الأخبار
أخبار إقليمية
المفوضية : "800" مليون جنية تكلفة انتخابات حزب البشير
المفوضية :


11-21-2014 11:23 PM
الراكوبة - الخرطوم وأعلن رئيس المفوضية القومية للانتخابات مختار الأصم في برنامج "مؤتمر أذاعى" أمس أن تكلفة الانتخابات تبلغ 800 مليون جنيه. وأكد أن السجل وصل إلى 13.3 مليون ناخب وقال إنه لأول مرة في السودان يتم إنشاء سجل دائم للناخبين"، وأشار إلى أن الانتخابات التعددية السابقة التي جرت في أعوام (1953، 1956، 1958، 1968، و1986)، كانت بسجل مؤقت مرتبط فقط بزمن الانتخابات المعينة.

وأوضح أن السجل الانتخابي الحالي أنشأ في 2009- 2010 ويضم 11,600,000 ناخبا، وانه بعد فتح السجل للانتخابات القادمة تم تسجيل 1.7 مليون ناخب جديد ليصبح العدد 13.3 مليون ناخبا".

وأكد الأصم أن المفوضية تتمتع باستقلال إداري ومالي وسياسي وحياد وشفافية كاملة، وقال "إن المفوضية نظرت في كل الأساليب التي يمكن أن تؤمن للمتنافسين والمشاركين متابعة نزاهة العملية الانتخابية ولذلك تم تكوين لجنة من الأحزاب السياسية لترى رأي العين ما تقوم به المفوضية".

وقال الأصم إن الانتخابات لا يمكن أن تصبح عائقا أمام اتفاق السودانيين حول الحوار الوطني، وأضاف "إن الانتخابات تعنى آلية التبادل السلمي للسلطة دون عنف أو بندقية".

وأشار إلى أن الدستور الانتقالي لعام 2005 أمن على مسألة الإنتقال السلمي للسلطة عبر الانتخابات، لافتاً إلي إن الدستور شهد عليه العالم وأمنت عليه 23 دولة وأصبح منذ ذلك الوقت يحكم السودان إلى الانتخابات الأولى في أبريل 2010، التي أدت إلى استقرار الحكم.

وأكد أن "شرعية الحكم الحالي نبعت من تلك الانتخابات وأن الدستور حدد فترة زمنية بعدها ستنتهي شرعية رئيس الجمهورية والولاة وشرعية البرلمان والمجالس الولائية في أبريل 2015".

وتابع "إذا لم تجرى الانتخابات سيحدث فراغ سياسي يمثل فرصة مواتية للجهات المعادية للسودان التي تتحين تلك الفرصة وترغب في أن ترى فراغا دستوريا يؤدي إلى اضطراب سياسي".


تعليقات 20 | إهداء 0 | زيارات 1902

التعليقات
#1155256 [تحت المجهر]
0.00/5 (0 صوت)

11-22-2014 09:57 PM
يعني 800مليار جنيه لاحول ولاقوة الا بالله


#1155254 [WATANI ADEEL]
0.00/5 (0 صوت)

11-22-2014 09:53 PM
alasim means stone ,,the sudan's problems in the doctors and prohp 's


#1155246 [ابو القاسم موسى صباحى]
0.00/5 (0 صوت)

11-22-2014 09:25 PM
قولو معاى امين انشاء الله القيامه تقوم اليوم وتريحنا ولاانتخابات ولايحزنون ونتحاسب امام ربنا قولوا امين


#1155177 [ابو مصطفى]
0.00/5 (0 صوت)

11-22-2014 05:50 PM
اقتباس (وأكد الأصم أن المفوضية تتمتع باستقلال إداري ومالي وسياسي وحياد وشفافية كاملة) الصحيح يا الأصم : ( أن المفوضية تتمتع بإستغلال تام للموارد المالية والقرارات السياسية كما أنها تتميز بالغموض الكامل لصرف هذه الأموال)
ي أخى وزعوها بيناتكم من سكات


#1155104 [نور سلطان]
0.00/5 (0 صوت)

11-22-2014 03:01 PM
احسن 200مليون مستشفي دنقلا و200مليون مستشفي الفاشر و200مليون مستشفي بورسودان ديل كم 600 اها خلاس الميتين الباقيات 75 للهلال و50 للمريخ والباقي يتقسم بين الموردة والعباسية .


#1155096 [ود الركابي]
0.00/5 (0 صوت)

11-22-2014 02:47 PM
ولزومه شنو ال 800 مليون ماالرئيس فائز فائز .. بلد ماليها وجيع .. ياخي اولاد المدارس مالاقين كراسي جلوس . ومدارسنا شكلها مايشرف . لك الله يامواطن ..


#1155025 [WAR LOARD]
0.00/5 (0 صوت)

11-22-2014 12:47 PM
يابروف عيب! عليك!!
ات مالهفت في الانتخابات الفاتت!!!وعملت المكاتب والشركة والجامعة!!! كفاية كذب علي الشعب السوداني!!! واحترم مهنتك كمعلم!!! يعني توافق علي اهدار مليارات الجنيهات علي انتخابات الحزب الواحد!!!ليصيبك منها درهيمات ويهدر الباقي فيما لافائدة منه!!!والبلد والمواطن في حاجة للاموال في الصحة والبئة والتعليم والزراعة!!!بعدين شنو السجل من 2009!!يعني اعتمدوتوا السجل السابق لعدم اقبال الناس العاقلين المحتارين المستسلمين للمسرحيات الحكومية علي التسجيل!!يعني المرة دي كل السجلوا مليون بس!!طيب وين منسوبي الفشل الوطني ابان كروش!!!!
ده ياودساتي مثال لمثقفينا وصفوتنا الانتهازية ومخرجات جامعات ومدارس الجلد والتخويف!!!!


#1155016 [radona]
5.00/5 (1 صوت)

11-22-2014 12:33 PM
مليون بالجديد يعني مليار بالقديم
كتير والله جدا
بالله القروش دي لو تم تحويلها لتاهيل مشروع الجزيرة ما احسن
بالله انتخابات نتيجتها معروفه ومحسومة تحتاج لصرف مبلغ فلكى كهذا والبلد تعاني الاتهيار الاقتصادي
بالله الجماعة ديل في زول سالهم من دستور ولا قانون
ومالدستور انتهى بانفصال الجنوب في 2011م وكله اتقدد واترقع
الغوا الانتخابات مافي داعي وخليكم على ماانتم عليهو والبرفع راسو زي ماحصل في سبتمبر 2013م فان مصيره هو مصيره
شيلوا نص قروش التكلفة والنص التاني انشاءالله تجيبوا بيهو مكائن ومحاليل غسيل الكلى مش احسن ولا شنو


#1154949 [المستعرب الخلوى]
5.00/5 (1 صوت)

11-22-2014 11:28 AM
وعشان شنو ؟ عشان يقولوا المؤتمر الشعبى فاز فى الإنتخابات ؟؟ ما دى حاجة مفروغ منها وما فى داعى للصرف المافى ليهو داعى دا .. إستفيدوا بالأموال دى فى بناء مستشفيات وشوارع وكهربتء وموية ..
دا كلو كلام فارغ وعبث عبث عبث عبث ..


#1154936 [طارق الباز]
5.00/5 (2 صوت)

11-22-2014 10:51 AM
معقول خج الصناديق بكلف الملايين؟


#1154918 [كافاب الاسكلة]
5.00/5 (1 صوت)

11-22-2014 10:21 AM
على الاقل حتنهب منها 200 مليون يا نجس


#1154914 [زول وطني غيور]
5.00/5 (1 صوت)

11-22-2014 10:17 AM
800 مليون يا الأصم يا أخي ماتكملها مليار وتريحنا!! أنت نصيبك فيها كم يا الأصم؟ سموك الأصم ورأسك خاتي الفهم!!


ردود على زول وطني غيور
Sudan [warloard] 11-22-2014 12:34 PM
ياخوي شكلها 800مليون بالجديد يعني 800مليار!!!يعني حيسرقوها كلها ويحاسبونه عليها!! اسه الخج والفشل الدموي ده محتاج لانتخابات وله قروش!!!!


#1154861 [abubaker]
3.00/5 (2 صوت)

11-22-2014 09:03 AM
عن اي انتخابات تتكلم كيف اتو اساسا للسلطة ؟


#1154822 [المغبون من الاسلاميين]
3.00/5 (3 صوت)

11-22-2014 07:24 AM
يا الاصم انت اخطر من الكيزان همك كلو العائد من الانتخابات حرام عليك حرام عليك هل انت سوداني ام من كوكب اخر وهل انت دكتور وعندك عائله سودانيه ولكن الايام بيننا وسوف تحاكم مع كل الاسلاميين الخونه القتله المقتصيبين اللصوص وانت منهم ايها الماسوني المنحط.


#1154746 [كاره الفساد]
5.00/5 (2 صوت)

11-22-2014 01:01 AM
11,600,000 ناخب من 2009 يعني ياحضرة البروفسير الناس الناخبين ديل كلهم حيين مافي ناخب مات ولاهاجر .والله علي السودان السلام إذا كان هذا حال البروفسيرات .


#1154738 [اقلام رصاص]
3.00/5 (2 صوت)

11-22-2014 12:25 AM
منتهى الغباء والجهل...لا توجد ديموفراطية فلماذا الانتخابات


#1154736 [ِAburishA]
3.00/5 (3 صوت)

11-22-2014 12:20 AM
كضب يطمم البطن..


#1154729 [حريقة]
5.00/5 (2 صوت)

11-22-2014 12:04 AM
يا برو .. اُف ..
نحن نبارك لحزب الأغلبية (المؤتمر الوطني) فوزه الكاسح و لأمير المؤمنين استمراره الذي بات مطلباً شعبياً وذلك بدون إنتخابات (أم فكّو) كدا وأديناهو من عندنا 6 سنوات مش 5 بس رايكم شنو ..
و الـ ٨٠٠ مليون جنيه اولى تجيبوا بيها شاش وإبر و شوية ادوية للضغط والسكر لزوم الـ 6 سنوات الجاية ..
بدل ما تصرفوها و(تبعزقوها) ساكت ، اصلو القوي الأمين فايز .. فايز .. المصاريف لزوما شنو و في شنو يا سعادتك ؟؟


#1154728 [منشى]
5.00/5 (1 صوت)

11-21-2014 11:59 PM
شنو ؟ قلتو 800 مليون جنيه , بوب بوب بوب , اوعك يكون دا قروش تاجر العمله بتاع السوق العربى , سرقتوهو منو و القروش الاصلى الطالعه من وزارة الماليه تمولوا بيهاالمؤتمر الوطنى بعدين تحلفوا بايمانكم إنو دا ما من قروش الحكومه , و الله دا حكايه , ابليس ما قدر عليها !!!!!


ردود على منشى
Switzerland [صديق البيئة] 11-22-2014 03:06 AM
انت مراقب


#1154727 [قرفان من الكيزان]
3.00/5 (2 صوت)

11-21-2014 11:53 PM
كذاااااااااااب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة