الأخبار
أخبار إقليمية
سلفاكير يسقط على سلم الطائرة ويضطر للمبيت في الخرطوم.. وتكهنات بوجود ايادي خفية
سلفاكير يسقط على سلم الطائرة ويضطر للمبيت في الخرطوم.. وتكهنات بوجود ايادي خفية


سفير الخرطوم بجوبا ارجع الحادثة لعطل فني بالطائرة الكينية
11-04-2014 09:01 PM
الراكوبة - الخرطوم مدد سلفاكير ميارديت رئيس دولة جنوب السودان زيارته الى الخرطوم ليوم كامل، بعد ان كان مقررا لها ساعات فقط، وذلك بعد سقوطه المفاجئ اثناء صعوده سلم الطائرة متجها الى جوبا.

وراجت احاديث كثيفة حول القرار المفاجئ الذي اعقب حادثة سقوط سلفاكير، لكن سفير الخرطوم لدى جوبا مطرف صديق ارجع قرار مبيت سلفاكير بالخرطوم الى عطل فني في الطائرة الكينية، التي اقلت رئيس دول الجنوب في زيارته الى السودان.

وقامت الاجهزة الامنية، بمصادرة كاميرات القنوات الفضائية التي صورت لحظة سقوط سلفاكير من على سلم الطائرة، وامرت المصورين بمسح تلك الصور فورا، قبل ان تطالب الصحفيين الذين حضروا لحظة السقوط بعدم نشر الواقعة في صحفهم.

لكن سرعان ما انتشر الخبر في مواقع التواصل الاجتماعي، انتشار النار في الهشيم، وتخلل ذلك تفسيرات وتخمينات وتكهنات تشير الى ان سقوط سلفاكير ربما يكون بسبب علة مرضية مفاجئة، بينما نحت تحيلات اخرى الى ان الرجل ربما يكون قد تعرض لمحاولة تسمم، لكن مطرف صديق تمسك بان بقاء سلفاكير في الخرطوم جاء بسببب عطب فني في الطائرة الكينية.

وتلقت الاوساط السياسية والاعلامية في جوبا خبر سقوط سلفاكير بمزيد من الحيرة والاستغراب، وضجت مواقع التواصل الاجتماعي بتكهنات كثيرة فتحت الباب امام كل الاحتمالات. وشكك مدونون من دولة جنوب السودان في حادثة سقوط سلفاكير وقالوا انه لم يكن يعاني من علة مرضية، خصوصا ان الحادثة اعادت الى الاذهان واقعة تحطم طائرة الراحل جون قرنق في ضاحية نيو سايد بجنوب السودان بعد زيارته الى يوغندا، وهي الحادثة التي انهت حياته بصورة مثيرة لا يزال جزء من تفاصيلها طي الكتمان.

وكان رئيس دولة جنوب السودان سلفاكير ميارديت قد ابتدر زيارة خاطفة ال الخرطوم التي وصلها في الساعة الحادية عشر، قبل ان يدخل فور وصوله في مباحثات تتصل بالقضايا العالقة بين البلدين، وخصوصا الملفات الامنية الخاصة بالخيار الصفري. وهي الزيارة الرابعة للرجل الى الخرطوم بعد الانفصال.

ووجد سلفاكير نفسه مضطرا للمبيت في الخرطوم، بعد حادثة سقوطه من على سلم الطائرة، وبعد ما قال مطرف صديق انه عطل فني في الطائرة. ورحج مراقبون ان يكون مكوث رئيس دولة جنوب السودان بالخرطوم الى يوم غد الاربعاء ناتج عن عدم تمكن الطائرة من الهبوط ليلا في مطار جوبا.

ومن المحتمل ان تقلع طائرة الرئيس سلفاكير – ما تحدث تطورات جديدة - الى القاهرة غدا، ومنها الى اديس ابابا للمشاركة في المحادثات الجارية بينه وغريمه رياك مشار.


تعليقات 57 | إهداء 0 | زيارات 42631

التعليقات
#1142983 [سكران لط]
0.00/5 (0 صوت)

11-05-2014 11:10 PM
والله يا سوادنة بقيتو مجنترين زي حكامكم ! معقول؟ عادي اي زول ممكن يتعتر ويسقط والا عشان رئيس نفيتو منو صفة الضعف البشرى؟ الزول القال بكون تقل في الكاسات اوع زول .


#1142844 [ابو سبعة]
5.00/5 (1 صوت)

11-05-2014 06:24 PM
شغل دا سمح؟؟؟ اديني تاني شوية؟؟؟؟ دا هو سبب الوقعة؟؟؟؟
شغل دا سمح؟؟؟ اديني تاني شوية؟؟؟؟ دا هو سبب الوقعة؟؟؟؟
شغل دا سمح؟؟؟ اديني تاني شوية؟؟؟؟ دا هو سبب الوقعة؟؟؟؟
شغل دا سمح؟؟؟ اديني تاني شوية؟؟؟؟ دا هو سبب الوقعة؟؟؟؟


#1142825 [ود الركابي]
5.00/5 (1 صوت)

11-05-2014 05:46 PM
ممكن المضيفة المتخلفة اكلت ليها موزه ورمت القشر بره الطياره ..


#1142691 [أبو أمجد عبدالله]
0.00/5 (0 صوت)

11-05-2014 03:07 PM
سلفا انه حاكم عادل لا يحب ظلم حتى لغير شعبه مادام يقطن اراضيه فظهر ذلك جليا عندما طلب نظيره هذا بطرد ابناء دافور المستثمرمين بجوبا فرفض بكل شجاعة بينما قوات مشار ارتكبت ابشع مجازر ضد المستثمرين فشتان ما بينهما فسلفا كير أفهم من مشار و غيره


#1142686 [حلفانكيل]
1.00/5 (1 صوت)

11-05-2014 03:01 PM
ماذا يريدون مننا اخوتنا بالجنوب تاره يصفوننا قتلنا قرنق ويولعو الخرطوم في حين انو الطائرة يوغندية ووقعت فى الجنوب وما علاقة الشمال فى الحادث وتارة يتهموننا بانا سممنا سلفا طيب لو عايزين نسممو كان سممناهو في الخرطوم شافيننا عورة للدرجة دى كان صفيناهو فة اديس زي ما كنا عايزين نعمل للطاغية مبارك .
احب اقول للاخوة الجنوبيين اننا نحبكم وعيب تعضو اليد البتتمدا عشان تسلم عليكم .


ردود على حلفانكيل
[Majok] 11-06-2014 05:35 PM
مادام تعترفون بمحاولة اقتتال حسني مبارك فما المستبعد في مقتل الدكتور جون قرنق وللتأكيد اسأل المدعو عبدالسلام آدم كان في الأولي وشارك في الثانية يا حلفانكيل


#1142685 [Majour]
5.00/5 (1 صوت)

11-05-2014 03:00 PM
لقد الهبوا ظهورنا بهذه العصي.


#1142649 [احمد محمدزين]
4.50/5 (3 صوت)

11-05-2014 02:31 PM
عدوي مرض الركب وعقبال الباقيين


#1142623 [عصام]
3.94/5 (8 صوت)

11-05-2014 02:10 PM
يا جماعة أصل الحكاية: في واحدة من المضيفات دفقت ملاح ويكة في سلم الطيارة.


#1142575 [همت]
4.50/5 (8 صوت)

11-05-2014 01:33 PM
سلفاكير كان سكران! رئيس ينوي مقابلة البشير وكيزانه معقول ما يجي سكران؟


ردود على همت
Sudan [همت] 11-09-2014 07:34 PM
شكراً كتير يا "المصير"

Saudi Arabia [المصير] 11-05-2014 04:17 PM
ههههههههههههههههههههههه... والله كلامك سليم..
انت بهجة والله
هههههههههه


#1142571 [محمد فضل السيد]
3.00/5 (2 صوت)

11-05-2014 01:29 PM
وفيها شنو ما يقع ويركبوا ليهو ركبة زي صاحبه ....


#1142566 [عبدالله جني]
5.00/5 (1 صوت)

11-05-2014 01:24 PM
يعني السودان شماله وجنوبه سقطوا إلى اسفل السافلين وشعبه يتفرج وعاملين شمار ومرقه لموضوع سلفا


#1142557 [الدليل]
0.00/5 (0 صوت)

11-05-2014 01:12 PM
ستار يا رب


#1142554 [الثائر حتى النصر]
5.00/5 (1 صوت)

11-05-2014 01:08 PM
الاخ سايمون دينق كلامك في محله ( ودعني اذكرك سيدي الرئيس سلفا !! انت متهم ايضا من قبل البشير بدعم الحركة الشعبية قطاع الشمال وكل الحركات التي تقاتل الخرطوم اي انه مهما اتفقت انت والبشير فأعلم ان اتفاقيتكما لم تبارح المكان الذي كنتمافيه جلوسا ) حقيقة ...وصحيح 100% ولكن لقد كانت نيفاشا نتيجة لجلوس سلفا والبشير وأفضى أجتماعهما الي انفصال فلا خير في جلوسهما سواء في نيفاشا أو أديس أو جوبا أو الخرطوم والحرب في البلدين تدمر المواطنين وما معنى الحرب في الجنوب بعد اتفاق السلام وما معنى استمرار الحرب في بقية أجزاء السودان دارفور وكردفان والنيل الازرق؟ فلماذا كان اتفاق السلام بنيفاشا هل كان فقط من أجل الفصل بين الشمال والجنوب وتظل الحرب تشتعل ووقودها المواطن السوداني .. لابد من ثورة عارمة ليكون السودان الجديد كما يتطلع اليه كل السودانيين ... ولكن متى تتحقق إرادة الشعب السوداني والسودان الجديد.


ردود على الثائر حتى النصر
Sudan [nagatabuzaid] 11-05-2014 08:24 PM
تعليقك والكريم سايمون الواقع المعاش واجمل ما فى تعليقك ( لابد من ثورة عارمة )


#1142548 [ابوعديلة المندهش]
5.00/5 (3 صوت)

11-05-2014 12:58 PM
هل بلغت بنا الهيافة لهذا الحد؟وحكومة تافهة تريد ان تغطى ضوء الشمس بأصبعها وذلك حين تريد ان تمنع المصورين والمراسلين الصحفيين من بث وارسال سقوط الرئيس سلفا كير فى سلم الطائرة.كثير من الرؤساء والمسئولين يحدث لهم هذا ولا تقوم الدنيا ولا تقعد مثلما يحدث عندنا. وليس بعيدا سقوط هيلارى كاينتون فى سلم الطائرة وتعثر الرئيس المصرى عبدالفتاح السيسى على سلم الطائرة حتى كاد ان ينكفئ على وجهه واخيرا وليس آخرا سقوط وزير خارجية اسرائيل سيلفان شالوم وكسر يده بعد سقوطه فى سلم الطائرة..مرت كل هذه الأحداث ولم يحصل شيئ..والله بقينا شعب فارغ وما عنده موضوع .


#1142542 [jaffar]
0.00/5 (0 صوت)

11-05-2014 12:52 PM
Silva the idiot and Bashier the foolish tyrant. the problem of these two rather short-sighted president of Sudan/south Sudan are always trying to play games on each other expense to prolong their time in power regardless the consequences. Both of mens are deeply scared of each other and truly paranoid and uncertain for their eventual fate. While the president of Sudan is suffering from all of sort diseases; such sleep deprivation due the (ICC)+(SRF) and etc, I believe that the president of south-Sudan is also suffering from something rather scary and potentially dangerous(Machir). my advice to all the fellow Sudanese; we should not be bothered by the manoeuvred the ignorants. We must focus on how to get ride of them for once and forever. God bless the marginalised people of the both nations and hell to the idiot Silva and foolish tyrant Elbashir.


#1142512 [تينا]
5.00/5 (1 صوت)

11-05-2014 12:24 PM
احييك بشدة على فهمك العميق اخى (((سايمون دينق))) وفى النهاية البشير وسلفاكير بلعبوا بالبيضة والحجر والضايع الشعبين يعنى (((شبهينا واتلاقينا))) وما بهمونا بيشيىء ...


#1142486 [الثائر حتى النصر]
5.00/5 (1 صوت)

11-05-2014 11:59 AM
سوداننا الذي تغنى له الشاعر الأمة المرحوم محمد عثمان عبدالرحيم ويصبح الشاعر اوالفنان أمة , رجل من أمة ليصبح أمة عندما يكون في قلب الأمة وخاطرها بعمل رصين تكرمه الأمة عليه ما بقت الامة وما بقيت الأوطان رحم الله شاعرنا الأمة الذي ملك وهيمن على مآثرنا
كل أجزاءه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن

إن بلادنا تتآمر عليها أيادي خفية .. تريد أن تنال من شعبه وأمته المجيدة ورغم الإحن والمحن التي تمطر في سوداننا الحبيب يظل شعب السودان ورغم تلك الابتلاءات العظيمة والضيق الذي تمارسه حكومة العسكر الإخوانية باسم الدين يظل شعبنا السوداني ينتقي مشربه وأكله من بين فرث ودم لبنا سائغا للشاربين وكذلك يفعل بالمحن والاحن كما قال الشاعر الأمة:
أيقظ الدهر بينهم فتنا ولكم أفنت الورى الفتن
يا بلادا حوت مآثرنا كالفراديس فيضها منن

أن يسقط سلفاكير من على سلم الطائرة وهو بالخرطوم وهو رئيس دولة الجنوب التي استقلت بطيب خاطر وسماحة النفس السودانية التي تركت كل ما يعين الدولة الوليدة في مهدها لتنمو وتزدهر , حاشاك يا سلفاكير أن تسقط من وعكة وأنت في دارك وبلدك الأم شأءت إرادة الغرب أم أبت كما فعلت في جون قرن لتكون فتنة , لن تسقط و الامة السودانية حولك وأنت ضيف ودارك الخرطوم والسودان الكبير يحميك حتى تعود سالما غانما من شعب شمال السودان الي جنوبنا الحبيب .
لم يكن الانفصال هي إرادة الشعوب وإنما كان الانفصال هو تآمر الغرب وتآمر قيادات دولة البشير الاخوانية و أخطاء حكومة تسمي نفسها الانقاذ وأماني وارادة غربية أرادت تدمير الشعب السوداني في جنوبه وشماله وهذا ما يحدث الآن يموت انسان الجنوب في حرب لا معنى لها كما عاش انسان الشمال في معاناة لا معنى لها متى تغادرنا الانقاذ حتى يلتئم جرح الوطن وتموت الفتنة للأبد لانتمنى لسلفاكير السقوط من من الطائرة ولكن نتمنى لحكومة البشير السقوط بكامل طاقمها ليبقى السودان وشعبه. لايهم البشير بقاء الوطن بقدر ما يهمه بقاء عصابته المجرمة في حق الوطن ومواطنيه.ولكن الامل أن يلتئم جرح الوطن ليعود السودان كما كان.وسيعود كما كان عندما يسقط البشير وتسقط معه عصابة الانقاذ.


ردود على الثائر حتى النصر
[قال مسلمين قال] 11-05-2014 02:52 PM
هو عليك الله غير شاعرك دة الجاب الفتن شنو؟ اتوقعتك تكتب
دولة العرب اصلها كرم و الى العرب تنسب الفطن
اي هذه دولة عرب و ليس عبيد و من ثم تنسب للعرب الفطنة و للعبيد الغباء

نزحوا (نزحوا دي حلوة) لاليظلمو احدا و لا اضطهاد من امنوا

هسي البيأمن التاني منو؟ النازح و اللا المضيف

و كثيرون في صدورهم تتنزى الاحقاد و الاحن
دي نخلي التعليق عليها ليك!!!!!

قال سودانا قال


#1142472 [العقيد]
5.00/5 (1 صوت)

11-05-2014 11:52 AM
زاد ،،،العيار ،،،شويه ،،،،،،،،كل ،، الموضوع،،،،،،


#1142448 [اسماعيل محمدذين]
5.00/5 (1 صوت)

11-05-2014 11:40 AM
بدفع مليار جنيه عشان اشوف فيديو التعثر داه


ردود على اسماعيل محمدذين
[Future] 11-05-2014 04:38 PM
ماكان فى موبيلات؟

Saudi Arabia [أبو حسن] 11-05-2014 02:03 PM
جهز القروش يا إسماعيل ياخوي والجماعة بجيبو ليك في البيت


#1142446 [نصيحة]
0.00/5 (0 صوت)

11-05-2014 11:39 AM
تلقت الراكوبة توضيحاً من إعلام سفارة جمهورية جنوب السودان بالخرطوم هذا نصه :


توضيح هام من أعلام السفارة

تود سفارة جمهورية جنوب السودان بالخرطوم أن توضح للرأي العام المحلي والعالمي بأن تأجيل عودة الرئيس إلى جوبا كانت نتيجة لعطل فني حدث بالطائرة التي اقلت السيد الرئيس ....وسوف يسافر الرئيس غدا إلى جوبا بطائرة أخرى ... وشكرا ...إعلام السفارة....


#1142429 [مرقنبو قرنبو]
4.00/5 (7 صوت)

11-05-2014 11:28 AM
الزول ده وقع بكل بساطة لانو تقل من السجارة الخدرة مع بشة وبكرى وفوق ده كلو ضرب معاهم فول بالجقاجق والكمونية وحلى بزبادى مخلوط بالشامبيون والسفن اب
بعد ده كلو يقدر يطلع سلم الطيارة كيف؟


#1142409 [Quickly]
5.00/5 (2 صوت)

11-05-2014 11:16 AM
يا Ashafokhalo اختلف معاك ,,,,, الدكتور جون قرنق كان عندوا برنامج جادي وناجح لتوحيد السودان وحل كل مشاكله بالاضافة الى خوف الكيزان من شعبية الطاغية والزاحفة بقوة بين ابناء الشمال وبالتالي استلام السلطة
عشان كدا اتخلصوا منو بحادثة الطيارة
لكن سلفاكير عندوا شنو يتخاف منو وعشان يتخلصوا منه بالله ؟!!


#1142405 [دوشكا]
5.00/5 (1 صوت)

11-05-2014 11:12 AM
الحقيقة كان في تدبير للآغتيال رئيس جنوب السودان سلفاكير لانو داخل الطائرة كان في لغم لتفجير الطائرة ولكن ربنا سبب في سقوطه من سلم الطائرة وانقذها من الاغتيال واما بخصوص تعليق سفير السودان لدي جنوب السودان بان الطائرة كانت في خلل فني ليس صحيحاً الطائرة سليمة مية المية وانكشف الخطة حين سقوطة على سلم الطائرة هذا هو الحقيقة


#1142388 [ود انقو]
0.00/5 (0 صوت)

11-05-2014 11:01 AM
عذر قبيح يا متطرف وليس مطرف ما علاقة عطل الظائرة بوقوع او انزلاق الرئيس سلفاكير وهل سقوطه ادى لتعطيل الطائرة انتم القتلة والماجورين قاعدين في جوبا للخصائص والدسائس ليس شغلكم دبلوماسي عاوزين تلحقوه اخوانه السابقين بييو كوان في شندي وجون قرنق في الاجواء اليوغنديه السودانيه
هذه الزياره كان مقررا لها بداية الاسبوع لماذا تم تاجيلها؟


#1142368 [بتاع ورنيش]
5.00/5 (2 صوت)

11-05-2014 10:43 AM
البشير والترابي ونافع وعلي في الحج لاقوا سوداني ماسك في الكعبة وببكي بكاء شديد !!!!!! قالوا ليه يا زول مالك ؟؟؟؟؟؟ اتلفت عليهم وقبل تاني علي الكعبة وقال : هديل يا ربنا جوك لحدي عندك .


#1142361 [مبارك]
5.00/5 (1 صوت)

11-05-2014 10:39 AM
فليذهب الى الجحيم هو ومن زارهم كلهم شركاء فى تعذيب شعب الشمال والجنوب معا


ردود على مبارك
Sudan [adil mohyeddin] 11-05-2014 11:36 AM
بعض الشماليين باقية عليهم-يا مبارك-حكاية:(باع الجمل ويلقط ليهو فى القُراد):عاوزين عندهم شنو ماعارف :ناس ابونا وطاروا فى ستين داهية عاوزين من اخبارهم شنو؟(فُخَّار يكَّسِر بعضو)!!


#1142352 [أدروب]
5.00/5 (1 صوت)

11-05-2014 10:33 AM
يمكن يا جماعة بعد الطيارة أتحركت جرى يلحقها زي كمساري البصات زمان


#1142308 [سايمون دينق]
5.00/5 (4 صوت)

11-05-2014 10:01 AM
بغض النظر عن سقوطه من علي سلم الطائرة او عطلا فنيا اصاب الطائرة ولكن في وجهى نظري امر زيارة الرئيس سلفا الي الخرطوم في حد ذاته ليس بأمر مهم وخاصة كلنا نعلم ان كل الاتفاقايات التي وقعت بين الطرفين قبلا ولاحقا لم تجد النور بل ولا حتي من يتحدث بشأنها مطلقا وان كان سلفا يظن انه ممكن للخرطوم ان تلتزم ولو باتفاقية واحدة فهو مخطئ ولو ظن إن البشير سيوقف دعمه للتمرد بالعتاد والتدريب فهو مخطئ ايضا ، اللهم الا اذا كان هنالك ( خلف الكواليس )يتم لعبة ( فن الملعوب بالمقلوب ) علي شعب دولتي السودان من قبل الثنائي سلفا بشير ونحن لا ندري وان لم تكن كذلك فما سبب الزيارة حتي السقوط من علي السلم !!!؟
ودعني اذكرك سيدي الرئيس سلفا !! انت متهم ايضا من قبل البشير بدعم الحركة الشعبية قطاع الشمال وكل الحركات التي تقاتل الخرطوم اي انه مهما اتفقت انت والبشير فأعلم ان اتفاقيتكما لم تبارح المكان الذي كنتمافيه جلوسا


ردود على سايمون دينق
Saudi Arabia [الثائر حتى النصر] 11-05-2014 01:07 PM
الاخ سايمون دينق كلامك في محله ( ودعني اذكرك سيدي الرئيس سلفا !! انت متهم ايضا من قبل البشير بدعم الحركة الشعبية قطاع الشمال وكل الحركات التي تقاتل الخرطوم اي انه مهما اتفقت انت والبشير فأعلم ان اتفاقيتكما لم تبارح المكان الذي كنتمافيه جلوسا ) حقيقة ...وصحيح 100% ولكن لقد كانت نيفاشا نتيجة لجلوس سلفا والبشير وأفضى أجتماعهما الي انفصال فلا خير في جلوسهما سواء في نيفاشا أو أديس أو جوبا أو الخرطوم والحرب في البلدين تدمر المواطنين وما معنى الحرب في الجنوب بعد اتفاق السلام وما معنى استمرار الحرب في بقية أجزاء السودان دارفور وكردفان والنيل الازرق؟ فلماذا كان اتفاق السلام بنيفاشا هل كان فقط من أجل الفصل بين الشمال والجنوب وتظل الحرب تشتعل ووقودها المواطن السوداني .. لابد من ثورة عارمة ليكون السودان الجديد كما يتطلع اليه كل السودانيين ... ولكن متى تتحقق إرادة الشعب السوداني والسودان الجديد.


#1142279 [ابو الشيخ]
5.00/5 (2 صوت)

11-05-2014 09:38 AM
المحيرنى السلم ده تابع للطياره ولَ للمطار

ما تلف يا مطرف

ما هى علاقة السلم بعطل فنى بالطائره ؟؟؟؟؟؟


#1142269 [الكردفاني العدييييييييييييييل]
5.00/5 (2 صوت)

11-05-2014 09:31 AM
عساكر تايهين الله يقطعهم ... تك ....... فعلا ..... ما الداعي ..... عصي و .... بدل... وضاعت الشعوب لما .... جعلت آمالها في مثل هؤلاء ......

بعدين ....... الطائرات الكينية دي ..... ما بتوبوا منها.... !!!!!!

شهوة التسلط .... والاستكبار.... كفيلة .... بدمارهم... جميعا.... لامحالة....

(( لا تحسبن الله غافلا عما يعمل الظالمون ))..............

اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......
اللهم عليك ..... بعصابات ....الرقاص ..... اقطعهم .... تك.......


#1142259 [karkaba]
3.00/5 (3 صوت)

11-05-2014 09:27 AM
المدعو الشايقي وكيزانك المؤمنين عملو شمو يا كنخلف اسلوب عوير زيك بكشف عن شخصيتك الويرة


ردود على karkaba
Qatar [badr] 11-05-2014 02:56 PM
ياخينا انت عاوز تقول شنو اتكلم عربى خاف الله انت ما درست ولا شنو والله مفروض تقع انت وتموت كمان وحقيقة كركبه


#1142250 [البلولة جرقندي]
5.00/5 (1 صوت)

11-05-2014 09:20 AM
اين حاويات المخدرات الخمس!!!!!


#1142249 [ابو الافكار]
0.00/5 (0 صوت)

11-05-2014 09:20 AM
الله يستر يا رب


#1142229 [ممغوص من الكيزان]
5.00/5 (4 صوت)

11-05-2014 09:05 AM
بصراحه ... الكيزان ممكن يعملو أي حاجه فيها ضرر أو أجرام .... عادي ممكن يعملو حفر ومطبات علي سلم الطائره


#1142197 [الكجور الأسود]
5.00/5 (3 صوت)

11-05-2014 08:45 AM
في اليوم السابق لزيارته للسودان أي يوم الأثنين03/ 11/ 2014م رأيت سلفاكير في لقاء تلفزيوني في قناة الجزيرة الإنجليزية وكان أحد الصحفيين الأمريكيين يطرح عليه أسئلة تتعلق بالوضع في جنوب السودان في وسط اللقاء عندما سأله عن تفشي حالات الإغتصاب بالجنوب والحرب الدائرة بينه وبين مشار رأيت سيلفاكير تنهمر الدموع من عينيه وبدأ يتلعثم في حديثه لتخرج الكلمات من فمه بصعوبة،السؤال الثاني الذي جعله أيضا يعود إلى البكاء هو : أحكي لنا يا سيلفاكير عن طفولتك وكيف نشأت وهل تنام ليلاً وشعب يعاني كل هذا العناء؟ رد سليفاكير والدموع تنهمر من عينيه هذا سؤال لا تكفي هذه الحلقة للإجابة عليه ولكنه أجاب بالإختصار،سأله هل أنت دكتاتوري كما يقول مشار؟ قال:من هو الدكتاتور الذي حمل السلاح وكان متاحاً أمامه صناديق الإقتراع؟أما أنا؟


#1142187 [زول ساكت]
3.00/5 (1 صوت)

11-05-2014 08:38 AM
ربما وربما وربما زول وانزلق لا مات ولا اتفلق ليه عاملين قلق


#1142170 [مكركاوى]
3.00/5 (1 صوت)

11-05-2014 08:30 AM
البشير كل همو ان لا تكون هناك معارضه مسلحه ؟؟؟؟؟؟؟؟؟؟؟؟؟؟؟؟؟؟؟؟؟


#1142167 [Awad]
3.88/5 (6 صوت)

11-05-2014 08:27 AM
الكيزان لا يامن شرهم ألا ربك.هؤلاء دبروا المكائد لجماعتهم شىء بالطائرات وشىء بالعربات وشىء بالتسمم وممكن يعملوا كل شىء وأنا أؤكد أن فى الأمر شىء ولو كان الأمر عاديا لما حذفوا الصور من المصورين لأن كثير من الرؤساء بيتعثروا فى المشى والصعود والنزول والكاميرات تصور وشىء عادى لكن تمنع هذه الصور ففى الأمر شىء من حتى.


ردود على Awad
[زول اصيل] 11-05-2014 10:02 AM
كلامك صاااااااااااااااااااااااااااااااااااااااااااااااااااااااااااااح


#1142162 [watani adeeel]
5.00/5 (3 صوت)

11-05-2014 08:21 AM
Islam is reality


ردود على watani adeeel
Sudan [كاكا] 11-05-2014 11:53 AM
it is not


#1142155 [SUDANI]
4.38/5 (4 صوت)

11-05-2014 08:16 AM
ربنا لطف وقدر...كان القيامة قامت في السودانان والإقليم.. سوء الكيزان يضعهم دا في حانة المتهم الأول..


ردود على SUDANI
Australia [sudaniiy] 11-05-2014 11:18 AM
نعم دعاة فتنة


#1142136 [Locolo]
4.00/5 (5 صوت)

11-05-2014 07:57 AM
على دوله الجنوب إخضاع رئيسها لفحوصات معملية متطوره فى دولة لها إمكانيات و معدات طيبة حديثه ،، و علينا آخذ هذا الامر على محمل الجد و ليس حادث عابر آو عتره آو يريد البعض إيهامنا ،،، فالتجارب مع الكيزان آخوان الشيطان تجعل كل الاحتمالات وارده ،،


#1142109 [الحاج]
4.00/5 (3 صوت)

11-05-2014 07:09 AM
والله انتو ناس عجيبين ليه ما بتصدفو ناس الله ديل؟؟
الوالي مش قال ليكم مصنع اليرموك حرقته مكنة لحام


#1142100 [بيكانتو]
5.00/5 (3 صوت)

11-05-2014 06:47 AM
خلاص رجعه كدارى

أكيد إتذكرت جون قرنق


#1142093 [مصطفي]
4.00/5 (1 صوت)

11-05-2014 06:32 AM
الفيدي القدر يجيب
المغراف


#1142070 [ياكوز وقف شرية]
4.74/5 (9 صوت)

11-05-2014 04:55 AM
اذا رأيت مصيبة فاابحث عن نافع ومحمد عطا وجهاز الأمن ولو الزول ده لحق أمات طه إبقو مارقين ياكيزان لانه كدي أنتم عملتوها ظاهرة ونفك ملف عرفات والتسمم ونمسك ملف سلفا والله يكتب الشينة


#1142050 [Mahjoub Amed]
4.44/5 (7 صوت)

11-05-2014 03:01 AM
ثلاثة احادث في ان واحد . العطل الفني قي الطائر وسقوط الرئيس علي سلم الطائرة ومصادرت الكاميرات وحذف الصور


ردود على Mahjoub Amed
[كونج اوري بدنق] 11-05-2014 09:55 AM
والرابع عدم امكانيةالهبوط ليلا في مطار جوبا المظلم . حيرتونا !!!!!


#1142046 [Ahmed Ali]
4.93/5 (10 صوت)

11-05-2014 02:48 AM
يا ربى إحتمال يكون مصاب بمرض الأيبولا.. حمانا الله!!!


ردود على Ahmed Ali
[الديمقراطي] 11-05-2014 08:58 AM
هاهاهاهاهاهاهاها .

و الله انت ظريف يا ود علي .


#1142030 [ملتوف يزيل الكيزان]
4.72/5 (8 صوت)

11-05-2014 01:28 AM
فلم جديد من افلام ريا وسكينه، المرة دي الراجل نجا و لكن ليس كل مرة تسلم الجرة. تاني تجي الخرطوم؟


#1142007 [الحقيقة]
3.00/5 (2 صوت)

11-05-2014 12:10 AM
الخرطوم 4 نوفمبر 2014- سقط الرئيس الجنوب سوداني سلفاكير ميارديت على نحو مفاجئ، أثناء شروعه في الصعود الى الطائرة بعد انتهاء مباحثاته الرسمية في الخرطوم، الثلاثاء، لكن مصادر متطابقة شددت على ان الحادثة كانت "عادية"، ولم تصب الرئيس بأي أذى لكنه اضطر لتمديد زيارته يوما آخرا لحين إصلاح عطب الطائرة الكينية التي اقلته، فيما توجت القمة التي جمعته الى الرئيس عمر البشير بالاتفاق على حلحلة القضايا الأمنية ووقف دعم وإيواء المتمردين في البلدين بجانب التفاهم على ملفات اقتصادية مشتركة.
JPEG - 23.2 كيلوبايتالبشير يستقبل سلفاكير في مطار الخرطوم ـ 4 نوفمبر 2014
وأبلغ شهود عيان "سودان تربيون" ان البشير وسلفاكير انهيا مباحثاتهما واصدرا بيانا مشتركا، توجها بعدها للمطار وبعد انتهاء المراسم البروتوكولية، صعد سلفاكير علي سلم الطائرة وقبل ان يكمل الثلاث درجات الأخيرة سقط على نحو مفاجئ، ونهض بمعاونة الحراس وأكمل خطواته الى داخل الطائرة، التي ما لبثت ان اوقفت محركاتها بعد فترة من الزمن، وغادرها سلفاكير ومرافقوه.

وبحسب مصادر متطابقة فإن حذاء سلفاكير كان السبب في تعثره وسقوطه، بينما ارجع مصدر حكومي تأجيل رحلة الرئيس الجنوبي لعطل فني اصاب طائرته.

وقال سفير السودان لدى جوبا مطرف صديق إن عطلا فنيا بطائرة سلفاكير حال دون إنهاء الزيارة في موعدها المحدد وقال للصحافيين ان سلفا وافق على دعوة من الرئيس البشير لقضاء الليلة بالخرطوم لحين إصلاح العطب، وأشار الى ان سلفاكير ومرافقوه سيغادرون، الاربعاء، خاصة وان مطار جوبا لا يستقبل الطائرات ليلا.

وقطع مطرف بأن الاوضاع الصحية لسلفاكير مطمئنة، وانه غادر الطائرة الكينية بحال ممتازة وعلى قدميه معتبرا التعثر الذي حدث له على سلم الطائرة "عادى".

وارجع السفير منع وسائل الإعلام من تصوير الواقعة إلى ان ما حدث من تمديد للرحلة كان طارئا وليس بروتوكوليا.

وأكد المكتب الإعلامي لسفارة جوبا بالخرطوم عدم صحة ما يشاع عن تدهور الوضع الصحي للرئيس سلفاكير، وقال في توضيح صحفي إن الرئيس موجود في مقر اقامته بفندق "كورونثيا" بالخرطوم وان سبب تمديد الزيارة كان عطلا فنيا أصاب الطائرة وانه سيتوجه صباح الخميس الى جوبا بطائرة أخرى.

وكان البشير وسلفاكير اتفقا خلال مباحثات خاطفة بالخرطوم على تجديد التفاهمات السابقة بين البلدين بعدم دعم وإيواء المتمردين في البلدين، كما اتفقا على تشكيل لجنة مشتركة بين البلدين للتحرك في اعفاء الديون وفق الاتفاقات الدولية التي صاحبت استحقاقات انفصال جنوب السودان.

وأبدى الرئيس البشير أملأ في ان تكون دولة جنوب السودان مستقرة وقطع بان بلاده ستواصل الدور الإيجابي لإنجاح مبادرة الايقاد لتحقيق ذات الهدف بما يحفظ مصالح جنوب السودان وبعيدا عن تدويل النزاع القائم ،مبديا ثقته في نجاح المفاوضات الجارية الان تحت رعاية الإيقاد لاقرار السلام في دولة جنوب السودان .

وقال البشير في مؤتمر صحفي عقب المباحثات "رغم قصر زمن الزيارة لكن ما حققته كبير"

منوها إلى تباحثه مع سلفاكير حول جميع القضايا المشتركة بين البلدين على رأسها اتفاقية التعاون المشتركة ، وأضاف " بالعزيمة والإرادة فان اتفق عليه سينفذ فهو المخرج للبلدين من كثير من المشاكل التي نعاني منها "

وقال مخاطبا سلفا " نؤكد لك اننا من جانبا كلنا إصرار وعزيمة وإرادة على تنفيذ ما اتفقنا عليه ."

كما اظهر الرئيس الجنوب سوداني ارتياحا لنتائج الزيارة ، وقال انه وجد ترحيبا حارا من نظيره البشير
.
وأضاف " كانت لدينا مداولات مثمرة بخصوص القضايا العالقة خاصة اتفاقية التعاون اكدنا التزامنا بتنفيذ تطبيق هذه الاتفاقية ، وسنعمل ايضا في قضايا اخرى ، نحن نريد للبلدين المضي للامام كتوأم يدعمان بعضهما البعض ، ويعالجان كل مشاكلهما الاقتصادية والأمنية"

ونوه سلفاكير الى تكوين لجنة مشتركة لقيادة حملة لإعفاء ديون السودان.

وأعلن ايضا عن حملة مشتركة ترمي لرفع العقوبات المفروضة على السودان . مؤكدا ان اللجان الوزارية ستبدأ عملها في اقرب وقت واردف "نحن قادرون على تجاوز العقبات التي تواجهنا

وطبقا للبيان الختامي الذي جاء في 12 بندا، فإن الرئيسين اتفقا أيضا على تسمية رئيس الإدارية المشتركة لأبيي، وأكدا دور السودان وسعيه لجمع الفرقاء المتصارعين في جنوب السودان.

ووجه الرئيسان اللجان المشتركة للاجتماع فوراً لاستئناف تنفيذ الاتفاق ومن ثم رفع تقاريرها للقمة الرئاسية عن طريق اللجنة العليا ، واللجان المعنية هي اللجنة التنفيذية المشتركة ، اللجان الوزارية المشتركة ، اللجان الفنية المشتركة ،
وقررت التئام الآلية السياسية الأمنية المشتركة خلال نوفمبر الحالي لتفعيل اتفاقية الترتيبات الامنية نحو تحديد الخط الصفري المؤقت وفقا للخريطة المعتمدة من الالية الافريقية رفيعة المستوى بغرض انشاء المنطقة الأمنة منزوعة السلاح . واعادة انفتاح القوات خارجها وتفعيل الاليات المتفق عليها لوقف الايواء والدعم للحركات المتمردة توطئة لفتح المعابر العشر ، مع تفعيل مفوضية الحدود المشتركة واليات الحدود المشتركة ، وتسمية الرئيس المشترك للجنة الإشرافية لأبيي من حكومة جنوب السودان واستئناف اجتماعات الآلية المشتركة.

واقر الرئيسان ايضا طبقا للبيان تفعيل الآليات الخاصة بأوضاع المواطنين والتجارة والبنوك المركزية وفقا لاتفاق التعاون . وجددا التأكيد على استمرا انناج النفط في حقلي فلج وعدارئيل وتمكين الفنيين من تشغيل حقل الوحدة ، وتعميم الدعم التنموي .

كما ذكر الرئيسان بالقرارات السابقة الخاصة بتحديد مهلة لإلزام المانحين بنحو حاسم لأعفاء الديون لعامين اخرين أملين في تسريع العملية .

وجددا الحرص على تسهيل دخول المساعدات الإنسانية لجنوب السودان عبر السودان باتفاق مع حكومة الجنوب .

ويستعد الرئيس عمر البشير للمشاركة في قمة إيقاد الخاصة بأزمة جنوب السودان، الأربعاء، بأديس أبابا، وسبق ان شددت الخرطوم على حرصها الشديد حيال استقرار الأوضاع الأمنية في جنوب السودان ودعت المتحاربين هناك إلى سرعة التوصل لتفاهمات لإنهاء معاناة المواطنين.

ووصف الناشط السياسي الجنوب سوداني ستيفن لوال زيارة سلفاكير للخرطوم بأنها ناجحة للغاية وابلغ "سودان تربيون" ان القمة ناقشت باستفاضة القضايا الأمنية الملحة على رأسها ملف المعارضين في البلدين ومنطقة أبيي.

ونوه الى ان البشير وسلفاكير تجاوزا كليا الحاجة الى تدخل الوسطاء واتجها سويا لمعالجة قضايا مواطني البلدين بما يحقق المصالح المشتركة، لافتا الى ان الرئيس سلفاكير حريص على تحقيق السلام في دولة الجنوب ويعمل لأجل ذلك رغم العراقيل التي يضعها معارضوه.


#1142000 [ماجد]
4.80/5 (9 صوت)

11-04-2014 11:56 PM
ياخي شنو عاملين للموضوع توم و شمار زول انزلق ووقع
بتحصل لي كل الناس لكن الموهومين ديل دايرين يعملوا موضوع من مافي


ردود على ماجد
Sudan [ماجد] 11-05-2014 11:22 AM
يا جركان عادي بكون ما متعود على الجزمة اﻻيطالية
و يا اخت مستغربة مسحوها عشان الموضوع ما يبقى سخرية و تطلع كاريكاتيرات .. انتي ما عارفة الكيزان وﻻ شنو

Sudan [مستغربة شديد] 11-05-2014 09:04 AM
طيب لوالموضوع زلقة عادية الجماعة مسحوا الصور وحذروا الصحفييين من النشر ليييييييييييييييييييييييييه ....كان انت ما مستغرب غايتو انا مستغربة شديييييد

Saudi Arabia [جركان فاضى] 11-05-2014 08:22 AM
بس يا كوتش اول مرة نسمع بى رئيس دولة انزلق فى سلم طيارة...انت قايل الرؤساء ديل بياكلوا سخينة


#1141994 [الجمبقلى]
5.00/5 (13 صوت)

11-04-2014 11:25 PM
السقوط من سلم الطائره لأى شخص امر عادى حتى لو كان رئيس ،ولقد رأينا رؤساء

ومشاهير يتعثرون وبعضهم يسقط على الأرض وينتهى الأمر فى وقته ،ولا يصادرون الكاميرات

ولا يمسحون اللقطه لأنها توثق الحادثه وتبرئ السلطات من اى اتهام ،لكن الحرامى فى رأسه

ريشه زى ما قال المثل,


#1141992 [كوز موية فاضى]
4.99/5 (9 صوت)

11-04-2014 11:22 PM
يمكن راحات الرئاسة عملتو حنكوش


#1141960 [كديس فى السروال]
5.00/5 (3 صوت)

11-04-2014 10:23 PM
الكيزان دايرين يلحقو ابراهيم شمس الدين
لينا زمن من حوادث الطيارات الما مفهومة


ردود على كديس فى السروال
Saudi Arabia [محمد الفاتح] 11-05-2014 07:52 AM
لكن يا أخوي كديس هل مرتوا تستأهل أن يضحوا به


#1141939 [nagatabuzaid]
4.81/5 (10 صوت)

11-04-2014 09:42 PM
العطل الفنى فى الطائرة مبلوعه لكن عطل فنى يسقط شخص فى سلم الطائرة ده يسالكم الله سمعتوا به يا جماعة بكضبكم يا مطرف صديق بتجيبوا لنفسكم البلاوى ياربى السلم كهربائى ؟؟ المجرمين ديل ممكن يعملوا اى حاجة الحمد لله جات سليمة يا سلفاكير


ردود على nagatabuzaid
Saudi Arabia [رانيا] 11-05-2014 08:49 AM
يكون من مسك العصاية الجديد شديد وهو ما متعود عليها !

Yemen [ما في زول بيرقص ويغطي دقنو] 11-05-2014 05:47 AM
العطل الفني في سلم الطائرة...
ايه رائيكم ...الجوكر المرة دي هو اللي حيلعب بيكوو

Norway [Atef] 11-04-2014 10:51 PM
دي انا ما سمعت بيها...لكن كلو ممكن مع الجماعه ديل


#1141938 [ashafokhalo]
2.72/5 (8 صوت)

11-04-2014 09:41 PM
دايرين يلحقو جون قرنق


ردود على ashafokhalo
Saudi Arabia [محمود ود احمد] 11-05-2014 02:39 PM
يعنى قرنق قتلو الجماعة ديل ولا مخنا طار كانت حبوبتى الله يرحمها تردد دائما (اسغفر اللهو) استغفر الله ونحن كلنا نستغفر الله

United Arab Emirates [عباس كودى] 11-05-2014 06:24 AM
يا يمون الرئيس اليوغندى وراء المصيبة دى؟؟ يعنى رسل ليهو شياطين الجن

[سودانى شديد] 11-05-2014 02:53 AM
جون قرنق إغتالته أيادى لها مصلحة فى إنفصال الجنوب حتى لا يكون السودان موحدا تحت رئاسته لأن كل الدلائل كانت تشير إلى ترشحه خصما للبشير و كانت ستكون إنتخابات تاريخية ربما غيرت مسار التاريخ الأفريقى كله.

الكامل .. كلامك ده دليلك عليهو شنو؟؟؟؟؟

Saudi Arabia [الشوف في بلد العمي طشاش] 11-05-2014 02:18 AM
لا دكتور جون ولا دكتور خليل قتلو ديل ديل كيسهم فاض م يقدرو علي الامور دي
بس فالحسن لي ناسهم بس (ابراهيم -الزبير)ووووو+++

Sudan [الكامل] 11-04-2014 11:57 PM
جون قرنق معروف الكتلو منو يا طيرة
هو موسيفيني بالتنسيق مع سلفاكير دت زاتو ما تعمل فيها ذكي


#1141936 [Adam Ibrahim]
4.50/5 (19 صوت)

11-04-2014 09:38 PM
اذا كان العطب فى الطيارة البوقعو من السلم شنو والطيارة واقفة فى مكانها؟!.. اوعى يكون اكلوه من الجداد بتاع الله كتلا او البواقى بتاعة مؤتمرهم البيش داك الاتسمموا فيهو مئتين كوز ويودوه هو ذاتو التوج ويقولوا الله كتله..

يا زول تانى ما تركب طيارة.. لو عايز تجى الخرطوم اقع بحر ابيض وتعال سباحة.. وجيب معاك سمك كجيك من اعالى النيل..


ردود على Adam Ibrahim
Norway [ahmed] 11-05-2014 03:13 AM
طيب لو وفعته عادية مايواصل سفرو ليه رجع...نفاق؟


#1141928 [فكرى]
5.00/5 (13 صوت)

11-04-2014 09:27 PM
أرجح أن يكون سبب السقوط مرض أصابه أو بفعل فاعل فسلفاكير رجل أحراش وأدغال لاتعيقة (عترة) عابرة عن صعود سلم الطائرة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.00/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة