الأخبار
أخبار السودان
"الراكوبة" تتحصل على تفاصيل اخطر اجتماع لجهاز امن البشير.. على كل سياسي معرفة هذه الأسرار وحجمه عند حزب البشير.
"الراكوبة" تتحصل على تفاصيل اخطر اجتماع لجهاز امن البشير.. على كل سياسي معرفة هذه الأسرار وحجمه عند حزب البشير.



محمد عطا: ناس المعارضة مجرد عطالة.. والجبهة الثورية ما عندنا ليها حاجة غير النار
11-24-2014 12:13 AM
الراكوبة - خاص اتهم مدير جهاز امن البشير الفريق اول محمد عطا، دوائر استخباراتية خارجية بنسف جولة مفاوضات اديس ابابا بين الحكومة والحركة الشعبية – شمال. ووصف في الوقت ذاته قادة قوى الاجماع الوطني بالعطالة.

وقال محمد عطا في تنوير امني لضباط هيئة الإسناد وضباط الجهوي وضباط الدائرة السياسية، في مساء يوم 19 نوفمبر: ان تحالف قوى الإجماع الوطني لا يملك برنامجا، وان قادته منقسمون حول تسمية خليفة لفاروق ابو عيسى، ومضى يقول: "ديل ما عندهم أي برنامج، وهم مجرد عطالة.. وعمرهم ما حيتلموا او يتفقوا على حاجة".

واكد عطا في التنوير الذي تسرّب محضره الى (الراكوبة)، ان حزب الامة لا يعتبر جزءً من تحالف المعارضة، وان الحزب الاتحادي اقرب الى المؤتمر الوطني، واردف قائلا: "ناس الأمة بره منهم، والإتحادي ناسنا، وناس الشعبي رجعوا البيت.. يعني شوية يساريين عطالة وبرضو عندنا فيهم كم واحد".

واكد عطا انهم سيقومون بالضرب بيد من حديد على احزاب السيار في حال تجاوزت الخطوط الحمراء، مشددا على ان الحكومة ستتخذ ضدهم اجراءات صارمة، واضاف: "اليساريين غير الفوضى ما عندهم حاجة وهم بيستغلوا اي ظرف وأي مناسبة عشان يعملوا فوضى.. ولما نتخذ ضدهم إجراءات يجروا لمنظمات حقوق إنسان ومجتمع دولي ومنظمات مجتمع مدني وكلام فارغ .. عشان كده لابد من الضرب بيد من حديد.. والعايز يقعد جوه يقعد بأدبو ويعارض ذي ما عايز بس ما يتجاوز الخطوط الحمرا".

وطالب عطا قادة دوائر وادرات الجهاز بعدم الثقة في منسوبي الحركات الموقعة على وثيقة الدوحة بما في ذلك حركتي التحرير والعدالة وحركة العدل والمساواة بقيادة دبجو، وزاد يقول: "منسوبين الحركات الموقعة على إتفاقية الدوحة من ناس السيسي لحدي مجموعة دبجو .. الناس ديل عينكم ما تزوغ منهم .. نحن ما عندنا ثقة في زول مهما قدّم لينا .. بنثق في الله وفي الحركة الإسلامية تاني اي خموم بنتعامل معاهو وفق ما تقتضي مصلحتنا ومصلحة البلد".

وفي ما يلي حديث مدير جهاز امن البشير الفريق اول محمد عطا، الذي ادلى به في تنوير امني لضباط هيئة الإسناد وضباط الجهوي وضباط الدائرة السياسية لمفاوضات أديس، في مساء يوم 19 نوفمبر، والذي تسرّب محضره الى (الراكوبة):-

ما حدث في أديس كان متوقعا .. ولدينا معلومات لكن رغبة بعض الاصدقاء في المجتمع الدولي هو ما جعلنا نمضي في هذا الاتجاه .


القناة بتاعت لجنة مناوي الجابوها أديس دي .. نحن كان عندنا معلومات كافية عنها والله لا مناوي لا التوم هجو ولا أي واحد من قادتهم عندو مقدرة تفكير كبير ذي دا .. والدوائر المخابراتية البتديهم تعليمات عشان يفشلوا المفاوضات وهم فاكرين ختوا الحكومة في مأزق لما يتكلموا عن حل شامل لمشكلة السودان الكلام دا ما بينطلي علينا .. ويمكن جنابو أحمد في متابعتو الأمنية للمفاوضات وما حولها رصد بعض الوجوه المخابراتية البتكون نشطة جدا في أديس أيام المفاوضات من دون تفصيل ..

الترتيبات في ما يخص الدعم السريع جنوب كردفان "أسود الجبال" تمت بصورة ممتازة سبقت ما تم الإعداد له نتحدث هنا عن أسود الدفعة 78 .. ما قامت به إدارة الجهوي هو نموذج لعمل إدارات الجهاز المختلفة وما قاموا بيهو من عمل كبير شكل إضافة لقاعدة الجهاز المعلوماتية حول الصراع مع الجبهة الثورية وبل حتى علامه فارقة دا .. وخلونا نعيد ترتيب اوراقنا في الصراع دا نحن بنحيهم وما ستشهدوا من انتصارات على الأرض في الأيام المقبلة هو نتيجة عمل دؤوب دون كلل طوال فترة الخريف .. بل خلينا حتى اخوانا في القوات المسلحة يعيدوا ترتيباتهم ومعلوماتهم الاستخبارية عن الجبهة الثورية

- قوات الدعم السريع القوات المقاتلة الأولى في المرحلة القادمة

- الخطة تكوين قوات من الدعم السريع تقدر بعدد 25 الف مقاتل حتى نهاية العام 2015 م

- عمل إدارت للدعم السريع في كل الولايات بالتركيز على مناطق الشدة وولايات التماس – مع إحتفاظ هيئة الإسناد بمركزية القيادة

- سوف يتم تدريب كتائب خاصة بالمدفعية والمدرعات .. وتم الإتفاق مع قيادة الجيش على البدء في تنفيذ هذا البرنامج في بداية العام 2015 – ونهايته سوف يشهد قوات مدفعية ومدرعات خاصة بهيئة الإسناد والجهاز

- في كل العمليات القادمة سوف يكون هناك تنسيق مباشر بين قيادة العمليات والقوات الجوية بالقوات المسلحة لتشكل دعم جوي للعمليات

- بعد نجاح الإدارة الأهلية في إستقطاب عدد من أبناء القبائل لبرنامج الدعم السريع سوف يعول عليهم في الفترة المقبلة للمزيد من الإستقطاب والتجنيد .

السياسي :

- إنتخابات قامت ما قامت نحن تعليماتنا في التعاطي مع كل القضايا السياسية حيظل بنفس الوتيرة والنَفَس الأمني .. ما حا نرهن إستقرار البلد بسبب إنفتاح تجاه الآخرين لفوضى يساريين وشباب عطالة ومهددات أمنية

- مفاوضات نجحت ما نجحت نحن تعليماتنا دحر الجبهة الثورية في أي مكان عندهم تواجد فيهو حركة شعبية ولا حركات ما لم يكون في توقيع إتفاق سلام نهائي ما عندنا ليهم غير النار

- الجهاز حيكون داعم للحوار الوطني – بس دا ما معناهو أي زول عايز يلم ليهو 10 او 15 نفر ويعمل ليو ندوة ويطلعوا يكوركوا في الشارع ويعملوا فوضى

- حرية الإعلام مكفولة من غير تدخل في حاجة تمس الأمن القومي – والخطوط الحمراء في تناول الإعلام لقضايا الوطن دي حاجة ما بنلعب فيها – وما عايزكم تكونوا متساهلين .. برنامج مراقبة الإعلام والصحافة دا مهم جدا .. فخورين بشباب الجهاد الإلكتروني .. وفي برنامج مع أخونا في الخارجية لإستقطاب بعض وسائل الإعلام الإقليمية الصديقة .. مهمتكم سدوا ثغرة الإعلام المضاد

- ناس دبنقا ديل قبل كده إتساهلنا مع ناسهم القبضناهم وتم عمل تسوية مع إدارتهم في هولندا إنهم يكونوا محايدين .. وعشان نكسب ودهم قمنا بإطلاق سراح جميع المقبوضين .. الآن تابت وما تابت والفوضى البيعملوا فيها دي أي زول عندو علاقة مع دبنقا تمت إضافتو في دبنقا إعتقلوهو طوالي تاني تساهل ومجاملة مافي .. البلد دي ما حتضيع الا بالمجاملات ..

- ناس قوى الإجماع الوطني .. لأنهم ما عندهم أي برنامج مجرد عطالة الآن خلافاتهم واصلة السماء بسبب إيجاد خليفة لأبو عيسى .. وعمرهم ما حيتلموا او يتفقوا على حاجة .. ناس الأمة بره منهم الإتحادي ناسنا الشعبي رجعوا البيت .. يعني شوية يساريين عطالة وبرضو عندنا فيهم كم واحد

- منسوبين الحركات الموقعة على إتفاقية الدوحة من ناس السيسي لحدي مجموعة دبجو .. الناس ديل عينكم ما تزوغ منهم .. نحن ما عندنا ثقة في زول مهما قدم لينا .. بنثق في الله وفي الحركة الإسلامية تاني اي خموم بنتعامل معاهو وفق ما تقتضي مصلحتنا ومصلحة البلد

- اليساريين غير الفوضى ما عندهم حاجة وهم بيستغلوا اي ظرف وأي مناسبة عشان يعملوا فوضى نتخذ ضدهم إجراءات يجروا لمنظمات حقوق إنسان ومجتمع دولي ومنظمات مجتمع مدني وكلام فارغ .. عشان كده الضرب بيد من حديد العايز يقعد جوه يقعد بأدبو ويعارض ذي ما عايز بس ما يتجاوز الخطوط الحمرا

- أخوانكم في المحطات الخارجية قدروا يقوموا بشغل كويس جدا في علاقة الجهاز مع الأجهزة المخابراتية في بعض الدول وكسبنا أصدقاء مهمين جدا ومشيدين بتجربتنا .. وحنقوم بعمل مشترك عبر أكاديمية العلوم الأمنية والعسكرية لبرامج تبادل تدريبي وخطة العام 2015 م حتشهد تنفيذ إنفتاح كبير للجهاز على الأجهزة الأخرى .

- دول الخليج قدرنا نعمل إعادة ثقة في علاقتنا معاهم .. ومصلحتنا كدولة حكومة وشعب بتقتضي نتعامل مع الجميع ونقيف معاهم على مسافة واحدة بالتاكيد في علاقات إستراتيجية ما حنفرط فيها أو نضحي بيها من اجل إنو نرضي اطراف اخرى ..

- وإيران تجربتها في تشكيل قوات داعمة للجيش الإيراني [ حرس ثوري او فيلق القدس ] أو قوات داعمة للشرطة [ قوات الباسيج ] هي دي التجربة الناجحة اللي بيتم تنفيذها الآن عبر قوات الدعم السريع وعلاقته مع القوات المسلحة .






تعليقات 35 | إهداء 1 | زيارات 26238

التعليقات
#1157413 [رقيب أول / ركن]
4.00/5 (5 صوت)

11-25-2014 06:51 PM
( الذين أمنوا و لم يلبسوا ايمانهم بظلم اولئك لهم الامن و هم مهتدون ) 82 /الانعام
صدق الله العظيم .

سعادة الفريق محمد عطا .. ليتك تدبرت هذه الآية جيدآ قبل أن تأتي و تنعت شعبك بالخموم و تتوعده بالنار متوهمآ الأمان خلف مليشيات حميدتي و مدرعات 2015 .. و ان دامت لغيركم ما آلت لكم .


#1157090 [كباشي]
4.60/5 (7 صوت)

11-25-2014 11:24 AM
اقتباس :
( قوات الدعم السريع هي القوات المقاتلة الاولي في المرحلة القادمة )

نفهم يعني جيش عبد الرحيم أبو نضارة داخل العناية المكثفة و لا ايه !!!

معقولة بس !!! دا لعب فريق أول و للا بتاع دافوري !!!


#1157029 [أبو كلام]
4.19/5 (6 صوت)

11-25-2014 10:23 AM
لا لا لا لاستقطاب ابناء القبائل لقوات الدعم السريع يا عطا .. اذ هي سلاح ذو حدين و دونك ما يحدث الآن من نزاعات قبلية مسلحة بدارفور أججتم نارها أنتم بتسليح أفرادها .. و مستصغر النار من شرر و دونك الصومال و ليبيا .. كل شيئ و لا الفوضي الخلاقة التي قد تكونون أول من يصطلي بنارها و حينها لن يجدي الندم بعد أن نكون قد بذرنا للحقد و الكره و مزيد من التشرذم و التفتيت للسودان الفضل ( بيدنا لا بيد الأعداء )


#1156971 [ود الشمال]
3.88/5 (5 صوت)

11-25-2014 09:16 AM
يا الفريق اول محمد عطا ، لو في اعتقادك امتلاكك القوة والإمكانيات يجعلك تطغي علي عباد الله فاعلم من سبقوك كان اقوي منك واكثر جبروتا ً وانظر ماذا جري لهم و الامثل كثير ، من امن الهالك القذافي في ليبيا ، والمخلوع بن علي في تونس وما طغاة مايو في السودان عنك ببعيد .


#1156849 [مرتضي]
4.50/5 (6 صوت)

11-25-2014 07:04 AM
الصبر طيب....علي قولكم ياكبار؟؟؟؟؟


ردود على مرتضي
[AburishA] 11-25-2014 03:59 PM
للقراء الافاضل ..تنبيه عن حالة تزوير وانتحال AburishA الاصلي سيد الاسم..
** ان هذين التعليقين الرخيصين غير اللائقين ليسوا خاصين بي...
الى السادة القراء الافاضل والمعلقين الشرفاء.. عندما ضيقنا الخناق على هؤلاء الكلاب بدأوا في تزوير وتزييف اسماءنا.. ولكن خسئت محاولاتهم وبارت في سوق المناضلين الشرفاء.. انظروا الى هذا الكلب الذي زوّر اسمي وانتحل شخصيتي بتعليقه الخايس الخايب الذي يشبهه ويشبه تربيته تماما..ولا شك ان جميع القراء الافاضل وزملاء التعليقات يعرفون اسلوب AburishA في التعاطي مع كل المواضيع وكيفية المداخلة واحترام جميع الزميلات والزملاء المعلقين الكرام الذين هم بمثابة اخوة لي ..

** اقول لمنتحل الاسم.. انت لسه بتاع روضة في التزييف وان العلامة الرفيعة جدا وهي موجودة في الكي بورد والتي وضعتهابعد حرف ال A الاخير في اسمي وتتداخل مع القوس.. والقوسين اللذين وضعتهما بعد نهاية الاسم تدل على مدي السذاجة المضحكة والغباء المركب الذي تتمتع به وفقر تعامل شخصيتك الخسيسة مع التقنية يا وهم.. ما بتقدر تبيع الموية في حارة السقايين.

** والمضحك الاخر حتى الثمالة يا فرخة وليس فروج حتى ولا ترقى لمستوى الجدادة ان اسلوب المراهقة الكيزانية الكلابية الشيطانية لا الومك عليه لانه ناتج عن اللبن الملوث الذي ارضعوك له..

** عموما انا سعيد بانتحالك لشخصيتي.. لان تعليقاتي دخلت عملت ليكم بواسير..
هيع هيع هيع هاااااع
والله الواحد لما يكون مجهول ابوين...مششششششششششكلة..

Sudan [ود الباشا] 11-25-2014 03:44 PM
الحلوين السمحين ابوريشة"plume dans le cul" وناس رانيا وبت حبوبتها وبت البلد وبت امدرمان وبت ملوك وجميعهن عقبالكم ان شاء الله
نحنا نعرف بعض حتى اذا لم نكتب الاسماء من الفكرة والاسلوب تعرف الشخص
والاخوة القدامى يعرفون بعضهم والاخوات رانيا ونجاة وبت حبوبتها وبت البلد وبت امدرمان وبت ملوك وجميعهن ولهن قوة الملاحظة العقلية
عشان كده انا بدعو لتكوين كيان يضمنا نحن كلنا مع بعض
وليكن شعارنا"plume dans le cul" عرفانا لدور ابوريشة الرائد
واسمنا: "the circle of disappeared fags le cercle de tapettes disparus"
وننظم حملة استيعاب لكل الفاقد التربوى السودانى الاصيل بالسعودية والوطن الام السودان
فايه رايكم ياحلوين ياسمحين مش اقتراح عظيم؟

Sudan [[AburishA]] 11-25-2014 01:38 PM
عزيزتى بت الجيران اخبارك واخبار الحلوين رانيا ونجاة وبت حبوبتها وبت البلد وبت امدرمان وبت ملوك

ولايهمك انا قاعد متفرغ ليهم بالمرصاد

Switzerland [بت الجيران] 11-25-2014 10:44 AM
الفاضل أبو ريشة .. الجماعة لابدين بعد محاولات تهكير الراكوبة من جداد عطا !!! بعد أن صدقوا انو فخور بهم و عاوزين يثبتوا انهم راستات .. بس راحت عليهم .

Sudan [[AburishA]] 11-25-2014 09:54 AM
الصبر وين عاد؟ كمل الصبر لمن دفق

الحلوين ناس بت ابوزيد ورانيا وبت حبوبتها وبت البلد وبت امدرمان وبت ملوك اخباركم
مشتاقين


#1156706 [مرتضي]
3.13/5 (5 صوت)

11-25-2014 01:34 AM
.


#1156697 [نزار]
4.07/5 (6 صوت)

11-24-2014 10:08 PM
سبحان الله


#1156627 [ابو عرب]
1.50/5 (3 صوت)

11-24-2014 06:57 PM
دوام الحال من المحال ولو دامت لنميري والصادق وغيره ما كان جاءتكم


#1156623 [يوسف مادة]
4.07/5 (6 صوت)

11-24-2014 06:50 PM
دا كلام عسكري مفلس.نفس عقلية رئيسك. الفاسد.قربت اناالله مع الصابرين


#1156620 [اللحوي]
2.88/5 (5 صوت)

11-24-2014 06:37 PM
أمك .... الجماعة قالوا ... تقريب وجهة النظر مع الصادق المهدي والسبب لأنه لا يحمل السلاح .... !!!!!
وهم يريدون بذلك كسر الصف ... دي أصبحت شغلة قديمة ومكشوفة ... وهذه آخر أخبار اليوم .


#1156581 [فانتوم]
4.07/5 (6 صوت)

11-24-2014 05:23 PM
ياخلف الله جننتا عايزني اوضح التعليق بالشوكه والسكين يعني


#1156560 [ابو حسين]
3.13/5 (5 صوت)

11-24-2014 04:06 PM
الرجل أفلس وهو يمثل وجه النظام الكالح السواد الفاسد ، ويحاول يثبت لأسياده أن قادر على الطوفان الذي لا محالة آتي ، وعندما تسمع منه مصلحة البلد تتردد على أسماع كل المواطنيين بأنها مصلحة الفساد والمفسدين ..........


#1156545 [AburishA]
4.10/5 (10 صوت)

11-24-2014 03:35 PM
مبروك للراكوبة الصامدة التي هزمت كلاب الامن بالكلمة..بالامس حاولوا اختراقها وقتل نضالها واسكات صوتها واغتصاب شرفها ولكن هيهات هيهات فقد عادت اقوى شكيمة..مرتدا اليهم كيدهم في نحرهم خاسئين..ان هؤلاء السفهاء الاغبياء ليتهم علموا ان هذا الموضوع " القنبلة" قد اطلع عليه ما يقارب المائة الف واكثر من مائة تعليق رئيسي وقد عمت قذارتهم القرى والحضر.. برافو للراكوبة التي اخرصت السن الجبناء أتت بنفس الخبر في صدر صفحتها تحديا.. ولا نامت اعين الجداد الالكتروني الخايبين..


ردود على AburishA
Sudan [Je seme à tout vent] 11-25-2014 06:08 PM
لتعم الفائدة الجميع فقد كلفنى ود الباشا بترجمة تعليق المناضل الشاذ الفذ ابوريشة للغات العالمية الحية حتى يعلم الجميع بنضاله وكفاحه لاسقاط الطغمة الحاكمة فى السودان
خالص التقدير..ولتحية لكل مناضلي بلادي الشرفاء الذين وضعوا الوطن في حدقات العيون


Congratulations to the steadfast Rakuba that defeated dogs Security Elma..balams tried to penetrate and kill the struggle and silence the voice and raped her honor Far, very far, but it has the strongest Hkimh..mrtda returned to them in their scheme Nharham Khasin..an these idiots foolish to accuse knew that this issue "bomb" had a look it nearly one hundred thousand and more than one hundred major suspension has pervaded their filth villages and urban .. Bravo Rakuba which Akharst age cowards came the same story in its front challenge .. not slept eyes Aljaddad mail Alkhaaben ..

Félicitations à l'Rakuba indéfectible qui a vaincu chiens sécurité Elma..balams essayé de pénétrer et de tuer la lutte et faire taire la voix et violée son honneur Loin, très loin, mais il a le plus fort Hkimh..mrtda retourné à eux dans leur régime Nharham Khasin..an ces idiots folles d'accuser savait que cette question "bombe" avait un regard il a presque cent mille et plus d'une centaine suspension majeure a envahi leurs villages de la saleté et urbaine .. Bravo Rakuba qui Akharst lâches d'âge sont venus la même histoire dans sa contestation devant .. pas dormi yeux Aljaddad électronique Alkhaaben ..

Поздравляем пристальным Rakuba, которая победила охранных собак Elma..balams пытался проникнуть и убить борьбу и заглушить голос и изнасиловал ее честь Далеко, очень далеко, но он сильный Hkimh..mrtda вернулся к ним в их схеме Nharham Khasin..an эти идиоты глупо обвинять знал, что этот вопрос "бомба" была внешний вид это почти сто тысяч и более сотни крупных подвеска проникнут их Filth деревнях и городских .. Браво Rakuba которые Akharst возраста трусы пришел и ту же историю в ее передней вызов .. не спал глаза Aljaddad почту Alkhaaben

Sudan [ود الباوقة] 11-24-2014 08:14 PM
.

[رانيا] 11-24-2014 05:57 PM
اصيل يا AburishA
نجاة اخبارا؟
مشتاقين والله


#1156532 [معاويــــــــــــــــــــــــــــــــــــــة]
4.04/5 (6 صوت)

11-24-2014 03:21 PM
سبحان الله البلد دى بقت يتكلم فيها ناس ما عارف جايبنهم من وين عبد الرباطاب ده معارفين ظاهر كده مالو اليومين دى ويهدد فى الناس كمان ياربى سيدو مات فى البلد عاوز ينط يظهر فيها انو هنا سيد بلد والله شنو ,................


#1156513 [التغيير]
3.82/5 (6 صوت)

11-24-2014 02:57 PM
الموضوع وما فيه فبركه من ناس الامن بتخويف الناس وعدم التفكير في اي محاولة احتجاج هؤلا الناس يديرون البلد بطريقة زعماء العصابات وهم اتعدوا زعماء العصابات بمراحل ولكن الله اقوي منهم ومصيرهم الي زوال سنه زيادة سنتين مصيرهم الي زوال وربنا يمهل ولا يهمل وكل ما قعدوا شوية بتظهر حاجات تؤكد للشعب السوداني انهم عاصبة ليس الا ويجب ان ان لا يتردد الناس في الاحتجاج هؤلا الناس ثبت انهم هنبول ليس الا شهيد القصر لوحده واعزل جهجهم


ردود على التغيير
[AburishA] 11-25-2014 04:05 PM
لك التحية اخ [التغيير] التسريب حقيقي وليس فبركة..هناك زي ما بقولوأ يوجد (طابور خامس داخل قادة الجهاز) ناتج عن التكتلات والصراعات فيما بينهم..والصراع في موضوع ترشيح البشير خير مثال..

Netherlands [شاهنشاه] 11-24-2014 06:42 PM
بالعكس هذه الوثيقة تدل علي اختراق جهاز الأمن و أنه نمر من ورق .. اذ لا يعقل أن يكشف الجهاز عن تمسك النظام بعلاقته الاستراتيجية مع ايران و عدم التفريط فيها من اجل ارضاء اطراف اخري .. مع مخادعته لدول الخليج باغلاق المراكز الثقافية الايرانية .. اضافة الي كشف تهميش القوات المسلحة مع التركيز علي مليشيات جهاز الامن ( الدعم السريع ) و تسليحها بالاسلحة الثقيلة و المدرعات .


#1156473 [زول وطني غيور]
4.00/5 (8 صوت)

11-24-2014 01:58 PM
للأسف هذه هي العقلية التي تدار بها أمور البلاد إنها عقلية قاصرة جدا لا ترى إي معالجة لأمور البلاد السياسية إلا عبر الفهم الأمني ، وتصف منسوبي المعارضة السودانية الشريفة بأنهم شوية عطالة ، أشك في أن السيد/ محمد عطا قرأ كتاب التاريخ أو حتى الجغرافيا، أنه رجل بلا ثقافة وبلا معرفة ، رجل لا يعرف سوى لغة القتل والإعتقال وتلقي الأوامر .. عندما تنجح الثورة سوف يكون مصيرك يامحمد عطا المحاكمة ..


#1156430 [هاشم بسطان]
4.00/5 (6 صوت)

11-24-2014 12:59 PM
الخطر الاكبر من داخلكم ياحكومة الانقاذ اغلبكم ناس مصالح شخصيه..ومافي ولاء ولا مبدأ....فعلا لاتوجد معارضه قويه ولاقوة الان تقف ضدكم....ولكن يوجد الله سبحانه وتعالى لا اله الاهو ونحن له عابدون..ويسمع دعاء المظلومين ..اللهم اشغلهم بانفسهم..اللهم ان لك عبادا من الجن والانس يكيدون لنا ويمكرون لنا تعلمهم يا الله ولا نعلمهم وانت علام الغيوب..
اللهم انا نجعلك في نحورهم ونعوذ بك اللهم من شرورهم..
اللهم اكفينهم بماشئت....

الخطر الاكبر داخلكم وستضربون بعضكم بعضا وكل شخص حيستقوى على الاخر..والعالم متغير والمصالح متغيره...وان غدا لناظره قريب..


#1156395 [شهنور]
4.13/5 (7 صوت)

11-24-2014 12:15 PM
كل الكلام خطوط حمراء الزول ده عندو عمى الوان ؟ مافى صفرا -خضراء واين الدمقراطيه فى قاموسكم؟ ربنا يورينا يوم اسود فيكم.


ردود على شهنور
Sudan [بكرى نحاسة] 11-24-2014 03:06 PM
"كل الكلام خطوط حمراء الزول ده عندو عمى الوان ؟"

اى يعنى ماشايف عدسات نضارتو خضراء كيف


#1156358 [فكري]
4.13/5 (9 صوت)

11-24-2014 11:37 AM
إجتهد الجداد بالأمس للنيل من الراكوبة بعد أن ثمن مربيها مجهوداتهم في الإزعاج وتغوطهم علي صفحات التواصل الإجتماعي وإن كنت علي يقين بأن فعلتهم هذه أتت أوكلها وأعادت الخبر لصدر الصحيفة من جديد فكلنا نعلم بأن قرأء الصحيفة من الثائرين في طريق النضال علي الأرض محدودين وماتبقي منهم مغتربين للغمة العيش أو الدراسة وينحصر إهتمامهم بالقراءة ومتابعة الأخبار فقط لابد من مراجعة تاريخ العلاقة العدائية بين الجهاز والصحيفة ومن هنا أناشد القائمين علي أمر الصحيفة بعمل دراسة إستكشافية لنتائج تلك الصدامات ومسبباتها المرحلية علها تبين العجز الفاضح والأهداف المكشوفة لما يسمي بجهاز الأمن والمخابرات "


ردود على فكري
[AburishA] 11-24-2014 08:20 PM
لك التحية اخ فكري..ان هؤلاء الخايسين الجبناء يريدون اسكات صوت الحق وقد تطرق وزير اعلامهم للراكوبة ومدى خطورتها الاعلامية.. كما تطرق اليها رئيس جهازهم في هذا الموضوع,, وعندما غلبتهم الحيلة في مقارعتنا الحجة والمنطق رجعوا الى الخساسة في تزوير وانتحال اسماءنا للتشويش..كما حاولوا امس تهكير الموقع واسكات حسه..ولكن هيهات هيهات..خالص التقدير..


#1156308 [مراقب]
3.82/5 (8 صوت)

11-24-2014 10:47 AM
سبحان الله .. هذه الوثيقة المسربة ( رغم أنف جهاز عطا الكرتوني ) أبانت بجلاء صدق تسريب الوثيقة الأمنية الأولي .. لتطابقهما في كشف مخادعة مافيا الانقاذ للخليجيين بالحفاظ علي المصالح الاستراتيجية مع ايران و الوقوف علي مسافة متساوية بين الطرفين .. و ان لا تفريط في المصالح مع ايران لاجل ارضاء أطراف أخري !! بالرغم من دراما اغلاق الملحقية الثقافية الايرانية .. و أم جرقم ما بتاكل خريفين يا عطا .


#1156256 [منصور محمد احمد]
3.13/5 (5 صوت)

11-24-2014 10:04 AM
الشباب لا ينتظر حوار او محادثات .
الشباب يكونو خلايا المقاومة بالاحياء ، الحركات تسرب عناصرها لداخل العاصمة ، لتفعيل حرب عصابات المدن.
ثورة حتى النصر ، البداية حرق بيوت الكيزان و كلاب الامن.
التوقيع: اغتصبت يوم اغتصبت بنات دارفور.


ردود على منصور محمد احمد
Sudan [ahmed] 11-24-2014 01:37 PM
استحي يااخي من نفسك تشويه سمعت بنات دارفور من اجل مصالح شخصية وكرهك للنظام

Sudan [شهاب] 11-24-2014 12:26 PM
ان شاء الله خير يا ملتوف بقيت منصور !!


#1156247 [حرية]
4.07/5 (7 صوت)

11-24-2014 09:56 AM
الرد علي المسمي النزير:
والله يا أخي كلامك بتاع أنفصلوا وريحونا عجبني خالص ولكن سيادك في المؤتمر الواطي
بوافقوك الرأي, كده ناقش الموضوع ده مع جماعتك اذا أتفقتوا نحن والله نحن أشد اشتياق للانفصال ,حاكمين منذالاستقلال وحتي الآن عملتوا شنو ما ياهو السودان أكبر متخلف في العالم الثالث


#1156240 [الأشــعــة الـحــمــراء]
4.07/5 (6 صوت)

11-24-2014 09:44 AM
لقد خلا لكم الرهان
*********

والقرية ميتة تحمزت بيوتها من جهل
والألباب منعدمة
ومن ضعافها زمرة في الكرى سكارى
يتخبطهم المس
وإذا انقضوا على وثاب من نعيم
صيروا الأرياف خما
ومن الحاضر سرابا
وشحذوا لطغيانهم أنيابا
واتخذوا من جهل من بالبيادي ركودا
نهادا لافتراس طفولة فطرت في الأرحام على إرث ساقط من تركة الأجداد
قيد به كبلت أمة وأنزلت إلى حضيض قعره الأسفل
عليها تصب السماء بالدنائس
منها شعوبا نزعت في غفلة
وبيعت لكعبة بها شيطان لمخزن يصون
إنه لهم المقصد
فتراهم حجيجا إليه
خوفا من نشوب العقاب.


#1156224 [شاكوش]
4.07/5 (7 صوت)

11-24-2014 09:24 AM
إعتقلوهو طوالي تاني تساهل ومجاملة مافي .. البلد دي ما حتضيع الا بالمجاملات
وناس شحنة المخدرات طلعوا منها كيف؟


#1156212 [بكرى نحاسة]
3.88/5 (8 صوت)

11-24-2014 09:10 AM
محمد غطاء بقى زى القعوى خاصة بالنضارة العدساتا خضراء


#1156175 [الحلم المنتظر]
2.38/5 (7 صوت)

11-24-2014 08:44 AM
انت يامحمد عطا يا هنري كيسنجر زمانك ..لو عندك ( مقدرة تفكير كبير زي دا ) ..كان الاجتماع ده تسرب ووصل لراكوبتنا ؟

غرور الانقاذ تغذيه ضعف القوى المعارضة وهواننا ... ليهم حق في الافتراء المستمر علينا

قوات الدعم السريع ..مرتزقة بلا وطن او هوية ..ولاءهم فقط للمال ..وانت تتفاخر بهم كانهم الرايخ الثالث ..يموتوا في حب الاوطان

لكن ليك حق ..لو اسأت لنا من هنا الى قيام الساعة مافي واحد منا او من المعارضة حيقول حاجة اويعمل حاجة ...انبح كما شئت قلوب السودانيين ماتت ودفنوها في تابت


#1156151 [ود السودان]
4.13/5 (7 صوت)

11-24-2014 08:19 AM
موضوع حزب الأمة والحزب الإتحادي الديمقراطي مكشوف وعلى مؤيدي هذه الأحزاب مراجعة قياداتهم والتي أغلبها أعضاء سريين في المؤتمر الوطني وخاصة الزراء الحاليين إشراقة ووزير التجارة ووزير مجلس الوزراء وما يسمى الإتحادي فصيل زين العابدين الهندي وناس الزهاوي وباقي حزب الأمة القيادة الجماعية وناس الزهاوي وحزب الأمة الإصلاح وعلى هذه الأحزاب طرد الذين يتحدثوا بأسمائهم حفاظاً على تاريخ هذه الأحزاب والكلام عن الحزب الإتحادي بأنهم ناسنا هو عين الحقيقة وأنصار السنة صارت حزب سياسي عديل متحالف مع الحكومة وكثير من الصوفيين تم شراؤهم .


#1156138 [Almo3lim]
4.16/5 (11 صوت)

11-24-2014 08:11 AM
نحنا اقوى طالما كانت دي استراتيجيتهم ..
عمري ما سمعت باستخباراتي غبي زي ده..

اﻻستخغاف بالخصم ﻻ يدل على عقلية امنية بل على ( جربندية) في الفهم يا ود عطا.


#1156119 [الكجور الأسود]
4.00/5 (6 صوت)

11-24-2014 07:55 AM
الحكم الذاتي للمنطقتين الذي طالبت الحركة الشعبية قطاع الشمال هو الوسيلة الوحيدة للترسيخ دولة"المواطنة"التي أجهضتها توجهات المؤتمر الوطني عبر السنين ،كما هو الوسيلة الوحيدة أيضاً لإعادة الثقة بين شعبي جنوب السودان والسودان الذي فضل.ثم كيف يعقل ألا يطالب قطاع الشمال بالحكم الذاتي للمنطقتين وكلاً من ياسر عرمان ومالك عقار محكوم عليهما بالإعدام؟وكأن الأمر لا يعني الحكومة بشيء ،فيا له من موقف حكومي في منتهى السذاجة.


#1156060 [Ibra]
4.13/5 (10 صوت)

11-24-2014 06:27 AM
مبروك للراكوبة على العودة وإعادة نشر هذا الغسيل الوسخ ،،،، دعوها هنا لأطول فترة ممكنة ، ولو دعت الضرورة اعيدوا نشر تقرير ريفرز للجنة الأمنية ،،، فليكن ذلك خير تأديب لمن يحاولن العبث والتطاول عليها ،،، إنشروا كل العفن ،،، فليكن حرباً ....


#1156038 [عدو الكيزان وتنابلة السلطان]
4.13/5 (12 صوت)

11-24-2014 05:04 AM
يامحمد عطا، إتعظ بما حدث للمستبدين والظالمين من حولك، سوف يأتي اليوم الذي تندم فيه على كل ماتقوم به وليس ماحدث لحسني مبارك والقذافي منك ببعيد، إنت اليوم في سكرة السلطة وناسي إنه ربنا بيمد ليكم مدا، ويستدرجكم، إلى أن يأخذكم أخذ عزيز مقتدر.


#1156037 [فانتوم]
4.10/5 (9 صوت)

11-24-2014 05:00 AM
يامسكيين الكيزان مسكوك قرون البقره وضنب الككو


#1156023 [salah a taha]
4.07/5 (9 صوت)

11-24-2014 02:42 AM
التهديد الواضح والفاضح لرئيس جهاز أمن الاجرام لحكومة الحراميه برئاسة حفنة من الكيزان المطلوبين للمحكمة الدوليه لإرتكابهم أفظع الجرائم فى تاريخ السودان الحديث من تمزيق و قتل وتصفية للشرفأ ,الفريق الحاقد محمد عطا تهديده للشعب السودانى بإدخال تجربة إيران والدواعش لتصفية كل مناضل يفضح مخططاتهم لتدمير ما تبقى من السودان ,لقد دنا يومكم وإن يوم حسابكم قريب ستصفون وتعلقون فى قلب الخرطوم والبادى أظلم


#1156020 [عميد/عبد القادر اسماعيل السني]
4.08/5 (12 صوت)

11-24-2014 01:56 AM
طبعاً عمر البشير و الإسلامويون عشان يحمو نفسهم و يستمروا حيذيدو الجنجاويد و يدوهم مرتبات أعلي و يدربوهم كمان علي شغل المدرعات و المدفعية .. و دي الحاجتين الكانو بيرجحو كفة القوات المسلحة .. و القوات المسلحة مهما اخترقوها برضو ما مطمئنين و بعد كدة حيضعفوها أكثر عشان لو في ضابط ود رجال عايز ينحاز للجماهير يبقي يفكر مليون مرَة .. كل ما نتأخر حيكون التغيير أصعب


ردود على عميد/عبد القادر اسماعيل السني
Sudan [واحد من هناك] 11-24-2014 07:50 AM
اسوأ شئ هو تدريب ابناء القبائل والعشائر عبر الادارات الاهليه او مايسمى بأمير القبيله الذى هو بالضروره يتبع للمؤتمر الوطنى يتم تجميع عدد مقدر من الشباب بعد اغراءهم بالرتبه والمال والسلاح-يعنى كل قبيله تجيب لواء او لوائين!معقوله؟ والله العظيم نحن محتاجين لهذا المال لبناء المدرسه والجامع والمركز الصحى الذى لا وجود له بالقريه - اما المدرسه فمبنيه بالقش وتاكلها الارضه نهايه كل خريف ايعقل هذا اتقوا الله فينا يامحمد عطا!سعر عربيه تاتشر واحده يبنى كم مدرسه اساس لا حول ولا قوه الا بالله يحدث هذا فى جنوب كردفان محافظه ابو جبيهه شوف عين مو حكى وأخبار منقوله !


#1156011 [shamy]
3.21/5 (8 صوت)

11-24-2014 12:27 AM
I think electronic chickens of Omer Albashir are no match for Alrakoba experts
in a jiffy alrakoba is back on line .
the so call boarders patrols are bunch of cowards .



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة