم انتقل تماماً للغناء الحديث، ولكن أنا أصلاً لدي الميول للغناء الشعبي كنت انتظر فرصته، وكانت بأغنية «ما بسألك» ولم اتردد في اختيارها كأغنية شعبية وهي التي دعمتني.

بعض الناس قالوا أعمالك هابطة:-

ـ الشايف انو اعمالي هابطة.. ما يسمعني، وانا ما شايف انها هابطة ابداً ابداً.. والناس دايماً بتخلي الحاجة الحلوة بتحاول تنتظر منك غلطة، ولدي العديد من أغاني الاستماع كل أنواع الغناء «الببكي والبضحك».

لماذا قرقوري قليل الإطلالة على الفضائيات..؟؟

ـ أنا اتعمد تكون إطلالتي قليلة وزي ما بقولو «كثرت الطلة بتمسخ خلق الله»، وأنا أرى إطلالتي لا بد أن تكون قليلة «عشان الجمهور يشتاق لي».

هل يشاهد قرقوري الفضائيات السودانية..

ـ للأسف لا أشاهد أي قناة سودانية.. لأنه ما عندي وقت أصلاً، ويومي مقسم على البروفات والراحة من التعب، وباقي الوقت يكون مع أهلي واخواني.

شنو تاني بعد «كلام واتساب»...؟؟

ـ أنا أصلاً كنت عامل بعد (كلام واتساب) عدة أغاني لكن كلام واتساب عملت ضجة، وحبيب أوصل فكرة والحمد لله لقت نجاحاً كبيراً.

هل هناك مساحة لممارسة الرياضة..؟؟

ـ أكيد.. لدي مساحة للرياضة زي السباحة ولعب الكورة والتاكندو وبحب الرياضة جداً وممارستها.

أعمال جديدة..؟؟

ـ دوتيو قريب مع الفنان شكر الله، كما يوجد فيديو كليب اقوم بتحضيره وتصويره في سنغافورة سيكون بعنوان «مسافة السكة».

آخر لحظة


تعليقات 5 | إهداء 0 | زيارات 4374

التعليقات
#1141699 [أبو سارة]
5.00/5 (2 صوت)

11-04-2014 01:28 PM
ياخ قوم لف - الله يقرقر راسك الأصلو فاضي ومقرقر . قـــرف


#1141419 [المهترش]
0.00/5 (0 صوت)

11-04-2014 08:54 AM
ي


#1141323 [الكنزي]
5.00/5 (1 صوت)

11-04-2014 07:48 AM
هاك سنغاااافورة دي .. يصورو في ماليزيا و يجو يقولو ليك صينغااافورة


#1141182 [عبد الرحيم عباس]
5.00/5 (2 صوت)

11-04-2014 05:18 AM
بس انت فرفورى وبتحاول تقلده فى كل شئ


#1141081 [رانيا]
5.00/5 (2 صوت)

11-03-2014 10:02 PM
حتى أنت يا قرقوري عامل غرة صلاة!! عجبت لك يا زمن .
تعجبني أغنية القلته ليك أنساه ما تسوي ليهو حساب والله كله كضب ونسة
وكلام واتساب هههه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.00/10 (2 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة