الأخبار
أخبار إقليمية
برلمانيون يطالبون المواطنين بالتوجه للمساجد وتلاوة القرآن الكريم والتضرع الى لله لمنع دخول الإيبولا.
برلمانيون يطالبون المواطنين بالتوجه للمساجد وتلاوة القرآن الكريم والتضرع الى لله لمنع دخول الإيبولا.


11-26-2014 10:57 AM
الخرطوم : سعاد الخضر
انتقد نواب مجلس الولايات التجيهزات التي اتخذتها وزارة الصحة لمنع دخول مرض الإيبولا للبلاد وطالبوا المواطنين بالتوجه للمساجد وتلاوة القرآن الكريم والتضرع الى لله لمنع دخول الإيبولا
وقطع النائب عن ولاية البحر الأحمر عوض حاج علي في جلسة الاستماع الى تقرير وزارة الصحة حول الوضع الراهن أمس بضرورة إحياء الجانب الروحي فالترتيبات وحدها لا تمنع المرض من دخول للبلاد .فيما أرجع النائب البرلماني ميرغني مزمل تفشي الأمراض الوبائية بزيادة المعاصي، وأضاف أن انتشار الأوبئة مما كسبت أيدي الناس.. الى ذلك حذر النائب البرلماني عبدالجبار آدم من دخول الإيبولا للبلاد عبر القادمين من دولة جنوب السودان وتخوف من إيجاد مصابين وسط النازحين الجنوبيين بالمعسكرات الذين فروا للداخل عقب اندلاع الحرب دون إجراء فحوصات لهم واستفسر حول التحوطات الخاصة بالرحل وشدد على وزارة الصحة لإجراء التحوطات اللازمة لاتساع حدود السودان.. من جهته نفى وزير الصحة بحر أبو قردة وجود أي مخاوف من دخول الإيبولا للبلاد وقطع بعدم وجود جنوبيين مصابين بالإيبولا داخل المعسكرات وقال إن المرض ينتقل في الفترة من يوم واحد الى 21 يوماً وأضاف لو في جنوبي مريض بالإيبولا كان ظهر. وأكد اكتمال الترتيبات والاحتياطات الإدارية والأمنية وكشف أبو قردة في رده على مداخلات النواب أمس عقب تقديم تقرير حول الوضع الراهن للاستعداد والتصدي لوباء الإيبولا كشف عن تكوين لجنة عليا من كافة الجهات بالتنسيق مع الجهات الدولية والإقليمية لمتابعة التحوطات ووصف الوضع بالجيد، ونوه الى وجود 9 معامل لفحص الإيبولا بالعالم لافتاً الى أن الوزارة تقوم بالتنسيق مع واحد منها بألمانيا

الجريدة


تعليقات 30 | إهداء 0 | زيارات 2638

التعليقات
#1158728 [المهندس سلمان إسماعيل بخيت على]
0.00/5 (0 صوت)

11-27-2014 08:31 PM
عشان تتعرفوا أكثر على عراب الدعاء والتضرع وعراب الأنقاذ ومزوج الشهداء من الحور العين تابعوا التسجيلات أدناه لشيخكم وكبيركم الذى علمكم السحر حسن الترابى مع منى الشاذلى المذيعة المصرية فى برنامج الساعة العاشرة أبان زيارته لمصر فى فترة حكم مصر وهى أخر زيارة يشوف فيها ارض الكنانة ان شاء الله حتى لو عمر لمائتين عام

http://www.youtube.com/watch?v=lew0Of3nsbU
http://www.youtube.com/watch?v=ksTo7V0JeIs
http://www.youtube.com/watch?v=nwSy_6P9Nmc
http://www.youtube.com/watch?v=hQvZ0ad2y-s
http://www.youtube.com/watch?v=-xfL-Wla5Cs


#1158671 [ابوشهاب]
0.00/5 (0 صوت)

11-27-2014 06:19 PM
البرلمانيون ديل جنوا

المواطن السودانى بقى من شدهالتعب اوالسعى وراء رزقه والجرى للحصول على قوت اولاده
الاذان ما بسمعه خليك من التواجد فى المساجد وقراءه القران واصبح المواطن زمنه ليس ملكا له

وبعدين كيف يستجيب ربنا لدعاء ناس نهبوا وسفكوا دماء الابرياء واكلوا اموال الناس بالباطل ولانهم هم على يقين بان دعائهم غير مستجاب لان

1/ ماكلهم حرام
2/ مشربهم حرام
3/ وملبسهم حرام
4/ وغذوا بالحرام

فانا يستجاب لهم

عشان كده لجو الى هذا الشعب المظلوم وان دعاء المظلوم ليس بينه وبين الله حجاب

اتركوا الايبولا تدخل ونسال الله تقضى عليكم انتم اولا وما تخلى فيكم احد وان يرفع الوبلاء والغلاء والزلازل والمحن عن الشعب السودانى ويفرج كربهم


#1158466 [مدحت عروة]
0.00/5 (0 صوت)

11-27-2014 01:51 PM
الايبولا السياسية دخلت السودان فى يوم 30 يونيو 1989 وهو اقذر واوطى واسفل يوم فى تاريخ السودان الحديث !!!


#1158245 [tblack]
5.00/5 (1 صوت)

11-27-2014 09:20 AM
هسه عليك الله .....علي عثمان ونافع ديل ما ايبولا وكمان عبدالرحيم محمد حسين,,,,,هي الايبولا دي كيف


#1158097 [huseinmusa]
5.00/5 (1 صوت)

11-26-2014 05:43 PM
انا بقول للبشير الرئيس السجمان الخيبان القروش الاشتريت بيها يخت رئاسي
وفيلل ليك ولاهلك والداسيها برة والبنيت بها جامع لابوك كم من الاجهزة والمعامل لكل السودان كان جابت؟؟انشاءالله يكفنوك بيها ويدفنوها معاك في
قبرك..اسال المولي عز وجل ان يستجيب لدعاء كل مظلوم من هذه الفئة
الظالمة..امين.


#1158091 [المهاجر ابدا]
5.00/5 (1 صوت)

11-26-2014 05:35 PM
لمنع دخول مرض الإيبولا 1 ,2


#1158064 [ربش]
5.00/5 (2 صوت)

11-26-2014 04:47 PM
إنتو أخطر من الإيبولا يانؤام السجم ... قاتلكم الله يامخذلين .


#1158057 [دولار]
4.75/5 (4 صوت)

11-26-2014 04:35 PM
انتو ما عاملين فيها انبياء واولياء الله الصالحين كل واحد عمل ليه دقينة زي التيس في وشو وعمل الله غرة صلاة في جبهتو وشابكنا قال الله وقال الرسول ليه ماتمشوا انتو تتضرعوا ؟؟لماذا تدعون الناس ليتضرعوا ؟؟ هم الجابوا البلاء للسودان ولا انتو ..لانكم عارفين انكم منافقين تجار دين والله ما بقبل ليكم دعوة يا وسخ ..اذهبوا انتم ورفقاء صلاة الفجر والمتوضئة ايديهم وادعو برااااااكم وإنّا ها هنا قاعدون ..


#1158044 [طارق حسن]
5.00/5 (1 صوت)

11-26-2014 04:09 PM
اللهم عليك ببني كيزان !!!


#1158040 [فكري]
5.00/5 (2 صوت)

11-26-2014 04:04 PM
الإعتراض وتوجية التقصير وربما المطالبة بتقديم الإستقالة لأبوقردة ومن علي شاكتله من الوزراء الذين أرتضوا بالذل والهوان وهم يستحقون ذلك وأكثر أما تقارير وزير المالية والدفاع والخارجية تحظي بالتصفيق والإجماع السكوتي علي ما أحتوته من فظائع ومؤامرات تحاك ضد هذا الشعب المكلوم "


#1158019 [القرص المفترس]
5.00/5 (1 صوت)

11-26-2014 03:35 PM
سنزهب للمساجد لكن سندعو الله ان يقصف بكم مبناي البرلمان الي الدرك الاسفل باذن الله


#1157979 [daldoum]
5.00/5 (1 صوت)

11-26-2014 02:43 PM
ماقال ليهم بعد تفطروا او تتغدوا امشو ادعوا- لانو بيعرفي(فتور مافي قدا مافي ولا اي هاجا بياكلو) و (والمابكتولا ايبولا ترى جوع كافر بكتولا )ونسأالله السلامة


#1157971 [المهندس سلمان إسماعيل بخيت على]
5.00/5 (1 صوت)

11-26-2014 02:36 PM
تحذير هام الى جميع كيزان السودان فى الداخل والخارج ننصحكم بعدم التوجه للمساجد وتلاوة القرآن الكريم والتضرع الى لله لمنع دخول الإيبولا لأن النتائج ستكون كارثية وستعم الإيبولا وكل الأمراض الفتاكة كل ارجاء السودان لأن الدعاء والتضرع حين يأتى من عبد ظالم قاهر قاتل فاسد سافك للدماء لا يستجاب له
كنا نصلى فى يوم ما فى مسجد العشوائى ( الفردوس شمال ) وكان من يؤم المصلين هو الشيخ الصالح العابد الفقيه المهندس الصافى جعفر الصافى وبعد الصلاة نودي لصلاة الإستسقاء طلبا للغيث فنهضت وهممت بالخروج من المسجد فأمسك بيدى أخى المهندس عبد السلام المبارك الحبو عليه الرحمة لماذا تخرج ؟ فقلت له أخشى أن أكون بينكم كصاحب موسي الذى حجب الغيث عن قومه لسبع سنوات بمعاصية - فقال لى بتأدب جم ( أجلس فكلنا ذلك الرجل ) ولكنى خرجت وبعد دقائق وقبل أن ينهى شيخنا الصافى جعفر صلاته سمعت أم المدثر تنادى أغلقوا الشبابيك أغلقوا الأبواب فعرفت أن تلقيحه ( هبوب ) لونها أسود قادمة على الخرطوم من ناحية الجنوب الشرقى - فقلت لهم لا تغلقوا الأبواب والشبابيك فهذه هدية من الله لنا حسب عملنا كمكافأة للدعاء والتضرع الذى تقدم به الصافى جعفر والمصلين معه لربهم
كفاية علينا هبوب التلقيحه كمان يا كيزان عاوزين تدخلوا لينا الأيبولا
والله أنا لو كنت فى محل الكيزان ديل لا أظهر فى تلفزيون لا اصرح لا أتكلم بس يتكتموا وينقطونا بسكاتهم لحد ماربنا يزيلهم
اليوم شفت واحد أسمه ( المطيع ) رئيس بعثة الحج يدافع عن نفسه وبيقول الحجاج فتحنا لهم بوفيه مفتوح فيه كل ما لذ وطاب لكن الصحن بتاع الفول والبيضه والعيشة دا هو إختيار الحجاج - يعنى تركوا المشاوى والمحاشى والسلطات وووو والحجاج كل حاج شال ليهو كمشة فول غير مصلح وبيضه وعيشه
فعلا مطيع جدا
طيب ماوريتنا باقى الأكل دا يا المطيع دخلتوه السوق وبعتوه فى المطاعم
كما دايرين يصلوا ويضرعوا ليجنبنا الله الأيبولا
خليكم فى سرقاتكم وفسادتكم وأنسونا نحن خلاص رمينا طوبتكم


ردود على المهندس سلمان إسماعيل بخيت على
Sudan [bluenile] 11-27-2014 05:45 PM
ياخوانا شيخ الصافى دا عشان بس مشروع سندس تقولو فيه كدا الراجل لا قتل زول لا جاب حاوية مخدرات سندس بس وكلها 25 سنة تعمل كدا ؟!!!!!

Saudi Arabia [المهندس سلمان إسماعيل بخيت على] 11-26-2014 05:05 PM
يا [كديس فى السروال] ماشفت من صلاحه بدل امطار رحمة جاءتنا هبوب وكتاحة
فهمتها كويس أم الكديس فى السروال دا يكون قطعك وحجب عنك فهم الكلام عشان كده وضع علامات إستفهام بهذا العدد حيرتنى وشكيت فى أنك تكون فهمتنى غلط
فى شيخ صالح عابد فقيه
بتجى من وراه تلقيحة
معقول بس
خالص تحياتى

[كديس فى السروال] 11-26-2014 04:26 PM
قلت لى الشيخ الصالح العابد الفقيه المهندس الصافى جعفر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#1157965 [الدمرداش]
5.00/5 (1 صوت)

11-26-2014 02:28 PM
ايبولا للقصر جوة


#1157960 [عصمتووف]
4.75/5 (3 صوت)

11-26-2014 02:23 PM
وطالبوا المواطنين بالتوجه للمساجد وتلاوة القرآن الكريم والتضرع الى لله لمنع دخول الإيبولا
هل الصلاة رفعت منكم

فعلا مستواكم في الحضيض نبطل اعمالنا ونهمل شئون الاسره ونظل مستيقظين للصلاة والتضرع لله لمنع دخول هذا الداء لو كان هذا ممكنا ومقبولا لماذا لماذا لا نقلب الاية وندعوا الله ليزيلكم من حياتنا ويقصف ظهركم انتم اسوء من الايبولا خلاص نحل وزارة الصحة وكليات الطب ونحول طلابها واساتذتها والاطباء والممرضين الي عمال يومية نظافةوحصاد زراعة


#1157955 [آمال]
5.00/5 (1 صوت)

11-26-2014 02:15 PM
الدين بريء منكم و من أفعالكم يا كيزان


#1157953 [Alrakoba tv]
5.00/5 (3 صوت)

11-26-2014 02:13 PM
إن الله أرحم من أن يجمع علينا الإيبولا والكيزان .


ردود على Alrakoba tv
[كديس فى السروال] 11-26-2014 04:28 PM
هو فى ايبولا اكبر من بنى كوز


#1157938 [aburya]
5.00/5 (1 صوت)

11-26-2014 02:01 PM
اين ذهبت لجنة الدعاء و التضرع ولا دي لجنة للمطر ما بتنفع لمرض الايبولا


#1157894 [كمال حسين]
5.00/5 (1 صوت)

11-26-2014 01:18 PM
قصيدة / كِـدي قُـوّم اقـيّـف
وين الهجيج وين الرقيص
والعسكر اللآبسين نضيف
وتعظيم سلآم
والهيلمان والصولجان
والعظمة يا سيدي الرئيس ؟
يا حامي لدينا الحنيف
وين الجللآت والطلآقات
والهتافات والجِنس اللطيف ؟
يوم تمسى زي حمل الخريف
وتصبح عريس، وين يا رئيس ؟
يا سيدي قالوا الدنيا ما بتدي الحريف
كدي قُوّم اقيّف
خلِي النشوف الركبة
والشغل النضيف
مستشفى كيّر
إن شاء الله خير ؟
وسرير نضيّف
وغطاك حرير
وعشاك خفيف
ونومك لطيّف
وظِلّك وريّف
كدي قُوّم اقيّف
خلِي النشوف الرُكبة
والشغل النضيّف
ما كلموك، ما قالوا ليك
الدنيا برّا بِقت خريف ؟
كدي قُوّم اقيّف
وبالراااحة تاوِق يابا شُوّف
الصاقعة لا خلّت حِيط جالوص
ولا خلّت صرِيّف
ما كلموّك، ما قالوا ليك
الدنيا برّا بِقت خريف ؟
ما قالوا ليك،
كلّ الغلابا الكادحين
متوسدين طِين الوطن
متغتغتين بجناح بعوض
فوقهم تزمجِر يوّت رُعُوّد
والدنيا قايمة وقاعدة موّت
واطفال يشيلآ السيل يفُوّت ؟
قوليا ليّه ما قالوا ليك ؟
خايفين يزيدُوهو العليك
ما رضينا وجع الرُكبة ليّك
يا سيدي تبرا من الألم
غلطان يجيّك
غلطان يتاورك ويصطفيك
عميان من الخلق البُيوتا اتهدّمت
عميان من الخلق النُفوسا اتحطّمت
عميان من الخلق الهُموما اتردّمت ؟
ما يمشي يسكن في مواجعا يستكين
ويزيدا الآم فوق ألم يمسي ويصبّح
فوقا عشرات السنين
ما يمشي يسكُن في الأنين
ما يمشي يسكُن في نفوس الكادحين
البائسين الجائعين
ليه يعني يختار الرئيس ؟
ليه يحرم القايد المشير طعم الرقيص ؟
مستشفى كير
إن شاء الله خير ؟
يا سيدي لِسّع لِسّع الراجيك كتيّر
من المظاليم البيدعو عليك في حرّ الهجيّر
من المظاليم البيدعو عليك
في ليلاً شديد الزمهرير
من المكاليم البيدعو عليك
في المطر الغزير
يا سيدي لِسّع لِسّع الراجيك كتيّر
ما بين دُعاء المظلوم ورب العِزّة
ما مضروب حجاب
وفي الدِنيا قبل الآخرة
يا ما تضوق عذآب
دعوآت مظليم البلد
يا سيدي ما بتروح سرآب
حا يلآزمك المرض العُضال
لآمِن تعافك بُكرة أنجاس الـكِـلآب
ويكون في عِلمك يا ظلوُّم
الدنيا آخرتا كوم تُرآب


#1157884 [زول دواس]
5.00/5 (2 صوت)

11-26-2014 01:05 PM
برلمان المساطيل بهوس الدين.ايبولا اتطلع ميتينكم.


#1157849 [مغبون]
5.00/5 (1 صوت)

11-26-2014 12:22 PM
كلامكم فى الدين لتغطيت فسادكم يا فاسدين .. بعد ان امتلئت كروشكم حسبنا الله ونعم الوكيل عليكم .


#1157838 [wad aldosh]
5.00/5 (3 صوت)

11-26-2014 12:09 PM
انتم التضرع دا مابتعرفو ولا الجوامع ماشيفنها


#1157836 [bullet ant]
5.00/5 (1 صوت)

11-26-2014 12:07 PM
كيزان عواليق هم وباء اكثر من الايبولا
نتضرع الى الله ان لا نرى وجوهكم بعد اليوم الا فى محاكمات حساب الربع قرن


#1157830 [ود الشريف]
5.00/5 (4 صوت)

11-26-2014 12:04 PM
اقتباس :(وطالبوا المواطنين بالتوجه للمساجد وتلاوة القرآن الكريم والتضرع الى لله لمنع دخول الإيبولا )
عايزين يمقلبو الناس تاني . زمان دخلوا الناس المساجد وهم طلعوا للأسواق .. اسع ينادو الناس بالتوجه للمساجد طيب انتو حتتوجهو ويييين .


ردود على ود الشريف
Saudi Arabia [ود الركابي] 11-27-2014 02:48 AM
يمشوا دبي ولا ماليزيا . مالهم ومال الشقاوة والموت الاكيد ..

[كديس فى السروال] 11-26-2014 04:31 PM
يمشى على واحدة من نسوانو الاربعة


#1157823 [بت أمدرمان]
5.00/5 (2 صوت)

11-26-2014 11:58 AM
كلام الله ما بنابا ، لكن الفيكم اتعرفت


#1157813 [كاره الميزان]
5.00/5 (1 صوت)

11-26-2014 11:49 AM
ادعو المواطنين ان يتضرعوا الى الله المنتقم الجبار ان يصيب الكيزان بالايبولا واحد واحد وان لا يبقى منهم احدا على ظهر البسيطه


#1157793 [ابومحمد]
5.00/5 (1 صوت)

11-26-2014 11:27 AM
نسال الله تعالي ان تدخل الايبولا تقرضكم وتقرضنا تريحنا وتريحكم قولوا امين امين


#1157784 [osama dai elnaiem]
5.00/5 (1 صوت)

11-26-2014 11:18 AM
وأن يشمل التضرع الي الله جلت قدرته ان يقلع البشير وزمرته .


#1157781 [Haj Ahmed]
0.00/5 (0 صوت)

11-26-2014 11:14 AM
عجايب الالفية


#1157778 [prince]
5.00/5 (3 صوت)

11-26-2014 11:11 AM
بنتوجه الى المساجد والتضرع الى الله ان يخسف بكم الارض ي رب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة