الأخبار
أخبار السودان
سعاد الفاتح : السودانيون يشوهون السودان عن طريق الفضائيات..وزارة الاعلام عاجزة ،،أصبحت تزحنا وتزحنا لما عصرتنا في ركن ضيق.
سعاد الفاتح : السودانيون يشوهون السودان عن طريق الفضائيات..وزارة الاعلام عاجزة ،،أصبحت تزحنا وتزحنا لما عصرتنا في ركن ضيق.
سعاد الفاتح : السودانيون يشوهون السودان عن طريق الفضائيات..وزارة الاعلام عاجزة ،،أصبحت تزحنا وتزحنا لما عصرتنا في ركن ضيق.


«لو بيدي، يدوا ربع الميزانية للإعلام».. «لو ما قلنا الحق حندخل النار طوالي»
12-10-2014 04:15 PM
البرلمان: هبة عبيد
اتهمت القيادية بالمؤتمر الوطني، وعضو البرلمان سعاد الفاتح، قيادات سودانية ـ لم تسمها ـ بالإساءة للسودان وسبِّه بالقنوات الفضائية. وقالت: «السودانيون أنفسهم يشوهون السودان عن طريق الفضائيات»، وشنت هجوماً عنيفاً على وزارة الإعلام لعدم مقدرتها على صد الانتقادات ووصفتها بالعجز.وقالت: «مشكلتنا الإعلام الخارجي الذي تكاثر علينا». وزادت: «بنلعب في ميدان غير ميدانا» وأضافت: «أصبحت وزارة الإعلام تزحنا وتزحنا لما عصرتنا في ركن ضيق»، وطالبت سعاد خلال مداولات النواب حول أداء قطاع الحكم والإدارة إلى مراجعة سياسات الإعلام، وأردفت: «ليست مراجعة في الورق»، وشددت على تكوين لجنة برلمانية عالية لحلحلة مشكلات الإعلام. وأضافت: «لو بيدي، يدوا ربع الميزانية للإعلام»، وفيما حذرت من التهاون في قول كلمة الحق، قالت: «لو ما قلنا الحق حندخل النار طوالي»، ودعت سعاد وزارة الإعلام لصد الانتقادات من بعض السودانيين بالفضائيات. وقالت «ماسكين ميكرفونات وينتقدوا بلا كتاب منير»، في وقت دعت لضرورة اتخاذ قرارات واضحة بشأن أسر أفراد الشرطة والجيش، وقالت: «هم أمانة في أعناقنا ولا بد من الاهتمام بهم لتحقيق الأمن الداخلي والخارجي».

الانتباهة






تعليقات 11 | إهداء 0 | زيارات 2713

التعليقات
#1167392 [khalid osman]
5.00/5 (1 صوت)

12-10-2014 11:16 PM
قابلة روجها ماشة الجنة...سبحان الله سيدنا ابوبكر قال ياليتني كنت شعرة في صدر ابوبكر... ياصحابية...


#1167384 [Abood]
5.00/5 (1 صوت)

12-10-2014 10:59 PM
وأضافت: «أصبحت وزارة الإعلام تزحنا وتزحنا لما عصرتنا في ركن ضيق»، وطالبت سعاد خلال وأضافت: «لو بيدي، يدوا ربع الميزانية للإعلام»، ، قالت: «لو ما قلنا الحق حندخل النار طوالي» :::: اسه عليكم الله ده اسلوب زول برلمانى فى العالم كلو جلسة البرلمان دى بتكون نقاش فى قانون واجراءات وكلام كبار كده مامفهوم وبيودى ويجيب عندنا هنا الواحده بتورق فى الخدره شكلها وبتتكلم فى المايك داخل البرلمان ياخ والله نحن بلد وهم وشعب كرور طالما بيحكمونا جهله زى ديل


#1167374 [عبادي]
5.00/5 (1 صوت)

12-10-2014 10:32 PM
عصر شديد


#1167355 [الجـزيــــــــــرة ابا]
5.00/5 (3 صوت)

12-10-2014 10:01 PM
اللهم اعصرهم عصرا شديدا لمن يجيبو الزيت


#1167343 [الــســيــف الــبــتــار]
0.00/5 (0 صوت)

12-10-2014 09:39 PM
بعد الخرف كل حدث او فعل فى نظرك مرهف و ايجابى ومنذل لا ياتيه الباطل من بين لسانك او فراغ اسنانك ؟
انتو شوفتوا عصر دا عصر بالكلام بس و لما أجيكم العصر الجد بالعود و النبوت و الدبشك والسونكى و الحراسه ام متر فى متر لا قليب و لا تليب ؟
امانه ما الدنيا دى ضيقه و ما بتدى حريف ؟
ارجى الرىء يا مخرفه و خلى الهضربه و البرديه والزمى الجابره وحقك بجيك لى عندك ما كل مرة طالعه لينا بموال جديد .......


#1167267 [ثورة محمية بالسلاح - كاودا وبس]
5.00/5 (3 صوت)

12-10-2014 07:54 PM
الحيزبون الشمطاء المتصابية
أنتم من شوه السودان يا تجار اليدن من فوق لابسين ومن تحت .................


#1167246 [اقلام رصاص]
5.00/5 (1 صوت)

12-10-2014 07:34 PM
الجرسة في شنو؟؟؟لا يصلح العطار ما افسده الدهر


#1167114 [فكوووووووووها يا حسين خوجلي]
5.00/5 (2 صوت)

12-10-2014 05:18 PM
ايتها الغافلة تجلسون على السلطة ودمرتم الوطن وشردتم أهله وأصبح المواطن في عهدكم وربع فرن من الزمان يقتات من لحوم الابقار والماعز والحمير النافقة وأنتم ترفلون زهاء الخمسة والعشرين سنة في النعم بالكذب والنفاق فضاع المستقبل وضاعت الهوية السودانية نافقتم في الدين وكذبتم بالاسلام نسأل الله أن يخسف بكل من تسبب في تعاسة الشعب السوداني أن يخسف به الارض.


#1167111 [بكره الاسلاميين]
5.00/5 (2 صوت)

12-10-2014 05:15 PM
والله حيرتونا اكتر ناس شوهت سمعة السودان انت ي معشر الفساد


#1167096 [ود الشرق]
5.00/5 (2 صوت)

12-10-2014 05:00 PM
أصبحت وزارة الإعلام تزحنا وتزحنا لما عصرتنا في ركن ضيق»

عجبنا للمارقود الكبير أحمد بلابل

يلا يا حاجة سعاد أديه بحتة الحديدة الراجل دا ما نافعكم بتعريفة اتخارجوا منه


#1167087 [خربانه]
5.00/5 (2 صوت)

12-10-2014 04:51 PM
اووووووووووووو كاتو سئاد يتهدث عن النار اوووووو سلامتو خالتو سئاد من نار انت انت مايمشي نار انت يمشي مكان تاني فيه هراميه تمام



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة