الأخبار
أخبار إقليمية
من داخل المحاكم الشرعية..زوجي.. (حرااااامي)



11-24-2014 11:02 PM
الخرطوم: إنعام محمد آدم
دلفت إلى قاعة المحكمة على استحياء.. وجلست على طرف الكرسي، وتنظر إلى الأرض وفجأة انتفضت مع صوت القاضي وهو ينادي عليها.. وبسرعة وقفت أمام القاضي وبعد سؤال المحكمة لها لماذا تطالبين بالطلاق؟ صمتت لبرهة والدموع تنهمر من عينيها، وقالت: تزوجت وعمري لا يتجاوز الخمس عشرة سنة وأنجبت خلال زواجي الذي دام عشرين عاما ستة أبناء (أربعة أولاد وبنتين) ولكن فاض الكيل عندما أكتشفت أن زوجي (حراااامي) لص، يسطو على المنازل والمحال التجارية.. يعني كان يصرف علينا من مال الحرام بعد أن خدعني طيلة العشرين سنة بأنه يعمل في مجال السمسرة وانخرطت في بكاء شديد وقطع القاضي بصوته الجهور. مطالبك شنو؟ ردت بكل قوة (أنا عايزة الطلاق بس) وبعد سماع شهود الطرفين وتأكد للمحكمة صحة أقوال الشاكية (المرأة)، حكمت المحكمة بطلاق المرأة طلقة بائنة، وبعد إصدار الحكم بالطلاق أطلقت المرأة زغرودة طويلة عبرت بها عن فرحتها وقالت: (الحمدلله وربنا يغفر لينا).

التيار


تعليقات 8 | إهداء 0 | زيارات 5157

التعليقات
#1157091 [محمد المحسي]
5.00/5 (2 صوت)

11-25-2014 12:25 PM
مقتبس من فيلم أجنبي أو فيلم هندي.

بالله ده موضوع تشغلنا بيهو


ردود على محمد المحسي
Saudi Arabia [اصيل] 11-25-2014 08:39 PM
حاول قراءة الموضوع مرة اخرى اخى محمد المحسى امكن تفهم وخت فى بالك .كل لحم نبت من سحت فالنار اولى به .بقول ليك المراة راجلة حرامى وغشاش وخاضعهم كل هذة السنين ويطعمهم من الحرام .انت تجى تقول دة ما موضوع ؟عليك بقراة الموضوع والاعتزار لهذة الحرمة الشريفه


#1157002 [abumajid]
5.00/5 (1 صوت)

11-25-2014 10:49 AM
بعد 6 اولاد اكتشفت انه حرامى وعاوزةالطلاق .اكيد اتحلل وتاب واصبح على الحديدة.شئ يحير وبعدين دى محكمة شنو يعنى عاوزنو يستمر فى الحرامية بالعزوبية.

وين ناس عصام البشير الخامنها بملايين الدولارات ويتشدقوا بالاسلام مايشوفوا الزوج الحرامى ويحسنوا فيه ويفتحوا ليه محل يعيش منه بالحلال من اجل الابناء والزوجة .ولا فى واحد فيهم خاتى بالو فيها يعرسها بعد الطلاق.


#1156988 [مسطول]
5.00/5 (2 صوت)

11-25-2014 10:40 AM
عبدالرحمن الخضر زوجتك حتصى متين


#1156938 [الشفيع]
0.00/5 (0 صوت)

11-25-2014 09:37 AM
مبروك ليك وربنا يتقبل واقول لك بكل اسف وهي الحقيقه المره ان كثير من الازواج صار لا يبالي من اكل الحرام والعياذه بالله . ولو طبقت كثير من البيوت السودانيه فعل هذه الزوجه التي صحي ضميرها متأخراً - علي قول عادل امام ( كان ........ في الشارع) .
اتقوا الله في ازواجكم واولادكم .


#1156912 [المستغرب]
5.00/5 (2 صوت)

11-25-2014 09:08 AM
هسع الحايطلب الطلاق منو : بش بش وللا وداد ؟؟ الاتنين حرامية كبار . نرجو حل هذه المعضلة . المشاركة لأصحاب الرأي الجادين فقط، وشكرا.


ردود على المستغرب
[محشش طوالى] 11-25-2014 09:58 AM
حيقولوا شنو يعنى وداد تقول بش بش علمنى الحرامية ، وبش بش يقول أنا سرقت علشانا


#1156856 [ود الركابي]
0.00/5 (0 صوت)

11-25-2014 08:11 AM
اذا كان من الحرامية الكبار ناس الفلل واﻻندكروزرات والحسابات الخارجية بالورق اﻻخضر ماكان فكرتي بالطﻻق . عشرين سنه يامفترية ماعارفه انه حرامي زغنوني نطاط الحيط ..


#1156786 [الالم]
5.00/5 (2 صوت)

11-25-2014 06:16 AM
الوضع خطير
شكيناهم على الله ناس البشير
وباقى الحرامية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة