الأخبار
أخبار إقليمية
الهوية الخطر القادم..!!
الهوية الخطر القادم..!!
الهوية الخطر القادم..!!


12-10-2014 04:34 AM
هويدا سر الختم

رئيس هيئة الجوازات والسجل المدني بوزارة الداخلية قال: حوالي (20) طلباً شهرياً يقدم من قبل سودانيين بالخارج لإسقاط الجنسية السودانية.. الرقم الدوري الذي ذكره سعادة الفريق عوض النيل رقم مخيف بيد أن طلب إسقاط الجنسية السودانية أكثر إخافة.. فهذا الأمر لم يحدث في تاريخ السودان وبمختلف أزماته.. عن نفسي أرجح أكثر بأن هؤلاء المطالبون بإسقاط الجنسية السودانية هم ليسو بسودانيين.. فالجنسية السودانية ومن بعدها الرقم الوطني منذ سنوات طويلة منحت لجنسيات أخرى دون عناء، بل إن شعب إحدى دول الجوار والذين كانوا يحلون ضيوفاً علينا.. كانت تجهز الجنسية السودانية وتغلف (بورق سولفان) وتسلم لهم في منازلهم في الوقت الذي كان يقف فيه السودانيون صفوفاً للتحقق قبل إعطاء الجنسية.. ضيوف البلاد يمتلكون المال الذي هبط عليهم من باب (حق اللجوء السياسي) الذي جعل كل أسرة وافدة تقيم في السودان يتوزع بقية أفرادها على أروبا وأمريكا فكانوا يدفعون بسخاء لشراء الجنسية السودانية وفي آخر الأمر أصبحنا نعطيهم الجنسية ثم ندفع لهم.!

صحيح إن الأوضاع الاقتصادية والإنسانية وصلت مراحل متأخرة في السودان جعلت الكثيرين يهاجرون الى دول مختلفة وبعضهم طلب حق اللجوء السياسي وكله الى حين.. ولكن استحالة أن يطالب سوداني بإسقاط الجنسية السودانية.. فالجينات الوطنية توجد داخل كل سوداني.. ربما أن بعضهم حقنها بالمخدر وراحت في (سبات عميق) وبعضهم أعطاها (إجازة مفتوحة) ولكنها موجودة وهي الكابح القوي ضد مثل هذا السلوك.. فهولاء المتنكرون للجنسية السودانية هم من (أكلونا لحم ورمونا عظم). وفي تقديري أن هذا الحدث فيه خير حتى يقف ولاتنا مع أنفسهم لمراجعة حسابات إعطاء الجنسية السودانية، بل التحقيق بأثر رجعي في كل الجنسيات الممنوحة منذ الثمانينات لغير السودانيين ومحاولة إصلاح ما يمكن إصلاحة.. ثم وضع قوانين وضوابط صارمة لمنح الجنسية السودانية.. فالأمر أخطر بكثير من تقدم بعض الأشخاص بطلبات لإسقاط الجنسية السودانية.. العواقب وخيمة ربما تمتد الى حد السيطرة على البلاد.. وإذا أردتم قياس تحقق نظريتي فالتمدنا جهة بحثية بتعداد لمن يحملون الجنسية السودانية (من جنسية واحدة) في البلاد وهؤلاء طبعاً لديهم حق التصويت في الانتخابات، بل الترشح لرئاسة الجمهورية بموجب هويتهم السودانية التي يحملونها.. وربما في يوم من الأيام نجد حاكمنا من أحد الدول المجاورة ولعله حزب كامل وحينها لن يصعب إزالة الأسوار التي تفصل السودان عن هذه الدولة.. لنجد دولتنا الجديدة هي مصر أو إثيوبيا أو الصين وربما إريتريا.. وقد تبدأ الخطة بضم بعض الولايات الطرفية وصولاً الى الخرطوم.. المهم كله جائز مع (هملة) هويتنا التي قاتل وقتل في سبيل الحفاظ عليها الكرام من أهلنا السودانيين.. إذا أردنا أن نعلم قيمة الهوية فلننظر الى الدول العربية التي حولنا وكيفية تشددها في منح هويتها هذا إذا تكرمت ومنحتها بحيثيات تجتهد في توفيرها لنعلم جيداً كيف أن الهوية يهون الموت دونها.. مع العلم أن سحب الهوية الممنوحة للبعض في هذه الدول مقرونة بشروط ويمكن سحبها بسهولة لأنها مسورة بقاعدة بيانات تخرج (النمل من جحورها).

الجريدة

image


تعليقات 42 | إهداء 0 | زيارات 11280

التعليقات
#1168650 [Ibrahim]
0.00/5 (0 صوت)

12-13-2014 09:26 AM
التخلي عن الجنسية حق لكل فرد و ليس من المبادئ يا استاذة
و بعدين خلينا نتفق انو السوداني منو
انت قاصدة الحبش و ناسية الناس الجابوهم من النيجر و صحراء مالي عشان يكتلو في اهلنا
بالجد عالم تخاف و ما تختشي يا بتي انت ما تطعني الفيل دغري


#1167497 [عصمتووف]
0.00/5 (0 صوت)

12-11-2014 06:49 AM
خيارات لا بد منها
التجنس
الانتحار
الجنون


ردود على عصمتووف
United Kingdom [Freemantalker] 12-13-2014 12:02 AM
كل الخيارات مفتوحة لكن أدركت من بعض الحوادث الناس يفضلون الانتحار باعتباره الأفضل


#1167495 [عصمتووف]
0.00/5 (0 صوت)

12-11-2014 06:47 AM
والله ي هيثم حظك مثل دقيق نثروه وقالوا للناس او ليك اجمعوه ده حظ شنو لو كنت مكانك لطالبت بان اكون من غير جنسية كدرويش متجول جنسيتنا وجودها وعدمها واحد بعد تلطيخ سمعتنا ومسخ هويتنا 25 عاما جدباء


#1167439 [سوداني]
0.00/5 (0 صوت)

12-11-2014 04:31 AM
ربما عشرين شخص بالشهر هم الذين يقدمون طلبات للتنازل عن الجنسيه السودانيه ولكن في واقع الأمر الأعداد أكبر من ذلك بكثير فالكثير من السودانين يذهب للدول الغربيه وامريكا وكندا ويطلبون حق اللجوء السياسي أو يتزوجون من مواطني هذه الدول ويحصلون علي الجنسيات الأخري دون أن يقدموا طلبات للتنازل عن الجنسيه السودانيه بل فقط يتخلون عنها


#1167425 [العنقالي]
5.00/5 (3 صوت)

12-11-2014 12:24 AM
الجنسية السودانية !!!
القانون لديه ضوابط جيدة فيما يتعلق بمنح الجنسية السودانية , لكن الجنسسية السودانية منحت لاسباب سياسية وعسكرية لتحقيق اهداف الانقاذ
عموما اكثر الدول تشددا في منح الجنسية هل الدول المتخلفة , وهي في الغالب عربية
الغرب اكثر انفتاحا وتسامحا في منح الجنسية لاسباب الهجرة واللجوء واسباب انسانية واجتماعية متعلقة بطبيعة مجتمعاتهم التي تضمن الهجرة استمرارية رفاههم وتقدمهم , ولاتوجد لديهم اي دوافع عرقية او عنصرية بشتي اشكالها
ايها السادة نحن في عصر العولمة
نحن في عصر مابعد الحداثة الخ هذا الكلام الفارغ
وعلي المتضرر اللجؤء الي السلاح
المهم ان يزول هذا النظام العنصري المتخلف ال غايتو حاجة قرف فعلا


#1167419 [ابو شوتال]
3.50/5 (2 صوت)

12-10-2014 11:50 PM
شيء وغريب ان تتحدث الكاتبة عن ان بعض المواطنيين السودانيين يتخلون عن الجنسية السودانية والهوية اسودانية حتي الان لم تُتعرف ولن تُعرف الي اي من الثقافات الموجودة علي ظهر الكرة الارضية تنتمي بل وحتي الاعراق في السودان وبالرغم من الدراسات العلمية التي نُشرت بخصوصها(التركيبة الجينية و مورثات الحمض النووي) لم يتم الاعتراف بها رسمياً فالسودان حتي الان يُزج بهويته في الحضيض العربي ليلفظه الافارقة وحتي ازمة دارفور صارت صراع بين العرب والافارقة (زُرقة و حًمرة) كما يصفوها غياً في اعلامهم وحتي الحدود هي غير معروفة ناهيك عن ضبطها وما مشكلة الجنوب وانفصاله بعيدة عن مشكلة الهوية وحتي الان يعاني السودان من هذه المشكلة في جنوبه الجديد وفي غربه وفي شرقه واما الشمال فقد استولت مصر علي حلايب وشلاتين وتم تجنيس السودانيين البجاويين قصراً بالجنسية المصرية وكذلك اثيوبيا تحتل الان مثلث الفشقة الخصيب والمواطنيين السودانيين في تلكم المنطقة لا يعُرف الي اي جهة ينتمون ناهيك عن جنسية يتنازلون عنها فهم في الاصل لا يملكوها اي ان الذي ملكها تخلي عنها بكامل ارادته وليس قصراً كما حدث في لمواطني حلايب و شلاتين بل ان هناك مناطق في شرق السودان لا تعرف الي اي تنتمي بمعني هل هي سودانية ام اريترية ام طاجكستانية المهم في الامر ليس هو من يتنازل عن الجنسية او من يستحقها المهم هو تحديد الهوية السودانية يعني من هم السودانيين اولاً و ترسيم الحدود وتعريفها حتي تسهل عملية ضبطها وتأمينها وكذلك تحديد القبائل السودانية والمساواة بين جميع القبائل في الحقوق المدنية كافة الي جانب توزيع الثروة والسلطة توزيع يتم علي مبدأ الكفاءة وليست معايير القبلية والمناطقية والطائفية اخيراَ الذي يتنازل عن الجنسية ولا ننسي ان هناك سودانيين كُثر قد تجنسوا بجنسيات دول اخري


#1167418 [جابر]
0.00/5 (0 صوت)

12-10-2014 11:48 PM
الحاصل في السودان في موضوع الجنسيات حاصل في كل افريقيا السمراء هناك ايضا سودانيون كثر اخذوا جنسيات بعض الدول الافريقية بنفس الطريقة. وبعدين السودان بمساحته الحالية ليس هو السودان الحقيقي هذا سودان المستعمر . السودان الحقيقي هو المنطقة الواقعة من غرب افريقيا الي الحبشة.ومافيش مشكلة لو ان كل قارة اصبحت دولة واحدة وربما في المستقبل اصبحت الكرة الارضية كلها دولة واحدة وما اعتقد سنخسر شىء لذلك مافيش لزوم للتعقيدات والمهم اي واحد يقدم شىء ينفع الاخريين والناس تعيش في سلام وربنا سبحانه وتعالي خلقنا كلنا ولم يخصص ارض معينة لاحد .


#1167367 [ابو السيد]
5.00/5 (2 صوت)

12-10-2014 09:20 PM
الحقيقة إنه 90% إن لم تكن 100% من المطالبين بإسقاط الجنسية هم سودانيين أُماً عن أب و جد .. و السبب إنهم كرهو البلد بسبب كيزان الشيطان الذين جعلوهم مواطنين من الدرجة الثانية لا حقوق ولا رأى و لا قرار لهم فى بلدهم .. كيزان الشر إستولو على كل شئ لهم و لبطانتهم من الطفيليين و الأرزقية و الهتيفة ..

كذلك عمل الكيزان و بشكل ممنهج منذ التسعينات فى إذكاء أجواء البيئة الطاردة للسودانيين من بلدهم و تفريغ البلاد منهم .. وكما هو معلوم فإنه فى آخر إنتخابات فى 2010 قام المؤتمر الوطنى بإحضار عشرات الآلاف من عائلات النيجر و اثيوبيا و أعطوهم الجنسية السودانية حتى يستطيعو يصوتو لصالح المؤتمر الوطنى فى انتخابات 2010 ..
هذه هى ايدلوجية أخوان الشطان الذين ولائهم لتنظيمهم الدولى أكثر من ولائهم لبلدهم , لعنة اله تغشاهم .


#1167328 [jafar]
4.00/5 (2 صوت)

12-10-2014 08:22 PM
أقول لك اختى هويدا بأن بعض الجنسيات من الدول المجاورة والتى تعيش فى دول الخليج واللانى أخذن الجنسية السودانية فى زمن النميرى وكانت الجنسية السودانية فى الزمن داك تباع على الأرصفة عن طريق بعض ضعاف النفوس من الضباط .. للأسف الشديد هؤلاء يمارسن بعض السلوكيات الغير لائقة باسم السودان والسودان منهن براء .. ويلبسن الثوب السودانى وكمان متحننات مثل السودانيات ولكن تخونهن فقط اللهجة السودانية .. نرجو من السلطات فى السودان أن تعيد النظر وسحب الجنسيات من هؤلاء العاهرات


ردود على jafar
Japan [mohamed] 12-10-2014 11:16 PM
لم اري شعبا علي الارض يبكي علي الماضي ويدعي العفاف والصدق والامانة والكمال غير الشعب السوداني
ياعالم اصحو فيقو وكفي دفن الرؤس في الرمال ٠ من قمة الهرم الي اخر درجة الفساد مستشري في كل اضياف
البشر كفي تعليق مشاكلينا علي الاخرين ٠
واليوم لو عمل استفتاء علي الشعب السوداني بمنحه جنسيه اخري لسكن البوم السودان الافضل البحث عن السبب
الحقيقي ٠ اللسان مغرفة لما في القلب


#1167301 [دكتوره سهير محمد نور]
0.00/5 (0 صوت)

12-10-2014 07:36 PM
ف


ردود على دكتوره سهير محمد نور
Netherlands [Mohammed] 12-11-2014 05:39 AM
الكارب حريفو وصيفو
(((((((((((((((((((

ف فأس ويد قوية لقطع الشجرة الفاسدة
الثــــــــــــــــــــــــــــورة
قــــــــــــــــــــــــــــــادمة
و بـــــــــــــــــــــــــــــقوة

أبدأوا تنظيم الصفوف وأرصدوا الاعداء وفعلوا الذكاء وأحكموا التخطيط
فبدون العمل الممنهج والمنظم والمثابرة والصبر لن نستطيع إحتثاث الشجرة الملعونة ، وقد فعلناها مراراً بمن هم أكثر مهنهم جمعاً وقوة والتاريخ شاهد .


#1167283 [ابو عابد]
5.00/5 (1 صوت)

12-10-2014 07:14 PM
للأسف الكثير من دول الجوار يحمل الجواز السوداني ويتباهون بحصولهم عليه ببضع جنيهات رخيصة فى زمن بيع الذمم والوطن بأبخس الأثمان .... ويا حليلك يا وطن ما ليك وجيع ... وأبداً ما هنت يا سوداننا يوماً علينا لكن نعمل شنو فى زمن جاي وزمن ماشى وزمن لسه !!


#1167238 [الخنجر]
5.00/5 (1 صوت)

12-10-2014 06:25 PM
حكى لي والله بالامس القريب احد المعارف قصة مأسوية بحق وحقيقة وهي اانه وقف على مشكلة في الحي وهي ان واحدة من بنان الحي اللائي تزوجن حديثا وسافرت مع زوجها الي شهر العسل في مصر الا ان المفاجئة وبعد عودتها الي بيت اسرتها لقد لاحظة والدتهاعن طريق الصدفة اثر جرحا علي الجنب فسألتها عن سبب هذا الجرح فتنكرت لها في بادئي الامر الا انها انهارت واقرت بالحقيقة المرة وهي ان زوجها باع احدى كليتيها في مصر فكان الخبر كالصاقعة علي الام وقيل ان الام لها دراية يالقانون ان لم تكن في حقله فقامت بالاجراءت القانونية من فتح بلاغ علي العريس وتم القبض فكانت مفاجئة اخرى فأقر هو الاخر بان عروسه هذه هي الضحية الرابعة 3 عروسات اخريات وهو رابعهم جميعهم قامواببيع كلاهم اي العريس هو من فعل ذلك باع 3 كلى للعروسات وكلاهو هو بسبب الظروف في الزيجة الاولي وانهيار الاخلاق في الاخريات.
لا حول ولا قوة الا بالله ايعقل ان يصل بنا الحال الي هذه الدرجة وحتى لا اطلق القول علي عواهنه الذمة علي محدتي واعتقد صادقا اانه صادق.


#1167193 [انس]
0.00/5 (0 صوت)

12-10-2014 05:41 PM
الاستاذة هويدا
اضافة لمقالك الحكومة هي السبب ، اعطاء الرقم الوطنى للاجانب بمقابل التصويت للانتخابات مثلاً ففي احد ولايات الشرق تم نقل مدير شرطة الجوازات بمدير يعتبر هو نفسه اجنبي للتساهل في اعطاء الرقم الوطني السوداني ، المفترض من الدولة أن تنظر لهذه القضية لان المتضرر المواطن السوداني لانهم يشاركونه في التعليم والصحة والمسكن كافة الخدمات التي هو اولى بها اضافة لوجود الرقم الوطني او الجنسية الجنسية معهم وعدم الاعتراف بها والقضية اكبر من أن تكون في مقال .


#1167174 [ود انقو]
4.75/5 (3 صوت)

12-10-2014 05:24 PM
الامر بسيط جدا تذهب الانقاذ ويذهب الرقم الوطني المسيس وتعود المياه الى مجاريها ومافي زول بتنازل من حقوقه الوطنيه والشرعية طالما يحمل شهادة الميلاد فموضوع الجنسيه اكثر من ساهل في السودان لان كل شئ في السودان ممكن تشتري انسان في السودان مش جنسيه حسع الناس البتسافر بره كل سنه بيغيرو الجنسيات والجوازات بالذات المغتربين وما اكثر الفساد في الارض الا في ارض السودان


#1167166 [طة القرشي مريض]
0.00/5 (0 صوت)

12-10-2014 05:16 PM
بالفلوس تمنح الجنسية للاجانب بسهولة ويسر ومغلفة في ورق سلوفان حسب تعبيرك وتوضع العراقيل التعسفية قبل منحها للمواطن ابن البلد.تصريح بدون اثبات او دليل ربما يقود للمساءلة القانونية.وان كان مثبتا وآثرتم السكوت علية دون اللجوء لمقاضاة الفاعل او الفاعلين قانونيا تكونوا أجرمتم في حق المواطن والوطن.
تم نزع وتجريد حقوق المواطنة واسقاط حق الجنسية من احفاد الوطني الشهيد البطل عبد الفضيل الماظ . جزء مبسط للدلالة علي تشريد وسلب المواطن من أبسط الحقوق المدنية بواسطة القائمين علي امور تسيير دفة شئون البلاد.
المعاناة التي يحسها المواطن العادى بينما يتمتع بها الأجنبي أحر بة وأجدى أن يهجرها ويتخلي عن آدميتة الوطنية إن كانت ما زالت قابعة تحت سلطة وجبروت من لا يستحقونها.


ردود على طة القرشي مريض
Saudi Arabia [محمد البدري] 12-10-2014 09:08 PM
يسألو راسك دا
انتا عايش في ياتو سودان


#1167152 [radona]
0.00/5 (0 صوت)

12-10-2014 05:03 PM
اتفق تماما من حيث الشكل والموضوع مع الاستاذه هويدا سر الختم ولكني اساهم بالاتي:
كما هو واضح ان السودان يمر بظرف استثنائي حتى غير المعقول اصبح معقولا وهذا الامر الواقع .. السودان اصبح دولة طاردة لابنائها الذين اصبحوا اغرابا في ديارهم وبين اهلهم حيث اصبح المواطن لايملك شئ في وطنه الطويل العريض وقد تسلطت فئة من ابناء هذا الشعب على بقية الشعب وصادرت امواله فسادا ودمرت اقتصاده تماما وبات كل شئ يؤجر على المواطن رغما عن انه يدفع الضرائب والجمارك الباهظة فانه يعود ليدفع مجددا ليتعلم وليتعالج وما يخطو خطوة الا ويجد جباة عتاة يقفون له بالمرصاد حتى كره المواطن نفسه وكره معها وطنه فصار يهرب منه كما يهرب من النار .. ونعود ونقول انها امنية هتف بها الشعب السوداني على نفسه ابان ايام حكم الاحزاب الفوضوي حيث تظاهر الشعب .. العذاب ولا الاحزاب .. وقد استجاب الله للدعوى وسلط عليهم من يسوموهم سؤ العذاب بل ويفتح ابواب الوطن للغرباء بغية تغيير طبيعة التركيبة السكانية فتفشت القبلية والبغضاء بين السودانيين ورويدا رويدا بدا يحل مكانهم مواطنين جدد يغمض النظام عينيه عن وجودهم بامعان ولا يرى غضاضة في ذلك .. ولا عجب ان شهد السودان كرزاي فمعظم السودانيين فقدوا الولاء للوطن جراء انتشار الكراهية والبغضاء والظلم وفقدانهم اي امل في المستقبل وصاروا يبتغون التغيير والذي استحال سلما او حربا فما من سبيل الى الله ابتغاءا للتغيير بدءا في الاستغفار ثم سؤالا بان يهتفوا .. الاحزاب ولا العذاب عسى الله ان يقبل توبتهم ويستجيب دعائهم .. نسال الله ان يفك اسر الوطن .


ردود على radona
United Arab Emirates [عبد الخالق] 12-10-2014 11:11 PM
عبارة (العذاب ولا الأحزاب ) الذين كانوا يرددوها هم أولئك الجبهجية ـ الكيزان ـ والآن يفشلون في الحكم ولكنهم ناجحون في المعارضة كما قال أحد الكتاب.


#1167150 [مالك الحزين]
5.00/5 (1 صوت)

12-10-2014 04:59 PM
الاخت هويده ,, نحن عندنا أزمه أخلاق وضمير,, فقد شاهد بعينى أحد الضباط الصغار في أحدى المدن ,و يحضر له الاجانب في منزله ويدفعون له ,, وبحضرون بعد بضة أيا م ليستلموا الرقم الوطنى والجواز ,,مقارنة بدول الخليج التى تحرم البدون من الجنسيه رغم إن آبائم وأجدادهم ولدوا بتلك الدول ,, وإستحاله بل من رابع المستحيلات أن تعطى الجنسيه ,, لان المسؤولين لايتلاعبون في شىءيخصم اوطانهم


#1167081 [حرية]
5.00/5 (1 صوت)

12-10-2014 03:42 PM
السودان لم يصل مرحلة أن يكون دولة علي حسب التعريف الحقيقي للدولة.مجموعة عصابات همها أن تكون قابضة علي الحكم دون أن تفكر في تأسيس قواعد بناء الدولة.والمقال هذا
دق في الصميم ولكن من الذي يعيره الاهتمام.


#1167065 [البدرنجي]
4.88/5 (5 صوت)

12-10-2014 03:32 PM
انا عاوز اسال سؤال بسيط ناس كلتشى ووارغو العيبة الذين تم تجنيسهم وغادروا السودان هل تخلوا عن الجنسيه بتاعتنا ولا غدروا بيها؟؟؟؟ومن هنا نعرف انو جنسيتنا هاملة..واللة يلعن الكان السبب..


#1167062 [قاسم الامين عبود]
4.75/5 (3 صوت)

12-10-2014 03:28 PM
اخت هويدا جنسية تمنح الي لاعب كرة قدم ما معروف اصلو من فصلو ويحرم منها حفيد عبدالفضيل الماظ اى قانون هذا واي دوله هذه كما قال الاديب الراحل المقيم الطيب صالح من اين اتي هؤلاء


#1167053 [Asudani]
5.00/5 (1 صوت)

12-10-2014 03:20 PM
لو كونتى من بنات او نساء ( تابت ) او من ايى قرية استباحتهاقوات الجنجويد.فى السودان لكني اول من يطالب بأسقاط جنسيتك السودانية.


#1167015 [جهجهة]
3.00/5 (1 صوت)

12-10-2014 02:43 PM
الاخت كتابة المقال جانبت الصواب في كثير ما اورديته اولا اسم هيثم محمد الوسيلة هذا اسم سوداني مليون في المائة ورغم اني ما بعرفوا لكن واضح انو من الجزيرة واذا ما كنت بتعرفي التوزيع الديموغرافي لاهل السودان ارسلي لي اي اسم وانا اوريك اصل ولايته من الاسم فقط اما اذا كان الاسم فيه جرجس او العتباني كان نقول كلامك صاح ولك تحياتي


ردود على جهجهة
[المحقق كونن ..] 12-10-2014 04:16 PM
يا المتجهجه الملقوف و عامل فيها ابو العريف الكاتبة بالصورة الجابتها دي
عشان تؤكد تخلي السودانين عن الجنسية .. رووووق شوية


#1167007 [أحمد]
5.00/5 (2 صوت)

12-10-2014 02:40 PM
الموضوع ببساطة أن هناك عدد من الدول تشترط على المقدمين لنيل جنسيتها التخلي عن جنسية بلدهم الأم.


#1167002 [عبدو]
4.50/5 (2 صوت)

12-10-2014 02:37 PM
ليه نلوي اعناق الحقائق
المطالبين باسقاط الجنسية سودانيين اما وابا وانا بعرف اكثر من واحد
الناس ديل وصلت معاهم الحد
اتفق معاك الرقم كبير جدا والموضوع خطير .. بس مين يسمع


#1166999 [الحالم]
0.00/5 (0 صوت)

12-10-2014 02:33 PM
بنموت في هواك لو حتى ناكل ردا الهوية ليست ورقة ثبوتية ولكنها انتماء وجذور نهاجر من اوطاننا ولكنها تبقى في دواخلنا كم للفتى من منزل ولكن الفتى ابدا حنينه لاول منزل


#1166978 [حزين جداً]
5.00/5 (1 صوت)

12-10-2014 02:14 PM
لما البلد تفلس وتكون تعبانه الكل بيهرب منها وهذه رسالة واضحة للقائمين بأمر

الحكم في السودان.

وهذه هي النتيجه المؤسفه . كنا نتحدث عن لبنان بأنها القطر الوحيد الذي رفض

أن يكون السودان دولة عربية ...والتاريخ يسجل ... قال لي صديقي تعرف ليه ؟؟؟

لأننا مفلسين ومعدومين ... بسبب السرقات والنهب وعدم المحاسبه ... وماشاء الله

خيرنا وفير بس هنالك أناس ليست لهم وطنيه ويفضلون مصالحهم الشخصية على مصلحة

السودان وكل شعب السودان الغلبان ....

وطالما نحن لدينا موارد كثيرة ليه نحن نكون شعب غلبان وتعبان يبحث عن لقمة العيش

لسد رمق الجوع ...يبدو أن هنالك خلل يجب بتره وفوراً ...

تعرفوا لو أصبح عندنا وضع إقتصادي مريح وثروه واصبحنا منعمين ...كل الدول العربية

سوف تقول السودان الشقيق وبلد العروبة ... مع أننا أفارقه حتى النخاع ...

يا جماعة الخير ( اليس فينا رجل رشيد !!!؟؟؟) لكي نخرج من هذا الحال البائس

والمتردي جداً والذي لا يخفي على أحد .

ونحن نحمل المسئولية للسيد / عمر البشير وجميع وزراء المؤتمر الوطني ووزراء

المؤتمر الشعبي السابقين ... والترابي في رأس قائمة تدمير السودان

وشعب السودان .... يا عمر البشير أنقذ وطنك وشعبك ...يا عمر البشير الشعب

والسودان في الوضع الخطير جداً ....

أسأل الله أن تقوم بإصلاح شامل كامل وحتي نخرج من هذه المآزق والمشاكل كلنا

سودانيون ولو قطعوا رؤسنا سوف لن ..ولم نتخلي عن جنسيتنا السودانية

ونحن نفختر ونعتز أن نكون سودانيون ...نعم نحن سودانيون وبالرأس العالي ....

يارب تصلح الحال ...


#1166976 [atif]
5.00/5 (2 صوت)

12-10-2014 02:11 PM
اختي. هناك دول تطالب باسقاط الجنسيةالسودانية حتي تاخز جنسيتها.و ما قيمة جنسية في بلد منهوب محتل؟!


#1166971 [jas]
0.00/5 (0 صوت)

12-10-2014 02:06 PM
لما كان السودان جمهورية ديمقراطية الناس يهرولون لامتلاك الجنسية بل عندما اصبحت جمهورية جهوية كيزانية حمار بشيرية جعلوية شقاناية دنقلا اثنية وجب ذلك والنظر في النفس ارحم من النظر في وجهة الغير


#1166969 [الشعب المقهور]
5.00/5 (2 صوت)

12-10-2014 02:04 PM
صراحه اصبحنا نخجل من سودانيتنا بسبب الانحطاط الاخلاقى والاجتماعى والاقتصادى بسبب هؤلاء الاوغاد..


#1166965 [فيصل احمد عمر / الرياض السعوديه]
5.00/5 (3 صوت)

12-10-2014 02:00 PM
بلادى وان جارت على عزيزة واهلى وان ضنوا على كرام

انا سوداني أنا أنا ســوداني أنا
انا سوداني أنا أنا أنا ســوداني أنا
كل اجزائه لنا وطن اذ نباهي به ونفتتنُ
نتغنى بحسنه ابداً دونه ﻻ يروقنا حَسـَنُ
حيث كنا حدت بنا ذكرى ملؤها الشوق كلنا فداء
نتملى جماله لنرى هل لترفيه عيشه ثمنُ
غير هذي الدمـاء نبذلها كالفدائي حين يمتحنُ
بسـخاءٍ بجـُـرأةٍ بقوى ﻻ يني جهدها وﻻ تَهِنُ
تستهين الخطوب عن جلدٍ تلك تنهال وهي تتزنُ
انا سوداني أنا أنا ســوداني أنا
انا سوداني أنا أنا أنا ســوداني أنا
أيها الناس نحن من نفر عمروا اﻷرض حيثما قطنوا
يُذكَرُ المجـدُ كلما ذُكــروا وهو يعتـــزُ حين يَقْــتَرنُ
حكموا العــدل في الورى زمنا يا ترى هل يعود ذا
الزمن
ردد الدهرُ حســن سـيرتهم ما بها حصة وﻻ درنُ
نزحـوا ﻻ ليظلموا أحـدا ﻻ وﻻ ﻹضطهـاد من أمنوا
وكثيرون في صـدورهمُ تتنزى اﻷحقاد واﻹحـن
لوحـة العرب أصلها كـرم وإلى العـرب تنسب الفطنُ
أيقظ الدهـر بينهم فتناً ولكم أفنت الورى الفتنُ
انا سوداني أنا أنا ســوداني أنا
انا سوداني أنا أنا أنا ســوداني أنا
يا بـﻼديي يا بﻼدييي
يا بﻼدييي يابﻼدي
يا بﻼدا حوت مآثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدنُ
وتغنى هزارها فرحا كعشوقٍ حـدا به الشـجن
حفل الشيب والشباب معاً وبتقديسك القمين عنوا
نحن بالروح للســـودان فـداء فلتــدم أنت أيها الوطن


ردود على فيصل احمد عمر / الرياض السعوديه
Saudi Arabia [adamzaroog] 12-10-2014 05:05 PM
شكرا اخى فيصل
رغم اننى لا اقرأ الراكوبه كثيرا لكن اهو لقينا حاجه جميله نحتفظ بيها نشكرك على النشر

ونقول اللهم احفظ السودان من كل من يريد به كيدا

Saudi Arabia [محمد الفاتح] 12-10-2014 02:46 PM
جزاك الله خيرا والله أنا أول مرة أقرأ هذه القصيدة وهي درة من الدرر رحم الله العطبراوي وتجاوز الله عنه آمين


#1166963 [اسماعيل عبداللة]
4.50/5 (2 صوت)

12-10-2014 01:59 PM
يا هويدا الى الان لم نطالب باسقاط الجنسية فقط نطالب بتجديد الجواز الالكترونى العملتوة دا وما قادرين تجددوة فى دولة قطر يقول ليك ارجع تانى اعمل جواز القديم بااللة عليكم دا كلام اذا كان احاجة ما قادرين عليها او عملتوها فقط للتحصيل من المواطن المغلوب الم تفكروا مجرد تفكير بسيط ان كل حملة الجوازات فى الخارج ولم توفروا اجراءات التجديد بالخارج فقط مجرد تحصيل من المواطن هل ممكن نسمع رد ومن يتحمل رسوم جواز تانى قديم ومرة اخرى تانى يقولوا اكترونى ما تخلوا لعب الاطفال دا وادرسوا الحاجة قبل ما تعملوها او فقط يهمكم اى طريقة للجباية من المواطن


#1166941 [yassom]
5.00/5 (1 صوت)

12-10-2014 01:43 PM
الاخت الكاتبه,,,,
من الاسباب التي تجعل السودانيين يطلبون اسقاط الجنسيه السودانيه,واعتقد انه السبب المهم..هو رفض بعض الدول العربيه منح السودانيين اقامات للباحثين عن عمل, مثلا دوله الامارات, اوقفت الاقامات للسودانيين ولم يبقي الا اماره دبي وهي في الطريق لايقافها ايضا, وحتي المقيمين في تلك الامارات عند تجديد الاقامه بعد سنتين , يواجهون الرفض الامني من قبل السلطات..والسبب معروف وواضح للجميع, سياسات الكيزان العرجاء والمعاديه لدول الخليج.انا عن نفسي ابحث عن جواز سفر من جمهوريه جزر القمر ,عندي معارف هناك وطالبوني باسقاط الجنسيه السودانيه اولا...


#1166924 [mohammed alfarajabi]
5.00/5 (2 صوت)

12-10-2014 01:27 PM
لايمكن لسوداني التنازل عن هويته الوطنيه حتي اذا حكمنا الحجاج بن يوسف وحالنا اصبح اسوأ


#1166918 [aba]
5.00/5 (1 صوت)

12-10-2014 01:24 PM
قال اجانب ي مرة قومي لفي كل الشعب السوداني الاصيل والمزيف جعلته حكومة الانقاز اجانب وبتتعامل معه بهذه العقلية جاية اليوم بتبكي علي الاطلال


#1166906 [kabo]
0.00/5 (0 صوت)

12-10-2014 01:16 PM
لو لميت فيك بديك كف كل كــريم يرجــع للرف ولو نفسك بتقول ليك حاجات زى دى اشربى كلوروكس لانو نفسك وساخنة نضفيهــا واتعلمى ثقافة تقبل الاخـر بتنفعك فى حياتك كبشـــــر ومافى جنس بشر اعز من اخر الكل سواسية


ردود على kabo
Sudan [ود فارس] 12-10-2014 08:01 PM
اسا ده ملاح شنو عليك الله


#1166905 [kokab]
5.00/5 (2 صوت)

12-10-2014 01:15 PM
لا تمانعوا من اسقاط الجنسية السودانية للذين وجدوا فرص حياة افضل في دول اخري. فما اجبرهم علي هذا الا الضيق والمضايقه التي يعيشها السواد الاعظم من الشعب السوداني. دعوهم يذهبون فاول ما يفعله السوداني في المهجر هو ان يرسل مصاريف لاهله في السودان.


#1166881 [MUDATHER ALKAAKI]
0.00/5 (0 صوت)

12-10-2014 12:53 PM
وحات الله بت سرالختم دي كان لايشق لها غبار !! الظاهر اخدت ليها قرصة في اضانادي !!
وللأوطان في دم كل حر .. يد سلفت ودين مستحق !!
نحن فاقدين للهوية الوطن تماما اختي الكريمةوفي سبيل التردي الحاصل لقمة العيش هي اهم من الجنسية !! وربنا قال هاجروا اي فأمشوا في مناكبها .. إذن تسقط الجنسية بحق السماء ..
خليك زولة فالحة وماتخافي ي هويدا !!


#1166855 [salmon]
5.00/5 (3 صوت)

12-10-2014 12:06 PM
السودان وصل مرحلة معفنة جدا بفضل اساطير وعباقرة السياسة الموجودين والذين اثبت الواقع تمتعهم بغباء لا محدود والناس ادوهم اكبر من حجمهم الحقيقي شوية صعاليك ممشين البلد دي على كيفم، جنسية شنو عليك الله فضل فيها جنسية بعد المرمطة العالمية الحاصلة دي.


#1166828 [المنجلك]
5.00/5 (2 صوت)

12-10-2014 10:46 AM
يا أستاذة لماذا الاجانب فقط وتستنكري هذا الأمر علي السوداني الذي سقطت منه حقوق المواطنة فما فائدة الجنسية

يا عجبي!


ردود على المنجلك
Austria [احمد هارون] 12-10-2014 12:57 PM
مقال ركيك وكلام لتيق.جنسية سودانية قالت والله العظيم انا صرت ابغض شيء اسموا سوداني عالم زبالة


#1166800 [ﺳﻮﺩﺍﻧﻲ]
2.75/5 (3 صوت)

12-10-2014 08:08 AM
ﻣﺸﻜﻠﺔ ﻓﻌﻼ.. ﻟﻜﻦ ﺍﻟﺤﻜﺎﻳﺔ ﻫﻞ ﻫﺠﺮﺓ ﺍﻟﺴﻮﺩﺍﻧﻴﻴﻦ ﻭﻼ ﺳﻮﺩﻧﺔ ﺍﻟﻤﻬﺎﺟﺮﻳﻦ؟؟؟ ﺍﻟﺠﻔﻠﻮﺍ ﺧﻠﻴﻬﻢ ﻳﺎ ﺳﻴﺎﺩﺓ ﺍﻟﺼﺤﻔﻴﺔ ﺍﻗﺮﻋﻲ ﺍﻟﻮﺍﻗﻔﻴﻦ
ﻭﻼ ﺍﻗﻮﻝ ﻟﻴﻚ.. ﻣﺎﻋﻨﺪﻙ ﺍﻱ ﻣﻮﺿﻮﻉ


ردود على ﺳﻮﺩﺍﻧﻲ
Sudan [أبو مصطفى] 12-10-2014 07:11 PM
سميت نفسك سودانى كيف انت ، شكلك متجنس بالجنسية السودانية واشتريتا بقروش كتيرة علشان كدا ما داير زول يهبش الحتة دى ، بعدين الصحفية قامت بدورها بالتنبيه لهذه المشكلة وهى ما الجهة البتقرع الواقفين، عالم وهم


#1166789 [ملتوف يزيل الكيزان]
4.49/5 (7 صوت)

12-10-2014 07:18 AM
اذا كان الحاكم لا يعترف بالجنسية السودانية وهو في شوق ليتسمي بالجنسية الاسلامية التي لا تعترف بالاوطان، فكيف تطالبينه بصيانة الجنسية السودانية التي يعتبرها رجس من عمل الشيطان و بدعة تدخل المؤمن بها نار جهنم خالدا مخلدا فيها ابدا؟


#1166772 [sudaniiy]
5.00/5 (1 صوت)

12-10-2014 05:49 AM
خلاص انتو مليتو البلد اجانب على حساب المواطن
اقعدوا لمعو فى دبابيركم
و ضايقو الشعب السودانى الاصيل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.88/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة