الأخبار
أخبار إقليمية
جهل.. أم تجاهل؟؟
جهل.. أم تجاهل؟؟
جهل.. أم تجاهل؟؟


11-05-2014 01:50 AM
عثمان ميرغني

ألجمتني الدهشة وأنا أطالع بعض الأخبار التي وردت في بعض صحف أمس.. بالتحديد خبر إيداع مشروع تعديل الدستور منضدة المجلس الوطني (البرلمان)؛ تمهيداً للنظر في إجازة التعديلات.. حتى هنا الخبر عادي.. لكن المثير للدهشة – بل وللشفقة أيضاً- بقية الخبر.

يقول بقية الخبر: "إن نواب البرلمان سيبدأون التداول في مشروع تعديل الدستور لإجازته خلال الأيام القادمة"!!، ما هذا؟؟ أكاد لا أصدق..!!.

الجهات القانونية في البرلمان.. هل اطّلعت على المادة (224) في الدستور.. وبالتحديد الفقرة الأولى منها، التي أتت تحت عنوان (تعديل الدستور)، وتنص بالحرف:

(224ـ (1) لا يجوز تعديل هذا الدستور إلا بموافقة ثلاثة أرباع جميع الأعضاء لكل مجلس من مجلسي الهيئة التشريعية في اجتماع منفصل لكل منهما، وبشرط أن يُقدم مشروع التعديل قبل فترة شهرين على الأقل من المداولات).
الشرط واضح لا يحتاج إلى اجتهاد أو تأويل.. يجب إيداع مشروع تعديل الدستور قبل شهرين على الأقل من بدء المداولات حوله.. كيف سيبدأ السيدات والسادة النواب مداولاتهم بعد أيام قليلة من إيداع مشروع تعديل الدستور؟!!- على حد ما ورد في الخبر.
بكل يقين عندما أدخل المشرع هذا الشرط لتعديل الدستور يقصد أن يمنع استعجال النظر في مشاريع تعديل الدستور.. ويجعل أي تعديل للدستور محاط بتروس تهدئة وتروٍ لتنضج التعديلات الدستورية على نار هادئة.. فالدستور وثيقة (ثابتة نسبياً) محاطة بكثير من الأسوار التي تحافظ على ثباتها أطول فترة.. وإلا فما الفرق بين الدستور وأي قانون أو لائحة؟.

إذا أودع مشروع تعديل الدستور فإن المجلس الوطني لن يكون متاحاً له النظر والتداول في مشروع التعديلات قبل بداية العام الجديد (2015).. أي بعد شهرين.. خلال هذه المدة تنشر نصوص التعديلات المقترحة في الهواء الطلق، وتتعرض لأكبر قدر من النقاش والرأي والرأي الآخر.. وتنضج الأفكار على مهل وبكل ثقة.
إذا كانت الحكومة مستعجلة على هذه التعديلا فلماذا لم تقدمها في الدورة الماضية قبل عطلة البرلمان.. أم أن الأمر كله طرأ فجأة وثار في الخاطر دفعة واحدة؟.

من الحكمة ألّا يكون البرلمان- ذات نفسه- أول حارق خارق للدستور.. وإلا فما فائدة الدستور والاجتهاد في تعديله.. إذا كان البرلمان غير قادر على رهق إطاعة الدستور فلماذا أصلاً يعدله؟.. أليس الأفضل إنفاذ التعديلات دون تعديل الدستور؟.. بل ما الفائدة من وجود دستور من الأصل؟.

المدخل الأرحب لبناء دولة مستقرة سياسياً هو التعويل على مبدأ (سيادة القانون)، وأول قانون يستوجب أن يسود على أي اعتبارات أخرى هو (أبو القوانين) الدستور.. فإذا أصبح الدستور- نفسه- يعاني من (عدم دستوريته) فإن فاقد الشيء لا يعطيه، لن يمنح الدستور شرعية بينما يفتقدها هو نفسه.. ويستطيع أصغر محامي تقديم طعن دستوري في دستورية الدستور ويطيح به من أول نظرة.. إذا أجيزت تعديلات الدستور رغم أنف المادة (224-1).. والله أعلم..

التيار


تعليقات 29 | إهداء 0 | زيارات 7750

التعليقات
#1143653 [مالك]
0.00/5 (0 صوت)

11-06-2014 03:35 PM
قبل ايام وانا في سوق امدرمان والشارع اتجاه واحد جاءت عربه فارهه من الاتجاه المعاكس وانتظرت لاري من القادم فوجدته السيد معتعمد امدرمان كان يفترض ان يكون اول من يحترم القانون وهكذا الحال يا سيد عثمان


#1143649 [ابو جنيد]
0.00/5 (0 صوت)

11-06-2014 03:23 PM
من خلال التعليقات عرفت كلكم حزب امه قومي زعلانيين انقلاب 1989وقت الانقلاب انتو وين ما كان واجبكم تحرسو البلد وليه منظرين 25سنه وابن الصادق المهدي الان في الحكومه ولم يتم فصله قبل التعيين وايضا ابن السيد الميرغني خليكم بالكلام في الصحف الالكترونية


#1142971 [عصمتووف]
2.50/5 (3 صوت)

11-05-2014 10:44 PM
ي احي انت عبيط ولا تستعبط طيلة فترة الانقاذالسوداء لا كانوا يعرفون الله ولا الدين تقول دستور وقانون وفسيخ


#1142966 [Hisho]
5.00/5 (1 صوت)

11-05-2014 10:37 PM
الاخ عثمان ميرغنى .. انت بتتكلم بجد ولا بتستهبل .. انت كنت مصدق انو فى حاجة اسمها دستور وبرلمان وانتخابات , وماشى طالع نازل كل يوم للجريدة والبيت والمطبعة .. وانت فاكر نفسك ماشى ليك على تراب دولة عندها برلمان وعندها دستور وقوانيين وكلام زى دا .. والله لو كنت متصور كدة حقو بكرة تمشى تشوف ليك دكتور نفسانى سريع لانو حالتك دى متاخرة .. مواد شنو والفقرة كذا من الدستور بتقول شنو .. ياخى ديل مجموعة من اللصوص والحرامية والمحتالين .. دى عبارة عن مافيا منظمة بتنهب ليها فى دولة .. دا كل الموضوع .. تشوف طريقة تتخلص بيها منهم ولا تقعد تعملها المادة كذا من الدستور بتقول كذا والفقرة كذا بتقول كذا .. انت موهوم ومريض نفسى لو كنت فاكر كلامك دا حا يعمل حاجة..
يا اخوى .. انت موضوع غسان حصل فيهو شنو؟؟ لو عارف حاجة قول لينا..
وموضوع على محمود.. الوزير.. البيت ابو 2 مليون دولار التى تم دفعها خارج السودان الحصل فيهو شنو ؟؟


#1142938 [سوداني رغم أنفك]
5.00/5 (1 صوت)

11-05-2014 09:05 PM
والله انت لسع بتغش رقبتك ولا الشعب، يا عثمان ميرغني، ياخي بلا دستور بلا هم بلا برلمان، ياخي ديه حكومة مغتصبة ولا وجود لأي دستور أنتم من روجتم بشرعية الدستور الذي حاكته أيادي الحكومة الحالية التي اغتصبت الوطن، تريدون الضحك علينا وشهرين وثلاثة، ياخي ما بني على باطل فهو باطل، وأي انتخابات أو برلمان أو دستور فهو باطل، وبعدين سلامتك من الذهول ياخي بالله لسع ما عارف الناس ديل مجتمعين ليه شنو، بالله ياخي قول كلام غير ده، ياخي بلاش غش وخداع للعامة، طبعا لوضع فقرة في الدستور المغشوش لوضع عمك تاني في مكانه الغلط، وانت يا ميرغني زاتك جيت غلط لأنك تروج لكل غلط، الله المنتقم ممن غشوا الشعب


#1142930 [عادل احمد]
5.00/5 (1 صوت)

11-05-2014 08:49 PM
ياعثمان ميرغني انت اكيد بتسهبل دستور شنو وقوانين شنو الانت بتتكلم عليها .


#1142916 [ادروب]
0.00/5 (0 صوت)

11-05-2014 08:35 PM
يا عثمان المره الجايه حقو ما يدقوك بس يدوك قرصه في اضانك ويقولو ليك ياخ نحن عاوفين عامل فيها فالح ,,


#1142900 [شهنور]
0.00/5 (0 صوت)

11-05-2014 08:12 PM
اين احزاب المعارضه ( لااقصد احزاب الفكه الامه والانحادى ) انحدو وخلصونا من هذا المنوال وكفى وارحموا هذا الشعب .


#1142880 [زول ساكت]
5.00/5 (2 صوت)

11-05-2014 07:26 PM
دستور يا اولاد ماما


#1142878 [ابو عاصم]
5.00/5 (1 صوت)

11-05-2014 07:23 PM
اخي عثمان اين هو الدستور . في بلدنا الدستور بتغير كل سنتين .دستور الباب بغيروه بعد 30 سنة وفي النهاية لو حضر نائب واحد سوف تتم اجازته . حضورهم زي عدمه . صحيح الفي يده القلم مابكتب روحه شقي


#1142852 [أبو سارة]
5.00/5 (2 صوت)

11-05-2014 06:41 PM
يا عصمان ( بالصاد ) أحكي ليك النكتة دي :-

في اتنين سايقين عربية - أها واحد بقول : ( العمود ,, العمود ,, العمود ) ! التاني بقول : ( شايفو ,, شايفو ,, شايفو ) !!! لما تووووف دقشو العمود ! .


اتضح أنو السايق العربية هو البقول ( العمود ) - والراكب بقول شايفو !!!!!.

عرفت يا عثمان أبو عفان : مين السواق ؟ ومين الراكب ؟ والعربية منو ؟؟؟؟؟؟.

دستور ؟؟؟؟؟ دستور قــــال !!!!!!!!!!!!! .


#1142721 [المندهش]
5.00/5 (3 صوت)

11-05-2014 03:32 PM
خبث عصمان فى انه يريد ان يصرف انتباه السذج الى الاخطاء الاجرائيه وكأن مشكلة الناس فى ان القانون قدم للتعديل ولم يخطر البرلمان قبل شهرين ..يعنى نظام البلد فيها قوانين ومؤسسات تشريعيه وكده ..يا عصمان ده دستورهم وهم حرين فيه ان شاالله يعدلوه بالليل احن مالنا ياض ياغصمان ده ايه ده انت شفت واحد من اعضاء البرلمان اعترض..لا فى عينك لما انت عارف كده مندهش ليه جاتك نيله (معليش اخوتى القراء انا حلفاوى وكده. طبعا كان المفروض اسب ليهو ال... لكن خايف التعليق ما ينشر)


ردود على المندهش
Australia [العجوز] 11-05-2014 06:49 PM
انت اكتب ديكك ونحن بنفهم


#1142629 [احمد محمدزين]
5.00/5 (1 صوت)

11-05-2014 02:13 PM
دستور مييييييييييييييييييييين كلكم واحد تحت غطاء الحركة الاسلامية وتتفاوت السرقة


#1142491 [مدحت عروة]
5.00/5 (2 صوت)

11-05-2014 12:04 PM
يا عثمان ميرغنى اى حاجة بعد 30 يونيو 1989 غير شرعية وباطلة وانقلاب الحركة الاسلاموية الاسمه الانقاذ جريمة يعاقب عليها القانون ودى اى دلاهة عارفها!!!!!!


#1142431 [الكاهلى]
5.00/5 (3 صوت)

11-05-2014 11:31 AM
لو فى دستور ماكان دقوك دق الطار فى السوق يااخى اختشى جاتك داهية
انت وهم


#1142378 [ابو عمر]
3.00/5 (2 صوت)

11-05-2014 10:50 AM
الجهة الوحيدة التي لا تحترم الدستور ولا القانون هم جماعة المؤتمر الوطني وما يسمى بالحركة الإسلامية ونفس هذه المجموعات عندما كانوا في إتحاد طلاب في الجامعة كانوا يضعون ما يسمي باللوائح الداخلية أو القوانين في الدولة بهدف تنظيم وتسيير العمل أو الحياة وكان كثير من هذه اللوائح والقوانين تخالف الدستور وذلك بهدف خدمة مصالحهم وتنظيمهم وهو نفس ما يحدث في السودان والمهندس عثمان ميرغني كان رئيسا لإتحاد الطلاب السودانيين بمصر في الثمانينات ممثلا للإتجاه الإسلامي ويدرك هذا جيدا مع تقديرنا لمواقفه في السنوات الأخيرة


#1142334 [الامير]
5.00/5 (2 صوت)

11-05-2014 10:22 AM
كلامك والله بقى زى الشاى البارد


#1142313 [زهجان جدا]
4.75/5 (3 صوت)

11-05-2014 10:05 AM
يااخى عثمان المصلحة العامة تقتضى تعديل السودان كله وليس مادة او فقرة فى دستور غير متفق عليه اصلا ،،،


#1142310 [المتجهجه بسبب الانفصال]
5.00/5 (2 صوت)

11-05-2014 10:04 AM
ليس هنالك ما يدعوا للدهشة ،،،



فمن المعلوم بلا ضرورة أن البلد خلت (تب) من ذوي التخصص وحل محلهم المختصون في علوم التجسس والتحسس الوطني والشعبي ،، وإحصاء أنفاس الناس،، إن نواب البرلما ( يا حليل البرلمان أيام المحجوب والفضلي والشريف حسين والازهري ) الحالي الذين ترهق عقولهم القترة والنضب الفكري ويظهر الغباء على وجوههم ورؤسهم الكبيرة المثقلة بالعمم لا يفرقون بين معنى الدستور وحرق البخور،، بل إن لهم أسماء غريبة لم تكن سائدة في أباءنا الاولين ما يجعل المرء يؤكد أن السودان تحكمه شخصيات رؤسهم كطلع الشياطين وافعالهم أفعال العفاريت التي يستعينون بها لتثبيت حكمهم،،، فبالله عليك الله يا محمد أحمد يا أخوي متع نفسك بالدهشة أكثر وأفتح التلفزيون وتابع جلسة للبرلمان وانظر الى القوم فستقرأ في وجوههم غير المسفرة إلى أين نحن مسوقون،، ولو كان رئيس البرلمان شجاع فلينقل كل الجلسات على الهواء حتى يرى الشعب كمية الهراء وأحلام زلوط البرلمانية والجدل في امور تحسمها المحليات ،،، وهل تعتقد يا جكسا لرصد الانتهاكات يا أخوي أن التنظيم السوبر للأخوان المسلمين في السودان سيأتي بنواب برلمان لهم رأي وفكر ومقدرة على النقاش كلا لا وزر ،، فلو كانوا يؤمنون بذلك لكان اختاروا في صبيحة 30 يونيو 1989 ضابط مستنير ولكنهم اختاروا العوير ليمرروا اجندتهم ولا زالت هذه القاعدة مستمرة في شتى مناحي حكمهم واختياراتهم للمسئولين وغيرهم،،،


إن العوجة الكبيرة الاخرى التي تواجهنا هي كمية احزاب الفكة التي تجدها في البرلمان في أي لفة وزاوية أما خارجه فلا وجود لها حتى في أحياء أم درمان المتاخمة للبرلمان،، فأين يذهبون بعد انفضاض الجلسات واين دورهم وأنديتهم،،، إن أي إنسان ذو فهم وقدر من التعليم المحترم ويحترم نفسه وأسرته لن يقبل ان يدنس تاريخه بدخول هذا البرلمان ،، وأي دستور هذا هل هو دستور الرئيس الذي يحمل عصاه ويهزها ليهش بها على غنمه من التنفيذيين والدستوريين والبرلمانيين المنبطحين لرجل مطلوب للعدالة،،،

رحم الله الدستور ورجال الدستور الذين رحلوا وهاجروا وتركوا البلد لانصاف متعلمين وجهلة تعرفهم من كلامهم ولحن القول والتنطع اللغوي الذي أردى بهم في مهاوي الخطأ ،،، إن الدستور الاعظم هو اليوم الذي يتم فيه كنس هؤلاء الخشب المسندة وهو قريب ويظنونه بعيدا فالله هو الغالب على الامر ،،،


#1142309 [شبتاكا]
1.00/5 (1 صوت)

11-05-2014 10:03 AM
الستور المقصود فى النص الجبته لينا ده بتاع ناس شيخ مبارك شيخ الظهر اما دستور الشيخ الماسونى وتلامذته وهبنقه بتاعهم ومجلسهم الواطى ومفوضية الخج العليا فدىل قوانينهم كلام الليل يمحوه النهار.....ونحن يا سعادتك و منذ يوم الجمعه 30/6/1989 خيم علينا ليل الاخوان الماسونيين وما شفنا لينا نهار و من يومها شغالين بكلام الليل الاخوانى ده عشان كده ما تستغرب فى عدم اكتراثنا فاى عواسه يعسونها نحن بنبلعها وكما قال الشاعر المصرى كمال عمار
امنت تعلمت
ما تفعله حق
وما لا تفعله حق
دخل الفيل الشق لن اعجب
وليخرج لن اعجب
ما دام زراع الضرغام
بعيدا عن راس الثعلب
شعبنا الطيب شباب نفير قالو لكم ختو الرحمن فى قلبكم وجمعو صفوفكم وامرقو لبره عشان رحمة ربنا تنزل فيكم..............صدقونى انتفاضتكم هى الحل الوحيد.


#1142184 [سوداني ود بلد]
0.00/5 (0 صوت)

11-05-2014 08:37 AM
ياعثمان ميرغني عصابة المؤتمر الوطني الحاكمة لاتعترف بدستور ولا قوانين, فهم سطوا علي الحكم عن طريق الإنقلاب العسكري علي نظام حكم منتخب بطريقة دستورية بخرق واضح للدستور والقانون, ثم يريدون الآن اعادة تفصيل قانون الانتخابات الذي فصلوه هم انفسهم ليعطوا رئيسهم القادم ( البشير بكل تأكيد) حق تعين الولاة بدلا من انتخابهم من قبل مواطني الولايات ليأتوا بأهل الولاء والطاعة لحكمهم من الذين يفسدون ويشجعون ويحمون المفسدين بقانون تحللهم, من دون ان يكون لمواطني الولايات حق انتخابهم ولا لمجالس الولايات التشريعية حق في محاسبتهم اوعزلهم, هذا كله ضمن مخطط الفساد والدمار الذي تصر هذه العصابة علي المضي قدما فيه.


#1142181 [عصام الجزولى]
4.50/5 (3 صوت)

11-05-2014 08:36 AM
وهل من جاء بأنقلاب عسكرى يؤمن أصلا بالدستور وبالقانون وبالانتخابات يا عثمان ميرغنى وهل هناك قضاء مستقل ليطعن أصغر محامى فى خرق الدستور ؟


#1142175 [برعي]
0.00/5 (0 صوت)

11-05-2014 08:35 AM
دستور شنو ده؟ انت وهم ؟ انصحهم يبلوا ويشربوا مويتو! بلا كلام فارغ .. قال دستور قال.
والله قصة غريبة دي .


#1142108 [ود الركابي]
0.00/5 (0 صوت)

11-05-2014 07:08 AM
خلي يبلوهوا في موية بارده ويشربوه .. اكيد السودان حيعمل دستور جديد مستقبلأ زي تونس ومصر . يراعي التنوع في السودان ..


#1142074 [murtada eltom]
0.00/5 (0 صوت)

11-05-2014 05:05 AM
oh my god ...where is the Constituional court ....free lawyers ,,and humanright acivists should stop this dirty game inside and outside leagal courts.....this crook idea should not be passed so easy like that


ردود على murtada eltom
[متعاون] 11-05-2014 12:12 PM
please write correct words ( Legal ) and the (Constitutional ) you put , U , increase and ,A, from leagal


#1142060 [سودانى شديد]
4.50/5 (2 صوت)

11-05-2014 03:58 AM
ما زلت يا عثمان ميرغنى (صحفى كوز) تريحنى من عناء قراءة مقالاتك المفخخة .. إذهب و إعتذر للشعب السودانى و حاول أن تتحرر من تبعيتك المرضية لبارونات الحركة الإسلامية يااااااااا (ولدنا)


#1142057 [ملتوف يزيل الكيزان]
5.00/5 (1 صوت)

11-05-2014 03:53 AM
كل الكيزان كذابين و مخنثين.
على الشباب تكوين خلايا المقاومة المسلحة .
على الحركات المسلحة تسريب عناصرها لداخل العاصمة
على المغتربي تشكيل لجان دعم ابطال الداخل.
لحرق بيوت الكيزان و كلاب الامن.


#1142047 [Abufatima]
5.00/5 (1 صوت)

11-05-2014 02:49 AM
هل أنت جاهل أم تتجاهل علينا . أنتم لا شرعيه لكم. فمن تقنع لم تحفظوا عهود الديمقراطية. فهل تحفظوا عهود المصالح . فهل للحراميه عهود ومواثيق .


#1142042 [عكليت]
0.00/5 (0 صوت)

11-05-2014 02:41 AM
ما شاء الله عليك يا هندسة بمناكفة الذين يفترض فيهم حماية الدستور مع تعرية جهلهم بنصوصه .. اضافة لاقتراب انتهاء صلاحية أمد البرلمان كما صرح بذلك رئيسه الفاتح عز الدين .. مع اني لم أفهم ما تعنيه ( أليس الأفضل انفاذ التعديلات دون تعديل الدستور ) !!! و هل هناك سند قانوني لهذه الثغرة ؟ ؟ و لما التعديل من أساسه و قد تبقت ستة آشهر فقط للحكومة الجديدة و البرلمان !!! أم هو تكريس للقوانين ايذانآ بانقاذ جديدة موديل ابريل 2015 !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة