الأخبار
منوعات
الهلال يفتتح التسجيلات الشتوية بـ8 لاعبين
الهلال يفتتح التسجيلات الشتوية بـ8 لاعبين


11-08-2014 08:12 PM

قام فريق كرة القدم بنادي الهلال السوداني بإفتتاح تسجيلات اللاعبين الجدد عن الفترة الشتوية وذلك بتسجيل عدد ثمانية لاعبين تم إنتقاءهم من أندية الدرجة الأولى الثانية بالعاصمة الخرطوم بينما جاء ببعضهم من منتخبي الناشئين والشباب, واللاعبون هم محمد مختار "بشة الصغير" من فريق ام بدَّة, صهيب عز الدين "فريق وادي النيل",احمد عبد الرحمن من وعماد صلاح الدين "الرابطة" عمر حسن من أكاديمية ارسنال الإنجليزي, مازن مصطفى "فريق الشعبية" ونصر الدين عبد الجليل من الأملاك, وقد قام الهلال بتصعيد لاعب الفريق الرديف الظهير الأيسر محمد عبد الوهاب, وتسمح لوائح البطولات بإتحاد الكرة السوداني بإشراك لاعبي الفريق الرديف وهم من فئة 23 سنة مع الفريق الأول متى ما إحتاج لهم.

وقد وقع اللاعبون الثمانية بمقر التعاقدات بإتحاد الكرة السوداني عصر اليوم والذي صادف أول يوم رسمي في التعاقدات الشتوية والتي سوف تستمر لمدة اسبوعين, واشرف على عملية توقعيهم من قبل النادي الأزرق الأمين العام عماد الطيب وعضو المجلس فوزي المرضي.

ومن ناحية أخرى إستقبل نادي الهلال نهار اليوم مهاجم فريق القطن الكاميروني وهداف الكونفيدرالية بانجورا السيراليوني وخضع اللاعب للكشف الطبي فور وصوله.

كووورة






تعليقات 7 | إهداء 0 | زيارات 20301

التعليقات
#1145899 [الكونت]
0.00/5 (0 صوت)

11-09-2014 08:24 PM
بالتوفيق ليهم واتمنى ان يشاركوا كاساسيين في الفريق الاول وما ننتظر بطولات في السنتين القادمتين وبعد نكون كسبنا فريق بطولات وما دايرين محترفين تاني وممكن نصدر إن شاء الله


#1145693 [الهلباوي]
0.00/5 (0 صوت)

11-09-2014 02:43 PM
عمر حسن دا لو فعلا ولدنا بتاع نيوبرت
مكسب عديييل
ظاهر في الصورة
التالت علي اليسار
ود ممتاز
ادرب في اكاديمية كمبران

ما اعتقد انو يكون شاف الارسنال بعينو

لكن الحقيقة ولد لعاااب
عمر حسن بحر الدين


#1145369 [محمد عبد الرحمن محمد]
0.00/5 (0 صوت)

11-09-2014 08:49 AM
ارمي لقدام تسجيل صغار السن من أهم اتسجيلات لكي يبني الهلال فريق القرن الصبر والله انا مريخابي والمريخ كان ماشي صح ولكم في الفترة الاخيرة التسجيلات دي كلها غلط في غلط وبالذات من ناحية الاعمار الله يستر المريخ


ردود على محمد عبد الرحمن محمد
Qatar [mmm] 11-09-2014 11:09 AM
اهنيك اخي لتفكيرك المنطقي...
لو المسؤلين في المريخ كانو بي نغس تفكيرك كان حال الكورة اتعدل..
المريخ مشكلتو بيسجل الاعبين بالعواطف...ولما يسجل لاعب بيفكر في الهلال قبل تفكيرو في حوجتو للاعب ...
جمع النجوم مابيعمل فريق قوي...واللا كان ريال مدريد الفريق الاقوي عالميا....


#1145359 [مدحت عروة]
0.00/5 (0 صوت)

11-09-2014 08:41 AM
قرار سليم والشباب هم عماد المستقبل ولا تتعجلوا النتائج تتذكروا ناس عيسى صباح الخير وعبد السلام حميدة وابراهومة المسعودية وغيرهم من الاشبال وسامى عز الدين وهوارى طلاب الثانوى صغار السن ممكن ان يتعلموا من المدرب عكس كبار السن!!!!!


#1145253 [الحقيقة المرة]
0.00/5 (0 صوت)

11-09-2014 07:02 AM
ديل جايبنهم من ياتو روضة ..... والله يا الكاردينال ربنا يستر مع الحال المايل ده ...


ردود على الحقيقة المرة
Saudi Arabia [الحقيقة المرة] 11-09-2014 04:18 PM
يا عمر والله انا لما لعبت كورة يمكن ابوك ما اتزوج لسه ... بالمناسبة أعمارهم كم ؟ ممكن يكونوا في الناشئين أو الشباب .... بالله تفتكر يا ابني انو ديل ممكن يلعبوا في بطولة افريقيا بأحجامهم دي ؟ ليس تقليلاً في مهاراتهم أو قدراتهم لكن الأحجام مهمة شديد .... قارن أي واحد منهم مثلاً بالمعز محجوب أو أي لاعب افريقي من الجزائر ولا نيجريا أو ساحل العاج ... ستفهم وقتها فقط
ما أعنيه .... تحياتي

[عمرأحمد] 11-09-2014 09:42 AM
هذا هو الحل الصحيح ، أمشوا أفهموا كورة بعدين تعالوا إتفاصحوا.


#1145211 [صوت العقل]
0.00/5 (0 صوت)

11-09-2014 05:55 AM
الرماد كال حماد ياحليلك يا الارباب فقدناك


ردود على صوت العقل
[عمرأحمد] 11-09-2014 09:40 AM
الرماد كال الزيك محدود الفهم ديل مستقبل الهلال والكورة بقدروا ليها الشباب وليس العجائز .
إنت لسه من زمن الأرباب ، كان راجيه يبقي رئيس ثاني الرماد كالك .


#1145112 [قمبارى]
4.50/5 (3 صوت)

11-08-2014 11:00 PM
والله ياكاردينال انتهيت من الهلال ديل لعيبة ولا اسرى؟؟؟؟؟؟؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة